LIVRE SECOND

VSES, filles de dieu, qui tous les Arts sçauez, Le reste de cet Art, Nimphettes, acheuez : Montrez moy le chemin par lequel il me loise ■ Conduire seurement la ieunesse Gauloise :

Quitez, Vierges, quitez le mont de Citheron,

Habitez des François le plaisant enuiron,

Et faites que les eaux d'Hipocrene chantantes, Aprennent leurs chansons à nos eaux écoutantes : Donnez moy de l'esprit la reluisante ardeur, Que la grâce Aglaïe accorde à la verdeur De Thalie, agréable en sa ieunesse blonde, Faites que la gayeté d'Euphrosine responde Auecques la douceur de sa ioyeuse vois, Et qu'vn plaisir parfait ie recoiue des trois.

Faites que vostre grâce, ô riantes Charités, Couure ici le défaut de ces Règles escrites En vers mal agencez : et vous, Phœbus, ostez Les cailloux des chemins, qui sont mal rabotez : Marchez deuant, afin que ces masses rocheuses Rendent suiuant vos pas les sentes moins fâcheuses.

SIRE, qui sçauez faire vn saint accouplement Des neuf filles du Ciel, (diuin assemblement 1 ) Et des Grâces ensemble : aportez vostre grâce. Qui ces filles du Ciel et les Charités passe : Il est fort mal aisé les Muses bien gouster, Qui ne sçait, attentif, leurs beaus chants écouter : De bien loin on ne peut la hauteur reconnoistre Des hauts monts que l'on voit seulement aparoistre Mais en les aprochant on tient pour merueilleux De grimper sans danger sur leur dos orgueilleux : Et puis on s'esbahit quand quelque sente estroitte Nous conduit au plus haut de la montaigne droitte : On ne regarde aussi combien sont les espris

Des Poêles hautains en leurs faits entrepris, Comme ils sont esleuez sur toute chose humaine, Si soymesme on ne veut entrer en leur doumaine Et contempler de près leurs diuines façons, En l'antre Thespien imitant leurs chansons : Et puis on s'esbahit que pas à pas on gaigne Au haut sommet cornu de la double montaigne.

Comme l'Emant le fer, et l'Ambre le festu Attire sans effort, par secrète vertu : La Muse attire ainsi, sans force violente, Par vn secret instinc, à soy l'ame excellente ; Quasi des le berceau tout bel entendement Met à suiure ses pas tout son contentement. L'Auette, pour aimer la douceur sauoureuse, De toute plante douce est tousiours amoureuse : L'homme aussi de luymesme estant ingénieux Aime, embrasse et chérit tout œuure industrieux. C'est pourquoy l'enfançon de sa nature en haste Prendra plustost qu'vn pain vn oiselet de paste. Et quand on luy présente vn pourtrait, vn belet En argent imprimé, l'argent luy semble laid Qui n'est qu'en simple masse : il aime vne meslange Qui la chose suiette à l'artifice range. Ce qu'on voit de gentil et d'artificieux. De nature est à l'homme aimable et précieux : Les paroles ainsi des Muses animées Sont naturellement de tous hommes airaees :

Ils aiment beaucoup plus vn parler mesuré Que celuy qui sans pieds marche mal asseuré : De fait les Muses sont l'Océan, dont les ondes Arrousent nos esprits de sciences profondes . Et ne faut pour y voir des discours mensongers Croire qu'y voyageant s'y trouue des dangerti.

Comme en la vigne on void dessoubs la feuille verte La grappe cramoisie estre souuent couuerte Sans qu'on la puisse voir : ainsi soubs les discours D'vn conte Poétique et dessoubs les amours Des Héros et des Dieux, entremeslez de fables, Sont des enseignemens richement profitables.

Souuent nous nous plaisons à l'odeur, aux couleurs, Sans chercher les vertus des odorantes fleurs. L'abeille toutefois en tirera sacrée La cire et la liqueur dont son œuure est sucrée : De mesme on voit plusieurs s'abuser aux beautez Des parolles qui sont pleines de nouueautez : Mais d'autres n'arrestant aux paroles fleuries, Recueillent le beau sens couuert d'allégories. De feuillage d'Acante et de plaisans festons, j-Les Muses cachent l'or des vers que nous chantons.

Mais rentrons au chemin de la forest sacrée, Où parmi les lauriers la Muse se recrée A rendre des Héros les beaus faits immortels. Et disons comme on doit chanter en œuure tels.

Pour vn commencement tu n'enfleras ta veine,

Comme fist vn Ciclic, d'vne trop forte aleine :

« De Priam les destins hautain ie veux chanter, » Ses valeureux exploits, et ses guerres conter. » Ou comme a fait celuy, qui tout plein de brauade, Voulut du premier mot router vne liliade : « le chante les combats de ce grand Pharamont, » Qui les Gaules iadis bouluersa conlremont. » Que pourrait aporter ce prometteur qui dresse L'aisle si haut, qui fust digne de sa promesse? Les monlaignes s'enflant, grosses accoucheront, Vne mouche en naistra dont les gens se riront !

0 combien mieux a dit d'Vlisse la trompette, Qui rien messeamment en ses œuures ne traitle ! « Musc, di moy celuy qui tant a voyagé » Apres Ilion pris et son mur saccagé : » Pratiqué tant de mœurs et tant d'ames diuerses, » Et tant souffert de maux dessus les ondes perses ! »

Ou bien nostre Ronsard, si d'vn air entonné Hautement sa trompette en long vers eust sonné :

» Abusé du plaisir qui trompe la ieunesse (1), » Seruiteur des beaus yeux d'vne ieune maistresse, » En vain i'ay souspiré les amours bassement : » Puis renforçant ma voix vn peu plus hautement, » Le premier des François i'ay façonné les modes » De marier la lyre au nouveau son des Odes :

(1) Critique de Ronsard, qui a adopté le vers décasyllabique dans sa Franciade. — Voy. l'Introduction.

» Maintenant, plus hautain, Charles Roy trcschrestien,

» le chante les valeurs et les faits du Troyen,

» Qui poussé du destin, des dieux et de Cassandre,

» Fuitif de son pays quand Troye fut en cendre,

» Ayant beaucoup souffert et par terre et par mer

» Vint de son nom Francus la France surnommer :

» De qui de père en fils nos Roys ont pris naissance,

I) Et qui nous raportant vne autre Troye en France

» Fonda pour Ilion la cité de Paris

» Et l'enrichit du nom de son oncle Paris

» Apres mile combats. Tant il y eut de peine

» Avant que de l'enclorre entre les bras de Seine,

» Où l'empire d'Europe ébranlé tant de fois

» Deuoit à tout iamais y demeurer François.

» Filles de lupiter, Muses, venez moy dire » Si ce fut par fortune, ou si ce fut par l'ire » D'vn dieu trop couroucé que Francus a esté » Si loin du bord Gaulois tant de fois reieté ? »

Et s'il m'estoit permis d'aleguer de ma rime, Peut estre ie pourroy me mettre en quelque estime En l'ouurage que i'ay des long temps auancé, Autant qu'autre qui soit en France commencé.

« Inspiré de l'esprit qui, diuin, tout inspire (1), fl Muse, fay moy chanter sur la céleste lire, n Les faits et la valeur du magnanime Hebrieu, » Qui berger fut choisi par le conseil de Dieu,

(\) Vhraelide. — Voy. l'Iniroduction.

» Flouet, ieune et cadet d'vne maison petite,

» Pour estre l'oinct sacré du peuple Israélite,

» Et qui, suiuant de Dieu les éternels destins,

» Du Royaume promis chassa les Palestins,

)) Chassa l'Ammonien et soustint la colère

» De Saiil enuieux sur son règne prospère :

)) Par bois et par forests, par déserts pleins dhorreurs,

» Il souffrit mile maux, fuyant à ses fureurs.

» Car Saiil tout ardant de voir sa main puissante » S'affoibiir par la force en Dauid accroissante, » Brusloit ouir d'ailleurs le destin prédisant » Que du Ironc de lessé le Sion florissant » Ombrageroit le monde. Ainsi par mainte guerre » Il endura beaucoup pour asseurer la terre » Où il deuoit fonder l'admirable Cité » Qui aux Pères croyants promise auoit esté.

» Cité qui deuoit estre en son contour assise, » Pour figurer du Christ l'vniuerselle Eglise » Dont Chrestiens nous venons : et ce nom ancien » Par dessus tous retient nostre Roy treschrestien » Henry, soubs lequel puisse Europe, Asie, Afrique, » Couronner de ce nom du monde la fabrique.

» 0 parler souverain, dont la Triple-vnité » Est vne auecques Dieu de toute éternité, » Ayant en toy parfait vne parfaite essence » En la perfection de la grand prouindence : » Qui Père, Fils,. Esprit, es le Dieu tout-puissant,

» Commençant toute chose, aussi la finissant, » Par ta parole fais, que cette ceuure conceue » De moy soit enfantée à bien heureuse issue.

» Seigneur, raconte moy comme des Cieux amis » Ce Prince fut esleu pour estre leur commis? » Pourquoy tant il souffrit pour vn courroux inique, » Et pour vn feu sorti d'vne flamme impudique?

» Mais pour sonner, Seigneur, tes honneurs bien à plain, » Cette harpe il faudroit dequoy sur le lourdain, » Prophète il fredonnoit tes célestes louanges, » Qui vont encor bruyant depuis Eufrate et Ganges » lusques sur nostre Seine ! 0 bien heureux sonneur, » Celuy qui du grand Ihoue (1) auroit eu cet honneur » De retoucher les nerfs de ta harpe seraine, » Diuin rabaisseroit la gloire plus hautaine » De ces fameux Harpeurs, dont les fables contoient » Qu'au mouuoir de leurs doigs les fleuues s'arrestoient, » Et qu'ils estoient suiuis des arbres et des plantes » Marchant aux doux accords de leurs voix souspirantes! »

Mais ce n'est nous qu'il faut aux François aleguer, II faut en la mer Grecque et Latine voguer, Amener ses vaisseaux tout chargez de la proye. Que tant d'esprits trouuoient aux beaus restes de Troye, Suiuant Virgile ainsi, (quand du suiet plus bas Passant par le moyen, il chanta les combats :) « Ce fut moy qui flulay ma chanson bocagere

(1) Jehovah.

« Au pipeau pertuisé d'vne auene légère : » Puis sortant des forests, apris aux champs voisins » A doubler au fermier les bleds et les raisins : » Au laboureur champestre œuure bien agréable. » Maintenant de la guerre et de Mars effroyable X le chante les combats, et ce Prince guerrier, » Qui fugitif de Troye aborda le premier )' Aux champs Italiens : auec peine infinie » Arriuant par destin au port de Lauinie.

» Il passa maints hasards : on ne peut estimer ') Combien dessus la terre et combien sur la mer » Il endura de maux : de lunon couroucee » Et des dieux ennemis sa flote estant poussée : « lunon qui dans son cœur la vengeance couuoit » Des affronts du passé que soufferts elle auoit. » Aussi de grands périls il courut en Latie, » Auant que la cité superbe y fust bastie, » Et qu'il eusl mis ses Dieux, par vn fatal destin 9 Et par ses grands exploits, dans le terroir Latin » D'où vint la gent Latine, et d'où tant on renomme » Et les Pères Albains et les hauts murs de Rome.

» Muse, raconte moy la cause de ces mau.x, » Et quel Dieu luy brassa tant de fâcheux trauaux? y Pourquoy fut à ce Preux si iusle et débonnaire » La Princesse des cieux si cruelle et contraire? » Que de le voir ainsi sur les mers agité » Peut vn céleste cœur estre tant irrité ? »

Voyez comme le Grec rend la Muse estimée Tirant vne clarté d'vne obscure fumée : Ne voulant pas aussi la lueur enfumer, Mais d'vn épais brouillas vne flamme allumer, Afin qu'il chante après des choses merueilleuses, Vn Antiphat, Caribde et Scile périlleuses : Vn Cyclops qui, cruel, Vlysse eust englouti S'il ne s'en fust, plus caut que les siens, garanti.

Ainsi le doux Virgile a sa voix abaissée. Afin qu'elle parust dauantage haussée, Pour dire de lunon le couroux tempestueux Et d'Eole animé les tourbillons venteux, Vne Troye embrasée, vne Didon pleureuse, La descente d'AEnee en la cauerne ombreuse De Pluton où, chetif, il fust lors demeuré Sans sa guide fidelle et le rameau doré.

Le Grec n'a commencé des l'œuf iumeau, la guerre Des Troyens et des Grecs : le retour en sa terre De Diomede aussi, des le fatal trespas Du faé Maleagre il ne raconta pas.

Et de sorte Maron n'a son œuure ordonnée Qu'elle commence aussi des l'enfance d'AEnee ; Mais le milieu prenants ils font subtilement Sçauoir la fin ensemble et le commencement, El tendant vers la fin, chacun d'eux rend connues Les choses qui ne sont et qui sont auenues : Car ils font au liseur le milieu si bien voir

Que tout le précèdent il en peut conceuoir : S'ils trouuent quelquefois la matière choisie Ne pouuoir aisément couler en Poésie Ils la quittent bien tost, et si vont tellement Meslant le faux au vray mentant si doucement, Qu'au premier le milieu se rencontre en la sorte Qu'au milieu le dernier proprement se raporte.

Or comme eux l'Heroic suiuant le droit sentier Doit son œuure comprendre au cours d'vn an entier : Le Tragic, le Comic, dedans vne iournee Comprend ce que fait l'autre au cours de son année : Le Théâtre iamais ne doit estre rempli D'vn argument plus long que d'vn iour accompli : Et doit vne Iliade en sa haute entreprise Estre au cercle d'vn an, ou guère plus, comprise.

En Prose tu pourras poétiser aussi :

Le grand Stragiritain te le permet ainsi. Si tu veux voir en Prose vne œuure Poétique, D'Heliodore voy l'histoire Ethiopique :

Cette Diane encor, qu'vn pasteur Espagnol, Bergère, mené aux champs auecques le Flageol. Nos Romans seroient tels, si leur longue matière Us n'alloient déduisant, comme vne histoire entière.

Comme on void les couleurs beaucoup plus emouuoir Qu'vn trait simple ne fait ou qu'vn Creon à voir. Pour vnie ne scay quoy qui l'homme représente. Trompant le iugement et toutefois contente :

Ainsi dedans les vers le faux enlrelassé

Auec le vray-semblant d'vn conte du passé,

Nous émeut, nous chatouille et nous poind dauantage

Que l'estude qu'on met à polir son ouurage,

Sans faire vne meslange, vne variété,

Qui ne suit, mensongère, en rien la vérité.

Le changement diuers tousiours affectionne,

Selon l'euenement qui le cœur passionne.

Les vers aiment tousiours cette diuersité : Car le changement tient vn esprit excité A se passionner, selon que veut le conte. Soit ioyeux ou fâcheux que la Muse raconte : Le plaisir estant plus agréable et plaisant Que la fin est contraire à l'aduis du lisant: Mais d'ailleurs ce qu'on void estre simple et semblable Ne passionne point, pour estre vn et sans fable : Cela fait qu'vn Homère ou Virgile ne fait Qu'vn homme soit tousiours ou vainqueur ou parfait. Et quand ils font les dieux se mesler des affaires, Heureux et malheureux, doux les font et colères : Afin qu'en nulle part ne manque l'action Qui tient l'homme tendu tousiours en passion. Ce qui n'aduiendroit pas si les choses heureuses Ne trouuoient du malheur parmi les dangereuses.

0 maistre du grand fils du Macédonien, Si tes yeux eussent vu du Cigne Ausonien Les admirables chants, ta voix docte et hardie

Les eusl lors préférez à toute Tragédie,

A tous vers Heroïcs : car n'en desplaise aux Grecs,

Soit au commencement, à la fin, au progrés,

Il les a surpassez : et d'Homère il seconde

En âge, en rang il est le premier par le monde.

Il sçait bien à propos l'esprit raui saisir Tantost d'ennuy fâcheux et tantost de plaisir, Quand il chante les faits du débonnaire AEnee, Pour rendre d'autant plus l'ame passionnée : Tantost d'vn grand bonheur en malheur l'abaissant, Et tantost d'vn péril en honneur le haussant : Aux vices naturels le faisant vn peu tendre. Mais ferme à la vertu tousiours le fait entendre, Et sans du vray-semblant du tout se départir. Il sçait bien les vertus aux vices assortir : Luy baillant vne grâce, vne ame, vne faconde, Qui luy fait contrefaire à propos tout le monde : Comme quand il luy fait à Didon raconter Le piteux sac de Troye, il luy fait emprunter Les gestes, les discours, la posture et les âges (Lorsqu'il les fait parler) de plusieurs personnages.

Oy donc ce que le peuple et moy te desirons, Si tu veux que chacun publie aux enuirons Du Théâtre ta gloire, alors que le murmure De l'applaudissement et du chant dernier dure : Soit qu'Homère imitant tu fasses outremer Derechef Saint Loys en son voyage armer.

Soit que, graue, des Roys, soit que la Muse basse Te chante en l'échafaut les tours du populace, Tu dois de chacun âge aux mœurs bien regarder, La bienséance en tout soigneusement garder, Et tout ce qui siet bien aux natures changeantes : L'enfançon qui petit assied fermes ses plantes Desia dessus la terre, et qui sçait bien parler, Auecques ses pareils aux ébats veut aller : Soudain il pleure, il rit, il s'appaise, il chagrine. D'heure en heure changeant de façon et de mine.

Le ieune gentilhomme à qui le poil ne poind, Et qui sort hors de page, et de maistre n'a point. Aime chiens et chenaux, et loin de son pédante, A voir après le Cerf la meute clabaudante : Aime les champs herbeux et se plaist dans les bois, D'entendre retentir des bergères les voix : Au vice, comme cire, il est ployable et tendre, Aspre et rude à ceux-là qui le veulent reprendre, Paresseux à pouruoir à son vtilité, Despencier, désireux, rempli de vanité : Qui bien tost est fâché de ses folles délices. Aimant diuers plaisirs et diuers exercices. Quand il a l'âge d'homme il se veut augmenter. Acquérir des amis, aux grands estats monter. Garder le point d'honneur, ne faisant téméraire Ce qu'il faudroit après rechanger ou deffaire. L'âge aporte au vieillard mainte incommodité.

Soit qu'aux acquêts il soit ardemment incité,

Soit que son bien acquis il ne veuille despendre

Qu'il aime mieux garder qu'à son dommage vendre.

Soit qu'en toute entreprise il soit timide et froid,

Dilayeur, attendant, riotteux, mal adroit,

Conuoiteux du futur, chagrin plaignant sans cesse,

Loiiant le temps passé qii'il estoit en ieunesse :

Seuere repreneur des mœurs des ieunes gens,

Se fâchant négligent de les voir negligens :

Plusieurs commoditez l'âge venant ameine,

Et plusieurs quant et luy s'en allant il entraine.

Le ieune est tout conduit de courage et d'espoir,

Espérant riche et grand quelqueiour de se voir :

Au contraire le vieil vit plus de souuenance

Du temps qu'il a passé qu'il ne fait d'espérance.

Pour ce il ne faut iamais qu'vn ieune homme gaillard

Représente en parlant la façon d'vn vieillard.

Ni qu'vn ieune homme aussi son vieillard sente encore,

Ayant tousiours égard à ce qui plus honore

La personne parlante, et ce qui conuient mieux

A l'âge de chacun, ou soit ieune ou soit vieux.

Quand la forest n'est plus en Hiuer cheuelue

Si plaisante elle n'est que quand est fueillue :

Qui diroit son ombrage estre lors verdoyant,

Chacun dementiroit son parler en l'oyant :

Quand vne Dame n'est tout au vray contrefaite

Du sot Peintre on se rit qui l'a si mal pourtraite.

Guidé de iugement rien ne faut ignorer, Ains clair et net de l'Art les règles honorer : Celuy qui puisera d'vne source troublée, De la bourbe mettra dans son œuure assemblée.

Or pour loy le Tragic et le Comic tiendront Quand aux ieux vne chose en ieu mettre ils voudront Qu'aux yeux elle sera de tous représentée, Ou bien faite desia, des loueurs récitée: Et bien que ce qu'on oit emeuue beaucoup moins. Que cela dont les yeux sont fidelles tesmoins, Toutesfois il ne faut lors montrer la personne Quand la honte ou l'horreur du fait les gens étonne : Ains il la faut cacher, et par discours prudens Faut conter aux oyants ce qui s'est fait dedans : Et ne montrer le mort, aporté sur l'Etage, Qui caché des rideaux aura receu l'outrage : Car cela se doit dire : et plusieurs faits estez Hors de deuant les yeux sont mieux après contez. Et ne faut que Medee inhumaine maralhre, Massacre deuant tous ses enfans au Théâtre : Ou qu'Astree en public impudemment meschant De son frère ennemi les fils aille trenchant : Ou que Progne en oiseau deuant tous soit muée. Ou Cadme en vn serpent : ou Cassandre tuée : Ou qu'vn monstre en Toreau dans les flots mugissant Engloutisse Hypolite en son char bondissant : Ou qu'on montre Antigone en la caue pendue,

Et son amant Hemon lequel auprès se tue : Tout ce qu'en l'Echafaut tu nous faits voir ainsi, Fâché ie le dédaigne et ne le crois aussi. Mais le fait raconté d'vne chose aparente Fait croire le discours de tout ce qu'on inuente.

Le Comic tout ainsi sur l'Etage fera Conter ce qu'au couuert l'amoureux fait aura : Ne descouurant à tous la honteuse besongne Qu'à Paris on fait voir en l'Hostel de Bourgongne ; Ains sortant vn Cheré ieune, affetté, mignon, Il dit sa iouissance au loyal compagnon Que premier il rencontre : et qu'ayant la vesture Et d'vn Eunuque pris la grâce et la posture, Il a d'vne pucelle, au naturel déduit, CueiHi la belle fleur, de lupiter conduit. Qui, peint en goûtes d'or, tomboit comme vne pluye Dedans le beau giron d'vne fille eblouye De ce plaisant métal! l'aspec de ce tableau Rendit plus courageux l'amoureux iouuenceau.

Quand au commencement, au temps de leurs vendenges, Que les Grecs celebroient de Bacchus les louenges, Ils dressoient des autels de gazons verdelets. Et chantoient à l'enlour quelques chants nouuelets : Puis ioyeux, enuinez, simples et sans malice, D'vn grand Bouc amené faisant le sacrifice, Us le mettoient en ieu trépignant des ergos: Et ce bouc s'apeloit en leur langue Tragos,

D'où vint premièrement le nom de Tragédie :

Et celuy qui chantoit de plus grand mélodie

De ce loyer estoit content infiniment :

Ces vers n'estoyent sinon qu'vn gay remerciment

De la bonne vendange, vn los de la sagesse

De Dieu, qui leur donnoit de biens telle largesse.

Mais pour ce que les grands, les Rois et les Tirants Commencèrent depuis, les siècles s'empirants, D'vsurper la louange aux dieux apartenante, Il y eut des esprits qui, de Muse sçauante. Commencèrent aussi par leurs vers à montrer Que l'homme à tous propos peut la mort rencontrer : Combien de maux diuers sont ioints à nostre vie, Et d'heur et de malheur egallement suiuie. Au respect du plaisir, de la félicité, Qui tousiours est au Ciel, des Dieux seuls habité : Et pour le faire voir par des preuues certaines Lors ils ramenteuoient des plus grands capitaines, Des Princes et des Rois les desastres soudains. Comme ils esloient tombez de leurs estats hautains En misère et souffrête : et cela nous fait croire Que c'est du vers Tragic la plus vieille mémoire : Ainsi la Tragédie eut son commencement ; Ainsi les Rois chetifs en furent l'argument.

La braue Tragédie au Théâtre attendue, Pour estre mieux du peuple en la Scène entendue, Ne doit point auoir plus de cinq actes parfaits :

Ange ni Dieu n'y soit, s'il n'est besoin de faits Qui soient vn peu douteux, ou d'vne mort celée Qui d'vne Ombre ou d'vn Dieu lors sera reuelee : Et ne parle vn quatriesme en l'Etage auec trois : Trois parlant seulement suflSsent à la fois.

Le Chœur de la vertu doit estre la defence Du parti de Pautheur repreneur de l'offence : Doit parler sagement, graue et sentencieux, Se montrant de conseil, aux grands officieux; Chose n'entremeslant aux actes, que bien dite. Bien ne vienne à propos, et qui bien ne profite. Aux bons et vertueux il fauorisera. Et les non feints amis, ami vray prisera. • Qu'il apaise tousiours vne ame couroucee. Et plein de iugement descouure sa pensée. Qu'il honore celuy qui du vice est vainqueur, Loiiant ouuertement les hommes de grand cœur, La table sobre et nette, et l'vtile lustice. Les Edits et les Loix qui vont bridant le vice. Et qu'il loiie en passant la douce oisiueté Qu'on reçoit en la paix viuant en seureté : Et qu'il tienne secrets les secrets qu'on luy baille. Et que les puissants Dieux tousiours priant il aille ; Qu'aux humbles afligez il oste la douleur, Et qu'aux fiers orgueilleux il donne le malheur.

La Flûte, aux premiers temps, aux Scènes ordonnée N'estoit, comme depuis, de Cuyure enuironnee,

Et l'esclatant Hautbois n'enuioit point encor La Trompette guerrière aux longues houpes d'or : Mais tenue, gresle et simple, et bien peu pertuisee, Es ieux de ce temps la n'estoit point mesprisee Quand elle ne pouuoit si haut son entonner, Qu'aux sièges elle pust grands troupes amener : Car le peuple nombrable estoit petit à l'heure, Honteux, chaste, modeste et plein d'vne foy seure.

Ainsi nos vieux François vsoient de leur Rebec De la Flûte de bouis et du Bedon auec, Quand ils representoient leurs Moraliiez belles, Qui simples corps voloient sans plumes et sans ailles : De Choeur ils n'auoient point, et par Actes leurs ieux N'estoient point séparez : mais or plus courageux Ils feroient esleuer le Théâtre de France, S'ils auoient longue paix, sur l'antique arrogance.

Or quand le Romain eut, riche et victorieux, Estendu son doumaine, et d'vn mur glorieux Plus ample enuironné l'enclos de sa grand'ville, Et que libre viuant soubs vne loy ciuille Impuniment sortoit par les beaus iours festez Pour plonger ses esprits dedans les voluptez. Aussi tost on vit naistre auecques la licence Et des vers et des ieux la grand'magnificence : Car qu'eust peu lors sçauoir le paisan apelé Auecques le bourgeois confusément meslé ? Et qu'estoit ce de voir vn mal propre mesnage

Des champs estre en la ville et la ville au village Et l'habile homme ioint auec le mal apris, Et voir les ignorants parmi les beaus espris?

Mais après que le temps rendit ciuilisee, Par l'abondant plaisir, l'allégresse prisée, II aduinl dudepuis qu'auec le mouuement, Le Violon ioua beaucoup plus plaisamment : Et par l'attrait mignard des voix musiciennes Fist celte gayeté passer les anciennes, Sur le Théâtre ouuerl ioyeux se proumenant, Et pompeux à longs plis sa grand'robe traînant : Sur les cordes aussi mieux que deuanl sonnantes Creurent les doux accents des voix bien accordantes Et du parler encor l'ornement estimé Vn langage esleua lors non accoustumé.

Auecques l'ornement de la langue pollie Volontiers la science et s'vnit et s'allie, Qui fist qu'vn beau sçauoir à l'vtil auisant, Et sage par raison, le Futur prédisant, Obtint es faits priuez comme es choses publicques Honneur pareil à ceux des Oracles Delphiques : Par loix et par vsage, vn Règne policé, Quasi comme diuin est conduit et dressé.

La France tout ainsi comme estant en enfance, Gaillarde mesura ses pas à la cadance Diuerse en diuers lieux, quand des Pasteurs apris De Bourgongne et Poitou, furent les branles pris.

Les Ballets tremousants, les branles et la dance, Auec la Poésie ont grande conuenance :

Car on peut par la mine et le geste branlant Démontrer ce que font les Muses en parlant : Et comme en la Pirriche en nos bouffonneries On peut représenter mille plaisanteries, Qui font 'aux passions les âmes emouuoir, Et nous font sans parler vn fait Tragicque voir. Vn fait Comic aussi, qui par la contenance Nous montre des humains les mœurs et la semblance, Vn plaisant Matassin, qui sçaitbien bouffonner, Et contrefaisant tout sçail tout plaisir donner.

Chantant en nos festins, ainsi les vau-de-vire, Qui sentent le bon temps, nous font encore rire.

Vau-de-vire plaisant, ie te tiens bien heureux D'auoir pour gouuerneur Bordeaux le généreux Qui, Csesar imitant dans la fureur des lances, Mesle les doctes Arts auecques ses vaillances. Muses, de vostre main tortissez le Laurier Dont i'ombrage le front de ce ieune guerrier.

Le temps qui tout polit depuis rendit polies La grâce et la douceur de ses chansons iolies, Auec vn plus doux air les branles accordant, Et la douce Musique aux nerfs accommodant : Et nous représentant ses farces naturelles. Choisit vn chant qui fut alors bien digne d'elles. Mais, à dire le vray, la France n'eut iamais

Vn repos assez long pour iouir de la paix : La misère tousiours sa tristesse a meslee Auec la gaillardise où elle est appelée : Toutefois imitant tant qu'elle peut les vieux, Elle tient aux malheurs son courage ioyeux : Et nous a ramené de la Lyre cornue (Qui fut au paravant aux nostres inconnue) Les chants et les accords, qui vous ont contenté, Sire, en oyant si bien vn Dauid rechanté De Baïf et Couruille. 0, que peut vne Lyre 'Slariant à la voix le son et le bien dire. / La France aussi depuis son langage haussa, / Et d'Europe bien tost les vulgaires passa, 1 Prenant de son Roman la langue délaissée, \ Et dénouant le neud qui la tenoit pressée, \ S'eslargit tellement qu'elle peut, à son chois, j Exprimer toute chose en son naïf François. Suiuamment c'est aussi la science eleuee. Au cœur des bons esprits des l'enfance grauee. Qui, soit en faits communs, soit en diuinité, A gaigné sur les vieux le prix d'éternité. Et d'autant que meilleurs sont en Gaule les hommes. D'autant plus excellons que les autres nous sommes En toute Poésie, et brossons à trauers Tant soient ils buissonneux, des haliers plus couuers.

Toutefois l'Artisan n'entreprend point d'ouurage, S'il n'a fait son Chef d'œuure et son apprentissage :

Mais nous, du premier pas, les Muses nous suiuons ; Sçauans et non sçauans des vers nous escriuons.

Neaumoins ie diray cette douce folie, Cette gentille erreur, estre toute remplie De beaucoup de vertus. lamais premièrement Le Poète n'est point auare aucunement : II aime ses labeurs, son seul but et sa ioye ; Il aime des forests la solitude coye : Il aime ses égaux qui, de franche bonté, N'estrangent de leurs mœurs l'honneste volupté. Il se mocque, il se rit des grands citez rasées, Des pertes, des ennuis, des maisons embrasées; Contre Dieu ni Testât il n'a point comploté : En l'Océan d'erreur son esprit n'a floté : Comme, vn peu Philosophe, il laisse aller le monde. Les Destins plus courants volontaire il seconde : Contre ses compagnons il ne machine rien : Il ne tache d'auoir les orphelins le bien : Sa table est sobre et nette, et comme il se présente, Du peu comme du prou, souuent il se contente. S'il n'est propre à la guerre, aux armes nonchalant, Il est bon à la ville, aux meilleurs s'egallant : Et si lu reconnois que les choses petites Aux grandes aident bien, tu connois ses mérites. Car aux ieunes il sçait aprendre la vertu. Leur former le parler, que ce monstre testu, Que ce peuple ignorant, par mauuaise prononce

Des vulgaires plus bas, diuersement annonce : Leur fait haïr le vice et, gracieux et doux, Leur corrige l'enuie et l'aigreur du couroux : Les beaux gestes passez il remet en mémoire: Il raconte tousiours quelque agréable histoire, Il donne enseignements, par le ressouuenir Des exemples connus, pour le siècle aduenir: Plaisante est son humeur, vtile sa hantise, Estant tout courtisan, hormis par la feintise : Et quand. Sire, aux honneurs vous l'auez éleué. Estant de la liqueur d'Hipocrene abreué, Beau laurier entre tous il paroist en la sorte Que fait la fueille verde au près la fueille morte.

Mais en mettant moymesme on nos moissons la faux, l'ay veu dire d'ailleurs qu'on trouue des défauts Aux Poètes aussi. Vostre maiesté mesme Qui les Muses connoist, les chérit et les aime, Sire, s'en aperçoit lorsque mal à propos Vous présentant des vers, on rompt vostre repos : C'est vne faute encor quand dépit on mesprise De l'ami de nos chants vne iuste reprise; Quand on le fait vn vers plusieurs fois écouter Que, des le premier coup, il a bien sceu gouster: Et quand nous nous plaignons que nos chants et nos veilles. Que nostre Luth, qui donne aux forests des oreilles, N'est point ouy de vous, qu'il n'est point recherché, Pour estre comme il deust de vous, Sire, aproché :

Et que nous espérons que, quand vous aurez, Sire, Connu comme si bien nous iouons de la Lire, Qu'enclin à nous aimer, vous nous apelerez, Et chanter voslre nom vous nous commanderez : De sorte que iamais la piteuse soufrête N'aportera chez nous de fain ni de disete. Phœbus est de soymesrae vn peu présomptueux, Tousiours ieune et vanteur, toutefois vertueux.

Beaucoup de nous aussi leurs ouurages n'amendent : Beaucoup à les reuoir trop curieux se rendent. On nota Protogene en son art souuerain Pour ce qu'il ne pouuoit iamais oster la main De ses tableaux polis, sans tousiours l'y remettre : De mesmes on en voit cette faute commettre Par trop grand'diligence à polir leurs escris, Et ne trouuent iamais vn œuure assez repris.

Mais, Sire, vous auez fait vn choix honorable En beaucoup qui rendront Apolon fauorable A vostre Maiesté, qui d'vn si grand donneur Couronne les bienfaits d'vn immortel honneur. Qui diroit qu'Alexandre auroit fait dauantage, Voulant que seulement fust faite son image D'Apelle et de Lysippe, il se mesconteroit, Et l'œuure de la main aux vers r'aporteroit : Car vn visage n'est rapporté par le cuiure, Si bien comme les mœurs le sont par vn beau hure, l'entens par les beaus vers des Poètes sçauants,

Qui vont voslre louange à qui mienx escriuants.

Mais reuenons au lieu de nos vieilles brisées. Voici la grand forest, où les chansons prisées Des vieux Satyres sont : ie m'estoy forlongné Du labeur où i'estoy n'aguere embesongné : Et n'estant ces ramas qu'vn plaisant tripotage D'enseignements diuers, i'en faits vn fagotage De bois entremeslé : Car l'arbre Delphien S'y peut voir des premiers : l'arbrisseau Paphien Joint au rampant Lierre ; et d'Oliuier paisible S'y faire vne couronne à tous il est loisible : De ces bois sont sortis les Satyres rageux Qui, du commencement, de propos outrageux Attaquoient tout le monde, estant dessus l'Etage. Mais depuis ils se sont polis à l'auantage : Car sortant des forests, lasciuement bouquins, En la bouche ils n'auoient que des vers de faquins, Tantost longs, tantost cours, comme les Dithyrambes Des mignons de Bacchus, qui n'ont ni pieds ni iambes.

Les bons esprits d'alors, afin que depiteux Ils peussent mieux taxer les vices plus honteux, Us mettoient en auant ces Satyres rustiques Qui sont Dieux ehontez, impudens fantastiques, Qui les fautes nommoient et le nom des absents Et les forfaits secrets quelque fois des présents : Telle estoit des Grégeois la Satyre première. Lucile, à Rome, mist la nouuelle en lumière.

Et celuy qui premier debatit au passé, Par vn Tragicque vers, pour le bouc barbasse, Ce fut mesme celuy qui le cornu Satyre, Sauuage pied-de-bouc, nous descouurit pour rire : Qui, seuere, gardant la meure grauité, Entremesloit le ris et la simplicité, Afin de retarder, par nouueauté plaisante Et par riants attraits, la troupe regardante, Quand le peuple sortoit, ioyeux et desbauché. Apres le sacrifice et le ieu despeché.

Et comme nos François les premiers, en Prouence, Du Sonnet amoureux chantèrent l'excelence D'auant l'Italien, ils ont aussi chantez Les Satyres qu'alors ils nommoient Siruentez Ou Syluentois, vn nom qui des sylues Romaines A pris son origine en nos forests lointaines : Et de Rome fuyant les chemins périlleux, Premier en Gaule vint le Satyre railleux.

Depuis les Coc-à-l'asne à ces vers succédèrent. Qui les Rimeurs François trop long temps possédèrent. Dont Marot eut l'honneur. Auiourd'huy toutefois, Le Satyre Latin s'en vient estre François, Si parmi les trauaux de l'estude sacrée. Se plaire en la Satyre cf Desportes agrée ; Et si le grand Ronsard, de France l'Apolon, Veut poindre nos forfaits de son vif eguillon ; Si Doublet (animé de lumel qui préside.

Sçauant au Parlement de nostre gent Druide, )

Met ses beaus vers au iour, nous enseignants moraux,

Soit en dueil, soit en ioye, à se porter égaux;

Et si mes vers gaillards, suiuant la vieille trace

Du piquant Aquinois et du mordant Horace,

Ne me deçoiuent point, par l'humeur remontreux

Qu'vn Satyre au follet soufla d'vn Chesne creux.

Mais rendre il faut si bien les Satyres affables, Mocqueurs, poignants et doux, en contes variables. Et mesler tellement le mot facétieux Auec le ralliement d'vn point sentencieux Qu'egalle en soit par tout la façon rioteuse, Qu'agréable on rendra d'vne langue conteuse, Sautant de fable en fable, auec vn tel deuis Qu'on fait quand priuément chacun dit son aduis D'vn fait qui se présente : en langue Ausonienne On apelle Sermon cette mode ancienne.

Horace a soubs ce nom ses Satyres compris ; Nos Sermonneurs preschants aussi l'ont mis en prix.

Et si tu fais parler quelques Nimphes diuines, Des Dieux ou des Héros auec leurs Heroines, Accoutrez brauement de pompes convoiteux. Qu'après on ne les voye, et bouffons et boiteux, Suiure par leurs discours la vulgaire manière De ceux qui vont hantant l'escole tauerniere : De sorte que pensant bas la terre euiter, On te voye haut au ciel mal à propos monter,

Et peu digne Tragicque, estendre à la voilée, Vne parole basse et puis vne empoullee.

Suiuant vn dous moyen subtil faut ioindre l'Art Auecques la sornette et le graue brocart; Et mesme faire encor que l'ami ne se fâche Quand d'vn vice, commun à chacun, on l'atache. Comme la Dame honneste aux Dimenches chommez Se trouue quelquefois aux banquets d'elle aimez. Ou contrainte à danser, ne laisse bien modeste, De courtoise montrer vn graue et ioyeux geste : Ainsi doit la Satyre, en sornettes riant, La douce grauilé n'aller point oubliant : Estant et de plaisir et d'honnesteté pleine, Comme la belle Grecque et la chaste Romaine. Ainsi void on souuent la ioyeuse beauté Coniointe chastement auec la loyauté.

Des mots dous et friants il ne faut point élire, Ni ceux qui sont trop lours, en faisant la Satyre ; Les communs sont les bons ; dehors du rond compas Du Tragicque du tout ie ne sortiray pas : Mais ie mettray tousiours vne grand'difïerence Alors que Zani parle auec quelque aparence : Ou Pite ayant Simon de son argent mouché : Ou bien quand de Bacchus vn Sylene embouché le feray discourir. D'vne chose vulgaire Et commune à chacun, mon vers ie pourray faire, D'vne facilité si douce la traitant

Que chacun pensera pouuoir en faire autant :

De sorte qu'il dira que mes vers et la prose,

En discours familiers sont vne mesme chose,

Que chacun parle ainsi, qu'on ne craint le malheur

De voir friper ces vers pour leur peu de valeur :

Mais s'il vient pour en faire à l'enui de semblables,

Il verra qu'aisément ils ne sont imitables,

Tant bien l'ordre, le sens, et les vers se ioindront,

Et le langage bas et commun ils tiendront :

Et tant d'honneur adulent et de bonne fortune

Au suiet que l'on prend d'vne chose commune,

Selon mon iugement, ces Faunes fron-cornus Qui des noires forests aux villes sont venus, Ainsi que s'ils estoient aux citez dans les rues, Aux Palais, aux marchez des villes plus courues. Comme ieunes muguets n'vseront affettez Du parler de la ville ou d'ordes saletez. Et ne vomiront point d'vne manière sote Vn propos indiscret, vne iniure ou riote ; Les riches et les grands s'en tiendroient offensez. Et bien que des bouffons il se rencontre assez, Et tels marchants louans cette façon bouffonne, Si n'acquerront ils point des sages la couronne.

En Satyre tu n'as en Grec autheur certain : Suy doncques la façon du Lyrique Romain, De luvenal, de Perse, et l'artifice brusque Que suit le Ferrarois en la Satyre Etrusque.

Remarque du Bellay; mais ne l'imite pas. Suy, comme il a suiuy, la marque des vieux pas, Meslant sous vn dous pleur enlremeslé de rire, Les ioyeux eguillons de l'aigrette Satyre : Et raporte vn butin de Latin et Grégeois, Ainsi comme il a fait au langage François, Et ieune ne suy pas ces Damerets Poètes Qui larrons ne sont rien que Singes et Choëtles.

Quand la syllabe longue après la breue alloit, Ce pied vite, en Latin ïambe on l'apeloit; Et si nom de Trimetre à l'ïambe l'on donne, Pour ce que sous les doigs par six fois il resonne. A soy premièrement semblable il fut sans plus : Mais depuis, les Spondés pesans et résolus, En fm auecques luy plus fermes prindrent place : L'ïambe patient les receut de sa grâce. Mais en les receuant il ne leur quitta pas Ni le siège second ni le quatriesme pas. Plus dous par ce moyen ils furent à l'oreille, Et les vieux les faisoient de cadence pareille.

Apres que maints esprits rangeants la quantité De la langue Françoise à la Latinité, Eurent rendus aux pieds de leurs mots ordinaires La démarche et les pas de leurs légers Senaires : De ces vers l'artifice en la France a esté Par maints autres esprits diuersement tenté, De sorte que Toutain a fait que l'Alexandre

En la Rime pouuoit en Phaleuces se rendre.

Baif qui n'a voulu corrompre ni gasler L'accent de nostre langue, a bien osé tenter De renger sous les pieds de la Lyre Gregoise, Mais en son propre accent, nostre Lyre Françoise : Et tant a profité ce courageux oser Que, comme luy, plusieurs ont daigné composer, Allians à leurs vers mesurez à l'antique. L'artifice parlant de la vieille Musique. le ne sçay si ces vers auront authorité : C'est à toy d'en parler, sage Postérité, Qui sans affection peux iuger toutes choses, Et qui sans peur les prendre ou réieter les oses.

Bref, ces Ïambes sont biserres et diuers, Par nous représentez à maints genres de vers ; Comme sont d'autre part les doux vers de Catule, De Fontan, de Second, de Flamin, de Marule, Qui d'vnze pieds marchoient : mais les François gaillars, Qui les font plus petits, ne les font moins mignars : Tesmoins tant de baisers. Chansons, Airs, Amourettes, Mignardises, Gaytez, et telles œuurelettes, Dont leurs escrits sont pleins, peignans d'vn dous pinceau Tout ce que la Nature a de rare et de beau.

Les vers pesants et lourds enuoyez sur la Scène, Langoureux ou hâtez, ou composez à peine, Ne sont pas estimez par vn sçauant en l'Art : Il blasmera celuy qui tente le hasard

De se faire mocquer, quand trop mal il s'asseure, En balançant au poids des nombres la mesure. Et de n'enfanter pas en termes bien receus, Les vers qu'en luy premier Phœbus aura conceus, Et de n'estre soigneux d'vne Rime coulante, Qui se rende à l'oreille agréable et plaisante.

Chacun n'auise pas les vers qui, mal limez, Sont montrez au public, d'entre les estimez. A la Muse Romaine ayant esté permise Vne grande Licence, (indigne d'estre admise,) Alors qu'on commençoit : et mesme nos François S'estants plus largement estendus mile fois. Me dois-ie hasarder de mètre sur la presse Mes Poèmes qui sont pleins de toute rudesse? Ou si pluslost ie doy par iugement preuoir Que chacun pourra bien ma faute aperceuoir? Si bien que, me taisant par vne sage ruse, le ne sois point tenu de faire aucune excuse? La faute en ce faisant ie peux bien euiter, Mais de louange aussi ie ne puis mériter.

Esprits, qui recherchez et matins et serees Des Grecs et des Latins les traces asseurees, Feuilletez leurs labeurs et là vous trouuerez Comme vn renom fameux acquérir vous pourrez : Le sçauoir, l'artifice, auec l'experte vsance. Donnent en quelque temps au renom accroissance. Comme on void l'vne fois nostre ombre aller deuant

Et l'autrefois derrière : ainsi va s'esleuant Le renom des humains : quelquefois des la vie Et quelque fois après la mort en est suiuie. Et les Muses tousiours laisseront renommez Tous ceux qu'elles auront chéris et bien aimez.

Mais nostre Poésie en sa simplesse vtile, Estant comme vne Prose en nombres infertile, Sans auoir tant de pieds comme les Grecs auoient, Ou comme les Romains qui leurs pas ensuiuoyent, Ains seulement la Rime : il faut, comme en la Prose, Poète n'oublier aux vers aucune chose De la grande douceur et de la pureté iQue nostre langue veut sans nulle obscurité, iEt ne receuoir plus la ieunesse hardie A faire ainsi des mots nouueaux à l'estourdie. Amenant de Gascongne ou de Languedouy, D'Albigeois, de Prouence, vn langage inouy : Et comme vn du Monin faire vne parlerie Qui, nouuelle, ne sert que d'vne moquerie.

Ceux qui cherchent des mots empoulez et bouffis, Et des discours obscurs, qui ne sont point confis Dans le sucre François, font vne faute telle Que ceux qui vont quittant vne fontaine belle, Pour puiser de l'eau verte en vn palu fangeux Ou dans le creux profond d'vn lieu marescageux. Vos paroles soient donc et vos pointes eleues En figures, qui sont des Muses bien voulues :

Manières de parler qu'vn Relhoricien

En Grec apelle Scheme enseignant l'Arlien.

Chasser on ne doit pas par les forests espaisses, Qui ne sçait les détours, les roules, les adresses, Qui ne sçait redresser les chiens à leur défaut, De faire vn Horuari requêter comme il faut. Ainsi dans l'espaisseur du buisson de Permesse Ne faut s'auenturer qui ne sçait la r'adresse. Qui conduit au sommet du double mont cornu : Car Poète on n'est point qu'on n'y soit paruenu.

le confesseray bien que les Romains antiques Auoient fort estimé les nombres Poétiques, Les vers et plaisants mots de Plaute qu'ils portoient Par trop patiemment, et qu'ils s'en contentoient Par grossière simplesse, et que l'innocent âge De nos bons vieux Gaulois estimoit le ramage De nos premiers Roman ts (qui le Romain parler Fait Gaulois, au Gaulois sçauoient entremesler ) Vn peu légèrement : et si ne veux pas dire Qu'à l'heure qu'ils oyoient quelque bon mot pour rire En leurs chants, Chanterels, Sons, Seruantois, Tançons, Pastorelles, Déports, Soûlas, Sonnets, Chansons, Triolais, Virelais, leux-partis, Lais, Sornettes, (Sans les bonnes iuger d'entre les imparfaites) Goffes, tout leur plaisoit en tel contentement Qu'ils n'ont iugé depuis des Rondeaux autrement Balades, Chants-royaux, Epistres et Complaintes,

Que bons ils adoroient d'affections non feintes : Descriuant leurs amours, ainsi comme en tableaux, Dedans leurs beaus Tlomants, et dedans leurs Fableaux. En France lors n'esloit de race grande et belle Qui n'eust quelque Roman particulier pour elle.

Depuis long temps encor Guillaume de Loris, lean de Meun-clopinel, on prisoit à Paris Auec peu de raison, au moins si, pour cette heure, Des rimes nous sçauons discerner la meilleure, Et si nous scauons bien à l'oreille et aux dois luger le vers qui marche au nombre de ses lois.

Or rVualon estant tout le premier vulgaire. Et ritale, et l'Espagne, ont formé l'exemplaire Du leur sur son Roman, ayant pris pour leçons De nos chants et Sonnets les antiques façons : Et puis comme celuy qui de ruse maline, Dérobe le chenal en l'eslable voisine, Luy fait le crin, la queue et l'oreille couper, Et quelque temps après le reuend pour tromper A son mesme voisin : ainsi nostre langage Ils ont prins et planté dans leur terreur (1) sauuage. Et l'ayant déguisé, nous le reuendent or, Comme fins maquinons, plus cher qu'au prix de l'or (2).

Et comme nous voyous beaucoup d'herbes plantées

0) Sic, dans l'édit. 1605, Caen, Charles Macé. Il faut lire : terroir. (2) Comparer ce passage avec ce que disent Brunelto Latini et Dante euxmêmes.

D'vn bon terroir en l'autre, et les greffes entées Dessus vn autre pied, derechef reuenir Et de leur premier tronc perdre le souuenir, (iTout de mesme les traits, les phrases et la grâce, Prenant d'vne autre langue en nostre langue place, S'y ioignent tellement qu'on diroit quelquefois Qu'vn trait Latin ou Grec est naturel François. [Virgile ainsi pilla d'Homère la richesse ^tjiaturalisa des Grégeois la sagesse ; Et l'Arioste après, en les pillant tous deux, Plus hardiment a pris les gestes hasardeux De nos vieux Paladins, connus par tout le monde, Et des preux Cheualiers de nostre Table-ronde ; Du Prophète Merlin les forts enchantemens; De Turpin l'Archeuesque, en ses racontemens Suiuant l'histoire vraye, alors que Charle-magne Pauoit, à Ronceuaux, de morts toute l'Espagne, Et qu'Agramant venu cet outrage vanger, Vouloit dessous ses lois la grand'Cité ranger.

A l'heure Lancelot, en Prose Héroïque, Montroit de nos maieurs la fureur Poétique, Et rauissoit l'esprit de cent diuersitez, Meslant auec l'Amour les grands solennitez Des ioustes, des Boubourds, lors que de Connoissances Ils honoroient le bout de leurs guerrières lances, Et dessoubs le secret des figurez blasons Se cachoient de l'Amour les plaisantes raisons.

Aux combats mesmement on voit! mile manières De porler armoyez les Escus aux Banieres, Le Tymbre menaçant l'Armet enpanaché, Et le Mot-de- bataille au dessoubs attaché, Cotte-d'armes, Harnois, les armes etofees Par la courtoise main des gracieuses Fées.

Nostre Amadis de Gaule en vieil Picard rimé, N'estoit moins que nos Pairs entre nous estimé. D'Amadis, l'Espagnol a sa langue embellie. Et sa langue embellit de nos Pairs l'Italie : Et quand nous reprendrons ces beaus larcins connus, De rien nous ne pouuons leur en estre tenus.

De Thespis le premier la manière est venue De la Farce Tragicque encor lors inconnue. Quand dans les Chariots et Tombereaus couuers Conduit, il fist iouer publiquement ses vers Par des gentils bouffons, qui d'vne lie epesse Leur face barbouilloient par les villes de Grèce. Ainsi vont à Rouen les Conards badmants. Pour tout déguisement leur face enfarinants.

Mais par AEschyle fut celte façon oslee Depuis que braue il eut la manière inuentee De se seruir de masque, et proprement changer D'habillemens diuers, commençant à ranger Les limandes, les ais, pour dresser le Théâtre : Il enseigna deslors à parler, à s'ébattre Vn peu plus hautement, et lors fut amené

L'vsage encor non veu du soulier cothurne.

De fausse barbe ainsi nos vieux François vserent, Quand leurs moralitez au peuple ils exposèrent. Ils ont montré depuis d'vn vers auantageux, louant deuant les Rois leurs magnifiques ieux, Qui feroient aisément que la Muse Françoise Peut estre passeroit la Romaine et Grégeoise, S'elle auoit eu l'apuy d'vn grand Roy pour soustien Pluslost le bien estrange on prise que le sien, lodelle, moy présent, fist voir sa Cleopatre En France des premiers au Tragique théâtre, Encor que de Baïf vn si braue argument Entre nous eust esté choisi premièrement. Peruse ayant depuis cette Muse guidée Sur les riues du Clain, fist incenser Medee : Mais la mort enuieuse auançant son trespas, Fist que ces vers tronqués parfaire il ne sceut pas, Quand Saintemarthe emeu de pitié naturelle De ces doux orphelins entreprist la tutelle, Scauant les r'agença, leur patrimoine accreut, Et grand'peine et grand soin pour ses pupiles eut. Puis Toutain nous fist voir de la couche royale Du Prince Agamemnon la traison desloyale, Cependant que Morin, en tout sçauoir profond, Et d'vn autre costé le bien disant Nemond, S'efforcoient d'enseigner en nostre langue ornée La loy qui fut iadis aux vieux Romains donnée.

Et maintenant Garnier, sçauant et copieux, Tragique a surmonté les nouueaux et les vieux, Monstrant par son parler assez doucement graue Que nostre langue passe auiourd'huy la plus braue.

Maisonnier d'autre part qui se plaisoit souuent D'ouyr son Pin sifler aux aubades du vent, La Satyre escriuoit. En sa prime iouvance, Chantecler arriuant paya la redeuance A Phœbus comme nous, et d'autres que le temps Eniura du plaisir de ces vains passetemps ; Quand en mesme saison, plein d'vne ardeur diuine, Le Feure bouillonnant dans sa vierge poitrine, Des Hébreux et des Grecs, Poète tout Chrestien, De bien chanter de Dieu rechercha le moyen.

En ce temps, ô quel heur ! sans haine et sans enuie, Nous passions dans Poitiers l'Auril de nostre vie ; Au lieu de demesler de nos Droits les débats, Muses, pipez de vous, nous suiuions vos ébats. Mais comme vn pèlerin, qui retourne au voyage, D'oîi s'estant plusieurs fois, par maint diuers bocage, Egaré, ne s'égare encore vne autre fois : Ainsi, Muses, depuis, le chant de vostre vois Ne nous a tant deceus, que n'ayons fait seruice Au Roy, tenant le poix de l'egalle Justice ; Que nous n'ayons aussi par vos douces liqueurs, De la guerre ciuile adouci les rigueurs, Et que chacun de nous en sa douce contrée,

0 Muses, n'ait de vous la science montrée : Tesmoins sont de ma part la belle eau de Cressy, Ante petit, la Roche, et mon grand Orne aussy, Où ieune le premier i'enflay vostre Musete : Mais nul n'est, ô malheur ! en sa terre prophète. Les soupçons enuieux, les médits, la rancœur Des nostres, me faisoit tout refroidir le cœur.

La muse est enuiable et l'ignorant s'irrite, Quand il oit de Phœbus vne chanson bien dite. Comme on conte qu'vn Tigre au son du Tabourin Et s'irrite et bondit, comme vn monstre marin, Et tant plus le Tabour il oit sonner et bruire. Dépit en se mordant plus fort il se déchire : Ainsi fait l'enuieux, les louanges oyant Du vertueux qu'il va misérable enuiant.

Tousiours il se tourmente, et tousiours vne enuie Luy ronge les poulmons le reste de sa vie. Chetiue enuie, encor, tu fais bien seulement En donnant à tous ceux qui t'aiment du tourment. Vne belle lumière amené vn bel ombrage, Qui les yeux enuieux éblouit d'vn nuage. Né de bonne maison par la faueur des Cieux, Mon bonheur offusqua l'œil de mes enuieux.

Mais quel vent ma nacelle en haute mer enuole Car i'ay passé le temps que marque ma Boussole. Reuenons au courant où les grands Empereurs Mourants sont faits egaulx aux poures laboureurs.

Au Tragique argument pour te seruir de guide, Il faut prendre Sophocle et le chaste Euripide, Et Seneque Romain : et si nostre Echafaut Tu veux remplir des tiens, chercher loin ne te faut Vn monde d'argumens : car tous ces derniers âges Tragiques ont produit mile cruelles rages. Mais prendre il ne faut pas les nouueaux argumens : Les vieux seruent tousiours de seurs enseignemens. Puis la Muse ne veut soubs le vray se contraindre : Elle peut du vieil temps, tout ce qu'elle veut, feindre.

Pauvre France qui dors, quand tu t'eueilleras, De tes enfants mutins tu t'emerueilleras. Celuy qui pourroit voir vne forest arbreuse, Grande, belle, peuplée, antique, noire, ombreuse, Et la reuoir après sans ombre ni rameaux, Vn Taillis remarqué de quelques balliueaux, Ayant senti le fer de la hache, émoulue Pour faire trébucher sa richesse fueillue : France, il te void ainsi, sans Sceptre maiestueux, Sans couronne Royale, en port calamiteux, Ta robe par lambeaux, comme à l'accoustumee N'estant plus de lis d'or sur l'azur parsemée. Tes massacres cruels aux beaux ans qui suiuront Aux Poètes Tragics de suiet seruiront : Mais ore appaise toy ; permets que tes contrées Ne soient à l'auenir de tes fureurs outrées. Nous, en ce peu de paix, Nous, qui sentons en nous

Vn Dieu qui nous échauffe et nous chatouille tous, Nous nous reiouirons, tachant par vn bel aise, A faire quelque chose en quoy Phœbus se plaise. Aussi bien pouuons nous, Muses, vous dire adieu ; Car, Muses, de long temps ici vous n'aurez Heu. Des bons loueurs de Luth la main est engourdie. L'ardeur de la ieunesse est partout refroidie, Et desia de vos sons, et desia de vos chants, Moins de conte il se fait que des contes des champs. Et si par celte paix vn peu d'eiouissance Ne nous donne pouuoir sur l'aueugle ignorance, Tous vos arts se perdront. Muses, donc, aprouuez Que parmi tant de maux ioyeux vous nous trouuez.

Comme vn forçat Chrestien qui, depuis mainte année, Viuoit dessoubs le Turc en triste destinée^ De Tripoly sortant à Malle va ioyeux, Echapé hors des mains d'vn bascha furieux : Ainsi gais nous viurons si, sortis de l'oppresse, De la guerre il se peut tirer quelque alegresse.

Vous, Sire, cependant aimez le saint troupeau Qui du guide Apolon a suiui le drapeau. Replantez les Lauriers, refournissez les places Des monts et des vallons, des Muses et des Grâces. Faites que leurs recois de Mars endommagez, Ainsi qu'au parauant ne soient desombragez. Vous laisserez le Sceptre et le beau Diadesme, Les ornemens Royaux, et la Couronne mesme.

Mais cela que la Muse acquis vous gaignera, Sire, lousiours par tout vous accompagnera, Et dans le Ciel les vents en la bouche des Anges, Les Anges iusqu'à Dieu porteront vos louanges

FIN Dv 2. Livre.

BIBLIOTHECA Ottavienst»

L'ART

FRANÇOIS

00 l'oîH PEVT REMARQVER LA PERFECTION ET LE DEFAVT DES ANCIKNNES ET DES MODERNES POESIES

AV ROY

Par le sieur de la Fresnaie Vavqvelin

L'ART