Cotte lettre était autof^'raplu

2. Lettre do M. do Villeroy à M. de Boissise, du 13 août. — Bihl. nnt., Ms. fr. 4128, fol. 88.

Copie 1. — Bibl. nat., Ms. Ir. 4128, fol. 90. A MONSIEUU DE BOISSISE

Monsieur de Boissize, Depuis ma dernière par du Boys, courrier, par laquelle je vous donnois advis comme une caravelle d'Espaigne estoyt arrivée à Brest, où celuy qui y commandoit avoit demandé sy, au cas que l'armée de mer d'Espaigne avoit besoing de rafTraischissemens et de mouiller l'anchre, si comme estans mes alliez l'on ne leur permettroit pas, affm que, suyvant celle que vous escriroit Monsieur de Yilleroy sur ce subject-là, vous eussiez à vous conduire envers la Royne, ma bonne sœur, en le luy faisant entendre de ma part, j'ay receu lettres du sieur commandeur de Chattes, qui commande à Dieppe pour mon service, par laquelle il me donne advis comme une autre caravelle y est arrivée, laquelle a passé au Havre, ayant fait la mesme requeste aus dits lieux, ce qui me faict croire, veu les autres propos que celuy qui y commandoit luy a tenus, comme s'il n'avoit pas nouvelle que l'armée d'Espaigne qui estoit à Bomel en estoit partye et arrivée à Dunquerque et Gravelines, que tout cela n'est que pour faire peur et tascher de donner quelque umbrage à la Royne, affin que Gumans, qui est arrivé il y a quelques jours en Flandres et s'en retourne en Angleterre, pour parachever sa negotiation, le puisse faire plus facillement et les conditions de son maistre plus advantageuses. Car, comme vous sçavez, tous ces gens-là se servent de mines, pour couvrir leur jeu, dequoy je vous ay bien voulu advertir, affin que, suyvant cela, vous ayez à faire valloir à la Royne mon amityé. Aussy, la perte que les Espagnol ont faitte de la grande isle des Canaries et le thresor que les Hollandois ont rapporté de l'Orient feront que le roy d'Es-