Cf.Hor., Ep. aux P

Des mots dous et Mants il ne faut point élire, 775

Ni ceux qui sont trop lours en faisant la Satyre,

Les communs sont les bons, dehors du rond compas

Du Tragicque, du tout ie ne sortiraypas:

Mais ie mettray tousiours vne grand'difference

Alors que Zani parle auec quelque aparence : 780

Ou Pite ayant Simon de son argent mouché :

Ou bien quand de Bacchus vn Sylene embouché,

le feray discourir. D'vne chose vulgaire

Et commune à chacun, mon vers ie pourray faire,

D'vne facilité si douce l'a traitant 785

Que chacun pensera pouuoir en faire autant :

De sorte qu'il dira que mes vers et la prose,

En discours familiers sont vne mesme chose,

Que chacun parle ainsi, qu'on ne craint le malheur

De voir friper ces vers pour leur peu de valeur : 790

Mais s'il vient pour en faire à l'enui de semblables,

Il verra qu'aisément ils ne sont imitables :

Tant bien l'ordre, le sens, et les vers se ioindront,

Et le langage bas et commun ils tiendront.

Et tant d'honneur aduient et de bonne fortune 795

775 sqq. Cf. Disc, sur la Satyre : « Mais la Satyre ne demande que la vérité simple et nue, et des paroles du cru du pays de ccluy qui escrit sans s'élever ni rabaisser trop en son propos. »