marc d'or offri en besans
Après lui fu la route grans
De ciaus qui por s'amor offrirent.
Aine puis tôt cil ki celi virent [f. 3)
Ne virent mais si faite offrande :
240 Contrais ne povres n'en demande,
Ne mahaigniés nus qui n'en ait.
Li quens en donna entresait,
Ançois qu'il issist du moustier,
A cens qui 'n avoient mestier, 245 Mien escient, plus de .x. livres,
Ce nos tesmoigne ci cis livres.
Et quant li services fu lis
Et ses bordons fu beneïs,
S'eskerpe et les autres ensamble, 25o Puis sont aie trestot ensamble,
Si com partirent de la messe.
En chapitre a l'abeesse
Por prendre congié et as dames.
Por Dieu lor pri[e] et por lor âmes 255 Qu'en lor orisons lor souviegne
De prier ke Diex les maintiengne.
Lors les reçoivent el bienfait
De la maison. Quant ce fut fait.
Il a donné a l'abeie, 260 A son vivant et puis sa vie,
Ne sai .xx. mars d'argent ou .xxx.
A^cascun an de boine rente ;
Puis prent congié ; celés remainent
Ki por s'amor grant dolor mainent, 265 Et il est venus a ses gens.
Il en trova plus de .v. c.
Gisans en la voie pasmés.
« Las ! » fait cascuns, « maleiirés ! (f. 3 b)
« Com perdons hui boin signorage!
270 « Moût reçoit hui pesant damage
« Geste contrée et cil qui l'aiment! »
De la dolor que il demainent
Est pris au conte grans pitiés.
Gonment peust il estre liés 275 Qui voit cest duel et cest martyre ?
A l'arcevesque prist a dire :
« Ma terre et ceste gent vos lais ;
« Ne sai si je revenrai mais.
« Por Dieu, que que de moi aviengne, 280 « Sire frans hom, si vos souviengne
« Et de la terre et d'aus garder,
« Gar je nés puis plus esgarder. »
Puis a son cheval demandé,
Et cil cui il Pot conmandé 285 Isnelement cort, si l'amaine.
En amenant grant duel demaine;
Si compaignon mandent les lor
Et li baron. Diex ! quel dolor!
Et que que il se départissent, 290 Gil cheval, cil roncin bénissent
Dont ces rues erent si plaines
G'on i pooit torner a paines.
Tuit sont venu ançois k'il mont ;
Il est cheiis tous en .j. mont 295 Pasmés devant son palefroi.
Lors en furent en grant effroi
292 Ms, C'on n'i.
10 LESCOUFLE
Et l'arcevesque et li baron.
« Ahi ! » font il, « cuers de lyon, [f- 3 c)
« Com vos prueve bone aventure !
3oo « Moût ont fait bone norreture
« Vostre home en vos ques amés tant. »
Quant fu revenus, en estant
L'ont levé par bras et par mains.
Li quens nés amoit mie mains 3o5 Qu'il faisoi[en]t lui par samblant.
Sor .j. cheval tondu, ferrant
Estoit sa sele et ses harnès,
Si bons et si biax et si frès
Com a tel pèlerin convient.
3 1 o Cascuns et cascune a lui vient
Por congié prendre, et il les baise.
Les dames ne sont pas a aise,
Ançois plorent et font grant duel.
Il eiist ja erré son voel 3i5 Une grant liue u .ij. u plus;
Quant li quens voit qu'il n'i a plus
Que del monter, il dist qu'il monte.
Au départir ot grant démonte.
Quant il lor dist : « A Deu, a Deu ! » 320 Li quens de Garanne et cil d'Eu
Se sont pasmé sor lor destriers;
Se il ne fuissent as estriers
Afichié, chascuns fust cheus :
Aine mais tex deus ne fu veiis.
Moût fait bien qui se fait amer :
Quant ses gens l'en virent aler, « A Deu, a Deu! » font il, « biau sire. » Il ne lor puet .j. sol mot dire, (/. 3 d)
Que dolors le destraint et serre.
33o Li quens d'Eu le prist par le resne De son frain, si l'en a parti.
L ESCOUFLE ï I
A grant dolor sont départi
Les gens a pié qui les remainent,
Et cil qui en la vile mainent 335 S'en vont plorant a lor ostex.
A cheval en rot tant de tex
Ki lui et les autres convoient
Et si plorent, quant il le voient,
K'a poi que li cuer ne lor partent;
Et dist li quens qu'il se départent,
Car il voit bien et se li samble
Que tant comme il soient ensamble
Ne faudront cist cri ne cist plor.
Lors peiist [on] veoir dolour 345 La ou l'arcevesques le saingne
Et lui et sa bêle compaigne.
Il les baise, puis les commande
A Dieu qui d'anui les deffande.
Lores s'en vont li pèlerin, Chascuns porte bordon fraisnin;
Plorant se metent en l'estrée;
Li autre vont en lor contrée,
Chascuns en la soie demaine.
Départi sont a moût grant paine, 355 Et li quens s'en va o sa gent.
Assés emporte or et argent,
Robes, deniers et dras de soie.
Ne sai por coi en paine soie {/. 4)
De conter toute[s] lor jornées :
36o Tant ont levé as ajornées
Et chevauchié lor droite route
Que il et sa maisnie toute
Sont ja venu dusqu'a Mongiu :
Au passer n'ot ne ris ne giu.
365 Quant il sont outre, [en] Lombardie,
Ne sai por coi vos conte et die
12 I. ESCOUFLE
Des ostex ne de la viande,
Que chascuns a ce qu'il demande
Et a souhait et a devis.
370 Tant oirre qu'il vint a Brandis ;
Envoie avant por prendre ostel :
Aine puis nus haus hom ne prist tel.
Quant il sont pris, li quens descent;
A Testrier Pen vont plus de cent.
375 Atant es vos la fille l'oste
Ki son bordon du col li oste,
Une pucele bêle et sage,
Si l'enmaine amont en l'estage.
Herbergié furent celé nuit :
38o Grant joie i ot et grant déduit
Tant c'on parla d'aler as lis.
Li quens, qui sor tous fu ellis,
Ne dormi gaires l'endemain,
Ains fist ses gens lever moût main.
385 Et cil qui[l] dévoient amer
S'en sont aie al port, sor mer.
Louer les nés et les vaissaus
Ou il et ses avoirs soit saus. [f. 4 h)
Quant il orent lor nés louées 390 Et chargies et aleuées
De viandes et de bescuis,
D'iave douce et de vins cuis
Et de quanqu'il convient por vivre,
Quant il sont a l'oste délivre, 395 II font crier que chascuns port
Ses dras et son harnas au port.
Vienent as nés ; entré i sont
Li quens et cil qui o lui sont
Venu en cel pèlerinage.
400 Les nés eskipent del rivage
En haute mer, puis si s'en vont.
Gel jor bon oré et vent ont.
En son le mast lievent les voiles,
Siglent et courent as estoiles.
4o5 Ne font pas sor mer lonc sejor :
Tant ont erré et nuit et jor
K' el haveiie d'Acre sont entré.
Li quens issi premiers del tré ;
Après s'en issent du rivage 410 Si compaignon, et li message
S'en sont aie les ostex prendre,
Qu'en eus n'ot nule riens qu'aprendre ;
Tex les ont pris come eus convient.
Li quens o ses compaignons vient 41 5 Ensamble a pié jusqu'à Tostel ;
Pieça qu'il n'entra mais en tel.
Herbergié sont la nuit a aise,
Il n'est riens qui a nul d'eus plaise, {/. 4 c)
Poissons ne bons vins ne viande, 420 K'il ne l'ait lues qu'il le demande.
Après souper li quens se couche ;
Si compaignon se sont en couche
Gouchié devant lui par la sale
Sor linceus ki ne sont pas sale.
[425 T i quens ki moût fu desirans,
