BALLADE

Seulete suy et seulete vueil estre, Seulete m'a mon doulx ami laissiée, Seulete suy, sanz compaignon ne maistre. Seulete suy, dolente et courrouciée, Seulete suy en languour mesaisiée (1), Seulete suy plus que nulle égarée, Seulete suy sanz ami demourée.

Seulete suy a huis (2) ou a fenestre, Seulete suy en un anglet muciée (3), Seulete suy pour moy de plours repaistre, Seulete suy, dolente ou apaisiée, Seulete suy, rien n'est qui tant me siée (4), Seulete suy en ma chambre enserrée, Seulete suy sanz ami demourée.

Seulete suy partout et en tout estre (5), Seulete suy, ou je voise ou je siée (6), Seulete suy plus qu'autre riens terrestre Seulete suy de chascun delaissiée,

(1) Désagréable.

(2) Porte.

(3) Blottie.

(4) M'agrée.

(5) Atre, foyer.

(6) Où je me trouve.

Seulete suv durement abaissiée, Seulete suy souvent toute esplourée.

Seulete suv sanz ami demourée.

Envoi

Princes, or est ma douleur commenciée Seulete suy de tout dueil menaciée, Seulete suy plus tainte que morée (1), Seulete suy sanz ami demourée.

(Le Livre des Cent Ballades.) Christine de Pisan,

(1) Plus sombre que teinture noire.