PROVISION DE CANONICATS
Provisions de canonicats de Saint-Nicolas.
Denis Le Macon, enfant de chœur, 5 février 1618.
Decanus et Universitas Capituli insignis Ecclesiæ Carnotensis, ad Romanam Ecclesiam nullo medio pertinentes, dilecto nostro Dionisio Le Maçon, puero chori Ecclesiæ nostræ, salutem in Domino. Canonicatum et præbendam Ecclesiæ sancti Nicolai in claustro ejusdem Ecclesiæ nostræ sitæ, fundatos per nobilem et piæ memoriæ dominum et magistrum Nicolas Thiersault, dum viveret Cantorem et canonicum prædictæ nostræ Ecclesiæ, quorum præsentatio seu nominatio ad dominum Cantorem dictæ Ecclesiæ nostræ pro tempore existentem, ex præscripto et institutione dictæ fundationis, collatio autem et provisio et omnimoda alia dispositio ad nos pleno et ordinario jure spectant et pertinent, liberos nunc et vacantes per (le nom est resté en blanc).
.Tibi, nobis per nobilem et circumspectum virum, magistrum Floridum Daubermont, Cantorem et canonicum Ecclesiæ nostræ supradictæ, tanquam puero dicti nostri chort atque adeo capaci debite præsentato, auctoritate nostra ordinaria contulimus et donavimus, conferimusque et donamus per præsentes, et investientes sede iisdem canonicatu et præbenda hujusmodi fundationis dicti domini Thiersault surumque jurium et pertinentium universorum per præsentium collationis litterarum tenorem et concessionem, idque pro tempore et quandiu eris puer chori aut alias in servitio et stipendiis Ecclesiæ nostræ, et ad onus rite celebrandi, una cum cœteris canonicis ejusdem fundationis, anniversaria officia pro defunctis, et alia divina officia, in eadem fundatione contenta et ordinata. Quocirca dominum Decanum Ecclesiæ nostræ vel eo absente antiquiorem fratrem et concanonicum nostrum commisimus et committimus, quatenus te vel procuratorem tuum lesitimum, in actualem, realem et corporalem possessionem dictorum canonicatus et præbendæ dictæ fundationis illorumque jurium et pertinentium universorum ponat et inducat et introniset, servatis solemnitatibus assuetis, et jure cujuslibet salvo. Datum Carnoti in Capitulo nostro generali festi purificationis beatæ Mariæ, die lunæ quinto mensis februarii,
anno Domini millesimo sexcentesimo decimo octavo, sub sigillo nostro
et signo manuali secretarii nostri,
Procès-verbal de l'installation du méme, 1° mars 1618.
Anno Domini millesimo sexcentesimo decimo octavo, die jovis prima mensis martii, circa horam septimam ante meridiem, in mei Stephani Hezard, clerici notarii et secretarii venerabilium dominorum Decani et Capituli insignis Ecclesiæ Carnotensis, ad Romanam Ecclesiam nullo medio pertinentis, subsignati, testiumque infra scriptorum presentia, nobilis et circumspectus vir magister Robertus Bouette, Decanus et canonicus dictæ Ecclesiæ, in vim litterarum collationis et provisionis Dionisio Lemaçon, puero chori dictæ Ecclesiæ, per venerabiles et circumspectos viros dominos, Decanum et universitatem Capituli Carnotensis, de canonicatu et præbenda ecclesiæ sancti Nicolai in claustro Ecclesiæ sitæ, fundatis per nobilem et piæ memoriæ dominum et magistrum Nicolas Thiersault, dum viveret, Cantorem et canonicum dictæ Ecclesiæ Carnotensis, sub data diei quintæ mensis februarii nuper elapsi, factorum et signatorum Cailleau et sigillatarum, ipsum Lemaçon in possesionem realem, actualem et corporalem dictorum canonicatus et præbendæ suorumique jurium, per majoris altaris osculum, per pulsum campanæ, servatisque aliis solemnitatibus assuetis, posuit, induxit et intronisavit, denique in choro installavit, nemine contradicente seu opponente. Qui quidem Lemacon, honorem, reverentiam et obedientiam se dictis dominis Decano et universitatt Capituli Carnotensis laturum promisit.….
Præsentes concessiones actae fuerant in dicta ecclesia sancti Nicolai, præsentibus magistro Joanne Drouard, clerico organista Ecclesiæ carnotensis, et Vincentio Jolliet, puero chori, canonicis in dicta Ecclesia sancti Nicolai de fundatione defuncti venerabilis magistri Claudii Loupereau, testibus Carnoti commorautibus, pluribusque aliis.
Ce Jean Drouard fut privé Le jeudi, dernier décembre 1615, de ses gages d’heurier, à cause de son peu d'assistance, et de son état d'orga-
niste, à cause de son insuflisance.
Un autre acte donne provision d’un canonicat fondation Loupereau de Saint-Nicolas. « Dilecto nostro Joanni Fillon, clerico horario et matutinario, canonicatus vacantis per longiorem absentiam Vincentii Jolliet, nuper pueri chori ecclesiæ nostræ, ultimi et immediati illorum possessoris pacifici...….. . Anno Domini 1622, die jovis
22 decembris.
