EXTRAITS DE LA COMPLAINTE DES BONS FRANÇAIS
Cy parle cornent le Roy d'Angleterre est venu en France par trayson et violence es pais Normendie ( f" 47-48 v®).
Les graines du champ sont pascues
Appartenans au cerf valant (le Dauphin) ,
A rudes bestes deffendues
QuMlz ne les voisent défoulant :
Et que par leur cruel morsure
Les fleurs qui sont nobles et tendres
Ne facent mourir de mort sure
Autant les greignieurs que les mendres i
Touttefois des ravissants feres
Toute la generacion
S*est eslevee puis nagueres
En grant multiplicacion :
Voulant de tous poins extirper
Les lis, celestiel semence,
Du champ Francoiz noble sans per
Que donna Dieu par sa clémence :
Generacion estrangiere
Sans raison s'esmeut a outrance,
Pour destruire, com losengiere (trompeuse),
Cil noble champ fleury de France,
De laquele Tasne raie (Henry V)
Est meneur com mortel tirant
O son horrible ost effraie
DAngleterre en France tirant (venant) :
Gellui vieil ennemi sauvages,
Meu en fureur toute sa vie,
A passé de mer les rivages
O grant quantité de navie :
Nereis, de mer la déesse.
Lui a donné toile tissue
Pour vent avoir plain de leesce (liesse) ,
(1) La ContpUinete des bons François, k la suite du Comptanetus bonorum Gallorum de Robert Blonde!; lit. de la Bib. impir., Latin, 13839. En tète du manuscrit, une vignette représente M* Robinet, Tauteur ou plutôt le traducteur de la Com;»/atn<«, offrant son livre au dauphin Charles.
Qui si tost lui bailla issue :
De son deslr a tost jouy,
Car gaignié a villes et champs
Des NormaDs, dont nul esjouy
N'est, si non fol traistre et meschuus :
Cellui tirant de Dieu hais
A mains Normans occiz et mors
Et captivé tout leur pais
De jougx que pas n'avoient amors :
Les uns d'eulx sont ei cepz boutez ,
A aucuns en fors liens tenuz,
Et les aultres, point n'en doubtez,
Par tourmens a la mort yenuz :
Les uns d*eulx ont Tame rendue
Qui demourerent demy vifs ;
Aucuns par glaive ont yie perdue
Et les aultres si sont fuitifz :
Lesquelz n'ont tenu champ ne voie
Ne chemin pour eulz enfuyr ,
Car vraie amour si les avoie
A leur droit seigneur ensuyr ;
Qui est cellui qui tel laidure
Verroit, et n'en aroit pitié ;
A peine cuers de pierre dure
Seroient de plorer respitié.
Cy parle des maulx que fait le Roy anglais en France et corne il n*est si dure chose corne destre fuitif [î^* !x% v®— 49 v"),
Quele chose est tant dure comme De perdre son propre pais De qui Tamour plus doulce à homme Est que rien, s'il n'est fol nais (né) :
O naturele amour non Êiincte, Qui d'or fin est plus précieuse , Tu ne pourroies pas estre extaincte Tant pares vive et gracieuse :
L'ardeur d'amour qui les cuers art De toz fuitifs en mainte guise Les feist retourner celle part.
Se refuses en ta franchise :
Grans fossez et murs batailliez N'ont gueres gardé mainte ville Et mains chasteaux d'estre bailliez A peu de gent tant orde et vile :
Des despoUles de Normendie Est la cruel tourbe canine Enrichie, dont maint mendie Que pourvoit la grâce divine :
L'asne raie dessuz nommé , Qui plus est cruel moult de fois QuMl n'est encore renommé, Ravit les lys ou champs françois :
Il destruit défoule et depile Les haulx lieux de la fleur amenés Et en son ventre les empile A compaignie de ses advenes :
Ycellui grief mortel pechierre , Froissant les os des poures gens, Furieux et sang léchierre , Les François estrangle à se^ dents :
Il conculque le bien publique Dont le peuple afl^mez estuet (sic)^ A qui France trop poy s'applique Secourir. Car elle ne puet :
Pour un aultre ennemy horrible Aussi mortel ou plus forment Qui ne lui est pas moins nuisible, Ains lui livre pareil tounnenL
Cornent le Hoy angloiz a subjugué Normendie laquelle na poinct eu de secours et cornent ceulx du pais ayment les fleurs de lys (t°* 69 v* — 70 r*).
Helas la fere léopartie
A destruit de France la lee
La plus grâce et riche partie
Qui Normendie est appelée :
Sus le pais a son croq gecté.
Rendant tous biens en habundance ,
Et en a le Roy degecté
Dehors par son oultrecuidance :
Il a perturbé les rivières
Et les fontaines estouppées ,
Ja sont trois ans que les bannières
Des Normans sont par lui couppées :
Ausquelz soustenans ses estours
N*est home à Tayde couru ,
Par grans chemins ne par destours
Qui de rien leur ait secouru :
Onques chevalier au léopart
N'a retrencbié ses cruelz mors, En secourant à celle part, Ou trop a lessié de gens mors :
Cellui pais moult se complaint Dont au leopart est suffragant.
Car Tardeur d*amour leur remaint Du Dalphin fleur de lys flagrant :
Et moult sont enclins par foveur Au roy de France son bon père.
Dont tousiours la douice saveur Fait dedans leurs cuers son repère.
