MARIAGE DU DUC DE ROHAN
droict et ypoteques de creantiers ; — si quelque chose est légué ou donné à l'ung desdictz futurs espoux elle tiendra lieu de propre d'icelluy auquel elle aura esté donnée ou léguée ; le survivant desdictz futurs conjointz aura et prendra par preciput et hors part sur tous les biens meubles ou immeubles qui se trouveront lors du deceds de l'ung d'iceulx, asçavoir ledict seigneur duc futur espoux ses habitz armes et chevaulx et ladicte future espouse ses habitz bagues, joiaux, litières et carrosses, jusques a la concurance de vingt mil livres, ou pour iceux ladite somme de vingt mil livres a leur choix et option, sera au choix de ladicte future espouse d'accepter la communaulte de biens ou d'y renoncer, et en cas de renonciation les héritiers dudict futur espoux luy rendront ladicte somme de cent quatre vingt mil livres qui sera prinse sur tous les biens meubles ou immeubles de la maison dudict Seigneur duc en oultre de ses bagues et joiaux carrosses et litières ou ladicte somme de vingt mil livres cy dessus specifliée, et ce qui luy sera advenu par succession donnation ou aultrement avec son douaire cy après déclaré. Le tout franc et quitte de touttes charges debtes et hypoteques quelconques encorres que ladicte future espouse y eust parlé et se fust expressément obligée et eust renoncé aux droiçts faicts et introduits en faveur des femmes, desquelles debtes et ypoteques elle sera acquittée par lesdictz héritiers et moiennant ce ledict seigneur duc futur espoux a doué et doue ladicte damoiselle sa future espouse de la somme de dix mil livres tournois de rente par chascun an, de douaire preflx, de laquelle luy sera faict assiette de proche en proche, sur les héritages dudict seigneur duc futur espoux jusques a la concurance de ladicte somme, pour en jouir pour son droict de douaire sa vie durant, avec une maison ou chasteau, le tout au choix et option de ladicte damoiselle future espouse, fors et excepté la terre et chasteau de Blain qui ne laissera neantmoins d'estre subjecte de la garantie dudict douaire ; sans que le chasteau et preclosture de la terre et seigneurie sur laquelle elle prendra sondict douaire et manoir puissent estre comprins et estimez au recours du dict douaire, sera touteffois à l'option de ladicte future espouse de prendre le douaire coustumier suyvant les uz et coustumes des lieux où les biens de la maison tant paternels ou maternels sont sortis et assis et qui peulvent ou pourront cy après appartenir audict seigneur duc futur espoux, lequel douaire aura lieu du jour du decedz dudict futur espoux sans que ladicte future espouse soit tenue en faire aulcune action ny demande en justice ny ailleurs.
Car ainsy a le tout esté dict convenu et accordé entre lesdictes parties en passant ces présentes, nonobstant touttes coustumes lois ordonnances et aultres choses a ce contraires auxquelles icelles parties ont desrogé et renoncé desrogent et renoncent par ces présentes pour ce regard. Promettent oultre les dittes parties respectivement
par la foy et serment de leurs corps baillés et jurés es mains du roy nostre dict seigneur ces présentes et tout le contenu en icelles avoir pour agréable tenir ferme et stable et tousjours sauver sous peine de tous despens dommaiges et intérêts pour l'une et l'aultre, et faulte d'entretenement de ce que dict est en iceulx pourchassant et requérant soubs l'obligation et ypoteque de tous et chascuns leurdictz biens meubles et immeubles presens et advenu, quelles choses en droit soit en ont submis et sumettent pouvoir du tout à la justice juridiction et contrainte de ladicte prevosté de Paris et a touttes aultres justices courtz souveraines et juridictions quelconques ou sceues ou trouveez seront et renonceront ce faisant d'une part et d'aultre en toutes choses quelconques a ce contraires et au droit disant générale renonciation non valloir.
En tesmoing de ce nous avons faict et passé en l'hostel de Marcerie [?] sis à Paris rue des bons enfTans près la rue Sainct Honoré après midy l'an mil six cens cinq le lundi septiesme jour de febvrier.
* De laquelle somme de vingt mil livres comme les deux sommes advant speciffiées l'une de trente mil livres et l'autre de cent cinquante mil livres revenant ensemble à la somme de deux cens mil livres tournois i.
[signé :]
