A. DE MORET

Sieur de Reau, conseiller du Roy en son conseil d'Estat et privé.

Nous, Loys de Moret, escuier, sieur de Reau et de Soizy-sur-Escolle, commandant au chasteau du Couldray, en l'absence du sieur de Chenebecard, nostre frère, certiffions à noz s^s des Comptes et tous autres qu'il apertiendra que Paul Poyret, sergent, Paul Blanchard, Robert de Froucquille, Michel Granger, Elloy Chartier, Jacques Belmaniere et Charles Guerin, tous soldatz tenantz garnison pour le service du Roy audict chasteau du Couldray soubz la charge dudict sergent ou avec nous faict actuelle residance dedans le dict chasteau, assisté à la garde, closture et ouverture des portes d'icelluy et faict la faction requise et nécessaire, pour la conservation et deffense d'icelluy chasteau, en tout ce qui leurs a esté commandé pour le service de Sa Magesté, durant troys moys et plus, En tesmoing de quoy, nous avons signé la présente de nostre main, au dict chasteau de Couldray, le vingtz-deulxiesme jour d'aoust mil cinq cent quatre-vingtz et douze.