Il doit manquer quelques mots dans la copie

propre bouche, et partant, si l'occasion s'en présente, je ne la perdray pas. Toutesfois, vous ne m'y engagerez pas plus avant que cela, car je m'y doibs conduire par la considération du bien de mon Estât. Mais, vous luy direz, si elle vous parle de rechef du marquisat de Salluces, que j'espère en vérité que le Pape prononcera à la fin en ma faveur, car il ne peut faire autrement justement, mais que je connois bien, devant que d'en venir là, il continuera à tenter toutes sortes de moyens, comme il a commancé, pour m'en faire prendre recompense : à quoy luy direz que je n'ay volonté aucune d'entendre, toutesfois que je me conduiray en cela par les conseilz que le tempz et les occurrences me donneront, dont vous serez journellement adverty. Il sera bon que la dite royne d'Angleterre et les siens croyent que je sortiray de ce faict quand je vouldray, affin qu'ilz n'estiment qu'il soit pour me remettre à la guerre contre ma volonté; car, j'estime qu'ilz ont opinion que je recerche à contanter maintenant la dite royne d'Angleterre, plus par prévoyance, meu de l'appréhension que j'ay de la dite guerre, que de bonne volonté, jugeant peutestre de mon naturel par le leur, de quoy j'auray à plaisir qu'ilz soyent esclairciSjSans toutesfois leur faire paroistreque j'aye conceu telle opinion de la leur. J'approuve aussi ce que vous leur avez représenté sur le renouvellement de nostre traicté, affin de rendre les choses egalles; mais, prenez garde à ne luy donner trop grande espérance, touchant le payement que je leur doibs faire l'année prochaine, affin qu'ilz ne vous reprochent que nous leur ayons mancqué, s'ilz n'en reçoivent l'effect que ilz se seroyont promis; car, je ne sçay pas encores ce que mes affaires me ptinit'l Iront de faire; partant, continuez à leur en parler en termes généraux, ainsy qu'il a esté fait icy à leur ambassadeur et vous ay escript par mes précédentes : en somme, parlez leur en le moins et le plus sobrement que vous pourrez. Je ne laisseray d'adviser à faire ce que je pourray pour la contanter, et, si la dite royne d'Angleterre continuoit à vouloir, sur ces alarmes, revocquer les forces angloises qui sont en Hollande, représentez luy le grand préjudice que cela apportera aux affaires publicques, pourl'affoiblissementqueenrecepvront les Estais du Pays- Bas, le support desquels importe tant à sa conservation, et à celle

}^8 PIKCES JUSTIFICATIVES.

des Estatz, que j'ose dire qu'elle en doibt estre plus jalouse que de nulle autre chose. Car, si les Espagnols n'estoyent retenus et occupez, comme ilz sont de ce costé-là, ilz pourroyent disposer des moyens et forces que possèdent les dits Estais : comment pourroit-on arrester le cours de leur ambition ? Je m'asseure que ma dite sœur est si prudente, qu'elle connoist mieux que nul autre combien cela luy importe : toutesfois, remonstrez luy de ma part ce que je vous en mande, si vous jugez qu'il soit nécessaire. Advertissez-moy aussi plus particulièrement du succez de la guerre d'Irlande, car je désire fort en entendre les particularitez des combats et rencontres que a eu le comte d'Essex et des hommes qu'il y a perdus, et pareillement ce que vous apprendrez de ses desseings; que je sçache aussy ce que aura faict Cumans et apprendrez cy-après du costé d'Escosse, car le sieur de Bethune sera maintenant party, qui me gardera de faire response au pacquet que vous m'avez envoyé. Je prie Dieu, Monsieur de Boissize,...

HENRY

DE NEUFVILLE

Copie.— Bibl. nat., Ms. fr. 4128, fol. 106.

A MONSIEUR DE BOISSISE

Monsieur de Boissize, J'ay receu, par ce porteur, vostre lettre du xi*" du mois passé, trois jours devant celles du vi^, celle-là m'ayant esté présentée le xviii'' et celle-cy le xxI^ J'ay receu aussy la lettre que ma bonne sœur et cousine m'a escripte, par laquelle, comme par les vostres, j'ay sceu qu'elle a receu contantement des tesmoignages de mon amityé, que j'ay mis peine de luy rendre, en ces dernières occasions; de quoy je veux que

vous l'asseuriez que je ne suis pas marry qu'elle n'ait eu besoing de faire l'essay, combien que je n'aye jamais doublé de sa victoire, advenant qu'elle fust assaillie, veu la grandeur de son courage, le bon ordre qu'elle avoit donné à ses affaires et la foiblesse et mauvaise conduicte de ceux qui la menassoyent, joinct que Dieu a tousjours monstre avoir d'elle ung singulier soing; mais, ayant desliberé de se trouver en personne à la descente de ses ennemis, j'eusse tousjours esté en crainte trop grande de sa conservation, laquelle je chéris comme je doibs : elle n'importe pas moins aussy à ses bons amis et voisins qu'à ses propres subjectz. Vous sçavez que je n'ay jamais creu que ceste armée deust estre employée contre elle, quoy qu'il en ait esté publié : toutesfois, elle a très bien fait d'en avoir usé comme elle a faict, et veux croire que ce qui s'est passé l'aura moins contentée que estonné ses ennemis, pour avoir congnu qu'elle ayt peu, en si peu de tempz, dresser des armes par terre et par mer plus que suffisantes pour combattre celles que l'on avoit, avec tant de temps, de despense et de peine, assemblées pour luy courre sus. Vous vous resjouirez donc avec elle de ce qui est advenu, en attendant que je face response à sa dite lettre, dont je ne perdray l'occasion, quand je la jugeray à propos. Cependant, -le commandeur de Chastes m'ayant adverty avoir esté requis par le secrétaire Cecill, au nom de ma dite sœur, d'envoyer exprès jusques à la Corongne, pour sçavoir au vray qu'est devenue la dite armée et ce qui s'y prépare pour l'année prochaine, je luy ay mandé qu'il me fera service très aggreable de contanter et servir en cela et en toutes autres choses ma dite sœur, dont j'estime que le sieur de Nevil, son ambassadeur, l'advertira. La Chambre pour la punition des piratteries a aussy esté eslablie en ma ville de Rouen, suyvant la commission dont je vous ay ci-devant envoyé le double; mais, le premier presidfmt m'a escript qu'il ne s'y est présenté jusques icy aucunes plainctes, dont je ne suis marry, et voudrois de l)on cœur que mes subjectz n'eussent pas plus d'occasion d'importuner la leur. Je vous envoyé ung extraict d'une lettre que le sieur de Sourdeac m'a escript, affin que vous sçachiez les advis qu'il a tirez des gens qui se sont trouvez sur le navire qui

a esté contrainct d'abborder en son gouvernement, dont vous ferez part à ma dite sœur, laquelle en fera tel jugement qu'il luy plairra ; mais, j'estime qu'elle fera sagement de veiller et se tenir tousjours en garde, encor qu'on luy parle de la paix, non que j'aye opinion que les Archiducz ny mesme le roy d'Espagne soyent allienez de la dite paix; car, au contraire, je croy que les premiers en ont tel besoing, qu'ilz feront tout ce qu'ilz pourront pour la faire ; neantmoins, plus ma dite sœur monstrera estre préparée à toutes fins, plus elle sera recerchée et améliorera ses conditions. J'ay bien considéré ce qu'elle vous a fait dire de la dite paix par Edmont, dont je veux que vous la remerciyez derechef en mon nom, outre ce que vous en avez dit au dit sieur Edmont. Je croy certainement que ce sera son honneur et son bien, qu'elle s'y conduise ainsy qu'elle vous a faict dire, comme sagement vous luy avez respondu ; je ne double point aussy que les dits Archiducz ne me prient de m'en mesler, quand ce ne seroit que pour s'en prevalloir envers les Estatz, lesquelz ils espéreront esbranler plus facilement, leur faisant voir que je m'entremetz de ce traitté, que si je ne m'en meslois point. Et faut que vous nottiez, que la dite royne d'Angleterre ne craint pas moins que les dits Estatz, se voyans abandonnez d'elle, se jectent entre mes bras et que je les empiecte, que les Archiducz désirent que j'embrasse leur accord et reconcihation, ou que je les abandonne avec la dite royne d'Angleterre, avec laquelle je sçay que le dit roy d'Espagne et eux feroyent conscience de traitter, s'ilz n'esperoyent d'en tirer l'ung ou l'autre advantage. Il ne faut pas dire ces choses à la dite Royne ; car, désirant la dite paix, comme elle faict, avec ceux qui la conseillent, elle les interpreteroit en autre sens que ne mérite ma franchise : vous vous contanterez doncques de l'escouter et l'asseurer, en termes généraux, de ma bonne volonté, sans m'engager davantage, et, quand elle vous parlera des dits Estatz, ou que vous jugerez estre à propos que vous les luy recommandiez, faictes le aussy en termes generaulx et par forme de remonstrance fondée sur l'interest qu'elle a d'avoir soing de leur conservation, soit qu'elle face la paix ou non; mais, mettez peine de descouvrir si elle entend les porter à la paix avec elle, ou si elle entend, la resolvant sans eux, que

nous advisions ensemble ce que nous pourrons faire pour leur ayder à se conserver. J'ay plustost opinion qu'elle vise au premier but que au dernier et qu'elle m'y veut engager avec elle, pour en venir à bout plus facilement, ou pour la jalousie qu'elle a de leur union plus estroitte avec moy. Ne m'obligez point aussy d'assister au dit traitté par mes députez, ny de donner le lieu en mon royaume, pour faire leur assemblée; car, le ditEdmont vous a seulement dit que la dite royne d'Angleterre me prieroit de députer, et peut-estre adviendra-il qu'elle changera d'advis, devant que d'en venir là, non que je veuille refuser tel office, si j'en suis requis, comme il convient; au contraire, je juge très bien, comme vous, que ce sera mon advantage qu'il en soit usé ainsy; mais, je ne veux m'y obliger, devant le tempz, car je scay bien que les officiers de la dite royne d'Angleterre s'en prevaudroyent envers les dits Estatz. Contentez-vous doncques de les escouter, comme je vous ay dit, les asseurez de ma bonne volonté et louez leur procédure, quand ilz continueront à suyvre le chemin que vous a dit Edmont, et vous chargez de m'advertir de leur propositions, sans leur faire paroistre que vous encliniez plus à la guerre qu'à la paix, ny à celle-cy qu'à l'autre. Aucuns ont voulu mettre en ce propoz de la dite paix l'ambassadeur de ma dite sœur, pour le faire parler et descouvrir ce qui luy en a esté mandé; mais, soit qu'il ne luy en ait esté rien escript ouqu'il ayt eu charge de se tenir couvert, il a déclaré n'en avoir aucune cognoissance, et celuy d'Espaigne en parle quasi aussy retenu que l'autre, encores qu'il die souvent qu'il faut que j'oblige à moy ces nouveaux princes, en leur aydant à jouir en paix des pays qui leur ont esté donnez. Mais, si autre que le cardinal André ne traitte la dite paix, elle ne se fera pas bientost; car, il s'est retiré en son evesché (ce dit-on), assez mal contant des dits Archiducz. Je l'ay veu, mais une heure seulement, car il a pris son chemin par mon royaume, travesty, dont je fus adverty, estant à la chasse dans la forest d'Orléans, en la maison du sieur de Vitry appellée Le Rallier, où il me vint trouver, ayant esté adverty que je serois très ayse de le voir. Tout se passa en compliments et propos communs et généraux, et voulus! monter en poste au dit lieu, pour aller gaigner le chemin de Lyon, jus(|ues

oùjel'aylaict conduire; mais, j'ay bien reconnu que, s'il ne change bientost d'advis, il ne retournera pas si tost aux Pays- Bas : aussy, n'aura-on pas grand besoing de luy maintenant, puisque les dits Archiducz sont arrivez au pays, qui ont tout pouvoir de traitter. Je ne vous escriray rien du passage des six galleres, sinon qu'elles auront, à mon advis, plus estonné les dits Estatz qu'elles ne les endommageront àTadvenir; mais, estans arrivées contre l'hyver, le nouveau gênerai de la Mer oceane ne se gloriffiera pas fort d'avoir faict ce chemin si librement, à la veue de toute l'Angleterre armée et advertie et des navires hollandois. Mandez-moy ce qui s'en dira par delà; continuez aussy à m'advertir de ce qui se passe en Irlande et de l'expédition qu'aura eue l'ambassadeur du roy d'Escosse. Je prie Dieu, Monsieur de Boissize,

HENRY

DE NEUFVILLE

Copie. — Bibl. nat., Ms. fr. 4128, fol. ill vo.

A MONSIEUR DE BOISSISE

Monsieur de Boissize, Depuis avoir faict response à voz lettres des VI'' et xi" du mois passé, par le courrier par lequel vous m'aviez envoyé les dernières, qui partit d'icy le un'' de ce mois, je receus, le mesme jour, celles du xxv*" du dit mois passé, et l'ambassadeur de la royne d'Angleterre, ma bonne sœur et cousine, m'envoya, mardy dernier, par son secrétaire, la lettre dont je vous envoyé le double, par laquelle vous verrez comme elle me demande les ïrlandois qui estoyent sur le navire abbordé en

Bretaigne, suyvant ce qu'elle vous avoit dit qu'elle feroit : à quoy j'ay estimé debvoir faire la response que vous recepvrez avec la présente, suyvant laquelle je désire que vous luy faciez trouver mes excuses et raisons bonnes, comme elles sont. Car, avec quel droict puis-je arrester et luy livrer ces gens-là, que la tourmente de la mer a jettez en mon royaume, qui sont à la solde et au service d'ung prince avec lequel je suis en paix et qui sont descendus en terre avec ma permission? Je ne me puis persuader qu'elle ayt considéré l'incivillité et la conséquence d'une telle instance, quand elle l'a commandée; car, d'ung costé, l'effect d'icelle ne luy peut pas apporter grand advantage, ne reconnoissant desja que trop d'ailleurs quelz sont les moyens et forces qu'ont ses rebelles d'Irlande de luy continuer la guerre et de qui ilz sont fomentez et favorisez, et de l'autre, je ferois une telle playe à ma foy et réputation, que personne ne se fieroit plus à moy, et ne puis comprendre les raisons de ceux qui baptizent ceste action du nom de neutralité, ainsy qu'il est porté par les lettres de la dite Royne ; mais, je croy que telles personnes ont eu pour but de la picquer et altérer contre moy, quand ilz l'ont confortée à faire telle demande, mesmement estant d'accord avec les Irlandois, ainsy que j'ay apprins par vostre lettre. Priez la doncques, de ma part, de se contanter de tirer preuves de mon amitié, en choses qui luy soyent plus utilles et ne me soyent si honteuses et dommageables que seroit celle-cy, luy disant que je ne me plaindray jamais, quand elles seront hazardousos, mpsmes pour ma personne et mon Estât, tant je désire me revanrhrr des plaisirs que j'ay receus d'elle et la favoriser et assister en toutes ses affaires. Davantage, estant à la veille, comme elle est, de faire la paix avec le dit roy d'Espagne, est-il raisonnable et honneste que je l'offense et luy donne occasion de se plaindre que je aye viollé la foy que je luy ay donnée. Je soray très ayse de favoriser ma dite sœur sur ce Iraitté, autant qu'il me sera possible, affin qu'elle amende ses conditions; car, <»lle ne les obtiendra jamais si advantageuses que je les luy désire ; mais, je m'assfeure tant de son amityé, qu'elle seroit très marrye que ce fust aux despensde ma réputation, pour laqu(dle j'ay tant travaillé et si souvent combattu, liriez la doncques de

se contanter de ma response*, iie luy disant toutesfois des raisons susdites que ce que vous jugerez estre à propos; car, il me suffit que vous descouvriez leur cœur et ce que je me suis représenté sur ce subject, estant asseuré que vous sçaurez mesnager le tout, de façon que vous remettrez et contanterez la diteroyne d'Angleterre, car c'est là mon but et non de la fascher. Cumans est retourné par delà, par lequel La Boderye vous a escript. 11 s'est vanté, en partant de Bruxelles, qu'après son retour ceste négociation se traittera h descouvert et qu'il ne doubte point que la paix ne s'en ensuyve. Mettez peyne de descouvrir les conditions d'icelle et d'observer ce qui s'y advancera, pour m'en donner advis; que je sçache aussi si la paciffication d'Irlande est fâitte et à quelles conditions. Prenez garde pareillement à ce qui se passera entre la dite Royne et le roy d'Escosse et comment elle se séparera d'avec les Estatz; car, je ne puis croire qu'elle les abandonne, ny qu'elle puisse retenir les villes, s'accordant avec les Arcliiducz. Vous verrez, par la lettre que l'ambassadeur d'Angleterre a escripte au sieur de Villeroy, que j'ay commandé vous estre envoyée, l'office qu'il fait touchant le père Benoist, capuchin, dont, si la dite Royne vous parle, vous luy direz que je fay si peu de compte de ce qui s'est passé et dict, touchant ceste femme demoniacque qui estoit à Paris, que je ne désire pas d'en sçavoir plus que j'en sçay, affin que par delà ilz ne mettent en peine et ne travaillent davantage ce pauvre homme sur ce subject; mais, vous ne laisserez à m'advertir de ce qu'ilz auront tiré de luy, tant sur iceluy que sur tous autres, comme de toutes occurrances. Et jeprieray Dieu, qu'il vous ayt. Monsieur deBoissize, en sa saincte garde.

HENRY

DE NEUFVILLE

1. La lettre que le Roi adresse, le même jour, à Elisabeth, a été publiée par M. Berger de Xivrey, dans le Recueil des Lettres missives (V, 168).

Copie. — Bibl. nat., Ms. fr. 4128, fol. H 4.

Monsieur de Boissize, Mes dernières sont du vi" de ce mois et les vostres des iiii''^ et xiii". J'ay appris par celle-cy le retour du comte d'Essex et l'accueil qu'il a receu, dont je suis très marry, et me semble que ses peines et services meritoyent ung œil plus favorable. La guerre d'Irlande a, jusques à présent, plus incommodé et consommé l'Angleterre, qu'elle n'a apporté d'honneur et d'avantage à la Royne, ma bonne sœur : partant, si elle en refuse l'accommodement, elle y aura regret à l'advenir et me semble que le dit comte n'a pas faict peu d'y disposer le comte de Tyron. J'estime aussi que la dite Royne le consyderera et qu'elle se modérera à la fin envers luy : en quoy je interviendrois volontiers, si je pensoysque cela servist au dit sieur, autant que je crains qu'il feist le contraire, veu les humeurs qui régnent par delà. Toutesfois, mandez m'en incontiment vostre advis, et, s'il est possible, je depescheray exprès quelcun vers la dite dame en sa faveur, tant je désire luy faire plaisir et estime aussi qu'il importe àla réputation de ma dite sœur, et à son service, qu'elle conserve ce gentilhomme. J'ay considéré les propos que Gumans vous a tenus et vostre response, que j'ay approuvée. Continuez à m'advertir du progrez de sa négociation, en laquelle je seray très ayse que la dite dame employé mon intervention et amityé, tant pour la réquisition que pour empescher qu'il n'en advienne pis, mesmes à ceux des Estatz, desquelz je suis en grand soucy, combien que je sois adverty qu'ilz n'ayent pas faute de courage. Partant, si la dite dame ou les siens vous font connoistre m'y voulloir engager par vostre moyen, ne les en rebuttez pas, mais conduisez-vous y de façon que l'envie de ce faire leur en augmente. Je croy que, pour ce faire, il fault plustost qu'ilz croyent

que la chose m'est indifférente, sinon, pour faire plaisir à la dite dame, qu'ilz découvrent que je Taffectionne : toutesfois, jeremetz le tout à vostre prudence et prie Dieu,,..

liKNRY.

UK NEUF VILLE.

Copie — Bibl. nat., Ms. fr. 4128, fol. 120 vo.

A MONSIEUR DE BOIS SI SE

Monsieur de Boissize, Je suis très marry que la royne d'Angleterre, ma bonne sœur et cousine, n'a mieux pris les raisons que luy avez représentées, par mon commandement, pour lesquelles je n'ay peu faire arrester les Irlandois abbordez en Bretagne, dans ce navire de l'armée du roy d'Espagne, que la tourmente y avoit jette : toutesfois, j'estime que, les ayant examinées de plus près, elle aura changé d'adviz et reconnu la sincérité et justice d'icelles, de sorte que je ne suis pas d'advis que vous luy en parliez davantage ; joinct qu'il s'offrira quelque jour occasion plus licite de luy tesmoigner mon amityé et ma gratitude des choses passées : du moins, j'en conserveray la volonté, telle que je la doibs avoir, quand ce ne seroit que pour me contanter moy-mesme ; et, comme les propoz que la dite dame vous a tenuz sur ce subject tiennent plus de la colère que ilz ne sont fondez en raison, je ne y veux respondre, et d'autant plus que j'estime qu'elle estoit lors esmeue et altérée d'autres causes et fins, comme me le tesmoigne par trop le renouvellement qu'elle vous a faict des plainctes passées de la paix, que j'ay faicte avec le dit roy d'Espagne, avec ce qu'elle vous a dict tant de la negotiation de Gumans que de la trefve d'Irlande contre le comte

d'Essex, de la personne duquel je suis en très grand peyne. Le courroux de la dite dame contre luy dure trop et a ja passé trop avant, les princes n'ayant accoustumé d'offenser à demy personne de telle estoffe, mesme sans subject, comme il semble qu'elle a faict envers le dit comte, la vertu duquel luy cause ce malheur, tant pour l'envie que Ton luy porte que pour la jalousie que l'on a de la bienveillance publicque, qu'elle luy a acquise. Je l'assisterois très volontiers en ce besoing, ainsy que je vous ay escrit par ma dernière, mais je crains faire plus de mal que de bien, la dite dame estant en telle humeur qu'elle est; et, faut que je vous die, que je pense qu'elle a pris le prétexte susdit des Irlandois, pour se courroucer exprès, pour éviter ma recommandation en faveur du dit comte et s'excuser de me descouvrir la negotiation du sieur Gumans, et m'employer en icelle, comme elle vous avoit faict dire par Edmont. Vous ne luy ferez toutesfois aucune démonstration, si vous ne jugez que cela puisse servir au dit comte et estre pris en bonne part de la dite dame, avec laquelle il fault patienter et dissimuler, jusques à ce que vous connoissiez que le bien de mes affaires vous oblige d'en user autrement; mais, mettez peyne de descouvrir ce qu'elle entend faire des places qu'elle tient et garde en Zelande : les Archiducz les demandent et elle les veut retenir sur luy de contrariété. On propose que la dite dame continue à les garder, mais comme neutres, c'est-à-dire que les serviteurs et vassaux des dits Archiducz y auront retraicte comme ceux des Estats, chose qui leur seroit, à ce que j'entens, très préjudiciable. ContiniK'z à m'advertir de toutes choses, et mesmes de ce que deviendra le dit comte d'Essex, et de ce que vous aurez appris de la depesche du dit Gumans, laquelle je voids que l'on me desguise et cache, aussi bien en Flandres qu'en Angleterre. Je prie Dieu, Monsieur de Boissize, qu'il vous ayt en sa saincte et digne garde. Escript à Sainct-Germain-en-Laye, le m" jour de novembre 1599.

HENRY

DE NEUFVILLK.

Copie. — Bibl. nat., Ms. fr. 4128, fol. 121 v».

A MOiNSIEUR DE BOISSISE

Monsieur de Boissize, Je suis très marry de la contintialion du mescontentement de la Royne, ma bonne sœur et cousine, et que ce n'est pour chose de laquelle je la puisse satisfaire, ainsy que vous luy direz, si elle vous remet sur ce propoz, mais non autrement. Surseoyez aussi à luy parler de la paix qu'elle veut faire, car, je croy qu'elle ne tiendra pas son cœur à la fin et qu'elle en vouldra user envers moy, comme j'ay faict envers elle. J'ay trouvé fort estranges les propos que Gumans vous a tenus, mais très sage la response que vous luy avez faicte : c'est ung marchand meslé qui débite diverse marchandise, selon l'opinion de ceux ausquelz il s'adresse. Il a dit à La Boderye, que le grand thresorier et Richardot seront députez par la Royne et par ces princes, pour traitter, et que ce seraàBolongne, où je doibz estre prié faire trouver quelcun de ma part, et que la dite Royne luy a dit qu'elle a depesché Garonvers les Estats,pour les persuader d'entrer en la dite paix avec elle, mais qu'elle la fera sans eux, s'ilz n'y veulent entendre, au quel cas il faudra aussy qu'elle leur rende les places qu'ilz luy ont déposées, d'autant que sa foy y est engagée ; et le dit Gumans a adjousté que les Archiducz ne laisseront pour cela de traitter avec elle, tant pour le roy d'Hespagne que pour eux, tant ceux-cy sont nécessiteux et ont peu de moyen de soustenir la guerre et l'autre crainct que les Angloix luy rompent avec ces Hollandois le commerce des Indes, duquel despend sa monarchie, et je croy qu'il a dit vray, de sorte qu'il fault faire estât que la dite paix sera bientost faicte. J'ay eu plaisir d'apprendre, par vostre lettre du xxvni'' du passé, que j'ay receu le viii° du présent, la substance des lettres que les dits Archiducz ont escriptes à la royne d'Angleterre et de la response

qu'elle leur a taicte, ensemble les propoz qui se sont passez entre le secrétaire Gecill et le dit Gumans, pareillement ceux que la dite dame a tenus au dit Garon, lesquelz ne me semblent que bons ; et croy qu'à la fin la dite dame sera bien ayse de ne rompre avec eux, mais autant peult-cstre par jalousie qu'elle a qu'ilz s'attachent à moy que pour affection qu'elle leur porte ny pour autre considération : toutesfois, il ne fault pas faire semblant de connoistre cela, mais doulcement la seconder et fortiffier en ses bonnes intentions ; car, encor qu'ilz soyent peu secourus depuis dix ans, neantmoins il leur importe fort d'estre bien avec elle, quand ce ne seroit que pour contenir et contanter leurs peuples. Vous tiendrez doncques la main à ce but, de façon que la dite dame et son secrétaire, lesquelz font profession de se mesfier de tout ce qui procède de moy et de la France, ne connoissent que vous ayez charge de la faire, ny, s'il est possible , que ce soit vostre advis. L'ambassadeur de la dite Royne, ma bonne sœur, demande que je donne pouvoir aux commissaires, que j'ay députez à Rouen pour juger souverainement des pyratteries dont ilz se plaignent, de connoistre de toutes celles des autres parlemens. Je luy ay faict dire estre contant de le faire pour ceulx qui sont du département de l'admirauté de France, mais que j'establirois d'autres commissaires àBourdeaux, pour le département de l'admirauté de Guyenne, affin qu'eux et mes subjectz eussent la justice sur les lieux et plus commodément ; car, ce seroyt une trop grande longueur, peyne et despense, s'il falloit juger à Rouen les procez des dites pyratteries, ausquelz mes subjectz de Guyenne, de La Rochelle et Poictou sont partyes, ainsy que vous remonstrerez par delà, s'ilz vous en parlent. Le dit ambassadeur poursuyt aussy que je luy desclare quelle sera la partie que je feray payer ceste année à la Royne [et] l'année prochaine, sur ce que je luy doibs, de quoy je ne l'ay peu cncores resouldre, d'aultant que je n'ay arresté Testât de mes finances de la dite année, ce que vous luy respondrez par delà, en cas qu'ilz vous en parlent, mais non autrement. Je prie Dieu, Monsieur de Boissize,

HENRY

UK NEUFVILLK.

iOO PIÈCES JUSTIFICATIVES.

Copie. — Bibl. nat., Ms. fr. 4128, fol. 123.

A MOiNSIEUR DE BOISSISE

Monsieur de Boissize, Ayant receu et bien considère vostre lettre du xi*" de ce mois, je n'ay pas estimé debvoir escrire à la royne d'Angleterre, ma bonne sœur et cousine, en faveur du comte d'Essex, craignant que ma recommandation maintenant luy feist plus de mal que de bien, à cause du courroux auquel la dite dame demonstre s'entretenir encores contre luy et pour la dernière querelle que vous sçavez qu'elle m'addresse et sa façon de procéder avec moy, tant sur le faict de la paix que le traicté avec les Espaignols qu'en toutes autres choses, monstrant avoir conceu de moy telle jalousie et meffiance, qu'elle ne se contente pas seulement de la descouvrir, en ce qui se passe entre elle et moy, qu'elle s'en déclare partout et pousse les autres à faire le mesme. Elle a faict dire aux Estats qu'elle desiroit les places qu'elle tient d'eux en garde, de peur qu'elles tumbent entre mes mains et qu'ilz me les engagent, plus que pour autres considérations. Pareillement, elle a appris aux Archiducs à se passer et se cacher de moy, en la poursuytte et negotiation de leur accord, de sorte qu'ilz ne m'en communicquent plus que par manière d'acquit, ainsy qu'elle faict de son costé ; et neantmoins, vous sçavez si je luy ay donné subject d'en user ainsy. Jamais elle n'aura ung meilleur et plus asseuré amy et voisin que moy, qui ne veux toutesfois que vous luy portiez ma plaincte, ny luy faciez connoistre que je la ressens comme je fais, car je ne désire me faire defeste avec elle et suffira que vous continuyez à luy confirmer les asscurances de mon amityé, aux occasions qui se présenteront, luy faisant connoistre que je ne veux scavoir la dite negotiation et de ses autres affaires que ce qu'elle voudra, et que ce m'est assez qu'elle en soit satisfaicte. Bien luy pouvez dire

qu'elle ne fera jamays amityé ny alliance avec prince qui procède plus rondement ny de meilleure foy avec elle, ny qui affectionne davantage son bien que je fais et désire continuer, tant qu'il me sera possible, et si vous recognoissez que mon nom et entremise puisse favoriser le dit comte d'Essex, soit par forme de remonstrance fondée sur le bien des affaires de la dite dame, comme vous m'avez proposé par vostre lettre, ou par supplication ou recommandation, je vous promets de l'employer; car, je désire fort assister le dit comte d'Essex, non moins pour le service de la dite dame, auquel je reconnois qu'il peut estre encores i^tile, que pour ses vertuz et mérites, et en reconnoissance des services que je receus de luy, par le commandement de sa souverayne, quand il passa en ce royaume, durant le siège de Rouen, auquel il perdit ung frère et fut blessé ; mais, si vous entreprenez de tenter cest office , prenez garde que ce soyt si à propoz, qu'il soyt bien receu.

Je suis très marry de la continuation de l'arrest du comte d'Essex, tant pour le service de la Royne, ma dite bonne sœur, que pour sa considération particulière ; mais j'espère tant de sa probité, non moings que de la bonté de la dite dame, que l'issue n'en sera à la fin que honorable pour luy, et auray à plaisir que vous m'advertissiez de ce qui en adviendra, ainsy que des affaires d'Irlande. L'on m'a mandé de Hollande que la dite dame a demandé que les Estatz du Pays-Bas luy deslaissent la garde des places qu'elle tient, pour les conserver comme neutres, mais qu'ilz n'y veulent entendre. Bien pense l'on qu'ilz accorderont qu'elle les garde encores, pour gage de ce qu'ilz luy doibvent, mais à la charge que leurs ennemis n'y auront aucun accez et que les Estatz s'en ayderont et prevauldront, comme ilz ont faict jusques à présent : qui ne sera ung petit advantage î\ la dite dame, car, elle pourra tousjours tenir en bride les dits Estatz, par lo moyen des dites places, et se faire aussy respecter davantage par les dits Archiducz, lesquelz ont si grand besoin de la paix, qu'ilz ne laisseront de la faire pour cela; mais je désire fort descouvrir, par vostre dilligence, si la dite Royne ne fera point quelque traitté secret avec les Estats; car, j'ay opinion qu'elle ne s'en feindra pas, comme chose qui luy pfMil npporter plus

de seurctô quo la foy des Hespagnolz. Doncques, mettez peyno de sçavoir ce qui en est, aflin de m'en advertir. Le duc de Savoye n'a peu partir, pour me venir trouver, si tost qu'il esperoit, mais son ambassadeur m'a asseuré, ce jourd'huy, qu'il partira sans faute dans la fin de ce mois. Vous serez adverty du succez de son voyage, comme je désire estre de tout ce qui s'offrira par delà ; mais, il ne fault pas que les Anglois s'attendent que les Espaignolz leur permettent jamais le traffic des Indes, soubs quelque couleur que ce soit, car c'est ung point duquel ilz sont par trop jaloux, comme estant le fondement de leur Estât, auquel, s'ilz estoyent troublez, leur monarchie ne pourroit subsister. Ja le dit roy d'Hespagne est en très grande peyne du retardement de la Hotte de ceste année jusques à la prochayne et ne s'entretient aujourd'huy que des dons et présents que luy font les villes et provinces de son obéissance, sur son nouvel advenement à la couronne. Je prie Dieu, Monsieur de Boissize,

HENRY

DE NEUF VILLE

Copie. — Bibl. nat., Ms. fr. 4128, fol. 125 v».

A MONSIEUR DE BOISSISE

Monsieur de Boissize, Vous avez très bien faict d'avoir pris l'occasion de visiter la Royne, ma bonne sœur, estant à la chasse près Richement, ainsy que vous m'avez escript, par vostre lettre du xxi*' du mois de novembre, que j'ay receue le premier du présent; car, comme ses choleres et plainctes sont soudaines et souvent mal fondées, il faut aussy les avaller et passer quelques fois doulcement, quand ce ne seroit que pour le respect que nous

debvons porter à son sexe et moy en particulier à sa personne, pour les plaisirs que j'en ay receus. J'ay bien notté les propoz qui se sont tenuz entre elle et vous, et mesmes ceux qu'elle vous a dict que le comte du Lude a tenuz à l'Infante archiduchesse, touchant mon mariage, que j'estime avoir esté inventez par ceux qui les luy ont rapportez; car, le dit comte n'avoyt esté chargé d'en parler si avant. Ce n'est pas aussy la coustume de la dite Infante de s'enquérir si Ubrement de semblables choses, mesmes en la présence d'autres que de son Archiduc : tant y a, que la response que vous avez sur ce faicte à la dite Royne m'a esté très aggreable : aussy est-elle véritable ; mays, comme j'espère que les commissaires, que le Pape m'a donnez pour juger la nullité de mon premier mariage, en prononceront la sentence, dedans huict ou dix jours, c'est bien mon intention aussy de penser doresnavant à bon escient à me remarier, pour donner ceste consolation à mes bons subjectz, autant et plus que pour me contanter moy-mesmes ; mais, vous serez tousjours adverty des premiers de ce qui s'y advancera, affm d'en informer ma dite sœur, car je ne veux faire ce marché, sans en consulter avec elle et luy communicquer. Vous faictes très bien aussy de ne luy parler du traitté qu'elle faict avec le roy d'Hespagne que bien sobrement, car moins elle vous en verra curieux, plus elle s'en descouvrira à vous, joinct que je n'estime pas qu'elle fust pour changer d'advis, tant en la forme qu'en la matière, pour tout ce que vous luy en diriez. Je n'estime pas que mon entremise et recommandation en son endroict, en faveur des Estats, peust amender leur condition avec elle : au contraire, je suis adverty de tous costez que la jalousie, qu'elle ha du soing que j'ay eu d'eux jusques à présent, la rend plus difficile et dure envers eux : tant y a, qu'ilz ont arresté de luy laisser les places qu'elle tient et de s'accommoder à ses volontcz, affin de ne rompre avec elle. Il semble aussy qu'elle ne veut pas rompre avec eux, et, combien qu'elle les face convier d'entrer en la dite paix, si est-ce qu'elle n'a pas envie qu'ils le facent : aussy sera-elle plus respectée des ungs et des autres, les choses demeurant en Testât qu'elles sont et elle maistresse des dites places. Le pis sera, pour les dits Estats, si, avec cela, elle veult estre remboursée des deniers qu'elle leur a prestez et

empescher qu'ilz liront de son pays des gens de guerre. Continuez à m'advertir de ce que vous en apprendrez, et, quand vous la trouverez en bonne humeur et disposée à bien considérer et prendre noz remonstrances, faictes luy peser combien il nous, importe à tous de conserver noz antiennes amityez et intelligences, pour achever le reste de noz jours en repos et ne donner prise sur nous à noz antiens ennemis, l'asseurant qu'elle me trouvera tousjours très disposée à ce faire, avec la bonne foy et cordialité qu'elle doibt attendre de moy, et, puisqu'elle envoyé Edmont en Flandres, c'est signe qu'elle advancera bientostson marché, dont j'auray à plaisir de sçavoir ce que vous en apprendrez, comme du succez de la paix ou de la guerre d'Irlande. Je vous ay escript, par mes dernières, comme l'ambassadeur du duc de Savoye m'avoit asseuré de nouveau de la venue de son maistre ; toutesfois, depuis je n'en ay rien appris, sinon des préparatifs qu'il faict pour comparoistre plus sumptueusement; mais, soyt qu'il vienne ou non, je n'ay pas desliberé de changer de langage, pour ce que nous avons à demesler ensemble, sans grande raison et utilité : qui sera ce vous en direz par delà, si on vous en parle. Au demeurant, il est très certain que l'adelantado est de retour en Hespagne, avec le reste de son armée si fracassée, que de long tempz il ne pourra revoler. Hz n'ont aussy aucune nouvelle de la flotte des Indes et sont en grand peyne de ce que sera devenue celle des Hollandois. Gela est cause qu'ilz ont de présent en Hespagne telle pénurie d'argent comme de grains, que l'ung et l'autre sont très chers, de quoy sans faute se ressentiront les Archiducz. Le Portugais, qui est allé par delà débiter ses prophéties sur la résurrection du roy dom Sebastien, les avoit estalées icy, mais avec si peu d'apparence de son dire, que je n'ay pas estimé en debvoir faire compte. Je suis très marry de la continuation de la détention du comte d'Essex, mesmes après la veriffication et déclaration de son innocence, et crains que l'issue en soyt plus mauvaise que ne se promettent ceux qui l'ayment. Continuez à m'advertir de ce qui en succédera, comme de toutes autres occurrences; priant Dieu, Monsieur...

HENRY

DE NEUFVILLE

i8 DÉCEMBRE 1599

Copie. -- Bibl. nat, Ms. fr. 4128, fol. 128 v».

A MONSIEUR DE BOISSISE

Monsieur de Boissize, Je n'ay receu vostre lettre du xxv'' du mois passé que le xv!*" du présent, à cause du mauvais tempz qu'il a faict sur la mer, comme m'a escript le maistre de la poste de Calais. J'ay eu à plaisir d'entendre par icelle la bonne santé de la royne d'Angleterre, ma bonne sœur et cousine, à laquelle je souhaicte autant de félicité qu'à moy-mesme, et avez bien faict de vous estre trouvé à sa venue à Londres, pour luy faire honneur et luy tesmoigner en toutes occasions ma bonne volonté. J'ay considéré les propoz que le secrétaire Cecill et le grand thresorier vous ont tenuz. La plaincte que le premier vous a faict de La Boderye n'est pas grande : il me semble que vous luy avez très bien respondu. Hz se monstrentaussy trop jaloux de leur paix, de ne se contanter pas de me celer ce qui en est, comme ilz font, mais ne vouloir seulement que mes serviteurs en parlent. J'ay bien plus grande occasion de me doulloir de celuy que la dite Royne a de nouveau faict son ambassadeur à la Porte du Grand Seigneur, lequel a esté si téméraire et imprudent que de tenir le langage que vous verrez, par ung extraict que je vous envoyé de la lettre que le sieur de Brèves, mon ambassadeur, m'en a escripte, dont vous ferez plaincte à ma dite sœur, luyremonstrant combien telz langages sont indignes, non seulement de ministres et officiers desquelz leurs maistres font profession d'amitié et aHiance, mais de ceux mesmes qui seroyent ennemiz déclarez : aus.sy ont-ilz esté très mal receus et fort blasmez de ceux qui les ont ouis, et, tant s'en faut qu'ilz ayent servy à advancer les affaires de la dite Royne et qu'elle en reçoive utUité, que j'espère qu'il en adviendra tout le contrairo. Le dit de Brèves m'a escript aussy que les Anglois, qui traflicquent de ce costé-là, font cous-

tumo do voiler ot jettor on mor mos subjoctz, où ilz los roncontrent plus foiblosqu eux. Davantage, le médecin de l'Isle, qui a demeur(^ longtemps en Faix et Marocques, d'où il est revenu depuiz quinze jours, m'a adverty que les dits Anglois en font autant de ce costé-là, de sorte qu'il semble que les dits Angloix ayent charge de ce faire, partout où ilz rencontrent mes dits subjectz : à quoy, oncores que je ne m'attende plus que ladite dame ny ses officiers remédient, quoy que vous leur en disiez, toutesfois vous ne laisserez de leur en faire plaincte et leur remonstrer les inconveniens qui en peuvent arriver avec le tempz, sans toutesfois les en presser davantage d'y pourveoir ; car, il faut que j'en cherche la raison par autre voye, si je la veux avoir. Pareillement, ce que vous avez repondu au dit Gecill, quand il vous a parlé de la protection des Estatz des provinces unies des Pays-Bas et de l'élection d'un roy des Romains a esté très à propos, comme ce que vous avez dict au dit grand thresorier, sur la demeure en Flandres des Espaignols; mais, il fault mettre peine de descouvrir au vray quel sera le marché que la dite royne d'Angleterre fera avec les dits Estatz, car je tiens pour certain qu'elle voudra conserver quelque créance avec eux, jaçoit qu'elle face contenance du contraire. Que je sçache aussi ce que aura rapporté Caron, de la part des dits sieurs des Estatz, etsi Edmont sera passé en Flandres, comme il m'a esté dit. Au demeurant, vous sçaurez comme les déléguez de Nostre Sainct-Pere pour juger la validité de mon mariage ont donné leur sentence, par laquelle ilz l'ont déclaré nul et m'ont mis en liberté et estât de me pouvoir marier, dequoy je veux que vous vous resjouissiez avec la dite Royne, ma sœur; car, m'aymant comme elle faict, je suis asseuré qu'elle participera très volontiers à ce mien contantement, comme je feray tousjours aux siens. Vous sçaurez aussi que le duc de Savoye arriva hier en ce lieu, mais il me prévint, car s'estant desrobé des siens mesmes, il s'est rendu icy, avec quatre ou cinq chevaux de poste, de sorte que je l'ay receu seulement au pied de l'escalier. Nous avons esté encores si peu ensemble, que nous n'avons parlé d'affaires ; mais, il demonstre avoir tant d'affection de me avoir pour amy et me contanter, que j'ay jusques à présent toute occasion de m'en louer. Vous sçaurez cy-après ce

LETTRES DE HENRI IV. i07

qui se passera, comme je désire faire quel sera à la fin le succez des affaires du comte d'Essex, de la fortune duquel j'ay grand compassion, entendant par voz lettres le peu de compte que l'on en faict. Je prie Dieu, Monsieur de Boissize,

HENRY

DE NEUFVILLE

Copie. — Bibl. nat., Ms. fr. 4128, fol. 135 v».

A MONSIEUR DE BOISSISE

Monsieur de Boissize, L'office que j'ay sceu, par vostre lettre du XIII*' de décembre, que j'ay receue le dernier du dit mois, que vous avez faicte, en mon nom, envers la royne d'Angleterre, ma bonne sœur et cousine, en faveur du comte d'Essex, m'a esté très aggreable : aussy, ne pouvoit-il estre faict plus sagement que vous l'avez accomply, et bien que je n'apporte au dit comte l'allégement que je luy désire, ce me sera toutesfois quelque satisfaction de m'estre, en ce faisant, acquitté d'une partye de ce que je doibs à l'amityé de ma dite sœur, aux mérites du dit comte et à la justice de sa cause, et suis très ayse qu'eUe l'ayt si bien pris que vous m'avez escript; mais aussy, je n'estime pas m'en debvoir entremettre plus avant, ayant esté dict, ainsi que l'on m'ba escript, que vostre remonstrance avoit plus nuyt qu'aydé au dit comte, comme si je vous eusse commandé la faire, plus pour obliger à moy le dit comte et ceux qui l'ayment, que pour le respect de la dite lloyne, ny mesmes obtenir la deslivrance

1. Le Recueil des lettres missives renferme une lettre du Roi à Elisabeth, (luléedeco jour, au »ujet d'un acte do piraterie commis par les Anglais. (V, 200).

t08 PIÈCES JUSTIFICATIVES.

du dit comte. Vous sçavez ce qui en est, comme je faicts de mon costé, de sorte que je ne me mets en peync des opinions et mauvais jugemens de telz interprètes de mes intentions, comme je fais d'avoir, en ce faisant, plustost faict mal que bien à qui je souhaicte toute prospérité, comme je faictz à la dite Royne et, pour la considération du bien de ses affaires, au dit comte, duquel je m'attendois qu'elle me feroit dire quelque mot, mesmes après la susdite remonstrance que vous luy avez faicte ; mais, son ambassadeur ne m'en a parlé aucunement, par où je recognois qu'elle n'a pas aggreable que j'en sçache ny m'en entremette plus avant. Je veiz le dit ambassadeur, dimanche dernier, lequel ne me parla que de l'exécution de la commission émanée pour faire justice des pyrateries, de la punition de quelques-ungs de mes subjectz, qui servent leurs ennemis sur la mer et qui ont après accez et retraitte en mon royaume, et du payement de ce que je doibs à la dite Royne, après m'avoir remercié de la deslivrance que j'avois faict faire des vaisseaux et subjectz de la dite dame, que les Espagnolzavoyent pris et amenez à Brest, en venant quérir leurs gens de guerre, que la tourmente y avoit jettez. Je feis response au dit ambassadeur que il meist entre les mains du sieur de Villeroy ung mémoire de ce qu'il desiroit de moy, et que je commanderois à ceux de mon conseil d'y pourvoir le plus favorablement qu'ilz pourroyent; adjoustant que je vouUois que mes subjectz, qui assistoyent ceux qui leur faisoyent la guerre, revenans en mon royaume, fussent arrestezet chastiez, et pareillement que la commission pour la punition des dites pyratteries fust exécutée; mais, quant à payer les dites debtes, que c'estoit chose de laquelle je ne pouvois encores la contanter, comme j'esperois faire avec le temps, à cause des despens dont j'estoys chargé et ausquelz j'estoys contrainct de fournir, ceste année ; toutesfois, que je ferois le mieux que je pourrois. Vous ne parlerez aucunement à ma dite sœur de tout ce que dessus, qu'elle ne vous en parle la première. Le dit ambassadeur ne me dit rien du voyage d'Edmont, ny de leur negotiation de paix : aussy, je ne m'en cnquis pas plus avant, car je voy qu'ilz veulent faire leurs ^affaires sans moy, qui n'est, à mon advis, le meilleur conseil que la dite Royne puisse prendre : toutesfois, ne luy en faictes aucun

semblant, ny aux siens, que je ne le vous mande. Si leur ambassadeur leur a escript que j'avois deffendu l'entrée et débit, en mon royaume, des draps de laine estrangers, il leur a donné une baye, car il n'en a esté desliberé ny parlé, depuis que les draps de soye ont esté deffendus, et si, au lieu de leur donner advis de s'abstenir de faire justice à mes subjectz depredez, jusques à ce que la commission susdite fust exécutée, il m'eust demandé raison des longueurs et difficultez qui s'y faisoyent, il me semble qu'il eust mieux faict ; car je y eusse pourveu à son contentement, comme il a esté faict depuis. Mais, vous diriez qu'ilz recherchent querelles de toutes parts; toutesfois, je ne m'en altereray aucunement, espérant que la dite dame sera conseillée quelque jour de changer d'advis. J'ay encor receu vostre lettre du 1" de ce mois, par laquelle vous m'avez donné advis du voyage du dit Edmont et de l'opinion que vous avez que la dite dame vouldra conserver avec les Estats l'intelligence et alliance qu'elle y a, quelque paix qu'elle face avec les Archiducz : toutesfoiz, pour tout cela, elle ne laissera pas de pre*hdre leur argent; or, je croy que les dits Estats font très sagement de l'entretenir. Au reste, j'ay considéré la proposition que vous m'avez faicte, par vostre dite dernière lettre, pour bonnifier ma ville de Calais ' : je la trouve très bonne et suis contant d'y entendre; partant, traictez en