Moustiers-Sainte-Marie (Basses-Alpes

Paraphé ne varietur à la requeste de Gaspar de l'Eglise, sieur de Mellan, demeurant à Riez en Provence, de présent estant en ceste ville de Paris, par Jehan François notaire du roy nostre sire en son Chastelet de Paris en présence de Claude Perlin et de François le Breton praticien à Paris et y demeurant, et de noble homme maistre François Peha, docteur en médecine demeurant à Paris rue de la Monnoye paroisse S. Germain l'Auxerrois, lequel a dit et déclaré, juré et affirmé en son âme pardevant ledit notaire et témoins que ledit sieur de la Faye, pasteur de l'Eglise reformée de ceste ville de Paris faisant son exercice à Ablon, nommé de l'aultre part, a signé en sa présence le certifficat de l'autre part au nom de tout le consistoire de ladite Eglise, et en oultre a déclarré attendu que en ladite Eglise abondent une infinité d'estrangers qui ne sont congnus des anciens d'icelle et sont la pluspart de gens d'estat et vu que la signature des anciens ne pourroit estre congneue par tout le royaume comme celle des pasteurs, personnages callifiés et partout recongneu, l'on a point de coustume de faire signer tels certificats auxdits anciens mais auxdits pasteurs seuls.

F. Penna Cl. Perlin Le Breton

François, notaire Du samedi 8e octobre l'an 1G05 en l'estude dudict François après midy.

Aujourdhuy pardevant Jehan François notaire du Roy nostre sire en son Chastelet de Paris et des tesmoins cy après nommés est comparu noble homme François de Loberan, sieur de Montigny et d'Ablon, ministre de l'Eglise de Paris ayant son exercice audit Ablon sur Seine, demeurant à Paris, lequel a déclairé recognu et confessé avoir escrit et signé le certiflicat escrit de l'autre part, et aussy sçait que Anthoine de la Faye, escuyer, aussy ministre de ladite Eglise de Paris, a signé pareil certifficat datte du 22e septembre d', présentement exhibé audict sieur de Montigny, presens lesditz notaire et tesmoins, par noble homme Gaspar de l'Eglise sieur de Mellan demeurant en la ville de Riez en Provence, de présent estant en ceste ville de Paris, pour le présent paraphé par lesditz notaire et témoins à sa requeste ne varietur ce jourdhuy. Lequel certifficat ledict sieur de Montigny a affirmé contenir vérité. Dont ledit sieur de Mellan a requis et demandé acte auxditz notaire et tesmoings a luy octroyer pour luy servir et valloir en temps et lieu ce que de raison. Faict en l'estude dudict François notaire, presens Claude Perlin et François Le Breton praticien à Paris, le 8' jour d'octobre après midy l'an mil six cens cinq.

François, de Lobéran Le Breton