M. DE VILLEROY A M. DE BOISSISE

Monsieur, Le Roy est party d'icy, le xxi® de ce mois, pour retourner à Paris. Nous avions receu, le jour de devant, vostre depesche du xxix'^ de décembre, et le xxii'' arriva en ceste viUe celle du vni®, et, comme je n'ay eu loisir ny moyen de recepvoir et escrire les commandementz de Sa Majesté sur l'une et sur l'autre, devant son partement, aussy n'aurez-vous pour ceste fois autre lettre que la présente, pour vous advertir que Sa Majesté n'a laissé d'entendre le contenu des vostres...

Les articles (du traité de Lyon) en furent signez, le xvii*^ de ce mois, après avoir longuement contesté sur la démolition de la forteresse de Saincte-Gatherine, qui fut faicte par le commandement du Roy, le vi'' du dit moys ; car, Monsieur le légat ne pouvoit digérer les raisons qui avoyent meu Sa Majesté de la faire exécuter, parce que ceux de Genefve et de Berne, qu'il n'ayme pas, y proffitoyent plus que les autres; mais, la chose estant faicte enfin, le dit sieur légat s'est accommodé à ce qu'il ne pouvoit plus empescher qu'il ne fust faict. Nous avons besoigné par eschange, en quoy nous estimons que les partyes ont de part et d 'autre rencontré et pris ce qui leur estoit plus commode et utiUe. Nous avons maintenant pour borne la rivière du Rhosne avec Monsieur de Savoye, et pourrons aller sur noz terres, sans passer sur celles d'autruy, à Genefve et partant en Suisse et ARemaigne, de quoy nous espérons tirer plusieurs advantages j)()ur nous et pour noz amis. Le passage sur le Rhosne et le chemin que nous avons délaissé au dit duc par le Baugey pour aller de Savoye au comté de Bourgongne, n'est qu'ung passage d'honneur; car, il est si estroict et incommode et si foible, que le Roy en disposera tousjours comme il luy plaira. Ainsy nous

estimons avoir amendé nostre condition et nous croyons que le dit duc a la mesme opinion de son partage, pour nous avoir deslogez de delà les monts et s'estre tiré du pied l'espine.du marquisat de Saluées, qui Teust tenu, estant à Thurin, en perpétuelle allarme et subjection. Les Espaignolz n'estiment pas d'y avoir moins gaigné que les autres : quoy estant, Monsieur le légat aura-il pas fait ung bon œuvre de nous avoir contantez tous. Je vous asseure qu'il ne l'a pas moins esté que tous les autres ensemble, d'avoir achevé ce chef d'œuvre et de s'estre desveloppé de l'embarassement de ceste légation, pour pouvoir retourner en son empire. Il partit d'icy le xxiii" de ce mois et a pris son chemin par la ville d'Avignon. Le Roy a laissé en celle-cy Monsieur le connestable et Messieurs deSillery et Janin et moy, pour tenir main à réexécution de nostre accord, auquel nous commancerons à besoigner, si tost que nous aurons receu la ratiflcation de Monsieur de Savoye, que nous n'attendons plus tost que mardy ou mercredy, parce qu'il est allé trouver le comte de Fuentes auprès de Pavye, pour conférer avec luy de la dite paix. Nous debvons commancer par la reddition de la citadelle de Bourg, pour estre nantis les premiers, et deslivrer ceux qui la gardent de la misera où ilz sont, faulte de vivres. Messieurs les comtes de Maugiron et deCheverny entrent en ostage, pour la seureté delà foy de Sa Majesté, et espérons avoir accomply toutes choses dedans le mois de febvrier...

Le Roy désire que vous faciez entendre à la Royne la conclusion de la dite paix, par laquelle celle de Yervins a esté confirmée, luy représentant les advantages que Sa Majesté espère d'en tirer, tant pour son Estât que pour ses alliez, au nombre desquelz elle tiendra tousjours le premier lieu...

A Lyon, ce xxvm^jour de janvier 1601.