MARCHÉ AVEC MARIN DE LAVALLÉE
(Reg. de la ville.)
Devis des ouvrages de maçonnerie et pierre de taille qu'il convient faire pour messieurs les prévost des marchans et eschevins de ceste ville de Paris, en la construction des murs, pilliers, voultes et arase de ciment, à l'endroict de la cour dudict Hostel de Ville.
Premièrement : convient fouiller les fondations au travers de ladicte court, et ce aulx lieux et endroictz dont alignement sera donné par escript à l'entrepreneur par le maistre des œuvres, et ce en nombre de six, lesquelles auront trois piedz et demy d'espoisseur au moings, enfoncée jusques à vif fonds, jugée et mesurée par iceluy, icelle remplie de deux assizes de libages joinctifz en fondation, le résidu remply de mouellon avecq mouellon, avec mortier de chaulx et sable, y ayant encore une assize de libage aussy joinctifs au rez de chaulcée et qui luy sera marqué ainsi que dessus.
Item, et à l'alignement du devant au derrière de ladicte court, convient aussi foulier six autres fondations de pareille espoisseur, forme et façon ainsy que dessus, et ce pour entretenir le ploiement des pilliers cy après déclarée, ensemble supporter les séparations qu'il y conviendra et escherra de faire des espoisses comme il sera advisé, et que le lieu le pourra requérir.
Item, au dessus des fondations cy dessus convient eslever telle quantité de pilliers de pierre de taille de Clicquart dur de deux piedz, et une pièce à parpin et parement des quatre faces, de deux piedz d'un sens et trois piedz de l'autre, iceulx eslever dehaulteur
qu'il sera disposé jusques et compris la première et seconde retombe'e des voultesmesmes à Tendroict des contrepilliers, qui sera adosse'e dans les maçonneries qui v sont de présent, le tout assis et maçonné comme il appartient, avecq mortier de chaulx et sable, et chacun d'iceulx maçonnez de libage en fondation au total, à Fendroict de chacun pillier.
Item, au dessus des susd. pilliers et contrepilliers convient faire et continuer les voultes en gênerai de ladite court, lesquelles seront à erestes et lamettes, le tout de pierre de taille de Clicquart dur, lesquelles auront quinze à dix-huict poulces de lez, deux piedz de long au moings, assizes et maçonnées avec mortier de chaulx et sable, les rins rempilez de moislon dur, avecq pareil mortier, le tout rendu araze jusques et à la haulteur qu'il sera prescript à l'entrepreneur ainsy que désire.
Item, au dessus de Taraze cy devant déclarée, en la totalité de ladite court, convient faire et mettre ung aire de ciment avecq chaulx, laquelle portera douze à quinze poulces d'espoisseur, pour estre icelle pillée et battue par espace de temps, et reduict en telle sorte qu'il reste poinct ou peu d'humidité.
Item, auxendroictz qu'il sera advisé pour le mieulx, l'entrepreneur sera tenu fournir quatre pièces de liais ou Clicquart dur, de trois à quatre piedz en quarré, taillées en noue ou emer, pour estre mis à l'endroict de chacune des chustes d'eau de la susditte cour, et au milieu desquelles seront inculpées certaines testes de masques propres à tel effect, en conservant par l'entrepreneur, dans les voultes et autres lieux, certain encastrement de huict à dix poulces, pour y estre mis des thuiaulx à tel effect.
Item, l'entrepreneur sera tenu continuer d'aracher le vieil mur qui reste sur les lieux, icelluy mettre et faire porter au lieu qui luy sera marqué par le susd. ofticier, en s'aidant de démolitions du vieil perron et mur qui separoit les deux cours.
Tous lesdictz ouvrages bien et deuement faicts au dire et disposition dudict maistre des œuvres, thoisée selon la coustume de ceste prévosté et vicomte de Paris, en rendant par l'entrepreneur le tout faict et parfaict dans le plus bref temps que faire ce pourra, et faisant vuider et mener aulx champs les terres et gravois provenans des fondations et autres, pour rendre le tout à haulteur de dessoubz du pavé qui en est à présent.
Faict et présenté par nous, Augustin Guillain, maistre des œuvres d'icelle, au bureau de la ville, le dixiesme septembre mil six cens dix-huict.
Signé : Guillain.
De par les prévost des marchans et eschevins de la ville de Paris.
On faict assavoir que les ouvrages de maçonnerie et pierre de taille mentionnées par le devis cy-devant transcript, seront baillées à faire à la thoise ou en bloc, au rabaiz et moings disant, à l'extinction de la chandelle, mercredy prochain douziesme du présent moys, trois heures de relevée, au bureau de la ville, aux charges cy-dessus déclarées ; et y seront touttes personnes receues à y mectre rabaiz.
Faict au bureau de la ville, le lundy dixiesme jour de septembre mil six cens dixhuict.
Du mercredy, douziesme jour dudict moys de septembre, ■mil six cens dix-huict.
Ledict jour de relevée, les ouvrages de maçonnerie et pierre de taille mentionnés au devis cy-devant transcript, ont esté publiez au grand bureau de THostel de ladite ville, estre à bailler à faire au rabaiz et moings disant, à Textinction de la chandelle, à la thoise ou en bloc, selon que Ton feroit la condition de la ville meilleure ; et faulte d'enchérisseurs a esté lad. publication remise au samedy quinziesme dud. moys, et ordonné nouvelles affiches estre mises.
Ledict jour de samedy quinziesme septembre de rellevée, lesd. ouvrages ont esté derechef publiez en noz présences du procureur du roy de la ville et d'Augustin Guillain, maistre des œuvres d'icelle ville, où c'est présenté Marin de la Vallée, juré du roy en l'office de maçonnerie, qui a entrepris de faire lesdits ouvrages, moyennant trente trois livres tournoys la thoise, ou à dix huict mil livres en bloc.
Par Jehan Antissier, aussy juré du roy en l'office de maçonnerie, à trente livres tournoys la thoise.
Et ne s'estant présenté autres personnes pour mettre rabaiz, aurions remis ladicte publication au mardy ensuivant xviii" dud. moys, et ordonné nouvelles affiches estre mises.
Du mardy, dix-huictiesme d'icelluy moys de septembre.
Ledict jour de rellevée, iceulx ouvrages ont derechef esté publiez estre à faire au rabaiz et moings disant, à la thoise ou en bloc, où c'est présenté Nicolas Caillou, maistre maçon, à Paris, demeurant rue Daulphine, qui a entrepris de faire lesdits ouvrages bien et deuement conformément audit devis, moyennant la somme de seize mil livres tournoys en bloc, ou à vingt neuf livres tournoys la thoise, sans qu'il soit rien compté ny thoise pour les erestes, suivant la publication présentement faicte à ceste fin.
Par Thomas Taffany, maistre maçon, demeurant rue de Poictou, à l'image Saint- Jehan, à vingt-sept livres tournoys la thoise.
Et pour ce qu'il ne s'est présenté autres personnes pour mettre rabaiz au dessoubz dud. Taffany, avons remis la publication à samedy prochain.
Advenu lequel jour de samedy vingt deuxiesme septembre de rellevée, lesd. ouvrages ont esté de rechef publiez en présence dud. Taffany et autres maçons, qui n'auroyent mis aucun rabaiz, encores qu'il aye esté allumé la chandelle, au moyen de quoi avons remis ladicte publication et adjudication au mardy ensuivant vingt-cinquiesme dud. moys, et ordonné nouvelles affiches estre mises tant à la maison de l'escriptoire que autres lieux accoutumez.
Du mardy, vingt-cinquiesme jour dudit mois de septembre, mil six cens dix-huict.
Ledict jour de rellevée, avons en noz présences dudict procureur du roy de la ville et dud. Guillain, faict publier derechef les ouvrages de maçonnerie et pierre de taille qu'il convient pour faire les voultes de la cour de l'Hostel de la ville, le tout mentionné par le devis cy-devant transcript, estre à bailler à faire au rabaiz et moings disant, à l'extinction de la chandelle, à la thoise ou en bloc, à la charge par l'adjudicataire de
faire lesdictz ouvrages bien et deuement, au désir et conformément aud. devis et au plan représenté qui est signé et paraplié par le greffier de ladicte ville, et au dire dud. Guillain, maistre des œuvres, et autres gens ad ce cognoissans, lesquelz ouvrages seroient thoisez suivant la coustume, sans qu'il soit rien compté pour les errestes, mesme ledict entrepreneur sera tenu de faire Pesgout des eaues de ladicte court comme il est désigné par led. plan, et où cy-après Ton le vouldra changer, icelui entrepreneur sera tenu de les faire selon qu'il lui sera ordonné sans que pour ledict changement il puisse prétendre nv demander aucun surcroist ny rescompense quelconque.
A touttes lesquelles charges et conditions s'est présenté ledit Marin de la Vallée, qui a entrepris de faire iceulx ouvrages en bloc, moyennant le pris et somme de quinze mil six cens livres tournoys.
Ce faict a esté allumé la chandelle et déclaré aux maçons et assistans que nous allons procedder à l'adjudication desd. ouvrages en bloc, et déclarer le rabais estre de cent livres, laquelle chandelle esteinte en a esté allumé une seconde, puis une troisiesme.
Au moven de quoy et attendu qu'il ne s'est présenté aucunes autres personnes pour mettre rabaiz au dessoubz dudict de la Vallée, ny faire la condition de la ville meilleure que luv, et que toutes les solempnitez à ce requises ont esté gardées et observées, avons, audict Marin de la Vallée, adjugé et adjugeons par ces présentes lesd. ouvrages en bloc moyennant les pris et somme de quinze mil six cens livres tournoys, qui luy sera payée par le receveur du domaine, dons et octroys de lad. ville, des deniers à ce destinez, au feuret à mesure qu'il travaillera, et selon noz ordonnances et mandements, à la charge par iceluy de la Vallée de faire les ouvrages bien et deuement, conformément audict devis et plan et au dire dudict Guillain, maistre des œuvres de lad. ville, et autres gens ad ce cognoissans, et de satisfaire entièrement à toutes les clauses, charges et conditions cy-devant spécifiées, mesme de bailler bonne et suffisante caultion, tant des deniers qu'il recepvra que de rendre sad. besogne bien et deuement falcte comme dessus, dedans le jour Saint-Jehan-Baptiste prochainement venant.
Du deuxiesme jour d'octobre, dudict an mil six cens dix-huict.
Est comparu au bureau de la ville ledict Marin de la Vallée, entrepreneur des ouvrages de maçonnerie et pierre de taille qu'il convient faire dans la court de l'Hostel de lad. ville, suivant le devis cy-devant transcript, lequel a présenté pour caution tant des deniers qu'il recevra, que de rendre lad. besogne bien et deuement faicte, Jehan Poussard, maistre maçon à Paris, demeurant aux marais du Temple en la place de France, lequel à ce présent a pleigé et cautionné led. de la Vallée, tant des deniers qui seront par luy receuz, que de rendre lesdictz ouvrages bien et deuement faictz suivant ledict devis, et a faict ses submissions accoustumées, et a led. de la Vallée déclaré luy appartenir la maison en laquelle il est demeurant, dans le cul-de-sac de la rue de Beaubourg, et deux autres maisons neuves dans la rue de la Baudroirye, et led. Poussard la maison en laquelle il est demeurant cy-dessus, demeurant et déclarée, et une autre maison rue des Juifs, nous avons lad. caution receue.
Signé : Poussard et de la Vallée.
