CONTRAT DE MARIAGE DU DUC DE ROHAN ET DE MARGUERITE DE BÉTHUNE

(7 février 1605)

(Minutes de M" François, 1605, n" 47, neuf pages grand in-folio)

A tous ceulx qui ces présentes lettres verront Jacques d'Aulmont chevallier baron de Chappes, seigneur de Dun, Sepalteau et Corps, conseiller du roy nostre sire, gentilhomme ordinaire de sa chambre et garde de la prevosté de Paris, salut.

Scavoir faisons que par devant Fournier et Jehan François, notaires du roy nostre dict seigneur en son Chastellet de Paris, soubsignez,

Furent présents Treshault et très puissant seigneur Henry, duc de Rohan, pair de France, prince de Léon, Comte de Porhouët, Vicomte de Gié en Carentan, Baron de Fontenay, La Garnache, Beauvoir sur Mer, Seigneur de Blain, Croson, etc., estant ledit seigneur de présent en ceste ville de Paris, en son nom, d'une part ; - et Madamoiselle Marguerite de Bethune, fille de très hault et très puissant seigneur Messire Maximilian de Bethune, Marquis de Rosny, baron de Sully, sieur de Baugy, Conseiller du roy en ses conseils d'estat et privé, capitaine de cent hommes d'armes, gouverneur lieutenant général pour sa majesté en ses pays de hault et bas Poictou, Chastelleraudois et Loudunois, grand maistre et capitaine général de l'artillerie de France, surintendant des finances, grand voier de France, intendant des fortifiications et bastimens, gouverneur et cappitaine du chasteau de la Bastille de Paris, — et de très haulte et très puissante Madame Rachel de Cochefilet, son espouse, aussy en son nom d'aultre part ;

Lesquels volontairement et de leur bon grez recognoissent et confessent avoir soubz le bon plaisir du Boy nostredict présent ' seigneur et par leur advis, voulloir, conseil et consentement, sçavoir de la part dudict seigneur duc de Rohan de 1res haulte et très puissante dame Madame Catherine de Parthenay, dame de Rohan, de Soubise, Pauléon, Mouchamps etc., sa mère, veufve de feu très hault et très puissant Seigneur René, vicomte de Rohan, Prince de Léon, Comte de Porhouët, etc.

Et de la part de ladicte damoiselle Margueritte de Bethune, desdictz Seigneurs marquis de Rosny et dame son espouse ;