CHANSON A DANSER

Chambrière, chambrière,

Allez tost et venez çà,

Allez à mon amy dire

Que mon mary ni est pas, hola hola*

Hola, hola hola, Je tiens la dame peu sage, Qui belle chambrière a.

Allez à mon amy dire

Que mon mary n'y est pas. —

La chambrière rusée

Print son chaperon de drap, hola hola.

Hola, etc.

La chambrière rusée

Print son chaperon de drap,

Et tout droit s'en est allée

Au logis de l'advocat, hola hola.

Hola, etc.

Et tout droit s'en est allée

Au logis de l'advocat :

« Monsieur, madame vous mande

Que son mary n'y est pas, hola, hola.

Hola, etc.

Monsieur, madame vous mande Que son mary n'y est pas. »

Il empongne la galande, Dessus son lit la jetta, hola hola.

Hola, etc.

Il empongne la galande,

Dessus son lit la jetta.

— Pourquoy faire iray-je à Romme

Quand les pardons sont deçà, hola hola.

Hola, etc.

— Pourquoy faire iray-je à Romme, Quand les pardons sont deçà? —

La maistresse est aux fenestres Qui avisa tout cela, hola hola.

Hola, etc.

La maistresse est aux fenestres Qui avisa tout cela.

« Ha! dit-elle, bonne beste, Vostre maistre le saura, hola hola.

Hola, etc.

Ha! dist-elle, bonne beste, Vostre maistre le saura. »

— Par ma foy, si vous luy ditte,

Je conteray vostre cas, hola hola. —

Hola, etc.

— Par ma foy, si vous luy ditte, Je conteray vostre cas* —

La maistresse assez despitte

Dit : plus ne me serviras, hola hola.

Hola, etc.

La maistresse assez despitte

Dit : plus ne me serviras, hola hola.

Hola hola hola, Je tiens la dame peu sage, Qui belle chambrière a.

Di^itize

Changeons propos, c'est trop chanté d'amours, Ce sont clamours,

Chantons de la serpette, Tous vignerons ont en elle recours ; C'est le secours

Pour tailler la vignette, O serpill ette, o serpillonnette, La vignolette est party mise sus, Dont les bons vins tous les ans sont mis sus, Dont les bons vins tous les ans sont mis sus.