Cette lettre était autographe

80 PIÈCES JUSTIFICATIVKS.

près le péché. Toutesfois, vous ne debvcz rien négliger de vostre costé, comme je vous prie croire que je ne feray du mien. Peutestre pensent-ilz que vous soyez desgarnie de forces, de cappitaines et de moyens de vousdeffendre, mesmement à ceste heure, qu'ilz savent les meilleurs estre employez en Irlande, qu'ilz espèrent aussi trouver en vostre royaume des personnes qui leur tendent la main et les favorisent. Je m'asseùre que vous sçaurez bien remédier à tout cela, comme j'espère donner bon ordre, de ma part, qu'ilz ne tireront de mon royaume forces ni assistance à vostre dommage, ainsi que vous dira mon ambassadeur, sur lequel remettant le surplus, je prie Dieu, Madame ma sœur, qu'il vous conserve en bonne santé et vous donne le contentement que vous désire.

Vostre

HENRY

Copie. — Bibl. liât., Ms. fr. 4128, fol. 100. A MONSIEUR DE BOISSISE

Monsieur de Boissize, Vous aurez cognu, par les lettres que vous aurez receues de nous, depuis m'avoir escript les vostres des dix et xvi*'^ de ce mois, que j'ai sceu le dernier l'advis apporté à Brest, touchant ceste armée de mer dressée en Espagne, et vous asseure que, s'il me fust arrivé plus tost, plus tost l'eussiez vous eu. Vous debvez croire aussi que si Sancerre, qui est en Espaigne pour mon service, m'eust mandé que la dite armée se fust préparée et assemblée, j'en eusse adverty la Royne, ma sœur; mais, tant s'en fault qu'il m'ait mandé cela, qu'il m'a tousjours asseuré, par toutes ses lettres, qu'ilz n'armoyent en Espaigne que pour la dcffensive contre les Anglois et Hollandois, et luy ayant quelques

fois escrit qu'il se trompoit et que j'avois appris d'ailleurs qu'il s'y dressoit une forte armée, pour sortir contre l'Angleterre, il m'a tousjours respondu qu'il y voyoit plus clair que ne faisoyent ceux qui me donnoyent telz advis; et y a plus de six sepmaines que je n'ay receu lettres de luy, n'estant plus, comme j'estime, à la suytte du roy d'Espaigne, par ce que le dit Roy fuit la peste, à cause de la contagion. J'ay veu icy le prince d'Orange, que l'Archiduc et l'Infante passans à Nancy ont envoyé vers moy pour me visiter, lequel m'a asseuré, quand ilz sont partis d'Espaigne, qu'on n'y parloit aucunement de la dite armée, et ne peut encores croire qu'elle soit telle que l'on publie : or, nous serons bientost esclaircis de ce qui en sera et m'avez faict service très aggreable d'avoir offert, en ceste occasion, à la Royne, ma dite sœur, tout ce qui dépend de moy, sans avoir attendu mes commandemens ; car, c'est bien ma volonté et resolution de ne rien espargner de tout ce qui est en ma puissance pour sa conservation et luy tesmoigner combien elle m'est chère, ainsy que je vous ay escript par mes dernières, avec les commandemens que j'ay faictz en suitte de cela par tous les ports de mon royaume; et comme l'ambassadeur d'Espaigne ne m'a jamais dit ung seul mot de la dite armée ni du desseing d'icelle, voire mesmes qu'il en a faict l'ignorant et l'esbahy à ceux qui luy en ont parlé, j'avois aussy estimé ne luy en debvoir rien dire et me contanter de porter les deux mains au secours de ma dite sœur, comme je vous asseure que je feray de très bonne volonté; mais, puisqu'elle désire que je face sçavoir au dit roy d'Espaigne ce que j'en ay sur le cœur, j'en feray dès aujourd'huy une depesche au dit Sancerre et désire que ma dite sœur croye que son bien m'est aussy cher que le mien. Or, j'espère avec elle, moyennant l'ayde de Dieu, que ceste entreprise, faicte à mon jugement très inconsidérément, n'apportera que honte et donmiage à ceux qui l'ont faicte et conseillé. Je commanderay à monsieur de Vie, par ce mesme messager, qu'il en envoyé à la Corongne; car, je n'ay aucim advis, du costé de Normandie, de la dite armée, et me semble (jue la raison veut qu'elle soit allée plustost au secours des Canaries, contre celle des Hollandois, que venue du costé de deçà. En tout cas, ma dite .sœur a bien faict de s'armer et donner si bon ordre ù ses atTaires,

que vous m'avez escrit par vostre dernière qu'elle a faict. Escripvez moy souvent ce qui succédera, car je ne seray en repos, tant que je sois asseuré que ma dite sœur y soit. J'ay bien considéré ce qu elle vous a dit du roy d'Escosse et du voyage du sieur de Bethune, duquel vous luy avez respondu la vérité : je ne voudrois aussy aucunement la luy desguiser ; je ne suis que marry qu'elle n'a autant de fiance en moy qu'elle en a d'occasion; à quoy j'espère que le tempz et mes comportemens en son endroit remédieront. Je prie Dieu, Monsieur de Boissize,...

HENRY

DE NKUFVILLE.

jcr SEPTEMBRE 1599

Orig. — Public Record Office : State papeis, France, bundle 12 5.

A LA REINE d'aNGLETERRE

Très haulte, très excellente et très puissante princesse, nostre très chère et très amée bonne seur et cousine, Nous vous avons cy-devant escript, en faveur de Michel Lanne, marchant de notre ville de S*-Malo, et ses associez, lesquelz, dès l'an XVIIII'"' unze, par l'intercession de nostre ambassadeur près de vous, obtindrent congé et licence de prendre en voz magazins le nombre de vingt pièces d'artillerie de fer, pour s'en servir en un vaisseau, qu'ilz avoyent faict construire do neuf, lequel vaisseau ils envoyèrent en Dannemark, et fut employé à vostre service, soubz la charge du baron de Gomberland, l'espace d'un an entier, après qu'il fut de retour de son voyage, et avec icelluy fut prise la riche caracque de Portugal ; et cela faict, fretterent le dit vaisseau pour Venize, où ils furent contrainctz de le vendre, avec ses munitions, à certains marchands venetiens, ne pouvant fournir à la nourriture de cent matelotz angloys, qu'ilz renvoyèrent à leurs despens en Angleterre. Or le dit Lanne et ses associez ayans, quelque temps après, esté accusez par leurs malveuillans d'avoir,

contre les loix de vostre royaume, transporté les dits vingt pièces d'artillerie hors icelluy et vendu leur dit vaisseau, pretendans se justifier, donnèrent caution d'en respondre en justice; et, ayans demouré en Angleterre l'espace de deux ans, sans que leurs dits ennemys malveuillans eussent faict aucun exploict de justice, les dits Michel Lanne et ses associez s'estans retirez en leurs maisons, leurs dits ennemys poursuivirent la cause, en leur absence, et les feirent condampner en la somme de trois mil quatre cens escuz, et, en vertu de ceste sentence, veullent ruiner trois marchandz de Londres, qu'ilz ont baillé pour cautions : sur quoy, nous vous avons cy-devant, par nos dites lettres, instamment prié de faire surceoir l'exécution de la dite sentence sur les dites cautions, jusques à ce que la cause eust esté revue et mieulx considérée par les juges du pais ; et, d'aultant que les dits cautions sont derechef pressées et poursuivies par les malveuillans du dit Lanne, qui ne les veullent laisser joyr de la revision, qui, dès l'an XV 1111"" quinze, leur fut octroyée, nous vous en avons bien de rechef voulu escrire ceste lettre, pour vous prier affectueusement, comme nous faisons, de trouver bon que la cause soit encores reveue et examinée par les juges de vostre royaume, et jugée selon les loix et constitutions d'icelluy, et l'exécution de la dite sentence surcize jusques alors, dont nous vous prions croire que nous recevrons tout contentement et userons de pareille revanche, à l'endroict de voz subjectz, en toutes autres occasions où vous désirerez le tesmoignage de nostre sincère correspondance à rentretenement de nostre commune amitié et de la liberté du commerce, ainsi que vous cognoistrez par effect et que le sieur de Boissize, conseiller en nostre conseil d'Estat et nostre ambassadeur près de vous, vous fera plus amplement entendre; priant Dieu, Très haulte, très excellente et très puissante princesse, nostre très chère et très amée bonne seur et cousine, qu'il vous ayt en sa très sainte et digne garde. Escript à Bloys, le premier jour de septembre 1599.

Votre bon frère et cousyn, HENRY.

DE NKUFVILLE.

Copie. — Bibl. nat., Ms. fr. 412S, fol. 101 vo.

A MONSIEUR DE BOISSISE

Monsieur de Boissize, Suyvant la promesse, que j'ay faitte à la roync d'Angleterre, ma bonne sœur et cousine, de m'approcher d'elle, aux premiers advis que je recepvrois de la venue de ceste armée de mer espaignolle, les sieurs de Chastes et de Vie m'ayans faict sçavoir, par leurs lettres du iiij^ et y*" de ce mois, ce qu'ilz vous ont escrit en mesme tempz, de quoy ayant aussi eu confirmation par celles du mareschal de Brissac, mon lieutenant gênerai en Bretaigne, du vi*" de ce mois, et du sieur de Sourdeac, du i", je me suis résolu à l'instant de tourner visage du costé de Paris. Mais, ce qui m'y a fait pluR encores resouldre a esté l'arrivée icy d'ung gentilhomme du sieur de Grammont, gouverneur de Bayonne, qui en est party le vin*' de ce mois, qui m'a asseuré que l'adelantado a faict voille de Ferol, le xxvii*' ou xxviii" du passé, avec neuf ou dix mil hommes chargez sur plusieurs gallaires et autres vaisseaux, dont il ne dit le nombre, et qu'ung nommé le cappitaine Ligoret, Biscaïn, qui a servy long temps la Ligue dans Paris, s'allant embarquer avec les autres, a dit que la dite armée doibt descendre en Angleterre, ayant pour ce faire plusieurs batteaux plats faictz exprès pour entrer commodément, abborder et mettre en terre leurs gens. Je partiraydoncques dez demain d'icy, pour m'acheminer en là et iray jusques au Havrede-Graceou à Calais, si j'apprens que la dite armée s'advance ou comparoisse; car, à vous dire la vérité, je ne puis croire qu'elle soit telle que portent les dits advis et estime que ce ne sont que les gallaires de Federic Spinola, qui doibvent servir à Dunquerque, Gravelines et Niewport, que nous avons esté advertis, il y a longtemps, qu'il a entrepris d'armer; car, la saison me semble trop advancée et n'estime pas aussi que ces neuf mil hommes soyent bastants pour exécuter une telle entreprise, mesmement

estant la Royne préparée par terre et par mer et si bien assistée qu'elle est, et dirois comme vous que Dieu aveugle bien le roy d'Espaigne et son conseil et veut chastier à bon escient l'orgueil de la nation, s'il permet qu'ilz s'engagent plus avant en ce desseing, mesmes estans incertains, comme ilz sont, de mon assistance et d'avoir retraitte aux portz de mon royaume. Ce gentilhomme venu de Rayonne adjouste qu'ilz avoyent bien préparé et mis ensemble quinze ou seize mil hommes, ayans tiercé c'està-dire prins de trois personnes l'une en chascune province, mais que, la peste s'estant mise parmy eux, ilz n'avoyent peu en embarquer plus grand nombre que j'ay dit cy-devant, et qu'ilz ont respandu dans le pays et non licencié le reste, comme si, après les avoir rafraischis , ilz debvoyent faire ung second embarquement : à quoy je feray prendre garde. En tout cas, il me semble que ma dite sœur ne peut mieux ny moins faire que de se tenir preste parterre et par mer pour les recepvoir, s'ilz se présentent, ainsy que vous luy direz, affm de n'cstre surprise, et prendray plustost la poste, que je ne me trouve à temps à la coste, si j'apprends que la dite armée en approche et que ce soit à bon escient qu'elle vienne, dont j'ay donné ordre que je seray adverty à poinct nommé. Cependant je m'achemineray tousjours de ce costé là, voulant bien que l'ambassadeur d'Espaigne sçache , comme je luy ay fait dire soubs main, que j'ay prins ceste soudaine resolution exprès pour favoriser ma dite sœur et non pour crainte que j'aye de la dite armée, ny qu'elle puisse faire mal. Il ne m'a dit jusques icy une seule parolle de la venue de la dite armée et j'ay aussi estimé ne luy en debvoir parler aucunement; car, s'il est vray qu'elle marche, ce que je luy en dirois ne l'arresteroit pas, n'ayant pouvoir de le faire, et ne serviroit qu'à le r<Mi(lr<' ])lus fier, et, si l'advis est faux, il interpreteroit peut-estre à ( raint(.' la plaincte que je luy en ferois. Mais, j'ay escript à SancfTre, qui est en Espagne, que si la dite armée n estoit partie, (|uand il recepvra ma lettre, qu'il die au dit roy d'Espaigne et à ses ministres, que j'assisteray ma dite sœur de toute ma puissance, si elle est assaillie en son royaume, et vous repeteray que j'rstime que ce mien commandement arrivera î\ tempz au dit Sancerre, pour servir au désir de ma dite sœur. Car, quoy que

Ton public et die, je persiste à croire que ceste rumeur et levée de bouclier s'esvanouira et ne produira que de la honte et une despense inutille au dit roy d'Espagne, lequel a esté contrainct à la fin de venir à Sarragosse, où il est de présent, les Estatz d'Arragon ayans protesté, s'il n'y venoit, qu'ilz ne reconnoistroyent plus ses officiers ny ses mandemens. Hz luy demandent trois choses, assavoir qu'il face revoir les procès faitz par le feu Roy, son père, contre le pays, lorsqu'il feit mourir* leur justice, soustenant que ce fut injustement, contre leurs privilleges, et la dernière, qu'il face desmolir les citadelles et fortz bastiz par le dit Roy, sur les occasions susdites, ou bien qu'il en donne la garde à ceux du pays et qu'il en tire les estrangers, suyvant les dits privilèges, pour la conservation desquelz ilz veulent tout exposer. L'on adjouste que, si le dit Roy leur accorde leur demande, ilz luy donneront ung million d'or. Or, soit qu'il leur pourvoye par contraincte ou par argent, pour éviter pis, j'estime que telle procédure laissera aux cœurs des ungs et des autres des restes de mescontentement et jalousie, qui pourront avec le temps engendrer des effectz plus périlleux que ceux qu'ilz auront esvitez, et d'autant plus que j'entens que toute l'Espagne est ja très mal ediffiéedu gouvernement du dit Roy et de l'auctorité que usurpe le marquis de Dénia. Au demeurant, j'ay sceu, par vostre lettre du 1" de ce mois, comment vous avez exécuté envers la Royne, ma dite sœur, les commandements que je vous avoys faicts par mes précédentes, et de quelle façon elle les a receus, dont j'ay occasion d'estre très contant, et me desplaist de n'avoir autant de moyen, que j'ay de bonne volonté, de mieuxtesmoignerà ma dite sœur ma gratitude des plaisirs que j'ay receus d'elle et combien j'affectionne tout ce qui la concerne, voulant que vous continuyez à faire pour ce regard tous les meilleurs offices dont vous pourrez vous adviser, luy levant l'opinion, qu'elle vous a dict avoir, que je n'ay plus besoing d'elle; car, je désire qu'elle sçache et croye que je prise plus son amityé que jamais, non, grâces à Dieu, par nécessité, mais par debvoir et pour le respect que je luy porte, ce que j'aurois à plaisir de luy pouvoir déclarer de ma