U\M. PREMIER

l^ôiIRE, ie conte ici les beaus enseignemens 5 De l'art de Poésie, et quels commencemens 'Les Poèmes ont eu ; quels auteurs, quelle trace >I1 faut suiure, qui veut grimper dessus Parnasse. Muses, s'il est permis d'enseigner l'Art des vers, Et montrer d'Helicon les saints écrins ouuers,

Que chacune de vous me montre sa cachette ; Permettez que les huis de Cirrhe ie crochette, Que ie monte en Parnasse ouurant vos cabinets, Que ie cueille les fleurs des féconds iardinets De Pimple et de Permesse : et que l'eau de Pirene Ruisselle dans mes vers sur la francoise arène.

Apollon, pren pour moy ton Luth harmonieux, Etoufe d'vn son doux le bruit calomnieux De ceux qui blâmeront cette mode enseignante Pour ne sentir assez sa façon élégante. Et vous, ô mon grand Roy, soyez le deffendeur De l'ouurage, duquel vous estes commandeur.

Comme Dieu, grand ouurier, fist de rien toute chose. Son œuure aussi de peu le Poète compose : Mais quand vn homme va pour vn plaisant soûlas, Dans quelque beau iardin, dressé par entrelas D'aires, de pourmenoirs et de longues allées. Partis diuersement en sentes egallees; S'il marche dédaigneux par dessus les plançons Des aires, compartis en diuerses façons, El qu'il rompe en passant les bordures tondues. Et d'vn gentil dedal les hayetles fendues. Au lieu d'aller ioyeux par les petits sentiers, Diuisant le parterre en ses diuers quartiers, Le iardinier fasché de voir les pieds superbes De ce hautain gaster son iardin et ses herbes. De mots iniurieux à luy s'adressera,

Et hors de son iardin, dépit le chassera.

Ainsi quand le grand Dieu, iardinier de la terre, Nous void marcher hautains au monde son parterre, Hors de ses chemins droits, les espalliers brisant. Les berceaus et les fleurs de son iardin plaisant. Il nous chasse dehors : il luy déplaist que l'homme Retenté de nouueau regouste de la pomme : Sa loy, ses mandemens, sentiers de la cité. Sont chemins où Ton peut marcher en seureté.

SIRE, pareillement si quelcun plein d'audace. Malin, outrecuidé, vos Edicts outrepasse. De vos grands Parlemens le seuere pouuoir Le fait bien tost ranger à son humble deuoir. Vostre image parlant en vos licts de iustice, Fait de vostre Royaume obseruer la police. Et vostre bras vangeur poursuit de toutes pars Ceux qui vous irritant veulent irriter Mars. Les Edicts de nos Roys, vos iustes ordonnances, Doiuent à vos suiets seruir de souuenances Du trac, dont on ne doit iamais se détraquer, Qui ne veut le couroux du prince prouoquer. —■De mesrae en tous les arts formez par la Nature, Sans art il ne faut point marcher à l'auenture : — Autrement Apollon ne guidant point nos pas -^ Monter au double mont ne nous soufTriroit pas; — Les chemins sont tracez; qui veut par autre voye Regaigner les douants, bien souuent se fouruoye : .

—^ Car nos sçauans maieurs nous ont desia tracé — — Vn sentier qui de nous ne doit estre laissé.

Pour ce ensuiuant les pas du fils de Nicomache, Du liarpeur de Calabre, et tout ce qui remâche Vide, et Minturne après, i'ay cet ceuure apresté, Sire, l'accommodant au langage vsité De vostre France, afin que la francoise Muse Sans Art à l'auenir ne demeure confuse. Mais qui selon cet Art du tout se formera Hardiment peut oser tout ce qui luy plaira Escriuant en francois ; ainsi vostre langage Par ces vers ne reçoit vn léger auantage Veu qu'il se trouue plus de comments mille fois Au latin, que de vers en l'Art du Calabrois : Et puis ce n'est pas peu de ioindre à vos domaines, Sans dépence ou hasard, les dépouilles Romaines. ^ — Mais tout par art se fait, tout par art se construit,

Par art guide les Naux le Nautonnier instruit,

. — —Et sur tous le Poète en son dous exercice

Mesle auec la nature vn plaisant artifice ;

-Tesmoin en est cet Art, qui par les vers conté,

■- A tous les autres arts aisément surmonté.

Comme on void que les voix fortement entonnées Dans le euyure étrecy des trompettes sonnées, leltent vn son plus clair, plus haut, plus souueram. Pour estre l'air contraint dans les canaux d'erain : Ainsi les beaus desseins, plus clairs on fait entendre.

De les soumettre aux loix qu'eu prose les étendre. Premier cette raison fist asseruir les voix, Soubs l'air de la syllabe à conter par ses doigs.

L'inuention des vers estre des cieux venue, — Est vne opinion des plus sçauans tenue, Et le fils de Latone ils y font présider Et les vierges qu'on fait en Pinde résider, Pour monstrer que la source en est toute céleste ; Ce qu'vn rauissement à plusieurs manifeste. Car, estants idiots, de fureur sainte épris, Ils sentent tellement eleuer leurs espris. Et de Phœbus si fort échauffer leurs poitrines, Que, comme s'ils auoient apris toutes doctrines, Ils chantent mille vers qu'on pourroit égaller A ceux qui font la Muse en Homère parler : Puis quand cet éguillon plus ne les epoinçonne, Ils remâchent leurs vers, leur Muse plus ne sonne : Et demeurants muets ils sont émerueillez Quel Ange auoit ainsi tous leurs sens reueillez. Quel Bacchus leur auoit l'ame tant éleuee, Et du Nectar des dieux tellement abreuuee, Que sans corps ils estoient en tel rauissement Tirez iusques au Ciel, où le saint souflenient De la bouche de Dieu leur halenoit en l'ame Vne fureur diuine, vn rayon, vne flame. Qui sans art, sans sçauoir, les faisoit tant oser, Qu'en tous arts ils vouloient et sçauoient composer ;

Cela fisl que l'on vid maints doctes recognoistre

Les Orateurs se faire, et les Poètes naistre.

Et truchemens des dieux beaucoup les appeloient,

Croyans que par leur bouche aux humains ils parloient.

On void aussi que l'homme ayant dés la naissance Le Nombre, l'Armonie et la Contrefaisance, Trois points que le Poète obserue en tous ses vers, Que de là sont venus tous les genres diuers Qu'on a de Poésie : à raison que naissante Premier cette Nature en nous contrefaisante, Fist que celuy qui fut enclin pour imiter, S'enhardit peu à peu de nous représenter Tous les gestes d'autruy, chanter à l'auenture, Rapportant à la voix l'accort et la mesure : Depuis il s'ensuiuit qu'en beauco\ip de façons Elle fut diuisee en l'esprit des garçons. Selon que de leurs meurs la coustume diuerse A faire les poussoit des vers à la trauerse. Delà vint qu'on voyoit les sages généreux Les gestes imiter des hommes valeureux : Les prudens contrefaire vne vieille prudence, Et mettre d'vn Nestor l'esprit en euidence. En imitant leurs meurs, leurs belles actions, Comme elles ressembloient à leurs intentions: Les autres plus légers les actions légères Imitoient des mauuais : et comme harengeres Touchoient l'honneur de tous, vsant de mots picquants.

Au contraire de ceux qui les dieux inuoquants, Faisoienl à leur honneur des Hymnes vénérables, Ou celebroient des bons les bontez fauorables : De Nature ils estoient poussez à cet effet : Nul ne pensoit à l'Art qui depuis s'en est fait : Mais l'vsage fist l'Art ; l'Art par apprentissage Renouuelle, embellit, règle et maintient l'vsage ; Et ce bel Art nous sert d'escalier pour monter A Dieu, quand du nectar nous desirons gouster. Le Nombre, et la Musique en leur douce Harmonie, Sont quasi comme l'ame en la sainte manie De tout genre de vers, de qui faut emprunter Le sucre et la douceur pour les faire gouster. Bien que la vigne soit aussi belle, aussi viue Qu'aucun autre arbrisseau qu'vn laboureur cultiue. Il la faut toutesfois appuyer d'échalas, Ou quelque arbre à plaisir luy bailler pour soûlas : Ainsi des autres Arts il faudra qu'on appuyé La Poésie, afin qu'elle en bas ne s'ennuye : Le Lierre en la sorte en forme de serpent. Sans son grand artifice en bas iroit rampant: Aux arbres il s'attache, industrieux il grimpe Par son trauail, plus haut que le coupeau d'Olimpe : H grauit conlremont sur les antiques murs, Il s'eleue collé dessus les chesnes durs, Et sa force si bien haussant il etançonne. Que plus ferme est son pied qu'vne ferme coulonne.

De mesme la Nature aux Arts a son recours, Pour auoir vn souslien, pour auoir vn secours, — Qui ferme rend sa peine en plaisir égayée De se voir par les fleurs de science étayee. C'est pourquoy quand on fait, par vn prix droicturier, La couronne aux sçauans de verdoyant laurier, (Signe que la verdeur d'immortelle durée Aura contre le temps vne force asseuree) On y met du lierre ensemble entrelassé. Pour montrer que sans l'Art l'esprit est tost lassé : Ainsi representoit l'Egiptienne écolle Le Poëte parfait, par ce gentil symbolle. Comme vn autre disoit, que de laict doucereux. Pour montrer la Nature, et de miel sauoureux Peur marquer l'artifice, on debueroit repaistre Celuy qui veut aux vers se faire appeler maistre. Personne ne pouuant sans leur conionclion lamais toucher au but de la perfection. /C'est vn Art d'imiter, vn Art de contrefaire j Que toute Poésie, ainsi que de pourtraire, ' Et l'imitation est naturelle en nous: Vn autre contrefaire il est facile à tous; Et nous plaist en peinture vne chose hideuse, Qui seroit à la voir en essence fâcheuse.

Comme il fait plus beau voir vn singe bien pourtrail, Vn dragon écaillé proprement contrefait, Vn visage hideux de quelque laid Thersite,

Que le vray naturel, qu'vn sçauant peintre imite : Il est aussi plus beau voir d'vn pinceau parlant ,,. — • Dépeinte dans les vers la fureur de Roland,

Et l'amour forcené de la panure Climene, ^

Que de voir tout au vray la rage qui les mené.

Tant s'en faut que le beau, contrefait, ne soit beau, Que du laid n'est point laid vn imité tableau : Car tant de grâce auient par celle vray-semblance, Que surtout agréable est la contrefaisance.

Donc s'vn peintre auoit peint vn beau visage humain, Y ioignantpujs après, d'vn trait de mesme main, Vn haut col de cheual dont l'estrange figure D'vn plumage diuers bigarrast la nature. Et qu'ores d'vne beste, et qu'ores d'vn oyseau Il adioutast vn membre à ce monstre nouueau, Ses membres assemblant d'vne telle ordonnance, Que le bas d'vn poisson eust du tout la semblance, Et le haut d'vne femme, ainsi qu'on dit qu'esloient Celles qui de leurs voix les nochers arrestoient : Sire, venant à voir ce monstre de Sirène, De rire, que ie croy, vous vous tiendriez à peine. Croyez, ô mon grand Roy, qu'en ce tableau diuers, Semblable vous verrez vn beau liure en ces vers, Auquel feintes seront diuerses Poésies, Comme au chef d'vn fieureux sont mille fanlasies : De sorte que le bas ni le sommet aussi Ne se rapporte point à mesme sorte icy :

Toutesfois tout le corps des figures dépeintes Donnent vn grand plaisir ainsi qu'elles sont feintes : Ce sont des vers muets que les tableaux de prix, Ce sont tableaux parlants que les vers bien écris.

Le Peintre et le Poëte ont gaigné la puissance D'oser ce qu'il leur plaist, sans faire à l'Art nuisance : Au moins nous receuons cette excuse en payraent, Et la mesme donnons aux autres mesmement. Mais non pas toutesfois que les choses terribles, Se ioignent sans propos auecques les paisibles : Comme de voir couplez les serpens aux oyseaux, Aux tigres furieux les dous bellants agneaux. Tout se doit rapporter par quelque apartenance, Tant qu'vn fait ioint à l'autre ait de la conuenance, Comme en Crotesque on voit par entremeslemens De bestes et d'oyseaux diuers accouplemens.

Bien souuent bastissant d'vn hautain artifice Quelque ouurage superbe, on met au frontispice Et de pourpre et d'azur maint braue parement, Pour enrichir le front d'vn tel commencement. Tout de mesme on descrit la forest honorée. Et l'autel où iadis fut Diane adorée, Ou le bel arc en ciel bigarré de couleurs. Ou le pré s'émaillant de différentes fleurs , Ou le Rhin Germanique, ou la Françoise Seine, Qui par tant de beaus champs en serpent se pourmeine. Puis embrasse en passant de ses bras tortueux

Paris le beau seiour des libres vertueux. Mais de ne mettre point chose qui ne conuienne Au suiet entrepris , tousiours il te souuienne : Et ne fay pas ainsi que ce peintre ignorant, Qui peindre ne sçauoit qu'vn Ciprez odorant ; Et désirant de luy tirer quelque peinture, Tousiours de ce Ciprez il bailloit la figure. A quel propos cela? quand pour argent donné Veut estre peint celuy qui, sur mer fortuné, Le nauffrage a souffert , te chargeant de pourtraire Vn Satire cornu, ne fay rien au contraire. Parquoy doncques au lieu d'vn Satire paillard, Nous viens tu figurer Silène le vieillard?

Si tu fais vn Sonnet ou si tu fais vne Ode, Il faut qu'vn mesme fil au suiet s'accommode : Et plein de iugement vn tel ordre tenir, Que hautain commençant haut tu puisses finir. Pour dire en bref il faut qu'à toy mesme semblable, ■^Ton vers soit tousiours mesme en soymesme agréable,

Si bien que ton Poème égal et pareil soit. ^ Soubs l'espèce du bien souuent on se déçoit : '^ui fait que la pluspart des Poètes s'abuse. Car l'vn pour estre bref importunant la Muse, Trop obscur il dénient : à l'autre le cœur faut, Suiuant vn suiet bas : trop s'enflant s'il est haut : Qui trop veut estre seur, et qui trop craint l'orage, 11 demeure rampant à terre sans courage.

Qui veut d'vne autre part, prodigue de ses vers, Vn mesme fait changer par vn parler diuers, Il conduit aux forets les Dauphins hors des ondes, Les Sangliers hors des bois dedans les eaux profondes, Et les Cerfs il veut faire en hardes abbander, Pour aller hors la terre en la mer viander : Au vice nous conduit la faute qu'on euite, Si par Art elle n'est du iugement conduite.

A Paris, Renaudin, Imager diligent, Sçait bien représenter en bronze et en argent Les ongles et la main : et de douce enlailleure Imiter gentiment la crêpe cheueleure; Mais le chetif ne peut d'vne dernière main Parfaire son ouurage : Ainsi ie fais en vain Mille vers, quand ie veux composer vn Poëme, Qu'imparfait, ie ne puis paracheuer de mesme Que ie l'ay commencé : comme si mal en point l'auois la chausse neufue, et quelque vieux pourpoint.

0 vous qui composez, que prudens on s'efforce De prendre vn argument qui soit de vostre force : Pensez long temps au fais que vous pourrez porter : Car s'il est trop pesant, il s'en faut déporter. Qui sçait bien vn suiet selon sa force élire, Point ne luy manquera l'ordre ni le bien dire.

La grâce et la beauté de cet ordre sera, Si ie ne me deçoy, quand bien on dressera Ce qui dire se doit, et non se dire à l'heure,

Reseruant plusieurs points en leur saison meilleure, Et quand bien à propos on sçaura prendre vn point, Et quand hors de propos on ne le prendra point.

Sur tout bien inuenter, bien disposer, bien dire, Fait l'ouurage des vers comme vn Soleil reluire. Comme sur tous louable est l'édifice, où l'art Fait priser la matière, auquel d'vne autre part La matière fait l'art estimer dauanlage : Tout ainsi le Poëme a l'honneur en partage, Quand vn digne suiet fait les vers eslimer, Et quand les vers bien faits font le suiet aimer.

fSi quelques mots nouueaux tu veux mettre en vsage, Montre toy chiche et caut à leur donner passage : 1 Ce que bien lu feras les ioignant finement \ Auec ceux dont la France vse communément. \ Si mesme le premier il le faut d'auenlure, \ Découurir en françois des secrets de nature Non encor exprimez, lors prudent et rusé. Tu peux feindre des mots dont on n'a point vsé : Et puis les mots nouueaux que les nostres inuentent, Qui de l'Italien la langue représentent, Ou qui sont du Latin quelque peu détournez, Ou qui sont du milieu de la Grèce amenez, Seront receus, pourueu qu'auec propre matière La France rarement en soit faite héritière : Et tous les mots qui sont proprement françoisez, Et tous ceux qui ne sont du françois déguisez,

El les vieux composez desquels tousiours en France On vsoit à l'égal de la Grecque éloquence.

Mais ne seroit raison qu'à Thiard fust permis, Comme à Sceue, d'auoir tant de mots nouueaux mis En France, dont il a nostre langue embellie Par les vers éleuez de sa haute Délie, Et que Bellay, Ronsard et Baïf, inuentant Mile propres beaus mots, n'en poussent faire autant. Si l'en inuente aussi, par la trace suiuie Des plus doctes, pourquoy m'en porte l'on enuie? Puis que tant ont ainsi nostre langage orné, Quand à nouuelle chose ils ont vn nom donné ; Comme ont fait nos Hérauts, en beaucoup de manières Blasonnant les escus armoyés aux banieres : Comme en la chasse ont fait nos antiques chasseurs, Comme ore font aussi nos recens bastisseurs : Tesmoin vn lean Martin qui nostre langue a faite Propre pour exprimer Vitruue l'architecte. En la chasse il y a pour les champs et les bois. Du Fouilloux et Modus, et le prince de Foix, Dont puiser tu pourras les mots de vénerie; Et puis lean de Franciere en la fauconnerie. Voilant t'enseignera les traits et les façons D'affaitter et leurrer les Gerfauts et Faucons. Et du braue cheual cauacadour agile Le parler tu sçauras d'vn escuyer habile. Et voirras le Grisou (bien qu'à le manier

Il ne soit à la fin qu'vn françois escuier) Et d'autre part Nicot, qui de plume diuine Voyageant t'assembla des termes de marine. L'idiome Norman, l'Angeuin, leManceau, Le François, le Picard, le poli Tourangeau Aprens, comme les mots de tous arts mécaniques, Pour en orner après tes phrases Poétiques. ' Si tu veux vn dessein ou d'armes ou d'amour, Ou de lettres montrer qui soit digne du iour, Que tu saches la règle au vray des Entreprises, Cris-de-bataille, Mots, Ordres, Chiffres, Deuises, Brisures et Couleurs, les Armes des maisons. Anagrammes, Rébus, Emblesmes et Blasons, Et des Egiptiens des choses les images Soubs lesquels ils couuroient leurs doctrines plus sages.

Aux festins solennels, aux ioustes, aux tournois Tu rempliras ainsi les Oualles des Rois D'ames et de beaus corps : ce sont Mots et Figures Qui de guerre et d'amour cachent les auantures. Alors il te sera permis de mots vser Que la nécessité ne pourroit refuser :

(le ne veux toutesfois qu'vn bon esprit se fiche A faire vn Anagramme, à faire vne Accrostiche D'vn trauail obstiné : ce sont fruicts abortifs Dont la semence vient de poures apprentifs); Lors en renouuelant vne vieille empirance Changer tu peux des mots par quelque tolérance.

On a tousiours permis, est, et permis sera Faire naislre vn beau mot, qui représentera Vne chose à propos, pourueu que sans contrainte Au coin du temps présent la marque y soit emprainte. Comme on void tous les ans les fueilles s'en aller, Au bois naistre et mourir, et puis renouueler, Ainsi le vieux langage et les vieuls mots périssent, Et comme ieunes gens les nouueaux refleurissent.

Tout ce que nous ferons est suiet à la mort : Ce qui fut terre ferme à cette heure est vn port, Oeuure haute et royalle : et maintenant la Seine Pour enceindre la ville abandonne la pleine : Et ce qui d'vn costé n'estoit rien que marests. Et qui d'vn autre endroit n'estoit rien que forests Est, fendu soubs le soc, deuenu champ fertille Des blonds cheueux que tond la dent de la faucille. Comme ore en mainte part Loire a changé son cours. Et sans plus nuire aux bleds, des prez est le secours : La mer en maint endroit de nos costes Normandes A pris, sans partager, des campagnes trop grandes ; Ailleurs se reculant de ses bords sablonneux, Elle a fait des pastils de marests limonneux. A la fin périront toutes choses mortelles ; Aussi fera l'honneur des paroles plus belles : Car si l'vsage veut, plusieurs mots reuiendront Après vn long exil, et les autres perdront Leur honneur et leur prix, sortant hors de l'vsage

Soubs le plaisir duquel se régie tout langage.

De quel air, en quels vers on doit des Empereurs, Des Princes et des Rois descrire les erreurs. Les voyages, les faits, les guerres entreprises, D'vn siège de dix ans les grandes villes prises. L'enseigne Homère grec, et Virgile Romain : Autre exemple choisir ne te trauaille en vain. / Comme Appelle en peinture estoit inimitable, i En ses traits, en ses vers Virgile est tout semblable. I En l'Epique tu peux suiure ce braue autheur : ^Nul ne peut en sa langue attaindre à sa hauteur.

Pour t'aider tu pourras bien remarquer tes fautes Dedans la Thebaïde et dans les Argonautes, Suiure vn coulant Ouide, et cet Italien, Qui ne les suit de loin, bien que d'vn seul lien. Dans vn mesme suiet de trois digne, il assemble Vn long siège, vn voyage et maint amour ensemble.

Et d'autant qu'il ne sied au Poète fameux De prendre rien des siens quand il écrit comme eux, Estant né de bon siècle auec la véhémence Qu'en la France a produit la première semence) Sans rien luy dérober honore ce bel art En Francus voyageant soubs nostre grand Ronsard.

Si, né soubs bon aspect, tu auois le génie Qui d'Apollon attire à soy la compagnie, Pour d'vn ton assez fort l'Héroïque entonner, Les siècles auenir tu pourrois étonner;

Mais il faut de cet Art tous les préceptes prendre, Quand tu voudras parfait vn tel ouurage rendre : Par ci par là meslé, rien ici tu ne lis, Qui ne rende les vers d'vn tel œuure embellis.

Tel ouurage est semblable à ces fecons herbages. Qui sont fournis de prez et de gras pastu rages, D'vne haute futaye, et d'vn bocage épais, Où courent les ruisseaux, où sont les ombres frais, Où l'on void des estangs, des vallons, des montagnes, Des vignes, des fruictiers, des forests, des campagnes : Vn Prince en fait son parc, y fait des baslimens, Et le fait diuiser en beaus appartemens; Les cerfs, soit en la taille, ou soit dans les gaignages, Y font leurs viandis, leurs buissons, leurs ombrages; Les abeilles y vont par esquadrons bruyants Chercher parmi les fleurs leurs viures rousoyants ; Le bœuf laborieux, le mouton y pasture, Et tout autre animal y prend sa nourriture.

En l'ouurage Héroïque ainsi chacun se plaist, Mesme y trouue dequoy son esprit il repaist : L'vn y tondra la fleur seulement de l'Histoire, Et l'autre à la beauté du langage prend gloire ; Vn autre aux riches mots des propoz figurez. Aux enrichissemens qui sont elabourez ; Vn autre aux fictions, aux contes délectables Qui semblent plus au vray qu'ils ne sont véritables. Bref, tous y vont cherchant, comme sont leurs humeurs,

Des raisons, des discours, pour y former leurs mœurs; Vn autre plus sublim à trauers le nuage Des sentiers obscurcis, auise le passage Qui conduit les humains à leur bien-heureté Tenant autant qu'on peut l'esprit en seureté.

C'est vn tableau du monde, vn miroir qui raporte Les gestes des mortels en différente sorte. On y void peint au vray le gendarme vaillant, Le sage capitaine vne ville assaillant, Les conseils d'vn vieil homme, ecarmouches, batailles, Les ruses qu'on pratique au siège des murailles. Les iousles, les tournois, les festins et les ieux, Qu'vne grand' Royne fait au Prince courageux, Que la mer a ielté par vn piteux naufrage. Apres mille dangers, à bord à son riuage. On y void les combats, les harengues des chefs. L'heur après le malheur, et les tristes méchefs Qui tallonnent les Roys : les erreurs, les tempestes Qui des Troyens errants pendent dessus les testes, Les sectes, les discords, les points religieux. Qui brouillent les humains entre eux litigieux : Les astres on y void et la terre descrite. L'océan merueilleux quand Aquilon l'irrite : Les amours, les duels, les superbes dédains, Où l'ambition mist les deux frères Thebains : Les enfers ténébreux, les secrettes magies. Les augures par qui les citez sont régies :

Les fleuues serpentants, bruyants en leurs canaux ;

Les cercles de la Lune, où sont les gros iournaux

Des choses d'ici bas, prières, sacrifices ,

Et des Empires grands les loix et les polices.

On y void discourir le plus souuent les Dieux,

Vn Terpandre chanter vn chant mélodieux

A l'exemple d'Orphée : et plus d'vne Medee

Accorder la toyson par lason demandée :

On y void le dépit où (1) poussa Cupidon

La fille de Dicaee et la poure Didon :

Car toute Poésie il contient en soyméme

Soit tragique ou Comique, ou soit autre Poème.

Heureux celuy que Dieu d'esprit voudra remplir,

Pour vn si grand ouurage en françois acomplir l

En vers de dix ou douze après il le faut mètre :

Ces vers la nous prenons pour le graue Hexamètre,

Suiuant la rime plate, il faut que mariez

Par la Musique ils soient ensemble appariez,

Et tellement coulans que leur veine poUie

Coule aussi doucement que l'eau de Castallie.

(4) Dans l'édilioD de Caen, Charles Macé, 1605, in-S, point d'accent grave sur Vu. Ou, conjonction, et où, adverba de lieu, s'écrivent absolument de la même manière. — Il y a, dans cette édition (la seule, car l'édition de 4612 n'est autre que celle-ci, sauf les titres), un certain nombre d'irrégalarités orthographiques. Mais nous ne nous sommes permis de les corriger que lorsque le sens en souffrait trop gravement. Il était bon de respecter jusqu'à un certain point cette orthographe de transition comme la poésie de Vauquelin.

Mais du vers Heroic ailleurs nous parlerons Et tandis d'autres vers ici nous meslerons. Les vers que les Latins d'inégale iointure Nommoient vne Elégie, aigrete en sa pointure, Seruoient tant seulement aux bons siècles passez, Pour dire après la mort les faits des trépassez; Depuis à tous suiets : ces plaintes inuentees Par nos Alexandrins sont bien représentées, Et par les vers communs, soit que diuersement En Stances ils soient mis, ou bien ioints autrement. I Cette Elégie vn Lay nos François appelèrent, BEt l'Epitete encor de triste luy baillèrent: (Beaucoup en ont escrit ; tu les imiteras, El le prix non gaigné peut estre emporteras. Breue tu la feras, te réglant en partie Sur le Patron poli de l'amant de Cinthie, Les préceptes tousiours généraux obseruant, Tels que nous les auons cottez par ci deuant.

Nos Poètes François, qui beaus Cignes se fient A leur voler hautain, or' la diuersifient En cent genres de vers ; si trop long est leur cours, Ils couurent sa longueur du beau nom de discours.

Qui la triste Elégie a premier amenée, Cette cause au Palais encor est démenée : Car les Grammairiens entre eux en vont plaidant, Et soubs le luge encor est le procez pendant. Tibulle est le premier dont la Muse bien nette

A, romaine, imité Callimaque et Philœtte :

Puis Ouide et Properce, et Gallus le vieillart,

Dont tu peux emprunter les règles de cet Art.

Mais ta Muse ue soit iamais embesongnee

Qu'aux vers dont la façon ici t'est enseignée

Et des vieux chants Royaux décharge le fardeau ;

Oste moy la Ballade, oste moy le Rondeau.

Les Sonnets amoureux des Tançons Prouençalles

Succédèrent depuis aux marches inegalles

Dont marche l'Elégie : alors des Trobadours

Fut la Rime trouuee en chantant leurs amours :

Et quand leurs vers Rimez ils mirent en estime,

Ils sonnoient, ils chantoient, ils balloienl sous leur Rime;

Du Son se fisl Sonnet, du Chant se fist Chanson,

Et du Bal la Ballade, en diuerse façon :

Ces Trouuerres alloient par toutes les Prouinces

Sonner, chanter, danser leurs Rimes chez les Princes.

Des Grecs et des Romains cet Art renouuelé.

Aux François les premiers ainsi fut reuelé.

A leur exemple prist le bien disant Pétrarque

De leurs graues Sotmets l'ancienne remarque:

En récompense il fait mémoire de Rembaud,

De Fouques, de Remon, de Hugues et d'Aarnaud.

Mais il marcha si bien par cette vieille trace,

Qu'il orna le Sonnet de sa première grâce :

Tant que l'Italien est estimé l'autheur

De ce dont le François est premier inuentexir.

Jusqu'à tant que Thiard (J) épris de Pasithee L'eut chanté d'vne mode alors inusitée, Quand Scène par dixains en ses vers Deliens Voulut auoir l'honneur sur les Italiens, Quand desia Saingilais (2), et doux et populaire Refaisant des premiers le Sonnet tout vulgaire, En Court en eut l'honneur : quand bien tost du Bellay Son OUiue chantant l'eut du tout r'appelé : Et que Ronsard bruslant de l'amour de Cassandre Par dessus le Toscan se sceut bien faire entendre : Et Baïf dudepuis (Meline en ses ébats N'ayant gaigné le prix des amoureux combats) Ces Sonnets repillant, d'vn plus hardi courage, Et changeant son amour, et changeant son langage Chanta de sa Francine au parangon de tous. Faisant nostre vulgaire et plus bas et plus dous. Puis Ronsard reprenant du Sonnet la mesure Fist nostre langue aussi n'estre plus tant obscure Et deslors à l'enui fut des François repris L'interest du vieux sort, que l'Itale auoit pris. Et du Bellay quitant cette amoureuse flame, Premier fist le Sonnet sentir son Epigrame :

(\) Ce pofcte-mathémalicien-philosophe-évèque du 16« siècle a son nom ainsi orthographié sur le titre des Discours philosophiques. Paris, -«587, in-8: Pontus de Tyard. L'orthographe de sa signature est identique.

(2J Mellin de Saint-Gelais. — Vauquelin aura écrit ce nom comme il le prononçait, en vrai Normand qu'il était. On dit encore en Normandie, liger pour léger, etc.

Capable le rendant, comme on void, de pouuoir Tout plaisant argument en ses vers receuoir.

Desportes d'Apolon ayant l'ame remplie, Alors que nostre langue estoit plus accomplie, Reprenant les Sonnets, d'art et de iugement Plus que deuant encor écriuit doucement. De nostre Catlielane ou langue Prouençalle La langue d'Italie et d'Espagne est vassalle : Et ce qui fist priser Pétrarque le mignon, Fust la grâce des vers qu'il prist en Auignon : Et Bembe reconnoist qu'ils ont pris en Sicille La première façon de la Rime gentille.

Que l'on y fut planter auecques nos Romanis, Quand conquise elle fut par nos Gaulois Normands, Qui faisaient de leurs faits inuenter aux Trouuerres Les vers que leurs louglours, leurs Contours et Chanterres Rechantoient par après : (Ainsi les Grecs auoient Des Rapsodes, qui lors tous les carmes sçauoient D'Homère et d'Hésiode, estant les secrétaires, Interprètes, conteurs des fabuleux raisteres De ces poètes vieux) lors Tristau de Cisteaux En Pouille auec Guiscart plantoit ses panonceaux. Puis en suite plus grand Tancred de Hauteuille Conduisant douze fils de sa terre fertille, Mist en Fouille et Calahre vn vulgaire François Du Cathelan, Roman, Vualon et Thiois, Langages tous formez sur la langue Gauloise,

Que corrompit ainsi la Latine et Thioise ;

Qui par les Cours des grands Romande se forma,

Et chacun à la fin ceste dernière aima.

Les Normands derechef, suiuant hors de leur terre

Guillaume leur grand duc, mirent en Angleterre

Leur coustume et leur langue, et delà d'autres lois,

Qu'en François bien long tems n'ont point eu les Anglois.

D'Archilocque premier la furieuse rage De son ïambe propre arma le fier courage : Ce pied du gros soulier des Comicques fut pris, Et du beau brodequin des tragiques espris: Outil propre à traiter des communes affaires, Des propos mutuels et des bruits populaires. Se pouuant comme on veut en François r'apporter, Car il peut en tous vers l'oreille contenter : Mais noslre vers d'huict sied bien aux comédies (1), Comme celuy de douze aux graues Tragédies.

Nos longs vers on appelle Alexandrins, d'autant Que le Roman qui va les prouesses contant D'Alexandre le grand, l'vn des neuf preux de l'aage En ces vers fut escrit d'vn Romanze langage : Héroïques ainsi les Carmes furent dits.

D'autant que des Héros les hauts gestes iadis

(1 ) A la farce, oui; mais non à la haute comédie. Le vers de huit syllabes est trop sautillant. L'Alexandrin, au contraire, avec quelques rejets, n'est ni trop lourd ni trop léger. C'est ainsi que Molière l'a compri.s, et l'on peut s'en rapporter à lui, — ce nous semble.

En ces vers on chanta : Héros qui de la Grèce Guidèrent en Colchos la ileur de la ieunesse Dans la parlante Nef, quand le preux fils d'^Eson, Mais desloyal amant, emporta la toyson.

On peut le Sonnet dire vne chanson petite : Fors qu'en quatorze vers tousiours on le limite : Et l'Ode et la Chanson peuuent tout librement Courir par le chemin d'vn bel entendement. La chanson amoureuse, affable et naturelle Sans sentir rien de l'Art, comme vne villanelle, Marche parmy le peuple, aux danses, aux festins, Et raconte aux carfours les gestes des mutins : L'Ode d'vn graue pied, plus nombreuse et pressée Aux dames et seigneurs par toy soit addressee : De mots beaus et choisis tu la façonneras, De mile belles fleurs tu la couronneras : D'ornemens, de couleurs, de peintures brunies, En leurs deiectemens également vnies.

En cent sortes de vers tu la peux varier : Mais tousiours aux accords du Luth la marier : Et que chacun couplet r'entre de telle sorte, Que quelque mot poignant en sa fin il rapporte Sentant son Epigramme, et tellement soit ioint Qu'au lecteur il semble estre acomply de tout point. Si d'vne fiction d'vn long discours tu causes. Tu pourras diuiser cette longueur en pauses, Ou par les plis tournez des Odes du Sonneur,

Qui Grec sur les neuf Grecs lyriques eut l'honneur.

Mais rien n'est si plaisant que la courte Odelette Pleine de ieu d'amour, douce et mignardelette : Si tu veux du sçauoir philosophe y mesler, Par la Muse il le faut à ton aide appeler, A toy mesme asseruant la douce Polimnie, Autrement sa faueur, dépite, elle dénie, Et non l'assuiettir aux mots sentencieux Sans qu'elle sente vn peu son air capricieux. Sur quelque fantasie éleué (par la grâce De contes fabuleux) dessus la prose basse.

La Muse sur le Luth pour suiet fist iouer Et les Dieux et les Rois, et leurs mignons loiier, Les ioustes des combats, la ieunesse s'aymante A picquer les chenaux sous la bride ecumante ; Les ballets et le vin, les danses, les banquets Et des ieunes amants les amoureux caquets. Mais auec son fredon, or la Lyre cornue En la France est autant qu'en la Grèce connue : Et nul vulgaire encor n'a iamais entrepris De vouloir par sus elle en emporter le pris. Car depuis que Ronsard eut amené les modes Du Tour et du Retour et du Repos des Odes, Imitant la pauane ou du Roy le grand bal, Le François n'eut depuis en l'Europe d'égal : D'Elbene le premier cette lyre ancienne A l'enui des François fait ore Italienne.

En ce genre sur tous proposer tu te dois L'inimitable main de Pindare Gregois, Et du Harpeur Latin, et t'esiouir et rire Et sur la Téïenne et la Saphique lyre.

Le but de Galien c'est garder de mourir Le malade qu'il veut par drogues secourir : Le but de Ciceron c'est de bien faire croire Par ses viues raisons, son fait comme vne histoire. Mais quand et l'vn et l'autre à ce but n'atteindroit, Le nom de médecin Galien ne perdroit Ni Ciceron son tiltre : à raison que procède Le mal souuent d'vn point qui n'a point de remède : Et qu'aussi d'vn procez l'entremeslé défaut Empesche qu'on ne soit entendu comme il faut : Mais sans donner plaisir son nom perd vn Homère ; Il deuient de Poëte vne laide Chimère.

C'est le but, c'est la fin des vers que resiouir : Les Muses autrement ne les veulent ouir. Les Peintres sont ainsi peignants la Madelene, Pleurante, ils la feront ressembler vne Hélène, Nonchalante, agréable, ouurant de tous costez, En son rauissement vn thresor de beautez.

Ce qui fist sembler beaus à la Grèce ancienne Et les vers et les chants de Saphon Lesbienne, C'est qu'ils parloient tousiours de mile faits plaisans, Des ombrages, des prez, des oyseaux degoisans, / Des épesses forests, des sources gazouillardes,

Roullant sur le grauois leurs ondes babillardes, Des Hesperides Sœurs, de leurs iardins encor, Où le dragon vueillant gardoit les pommes d'or : Des Nimphes, de leur bal, des danses mesurées Qu'elles branloient en rond sur les tardes serees, De mile autres plaisirs qui tous délicieux Sont, sans les regarder, agréables aux yeux : Semblables au Printemps, dont les fleurs aurilleres, Bigarrant vn iardin, promtes et iournalieres, Vous plaisent sans penser aux bons fruicts de l'Esté, Tant vous est à propos ce plaisir présenté : Sans fruict ainsi vous plaist vne rose nouuelle, Et le baiser sans fruict qu'on prend d'vne pucelle.

Puis des vers le Génie estant du Ciel venu, Pour céleste plustost que terrestre est tenu. Car encor que la perle Indienne et gemmeuse Naisse dedans le nacre en la mer escumeuse, Toutesfois elle tient plus du Ciel que de l'eau, Aprochant en couleur de son visage beau : Aussi l'esprit conduit par la Muse diuine. Despend plustol du Ciel dont il prend origine Que non pas de la terre où son corps est viuant. Ainsi que le Soucy son beau Soleil suiuant.

C'est pourquoy des beaus vers la ioyeuse alegresse Nous conduit aux vertus d'vne plaisante addresse. Et pourquoy Dieu se prie aux Temples en chantant Et d'vn cœur réioui, plustost qu'en lamentant.

— Soie sçay bien toutesfois que profiter et plaire, Comme ailleurs ie diray, est le seul exemplaire De la perfection; mais tousiours si faut il Qu'on trouue quelque chose au profit de gentil : Chasteau-vieux bouffonnant pour gosser et pour rire Ne laisse à profiter et plaire en son médire.

Des gemmes que l'on trouue aux riuages Indois, l'estime tousiours celle estre de plus grand chois. Qui non seulement belle en couleur variante Sçait réiouir les yeux, agréable et riante, Mais qui sçait à des maux remèdes aporter, Et par vertu secrète vn esprit conforter : Ainsi des Muses est la chanson souueraine Qui n'a pas seulement la voix belle et sereine, La parole plaisante et l'air délicieux, Mais qui scait d'auantage enchâsser précieux Le diamant en l'or ; tirant auec délices Par ses enseignemens vn homme de ses vices.

Si quelqu'vn douant vous, si quelqu'vn puis après Imite en mesme endroit les Latins et les Grecs, [Vous rencontrant ensemble, il ne faut par enuie i par dépit laisser l'œuure non poursuiuie : ,es Aulheurs sont communs; tels les imiteront ui mieux que les premiers les représenteront : Oui va mesme chemin et fait mesme voyage, ' Quelquefois se rencontre en vn mesme passage. Comme tout peintre n'est parfait en chaque part

De tout ce que requiert la règle de son art :

Mais rvn en simples traits tant seulement charbonne,

L'autre sait porfiler l'ombre d'vne personne :

L'vn des membres fait bien vn raccourcissement,

L'autre sçait de couleurs faire vn rehaussement :

L'vn peindra seulement des grands dieux les images,

Et l'autre au naturel contrefait les visages :

L'vn sçait bien les couleurs subtil entremesler,

Et l'autre en Symmetrie aussi tout egaller :

Des Poètes ainsi, l'vn fait vn Epigrame

L'autre vne Ode, vn Sonnet, en l'honneur d'vne dame,

L'vn vne Comédie, et l'autre d'vn ton haut,

Tragique fait armer le royal echafaut;

Lvn fait vne Satyre, et l'autre vne Idillie,

Qui iusque aux petits chants des Pasteurs s'humillie,

Et peu, qui sont bien peu, la trompette entonnant,

Font bruire d'vn rebat l'air au tour resonnant.

Mais comme auec Apelle on loiie vn Timagore,

Protogene, Zeusis, Timante, Apollodore,

Parrasse et Pollignot, peignants diuersement :

Homère seul ainsi, ni Maron seulement

N'ont gaigné le Laurier : De cette branche on pare

Comme eux, Catule, Horace, Hésiode et Pindare :

Aussi pour le suiet des premiers ne traitter,

On ne doit de leur rang les seconds reietter :

Chacun en son espèce ii part à la Couronne

De l'arbre Delphien, qui leurs chefs enuironne.

Mais celuy qui ne peut garder l'ordre diuers, Et les couleurs de l'œuure en escriuant des vers, Et donner son vray iour à l'argument qu'il traite, Ne méritera point qu'on l'appelle Poëte. Pourquoy veut il honteux, ignorant demeurer, Plus tost qu'en aprenant, plus hardy s'asseurer?

Par vn Tragicque vers ne peut estre traitée Vne chose Comique, ains bassement contée : Et ne faut reciter en vers priuez et bas De Thieste sanglant le plorable trespas. Chacune chose doit en sa naïfue grâce Retenir proprement sa naturelle place :

Si l'Art on n'accommode à la Nature, en vain Se trauaille de plaire en ses vers l'escriuain ; Néanmoins quelquefois de voix vn peu hardie S'eleue en son couroux la basse Comédie : Et d'vne bouche enflée on voit souuentefois Chrêmes se dépiter en éleuant sa voix; Le Tragicque souuent de bouche humble et petite, Bassement sa complainte aux échaffauts recite.

Quand Telephe et Pelé banis et caimandans S'efforcent d'émouuoir le cœur desregardans, Et Ragot belittrant, vn Euesque importune. Il a des mots piteux propres à sa fortune ; Tous laissent les gros mots empoulez et venteux, Comme mal conuenant aux banis souffretteux.

Non, ce n'est pas assez de faire vn bel ouurage.

Il faut qu'en tous endroits doux en soit le langage, Et que de l'écouteur il sçache le désir, Le cœur et le vouloir tirer à son plaisir ; Montre face riante en voulant que l'on rie ; Pour nous rendre marris, montre la nous marrie ; Si tu veux que ie pleure, il faut premièrement Que tu pleures et puis ie plaindray ton tourment.

Ragot, si tu venois en prière caimande, Me faire, trop hautain, vne sotte demande, le me rirois, ou bien tu n'aurois rien de moy; Vn doux parler est propre aux hommes tels que loy, Aux hommes furieux paroles furieuses, Lasciues aux lascifs, et aux ioyeux ioyeuses, Et le sage propos et le graue discours A quiconque a passé de ieunesse le cours : Car Nature premier dedans nous a formée L'impression de tout pour la rendre exprimée Par le parler après ; et selon l'accident Elle nous aide, ou met en vn mal euident. Ou d'angoisse le cœur si durement nous serre, Qu'elle nous fait souuent pâmez tomber à terre, Et decouurir après d'vn parler indiscret, Aueuglez de fureur, de nos cœurs le secret. 11 faut que la personne, à propos discourante, Suiue sa passion pour estre bien disante.

Si le graue langage à celuy qui le tient. Selon sa qualité, peu séant n'appartient.

La noblesse Françoise et le bas populace Se pasmeront de rire en voyant son audace.

Grand' différence y a faire vn maistre parler, Ou Dauus qui ne doit au maistre s'égallcr, Ou le bon Pantalon, ou Zany dont Ganasse Nous a représenté la façon et la grâce : Ou le sage vieillard, ou le garçon bouillant Au mestier de l'amour et des armes veillant : Ou bien faire parler vne dame sçauante, Ou la simple nourrice, ou la ieune seruante, Ou celuy qui la pleine en sillons va trenchant, Ou bien de port en port vagabond le marchant ; L'Allemand, le Souisse, ou bien quelque habile homme Qui n'est point amendé de voyager à Rome, Ou celuy qui nourri dans l'Espagne sera, Ou celuy qui d'Italie en France passera.

Toy qui, sçauant, escris d'vne plume estimée Au plus près suy cela que tient la renommée : Ou bien des choses fein conuenantes si bien, Que de non vray-semblable en elles n'y ait rien.

Si tu descris d'Achille, honoré par Homère, Les faits et la valeur, l'ardeur et la colère, Fay le brusque et hautain, actif et conuoiteux, Ardant, impitoyable, inuaincu depiteux.

Ne confessant iamais que les loix engrauees Pour luy soient en du cuyure es tables eleuees, Mais voulant par le fer, poussé de son dédain

Soumettre toute chose à son pouuoir hautain.

Descris vne Medee, indomtable et cruelle, Inon toute epleuree, Ixion infidelle, Oreste furieux, Ion vagabondant De son dieu rauisseur le secours attendant.

Si tu veux sur le ieu de nouueau mettre en veiie, Vne personne encor en la Scène inconneiie, Telle iusqu'à la fin tu la dois maintenir Que tu l'as au premier fait parler et venir (1). Mais il est malaisé de bien proprement dire Ce qu'on n'a point encor veu par vn autre escrire : Pour ce plus seurement tu pourras imiter L'Aueugle clair voyant, qu'vn suiet inuenter (Qui n'ait point esté dit) de choses inouyes, Rendant sans aucun fruict des fleurs epanouyes. Ou bien si d'vne Histoire vn grand Prince fameux Tu veux faire floter sur les flots ecumeux, Faire tu le pourras, et, Chrestien, son nauire Hors des bancs périlleux et des ecueils conduire : Aussi bien en ce temps, ouïr parler des dieux En vne Poésie est souuent odieux.

Des siècles le retour et les saisons changées Souuent soubz d'autres loix ont les Muses rangées.

(1) Boileau a dit, avec la netteté du M' siècle :

D'un nouveau Personnage inveutez-vous Tidée? Qu'en tout avec soi-mesme il se montre d'accord^ Et qu'il soit jusqu'au bout tel qu'on l'a vu d'abord. Art. Poét., ch. 3.

Tasso, qui de nouueau dans Solyme a conduit Le deuol Godefroy, qu'vne grand' troupe suit, Certaine preuue en fait; mais vn suiet semblable Il te faut imiter sur vne vieille fable, Et pour n'estre dédit, il faut bien aduertir De prendre vn argument où l'on puisse mentir : Le vers du vra y-semblable aime vne conte rie, Qui plustost que le vray suit vne menterie.

Si d'vne longue alaine vn bel œuure tu yeux Parfaire pour passer iusqu'aux derniers neueux, Chante d'vn air moyen, non tel que l'Héroïque, Ni si bas descendant que le vers Bucolique, Mais qui de l'vn et l'autre vn vers enlassera, Qui tanlost s'éleuant, tantost s'abbaissera : Tel que du grand Maron le doux plaisant ouurage. Qu'imitant Hésiode il fisl du labourage : Et que celuy d'Ouide ayant par les retours De l'an, chanté l'honneur de leurs chommables iours Et tel qu'après Pontan en nostre langue encores Auoit bien commencé Baïf aux Météores : Tel que de Saintemarlhe est cet œuure diuin Qu'il a fait sur le Clain au bel air Poiteuin, Quand Latin et François imitant la Nature, Il chante des enfans la chère nourriture, Et tel qu'après Arat Manile chante ainsi Les Estoiles du Ciel, leurs figures aussi : Tel qu'après Empedocle, ô Lucrèce, tu oses

Chanter d'vn air pareil la Nature des choses.

Premier souuienne toy, par vu humble recours, De la toute puissance inuoquer le secours Soubs quelque nom diuin, puis de trop d'abondance, Garde toy de la Muse enfraindre l'ordonnance, EnûUant tes propos si Poétiquement Qu'ils ne sentent grossiers la Prose aucunement : Et ne mets nul suiet, nul conte, nulle histoire, Qui dans le cabinet des filles de mémoire Ne. puisse bien entrer : de peur de cette erreur, Rends au bon iugemeat snietfe ta fureur: A quoy te seruiront mile chose chantées Par les Grecs, dudepuis des Romains imitées.

Les argumens connus aux Poèmes ouuers Comme tiens se liront estre tes propres vers. Si tout tu ne veux point t'embrouiller à la suite De l'ample et du vil tour de la matière escrite. Pour ce tu ne doibs point, mot pour mot t'arrester, A vouloir vn suiet fidelle interpréter : Car on ne doit iamais, lorsque libre on imite. De son gré s'engager en place trop petite : La honte d'en sortir nous viendroit empescher, Et la loy de l'ouurage ensemble d'y toucher. Qui veut trop curieux vne langue traduire Veut la langue estrangere et la sienne destruire : Ce qui proprement est au langage ancien Il le faut proprement dire au langage sien.

Pourtant ie ne veux pas à nos François deffendre De ne traduire plus, et fidellement rendre Le Grec et le Latin : quiconque aura cet heur De rapporter au vray le sens d'vn vieil autheur, Profile à la ieunesse en la langue suiuante Qui sans Grec et Latin sera tousiours sçauante : Salel, premier ainsi, du grand François conduit. Beaucoup de l'Iliade a doucement traduit, Et lamin bien disant l'a tellement refaite Qu'à l'autheur ne fait tort vn si bon interprète : Long temps auparauant le bon Octauien De Saintgilais fist voir le preux Dardanien En habit de François : et depuis des Mazures Le fist marcher encor soubs plus douces mesures. Mais nos deux Cheualiers doctes frères ont ioint Leurs esprits, et l'ont mis encores mieux en point : Et pour eslre François, Apolon mesme auoue Qu'en eux se reconnoist le Cigne de Mantoue: Qu'ainsi puissions nous voir tous autres vers chantez Auecques la trompette en France interprétez, le voudrois bien aussi quelquefois variable Rendre nostre François au Latin mariable, Et suiure en traduisant nostre langue sur tout : Mais ô mechef ! souuent nous n'allons iusque au bout De la course arreslee, et reculions arrière Douant qu'auoir attaint le but de la carrière. Car les vns retirez par leurs empeschements.

Les autres délournez par fouis débauchements Abandonnent les vers : Mais bien peu par addresse Fendent l'empeschement, comme on fend vne presse De gens en vn passage : et l'ayant renuersé, Le chemin d'ignorance est bien tost trauersé.

Comme pour s'esiouir de voir briller la flame Des rais d'vn beau Soleil par les yeux d'vne dame Qui soit auecques nous : nous ne pouuons pas voir Que l'Amour ait sur nous encor aucun pouuoir : Car à tous est commun de sentir quelque ioye Quand vn œil amoureux ses regards nous enuoye ; Puis elongnez de luy la flame s'amortit Aussi tost qu'autre part son œil on diuertit. Mais ne le voyant plus, et porter dedans l'ame Le trait de la beauté qui nostre cœur entame, De ce triste départ tousiours s'entretenir, Ne paissant nos esprits que de son souuenir, C'est d'Amour qui commence vne enseigne certaine, Qui porte en son drapeau pourtraite nostre peine, Qui nous pousse à reuoir ce bel œil messager D'Amour, qui s'est venu dans nostre ame loger : Aussi pour voir plusieurs s'esiouir et se plaire Auprès du saint troupeau des neuf Muses, et faire Mille sortes de vers, ce n'est pour asseurer Qu'ils pourront amoureux des neuf Sœurs demeurer : Aux affaires tirez, aux vers plus ils ne pensent. Et de suiure la Muse oublieux se dispensent :

Mais celuy qui vrayment sent l'éguillon picqueur Des Muses iusqu'au vif luy chatouiller le cœur, Il fait doux et modeste, amoureux ses caresses, Courtisant par ses vers ses sçauantes maistresses : Puis s'il en est distrait, aux affaires tiré, On le verra fascheux, bruslant et martiré De toute autre entreprise : Impatient encore De se voir absenté, de l'amour qui deuore Son esprit eslongné des Sœurs et d'Apolon, Oubliant ses amis : dépiteux et félon, lusques à tant qu'il soit de retour auec elles : Tant le point le désir de ses doctes pucelles. Tant il se tient heureux en son loisir dequoy Il peut viure seulet comme elles à recoy, Sçachant pour en iouir prendre l'heure opportune, Aidé de la science et non de la fortune. Car bien qu'vn bon Pilote aborde par hasard Aussi tost à bon port, comme il fait par son art, Et qu'vn grand Capitaine aussi tost mette en fuite L'ennemy par hasard comme il fait par conduite : Toutefois la fortune aux arts ne sert de rien, Sinon qu'elle soruit à ce Peintre ancien Lequel ayant tiré de main presque animante Vn cheual furieux à la bouche ecumante, Il n'en put onc l'écume au vif représenter : Ce qui le fist cent fois à la fin dépiter : Et iettant dédaigneux son éponge souillée,

(Et de toutes couleurs du pinceau barbouillée) Au mords de son coursier, le dédain par hasart Fist ce que le pinceau ne peut faire par art. Mais le beau iugement à l'art conioint, assemble Vne perfection qui les vnit ensemble.

De ce beau iugement vn exemple se voit, Quand Polignot, Scopas, et Diocle (qu'on croit Trois peintres excellons auoir des leur bas aage Payé soubs Apellès le droit de l'écollage) Entreprindrent chacun de tirer curieux Le Roy borgne Antigène, à qui feroit le mieux.

Polignot lors estant à son art tout fidelle, Bien qu'il sceust que le Roy portast haine mortelle A ceux qui se moquoient de son œil arraché, Toutefois sans respect de l'en rendre fasché, Marchant par le chemin aux peintres ordinaire, Le Roy borgne et hideux au vray va contrefaire : De sorte qu'il sembloit auec son œil osté, Estre en l'image mort mieux qu'au vif rapporté. Mais Scopas plus craintif n'ayant pas osé peindre Le Roy tel qu'il esloit : ni ne voulant enfraindre Les règles de son Art, il le peignit moins vieux. Tel qu'il estoit alors qu'il auoit ses deux yeux : Son pinceau deslié rapportoit chose vraye, Antigène n'ayant encor receu la playe Qui luy fist perdre l'œil. Ce pourtrait bien tiré Semblable à ceux du temps, fut de tous admiré.

Scopas par ce moyen se pensa digne d'estre De ses deux compagnons le premier et le maistre, Pouuant se conseruer en la grâce du Roy, Auecques le renom que TArt tire après soy.

Mais Diocle d'ailleurs desseignant mesme chose Que Polignot faisoil, en l'ame se propose Les respects qui rendoient Scopas aussi douteux, Ne voulant se iouer à ce prince airêteux, Ni suiure de son Art le plus commun vsage, Ni trop flaler le Roy par vn lasche courage : Ains suiuant du moyen le sentier asseuré, Auecques vn espoir du laurier espéré, Il peignit en profil d'Antigone la face. Dont le tableau couuroit, d'ombre de bonne grâce, Vne part du visage : et son oeil emporté En droite ligne estoit couuert de ce costé. Tant qu'auecques bien peu de soigneux artifice, En l'ombre se cachoit de son œil tout le vice : Et l'outreplus si bien le Roy representoit. Que le Roy si semblable à luy mesme n'estoit.

Quand au iour arresté les trois se rencontrèrent, Et leurs tableaux au Roy chacun à part montrèrent : Le Roy voyant celuy de Polignot, soudain Conceut en son esprit vn superbe dédain, Pensant lors receuoir vn affront, vn outrage De se voir peint ainsi d'vn si hideux visage, Des l'heure le faisant hors de sa Court chasser,

Et hors de son Royaume vri autre endroit passer. Par ce que la prudence il auoit par enuie, A son art glorieux trop malin asseruie ; Art dont il haussoit plus la basse qualité Que de l'honneur Royal la haute dignité.

Le tableau de Scopas à tous fut agréable Pour reporter au vray cet aage fauorable Auquel fut Antigone au beau May de ses ans, Ayant encor ses yeux amoureux et plaisans : Toutefois au visage vne rougeur luy monte, Qui naturelle fait qu'il semble qu'il ait honte D'auoir esté trompé par le pinceau menteur, Qui trop ieune l'a fait dans son tableau flateur : La façon de flater est douce et délicate Quand point elle n'importe à celuy que l'on flate : Mais celle la despleut à sa simple bonté, Et le voulut chasser comme vn homme ehonté.

A l'heure Diodes son tableau luy présente Qui des le premier front tout le monde contente : Et sur tous Antigone en fut fort satisfait : Luy mesme remarquant le iugement parfait De ce peintre modeste, ayant plustost laissée La grandeur de son art par sa gloire abaissée Que de manquer prudent à l'auis tempéré, Qui de l'extrémité rend l'erreur modéré, Et pour ne sembler pas aimer la courtoisie Qui par vn noble choix des nobles est choisie.

De sorte que voyant le défaut du pourlrait Du visage en profil en épargne retrait, Il sembloit qu'à dessein cette petite espace Plustost qu'vne plus grande adioutast de la grâce A ce que cachoit l'ombre : et le Roy de costé Mieux que parlant esloit muet représenté. Anligone depuis luy fist de l'auantage, Autant que meritoit le prix de cet ouurage, Et luy fist reconnoistre en prenant le tableau Qu'il payoit son esprit plustost que son pinceau (4).

Beaus esprits pensez y, vostre Muse auertie Ne soit doncques si fort à l'Art assuiettie Que le bon iugement ne face élection De tout ce qui dépend de la discrétion : Donnez puissance egalle aux mœurs, au tems, aux Muses, Sans pourtant tromper l'Art de quelques fausses ruses.

Quand vous voudrez les Roys à vos chants amuser, De paroles de soye il faut touiours vser (2) : Et sans les flater trop d'vne ame trop mauuaise. Leur ombrager le vray par chose qui leur plaise. Sans pourtant offusquer du tout la vérité : Mais leur faire à propos paroistre sa clarté.

(1) Admirable vers. Vauquelin a quelquefois le bon sens de Boileau et la finesse de Molière. . . Mais (qu'on ne s'y trompe pas pourtant), il n'eût pu suppléer Malherbe. Vauquelin n'est qu'un magnifique trait- d'union entre Ronsard et Malherbe, ou plutôt entre le xvi" et le xvii" siècle. Qu'on juge par là de la valeur de Malherbe. Ce grand homme n'a pas été mis à sa place.

(2) Aujourd'hui nous disons : gazer^ velouter une pensée.

Vous en aurez ainsi de l'honneur sans dommage,

Et vostre iugement fera que davantage

Vous tirerez profit de cet Art, où souuent

Les scauants indiscrets n'emportent que du vent.

le ne fay point du Ciel vn Apolon descendre

Pour faire ce bel Art mieux par sa bouche entendre

Et donner à mes vers plus grande auctorité

Suiuant des vieux autheurs la docte antiquité :

De peur d'estre semblable à ces bouffons tragiques

Qui vestus de drap d'or pompeux et magnifiques,

Ouuroient la bouche grande vn Priam imitant,

Ou le Roy des Gregois enflez représentant,

Puis disoient quelque chose indigne d'estre à peine

Ou dite par Hecube ou dite par Hélène :

Mais sans déguisement, sans le masque d'autruy,

Ces Préceptes ie mets comme on parle auiourdhuy,

Marri que n'est ma Muse et plus nette et polie,

Sans geindre soubs le fais de la mélancolie :

Plus nette elle seroit si les criarts tabus

Du Palais (1) ne m'auoient séparé de Phœbus.

Car pour néant aux vers mes esprits s'euertuent :

le suis tousiours troublé : les affaires me tuent :

le suis comme vn grand lac où beaucoup vont à l'eau,

(i) Vauquelin était Conseiller du roy, et Président au Bailliage et Siège Piesidial de Caen. Il était trop consciencieuï pour donner à Phébus-Apollon le temps qu'il devait aux affaires de sa charge. « Les affaires me tuent, » dit-il plus loin. — Voy. aussi la Préface.

Qui tarissent ma source et troublent mon ruisseau. Il faut laisser r'asseoir cette eau tant épaissie : C'est assez iusqu'à tant qu'elle soit eclairsie.