FEVRIER

ACCORD ENTRE LES OFFICIERS MUNICIPAIX ET MARIN DE LA VALLÉE POUR LA CONFECTION DU BATIMENT DU SAINT-ESPRIT

( Reg. de la ville.)

Aujourd'huy, après avoir eu l'avis de Pierre Guillain, maistre des oeuvres de maçonnerie de ladicte ville, a esté arresté avec Marin de Lavallée, juré du rov, en l'office de maçonnerie et entrepreneur des bastimens de l'Hostel de la ville, que ledict de La Vallée continuera promptement la maçonnerie du pavillon du costé du Sainct-Esprit, lequel pavillon icelluy de La Vallée a promis et promet rendre faict de maçonnerie à haulteur pour mettre les plattes-formes de charpenteries dessus, dedans le quinziesme jour de may prochainement venant, et du jour que ladicte charpenterie sera posée ung mois, rendra les thuiaulx des cheminées et lucarnes eslevées, et sera, ledict de La Vallée, payé par chacune sepmaine de la besongne qu'il aura faicte la sepmaine, laquelle à ceste fin sera thoisée par ledict Guillain, lequel marquera ladicte besongne en Testât

qu'elle est à présent, pour recongnoistre la besongne que ledict de La Vallée aura faict la sepmaine pour en estre payé ; et oultre a esté arresté de bailler et payer comptant à icelluy de La Vallée, et par advance, la somme de six cens livres que luy demeurera en fonds, pour la provision de ses matériaulx, laquelle somme ne luy sera rabattue que lorsque sa besongne sera faicte, ou que l'on fera un thoisé général, et sans que ledict de La Vallée puisse faire aucune abbattaige ny ouvrages aux murs de l'église du Sainct- Esprit ny ailleurs, sinon ceulx qui luy seront désignez et baillez par escript, le tout sauf les prétentions tant de ladicte ville que dudict de La Vallée, pour les ouvrages par luy cy-devant faicts et dont il prétend luy estre deub des deniers.

Faict au bureau de la ville, le jeudy, quatriesme jour de febvrier mil six cens dix.