LIVRE TROISIESME

^^ IRE , ie voy le port : montrez vostre faueur. -. Dans ce trouble Océan, soyez l'Astre sauueur

Qui me face espérer que vous, ma petite Ourse, Conduirez mon esquif seurement en sa course. Muses, ayant passé les flots plus oragez, Ne permettez qu'au port nous soyons submergez.

leunes, prenez courage, et que ce mont terrible Qui du premier abord vous semble inaccessible, Ne vous estonne point. Jeunesse, il faut oser, Qui veut au haut du mur son enseigne poser. A haute voix desia la Neuuaine cohorte Vous gaigne, vous appelle et vous ouure la porte, Vous montre vne guirlande, vn verdoyant lien. Dont ceint les doctes fronts le chantre Delien, Et par vn cri de ioye anime vos courages A vous ancrer au port en dépit des orages : Elle répand desia des paniers pleins d'oeillets. Des roses, des boutons, rouges, blancs, vermeillets, Remplissant l'air de musc, de fleurettes menues. Et d'vn parfum suaue enfanté dans les nues : Ces belles fleurs du Ciel vos beaus chefs toucheront, Et sous vos pieds encor la terre enioncheront. Dans le Ciel, obscurci de ces fleurs epandues. Sont les diuinesvoix des Muses entendues. Voyez comme d'odeurs vn nuage épaissi De Manne, d'Ambrosie, et de Nectar aussi Fait pleuuoir dessus vous vne odeur embamee

\Qui d'vn feu tout diuin rend vostre ame enflamee. Les vers sont le parler des Anges et de Dieu, La prose des humains. Le Poète au milieu

^S'eleuant iusqu'au Ciel, toutrepeu d'Ambrosie, En ce langage escrit sa belle Poésie. Pleust au Ciel que tout bon, tout Chrestien et tout Saint,

Le François ne prist plus de suiet qui fust faint ! Les Anges à miliers, les âmes éternelles Descendroient pour ouir ses chansons immortelles!

C'est desia trop long temps cette Muse inuoqué, Qui rend d'vn court plaisir vn bel esprit moqué, Sur l'Helicon menteur couronnant les perruques De Lauriers abuseurs, flestrissants et caduques. Apres elle tousiours il ne faut s'incenser. Il faut monter aux Cieux sur l'aisle du penser : Là, cette Muse voir, qui d'Astres couronnée, Ayant de beaus rais d'or la teste enuironnee, Couronne les beaus chefs de Lauriers qui sont tels Que non mourants ils font les mourables mortels, Dessus vn vray Parnasse oîi la sainte verdure Des Myrthes amoureux éternellement dure, Ne laissant toutesfois d'embellir, d'emperler De fleurs d'humanité ses vers et son parler : Du sage Médecin imitant la coustume, Qui pour faire aualer la fâcheuse amertume D'vn breuuage salubre, au bord du gobelet Met du iulet sucré, plaisant et doucelet (1).

Mais les Prouinces sont en France si troublées Que pour Mars seulement s'y font les assemblées. Les Muses n'y sont plus, Phœbus en est parti ; Les doctes autrepart veulent prendre parti.

(4) Cette comparaison, traduite de Lucrèce, l'a été beaucoup inieu:i: par le Tasse, Gerus. Liberala.

Vn orage partout les beaus lauriers fracasse, Saccage nos forests, destruit nostre Parnasse.

Viendra iamais le temps que le harnois sera Tout couuert des filets que laraigne fera? Que le rouil mangera les haches émoulues, Que les hantes seront des lances vermoulues? Que le son des clairons ne rompra nuict ne iour Du pasteur en repos le paisible seiour? Viendra iamais le temps que les amours iolies Et les Muses ie voye en France racueillies. Sans que de la discorde on parle désormais? Viendra iamais le iour que retourne la paix? La main pleine d'espics auec l'Oliuier palle, La corne d'Amallee et qu'ici liberalle Abondante elle semé vne moisson de bien Qui remette la France en son heur ancien? Que derechef encor les Bouffons on reuoye, Masquez et déguisez, se brauer par la voye. Et laissant leurs vieux ieux, à la façon du temps Des Grecs et des Romains, iouer leur passetemps?

Or aux Grecs vint ainsi la vieille Comédie, Non sans grande louange outrageuse et hardie, Quand en vice tomba cette grand'liberté, Qui de tout blasonner prenoit authorité. Et par Edict exprès elle fut reformée, Ce qui fut bien receu, la vieille estant blamee; Et le Chore des lors s'en teut honteusement,

Et de piquer ne fut permis aucunement.

Ainsi dedans Paris i'ay veu par les collèges, Les sacrilèges estre appelez sacrilèges Es leux qui se faisoient, en nommant franchement Ceux qui de la grandeur vsoient indignement, Et par son nom encor appeler toute chose. Médire et brocarder de plus en plus on ose. Alors vous eussiez veu les paroles, d'vn saut, Comme balles bondir, voilant de bas en haut.

Mais cette liberté, depuis estant relrainle, Mile gentils esprits sentant leur ame attainte De la diuinité d'Apolon, ont remis Le soulier du Comicque aux limites permis : Fuyant d'Aristophane en médisant la faute, Et prenant la façon de Terence et de Plaute, Ils ont, en leurs Moraux, d'vn air assez heureux De Menandre meslé mile mots amoureux.

Mais les Italiens, exercez d'auantage.

En ce genre eussent eu le Laurier en partage, Sans que nos vers plaisants nous représentent mieux Que leur prose ne fait cet argument ioyeux : Greuin nous le tesmoigne, et cette Reconnue Qui des mains de Belieau n'agueres est venue, Et mile autres beaus vers, dont le braue farceur, Chasteau-vieux, a monstre quelque fois la douceur.

Premier la Comédie aura son beau Proëme, Et puis trois autres parts qui suiuront tout de mesme.

La première sera comme vn coijrt argument

Qui raconte à demi le suiet breuement,

Retient le reste à dire, afin que suspendue

Soit l'ame de chacun par la chose attendue.

La seconde sera comme vn Enu'lopement,

Vn trouble-feste, vn brouil de l'entier argument

De sorte qu'on ne sçait quelle en sera l'issue

Qui tout'autre sera qu'on ne l'auoit conceue.

La dernière se fait comme vn Renuersement,

Qui le tout débrouillant fera voir clairement

Que chacun est content par vne fin heureuse,

Plaisante d'autant plus qu'elle estoit dangereuse.

Des ieuneson y void les faits licencieux.

Les ruses des putains, l'auarice des vieux.

Elle eut commencement entre le populaire

Duquel l'Athénien bailla le formulaire :

Car n'ayant point encor basti sa grand'Cité

En des bordes ce peuple estoit exercité

Marcher comme champestre, et par les belles plaines,

Auprès des grands forests, des prez et des fontaines

Tantost il s'arrestoit, tantost en autre lieu.

Il faisoit cependant sacrifice à son Dieu

Apolon Nomien. En grandes assemblées

Faisant tous à l'enui des chères redoublées,

Buuants, mengeants ensemble, ensemble aussi chantanl

Ils apeloient cela Comos, qui vaut autant

Que commune assemblée, et de leurs mariages,

De leurs libres chansons et de leurs festiages, Qu'ils faisoient en commun, ce fist en fin le nom De Comédie, ayant iusqu'ici son renom.

La Comédie est donc vne Contrefaisance D'vn fait qu'on tient meschant par la commune vsance ; Mais non pas si meschant qu'à sa meschanceté Vn remède ne puisse estre bien aporlé, Comme quand vn garçon vne fille a rauie, On peut en l'espousant luy racheter la vie.

Telle dire on pourroit la mocquable laideur D'vn visage qui fait rire son regardeur : Car estre contrefait, auoir la bouche torte. C'est vn défaut sans mal pour celuy qui le porte.

Mais le suiet Tragic est vn fait imité De chose iuste et graue, en ses vers limité, Auquel on y doit voir de l'affreux, du terrible, Vn fait non attendu, qui tienne de l'horrible, Du pitoyable aussi, le cœur attendrissant D'vn Tigre furieux, d'vn Lion rugissant : Comme quand Rodomont, abusé par cautelle, Meurtrit se repentant la pudique Isabelle, Ou comme quand Creon, aux siens trop inhumain, Vit sa femme et son fils s'occire de leur main.

On fait la Comédie aussi double, de sorte Qu'auecques le Tragic le Gomic se raporte. Quand il y a du meurtre et qu'on voit toutefois Qu'à la fin sont contens les plus grands et les Rois,

Quand du graue et du bas le parler on mendie,

On abuse du nom de Trage-comedie ;

Car on peut bien oncor, par vn succez heureux,

Finir la Tragédie en ébats amoureux :

Telle estoit d'Euripide et l'Ion et l'Oreste,

L'Iphiginie, Hélène et la fidelle Alceste.

Tasso par son Aminte aux bois fait voir d'ailleurs

Que ces contes Tragics ainsi sont les meilleurs.

Au Poëme Tragic se raporte et réfère Vne Iliade en soy. Le Margite d'Homère Respondoit au Comic où des hommes moyens (Comme des plus grands Rois) des humbles citoyens Se voyoit la nature et la façon bourgeoise, Comme Héroïque escrite, en sa langue Grégeoise. Le Tragic ne montroit que des faits vertueux, Magnifiques et grands, Royaux et somptueux ; Le Comic que des faits qui, tous, dignes de blâme, Ne rendroient pas pourtant le bon Margite infâme. Las ! le temps deuorant Margite a deuoré Et le nom seulement nous en est demeuré. Depuis nul autheur Grec, ni Romain, ni vulgaire. De Poëme pareil n'ont entrepris de faire.

Mais rien n'est si plaisant, si patic ne si dous Que la reconnoissance, au sentiment de tous! Vlysse fut connu par vne cicatrice Qu'en luy lauant les pieds remarqua sa nourrice. Par ioyaux, par vn merc, qui sur nous apparoist,

Et par cent tels moyens, les siens on reconnoist.

Puis qu'est il rien plus beau qu'vn aigreur adoucie Par le contraire euent de la Péripétie? Polinisse croyoit la mort d'Ariodant, Espérant voir ietter dans vn brasier ardant L'innocente Geneure, alors que misérable Au contraire il se void mourir comme coupable.

Léon, de Bradamante ayant esté vainqueur, Par Roger inconnu, son amour et son cœur, Par la loy du combat de Charles ordonnée Elle deuoit au Grec épouse estre donnée : Mais elle ne pouuant en son ame loger Vn autre amour égal à celuy de Roger, Pluslost que de le prendre elle se veut défère : Son Roger d'autrepart de mourir délibère.

Par vn euent diuers il arriue autrement : Roger est reconnu pour auoir feintement Combattu soubs le nom du Prince de la Grèce, Soubs ce masque vaincu soymesme et sa maistresse : Desia toute la Court de l'Empereur Latin La donne bien conquise au fils de Constantin : Quand Léon le voyant estre Roger de Rise, De sa vaine poursuite abandonne la prise, Luy quitte Bradamante, et courtois généreux Aide à conioindre encor ce beau couple amoureux. Ainsi sont ioints ensemble et la reconnoissance Et le contraire euent qui luy donne accroissance.

L'Heroic, le Tragic, vse indiferemment Auecques le Comic, de ce dous changement. Tu ne dois pas laisser, ô Poète, en arrière Croupir seule es foresls la Muse Forestière : Mais tu la dois du croc dépendre, et racoutrer Son enche et son bourdon, et pastre luy montrer domme Pan le premier soufla la Chalemie, Coniointe des roseaus de Syringue s'amie, Qu'Apolon ensuiuit, quand sur le bord des eaux D'Admete en Thessalie il gardoit les troupeaux. Apres, vn Berger Grec es champs de Syracuse, A l'égal de ces Dieux enfla la Cornemuse. Sur le Tybre Romain Tytire, dudepuis Les imitant, sonna la FluLe à sept pertuis ; Long temps après encor reprist cette Musette Vn Berger sur les bords du peu connu Sebethe : Et ce flageol estoit resté Napolitain, Quand, pasteur, des premiers sur les riues du Clain, Hardi ie l'embouchay, frayant parmi la France Ce chemin inconnu pour la rude ignorance, le ne m'en repen point, plustost ie suis ioyeux. Que maint autre depuis ait bien sceu faire mieux. Mais plusieurs toutefois, nos forests epandues Ont sans m'en faire hommage effrontément tondues : Et mesprisant mon nom ils ont rendu plus beaux Leurs ombres decouuers de mes fueillus rameaux. Baïf et Tahureau, tous en mesmes années,

Auions par les foresls ces Muses pourmenees.

Belleau, qui vint après, nostre langage estant

Plus abondant et dous, la nature imitant,

Egalla tous Bergers. Toutefois dire l'ose

Que des premiers aux vers i'auoy meslé la prose.

Or', Pibrac et Binet, pasteurs iudicieux.

Font la champestre vie estre agréable aux Dieux.

Tu peux encore faire vne sorte d'ouurage Qu'on peut nommer forest ou naturel bocage. Quand on fait sur le cham, en plaisir, en fureur, Vn vers qui de la Muse est vn Auancoureur, Et que pour vn suiet on court par la carrière. Sans bride galloppant sur la mesme matière, Poussé de la chaleur, qu'on suit à l'abandon, D'vne grand'violence et d'vn aspre randon.

Stace fut le premier en la langue Romaine, Qui courut librement par cette large plaine. Comme dans les forests les arbres soustenus Sur leurs pieds naturels, sans art ainsi venus, Leur perruque iamais n'ayant esté coupée, Sont quelquefois plus beaus qu'vne taille serpee. Aussi cette façon en beauté passera Souuent vn autre vers qui plus limé sera. Les François n'ont encor cette façon tentée : Si Ronsard ne l'a point au Bocage chantée. En mon âge premier chanter ie la pensoy, Quand ma Foresterie enfant ie commencoy.

Si puis après on veut la toile ourdir et tistre Du vers sentencieux de l'enseignante Epistre, Le vray fil de la trame Horace baillera, Libre, graue, ioyeux à qui trauaillera, Et tu verras chez luy qu'aux Satyres il tache Arracher de nos cœurs les vices qu'il attache , Et que tout au contraire aux Epistres il veut Mettre et planter en nous foutes vertus s'il peut. Vne Epistre s'escrit aux personnes absentes, La Satyre se dit aux personnes présentes Sans grande différence : et pourroient proprement Sous le nom de Sermons se ranger aisément.

Imite dans les Grecs l'Epigramme petite; Marque de Martial, trop lascif, le mérite. Sur tout breue, r'entrante et subtile elle soit : De Poëme le nom trop longue elle reçoit. Elle sent l'Keroic, et tient du Satyrique; Toute graue et moqueuse elle enseigne el si pique. L'Epigramme n'estant qu'vn propos racourci. Comme vne inscription, courte on l'escrit aussi.

Les Huictains, les Dixains, de Marot les Estreines, T'y pourront bien seruir comme adresses certaines, Et les vers raportez qui, sous bien peu de mots. Enferment brusquement le suc d'vn grand propos.

L'Epicede se chante auant que l'on enterre Le corps du trespassé. Quand la voûte l'enserre, L'Epitaphe se met sur le Tombeau graué.

Ou bien dans vn Tableau dignement eleué.

Quand en vers l'Epitaphe on fait en Epigramme, Mis contre vne coulonne en Cuyure en quelque lame, Celuy pour le meilleur on doit lousiours tenir, Qu'on peut mesme en courant et lire et retenir.

Or si d'vn plus beau feu ton ame est échauffée Pour des Hymnes chanter : suy les restes d'Orphée, Homère et Callimach : et suy ce Bisantin Marule, et Claudian les chantans en Latin. Note pareillement la généreuse audace De Ronsard, qui les vieux en ce beau genre passe, Et le iugement grave et la facilité Du scauant Pelletier, en son antiquité.

Et si tu ne veux point vser de noms estranges, Donne leur, comme luy, le beau nom de louanges. Ou si tu veux, plus sage, imite de Sion Le Prophète Royal sur le Psalterion.

A dire il reste encor que Poèmes se prennent Pour vn suiet petit que peu de vers comprennent, Comme qui descriroit le superbe pauois Ou du Troyen AEnee ou d'Achile Grégeois, Et dessus tout au long de leur race future, Et du temps auenir la diuerse auenture. Ou l'amour d'Angélique et du soldat Medor, La fureur de Roland, de Rodomont encor, Qui d'vne Poésie estant vn petit membre, Qu'en peu de vers à part de son corps on démembre.

Les Cartels de deffy, qu'on présente aux tournois, Des Poèmes ce sont pour le plaisir des Rois, Et qui seruent aussi de nuict aux Mommeries Soubs le masque muet : mesme aux bouffonneries Que sans despence on fait. Mais les Italiens Faisant représenter à leurs Comédiens, (Soit Tragic, ou Comic) vn fait soubs la parade De la non contageuse et braue Mascarade, Nous ont laissé ce nom, prenant l'effect de nous. C'est pourquoy nous suiuons leurs mascarades tous, Ou soit que d'vn ballet la feste on solennise, Ou soit qu'en vn Tournoy se face vne Entreprise Couuerte d'vn beau corps et d'vn mot généreux Qui montre d'vn amant le dessein amoureux, Comme a fait du Bellay, quand il fait d'Hibernie Venir de Cheualiers vne grand' compagnie, Qui portent à la louste vne Entreprise, aOn Qu'on conneust le dessein du gentil Roy-Dauphin.

Nos Poètes vrayment, pleins de haute pensée, N'ont point, sans la tenter, chose aucune laissée, Et n'ont pas mérité peu de gloire et d'honneur D'auoir laissé du Grec et du Romain sonneur Le vieux chemin batu, faisant chanter la gloire De leurs gestes priuez aux filles de Mémoire Et ne seroient point plus les François trauaillans, En lustice, en proësse, en fait d'armes vaillans, Qu'à bien dire ils seroient, si plus soigneux la lime

Le Poëte employoit à bien polir sa Rime : Et si tant à l'enui ne faisoient voir au iour Leurs Sonnets enfantez, plustost que leur amour, Sans prendre le loisir de penser qu'vn bon Astre Regarde le Poëte et non le Poetastre. Vn secret est aux vers que ie ne diray point : On le gouste, on le sent, son cguillon nous poind, Quand nous oyons sa voix qui nous frappe l'oreille ; Et mesme l'ignorant admire sa merueille.

Tous, ô vray sang Gaulois, reprenez et blâmez Les vers qui ne sont pas assez veus et limez, Assez bien repolis dont la Rime tracée N'a plusieurs fois esté refaite et r'effacee ; Et par plus de dix fois corrigez vous si bien Qu'à la perfection il ne manque plus rien.

D'autant que Deraocrite aimoit plus vne veine Coulante naturelle en son grauois sans peine, Que l'art trop misérable où l'on mordoit cent fois, Deuant que faire vn vers, ses ongles et ses doigts ; Qu'il banissoit encor d'Helicon et Parnasse Çeluy qui tous les vers par le seul Art compassé, '\ La Nature estimant plus heureuse que l'Art, ■ Pour ce maints on voyoit, qui faisoient bien à lard ! Rongner leur poil hideux, leurs ongles pleins d'ordure, (Pensant par ce moyen figurer la Nature : Comme encor on en voit qui vestus simplement. Solitaires ne vont où sont communément

Les gens en compagnie, estimant fantastique Vn homme estre agité de fureur Poétique, Et remporter le nom de Poète parfait, Si iamais au Barbier son poil raire ne fait : Pour garir ce catarre vn monde d'Elebore D'Anticire aporté ne sufRroit encore.

Mais moy n'estant Poète, vne Queux ie seray, Qui le fer des esprits plus durs aiguiseray : Car bien que la Queux soit à couper inutile. Elle rend bien coupant tout l'acier qu'elle affile. Ainsi n'escriuant point, ie diray le deuoir Du Poète, et comment il peut des biens auoir, Et ce qui peut encor le tenir à son aise, Le dresser et conduire en chose qui luy plaise, Ce qui conuient le mieux et ce qui point ne duit, Oiî la vertu nous meine, où l'erreur nous conduit. Et ie seray celuy qui porte vne lumière La nuict pour éclairer à ceux qui vont derrière. Son flambeau seulement flambera pour autruy; Fort peu, quoy que ce soit, il flambera pour luy.

Le sage et saint scauoir est la fontaine claire Et le commencement d'escrire et de bien faire : Chose que te pourront montrer les hauts escris De Socrate et Platon où tous biens sont compris, Et mieux nos liures saints, dont la sainte science Allume vn ray diuin en nostre conscience : Qui nous fait voir le vray, qui du faux est caché,

Et le bien qui du mal est souuent empesché : Puis les choses suiuront doctement préparées Les paroles après non à force tirées.

Quand seront amassez ensemble tels aprets, Gisement tout dessein tu conduiras après.

Le parler le scauoir de telle Poésie (Qui n'entrera iamais qu'en belle fantasie) Nest point comme vn graueur qui fait sans sentiment Vi Satyre qu'il met sous vn soubassement, Ol bien qui taillera de ces images riches Que muettes on met aux Palais dans les niches : Car il veut rendre vn cœur actif eguillonné Aux exploits généreux, bien qu'il n'y fust pas né. Il donne des eslans, qui poussent les personnes A. faire vertueux tousiours des œuures bonnes, Et sous vn plaisant voile, il va cachant souuent Des choses auenir vn admirable euent.

Mais comme tu vois bien que tousiours verdoyantes Les forests ne sont pas, ni les eaux ondoyantes, Et que iusques aux bords Orne et Seine tousiours N'emplissent regorgeant les riues de leurs cours : Aussi foible est parfois la veine Poétique, Et langoureuse encor s'estend melencolique, De sorte qu'on voit bien qu'Apolon dépité N'a pas de son esprit cet esprit agité, Et que les doctes sœurs et des Grâces la suite Ont ailleurs, loin de luy, pour l'heure pris la fuite.

Lors fl faut retourner à la saincle liqueur Du beau mont dont Phoebus nous échauffe le cœur, Et là se reposer, mesme à l'heure détendre La corde lentement, pour ses forces reprendre : On rendroit son esprit tout morne et rebouché, Qui le tiendroit tousiours au labeur attaché. Il faut espier l'heure, attendre qu'à la porte Frape le Delien, qui la matière aporte. Lors doucement les vers de leur gré couleront, Et dans l'œuure auancé d'eux mesme parleront, Sans forcer violent les Vierges Tespiennes, Versant contre leur gré leurs eaux Pegasiennes. Dans vn bocage ombreux, les Rosignols plaisans Vont d'vn si grand courage à l'enui degoisans, Que souueut en chantant, la puissance débile Défaut plustost au corps que la chanson gentille : Ainsi beaucoup sont tant des Muses amoureux Que par trop de trauaux leurs corps sont langoureux, Et tandis qu'en sçauoir leur sçauoir chacun domte, Leur peine surmontée eux mesme les surmonte. Pour ce gardez vos corps; versant modérément De bonne huyle en la lampe, on void plus clairement. Celuy qui bien preuoit, bien ordonne et commence, En n'allant que le pas souuent le plus auance.

Comme le voyageur (après plusieurs détours D'vn long chemin suiuis) qui voit les hautes tours D'vne cité fameuse, où faut qu'enfin il rande

D'vn cœur deuotieux vne deuote offrande, S'esiouit et prend cœur se sentant aprocher Des murs de la Cité dont il voit le clocher : Ainsi fait le Poëte, alors qu'il se repose loyeuï de voir de loin le but qu'il se propose, Et voir les arbres hauts qu'il a sceu remarquer, De peur qu'vn ombre obscur ne le fist détraquer.

lamais d'enfants ioyeux vne brigade belle. Plus volontairement en la saison nouuelle Ne se trouua parmi les vermeillettes fleurs Qu'vn pré d'email bigare en cent mile couleurs. Ni iamais d'vn beau fils belle Dame accouchée, Ni la Dame bien peinte et bien endimenchee Ne s'aima iamais plus aux danses et aux sons, Aux deuis amoureux, aux mignardes chansons, Que la Muse se plaist aux peines et aux veilles, En recherchant des vers les secrettes merueilles. Et l'homme n'a iamais plus grand plaisir trouué Que celuy du Poëte en son œuure acheué.

Celuy qui du Deuoir a la science aprise, Ce qu'il doit au Pays, où naissance il a prise. Ce qu'il doit à son Roy, ce qu'au public il doit. Ce qu'il doit aux amis; qui bien iuge et bien voit Comme respectueux il faut estre à son père, De quelle affection il faut chérir son frère, Son hoste, son voisin, comme encore chérir L'estranger qui nous peut quelquefois secourir;

Et qui sçait bien où gist d'vii vray iuge l'office Et de celuy qui doit régler vne Police ; Et ce que doit tenir vn braue Chefuetain En la charge que haute il n'entreprend en vain, Soit pour aller vaillant en estrangere terre Reuancher vne iniure, ou soit pour la conquerre, Cettuy la, certes, sçait donner ce qui conuient A chacun, quel qu'il soit, selon le rang qu'il tient.

Le docte imitateur qui voudra contrefaire De cette vie au vray le parfait exemplaire, Tousiours i'auertiray de regarder aux mœurs, A la façon de viure et aux communs malheurs : Et puis de là tirer vne façon duisanle, Vn parler, vn marcher, qui l'homme représente : Bref, que Nature il scache imiter tellement Que la Nature au vray ne soit point autrement.

Quelquefois vne farce au vray Patelinee, Où par art on ne voit nulle rime ordonnée ; Quelquefois vne fable, vn conte fait sans art, Tout plein de gosserie et tout vuide de fart, Pour ce qu'au vray les moeurs y sont représentées, Les personnes rendra beaucoup plus contentées, Et les amusera plustost cent mile fois Que des vers sans plaisir rangez dessous les lois, N'ayant sauce ni suc, ni rendant exprimée La Nature en ses mœurs de chacun bien aimée. Nature est le Patron sur qui se doit former

Ce qu'on veut pour long temps en ce monde animer.

Zeuxis fut si soigneux de suiure la Nature, Que voulant de lunon faire la pourtraiture Pour un peuple lascif, premier il voulut voir Les belles qu'il pouuoit en sa grand'ville auoir; Il les fist dépouiller en secret toutes nues, Et cinq tant seulement de luy furent esleues Pour d'elles retirer les marques de beauté Dont fut le naturel de son œuure emprunté : De mesme aussi, qui veut escrire vn bel ouurage, Il faut que des Aulheurs par choix et par triage, Il choisisse tousiours les plus excellens traits, Pour l'embellissement de ses parlants pourtraits, Et que tous au patron de Nature il les tire : Car en tout, fors en elle, il se trouue à redire. 1 Phœbus donna iadis aux Romains et aux Grès I La grâce de parler, la bouche ronde exprès.

Pour atteindre au vray but : et rien que la louange j De surpasser ainsi toute autre langue estrange, i Doctes ne les guidoit (leur langage ils plantoient Dedans tous les pays, où vainqueurs ils estoient, Ainsi que leurs Edits), car Tardante auarice Ne bruloit point leurs cœurs, pour estre exempts de vice. Mais la plus part de France enseigne ses enfants Au trafic et au gain, comme à faits triomphants.

C'est pour le seul profit, c'est pour la seule enuie D'eslre riche et d'auoir que l'eslude est suiuie ;

Ce n'est pour la bonté, ce n'est pour la vertu, Que des lettres on suit le sentier peu batu; Qui des richesses a, n'a besoin de science : Les hommes seulement aux biens ont confiance. Les vns aprendront bien à porter sur le poin Vn oiseau pour voler; les autres auront soin Des chiens et des chenaux : mais tousiours niesprisees. Les Muses seruiront dans leurs cœurs de risées : Les autres aux Barreaux s'emploiront aprentifs, Aux seules actions profitables actifs.

Autres à séparer et les cens et les rentes D'vne succession en parts equipolentes, A bien dresser vn compte, et l'ample reuenu Et la mise reprendre après par le menu : Et de là conuoiteux de la riche finance Se iettent afiiamez aux Bureaux de la France. Les ieunes à Paris aprennent à ietter Combien d'vn milion se peut le tiers monter : A partir, à sommer, multiplier, distraire, A sçauoir d'vn Banquier l'adresse nécessaire. S'en demande au garçon : — « Qui de mile estera Sept cents escus, di moy, qui plus te restera ?» — Trois cents. — « C'est bien conté. C'est assez. Bon courage. Tu peux à l'auenir te garder de dommage. Si l'en remets deux cents, combien demeureront Sur le conte dernier ? — Cinq encor resteront. » Tu peux garder le tien; car celte expérience,

Mon enfant, vaut bien mieux que toute autre science

Or comme pourrons nous espérer que ceux ci, Nourris des leur enfance après les biens ainsi, Ayans desia graué des leurs tendres ieunesses Les gloutons appétits des friandes richesses, Aimassent la vertu, faisant quelque œuure beau, Qui fust pour ne tomber iamais dans le tombeau ? Voire qui meritast d'estre en planche imprimée, Consacré seulement à peu de renommée ?

Tant s'en faut qu'il deust estre en vn ecrin doré. En vierge parchemin bien peint, bien azuré, Escrit illuminé pour chatouiller l'oreille D'vn second Alexandre à l'heure qu'il sommeille ?

Enseigner, profiter, ou bien donner plaisir. Ou faire tous les deux, le Poète a désir, Comme propre à la vie : en faisant tout ensemble Chose qui profitable et plaisante nous semble.

Or si premier tu veux enseigner, sois tousiours Clair et bref, sans vser d'obscurs et longs discours. Afin qu'incontinent tes préceptes faciles Se grauent au cerueau des auditeurs dociles. La chose superflue aussi bien sortira Hors de l'estomac plein, qui la reuomira. Et si plaire tu veux, tousiours conte les fables. Pour donner du plaisir, comme estant véritables. Car n'estant vray-semblable vn propos inuenté. Comme vray sans propos ne veut estre conté.

Pourtant tu ne feindras rien qu'on ne puisse croire. Comme celuy qui conte ainsi comme vne histoire Que les Fées iadis les enfançons voloient Et de nuict aux maisons, secrettes, deualoient Par vne cheminée : en tout sois vray-semblable. Le vieillard ne se plaist au conte d'une fable, Ni voir des vers qui soient sans quelque vtilité : La chose graue plaist aux gens de grauité, Et la Muse seuere, en ce temps où nous sommes, Pareillement deplaist aux ieunes gentils hommes. • Qui sçait entremesler l'vtile auec le dous, L'honneur facilement remportera sur tous, Enseignant les liseurs, et de IMuse pareille, D'vn rauisseur plaisir leur rauissant l'oreille.

Vn tel Hure scauant, plein d'vn iugement meur, Aporte de l'argent bien tost à l'Imprimeur, Et tost outre les mers il passe en telle sorte, Qu'à son autheur connu grand renom il apporte. Il s'y trouue pourtant quelques défauts souuent, Ausquels fait pardonner la suite et le deuant : Car la corde ne rend tousiours à la pensée Vn son tel que voudroit la chose commencée, Sous les doigs fredonnants ; et cherchant vn ton bas Souuent en rend vn haut, et ne vous respond pas. Tousiours l'arquebusier ne frape ce qu'il mire, Ni l'archer bien expert n'atteint le blanc qu'il tire. Mais s'vn œuure en maint lieu son lecteur satisfait,

le ne le diray pas tout soudain imparfait

Pour vn petit d'erreur passé par non-chalance,

Ou que n'a peu preuoir l'humaine preuoyance.

Et quoy donc, ie vous pry? comme on ne deuroit point

Excuser l'imprimeur, qui faut au mesme point

Dont on l'auoit repris; et comme on se doit rire

De l'escriuain qui faut tousiours à bien escrire

Au\ mots qu'on luy a dits, et mesme du sonneur

Qui faut en mesme ton à son grand deshonneur :

Tout ainsi de celuy, qui fait comme vn Chaerile,

Qui pour faire des vers est rimeur mal habile,

Et de Sagon se fait appeler Sagouyn,

Meslant en nostre langue vn sot barragouyn

De propos décousus, rie à rie voulant prendre

Le Latin à la barbe et vulgaire le rendre,

Et duquel ie me ri, de merueille surpris.

Quand deux ou trois bons vers ie trouue en ses escris.

Souuent en œuure long la Muse mesme chomme. Parfois le bon Homère est surpris par le somme : Mais vn ouurage long on excuse es endroits Où le sommeil glissant fait errer quelque fois.

La douce Poésie est comme la peinture Que belle on trouuera bien prisg en sa nature : Car l'vne de plus près plus belle semblera, Et l'autre de plus loin dauantage plaira. L'vne se voudra voir dans vne sale obscure, El l'autre au iour plus clair d'vne pleine ouuerlure.

L'vne en iour se deuise ou par ombragements, Et l'autre a de couleurs mile deiettements, Qui d'vn iuge ne craint la plus subtile veue. L'vne contentera si tost qu'on l'aura veue, Et l'autre d'autant plus qu'on reuisitera Ses beaus traits, d'autant plus elle contentera.

Comme le voyageur qui d'vn beau lac aproche, En son bord se va mettre au coupeau d'vne roche : Là demeurant long temps oisif en son repos, 11 n'a rien pour obiect que les vents et les flots : Toutesfois les fores Is dedans l'onde vitrée Montrent de cent couleurs leur robe diaprée, Et l'ombre des maisons, des tours et des Chasteaux Cette eau luy représente au cristal de ses eaux. Il s'esiouit de voir que l'onde luy raporte Par vn double plaisir ces forests en la sorte : Tout ainsi le Poëte en ses vers rauira Par diuers passetemps celuy qui les lira, Emerueillé de voir tant de choses si belles. En ses vers repeignant les choses naturelles, Et de voir son esprit de ce monde distrait, Mirer d'vn autre monde vn autre beau pourlrait.

Combien que de vous mesme, ô Françoise ieunesse, Qui suiuez ce bel Art, vous ayez la sagesse, Toutesfois ie veux bien vous auertir ici Qu'il faut vn grand sçauoir aux hommes en ceci : Nous voyons beaucoup d'Arts, ausquels est suportable

D'vn apparent scauoir l'apparence notable : Comme pour n'estre aux droits vn Duarin second, Ou pour docte à plaider vn Marion facond, On ne laisse pourtant d'auoir en bonne estime Sa part de l'or que tant es Palais on estime.

En tout scauoir aisé, pour n'estre Historien Autant que Titeliue, il suffit du moyen : Le Peintre qui peint bien d'vn homme la figure, Sans l'avoir mesme apris, peut tirer en peinture Tout autre tel qu'il soit : ainsi qui sçait des Arls Le principe et la fin, s'en aide en toutes parts, Pourueu qu'à son suiet d'vne gentille mode Du scauoir qu'il a veu l'vsage il accommode, Mais les hommes ni Dieu ne veulent receuoir Celuy qui pour les vers n'a qu'vn m^oyen scauoir.

Toutes langues ont eu leurs Poètes chacune. Ne pense donc auoir si courtoise fortune Que de les surpasser, sinon qu'en ton parler Comme ils ont fait au leur tu vueilles exceller. Tapprouue toutefois d'escrire en ces langages. Afin de remarquer les siècles et les âges Par les hommes sçauanls, entre qui les lauriers Du Poëte Roussel verdoiront des premiers : Car Phœbus et les sœurs eux-mesmes les arrosent Dans les iardinsde Caen ; et les beausvers disposent Du Fanu, de Michel, de Cahaignes auec, Qui doctes le Romain escriuent et le Grec.

Et comme Sainte Marthe escrit de raesme plume

Le Latin et François quand sa fureur l'allume,

De sorte qu'il egalle vn Dorât d'vne part,

Et de l'autre il seconde vn doux bruyant Ronsart :

Ainsi nostre Malherbe et Tirmois, l'éloquence

Et les vers balançants d'vne mesme cadence

Vn Ciceron Latin font deuenir Gaulois,

Et Phœbus tout Romain est comme tout François.

Le grand de l'Hospital a toute Ausonienne

En France ramené la troupe Aonienne,

Et Filleul a conduit à la Cour ces neuf Sœurs.

Dauid qui son Perron orne de leurs douceurs,

Possède à iuste droit leur éternelle gloire,

Comme elles filles sont, estant fils de Mémoire.

Berlaut, qui du Soleil a le cœur allumé

Chez luy mesme leur dresse vn seiour bien aimé.

Et qui taire pourroit la douce Polymnie

De ce diuin Vaillant, tirant la compagnie

De ces iumelles Sœurs hors de dessus leur mont,

Pour les faire habiter en son sacré Pimpont? ^

Et le sçauant Sueur, que Latin on compare,

Au peu, iusqu'à présent, imitable Pindare?

Et Passerat ayant trois langages diuers.

Qui, comme aux deux, au sien mesure ces beaus vers?

Et Chantecler profond, qui de Rome et d'Athènes

Fait bruire en ses dous vers les bouillantes fontenes?

Et qui pourroit cacher le rayon qui reluit

En l'Ascalle et Chreslien, que tous Phœbus conduit? Et cette Aurore ouurant au Soleil la barrière Sur le Tybre Romain, iaune de sa lumière? Et cet autre Apolon de Thou, qui tout diuin Va par les airs traçant le peu connu chemin Des Sacres et Faucons, où la Muse Romaine Atteindre ne peut cnc tant fust elle hautaine? Et quel Siècle d'ailleurs a receu si beau don Qu'en son Poète a fait l'isle de Caledon? De Baïf, Grec-latin, comme François la Muse Au combat des nouueaux ni les vieux ne refuse, Et Pasquier a montré par ses vers excelens Que Phœbus hante aussi les barreaus turbulens.

Mais qui met son esprit pour rendre plus connues Ces Langues qui nous sont pour estranges tenues, Et contenue la tienne, adultère il commet : Car son ioug délaissant sous l'estrange il se met ; Et tel est que celuy qui de tout meuble rare, Riche tapisserie et de beaus lambris pare Vn chasteau solitaire, écarté dans les bois, Où seulement il couche en deux ans vne fois, Pour estre loin du lieu. Son Palais, au contraire. Qu'il choisit en tout temps pour demeure ordinaire. Il délaisse sans meuble et sant nul parement : A soy mesme bien faire on doit premièrement.

Comme entre les banquets et les ioyeuses tables, Les chants mal accordez seront désagréables,

Et fâcheux le parfum, dont la forte senteur Trop aspre passera jusqu'à la puanteur (Car bien souuent encor aux festins on s'en passe ) : Ainsi la Poésie, amoindrissant sa grâce, ( Comme estant inuentée et faite seulement Pour donner du plaisir et du contentement ) Nous deplaist aussi tost qu'elle s'esleue ou baisse, Ou que bas trébucher du tout elle se laisse.

Qui lutter ne sçait point se garde de lutter. Et qui iouster ne sçait se garde de iouster. Ni de vouloir froisser, mal apris, vne lance ; Et qui ne sçait danser ne se trouue à la dance ; Et qui ne peut la balle au tripot bricoller, Passant son temps ailleurs se garde d'y aller, De peur qu'vn grand amas de personnes s'assemble Qui librement de luy se gaudiroient ensemble. Et toutefois celuy qui ne sçait l'Art des vers S'en veut pourtant mesler de tort et de trauers : Pourquoy non? dira-t-il. Moy qui suis gentil homme Et qui reçoy du Roy de pension grand'somme, Desia tenu Poète, à qui sa Maiesté Pour ses vers mainte fois a libérale esté. Qui de la chambre suis deuenu Secrétaire, Des vers à mon plaisir ne pourray-ie bien faire? Estant au bel estât des favoris couché. Et d'ailleurs n'estant point d'aucun vice entaché?

Ne di rien, ne fais rien en dépit de Minerue :

En cet Art ne veut point la Nature estre serue. Mais, amis, vous auez vn tel entendement Que vous pouuez en vous en faire iugement.

Si quelquefois encor, ô Françoise ieunesse, Quelque œuure vous voulez mettre dessus la presse, Il la vous faut soumettre au iugement exquis D'vn sçauant, qui tout ait ce qu'en l'Art est requis, Et la garder neuf ans dedans le coffre enclose ; Cependant, vous pourrez corriger mainte chose : La parole parlée on ne peut déparier, Et l'œuure mise hors ne se peut rappeler,

On raconte qu'Orphé, des grands Dieux interprète. Les humains qui viuoient d'vne façon infete De massacre et de sang, sceut bien desauuager, Et sous plus douces loix hors des bois les ranger : C'est pourquoy l'on disoit qu'il sçauoit bien conduire Les Tigres, les Lions, aux accords de sa Lyre : Et mesme qu'Amphion (le gentil bâtisseur Des nobles murs Thebains ) sceut par la grand'douceur De son Luth façonné d'vne creuse tortue Faire marcher des rocs, mainte roche abatue, Qu'il conduisoit au lieu que meilleur luy sembloit„ Et, les faisant ranger, en mur les assembloit.

Telle fut des premiers iadis la Sapience De sçauoir séparer, par prudente science, Le public du priué, du prophane le Saint, D'auoir par vn dous frein son appétit retraint

D'vn vague accouplement, d'auoir du mariage Ordonné les Saints droits, d'auoir trouué l'vsage De bas tir les Citez; — dans des tables de bois En grauant l'équité des droiturieres lois.

Voila comme s'aquist aux vers et aux Poètes Vn honneur, vn renom tel qu'à diuins Prophètes. Puis Homère et Tyrté mirent des vers au iour Qui, graues, détournants les hommes de l'amour, Les firent suiure Mars ; et par les vers, à l'heure, Des Oracles se fist la responce meilleure ; Et furent mis en vers les beaus enseignemens Pour maintenir la vie en tous gouuernemens ; Et par la Muse encor fut la grâce tentée Des Princes et des Rois, pour leur gloire chantée. Puis vinrent les derniers les ébats et les ieux, L'agréable repos de tous trauaux fâcheux.

Premier ainsi iadis nos Poètes Druides, Nos Samothes Gaulois, nos Bards, nos Sarromides, Policerent la Gaule; et leurs vers animez Rendoient après la mort les Princes plus aimez. Et mesme auparauant Dauid auoit choisie. Pour mieux célébrer Dieu, la sainte Poésie, Et tant peurent ses vers que sans pompeux arroy, Ce berger maiesteux de Poète fut Roy.

Ce que ie dis, afin que vous n'ayez point honte De faire d'Apolon et de la Muse conte. De l'Apolon surtout qui, diuin et sacré,

Desancrant de Delos en France s'est ancré. Portez donc en trophé les despouilles payennes Au sommet des clochers de vos citez Chrestiennes.

Si les Grecs, comme vous, Chrestiens, eussent escrit, Ils eussent les hauts faits chanté de lesus Christ. Doncques à les chanter ores ie vous inuite, Et tant que vous pourrez à despouiller l'Egipte, Et de Dieu les autels orner à qui mieux mieux De ses beaus parements et meubles précieux : Et des autheurs humains, comme l'vtile auette, Prenons ainsi des fleurs la manne et la fleurete, Pour confirmer de Dieu les auertissemens Contenus aux secrets de ses deux testamens.

Vous, Prélats, qui n'auez qu'à Dieu seul la pensée, A luy seul soit aussi vostre Muse addressee. Ainsi que ton du Val, Moulinet, chante nous Cette grandeur de Dieu, qu'on voit reluire en tous. Toy, Dangennes scauant qui bois en la fontaine De l'Hippocrene vraye, et de bouche Romaine Et Grégeoise et Françoise, épuises, ( bien disant), Le puis de vérité, dont tu vas arrosant De Noyon la contrée, — ouure nous ta poiclrine Que nous goûtions ici les fruits de ta doctrine. De Cessé, qui ne quiers les Lauriers flestrissants, Qui sur le mont menteur des Muses vont croissants, A ce recoin du Monde, au mont où Michel l'ange Tient ferme sous ses pieds cette chimère estrange.

Plante par les beaus vers de Dieu les estandarts Qui facent l'Océan trembler de toutes parts. Toy, race d'Espinay, qui de maison antique, Deuot, polices seul ton Eglise Armoriqiie, Apren les flots Bretons, selon le saint Hebrieu, A redire après toy les louanges de Dieu. Desportes, que ta Muse à Dieu toute tournée, Ne soit des vers d'amour désormais prophanée. Maintenant, fauori, ( puisque dans le cerueau Apolon t'a versé toute la céleste eau ), Arrouse, doux coulant, la Royale prairie De l'onde que iamais on ne verra tarie.

Hé ! quel plaisir seroit-ce à cette heure de voir Nos Poètes Chrestiens, les façons receuoir Du Tragique ancien? Et voir à nos misteres Les Payens asseruis sous les loix salutaires De nos Saints et Martyrs, et du vieux testament Voir vne tragédie extraite proprement ?

Et voir représenter aux festes de Village, Aux festes de la ville en quelque Escheuinage, Au Saint d'vne Parroisse, en quelque belle Nuit De Noël, où naissant vn beau Soleil reluit, Au lieu d'vne Andromède au rocher attachée, Et d'vn Perse qui l'a de ses fers relâchée, Vn Saint George venir bien armé, bien monté, La lance à son arrest, l'espee à son costé. Assaillir le Dragon, qui venoit effroyable

Goulûment deuorer la Pucelle agréable,

Que pour le bien commun on venoit d'amener?

0 belle Catastrophe ! on la voit retourner

Sauue auec tout le peuple ! Et quand moins on y pense

Le Diable estre vaincu de la simple innocence!

Ou voir vn Abraham, sa foy, l'Ange et son fils!

Voir loseph retrouué! les peuples deconfis

Par le Pasteur guerrier qui vainqueur d'vne fonde,

Montre de Dieu les faits admirables au monde!

C'est vn point débattu par argumens diuers, Si, de Nature ou d'Art, se compose vn beau vers, Et laquelle des deux plus on estime et prise En vers, ou la Nature ou la Science aquise : Quant à moy ie ne voy que l'Art ou le Sçauoir, Sans veine naturelle, ait beaucoup de pouuoir : Ni que sans la Science vne veine abondante Soit pour bien faire vn vers assez forte et puissante. Et tant bien l'vn à l'autre aide, sert et suuient, Et d'amiable accord s'vnit et s'entretient, Que si Nature et l'Art ne sont tous deux ensemble, Vn vers ne se fait point bien parfait, ce me semble.

Or celuy qui paruient enfin au haut sommet Où le but désiré de ce bel Art se met, Qui se fait remarquer par la belle couronne Du laurier verdoyant qui son chef enuironne, A porté des l'enfance vn monde de t'-auaux, Enduré chaud et froid et souffert mile maux,

N'a connu de Bacchus la liqueur honorée, Ni la belle Venus des autres adorée.

Qui sçait d'vn pouce expert à bien rauir les Dieux loindre au Luth la douceur d'vn vers mélodieux, En aprenant il a quelquefois craint son maistre, Et sceu premièrement cet Art aussi cognoistre : Auiourd'huy c'est assez de dire et se vanter Que sa Muse sçait bien de beaus vers enfanter : « Moy, ie fay bien vn vers, soit à l'Italienne, » Soit à le mesurer à la mode ancienne. » Si IMecœne viuoit, ainsi comme autrefois, » le serois à bon droit son Virgile françois. » La Pelade et le mal venu de Parthenope Puisse partout saisir cette vanteuse trope, Ces Poëtastres fouis, qui, pour scauoir rimer. Pensent comme bons vers leurs vers faire estimer. le n'ose de ma part ni confesser ni dire Qu'vn vers ie puisse bien fredonner sur la Lyre; Ains ie reconnoistray franchement désormais Que ie ne sçay cela que ie n'aprins iamais.

Comme vn crieur public à l'encan sçait attraire, Sous ombre de profit, la tourbe populaire, Pour luy faire acheter les meubles des deffuns ; Tout ainsi le Poète, au fumet des parfums De sa bonne cuisine et de sa grand'despence Chacun attire à luy, comme par recompense ; Et riche, par présents attrayant les flateurs,

Il orra de ses vers mile contes menteurs. S'il est homme qui tienne vne table friande, Donnant franche repue, on vient à sa viande; Et s'il sçait, libéral, et prester et piéger, Pour aider au besoin ceux qui sont en danger Ou de perdre vn procez ou de souffrir dommage, Ce seroit grand merueille en luy faisant hommage Qu'il les peust remarquer ou vrais ou faux amis : Se masquer le visage aux flateurs est permis.

Si doncques, riche et grand, tu desires de faire Plaisir à telles gens, tout franc et volontaire, Ne les prens pour iuger tes vers aucunement. Car esleuants leurs voix souriants faintement. Te diroient ; « 0 quel vers! ô quelle douce veine! » Comme Nature et l'Art tu scais ioindre sans peine 1 » Que ces vers sont bien faits ! » Et faussement rauis, Repaistront là dessus leurs esprits assouuis. Feront plouuoir encor dessus tels rudes carmes De leurs yeux façonnez quelques flateuses larmes; Ils dresseront au Ciel les yeux en t'admirant, Comme ceux que, iadis, on alloit requérant A gages, pour pleurer aux grandes funérailles, Qui, faignant lamenter du profond des entrailles, Disoient et faisoient plus par leur pleurer moqueur, Que ceux là qui pleuroient leurs amis de bon cœur. Ainsi le flateur faint, d'vn desguisé sourire, Plus que le vray loueur s'ébahit et s'admire.

Les grands, ainsi qu'on dit, font quelquefois tenter Vn homme par le vin, pour l'expérimenter, Le font boire d'autant, luy font faire grand'chere, Pour sçauoir s'il pourroit bien celer vue affaire : S'il est d'amitié digne ils veulent lors sçauoir; Par espreuue se peut vn mal aperceuoir. Aussi faisant des vers tu te dois donner garde D'vn esprit qui se masque, en sa façon mignarde, De la peau d'vn Renard. Auiourd'huy rarement On trouue des amis de libre iugement.

S'on recitoit des vers à Quinlil, dit Horace, II disoit : « Mon enfant, il faut que ie t'efface » Cet endroit, et cet autre, et corriger ceci. y. Tes vers n'ont point de sens, n'ont point de grâce ainsi. » Si lu luy confessois ne pouuoir mieux escrire, Ayant beaucoup de fois taché de les réduire, Lors il te les faisoit tout du long effacer, Et sçauoit de nouueau plus beaux les retracer; Te les' faisant remettre et tourner sur l'enclume, 11 les repolissoit des bons traits de sa plume.

Mais si mieux on aimoil défendre sa fureur Que de les r'agencer, corrigeant son erreur, Plus rien ne t'en disoit, estimant chose veine De perdre après tes vers son conseil et sa peine; Et seul te permettoit de priser sans riual, Comme aueugle en ton fait, toy, ta faute et ton mal.

L'homme bon et prudent, d'ame non violante,

Reprend des vers grossiers la rime mal coulante, Et les vers qui ne sont polis et relimez, D'vn trait de plume sont par luy deseslimez. Il retranche d'vn vers comme chose ocieuse L'ornement superflu, la pompe ambicieuse ; Il donne vne lumière au passage obscurci ; Il rend vn dire obscur beaucoup plus eclairci, Et ce qu'il faut changer, clair voyant il remarque, Prenant l'authorité que prenoit Aristarque; Et si ne dira point : « Pourquoy veux-je offenser » Mon ami pour si peu? » Ce peu peut radresser L'homme qui s'alloit perdre à la sente égarée, Qu'on voit estre sans fruict des hommes séparée. Car en ayant le faux pris pour la vérité, Moqué dans son ouurage il se fust dépité. ♦

Il est vne autre humeur d'hommes, qu'on dit Poètes, Inconstans et légers, comme des Giroëtes Qui vont vireuoltant, à tous vents, sur les tours. Ces gens malasseurez, par incertains détours, Veulent gaigner du Mont la cime double et haute. Ils ont la volonté; mais par la grand'defaute De la Lune (qui n'est forte comme Phœbus) Qui leur ceruelle occupe, en l'Art font mile abus. Ils font cent mile vers, où Megere préside. Qu'au lieu de Caliope ils prennent pour leur guide.

Le sage doit fuir ces hommes affolez, Autant comme on feroit les poures verolez,

Ou bien les furieux pleins d'erreur frénétique

Et pleins d'opinion deuote et fantastique.

Mais les petits enfans en tous lieux les suiuront.

Les garçons débauchez auec eux se riront,

Imitant toutefois les pitaux de Village

Qui suiuent vn chien foui tourmenté de la rage,

Quand l'vn, epoind du bruit de ses voisins prochains,

Prend en hâste vne fourche, et l'autre entre ses mains

Vn vouge bien trenchant s'asseurant de defence,

Si l'animal cruel leur veut faire vne offence.

On voit leurs vers escrits partout aux cabarets ; Farouches et gourmans, ils vont dans les foresls Apres vne débauche importuner les Muses, Meslant en leurs discours mile choses confuses. Ils seruent bien souuent aux Seigneurs de plaisants, Vanteurs, iniurieux, iureurs et médisants.

D'ailleurs les courtisans les incitent sans cesse A chanter leur amour de quelque grand' Princesse ; Et leur dernière fin c'est de mourir batus, Langoureux, verollez, déchirez, deuestus, Dedans vn hospital, si leur fureur subite Pour irriter quelqu'vn morts ne les précipite ; Et ne reste rien d'eux que, contre les parois, Les noms qu'ils egaloient aux noms des plus grands Bois.

Horace de son temps vouloit qu'en patience On laissast de ces fols l'indiscrète science : Et si quelqu'vn d'entre eux (tandis qu'il vomiroit

Mile vers que raui seul il admireroit, Ainsi que l'oiseleur, trop entenfif à prendre Les oiseaux à qui sots les filez il veut tendre), Tomboil dedans vn puis, ou dans vn creux profond, Bien qu'il criast d'embas longuement contremont : « Amis, secourez moy, mes voisins, ie vous prie, » Il dit qu'il ne faut pas à son secours aller, Ni pour le retirer la corde deualier.

Que sçait il si ce fol de fait apens luy mesme S'est point allé ietter en ce péril extresme. Et s'il veut glorieux qu'on l'aille secourir? Il conte, à ce propos, qu'ainsi vouloit mourir Vn Poète en Sicile : Empedocle, pour estre Estimé comme vn Dieu, qu'on a veu disparestre, Secret s'alla ietter dans Mongibel ardant. Qu'il soit loisible donc à ces fouis, cependant Qu'ils seront en humeur de mourir ou de viure. Ainsi comme ils voudront, pour Empedocle suiure. Qui sauue ces gens là, s'oposant à leur mort. Il s'opose à leur gloire et leur défend le port. Les gardant de passer l'onde non renageable : Ils tiennent ce bien là fâcheux et dommageable. Aussi bien d'autrefois d'vn esprit résolu, Ils voudront derechef cela qu'ils ont voulu. Désireux d'acquérir vne gloire nouuelle Par ce mourir fameux, qui les tient en ceruelle. Mais courtois de ces fouis il faut auoir pitié.

Les garder, secourir d'vne douce amitié, Et prier le grand Dieu que leur ame agitée Du Démon tourmenteux ne soit plus tourmentée. Comme vn Alambiqueur tire des minéraux L'esprit, la quintessence et vertu des métaux. Fait des eaux de parfum, des huiles salutaires, Et sçait bien allier maintes choses contraires : Tandis souuentefois de faux coin, faux alloy, Il frape monnoyeur sur la face du Roy : Tout ainsi maint Poète ayant à gorge pleine Beu de l'onde sacrée à la docte Neuuaine, Fera mile beaux vers : Mais souuent orgueilleux Il meslera des traits mutins et périlleux, Et souuent contre Dieu superbe il outrepasse Par folle opinion les loix du Saint-Parnasse; Et puis il dénient fol, car Dieu le veut punir D'auoir aux Saints Edits voulu contreuenir. Et deslors plein de gloire et de sotte vanlance, Il sera le vangeur de son outrecuidance ; Et si n'aparoist point pourquoy, si furieux, Il veut hausser au Ciel son vers ambitieux. Ni quelle est la raison de sa fureur si grande, Ni quel vice mutin sur son ame commande; Ou s'il a le tombeau de son père brouillé Ou si dedans son sang son sang il a souillé, Polu les saints autels, et que par pénitence Il luy fust de besoin de punir cette offence.

Il est pourtant tousiours incensé caqueteur, De ses vers à chacun importun reciteur, Comme l'Ours irrité ; si de sa caue il ose Défaire les barreaus, rompre la porte close, Loin il chasse tous ceux qui marchent deuant luy. L'ignorant et le docte, ainsi craignants l'ennuy, S'enfuiront autrepart. Si quelqu'vn il arreste, De ses vers iargonnant il luy rompra la teste : Car comme la Sangsue ayant trouué la chair, Il s'emplira de sang, auant que la lâcher.

La fureur de ces fols, l'erreur des Poëtastres Suiuis malencontreux de quintes, de desastres. Le decouure bien tost ; et se decouure aussi La passion de tous sous vn voile obscurci. Car chacun va tousiours où le plaisir le tire : L'vn souhaite Bacchus, l'autre Venus désire. Homère a tant souuent fait les Dieux banqueter Que d'aimer le bon vin des Grecs se fist noter. Car comme on vit iadis que le peintre Arelie Decouuroit par ses traits sa lasciue folie. En pourtrayant au vif, sous chacun sien pourtrail Celles dont il avoit desia senti le trait. Aux Temples ayant paint les Romaines déesses. Par leur face on connut aisément ses maislresses. Ainsi voit on souuent que beaucoup d'escriueurs Descouurent leurs désirs, descouurant leurs labeurs, Tant il est bien aisé de cotter la pensée

Qui leur ame relient aux vicea enlassee.

Or, Sire, vous offrant souuent de mes escris, Importun, ie craindrois de pécher mal apris Encontre le public : voyant que vos espaules Seules portent le fais des affaires des Gaules. Toutefois puis qu'il plaist à vostre Maiesté Que de moy fust escrit des vers quelque traité, M'ayant tant honoré que daigné m'en escrire : A vous, ô mon grand Roy, le Prince de bien dire Et de toute vertu, qui d'esprit excellent Retenez par douceur ce Siècle turbulent, le présente cet Art des Règles recherchées, Que sans art, la Nature aux hommes tient cachées : Non pour vous enseigner (bien qu'en mesmes raisons Horace ait autrefois enseigné les Pisons), Mais afin que la Gaule, ainsi que vous sçauante, De ses enseignemens à l'auenir se vante, Et que tous ces esprits qui de mots entassez D'vn ordre non suiui font des monceaus assez, Se réglant, ne soient plus à ces Singes semblables Qui, regardans bastir des maisons habitables, Tentèrent plusieurs fois, marmots et babouins. Le mesme, mais en vain, n'ayant pas les engins Propres à cet effet : et leur ménagerie Ne fut rien à la fin que toute Singerie.

le composay cet Art pour donner aux François, Quand vous. Sire, quittant le parler Polonnois,

Voulûtes reposant dessous le bel ombrage De vos Lauriers gaignez, polir vostre langage, Ouir parler des vers parmi le dous loisir De ces Cloestres deuots où vous prenez plaisir : Ayant auprès de vous, comme Auguste, vn Mecœne, loyeuse qui, sçauant, des Virgiles vous mené, Des Horaces, vn Vare, vn Desportes qui fait, Composant nettement, cet Art quasi parfait.

Depuis vn chant plus haut i'entrepri tout céleste, Alors que Mars, armé du dernier Manifeste, Me rabaissa la voix. le demeuray soudain, Comme dans la forest demeure vn petit Dain, Qui voit vn Ours cruel au pied d'vne descente, Ouurir les flans batans de sa mère innocente. Il fuit par la brossaille, il fuit de bois en bois; Timide et défiant, il pense à chaque fois Reuoir l'Ours qui sa mère et la France deuore : Depuis ce iour tout tel ie suis poureux encore.

le viuoy cependant au riuage Olenois, A Caen, où l'Océan vient tous les iours deux fois; Là moy, de Vauquelin, content en ma Prouince, Présidant, ie rendoy la lustice du Prince.