Mot ajouté en interligne

faict et accordé entre eux ce qui ensuict, c'est assavoir lesdicts seigneur duc de Rohan et damoiselle Margueritte de Bethune soubz le bon plaisir comme dict est du Roy et des consentements susdietz ont promis et promettent prendre l'ung l'aultre par nom et loy de mariage, et icelluy solempniser au plaisir de Dieu en face de son Eglise le plustost que faire se pourra, et seront ledict seigneur duc et sa future espouse commungs en tous biens meubles de ce jour de leurs espousailles, et aux acquests et conquests immeubles qui se feront pendant ledict mariage nonobstant touttes loix et coustumes a ce contraires, en faveur duquel mariage lesdietz seigneur marquis de Rosny et dame son espouse ont promis et promettent donner et bailler audict seigneur duc de Rohan pour ladicte future espouse leur fille par advancement d'hoirie le jour après que seront espousez lesdietz futurs espoux et espouse la somme de cent cinquante mil livres en deniers comptants d'une part, et la somme de trente mil livres d'aultre aussy en deniers comptants ou en meubles, habits, bagues et joiaux, jusques à la concurance de ladicte somme au choix et option dudict seigneur duc, au temps que ladicte damoiselle future espouse aura atteint l'aage pour demourer avec ledict seigneur duc son futur espoux, jusques auquel temps elle demourera avec lesdietz seigneur marquis de Rosny et dame son espouse ses père et mère, desquelles deux sommes cy dessus de cent cinquante mil livres d'une part et de trente mil livres d'aultre, revenant ensemble a la somme de cent quatre vingts mil livres en sera prins la somme de quarante mil livres qui entrera en la communaulté desdietz futurs espoux, et le surplus se montant la somme de cent quarante mil livres sera censé et repputté immeuble et le propre héritage de ladicte future espouse ; oultre ont lesdietz seigneur marquis de "Rosny et dame son espouse donné présentement audict seigneur de Rohan futur espoux en présent d'eux la somme de vingt mil livres * pour iceulx emplois et partie de la recoinpanse qu'il conviendra donner pour Testât et la charge de colonnel général des Suisses que Sa Majesté a permis de pouvoir recompenser, de laquelle somme ledict seigneur duc de Rohan se tient contant et en quitte lesditz seigneur marquis de Rosny et dame son espouse, laquelle somme ledict Seigneur duc de Rohan ou ses héritiers et ayans cause seront tenuz de restituer au cas que la dite future espouse predecedde sans enffans ledict seigneur duc son futur espoux, et touttefois au cas que ledit seigneur duc predecedde sadicte future espouse ses héritiers ne seront tenuz de rendre et restituer ladicte somme de vingt mil livres : sera ladicte somme de cent quatre vingtz mil livres emploiée en l'acquit des plus antiennes debtes de la maison dudict futur espoux et par le racquit desdictes debtes sera faict mention (pie ce sont des deniers de ladicte future espouse et sera subrogée aux

* En marije : Est ceste ligne explicpiée en fin de ce contrat.