L'orifrinal était de la main du Roi

22 PIÈCKS JUî^TIFICATIVKS.

Copie. — I3il)l. nat., Ms. fr. 4128, fol. 20.

A MONSIEUR DE ROISSISE

Monsieur do Boissize, J'ay receu, lo xxiifi" jour de ce mois, vostre lettre du xii'' et, le xxvii", celle du xvii^. Puisque la royne d'Angleterre, ma bonne seur, continue àavoir opinion que le transport, que le feu roy d'Espaigne a faict des Païs-Bas à l'archiduc Albert et à l'Infante, sa fdle aisnce, ni leur mariage no s'effectueront point, il faut attendre que le temps l'en esclaircisse davantage, et trouve bon que vous ne luy parliez plus du traitté de paix avec les Espagnolz, jusques à ce que nous voyions si le dit mariage se fera ou non, encores que, pour mon regard, je n'en doubte aucunement, puis mesmesquele Pape en a faict les espousailles do sa main, le duc de Sesse représentant la personne de l'Infante, au mesme temps que Sa Saincteté a faict celles du roy d'Espagne, le dit Archiduc représentant la personne du dit Roy; mais, je croy, comme vous, que, si le dit Archiduc et la dite Infante s'establissent aux Pays-Bas, la dite dame fera ce qu'elle pourra pour s'accorder avec eux sans moy, àquoy il vous faut prendre garde. Cependant, vous la pouvez asseurer que, si j'apprens quelque certitude de l'armement, que l'on dit que le dit roy d'Espaigne prépare contre elle, je l'en advertiray par vous, envoyant présentement ung homme en Espagne exprès pour m'en donner adviz, ainsy que vous luy direz : mais, elle faict très sagement d'armer de son costé, aftin de n'estre surprise, combien que j'estime que le bruict de la dite armée des Espagnolz sera plus grand que l'effect, et me semble que le comte d'Essex ne doibt pour iceluy rompre son voyage d'Irlande, auquel il sera très utille et partant acquerra grand honneur et crédit. Edmont nous a dit aussy que le dit comte a résolu faire le dit voyage, ayant esté satisfaict par la Royne de tout ce qu'il a demandé pour

iceluy, et, si la dite armée espag:nolle va avant, il en sera tousjonrs adverty à temps, pour retourner auprès de la dite Royne et la servir contre icelle, dont l'expérience qu'il acquerra en Irlande le rendra tousjours plus capable. Mais je ne puis deffendre à mes subjectz de trafficquer aux pays du dit roy d'Espaigne, ny d'y transporter des graines, ou empescher que ceux du Roy n'en viennent prendre et enlever en mon royaume, sans contrevenir ouvertement au dernier traitté de paix que j'ay faict avec luy et faire autant de tort à mes dits subjectz, à cause de l'abondance des grains qu'ils ont et la pénurie d'argent en laquelle ilz se trouvent, de laquelle ilz ne peuvent sortir que par le moyen d'ung commerce et la vente de leurs dits grains. C'est pourquoy, je ne désire pas que la dite Royne, ma sœur, me prie d'empescher l'ung et l'autre et moins encore qu'elle permette à ses subjectz de ce faire, sous prétexte de la crainte qu'elle monstre avoir de la dite armée espagnolle. Pour ceste cause, continuez à poursuyvre le reiglement pour la seureté de la navigation, que vous avez proposé par mon commandement, affin d'en tirer quelque resolution, leur faisant entendre que, s'ilz entreprennent d'empescher ou controller mes dits subjectz, en la jouissance du dit commerce d'Espagne, par voye de faict, ilz violleront nostre amityé, contre mon espérance, et ne l'endureray pas; mais, ne faictes difficulté d'accorder l'establissement des juges, pourvuidersouverainement les procez des piratteries qui se feront cy-après; car, j'en feray bien passer la commission aux parlemens, y employant, comme j'ay délibéré faire, les premiers présidents avec trois des principaux conseillers d'iceux ; mais, je crains bien que l'admirai de delà tire en longueur ceste resolution, pour son particulier interest, encores que l'on y employé son lieutenant, ayant remarqué, par vnslKî dernière lettre, comme il reculle à respondre aux articles du dit reiglement de la dite navigation, que vous luy avez baillez, et la difliculté qu'il vous a proposée des maires, eschevins et magistratz des villes, pour la seureté de ladite navigation. Néantmoins, je n*ay pas laissé d'escripre et commander partout que l'on traitte favorablement les Anglois, suyvant voz précédentes; mais, souvenez-vous encores ung coup de ne vous arrester aux parolles que vous donnera le dit admirai et pressez ceux du Con-

seil do remédier aux remises et deffaictes d'iceluy. Je loue roffice que vous avez faict envers la dicte Royne en faveur des sieurs des Eslatz du Pays-Bas, mais je suis marry que la nécessité, en laquelle la dite Royne se dit ostre, la contraigne de les traitter comme elle faict. Il est vray que, comme j'espère, l'armée espagnolle commandée par l'admirai d'Arragon a faict et jette maintenant ses plus grands offortz, il sera facile aussy aux dits Estalz de se maintenir contre icellc, comme ilz ont très bien commencé, m'ayant esté escript de Flandres que leur armée est fort diminuée et qu'elle sera bientost desbandée du tout, si elle n'est autrement secourue d'argent qu'elle n'a esté, depuis le partement du dit Archiduc. Je suis marry de quoy le nom du roy d'Escosse se trouve meslé en la conspiration de Stanlay : continuez à m'advertir de ce que vous en apprendrez. Le dit roy d'Escosse a envoyé devers moy ung maislre des Requestes, pour, avecques l'evesque de Glasco, son ambassadeur, demander le renouvellement et la confirmation des anciens traittez d'alliance faictz par les roys, mes prédécesseurs, avec ceux d'Escosse, dont je n'ay pas délibéré l'esconduire, estant chose que je doibs à l'ancienne amityé qui a tousjours esté entre ces deux couronnes et au soing que je^doibs avoir du bien de mes subjectz, ainsy que vous direz à la dite Royne, ma bonne sœur et cousine, si elle vous parle de la venue du dit maistre des Requestes et vous mette en propoz de sa commission : autrement, vous ne luy en parlerez point; mais, mettez peine de descouvrir son opinion sur le renouvellement dos dits traittez, soit par le moyen du dit comte d'Essex, ou par autre, affin de m'en advertir, comme vous continuerez de faire de toutes autres occurrences; et je vous asseureray, pour fin de la présente, de la continuation de ma bonne santé, priant Dieu, Monsieur de Boissize, qu'il vous ayt en sa saincte garde. Escript à Paris, le xxix'^ jour de décembre 1598.

HENRY

DE NEUFVILLE

Copie. — Bibl. nat., Ms. IV. 4128, fol. 23.

A MONSIEUR DE BOISSISE

Monsieur de Boissize, J'ai ouy dire que la royne d'Angleterre, ma bonne sœur et cousine, s'est trouvée mal, dont je suis en peine, et mesmes de n'en avoir esté adverty par vous; car, vous savez que sa santé m'est aussy chère que la mienne propre. Esclaircissez m'en doncques au plus tost et faictes que je ne demeure plus si longtempz à recepvoir de voz lettres, que j'ay fait depuis celles du xvu® du mois passé, qui sont les dernières que nous avons de vous, ausquelles je feis response, le xxix'', par le messager Gavelier. Je vous avoys escript auparavant, vous addressant une lettre de ma main pour ma dite sœur, dont j'attens response, comme je faicts celle qu'ilz vous auront donnée aux deux pointz, que vous leur avez proposez contre les pyratteries, desquelz je reçoy tous les jours quelque nouvelle plaincte. Pareillement, je désire sçavoir quelle resolution ilz auront prise avec vous sur le commerce d'Espaigne, aflin que je prenne la mienne et sorte de l'incertitude, en laquelle les procédures des officiers de ma dite sœur m'ont tenu jusques à présent. J'en ay faict parler par deçà à Edmont, qui m'asseure tousjours qu'il y sera pourvou à mon contentement; de quoy je croiray ce que vous me manderez. Il avoit esté proposé en mon conseil de deffendre l'apport et l'entrée des manufactures des draps de soye et do laines et autres cstoffes estrangeres, tant pour les remectre en iceluyet, ence faisant, occuper et donner à vivre à une multitude très grande de pauvre peuple, qui est oysif, que pour empescher le transport de l'or et de l'argent, que les estrangers tirent de nous en trrs grande quantité, qui appauvrit grandement mon Estât. Le dit Edmont, en ayant eu lèvent, a présenté la requeste, dont je vous envoyé la coppie, laquelle il a accompaigné de

2»; PIÈCES JUSTIKICATIVKS.

])lusieurs autres raisons importantes au bich dos afFaircs do ma dite sœur et à son rontentomont, jusquos à protester d'infraction des traittez que j'ay faitz avec elle, si je passoys outre aus dites defîenses, qui a esté cause que j'ay commandé à ceux de. mon conseil de revoir les dits traittez, pour m'esclaircir de ce dernier poinct. Or, je vous envoyé ung extraict des articles des dits traittez, qui font mention du commerce de nos subjectz, où vous verrez (jue je ne suis obligé par iceulx à souffrir l'apport en mon royaume des dits drapz manufacturez h mon dommage, encores que, par l'ung d'eux, il ayt esté accordé que les Anglois auront en France ung magazin et estappe, bansse ou fondic de draps et laynes d'Angleterre, ou autres marcbandises, qui ontaccoustumé d'estre apportées de là en estappe, comme ilz avoyent en Anvers, Berges et Bruges, au lieu dont il sera convenu; car, nous ne voyons point que depuis on soit tumbé d'accord du dit lieu, qu'il ayt esté faict aulcun reiglement pour ce regard, ny que la dite estappe ayt esté dressée, de sorte que, les dits traittez n'ayans esté exécutez en cela, l'on ne peut dire que je les violle, si jefai^ de présent les dites deffenses; et, quand on m'y vouldroit adstraindre sur ce fondement, il seroit raisonnable aussy que la dite Royne et ses officiers accomplissent de leur part les dits traittez, lesquelz ilz n'observent aulcunement, comme j'ay faict dire au dit Edmont, lequel avoit si bien accoustumé de me faire passer par tout ce qu'il me souloit dire estre de la volonté et du service de sa maistresse, durant mes nécessitez, qu'il en conserveroit encores bien vollontiers la possession, si je le vouloys laisser faire; mais il n'est pas raisonnable. Je doibs avoir autre soing de mes pauvres subjectz, lesquelz ont esté jusques à présent la proye de toutes les autres nations, et comme vous savez qu'il n'y a rien qui entretienne mieux l'amityé que quand cbascun a son compte, il fault que la Royne et ses officiers observent de leur part les dits traittez, s'ilz m'y veulent adstraindre, comme j'ay faict dire au dit Edmont, affin qu'il en advertisse sa maistresse. Cependant, voulant tesmoigner à ma dite sœur ma gratitude et le pouvoir qu'a sur moy le bien de ses affaires et son contentement, j'ay délibéré de surseoir les dites deffenses de l'entrée des dits drapz etestoffes de layne quelque tempz, dans lequel nous pourrons convenir et

résoudre ensemble ce que nous aurons à faire, pour asseurer et favoriser le commerce qui doibt cstre entre noz subjectz, sur le faict du dit commerce, à nostre commune utillité, estant certain que nostre amityé, que je désire affermir plus que jamais, en pâtira à la fin, si nous ne y pourvoyons par effectz dignes d'icelle, comme vous luy remonstrerez. Vous prendrez aussy advis des marchans françois, qui trafficquent par delà, de ce qu'il conviendra faire en ce faict et de quelle façon ilz y sont traittez, vous envoyant ung mémoire de certains tortz et griefs, que j'ay appris avoir esté représentez autresfois aux rois, mes prédécesseurs, lesquelz j'ay entendu estre depuis tellement accreus, qu'ilz sont insupportables. Enfin, il faut que cette occasion nous serve à donner tel ordre et reiglement à toutes choses, que nous et noz subjectz jouissions des fruictz de nostre dite amityé, autrement qu'ilz n'ont faict depuis dix ans; chose dont elle a encores plus grand besoing que moy, puisque le traffic est interdit à ses subjectz quasi en tous autres lieux; joinct qu'il semble que le roy d'Espagne se prépare plustost à luy continuer la guerre qu'à s'accorder avec elle; et vous diray, à ce propoz, que La Boderye m'a escript, par ses lettres du ii° de ce mois, que les Espagnolz avoienteu advis que le dit Roy vouloit revocquer la donation des Pays-Bas et loger sa sœur en Portugal, qui seroit bien ung grand signe de sa volonté à la guerre, à quoy il semble que les prosperitez des rebelles d'Irlande le convient; mais j'estime qu'il n'y a rien qui le puisse tant destourner, que s'il voit que ma dite sœur et moy soyons bien uniz et que noz subjectz vivent et se comportent ensemble, comme bons voisins et amiz doibvent faire. Traittez donc ce faict avec elle, affm qu'elle reçoive mon intention, selon son poids et mérite, et m'advertissez de sa response; priant Dieu, Monsieur de Boissize, qu'il vous ayt en sa saincte garde. Escript à Paris, le xii'jour de janvier 1599.

HENRY

DE NEUFVILLK.

i4 JANVIER 1599

Orig. — Public Record Office : State papers, France, buncUe 122.

Très haulte, très oxcollontc et très puissante princesse, nostre très chère et très amée bonne seur et cousine, L'on nous a faict plainte qu'un marchand de noz subjectz, nommé La Porte, allant voicturé du bled en notre ville de Bordeaux, auroit esté, par la force delà tempeste, porté en la coste de Portugal, oii, ayant esté rencontré par le cappitaine Arce, l'un de voz subjectz, il auroit prins le navire du dit marchant et l'auroict jecté, avec ses mariniers, dedans la mer et emmené le dit navire en la ville de Pleymouth, où il auroit faict descharger le bled et d'icelluy faict son proffict, comme s'il l'eust prins sur des ennemys : de quoy nous envoyons présentement au sieur de Boissize, conseillier en notre conseil d'Estat et notre ambassadeur résident près de vous, l'enqueste et information qui en a esté faicte, affm qu'il ayt plus de subject de vous en demander la justice et réparation, laquelle nous vous prions affectueusement commander luy estre faicte et ne souffrir qu'un acte si inhumain demeure impuny, au mespris de la liberté du commerce et des traictez d'amitié qui sont entre nous, noz royaumes, pais et subjectz, ainsi que le dit sieur de Boissize vous fera plus amplement entendre : sur lequel nous remectans, nous prierons Dieu, Très haulte, très excellente et très puissante princesse, notre très chère et très amée bonne seur et cousine, qu'il vous ayt en sa très sainte et digne garde.

Escript à Paris, le xiiu*' jour de janvier 1599.

Votre bon frère et cousyn, HENRY.

Copie. — Bibl. nat., Ms. fr. 4128, fol. 26 v".

A MONSIEUR DE BOISSISE

Monsieur de Boissize, Voz dernières sont du xviiHlc décembre, ausquelles je feis response le xxix^ du dit mois, par le messager Cavellier; depuis, je vous ay escript, le xii^ du présent, par Le Clerc, et suis fort estonné de n'avoir eu lettres de vous : j'en accuse les ventz, mais je ne laisse pas d'en estre en peine. Le sieur de la Boderye m'a adverty, par sa dernière du xv° de ce mois, que ce marchant d'Anvers, que je vous ay ci-devant escript debvoit passer en Angleterre, pour parler de la paix à la Royne, de la part du cardinal d'Austriche, s'y est acheminé, ainsy que le président Richardot mesmes luy a dit, et qu'ilz l'ont chargé d'une lettre de créance addressante à la dite Royne, pour la convier à traitter : partant, vous mettrez peine de sçavoir ce qui en succédera, affin de m'en advertir. Parlez-en au comte d'Essex et m'en mandez son advis. Faittes aussy cognoistre à la dite Royne, que le dit Richardot a voulu que je sceusse ceste recerche et que je m'attends qu'elle vouldra que je soys informé de la response qu'elle y fera, continuant à luy faire offre de mon intervention, si elle estime qu'elle luy soit utille; mais, je voy bien que le dit Cardinal et ceux qui manient les affaires du dit Archiduc au Pays-Bas sont entrez en deffiance de moy pour ceste négociation, estimans qu'ilz en auroyent meilleur compte sans moy que avec mon ayde, et me doubte que la dite Royne s'accordera vollonticrs en cela avec eux. Nous avons adviz de tous costez que le roy d'Espagne arme et que c'est contre l'Angleterre : les Espaignolz mesmes le publient tant qu'ilz peuvent, ce qui me faict croire que c'est plus pour estonner la royne d'Angleterre et, en ce faisant, l'attirer plus tost î\ la paix, (jue pour desseing et pouvoir qu'ilz ayent, ayant apposté et depesché

30 PIÈCKS JUSTIFICATIVES.

devers elle le dit marchant, ainsy que luy pourrez dire, la trouvant à commodité; mais, faittes le comme de vous-mesmes, allin qu'elle no pense pas que ce soyt un^^ office affectô, pour se divertir de la dito paix, de laquelle il ne faut point doubler que le dit Archiduc n'ayt très grand on\'u\ d'autant qu'il a moins d'espérance d'avoir la raison des Kslatz du Pays-Bas par la force et par l'interdiction du commerce qu'il n'avoit, il y a six mois, parce que son armée affoiblist tous les jours, avec peu d'espérance de pouvoir la renforcer et maintenir, et que les rigueurs dont ilz ont usé envers les dits Estatz les ont plus irritez et animez contre eux que estonnez. C'est pourquoy maintenant ilz recourent au traitté de la dite royne d'Angleterre, estimans, la gaignant et séparant des dits Estatz, parvenir par ce moyen à leur but; mais je croy quilz se tromperont en cela, comme ilz ont faictau reste ; car, je n'estime pas que la dite Royne s'accorde avec eux, qu'elle ne voye l'Infante maior et le dit Archiduc bien establiz dans le dit pays et hors des mains des Espaignolz; et si je ne croy pas qu'elle leur rende Flessingue, ny les autres places qu'elle tient des dits Estatz, sans quoy il n'y a pas apparence qu'ilz traittent avec elle : toutesfois, vous m'advertirez de ce que vous apprendrez. Yous avez esté adverty que le roy d'Escosse me recerche de renouveller l'antienne alliance, qui est entre noz couronnes depuis Gharlemaigne jusques à présent, dont je ne le puis honnéstement esconduire; mais, au lieu de la bastir sur l'inimityé des Anglois, comme ont esté les précédentes, nous la fonderons sur la conservation de nostre commune amityé et consyderation avec la dite Royne, dont vous l'advertirez, affin qu'elle n'en conçoive autre opinion, me donnant adviz, le plus tost que vous pourrez, de sa response. Voyez aussy le dit comte d'Essexsur ce subject : il semble qu'il favorise le dit roy d'Escosse; toutesfoiz aucuns ont opinion que ses desseings tendent ailleurs, de quoy je seray très ayse d'estre esclaircy, et croyez que vous me ferez service très aggreable et utile d'y pouvoir pénétrer, et si pour ce vous jugez qu'il soit bon de donner asseurance plus grande au dit comte de ma protection et de mon assistance, je vous prometz de le faire; car je l'ayme et affectionne tant son bien, que je le favoriseray tousjours de tout mon pouvoir. Usez de ce comman-

dément à l'acivantage de mon service et me donnez adviz de ce qui en réussira; priant Dieu, Monsieur de Boissizc, qu'il vous ayt en sa saincte garde. Escript à Paris, le xxiiii" jour de janvier 1599.

HENRY

DK NEUFVILLK.

Copie. — Bibl. mat., Ms. tV. 4128, fol. 28. A 3I0NSIEUK DE BOIS SI SE

Monsieur de Boissize, Sur l'adviz, que Ton m'a donné, qu'en Angleterre l'on a arrestc ung navire d'OUonne, nommé le Catkolicqae, appartenant à aucuns de mes serviteurs, ausquelz il a esté pris en la mer par des pyrates sur Jehan Mau^ars, mesmement puis la paix faicte, et désirant, autant qu'il me sera possible, y apporter quelque secours, je vous fay ce mot, pour vous dire que me ferez service très aggreable d'assister de tout vostre pouvoir le dit Maugars, qui va exprès par delà, pour la poursuytte et recouvrement du dit navire, à ce qu'il luy soyt remis entre les mains; car c'est chose que j'affectionne, principallement puisqu'il y va de la conservation de mon alliance avec la Hoyne, ma bonne sœur, et du bien de mes subjectz. Sur ce. Dieu vous ayt, Monsieur de Boissize, en sa garde. Ce xxvii*' janvier, à Paris.

HENRY

Il FÉVIUKK 1599 Copie. - Bibl. nat., Ms. fr. 4128, fol. 32.

A MONSIEUR DE BOISSISE

Monsi(Mir do Boissize, Ma dernière a esté du xxiiii'' du mois passé, qui vous a esté envoyée par Galaiz. Depuis, j'ay rcceu les vostres du vi% xvin'', xxv"° et dernier du dit mois, par les mains de ceux qui les ont apportées. Je commenceray à y respondre parla dernière, parce que c'est celle qui me touche le plus au cœur, pour les propoz trop indiscretz et audacieux que j'ay appriz par icelle vous avoir esté tenus, sans fondement et contre vérité, par le secrétaire Gecil; et fault que je vous die, que je n'eusse pas pensé qu'il se fust tant oublié que d'en passer si avant qu'il a faict, pour s'estre tousjours monstre plein de respect et d'afîection en mon endroict et pouvoir aussy mieux respondre et tesmoigner que nul autre, comme de faict j'ay sceu qu'il a faict, à son retour de France, de quelle foy et sincérité je me suis conduit envers la Roync, sa maistresse, sur le traitté de paix que j'ay faict avec le roy d'Espagne. Vous avez très bien faict de n'endurer ceste indignité et injure, et d'y avoir respondu si vertueusement que vous avez faict, et mesmes de vous en estre plaint à ladite dame, ainsy que vous avez faict, laquelle en eust usé plus sagement qu'elle n'a faict, si, au lieu de vous respondre des injures ou reproches, comme elle a faict, elle eust faict chastier ou du moins mis peine d'excuser son secrétaire; mais, elle est femme et, comme telle, il en faut supporter, ainsy que j'ay faict souvent, autant pour son bien que pour le mien; mais, je ne veux pas endurer de ses ministres et officiers comme d'elle : c'est pourquoy je vous repeteray, que vous m'avez faict plaisir et service très aggreable, de vous y estre gouverné comme vous avez faict. Le dit Gecil m'a faict représenter ce qui s'est passé tout autrement que vous n'avez faict : c'est qu'il a honte

d'advouer sa faute et voudroit pouvoir s'en descharger çur vous ; mais, j'ay trop de fiance en vous et vostre prudence et modestie, pour m'y arrester. Partant, ayez vostre esprit en repoz pour ce regard et croyez que je suis très content de vous et de voz actions; mais, d'autant que je recongnoy bien que la dite Royne n'est pas en volonté de me faire autre raison de l'indiscrétion du dit Gecil, le plus expédient sera d'assoupir ce faict et que vous n'en parliez plus par delà à la dite Royne, ny à autre. Quand Edmond, qui a charge de m'en parler, lefera, jeluyendiray mon adviz, selon mon ressentiment, qui n'est pas petit, dont vous serez adverty. Si leur coUere procède de la prospérité de mes affaires, comme il n'y a que trop d'apparence de le croire, je doibs estre moins marry; en vérité, ceste considération me retiendra aucunement; mais, s'ilz continuent à voiler mes subjectz et à leur desnier justice, je ne l'endureray pas, et non seulement je deffendray l'entrée en mon royaume des drapz de laine, comme j'ay faict ceux de soye, n'ayant sursis l'autre que pour le respect de la dite dame, mais aussy je rompray toute sorte de commerce avec elle et ses subjectz, affin que les miens se gardent deux comme d'ennemiz et qu'ilz n'ayent occasion de se plaindre, comme ilz ont, que je connive à leur ruine, en dissimulant et endurant, comme je fais, les pyratteries et injustices que l'on leur faict journellement. Toutesfoiz, je veux esviter encores ceste rupture, si je le puis faire, pour les inconveniens que je prevoys qui en adviendroyent, non tant à mes dits subjectz qu'au préjudice des affaires publicques et mesmes à ma réputation. Car, comme chascun a veu que la royne d'Angleterre m'a assisté en mes nécessitez, bien que je n'aye trop de suject de croire qu'elle l'a faict plus pour sa considération que pour la mienne, neantmoins il seroit mal sceant et mal receu et interpretté, si, me trouvant hors d'affaires comme je suis, grâces à Dieu, j'usois de telle rigueur envers elle et ne condonois quelque chose au desplaisir qu'elle a de la paix, que j'ay faicte sans elle, sur les menaces qu'on luy faict des armes des Espagnolz et la peine en laquelle elle se trouve du costé d'Irlande. C'est pourquoy, il faut que nous continuions plustost à recercher les moyens d'adoucir les choses, en pourvoyant le mieux que l'on pourra ù leurs pirat-

34 l'lÈCI::S JUSTIFICATIVES.

leries, ainsy que vous avez sagement commencé, qu'à se vanger du passe et désespérer de l'advenir. Vous v(;rrez ma volonté à part sur les articles du reiglement de la mer, que vous leur avez proposez, et la response qu'ilz vous y ont faicte : partant, je ne vous en feray reditte par la présente; mais, vous sçaurez, pour leur dire par delà, que je ne voy pas que l'armée de mer, que l'on disoit que debvoit faire le roy d'Espagne, soit si advancée que l'on nous a faict entendre, ny que la dite Royne la doive craindre, du moins ceste année; car, on me mande de nouveau qu'elle doibt servir plustost à deffendre les costes d'Espagne et de Portugal et à asseurer leurs flottes contre les Anglois et Hollandois, que à entreprendre contre eux, et je le croy ainsy; car, ce jeune Roy est volontaire et conduit ses affaires avec plus de chaleur que de constance : davantage, l'argent luy manque et ne le mesnage et employé pas si bien que faisoit son père. Il partit de Madrid, lexxi*" du mois passé, accompaigné de sa sœur, pour s'acheminer à Valence, où doibvent arriver sa femme et l'Archiduc, du partement desquelz de Milan pour aller à Gènes je n'ay eu toutesfoiz encor certitude. Et faut que la dite Royne croye que j'affectionne tant sa conservation que, quand je cognoistray que le transport des grains en Espaigne luy apportera préjudice si avant, que ce soit cause de dresser une armée puissante pour l'assaillir, je y donneray tel ordre, qu'elle aura occasion de s'en louer; de quoy je désire qu'elle se repose sur moy, comme vous luy avez desja dit et veux que vous luy répétiez, l'asseurant qu'elle tirera de moy, par telle démonstration de confiance, plus d'effectz de mon amitié que par toute autre voye. J'ay délibéré de renouveller, ung de ces jours, les deffenses de transporter hors de mon royaume les munitions de guerre, affm qu'il n'en soit abusé; mais, je les feray generalles, aultant pour les ungs que pour les autres, pour la conséquence, et chastieray sévèrement ceulx qui y contreviendront ; mais, il n'est pas raisonnable que les subjectz de la dite Royne, rencontrans en mer les miens, entreprennent de les aborder et fouiller, sous prétexte des dites deffenses, à cause des inconveniens qui en arriveront, comme vous leur avez bien remonstré, à la charge que s'ilz descouvrent que aulcuns d'eux contreviennent aus dites deffenses, que j'en feray

une punition si rigoureuse, qu'eRe servira d'exemple à tous autres. Tant y a que vous avez faict ce que vous debviez, de leur avoir refusé le consentement que du commencement ilz vous demandoyent, pour arrester mes ditz subjectz portans des bledz en Espagne. Et quand à la grande confiance, que la dite Royne vous a dit, que le roy d'Espaigne a en l'amityé qu'il a contractée avec moy, je ne sçay de qui elle en tient l'adviz; mais, il est certain qu'il n'a encores ratiffié la dite paix, ny déclaré son intention sur icelle, combien que je ne doubte point qu'il ne satisface à l'ung et à l'autre dans peu de temps: mais, j'estime qu'il est si empesché à recueillir sa nouvelle succession et recepvoir sa femme, qu'il n'a pensé à autre chose, depuis la mort de son père. Mais si, après avoir sceu sa volonté, je reconnois qu'il soyt bon que je face quelque office envers luy, qui puisse servir à le destourner d'entreprendre contre la dite Royne, je n'en perdray l'occasion. Je vous ay escript l'adviz, que La Roderye m'a donné, du voyage par delà d'un marchant d'Anvers, pour parler de la paix : c'est chose si certaine, qu'il n'en faut point doubter; car le président Richardot en a adverty exprès le dit La Roderye ; je prens à mauvaiz signe qu'ilz ne vous en ayent rien dit davantage ; ce renvoy d'Espagne des prisonniers anglois, duquel vous m'avez donné adviz, augmente mon soupçon; ilz ont depuis licentié trois gentilzhommes espagnolz, qu'ilz tenoient prisonniers, lesquelz nagueres sont passez par icy en poste, retournans en Espagne. Je sçay bien que je ne puis empescher la royne d'Angleterre de traitter avec le roy d'Espagne sans moy, s'ilz le veullent faire ; je n'entendz pas aussy leur donner occasion de croire que j'en aye jalousie, et ce que je vous en escris aussy n'est que pour vous ayder à descouvrir ceste prattique et me donner adviz de ce qui s'y advancora, et non pour leur parler ny rien reprocher par delà. J'ay entendu que le dit Cardinal a envoyé quérir son frère, le marquis de Burgo, en intention de le mener avec luy en leur armée, pour y commander ensemble et déposséder l'admirante d'Arragon, tant pour s'auctorizer tousjours davantage, (|ue pour appaiser les Allcmans, (jue le dit admirai a traitiez indignement, et contanter les Flamends, qui supportent impatiemment la domination espagnolle : nous ver-

rons ce qui en succédera, dont je vous donneray adviz. Mais aucuns estiment que le dit Cardinal et son frère ont des desseings à part de l'Archiduc favorisez de l'Empereur, lequel a monstre ung grand ressentiment des desordres faitz sur les terres de l'empire par les dits Espagnolz. C'est sans doubte que la royne d'Angleterre a voulu vous parler de l'ambassadeur d'Escosse, quand elle vous a dit que l'on m'avoit parlé de son ancien aage et qu'elle est valétudinaire, encor qu'il ne m'ayt tenu telz propoz; mais, c'est sa coustume de croire et affermer tout ce qu'elle soupçonne ou qu'on luy mande. Mon desplaisir est qu'elle ayt occasion de doubler de l'amityé du roy d'Escosse, ainsy que j'ay appris, par l'adviz que m'avez donné de ce que a dit Stanlay. Son ambassadeur poursuyt le renouvellement de nostro alliance, dont je ne doubte point que la royne d'Angleterre ne soyt bien advertye : toutesfoiz, puisque vous ne luy en avez encores parlé, vous vous en abstiendrez, jusques à ce que je vous le mande; mais, advertissez moy de ce que vous apprendrez qu'elle en dira. J'ay achevé le mariage de ma sœur, au contantement des parties, dont je suis très satisfaict. Je faiz compte de la conduire jusques à Chaalons, allant en son mesnage, et de là aller visiter ma frontière et donner jusques à Calaiz, d'où je vous escriray; mais je ne partiray, que je n'aye faict vérifier et publier au Parlement l'edict, que j'ay faict en faveur de mes subjectz de la Religion prétendue reformée, affm qu'ilz puissent vivre contens et en repoz, comme je le désire et le mérite leur fidélité. Je prie Dieu,

HENRY

DE NEUFV1LI,E.

Copie. — Bibl. nat., Ms. fr. 4128, fol. 36.

A MONSIEUR DE BOISSISE

Monsieur de Boissize, Je feiz response, le xi*" de ce moiz, à voz lettres du yi% xvni^ xxv*' et dernier de celuy de janvier, par le messager Le Clerc. DepuizJ'ay receu celles du iiii^ ethuictiesme du présent et ay entendu avec plaisir, par la dernière, les propoz que ma bonne sœur et cousine vous a voullu tenir sur ceux qui s'estoyent passez entre vous et son secrétaire, et la response que vous y avez faitte ; car, je ne veulx point de querelle avec elle, ny luy enchérir mon amityé, ses affaires et les miennes estans en Testât qu'elles sont. Ce me sera doncques assez qu'elle donne ordre que ses ministres et officiers me portent l'honneur et respect que j'entendz que luy portent les miens, qui est deu à noz dignitez et mesmes à nostre antienne amityé, et qu'elle face pourvoir aux piratteries, qui remplissent mes subjectz dé plainctes contre les siens et par lesquelles seules nostre amityé peut estre altérée ; car, elles sont si fréquentes et suyvies de tant d'injustices, qu'il est nécessaire ou qu'elle y donne ordre ou que je soys contrainct, (véritablement à mon grand regret) de rompre tout commerce avec elle et ses ditz subjectz; car leurs procédures en cela ne se peuvent plus supporter. Je ne puis plus aussy conniver aux plainctes et clameurs que m'en font mes dits subjectz, comme j'ay faict jusques à présent, pour l'espérance que j'ay eue qu'elle y donneroit ordre, comme souvent eRe et ses officiers vous l'ont promiz. Partant, continuez d'en faire instance et dittes à la dite Royne et à ses officiers que, s'ilz désirent que ce qui s'est nagueres passé par delà serve plustost d'accroissement que de diminution de nostre amityé, ainsy que la dite dame vous a dit désirer, qu'ilz pourvoyont donc à ce poinct, de façon que nous et noz subjectz Jouissions ensemble en seurcté des efFeetz

38 PIÈCES JUSTIFICATIVKS.

de nostre dite aniityé, al'lin (lu'elle dure. C'est son bien coniine le mien et comme je ne luy fays demander pour cela qui ne soyt juste et utille à elle comme à moy, si j'en suiz esconduit, je seray justement descharge envers Dieu et les hommes de ce qui en succédera, et m'asseure qu'elle en sçaura quelque jour très mauvaiz gré à ses conseillers, qui auront empesché le reiglement que vous leur avez proposé : ce que je veux que vous luy faciez entendre et à son dit conseil, en telz termes et si sérieusement, qu'elle et eux croyent que c'est d'abondance d'affection et à bon escient que vous leur en parlerez, affm qu'ilz preignent en bonne part la déclaration que vous leur en ferez et n'estiment qu'elle soyt frivolle et faitte par acquit, comme il semblent qu'ilz ayent pris les remonstrances que vous leur en avez faictes sur ce subject, jusques à la dispute que vous avez eue avec le secrétaire Cecyll ; faisant cognoistre à la dite dame et à ceux à qui vous en parlerez, et principallement au comte d'Essex, que j'auray grand regret, et vous aussy, s'il fault que j'aye recours aux remèdes extraordinaires contre les dites déprédations; mesmes, à présent que la dite dame est menacée ducosté d'Espaigne et travaillée en Irlande, je desireroys luy tesmoigner, et à toute la Chrestienté, par toutes sortes de bons offices, combien son amityé et prospérité me sont recommandées. Monsieur de Boissize, il fault les presser du dit reiglement plus que devant; car, comme c'est la coustume des Anglois de ne rien faire que par nécessité, j'ay opinion que vous aurez meilleur compte d'eux, après cette aigreur, que vous n'eussiez eu devant, joinct l'appréhension que la Royne a du costé d'Espagne, dont je n'ay eu aucunes nouvelles depuiz mes dernières, et ne croy pas en vérité que l'orage soyt si prest et grand qu'ilz se le persuadent par delà. Enfin, il fault avoir le dit reiglement, sur lequel, vous ayant escript ma vollonté par ma dernière depesche, je n'ay rien à adjouster, sinon que, puisqu'ilz ne veulent que les magistratz et corpz des villes respondent des cautions que doibvent bailler les maistres des navires, au moins qu'ilz obligent tellement les officiers de l'admiraulté aies recepvoirde la qualité requise, que, s'ilz y font faulte, l'on s'en puisse prendre à eux en leurs propres et privez noms ; car c'est le vray moyen d'arrester le cours des

dites piratteries, ce que je vous prie de continuer à poursuyvre, comme vous avez bien commencé. J'ai bien consyderé la response, que la dite Royne vous a faicte, aux propoz que luy avez tenuz de la negotiation dont La Boderye nous a donné adviz, et croy qu'il ne luy en fault plus parler, affm qu'elle ne pense que j'en aye jalousie; mais, mettez peine, avec l'agent des Estatz, à descouvrir ce qui s'en fera. Pareillement, j'ay bien consyderé la response de la dite dame, sur le renouvellement de l'alliance d'Escosse : je veux que vous luy disiez sur cela que je porte tant de respect à sa personne et à son contentement, que, ayant sceu l'opinion qu'elle a de la dite alliance, j'ay desliberé d'en surseoir et remettre à ung autre tempz la resolution, encores que je n'aye jamais eu intention d'y entendre à son dommage, ainsy que je vous ay escript, et si je ne me suis point apperceu que le roy d'Escosse l'ayt eue, en ceste poursuitte, de faire chose qui soit seulement desaggreable à la dite dame, la conservation de l'amitié de laquelle je reconnois m'estre trop plus utille que l'autre. Et, debvez croire aussy que je suiz sans jalousie de la rc'union de ces deux royaulmcs, à laquelle le roy d'Escosse adspire, n'ignorant la consequense d'icelle; maiz, s'il ne se presriiic (»u prépare par delà quelque moyen, par lequel on puisse ('.sp( rcr de pouvoir empescher la dite reunion, quand l'occasion s'en présentera, comme jusques à présent il n'en apparoist point, il me semble que je seroys mal conseillé de rejetter l'amityé du roy d'Escosse recerchant la mienne, comme il faict. C'est pourquoy j'ay advisé, pour le aontanter, au lieu de renouveller p.ii iiii<; traitté nouveau mon antienne alliance, d'accorder seullenuMit aux Escossoiz la confirmation de l'exemption du droict d'aulbeyne, qui leur a esté cy-devant octroyé par les rois, mes prédécesseurs, dont ilz ont longuement jouy, et celle du payement de l'imposition foraine en Normandie, qui n'est que de douze deniers pour livre, ayant considéré que, comme ces deux pi ivilcges regardent plus la nation ({ue leur roy, le renouvellement de roctroy d'iceluy ne tourneroit à telle conséquence que feroit ccluy du traitté de la dite alliance. Partant, vous direz à la dil«' d;iMi<' (juc je me suiz restraint aus dites déclarations, .sans I iii.-ini/ 1)1 .iMigrr de promesse de ne passer outre, parce que

j'ostime qu'il ne sera que bien à propoz de la tenir en haleine et jalousie du renouvellement de la dite alliance; maiz, j'auray à plaisir de scavoir ce que le comte d'Essex vous aura dit sur ce subject, estimant que vous luy en pouvez parler plus librement que à un autre, encore qu'il face profession d'affectionner le roy d'Escosse, parce qu'il me semble qu'il n'y ait personne en Angleterre capable de s'opposer à la dite reunion que luy. Toutesfoiz, gouvernez-vous y avec discrétion et prudence, affin de ne rien faire à mon préjudice ni au sien. Si l'ambassadeur, que envoyé par deçà la royne d'Angleterre, offre à mes subjectz de la Religion prétendue reformée son assistance, j'espère qu'ilz seront si sages et bien conseillez, qu'ilz m'en advertiront et la rejecteront : toutesfoiz, la royne d'Angleterre ne me rendra, en ce faisant, les offices d'amityé et de respect qu'elle reçoit de moy, de quoy j'attendray à me plaindre, lorsque je y verray plus clair : cependant, vous ferez bien de continuer à m'advertir de ce que vous en apprendrez et j'espère que le dit ambassadeur trouvera l'exécution de l'edict, que j'ay faict en faveur de ceux de la dite Religion, si bien acheminé, qu'il aura honte de tenter leur loyaulté; car, lo dit edictdoibt estre publié au Parlement aujourd'huy ou jeudy ; cela faict, j'envoyeray des commissions partout, pour le faire exécuter. Je prie Dieu,

HENRY

DK NEUFVILLE.

Copie. — Bibl. nat., Ms. fr. 4128, fol. 39 v». A MONSIEUR DE BOISSISE

Monsieur de Boissize, Je vous ay escript, par le messager Pernelle, le compte que Edmont m'a rendu, par le commande-

ment de la Royne, sa maistresse, de la negotiation de Cumans. Depuis, j'ay receu vostre lettre du xvii® de febvrier, par laquelle j'ay appriz le semblable, et La Boderye m'a mandé que le dit Cumans a rapporté, à son retour à Bruxelles, quasi la mesme chose, de sorte que nous voyons que tout cela se rapporte : mais, la question est de sçavoir s'il y a rien de caché sous ceste belle apparence. Le dit sieur de la Boderye m'a escript avoir revocqué que l'on luy a parlé par delà de la dite negotiation moins ouvertement et confidemment, depuiz le retour du dit Cumans, soit qu'ilz soyent de nouveau entrez en deffiance de moy, à cause de quelque levée de gens de guerre, que on leur a rapporté se faire en mon royaume, pour passer en Hollande, ou qu'ilz en usent ainsy, par l'adviz et conseil que en a donné la dite Royne, devers laquelle le dit Cumans a dit au dit La Boderye que l'on le debvoit renvoyer, et toutesfoiz le président Richardotluy a celé. Toutesfoiz, tout bien considéré, je n'estime pas que la royne d'Angleterre s'engage en ce faict plus avant que l'Archiduc et l'Infante ne soyent en Flandres ; mais, elle se contentera, pour ceste heure, de le tenir en espérance et mesmes de le mettre en jalousie de moy, à quoy servira une certaine entreprise sur la ville de Cambray, qu'ilz ont dit au dit La Boderye avoir descouvert, que menoit le mareschal de Balagny, pour laquelle ilz ont fait exécuter deux ou troiz personnes, combien que en vérité je n'en aye rien sceu et que j'estime qu'ilz y ont trouvé plus de soupçon que de fondement. Davantage, j'ay sceu qu'ilz se sont allarmé d'une course, que j'ay dit voulloir faire en Picardie, pour visiter ma frontière : or, je puis difficillement les deslivrer du tout de la crainte et deffiance qu'ilz monstrent avoir de moy, maiz, je les garentiray facilement du mal qu'ilz augurent, pourveu qu'ilz se gouvernent envers moy, comme ilz doibvent, et qu'ilz ne molestent mes amys et alliez, lesquelz je ne veux pas laisser perdre. J'ay receu des lettres de Sancerre, que j'ay envoyé en Espaigne, par lesquelles il m'est mandé qu'ilz sont là en telle allarme des armementz de mer, qu'ilz croyant que la dite Royne et les Estatz font contre eux, que tous les preparatifz ne sont que pour deffendre leur pays. Ce jeune Roy, possédé par ung particulier inexpérimenté aux affaires du monde, outre qu'il

42 PIÈCKS JUSTIFICATIVES.

est très mal pourveu d'argent, pense plus à se donner du bon temps que à ses affaires. J'ay adviz que sa femme et le dit Archiduc s'embarquèrent à Gènes, le xyi" du moiz passé; partant, ilz doibvent estre arrivez de présent <\ Vallence, où le dit Roy les estoit allé attendre. Le duc de Savoye a derechef renvoyé devers moy son secrétaire, Honcas, pour obtenir permission de me venir trouver, m'asseurant qu'il me donnera contantement. Quand j'auray resollu la response que je luy feray, je vous en advertiray; mais, j'ay sceu qu'il a descouvert que le roy d'Espaigne et l'Archiduc n'ont pas grand envie de le soustenir, en l'usurpation du marquisat de Saluées, et d'ailleurs il recognoist y avoir si peu de droict, qu'il redoubtè le jugement du Pape. C'est la cause pour laquelle il recerche de me voir et d'entraitter avec moy, soyt qu'il me veuille obliger, en me rendant volontairement ce qui m'appartient, ou qu'il espère amender sa condition par quelque bon accord. Je vous tiendray adverty de tout, comme je désire estre au plus tost de ce que vous aura dict la dite Royne, quand vous luy aurez parlé des deux poinctz que je vous ay escript, par mes dernières, avoir accordé aux Escossois, au lieu de renouveller l'antienne alliance de la France avec l'Escosse; car, je seray très aysed'en estre esclaircy, devant que d'en deslivrer l'expédition à l'ambassadeur du roy d'Escosse, qui en faict la poursuitte, et aussy que j'ay desliberé d'envoyer visiter le dit Roy, ne l'ayant encor faict, depuis mon règne, non que je veuille déférer à l'adviz de la royne d'Angleterre l'expédition susdite, ni l'envoy du dit ambassadeur : partant, luy en parlant, ne luy donnerez argument de prendre ceste opinion là, mais affm de pourveoir à l'une et à l'autre avec plus déconsidération. J'ay appris, par les lettres du dit de la Boderye, que le cardinal d'Austriche va retirer des terres de l'empire leur armée, ayant sceu que les Allemands s'en remuoyent, espérant par ce moyen les appaiser, et semble que le dit Cardinal ayt desliberé d'entrer dez à présent dans le pays des dits Estatz, pour les prévenir. Je prie Dieu, Monsieur de Boissize,

HENRY

DE NEUFVILLE

Copie. — Bibl. nat., Ms. fr. 4J28, fol. 44.

A MONSIEUR DE BOISSISE

Monsieur de Boissize, Voz lettres du in'' de ce mois, que j'ay receues le xn*', m'ont contante, ayant eu confirmation par icelles de l'adviz, que m'avoit ja donné le secrétaire Edmont, de la publication des deffenses faictes par la Royne, ma bonne sœur et cousine, à ses subjectz d'arrester en mer les miens, encores que, les ayant faict generalles, il semble qu'eRe ayt voullu en contanter d'autres aussy bien que moy : toutesfois, je ne me plaindray de la forme, pourveu que les effectz s'en ensuyvent ; mais, je suis de vostre adviz, qu'il ne fault pas pour cela laisser à faire lereiglement, que vous avez proposé, pour asseurer le commerce et mieux obliger la dite dame et ses officiers à punir ceux qui le violleront; au moyen de quoy vous en continuerez la poursuitte, mais vous userez de l'instruction que je vous ay envoyée sur cela, ainsy que vous jugerez estre pour le mieux; car j'ay toute fiance en vous. J'en parleray h l'ambassadeur de la dite Royne, si tost qu'il sera arrivé, et feray cognoistre au dit Edmont que c'est chose que j'ay h cœur, aflin qu'il le rapporte à la dite dame, quand il sera auprès d'elle. Mais, je n'ay pas jugé à propoz de faire publier encores les mesmes deffenses, que je n'aye ouy ledit ambassadeur; moins ay-je estimé debvoir comprendre en icelles le transport des armes, d'aultant qu'il faut que j'en accorde tous les jours aux serviteurs de la dite Royne, qui en demandent, lesquelz je suis contrainct, faisant les dites deffenses, de refuser d'ores en avant, aflin d'observer esgallement la loy (|ue j'en aurois faitte ainsy generalle; et me semble que la dite dame se doibt contenter que la prohibition du dit transport aye lieu pour tous les autres, comme elle a et, vous asseure, aura cyaprès, ainsy que vous luy direz. La Boderyc m'a escript, du

vu*" de ce mois, que le cardinal André vouloit renvoyer vers la dite dame son negoliateur Gumans, pour poursuyvre sa poincte, dont il escript que le président Richardotne luy a parlé, comme il feit la première fois, soyt qu'ilz soyent entrez en jalousie de moy au dit pays, ou que le conseil en soyt venu de la dite dame ou de ses serviteurs, et surtout du secrétaire Cecil; car il a son addresse à luy. En tout cas, vous ne ferez paraistre à la dite dame, ny aux siens, avoir eu aulcun adviz de ces deux voyages, pour voir si elle le vous communicquera, mesme quand elle vous en parleroit la première : seullement vous mettrez peine de descouvrir la vérité de sa négociation, pour m'en donner adviz. J'ay bien notté le langage que vous a tenu la dite dame, sur le subject de mon voyage de Calais, et auray h plaisir que luy faciez cognoistre, si elle vous en reparle et non autrement, que je n'ay pas moins envie de la voir qu'elle ; mais, vous ne m'y engagerez pas plus avant que cela, comme il est certain qu'il a esté faict autre fois; mais c'a esté en ung teîîipz que j'eusse bien entrepris volontiers chose plus difficile et hazardeuse, pour en tirer faveur; mais, si je fay le dit voyage, j'en donneray adviz à la dite dame et je vous asseure que ce ne sera au moings sans l'envoyer visiter et l'asseurer par homme exprès de mon amityé. Je n'ay point receu encores adviz, qui soyt bien certain, de l'armement que faict le roy d'Espaigne, car je ne m'arreste pas à ce qu'en a dit au commandeur de Chastes ung certain Alfîer, Espaignol, qui fut contrainct d'abborder à Dieppe, il y a huict ou dix jours; toutesfoiz, je vous envoyé la coppie du recueil de ses propoz, qui sont si peu vraysemblables, que je prens argument de croire, de ce qu'il a tant magnifié le dit armement, que son maistre a plus de peur que d'envie de mal faire, de sorte que je continue à croire qu'il se contantera de defîendre ceste année ses costes. Je n'ay point encores^eu de nouvelles du Roy, depuis la mort de son père, de quoy je me donne peu de peine, aymant mieux l'amityé de mes anciens alliez que acquérir la sienne. Le lantgrave Maurice de Hesse a envoyé devers moy ung de ses conseillers, pour m'asseurer que les princes allemans, qui sont en jalousie des Espaignolz, arment à bon escient contr'eux et qu'il y paroistra bien tost : toutesfoiz, comme le dit cardinal André

est allé à Mastric, exprès pour retirer l'armée des terres de l'Empire, j'estime que les dits princes se contanteront de cela, pourveu que les effectz s'en ensuyvent; ce qui ne se fera, à mon adviz, sans difficulté, d'aultant que les dits Espaignolz ne voudront abandonner les passages sur le Rhin qu'ilz ont conquis, pour estre chose qui leur est trop nécessaire, pour poursuyvre leurs desseins et nourrir leur armée. Par ainsy, si les dits princes sont bien résolus de ne poser les armes, ainsy que m'a dit le député du dit lantgrave, qu'ilz n'ayent faict sortir de toutes les villes et terres de l'Empire les dits Espagnolz, ilz ne desarmeront pas si tost; auquel cas, les dits princes pourront faire quelque bel exploict, qui arrivera bien à propoz aux Estatz, devers lesquelz le sieur de la Noue passera, au premier jour, sa suitte ayant ja gaigné le devant. Je suis fort pressé du duc de Savoye, de luy permettre de me venir trouver par deçà, et a renvoyé devers moy son secrétaire Roncas exprès pour cela; mais je ne puis bonnement m'y résoudre, que je ne soys d'accord avec luy de la restitution de mon marquisat de Saluées, affin que je n'aye rien à débattre avec luy, comme j'auray éternellement, jusques à ce que j'aye mon compte, c'est-à-dire ce qui m'appartient; priant Dieu, Monsieur de Boissize,

HENRY

DE NEUFVILLE

Copie. — Bibl. nat., Ms. fr. 4128, fol. 48. A MONSIEUR DE BOISSISE

Monsieur de Boissize, Je vous envoyé un extraict des dernières lettres que j'ay receues d'Espaigne, dont vous direz la

40 PIÈCKS JUSTIFICATIVES.

substance à la Iluyne, ma bonne sœur et cousine, au comte d'Essex et au secrétaire Gecill, sans toutesfois leur en rien bailler par escript ; et comme ceux du conseil de la dite dame ont divers butz, je ne veux pas qu'ilz puissent faire leur proflict des dits advis à mon desadvantage, comme ilz pourroyent faire, s'ilz les faisoyent tumber aux mains des Espaignolz. J'ay escript à Sancerre, qui m'a donné les dits adviz, qu'il envoyé exprès par tous les portz d'Espaigne, pour tant mieux descouvrir la vérité de leurs armemens, et, pour dire la vérité, puisqu'ilz ne font aucunes levées de gens de guerre en Italye ny en Espaigne, il n'y a pas grande apparence de raison de croire qu'ilz ayent volonté de faire ung grand effort ceste année. J'estime aussy qu'ilz se contenteront d'en faire courre le bruict, comme ilz ont commancé, pour estonner le monde et tenir leurs voisins en jalousie; de quoy il me semble toutesfoiz que vous debvez parler à la dite dame et à ses ministres, sinon au comte d'Essex, si sobrement qu'elle et eux n'ayent occasion de croire que vous leur donnez les dits adviz, pour les divertir d'entendre à la paix ; car, je m'apperçoy bien que tout ce qui leur vient de moy leur est suspect, et puis leur naturel est de se bander à faire la paix, dont ils estiment que je les veuille dissuader. Je vous ay donné adviz du renvoy de Gumans, qui vous aura porté des lettres de la Boderye, ainsy qu'il m'a escript : je ne pense pas que ses voyages servent d'autre chose que pour descouvrir les voUontez de la dite royne d'Angleterre à la paix et ses moyens à la guerre, pour en informer l'archiduc Albert, à leur retour en Flandres, où je ne voy pas qu'ilz puissent arriver devant le mois de juillet ; toutesfoiz, laissez la dite royne d'Angleterre en la créance qu'elle en veut avoir et ne leur faictes paroistre aucunement que je la veuille divertir d'entendre à la dite paix, et vous gouvernez de mesme envers le dit secrétaire Gecill. Gar, j'ay bien considéré l'adviz que vous avez donné de la diminution de la santé et disposition de la dite dame : en vérité, je serois très marry qu'il en mesadvinst ; car, encores qu'elle ayt souvent des oppinions contraires aux miennes, neantmoins je ne puis pas croire qu'elle haysse ma personne, de laquelle et de mon royaume seuUement elle redouble l'accroissement. Toutesfoiz, estans noz affaires aux termes qu'elles sont,

il fault que nous nous maintenions en bonne intelligence. Continuez à m'advertir du progrez de sa santé et faire envers le comte d'Essex, avec prudence, les offres que je vous ay commandez par mes précédentes ; car, je juge bien que son amityé me peult estre utille ; mais, il fault aussy qu'il mesnage celle de laRoyne contre les inventions de ses malveuillans. Il a passé ung courrier espaignol allant en Flandres, qui a apporté adviz de la venue de ce comte de Neive, par lequel ilz me doibvent donner adviz de la mort du feu roy d'Espaigne. Vous serez adverty de ce qu'il apportera; mais, vous pourrez hardiment dire à la Royne que tant s'en fault qu'il soit passé en Espaigne la quantité de grains qu'elle vous a dicte, que j'ay adviz de tous costez, par ceux que j'ay commis pour lever une imposition nouvelle, que j'ay mis exprès sur les dits grains qui sortent de mon royaume, pour en tenir le contreroolle, qu'ilz en reçoivent et tirent fort peu de chose. Toutesfoiz, vous la pourrez asseurer que j'y feroy prendre garde de plus près que jamais. Le dit courrier espaignol a publié que la flotte estoit arrivée en Espaigne, mais le dit Sancerre ne m'en escript rien : toutesfoiz, je croy qu'elle ne peut pas tarder longuement là, elle est à demy consommée. Quelle apparence y a-il aussy de croire que les Espaignolz se veuillent servir des vaisseaux françois pour leur traffic des Indes, dont ilz sont si jaloux, qu'ilz ne veuUent pas seullement que personne qu'eux en ayt connoissance. Ce sont toutes inventions dont on s'ayde, pour tenir tousjours la Royne en umbrage de moy, lesquelles sont neantmoings si foibles, que je ne puis croire qu'elle en face compte. Les deux déclarations pour les Escossois, dont je vous ay donné adviz par mes précédentes, ont esté depeschées et leur seront deslivrées dans quattre jours, de quoy je ne double point que la Royne ne vous parle, quand elles sortiront en public. Edmont poursuyt la descharge du droict d'aubeine pour les Anglois; mais, j'estime qu'il le faictde luy-mesme et sans charge. Je prie Dieu, Monsieur de Boissize,

HENRY

DE NEUFViLLE.

Copie.— Bibl. nat., Ms. fr. 4128, fol. 49 vo.

A MONSIEUR DE BOISSISE

Monsieur de Boissize, J'ay bien considéré ce que vous m'avez escript par vostre lettre du xxvi^ du mois passé, que j'ay receue le ni'' du présent, sur le retour de Gumans et la forme de laquelle le secrétaire Gecill traicte avec luy, ensemble vostre considération sur la communication que le dit Gumans vous a faict paroislre désirer avoir avec vous; neantmoins, je suis d'adviz que vous ne délaissiez pas de le voir et conférer avec luy, s'il s'y présente, pour tousjours mieux descouvrir le fonds de sa négociation, de laquelle je n'estime pas, ainsy que vous ay escript, qu'il sorte de présent aucun effect, principallement que l'archiduc Albert et l'Infante ne soyent en Flandres, non pas faute de bonne volonté de part et d'autre, mais à cause de la naturelle deffiance et longueur de la dite dame. Je ne puis croire que ceux qui mettent en besoigne le dit Gumans tendent de présent à tromper, parce qu'il est certain qu'ilz tireront ung grand advantage d'ung accord avec la dite dame contre les Estats : mais, je pense bien que, s'ils avoyent vaincu ceux-cy, ilz feroyent après peu de compte de l'amityé de la royne d'Angleterre, à laquelle vous debvez continuer à parler de la dite négociation sobrement, comme vous avez commancé, affm qu'elle ne croye que vous en voulliez trop sçavoir, et, quand elle vous en mettra en propos, respondez luy en de façon qu'elle ne puisse dire que vous luy ayez conseillé l'ung plus que l'autre et ce qu'elle ne s'excuse sur vous de ce qu'elle fera sans vous, ny se prenne à vous de ce qui en arrivera. Je vous ay donné adviz, par mes dernières, des termes ausquelz je me trouve avec le duc de Savoye, pour le faict du marquisat de Salluces, et est bien certain que, si le duc ne m'en faict la raison par doulceur, il faudra que nous nous battions ;

mais, j'espère qu'il ne me donnera occasion d'en venir là et ay délibéré de m'approcher deluy, pour m'en esclaircir davantage, comme l'a esté de mon innocence et intention le cardinal André et le conseil de Bruxelles, sur ceste prétendue entreprise de Gambray, de sorte que j'estime qu'ilz en sont demeurez contans, comme l'a esté la royne d'Espaigne et le dit Archiduc du bon accueuil qui leur a esté faict, en la coste de Provence, par mon nepveu le duc de Guyse, et par mon commandement, ainsy que vous verrez par l'extraict des lettres qu'il m'en a escriptes, que je vous envoyé. Jehan-Baptiste Tassis doibt se rendre dans quinze jours auprès de moy, pour y exercer la charge d'ambassadeur du roy d'Espaigne, ainsy qu'il a dict à La Boderye, et le comte de Nieva y arrivera bientost après luy, pour s'acquitter des compliments et offices que les occasions survenues depuis nostre traitté de paix requièrent qu'ilz facent, ausquelz je correspondray après, comme il convient. Mais, je n'espère aulcun fruict de la belle levée de bouchers des AUemans, tant à cause de la mauvaise intelhgence qui est entr'eux, pour le crédit qu'a l'Empereur envers les docteurs qui les conseiHent. La dite dame a bien envoyé devers eux ung ambassadeur, comme vous avez sceu, mais c'a esté plus pour remettre le traffic d'Allemaigne interdit aux Anglois, à cause de leurs piratteries, que pour aulcune chose, si bien qu'il ne faut pas faire grand estât de l'assistance ny des armes des dits Allemans : vray est qu'ayans, sur ceste occasion, refusé à l'Empereur les contributions qu'il souloit tirer d'eux pour la guerre de Hongrie, il en sera incommodé. Je vous envoyé l'ordonnance, que j'ay advisé de faire publier, pour la Hberté et seureté du commerce, en contreschange de celle que la dite Royne a faitte, laquelle sera envoyée par tous les portz et havres de mon royaume et observée de bonne foy, ainsy que vous direz à la dite dame et à ses officiers, leur faisant yeoir la dite ordonnance, en laquelle je n'ay faict mention du transport des armes et munitions de guerre, pour les raisons que je vous ay cy-devant escriptes; et, s'il fault revocquerles lettres de manjue expédiées, comme ilz demandent par delà, il est raisonnable aussy qu'il soit convenu qu'à faute de faire justice des torts pour lesquelz elles ont esté accordées dans certain lempz

il en sera expédié de nouvelles. Toutesfoiz, je remectz ce poinct à vostre jugement, comme je faictz celuy du doublement des cautions et tous les autres qui doibvent estre compris au reiglementqui a esté proposé, duquel vous continuerez à poursuyvre la conclusion, affin que nous soyons reiglez et que chascun l'observe. J ay appris par vostre lettre l'advis que vous m'avez donné des offres de Sainct-DenysMailloc, dont je n'avoysrien sceu auparavant ; mais, je croy que son desseing s'esvanouira et rompra de luy-mesme, sans que j'y mette la main : toutesfoiz, j'y feray prendre garde et scray bien ayse aussi que vous continuiez à m'advertir de ce que vous en apprendrez ; priant Dieu, Monsieur de Boissize,

HENRY

DE NEUFVILLE

Copie. — Ribl. nat., Ms. fr. 4128, fol. 57 vo.

Monsieur de Boissize, J'ay apprins, par vostre lettre du xiii'' de ce mois, que j'ai receu le xxi% comment Gumans s'est comporté en vostre endroict, au dernier voyage qu'il a faict par delà, ce que le secrétaire Gecill vous a dit de sa negotiation, qui est conforme au compte que m'en avoit ja rendu Edmont : j'ay bien, considéré aussy ce que vous en a dit la Royne, et pareillement le comte d'Essex, avec vostre adviz et jugement sur le tout, que j'ay esté très ayse d'entendre. La Boderye m'a escript que le dit Gumans Ta veu à son retour, qui l'a asseuré avoir laissé la dite Royne et ceux de son conseil très enclins à la paix, de sorte qu'ilz ont tous bonne espérance qu'elle se fera; mais, comme vous dittes, ilz se contanteront des deux costez de m'en faire par-

LETTRES DE HENRI IV. ai

1er et à mes ministres, en termes généraux, pour la biensceance, de quoy je ne veux me formaliser davantage ; car, plus je leur feroys cognoistre n'approuver leurs procédures et leurs fins, plus j'en advancerois la conclusion, et s'en cacheroyent de moy. Je ne m'y puis opposer aussy qu'inutillement ; partant, il faut s'y conduire comme vous avez très bien commancé, qui est de leur faire cognoistre, que je trouvcray tousjours bon tout ce que la dite Royne fera, qui luy pourra apporter honneur et utillité, m'asseurant tant de son amityé, qu'elle ne fera jamais rien aussy à mon préjudice, non plus que je vouldrois faire au sien : neantmoins, je ne puis croire que ceste négociation produise autre chose que du bruict, que l'Archiduc ne soit arrivé en Flandres, et si j'estime que la dite dame et les siens seroyent plus difficiles et malaysoz à contanter, quand il sera question de serrer le marché, qu'elle se monstre à présent, mesmes si la condition des Estatz des Provinces-Unies n'empire point ceste année, et, en ce cas, elle ne vouldra perdre leur amityé ny la créance qu'elle peut avoir parmy eux ; mais, s'il leur arrive quelque disgrâce, sans doubte elle les abandonnera ou elle s'efforcera de les porter à la paix, qui est le poinct sur lequel il faut que vous veilliez. Les ditz Estatz ont nagueres faict publier ung placart contre tous ceux qui trafficquent aux pays du roy d'Espaigne et du dit Archiduc, sans en reserver aucun, duquel je suis très mal content, car ilz l'ont faict sans m'en advertir et vois mes subjectz comprins en leur deffense, comme les autres, contre ce que je les avoys priez de faire et m'estoys promis qu'ils feroyent ; tous mes subjectz en sont très scandalisez et, s'ilz n'y apportent quelque changement, il en arrivera plus de mal que de bien. Toutesfoiz, vous n'en parlerez point à la dite Royne, ny à ses ministres, et, s'ilz vous en mettent en propos, ne leur descouvrez le mescontentement que j'en ay, car ilz en seroyent très ayscs, et me faictes sçavoir ce qu'ilz vous en diront. J'ay veu la responso dernière, que vous avez tirée d'eux, pour le reiglement de la mer, laquelle, à mon adviz, apportera peu de fruict ; il s<'ml)l(' aussy qu'ilz se soyent laissez vaincre aux poursuittcs que vous en avez faictes, plus pour vous contanter que pour vollonlé ([u'Ilz ayent de remédier aux desordres et volleries que font

leurs gens. Il est certain aussy qu'ilz ont couché l'article vi", ainsy qu'il est, malitieusement, affin de m'obliger à offenser les Espaignolz et s'en prevalloir à mon dommage ; car, bien qu'ilz vous ayent accordé que la deffense du transport des munitions de guerre sera faicte generalle, ainsy que vous en avez cscript au sieur de Villeroy, toutesfois Edmont poursuit qu'elle soyt faicto jouxte la dite response, laquelle il faut faire estât qu'ilz publieront; or, puisque nous avons faict de part et d'autre les deffenses d'entreprendre contre les navires et marchandises de noz alliez, qui traffiquent par la mer, il me semble qu'il faut se contanter de cela pour ceste heure. Aussy bien ont-ilz desclaré, pour leur dite response, n'avoir accordé les dits articles que par manière de provision seulement, avec une restrinction d'iceux aux antiens traittez, qui rend les dits articles doubteux et comme inutilles ; mais, je cognoy bien que vous avez tiré tout ce que vous avez peu, comme de mauvais payeurs, et que vous n'avez peu faict d'avoir obtenu, pour la seureté du traffic de mes dits subjectz, le placcard qu'ilz ont publié, auquel j'ay correspondu par celuy duquel je vous ay envoyé le double, avec ma dernière depesche. Je ne refuse pas encor de renouveller la deffense du transport des munitions de guerre, pourveu qu'elle soyt faitte generalle et sur autres fondemens que celuy qui est porté par le dit article vi*" de la dite response ; quand aux autres poinctz, s'il faut en dresser quelques articles en forme, il vaut mieux que vous les esbauchiez par delà avec eux, que si nous les dressions icy sans eux, car ilz y trouveroyent tousjours quelque chose à redire, comme gens qui ne marchent rondement ny nettement en besongne, lesquelz font profession de destruire et ediffier par ung mesme escript ce qu'ilz ont accordé. Partant, puisque vous avez pourveu à la seureté du traffic de mes dits subjectz, j'estime qu'il ne fault les presser du reste, mais attendre qu'ilz nous poursuyvent ; sur quoy j'auray à plaisir que vous me mandiez vostre advis. Au demeurant, vous direz à la Royne que j'ay desliberé m'acheminer bientost du costé de Lyon, pour favoriser, par ma présence, la poursuitte que je faictz faire à Rome pour le marquisat de Salluces, ayant sceu que le duc de Savoye, appuyé du roy d'Espaigne, n'a pas grande envie de le me rendre, si bien

qu'il y a grande apparence que nous en viendrons bientost aux prises ensemble ; car, je n'ay pas desliberé de luy laisser ceste plume de mon royaume, qu'il a tirée de l'aisle d'icelluy, soubz prétexte d'amityé, et qu'il retient trop injustement, l'asseurant que je la tiendray advertye de tout ce qui en succédera, comme celle que j'estime avoir part à tout ce qui me concerne ; mais, observez bien ce qu'elle vous dira sur ce subject, affm de remarquer quel goust elle prendroit au renouvellement d'une guerre contre les dits roy d'Espaigne et duc de Savoye, affm de m'en donner adviz. Quand aux pilottes qu'ilz ont arrestez, soubs prétexte d'avoir voulu sonder les portz d'Angleterre, s'ilz trouvent que celuy qui est mon subject y ait trempé, j'auray à plaisir qu'il soyt chastié plus rudement que les autres, ainsy que vous leur avez respondu ; mais aussy, ne permettez qu'il soyt mal traitté, s'il n'est trouvé coulpable, sachant qu'ilz font coustume par delà de croire assez legierement à semblables accusations. Je vous envoyé ma response à la lettre du comte d'Essex, auquel je souhaitte toute bonne fortune, pour le service de sa souveraine et l'accroissement de la réputation et fortune du dit comte, duquel j'auray à plaisir que vous me mandiez souvent des nouvelles ; priant Dieu, Monsieur de Boissize, qu'il vous ayt en sa saincte garde.

HENRY

DE NEUF VILLE

Copie. — Bil)l. nat., Ms. fr. 4128, fol. 60 v. A MONSIEUR DK BOISSISE

Monsieur de Boissizo, J'ay receu vostre lettre du vingt-qual- Iriesme du mois passé, le cinquicsme du présent. J'ay von par

icelle le jugement que vous continuez à faire do la négociation de Gumans, laquelle je ne voy point, pour mon regard, avoir encores oultrepassé les termes généraux d'une très bonne volonté déclarée de part et d'autre ; car, les Anglois et surtout la royne d'Angleterre n'ont pas accoustumé prendre, en leurs affaires, des resolutions si entières et soudaines et retiennnent tousjours à dire et à faire quelque chose, comme vous n'esprouvez que trop, en ce que vous négociez avec eux. Le poinct de la restitution ou deslaissement des places que la dite dame tient en Zelande nepeut pasestre si tostvuidé; davantage, je connois bien, comme vous dittes, qu'elle craint que je n'embrasse la protection des Estatz et qu'ilz se jettent entre mes bras : en tout cas, il faut tenir pour certain que le marché ne se conclurra point, que l'Archiduc et l'Infante ne soyent aux Pays-Bas. L'on m'a escript d'Espagne qu'ilz debvoyent s'embarquer, dedans la fin du mois passé, au mesme lieu où la royne d'Espaigne est descendue et sur les mesmes gallaires : toutesfoiz, telles choses ne se font ordinairement à poinct nommé et serez adverty de ce que j'en entendray. Mais, j'ay grand subject de soupçonner que la dite dame mesnage ainsy la négociation du dit Gumans exprès, comme l'on dit, pour avoir deux cordes à son arc, gaigner le tempz et veoir quel succez aura la guerre de Hollande et celle d'Irlande, et selon cela prendre party : en quoy, je prevoy toutesfois qu'elle attendra si tard à faire son choix, qu'il y a apparence que les autres luy sçauront peu de gré de ce qu'elle faict; car, c'est le salaire ordinaire de ceux qui jouent au plus fin et ne vont rondement en besongne. Cependant, j'estime qu'elle aura esté bienayse du placcard publié par les dits Estatz, duquel je vous envoyé le double, et me suis estonné que vous n'en avez faict aucune mention par vos dites lettres; car, il fut fait le II'' d'apvril, et n'y a pas d'apparence qu'ilz l'ayent fait sans le sceu et conseil de la dite Royne, pour estre de telle importance qu'il est. Aussy le sieur de Buzanval m'a escript que l'armée de mer des dits Estatz debvoit faire voille, le premier de may, et se trouver soubs les dunes d'Angleterre, à laquelle il ne faut point doubter que ne se joignent tous les pirates du dit royaume, qui ne sont, comme vous sçavez, en petit nombre, lesquelz sacca-

LETTRES DE HENRI IV. oo

geront toute la mer, soubs le nom des dits Estatz, de sorte qu'il ne faultpas espérer qu'ilz observent, à l'endroit de mes subjectz, les delïenses de n'entreprendre contre eux, que vous avez eu tant de peine à obtenir, quoy qu'ilz vous ayent promis et promectent encores. Toutesfoiz, jene suis pas d'adviz que nous nous en plaignions, ny que vous leur faciez connoistre que vous doubtiez sur ce de l'observation des dites deffenses, que nous n'ayons occasion de le faire. Continuez à m'advertirde ce qui surviendra, et mesmes du costé d'Irlande. Je doibs donner aujourd'huy audience à l'evesquedeModena, nunce du Pape, au sieur Jehan- Baptiste de Tassis, ambassadeur du roy d'Espagne et au chevalier Breton, ambassadeur du duc de Savoye, arrivez depuis peu de la part de leurs maistres. Et sur ce, je prie Dieu, Monsieur de Boissize,...

HENRY

DK NEUFVILLE.

Copie. — Bibl. uat., Ms. fr. 4128, fol. 66 yo. A MONSIEUR DE BOISSISE

.Monsieur de Boissize, Le sieur de Nevil, ambassadeur de la Royne, ma bonne sœur et cousine, a esté receu de moy, en sa première audience, en la forme et avec les cérémonies accoustumées : ce fut à Fontainebleau, le xxi® de ce mois, où il luy fust donné à disner et amené à l'audience par mon cousin, le duc de Biron, l'ayant envoyé quérir jusques à Moret par le sieur de Lussan, à présent cappitaine de la compaignie escossoise de mes gardes. II me présenta les deux lettres de ma dite sœur,ausquelles jeferay response une autre fois; mais, vous luy direz que ce m'a

esté ung très grand plaisir d'avoir sceu, par ce gentilhomme, sa bonne disposition et la continuation de son amityé, que je désire avec autant de passion que j'ay jamais faict, comme celuy qui reconnoist tenir d'elle une bonne partie de son bonheur et estime encores sa félicité si conjoincte avec la mienne, que l'une ne peut estre esbranlée, que l'autre ne s'en ressente. J'ay encores peu négocié avec le dit ambassadeur, car ceste audience a esté employée en compliments plustost que en affaire ; toutesfois, je l'ay trouvé très modeste et sage gentilhomme, duquel j'estime que la dite dame sera bien servie et moy très contant aussy : l'un ne peut estre que l'autre n'advienne, tant je désire le bien de la dite dame, comme elle cognoistra en tout ce qui se présentera. Je doibs revoir après demain le dit ambassadeur, pour traitter d'affaires; je n'oublieray à me plaindre à luy des injustices que reçoivent mes subjectz par les officiers de la dite Royne, contre tant d'espérances et promesses faictes par elle et ses ministres et ledebvoirde nostre amityé, dont vous avez très bien faict de vous estre addressé à elle-mesmes ; car, je croy que ceux qui participent à telz larcins luy en desguisent la vérité et qu'elle n'entend pas que sa foy et réputation soyent prostituées, comme elles sont en cecy trop honteusement et dommageablementpour elle et le gênerai de ses subjectz, à l'appétit de quelques particuliers trop accoustumez à proffiter de la ruine et du bien d'autruy : aussy avez-vous bien congnu, quand il a esté question d'y apporter quelque ordre et reiglement, qu'ilz ont plus cerché à disputer que à résoudre et .à conclurre les choses, voulans apparoistre désirer le bien et en effect couvrans et connivans le mal par des subtilitez trop grossières et des ambiguitez si descouvertes, que les uns et les autres en sont ridicules et descouvrent tant de malice que, si je n'estois retenu du respect que je porte, premièrement à la personne de ma dite sœur, secondement au bien de la cause commune, j'aurois ja rompu avec eux, comme ont faict quasy toutes les nations du monde, tant leur foy se monstre infidelle et leur amityé volage et incertaine. Mais, ce seroit applanir le chemin à ceux qui cerchent nostre commun dommage, comme je vous ay tousjours escript; c'est pourquoy, je ne sçay bonnement quel commandement je vous doibs faire,

ny quelle resolution je doibs prendre, sur la persévérance des injustices et iniques traittemens que vous m'avez escript, par voz lettres du vu*" et xxi*' de ce mois, qu'ilz font à mes subjectz; car, d'ung costé, ilz sont insupportables et recepvrions peut-estre moindre mal de leur inimityé que nous ne faisons maintenant, d'autant que nous nous deflierions et revancherions d'eux, ce que nous ne pouvons faire, vivant avec eux comme nous faisons; mais d'ailleurs, je considère, si je prens ce chemin, que je feray les affaires des Espaignols, soit qu'ilz continuent à voulloir faire la guerre à la royne d'Angleterre, ou désirent la mènera la paix; car, ceste mienne resolution et déclaration l'affoibliroit de réputation et de tout le demeurant, et l'exciteroit et l'excuseroit d'entendre à la dite paix. Partant, je concludz qu'il vault mieux encores temporiser et patienter avec elle, pour quelque tempz, et d'autant plus que l'interest et la consequance d'ung tel changement ne tumberoit pas seulement sur elle, mais desfavoriseroit aussi grandement les Estatz des Pays-Bas, lesquelz n'ont besoing ny méritent ceste desfaveur. Je suis doncques de vostre advis, qu'il faut rédiger par escript les articles, desquelz vous estes demeuré d'accord avec eux, quand ilz ne debvroyent servir, comme vous dittes, que à favoriser et à fortiffier la justice de noz plainctes et amuser le monde; puis, selon qu'elle se gouvernera, tant envers les dits Estatz que avec le roy d'Espagne et l'Archiduc, nous nous conduirons envers elle ; car, encores que les siens et elle-mesme facent paroistre voulloir s'accorder avec le roy d'Espaigne et le dit Archiduc, et qu'en effect ce soit leur désir et but, toutesfois, il ne fault point doubter qu'elle ne se trouve fort combattue d'infinies difficultez qui se représenteront et de son irrésolution naturelle, quand il faudra franchir le saut. Davantage, sçachez que le conseil du roy d'Espagne est si lier et irrité contre la dite dame, que j'entens qu'il choisira plustost le party de la guerre avec elle ; à quoy il est fomenté du Pape et peut-estre si^ engagé de parolle, que à peine s'en peut-il desdire. De faict, j'ay sceu que le conseil de Bruxelles, qui incline du tout i\ la paix, comme il ne fault point doubter que le dit Archiduc ne face, aflin de séparer du tout ladite dame d'avec les Estatz, pour achever de désespérer ceux-cy, a depesché Cumans en Espagne

pour débattre les raisons de la dite paix et obtenir du dit Roy que Ton y entende; car, il n'y a esté fleschy et semble que le jeune Roy veuille reserver ceste querelle, exprès pour employer ses premières armes. Toutesfois, il est certain que ce ne peutestre pour ceste année, car il n'a armé ny arme que pour la defîensive, surl'advis qu'il a de l'armée holendoise, à laquelle il estime que les pirates anglois se doibvent joindre, du sceu et consentement de la dite Royne, laquelle a haut loué le placart que les dits Estatz ont publié, comme celle qui voudroit que chascun fust privé dutraffic, comme elle est, etqui,pourestre forte sur mer et accoustumée à la piratterie, s'attend de tirer plus de proffit de la confusion qui s'en ensuyvra que nul autre. Or, je verray ce que l'ambassadeur de la dite dame me dira, tant de son chef que sur les plaintes que je luy feray des dites injustices; puis, je vous manderaysi vous aurez à mettre en forme le dit reiglement et tout ce que j'estimeray estre à propos que vous faciez pour le bien de mon service. Mandez moy ce que aura traitté l'ambassadeur du duc Charles de Suéde et surtout ce que vous apprendrez du costé d'Irlande. Le sieur de Bethune partira, dans deux jours, pour aller en Escosse visiter le roy du dit pays, ainsyqueje vous ay escript. La plus expresse charge que je luy donneray sera d'exhorter le dit Roy à tousjours honorer et aymer la dite dame Royne, ma bonne sœur et cousine, comme il doibt faire, ainsy que vous luy direz ; mais, advisez s'il seroit à propoz qu'au retour du dit pays il revinst par Angleterre et que je luy commande faire l'office de ceste acceptation de l'ordre de la Jarretière, qu'il est besoing que je face, et, en ce cas, vous informer en quelle forme doibt estre faitte ceste acceptation, et avec quelles cérémonies et complimentz, aflin que je l'en instruise et luy donne moyen d'y satisfaire. Le dit sieur de Bethune est gentilhomme de maison et de mon conseil, lequel s'acquittera fort bien de tout ce qui luy sera commandé, et il ne doibt séjourner au dit pays d'Escosse que deux ou trois mois et s'y rendre par mer : mandezmoy donc vostre adviz au plus tost. Je prie Dieu, Monsieur de Boissize,...

HENRY

DE NEUFVILLE

Copie. — Bibl. mat., Ms. fr. 4128, fol. 69 v».

A MONSIEUR DE BOISSISE

MonsieurdeBoissize, Je VOUS envoyé lo double d'ung mémoire, que m'a présenté l'ambassadeur de la royne d'Angleterre, ma bonne sœur et cousine, en sa seconde audience, avec la response que j'ay faitte à iceluy, affin que vous en puissiez respondre par delà. Le dit ambassadeur eust bien voulu que je luy eusse promis faire payer, dès ceste année, à la dite dame une bonne somme de deniers sur ce que je luy doibs, outre les vingt mil escus desquelz il est faict mention par ma dite response; mais, je luy ay faict dire qu'il m'estoit impossible de le faire, estant encore fort en arrière en mes finances, tant la paix et la guerre en ont consommé : de quoy ledit ambassadeur a faict démonstration de n'estre content; mais, quand il seroit question de la conservation de mon Estât, je ne pourrois faire mieux et serois marry que la dite dame creust que j'eusse faute en cecy de bonne volonté de la contanter, plustost que de pouvoir. Partant, si elle ou les siens vous en parlent, deffendez mes excuses ei respondez de mon intention. J'ay faict dire au dit ambassadeur, qu'il est besoing non seulement de faire rédiger par escript et signer le reiglement que vous avez accordé avec la dite dame et ceux de son conseil, pour la liberté et seureté de ceux de la navigation, mais aussy donner ordre qu'il soit suyvy et exécuté, afûn que nos subjectz jouissent des effectz de nostre bonne amityé et conffîderation, autrement qu'ilz n'ont faict jusques à présent, si nous voulons conserver la dite amityé; luy ayant faict entendre (jMc mes subjectz sont si mal traitiez par ceux de la dite dame et rnesmes par ses officiers ou commissaires ordonnez pour leur faire justice, que j'en reçois tous les jours quelque nouvelle plaincte et que vous avez esté contrainct fraischement de vous

en addresser de rechef à la dite dame, affin qu'elle y pourveust, chose qu'elle vous avoit promis de faire, et pareillement le dit admirai et le secrétaire Cecil, dont j'attendois les cffectz en bonne dévotion, pour n'ostre contraint d'avoir recours à d'autres remèdes, pour faire raison à mes dits subjectz des vioUences et injustices qui leur estoyent faittes; adjoustant que je sursoiray la publication de la deffense du commerce des armes, munitions et matériaux de guerre, de laquelle il a faict tant d'instance, jusques à ce que le dit reiglement soit escrit et signé de part et d'autre, comme il doibtestre, et que je voye mes dits subjectz en chemin d'obtenir justice de leurs pertes. Le dit ambassadeur approuve que le dit reiglement soit mis en forme, pour estre exécuté et gardé; excuse et deffend les commissaires ordonnez par delà pour rendre justice, disant qu'ilz sont gens de bien, et ne croit qu'ilz refusent d'en faire leur debvoir; demande que l'on luy baille ung mémoire des plainctes que vous en avez faictes et adjouste des récriminations en gênerai, que je luy ay faict dire n'estre recepvables, et qu'il faut venir au particulier, dont j'ay offert luy faire faire justice. Vous travaillerez doncques par delà, avec ceux du conseil de la dite dame, à mettre en forme le dit reiglement, puis, vous le m'envoirez, affm que je le signe, etjelevous renvoyray après, à ce que vous le présentiez et deslivriez par delà à la dite Royne, au mesme tempz que son ambassadeur me présentera icy celuy qu'elle aura signé. Vous dresserez aussy ung estât des plainctes de mes dits subjectz, que vous me envoyerez, encores que j'aye dit au dit ambassadeur que on se debvoit contanter que il fust représenté par vous à la dite dame et à ceux de son conseil. J'ay commandé aussy la depesche, pour faire sortir de Calais ce Colefford, subject de la dite Royne, qu'elle dit s'y estre retiré, et la pouvez asseurer qu'elle recepvra de moy, en toutes occasions, tous offices de vraye et parfaitte amityé et gratitude qu'elle en doibt attendre. Au reste, j'ay colligé des propoz du dit ambassadeur, que sa maistresse seroit bien ayse que les traittez d'alliance et confédération d'entre nos couronnes fussent renouveliez et aussy que je la feisse visiter par quelque personnage de quallité, qui eust charge de faire l'office de ceste acceptation de l'ordre de la Jarretière, qu'elle

attend de moy; sur quoy, je vous diray que je n'ay pas moindre envie de satisfaire en cela à la dite dame qu'elle-mesmes ; car enfin, c'est mon intention, comme aussy le bien commun de nos affaires, d'estraindre plus que jamais nostre susdite confédération, pour en recueillir le fruict, duquel les guerres passées nous ont privez. Partant, si delà il vous font connoistre désirer que nous renouvellions les dits traittez et que nous mettions la main à bon escient à Texecution d'iceux, et aussy que nous y adjoustions encores quelque chose qui puisse affermir davantage nostre dite confédération et la rendre plus utille à nous et à noz subjectz, dictes leur que j'auray bien aggreable d'y entendre et d'y contribuer tout ce qui dépendra de moy; mesmes, je trouve bon que vous leur en secouyez la bride, avec prudence et discrettion toutesfois, affm de les attirer à ce party par la représentation et asseurance de la bonne volonté que j'y apporteray et par la considération du bien qui nous en résultera. Je sçay bien qu'il faut craindre qu'ilz recerchent par delà ceste ostentation, plus pour s'en prevalloir envers les Espaignolz que pour envie qu'ilz ayent de se unir et lier plus estroittement avec moy; toutesfois, comme il me semble qu'il ne me peut advenir mal de leur faire connoistre, en ceste occasion et saison, ma bonne volonté, je concluds qu'il est mieux et plus honorable pour moy de les conforter en ce désir, que de les en desgouter : au moyen de quoy conduisez-vous y de façon qu'ilz ayent occasion de se louer de ma franchise et droitte intention, et m'advertissez de ce qu'ilz vous en diront. J'ayreceuvostre lettre du xxnij^ du mois passé et seray très ayse de sçavoir si le roy de Dannemarch sera arrivé en Escosse ; mais, vous les pouvez bien asseurer par delà que la charge que j'ay donnée au sieur de Bethune n'a rien de commun avec la venue au dit pays du dit Roy et qu'elle a pour principal but de conforter le dit roy d'Escosse en l'amityé et reverance qu'il demonstre porter à la dite Royne, ainsy que je vous ay escrit par mes dernières. Je prie Dieu, Monsieur de Boissize,...

HENRY

UE NEUK VILLE.

62 PIÈCKS JUSTIFICATIVES.

7 JUILLET 1599 Copie. — Bibl. nat., Ms. fr. 4128, fol. 76 v".

A MONSIEUR DE BOISSISE

Monsieur de Bois.size, Si je ne vous ay escrit, depuis le m" du mois passé, c'est parce que j'ay tousjours esté par les champz, sans m'arrester en aucun lien, pour mieux et plus commodément jouir du plaisir de la chasse, en ceste belle saison. J'ay receu voz lettres des xi et xxn*" du dit mois, celles-là le xxi*" et celles-cy hier seulement, vi" du présent. J'ay esté bien ayse d'entendre la bonne santé de la Royne, ma bonne sœur et cousine, laquelle sera asseurée aussy de la mienne, comme de la continuation de mon amityé. Je m'apperçoy bien que la dite dame a crainte que j'aye opinion que sa paix avec le roy d'iî^spaigne et l'Archiduc et l'Infante soit plus advancée qu'elle ne nous a faict dire, car son ambassadeur nous en parle souvent; mais, je luy ay tousjours respondu en termes generaulx, comme ont faict mes serviteurs. Il veut que je croye que sa maistresse se conduira par mon conseil et ne s'y engagera davantage, sans me le faire sçavoir : de quoy je luy ay faict paroistre prendre toute fiance, ainsy que vous ferez de vostre costé envers la dite dame et ses conselliers, ayant toutesfois tousjours l'œil au guet, pour descouvrir ce qui s'en traittera, affm de m'en advertir, comme je m'attends de l'estre, par vostre première, de ce que aura faict ung certain commissaire sufFragant de Gumans, que La Boderye et depuis le sieur de Vie m'ont mandé estre passé en Angleterre, pour entretenir la pratticque du dit Gumans, durant son voyage d'Espagne. Il n'est encores repassé, et ay quelque opinion qu'il aura suyvy le dit Archiduc, lequel, ayant passé à la veue de ma coste de Provence, il y a quelques jours, doibt estre de présent arrivé à Millau. L'ambassadeur d'Espaigne s'attend qu'il arrivera à Bruxelles dans la fin du mois d'aoust et qu'il prendra le chemin d'AUemai-

gne. Ce sera à son arrivée que s'eschaulîera à bon escient le traitté de la dite paix, s'ilz y ont peu faire résoudre le dit roy d'Espaigne, qui s'en est monstre aliéné jusques à présent, tant pour les offenses qu'il dict avoir receuesdes Anglois, depuis qu'il est roy, que pour complaire au Pape, lequel, de son costé, va allongeant la décision de ce différent que j'ay avec le duc de Savoye, de façon que je prevoy que je seray contrainct à la fin de recercher d'autres moyens, pour y pourveoir ; car, je n'ay pas desliberé d'endurer que le dit duc triomphe longtempz de son usurpation, à ma honte et au desadvantage de mon Estât. Je m'advanceray doncques vers Moulins et Lyon, exprès pour cela, selon que je verray qu'il sera nécessaire, et l'eusse ja faict, suyvant ma première délibération; mais, ayant esté contrainct, pour contanter Sa Saincteté, de prolonger le terme de nostre compromis, pour plus de tempz que je n'avoys desliberé, c'eust esté chose inutille. Le patriarche de Gonstantinople est encores icy pour ce subject, mais, j'estime qu'il se licentiera bientost. Je feray repasser par l'Angleterre le sieur de Bethune, quand il reviendra d'Escosse, et luy donneray charge de prendre possession de ma place, en lachappelle de l'ordre de la dite dame, suyvant l'extraict des statutz d'iceluy, que vous m'avez envoyé. Voilà mon intention sur vostre première lettre. Quand à l'autre, je vous diray que, si la dite Royne lisoit dans mon cœur et connoissoit l'envie que j'ay de conserver son amityé et me revancher des plaisirs que j'ay receus d'elle, elle n'auroit si mal pris ma response première, que j'ay faicte à son ambassadeur, quand il m'a demandé le remboursement des deniers qu'elle m'a prestez, que j'ay appris par vostre lettre qu'elle a faict. Vous avez respondu très sagement à la plaincte qu'eUe et ses conseillers vous ont faicte et, quand les miens seront rassemblez près de moy, ce qu'ilz doibvent faire à Orléans, dans la sepmaine jirochaine, j'adviseray avec eux ce qu'on pourra faire pour la contanter; mais, à vous dire la vérité, je prevoy qu'il sera très difficile que j'adjouste quelque chose aux vingt mil escus, que nous avons faict estât luy payer ceste année; car, il ne me reste ungescu à départir et assigner de tout mon revenu d'icelle, et comme les expéditions du département des dites assignations ont esté deslivrées aux parties (jui les

doibvent recepvoir, elles sont hors de ma disposition, de sorte que je ne puis pas les retirer et revocquer, quand je le voudrois faire, pour conlanter la dite Iloyno. Je foray tout ce que je pourray, pour luy conlirnier par efl'ect ma bonne volonté, car je désire la contanter et conserver son amityé ; je connois aussy qu'elle a besoing d'assistance, puisque la guerre d'Irlande doibt estre longue, et suis marry de ceste mauvaise rencontre qu'y a eue le comte d'Essex, encores que la perte ne soit grande ; car, les premiers coupz doublent tousjours, quand ce ne seroit que pour gaigner la réputation à l'enfournement de telles entreprises, car c'est chose qui importe grandement. Or, j'espère tant du bonheur de la Royne et de la conduitte du dit comte, que cela sera bientost reparé, dont j'auray à plaisir d'estre adverty, et pareillement de ce que produira le desplaisir, qu'on estime que aura receu le comte d'Essex, du département des charges que la dite dame a faict, depuis son partement. L'ambassadeur de la dite dame m'avoit ja faict ouverture du renouvellement des traittez d'entre noz couronnes, disant qu'ilz sont finis, d'autant qu'ilz n'ont esté confirmez par moy, depuis mon règne, comme ilz debvoyent estre, ainsy qu'il est porté par celuy qui fut faict l'an 1572, article troisiesme, adjoustant que, par le dernier que j'ay faict avec la dite Royne, encores qu'il soyt relatif des precedens, comme s'ilz debvoyent avoir lieu, toutesfois, pour n'avoir esté auparavant confirmez, comme ilz debvoyent estre, l'on peut dire qu'ilz sont expirez et partant estre nécessaire de les renouveller, quand ce ne seroit que pour les faire exécuter. Je luy ay respondu que je seray tousjours très prest et disposé de faire, pour ce regard, tout ce qui sera jugé à propos, non seulement pour confirmer mais aussy pour amplifier et estraindre davantage les dits traittez d'alliance, quand il plairra à la dite dame, et, puisqu'elle vous en a faict parler par ceux de son conseil, ainsy que vous m'avez escrit par vostre dite dernière lettre, je trouve bon que vous leur déclariez ma bonne volonté et que vous entendiez et apreniez d'eux ce qu'ilz prétendront faire, pour m'en donner advis. Mais, vous prendrez garde, ce faisant, de ne leur donner occasion d'espérer qu'en ce faisant je sois pour faire préjudice au dernier traitté que j'ay faict avec le roy d'Espaigne, sans

toulesfois leur faire paroistre que j'aye opinion qu'ilz ayent dessein de me forcer à cela, d'autant que ces deux traitiez ne sont incompatibles et peuvent estre observez, en mesme tempz, par ceux qui y ont interest. Enfln, je trouve très bon que nous renouvellions les ditz traittez et qu'il soyt passé outre à l'exécution d'iceux, le plus tost que faire se pourra, car, ce sera le bien commun de noz subjectz; mais, cela ne debvoit empescher le reiglement pour la mer, qu'ilz vous ont accordé, comme vous leur avez remonstré, et me desplaist que vous n'y ayez rien gaigné. Toutesfois, je ne suis pas d'advis que vous les en pressiez, autrement que par rencontre et quand il viendra à propos : mais, si sur cela leurs gens pillent mes subjectz, je veux bien qu'ilz sçachent que je m'en revancheray sur les leur, et si je ne le puis faire en mer, par faute de navires de guerre, je le feray en terre à belles représailles et par leur interdire le commerce de mon royaume; car, je ne veux point de société avec ceux qui viollent la loy des gens, et d'autant plus que je sçay bien que la dite dame n'a subject de se plaindre du transport des bledz, duquel ses gens font tant de bruit, ny de croire qu'il se dresse en Espaigno une armée de mer suffisante pour luy mal faire, de sorte qu'il semble que les siens ne recercbent, par telle hoguignerie, que ung prétexte de me fascher et quereller. Peut-estre estimentilz obtenir de moy ce qu'ilz désirent, plus facillement par ce moyen que autrement, mais, ilz s'abusent fort, car je ne fais rien par force, que de me roidir contre ceux qui en usent. Je verray doncques comme ilz s'y comporteront : toutesfois, quand je seray assisté de mon conseil, je feray expédier la commission nécessaire, pour faire faire justice des piratteries desquelles ilz se plaignent, suyvant vostre adviz, et feray parler à leur ambassadeur de celles qui sont portées par le mémoire que vous m'avez envoyé. Je prie Dieu, Monsieur de Boissize, qu'il vous tienne en sa saincle garde. Escript à Paris, le vu" jour de juillet 1599.

HENRY

DE NEUF VILLE

21 JUILLET 1599 Copie. — Bibl. nat., Ms., fr. 4128, fol. 82 vo.

A MONSIEUR DE ROISSISE

Monsieur de Boissize, Je feis response à voz lettres du xxnu® du mois passé le wi" du présent, par la voye de Calais; depuis, j'ay receu celle du im"'. J'approuve vostre délibération, assavoir de ne les presser par delà davantage de ce reiglement de la mer, puisqu'ilz revocquent en doubte ce qu'ilz vous en avoyent accordé : de quoy j'ay faict dire icy ung mot à leur ambassadeur, mais plus en passant que autrement; car, il me semble que il faut ainsy negotier avec eux, ayant remarqué qu'ilz font coustume de faire naislre des difficultez en tout ce qu'ilz connoissent que j'affectionne, comme si je vouUois les decepvoir, à quoy je ne pense aucunement, ou s'ilz me vouloyent faire achepter ce dt)nt ilz estiment que j'aye besoing, de quoy je veux plus accuser l'air du pais et le naturel de ceux sur lesquelz la Royne, ma bonne sœur et cousine, se repose de ses affaires, que sa bonne volonté. Vous ferez bien de vous contanter d'assister mes subjectz en leurs poursuites, pour avoir justice des piratteries qui leur sont faittes. J'ai faict depescher la commission nécessaire, pour faire le semblable aux subjectz de ma dite sœur, ainsy que vous verrez par le double que je vous en envoyé. Le premier président du parlement de Rouen doibt estre icy demain, auquel j'en recommanderay l'exécution, de quoy j'ay aussy escrit à mon admirai, affm qu'il y donne ordre de son costé, de façon que ma dite sœur et ses subjectz ayent occasion de s'en louer, comme j'ay dit au dit ambassadeur, lequel a voulu nous faire croire que leur remise et surseance, pour le regard du dit reiglement, n'a procédé que de nostre longueur à establir à Rouen la dite chambre de justice; mais, je croy que ce n'est qu'un prétexte, qui leur mancquera maintenant, par le dit establissement.

Davantage, le dit ambassadeur ne se monstre plus si eschauffé, qu'il faisoit au commencement, au renouvellement de noz traittez, dont il m'avoit faict ouverture, ainsy que vous a faict par delà le secrétaire Gecil; il insiste seulement que les Anglois jouissent en mon royaume de l'exemption du droict d'aubeyne accordée par le traitté de 157:2; à quoy je luy ay faict dire que la dite Royne face exécuter de sa part ce qui est porté par le dit traitté : à quoy le dit ambassadeur respond qu'il ne sera faict difficulté, ainsy qu'ilz vous doibvent dire par delà. Partant, vous les orrez parler et attendrez venir, sans les recercher de ceste provision ; mais, s'ilz vous parlent de renouveller les dits traittez, ou d'en faire ung plus exprès, vous leur déclarerez qu'ilz me trouveront tousjours prest à leur faire paroistre, en ceste occasion et en toutes autres, combien je prise l'amityé de la dite Royne et veux l'estraindre et affermir, par tous moyens qui seront en ma puissance, vous instruisant de leur conception, pour m'en advertir. Il n'y a rien de quoy leur ambassadeur face plus grande démonstration de s'offenser, pour sa maistresse, que quand on luy dit que la paix d'Espaigne avec elle est plus advancée qu'il ne m'a dit de sa part, de sorte que je n'ay pas desliberé de leur en parler davantage, comme vous ne ferez de vostre costé à la dite Royne ny à ses ministres, vous contantant d'escouter et leur faire paroistre que vous croyez ce qu'ilz vous en diront; joinct que j'estime que la guerre des Pays-Bas sera ce qui reiglera en cela sa volonté, autant et plus que tout autre chose, dont nous serons mieux esclairciz, à l'arrivée au dit pays de rArchiduc et de l'Infante, lesquelz debvoyent faire leur entrée à Milan, le iiii'' de ce mois, et y séjourner trois sepmaines ou ung mois, pour y recepvoir ung légat du Pape et les visites et complimentz des autres princes d'Italie. Hz ne sont sans peine du chemin qu'ilz tiendront pour se rendre aus dits pays, à cause de la contagion, qui est grandement accreue en Piedmont des armées des Allemans et du carriage qui les suit, de sorte que je no pense pas qu'ilz seyant à Bruxelles plus tost qu'en octobre : vray est que l'on dict que le dit Archiduc a ((uehiue envie de gaigner le devant par les postes, ou en petite compaignie, mais d'autres croyent qu'il n'abandonnera son infante, quelque be-

soing que les affaires du dit pays ayant de sa présence, lesquelles sont roduictes à très mauvais termes, par faute tant de conduitte (jue d'argent. De quoy estimant que vous estes à plein informé, je ne vous particulariseray rien par la présente, à laquelle j'adjousteray que le dit ambassadeur m'a de nouveau faict une instance extraordinaire, pour estre payé ou bien assigné de ce que je doibs à ma dite sœur, et combien que je luy aye représenté mes nécessitez et que je luy aye dict qu'elles m'ostoyent tout moyen de le contanter, du moins ceste année, de façon que je ne doubte point qu'il n'en ait donné l'allarme à ma dite sœur, de laquelle ce sera à vous à soustenir l'assault; mais, je m'asseure que vous le sçaurez bien faire, fortiffié de vostre prudence et affection à mon service ; et, voyant qu'il ne pouvoit obtenir de moy autre chose, pour la présente année, il a demandé que je l'asseurasse du moins dès à présent de ce que j'en pairois la prochaine ; mais, je luy ay dit que c'estoit chose de laquelle je ne pouvoys le résoudre, que je n'eusse fait Testât de mes finances de la dite année, n'ayant encores arresté quelz seroyent les deniers que je tireray de mon peuple durant icelle, à cause de la pauvreté d'iceluy, à laquelle la raison, mais encores plus la misère m'obligent d'avoir esgard, et que je commanderois à ceux de mon conseil d'y adviser; que j'avoys très bonne volonté, non seulement de rendre à la Royne l'argent qu'elle m'avoit preste au besoing, mais aussy de l'assister et servir de tout mon possible, en ce qui se presenteroit pour son contantement. Pour conclusion, je n'ay peu contanter le dit ambassadeur, quoy que je luy aye peu dire : il veut de l'argent et je n'ay moyen quelconque de faire payer ceste année plus que les xx mil escus, qui ont esté assignez dès le commancement d'icelle, et vous asseure que, si je pouvois faire mieux, je ne l'espargneroys pas, comme vous direz à la dite Royne, luy remonstrant qu'en me pressant de faire plus que je ne puis elle me contrainct aussy d'avoir recours aux excuses, au lieu de la contanter, dont je désire qu'elle croye que je suis très marry. Je le suis aussy du peu d'affection qu'elle monstre avoir des actions du comte d'Essex et des riottes qui se passent entre elle et le roy d'Escosse, lequel on dict que le roy de Dannemarch a visité. Continuez à m'advertir de tout

ce que vous apprendrez des choses susdites. J'ay commandé qu'il fust pourveu au faict de Thomas Grey \ suyvant vostre adviz, pour contanter la dite Royne et son admirai, qui vous en a faict instance, et serez adverty de ce qui en succédera; priant Dieu, Monsieur de Boissize, qu'il vous ayt en sa saincte garde.

HENRY

DE NEUFVILLE

Orig. — British Muséum : Bibl. Lansdowne, Ms. 148, fol. 234.

A TnrS n.VULTE, TRKS excellente KT TRES PUISSANTE PRINCESSE, NOTRE TRES CHKRR ET TRÈS AMÉE BONNE SEUU ET COUSINE,

LA REYNE d'aNGLE TERRE

Très haulte, très excellente et très puissante princesse, notre très chère et très amée bonne seur et cousine. Nous estimions

i. Le 4 juillet, M. de Boissisc écrivait au Roi :

« Sire, Le sieur admirai d'Angleterre m'a prié d'escrire à Vostre Majesté, en faveur de Thomas Grey, principal maistrc des vaisseaux de la Royne, à ce qu'il plaise à Vostre Majesté commander restitution estre faicte au dit Grey de deux vaisseaux, qui luy sont de longtempz retenus à Dieppe et au Havrede-Grace, l'ung desquelz nommé la Prime Rose, porta les soldats que le millord Willougby mena au secours de Vostre Majesté, et fut pris au retour par ceux qui tenoyent le Treport contre vostre service et, depuis la dite ville do Treport rcduittc en vostre obéissance, le dit navire auroit esté rcbasty et tousjours employé à vostre service. Le dit Grey m'a dit que Monsieur de Beauvoir, par vostre commandement, luy auroit offert mil escuz do recompense qu'il auroit relîusez, espérant recouvrer le dit navire, et à prosent les vouldroit tenir. Il fauldra, s'il plaist à Votre Majesté, s'informer du faict et, s'il est tel, faire raison au dit Grey. L'autre vaisseau a nom le Thomas et est retenu par qui'lques habitans du Havre, pour represaille d'unfî navire pris sur eux par les Anglois. Pour ce regard, la justice vcult que A'otre Majesté ordonne aux habitans du Havre de venir dans ung mois ou autre terme dj-niander justice et restitution de Irur navire icy et, à faulte de ce, qu'ilz soyent conlrainctz do rendre le dit navire au dit Grey, lequel ilz n'ont deu arrestcr tl'auctorité privée. » (Bibl. nat., Mh. fr. 4128,' f(d. 7Î).)

qu'apri»s l'instance que le sieur de Boissize, conseiller en notre conseil d'Estat et notre ambassadeur près de vous, a faicte par delà, pour la restitution de deux vaisseaux d'01lonne,rung nommé le Catkolicque, appartenant à Jehan Maugars, et l'autre la Marie, appartenant à Jehan Boucher, nos subjccts,ces pauvres gens recueilleroyent quelque fruict de son intercession ; mais, tant s'en fault qu'elle leur aye esté utile, qu'elle les a seullement constituez en despense, sans en avoir rapporté aucun advantage : de quoy nous escrivons de rechef au dit sieur de Boissise, pour vous en parler, etàceulx de votre conseil, vous prians affectueusement de leur commander de mètre ceste poursuite en consideracion, pour en faire faire raison à nos dits subjects, selon que nous l'attendons de votre affection à l'entre tcnemcnt de notre amitié et soulagement de nos communs subjects ; et nous y correspondrons, de notre part, en toutes autres occasions qui se présenteront, ainsy que le dit sieur de Boissize vous fera plus amplement entendre; priant Dieu, Très haulte, très excellente et très puissante princesse, notre très chère et très amée bonne sœur et cousine, qu'il vous ayt en sa très saincte et digne garde. Escript à Bloys, le vi^'jour d'aoust 1599.

Votre bon frère et cousyn, HENRY.

DE NEUFVILLK.

Copie. — Bibl. nat., Ms. fr. 4128, fol. 86. A MONSIEUR DE BOISSISE

Monsieur de Boissize, Je suis très marry du mescontantement de la Royne et plus encores de n'avoir meilleur moyen d'y remédier, car sans doubte je la contanterois, sa demande estant juste

et sçachant combien il m'importe de ce faire. Son ambassadeur ne modère point ses poursuittes pour le payement de ses debtes, quoy que je luy aye dit et faict dire. Nous verrons, quand je dresseray Testât de mes finances de l'année prochaine, ce que je pourray faire, de quoy vous serez incontinent adverty; cela se pourra résoudre dans ung mois ou six sepmaines; mais, il m'est du tout impossible de payer davantage, ceste année, que les vingt mil escus assignez, comme j'ay faict dire au dit ambassadeur, et suis bien d'advis que vous n'en parliez plus à la Royne, si elle ne vous en parle; auquel cas vous continuerez à l'asseurer de ma bonne volonté et m'excuser sur mon impuissance, qui procède de celle de mon peuple, et vous luy direz vérité. Le dit ambassadeur m'a parlé de rechef du renouvellement du traité de l'an 1572 : je luy ay dit estre tout disposé et ay commandé à ceux de mon conseil de l'ouir, mais, d'avoir esgard à l'advis que vous m'avez donné sur cela par vostre dite lettre ; car, comme vous dictes, il est raisonnable que les choses soyent reciprocques, et désire que vous me mandiez là dessus ce qu'il vous semble que je vous doibs demander; et, comme il n'est pas raisonnable que le dit traitté face préjudice à leurs debtes, aussy ne doibs-je rien accorder qui contrevienne au traitté de paix, que j'ay faict avec le roy d'Espaigne, de sorte que je ne puis approuver le dernier des deux articles nouveaux, qu'ilz ont proposez, comme vous leur avez très bien dict, mais aussy je ne fais difficulté du premier. Quant au sixiesme du dit traitté, faisant mention des bannières haultes, qu'ilz prétendent reformer, je ne puis estre de leur advis; car, s'il leur estoit loisible d'abborder et fouiller les navires de mes subjectz, je sçay qu'il seroit impossible de les garantir du pillage, quelque ordre qu'ilz offrent d'y donner, ce qui sera remonstré icy à leur ambassadeur, quand il traittera ce poinct. Le dit ambassadeur veut que je croye qu'il n'y aura difficulté à l'expédition du reiglement pour la mer, que vous avez fait par delà avec eux, mais j'en croiray ce que vous m'en escriprez. C'est leur coustume de changer voUontiers d'advis, comme il e.st advenu en ce faict et en celuy qui concerne le sieur de Bethune; et, puisqu'ilz ne désirent pas que je luy donne la charge de prendre ma place de l'ordre, il faudra y envoyer

ung autre, mais aussy, il faudra qu'il revienne sans passer par Anf^loicrre; car il seroit honteux, ayant esté proposé pour faire toi office, qu'il ne le feist point, par faute de qualité et d'estre aggreable à la Iloyne, dont toutesfois vous ne leur direz rien. Le dit ambassadeur m'a parlé de ce vaisseau marseillois, duquel aussy la dite Iloyne m'a escript : nous adviserons ce que nous y ferons, dont vous serez adverty; car, il m'a demandé une surseance de l'exécution de certaines lettres de marque dépêchées cy-devant contre les Anglois, pour estre exécutée à Bayonne, qui leur a esté accordée. Je vous en envoyé le mémoire, affin que vous sçachiez que c'est. Je ne doubte point qu'elle ne veuille faire paix avec le roy d'Espaigne et l'Archiduc et que ceux-cy n'y soyent aussy disposez. On publie aussy que le dit Archiduc et l'Infante ont permission et volonté de faire sortir des villes des Pays-Bas les Espaignolz qui y sont, s'il ne tient qu'à cela que les Hollandois ne soyent contans; de quoy je prevoy que la royne d'Angleterre se prévaudra envers les Estatz, pour les esbransler à l'acccompaigner au dit traitté, à quoy vous prendrez garde. 11 y a deux jours que je feis escrire au sieur de Vie, pour vous advertir que j'avois entendu que le roy d'Espaigne avoit son armée de mer preste, composée de cent cinquante voilles, et que l'on disoit que partie d'icelle debvoit aller en Irlande ; mais, il passa hier par icy ung courrier venant d'Espaigne, qui porte advis que la dite armée estoit commandée d'aller aux Canaries, sur la nouvelle qu'ilz avoyent eue que celle de Hollande sestoit emparée de la grande isle des dites Canaries et avoit pris la ville et la forteresse, dont toute l'Espagne estoit fortesmeue, de sorte que les Irlandois seront pour ce coup privez du dit secours, dont je pense que la dite Royne ne sera marrie. Vous luy en direz la nouvelle, si elle ne la sçait. Le roy d'Espagne estoit retourné par mer à Valence, au lieu d'aller à Saragosse, et dit-on qu'il y passera l'esté, la peste estant respandue par toute l'Espaigne, et principallement en Castille, de sorte que je ne sçay quel chemin pourra prendre mon ambassadeur, pour se rendre auprès de luy. Les dits Archiduc et Infante partirent de Milan, le ^i'' du mois passé; ilz preignent le chemin de Suisse et du Comté et pourront arriver à Bruxelles, dans le mois

de soptombre. La peste est tousjours très grande en Piedmont, et les affaires du marquisat de Salluces ne changent point encores de face, à quoy j'espère que le tempz pourvoira, ayant de présent entrepris la poursuitte de la dissolution de mon mariage, que j'ay plus à cœur que toute autre. Continuez à me donner advis de ce qui surviendra, mesmes du costé d'Irlande, où l'ambassadeur d'Angleterre m'a dict les affaires prospérer à souhait, pour le service de sa maistresse, dont vous vous resjouirez de ma part avec elle. Je prie Dieu, Monsieur de Boissize,...

HENRY

DK NEUF VILLE.

Copie 1. — Bibl. nat., Ms. fr. 4128, fol. 88. A MONSIEUR DE BOISSISE

Monsieur de Boissize, Monsieur de Villeroy ayant faict passer ce courrier par icy, j'ay veu la depesche* qu'il vous faict, sur quoy je n'adjousteray aucune chose, sinon que vous conduisiez en ce faict avec vostre prudence accoustumée et à faire valloir cet adviz, comme la chose le vault. J'estoys venu en ceste ville faire ung tour, pour quelques affaires qui m'y appelloyent, ayant laisse'* mon conseil à Bloys. Je pars demain d'icy, pour les retourner trouver, et espère y estre mardy de bonne heure. A Dieu, Monsieur de Boissize. Ce Dimanche, xiv" aoust, à Paris.

HENRY