L'octroi, la permission

Je suis certain quil ont estimet et dit que suys ung fol de avoir laisset une sy bonne compaignie, laquelle est véritablement bonne ; mais ne me arestan t à leur dire, en ay prins une meilleure quy est la compaignie du Seigneur. Je scavoie bien che que le monde set* dire; et quant il aura tout dit, il ne nous donnera point le roiaulme des cieulx. Il ne fault point pourtant entendre que par ce je veuille condamner Testât de marchandise, non, car toutz etatz sont agréables à Dieu, moiennant que on s'y gouverne leallement2, ne cerchant point du tout son

proufïit, mais celui du prochain 3 Le Seigneur

m'avait donnet ung petit de bien pour moy entretenir honestement; ay esté incité à lestude de apprendre quelque chose pour plus facillement congnoistre quelle est la voulunte de notre Dieu. Je ne croy point que ce ait esté faict sans son appellement, car l'homme de sa nature est convoiteux et ne sçait laisser les gaignaiges, car il luy semblent trop doulx, par quoy, puisquil a pleust au Seigneur par sa grâce et bonté infinie d'appeler mon cousin, votre filz, à lestude, je désire qu'il soit ichy, congnoissant que son proulïit y est; je vous promets que, sil exerchoit encore la marchandise, je me garderoie bien d'en faire quelque parolles.

Je vous advisse que je faictz mon compte d'aller