DU FRÈRE ODERIC DE FRIOUL

Cy commence le chemin de la pérégrination et du voyaige que fist un bon homme de l'Ordre des frères meneurs, nommé frères Odric de Fore Julii, né de une terre que on appelle port de Venise, qui par le commant du Pappe ala oultre mer pour preschier aux mescréans la foy de Dieu. — Etsont en ce livre contenu les merveilles que lidis frères vit présentement et aussy de pluseurs aultres, lesquelles il oy compter en ces parties dessus dittes de gens disgnes de foy. Mais celles qu'il oy racompter et qu’il ne vit point, ne racompte il point pour vérité fors par oïr dire ; et le sonne en son langaige quant à ce vient. Et fu ce livre fait en latin par ce frère devant nommé, en l’an de grace mil. CCC. XXX. parfais le XIIII° jour de janvier. Et fu cilz livres translatez de latin en françois par frère Jean le

Lonc, dit et né d'Yppre, moisne de Saint-Bertin en Saint- Aumer. En l'an de grace m. CCC. LI.

Comment que on racompte pluseurs choses des condicions ct de l’estat de ce monde, si ne veuil-je en ce livre mettre chose pour vérité, fors-ce que je ay veu. Et se je y mes aucusne chose que j’aye oy raconter par gens dignes de foi, et nez du pays dont on dist ces merveilles, sy serace pou, et les mettray comme par oy dire, et les tesmongneray comme de oïe seullement. Comme je frère Odric de Fore Jully aie esté oultre mer ès parties et pays des mescréans par le commandement du Saint Père le Pappe pour faire aucun fruit et gaingnier à Dieu N. Seigneur aucunes ames, osé-je dire que je y vi moult grandes merveilles, lesquelles je veuil vrayement racompter.

Premièrement quant je fuz passez la mer, je m'en alay à la terre de Trapesonde, qui jadis fu appellé la royaume de Ponte. Ceste terre est très-bien assise; car c'est le port de Persie et de Médie, ct de toutes ces terres de Orient là environ. En ceste terre vy-je une chose qui moult me plust. Jey vi un homme qui avec lui menoit plus de trois mille perdris. Ly homs ala par terre et les perdris le suivoient volant en l'air. Ces perdris vy-je de costé un chastel qui eust nom Zanega et est à trois journées près de Trapezonde. Ces perdris furent de ceste condicion, que quant le homme se vouloit reposer et dormir elles se entropeloient entour l'omme, comme poucins entour une geline. Et quant l'omme s’en aloit, les perdris le suivoient volant en l'air. Et ainsi les mena cilz homs jusquez en Trapesonde, au palays de l'empereur, dont en prendoit ly l’emperères tant comme

il lui plaisoit, et li homs ramena le demourant là ou il les avoit prises. En ceste cité de Trapesonde est le corps de Saint Anastasius, qui fist le Quicunque vult salvus esse. Et delà m'en tournay en Arménie la grant, qui a nom Artiron. Ceste cité est moult bonne et riche, et seroit encore plus, si ne feusseut Tartre et Sarrazin qui la ont destruite : car on y treuve encore pain ct char, et tous autres vivres en trésgrant habondance, fors de vin et de fruis. Ceste cité est moult froide ; car les gens dient qu’elle scietau plus hault terroir qui soit aujourduy habité. En ceste cité a moult bonnes eaues, et est la cause: car cestes eaues sortent du fleuve de Eufrates qui cuert à une journée près de ceste citéà my voye de Trapezonde et la cité de Thoris. De ceste cité m'en alay jusques à une montaigne qui a nom Sabissa €olloasseis. Près de là est le mont Harach sur lequel est l'arche Noé. Moult voulentiers eusse monté en ceste montaigne, se ma compaignie me eust voulu atendre, non pourquant nous dirent les gens de ce pays que onques nulz n'y pot monter; car il semble que il ne plaise mie à Dieu, comme dient les gens de ce pays.

De la cité de Thoris.

De celle contrée m'en alai à Thoris la grant cité royal qui jadis ot nom Faxis. En ceste cité, comme on dist, est le sec arbre en une église ou temple des Sarrazins. Ceste cité est la meilleure qui soit ou monde; je vous dis pour marchandise, car il neest de vivres, ne de quelconques marchandise du monde de quoy on ne truist en très grant habondance que

LÀ

à paine le pourroiton croire qui ne l'eust veu. Ceste cité cst très bien assise, car tous li monde lui respond de marchandise, c'estadire que elle siet bien comme pour venir toutes marchandises du monde et de toutes parties en celle cité marchander. Et dient les christiens du pays que ceste cité vault plus à son empereur que au roy de France ne vault tout ses royaumes. D'en costé ceste cité, est une montaigne de sel qui assez de sel a ct a très grant habondance aministré à toute la cité. De ce sel prent chascun tant comme il veult sans riens paier. En ceste cité a moult descrestiens de toutes nacions. Mais li sarrazin en ont du tout la seigneurie. Moult de autres choses a en ceste cité qui trop seroient lon-

gues à racompter.

De Somdoma la cité, autres nomment Sostoma.

De ceste cité de Thoris me party et vins l'espace de dix journées à une cité qui a nom Somdoma. En ceste cité demeure l’empereur de Persie en esté, et en yver demeure en une contrée qui est sur une mer qui est appellée la mer du Bascon. Ceste ‘cité Somdoma est moult grande et moult froyde, et si y a moult bonnes eaues, et si y viennent moult degrosses marchandises. Ce n’est my Somdoma une des V. citez sur lesquelles Dieux fist plouvoir feu et souffre, en vengence de péchié contre nature qui regnoit en eulx, comme dit la Sainte Escripture. Car ces V. villes furent jadis en la Terre Sainte, terrede promission. En ce lieu qui estorela mer morte. Et ceste Somdoma dont nous

parlons si siet ens ou royaume de Persie.

en —— ——————

De la cite de Cassan.

De ceste cité m'en alay vers la grant Inde par mer. Si vins par maintes Journées à une cité des trois roys qui firent offrande à Jhésucrist nouvel né. Et appelle on ceste cité Cassan, cité royal de grant honneur, mais Tartre l'ont moult destruitte. De ceste cité de Cassan jusques en Jhérusalem a plus de cinquante journées, dont on puet clèrement appercevoir que Îy trois roy qui de ceste cité de Cassan furent en. XIII. jours amené en Jhérusalem par vertu divine et non humaine. En ceste cité a moult grant habondance de tous biens, de pain, de vin et de toutes autres cho-

SCS.

De la cité de Geth, autre dient Gest.

« De là venismes à la cité de Geth qui est à une journée prés de la mer sablonneuse. La mer sablonneuse est une moult merveilleuse et moult périlleuse. En ceste cité à moult grant habondance de tous biens. Et espécialment de figues. Là treuve’ on les roysins tous vers et meurs et séches plus que en nulle partie du monde. Et ce est la meilleure cité que 1y emperères ait en tout son royaume. De ceste cité dient les Sarrazins que nulz crestiens n'y puet

vivre.

De la cite de Conan.

Quant de ceste cité me party je passay maintes terres et citez. Sy vins à une cité qui a nom Conan qui fu jadis

très grante cité, ct porta jadis très grant dommaige aux Rommains. Les murs de celle cité ont bien cinquante milles de tours. En celle cité a plusicurs palays, encorc a champs : mais nulz ny demeure. Elle habonde de tous vivres.

De Hus la cité Jop.

De Conan passay maintes terres, si vins cn Hus, le pays qui fut Jop. Là on treuve de tous vivres grant habondance. En ce pays, a montaignes, pleinierres de pasturaiges pour les bestes. Là treuve on Île manne meilleur et en plus grant habondance que en nulle partie du monde. En celle cité, a on quatre perdris pour moins d’un gros. Ceste terre respont à chicf de Caldéc vers la trémontaine.

De Caldee.

De là vinsen Caldée qui est uns grans royaumes. Sy passay par la terre de Babel, qui est à quatre journées présde Caldée. En ceste Caldée ont leur propre langaige des gens du pays. Les hommes y sont beaux et les femmes laides. Lä vont les hommes aournez ainsi que cy vont nos femmes ct portent sur leurs chicfs d’or clos et chappeaux de perles. Les femmes ne portent fors une meschant povre cotelette pendant jusques aux genoulx, etles manches si larges que ciles viennent jusques à terre.

Ces femmes vont deschaussez et portent jusques à terre pendant forabules en caldien sont brayes en francoys. Elles ne portent point de treches, mais vont eschevellées. Ainsy

que cy les vallés vont devant leursdames. Ainsy vont là les femmes devant leurs hommes. Pluseurs aultres choses y vy que point ne racompie.

De la haulte Indie et d'une cité qui a nom Orencs.

De Caldée venismes en [nde la maiour qui est non isle, mais franche terre moult destruite par les Tartres. En ceste Inde, sont gens qui ne mengoient communément que dattes, desquelles on a 1à. Xlii. livres pour moins de un gros, ct ainsi de pluseurs autres choses. De Inde entrames en Ja mer occéane. La première terre que nous trouvasmes avoit nom Orènes, et est toute enclose de murs et moult y a de grans et grosses marchandises. En ce pays, fait si trèsgrant chault que les tesmoins des hommes leur issent du corps et leur pendent dessoubs jusques aux genoulx ou jusques en my jambe. Et se il veulent vivre, il convient que il se oingnent d’une manière defroit oingnement fait à ce ou autrement ils mourroient. Et quant ils sont oingt de cest oingnement, ilz mettent leurs tesmoings en sacettes propres à ce et les sourlièvent et loient en sachés à leurs rains. En ce pays de Orènes, ont ilz une manière de nefs que ilz nomment iasse, et s'en sont les ais Joins ensamble par une manière de englui sans nul fer. Je entray en une: mais je n'y pos point trouver de fer. En celle iasse je m'en alay. XXVIII. journées jusques en un pays qui a nom Cana. C'est un pays très bien assis. Si y treuve on grant plante de vivres et a bon marché. La cité a nom Cana comme Je pays, ct fut jadis moult grant;

car ce fu ce port du roy Poru d'Inde, qui se combaty au roy Alixandre. Les gens de ce pays sont tous idolastres, car ils aourent le feu, les serpens et les arbres. Ce pays est gouverné de Sarrazins qui le prirent par force d'armes. En ce pays a moult de manières diverses de bestes sauvaiges, espécialment grans lyons en grant quantité, singes mémonez, et les souris y sont aussi grandes comme sont chiens en ce pays, sy que ly chien y prendent les souris, car les chas n'y feroient œuvre, ne vaudroient riens à ce. En ceste contrée treuve on pluseurs autres manières de merveilles qui assez seroient belles à oïr. En ce pays furent martiriet. [III. frères meneurs pour la foy Jhésucrist. C'est assavoir frère Thomas de Dolentin, né de Marchetronisme, frère Jacques de Pade, frère Pierre de Seins, et frère Demetrius qui fulais, mais il estoit leurs entrepretéres, car il savoit bien les langaiges. Cilz frères estoient alé vers les parties d'Orient pour prescher la foy. Si entrèrent en une nef pour aller vers une cité quia nom Polubum, mais tempestes les mena maugré eulx, Jusques à celle terre de Cana, en laquelle a quinze manières de Crestiens mescréans et scismas et tous nestorins. Cilz frères furent hostellé en la maison de ces nestorins, une vesperée. Cilz hostes batit moult felonnessement sa femme sy que elle se plainst à leur cady, c'estàdire leur évesque, et dist la femme que elle prouverait bien ce que elle avoit proposé par quatre rabain franc, c’estädire par quatre religieux hommes qui lors estoient en sa maison, quant son mary la baty. À ceste plainte estoit d’en costé l'évesque, un alixandrin qui pria à l'évesque que on envoiast querre ces rabins franc. Car ilz

estoient homme de grant science bien sachans les Escriptures et dist que l’on feroit disputer à eulx de la foy. Et les manda le cady et vindrent au mandement du cady les trois. Car frère Pierre de Seins demoura à l'ostel pour leurs choses garder. Quant devant l’évesque furent venus, on commença la disputacion, et maintenant ces nestorins que Crist estoit pur homme et non Dieu. Mais frère Thomas susdis leur prouva et monstra si vivement et par raisons et par exemples, la vérité de la foy que Crist fu vrais dieux et vrais homs, que ces mescréans ne saroient que dire au contraire. Quant cilz cady se vit ainsi de ces frères vaincu et convencu devant tout son peuple, il cria à haulte voys à frère Thomas et dist : et que dis-tu de Mahommet ? Les frères respondirent : puisque nous t'avons bien prouvé et monstré que Crist fu vrais dieux et vrais homs et est, et qui en terre donna sa foy crestienne, et Mahommet lui ait en tout esté contraires et a donné loy contraire à la loy de Dieu, quel chose ce soit de Mahommet, pues-tu très bien appercevoir se tu es saiges.

Encore, s'escria le cady : que dittes-vous, que dittes-vous de Mahommet? Frère Thomas respondi : puis que tant faites, de plait point ne doubteray ne ne resongneray de dire la vérité. Je vous respong et dy que Mahommes est filz de perdicion et mis et condampnez avec le diable, son père. Et non seulement Mahommes, mais aussi aveuc lui tous ceulx qui gardent sa maloite et fausse loy et venimeuse contre Dieu et contre le salut des âmes. A ces paroles, furent Sarrazins moult à ire et esmutz. Sy crièrent à haulte vois, de male mort doit mourir cilz qui ainsi mal dist du

prophète et de sa loy. Car Sarrazins ont ceste coustume que se il ne se pevent vengier par parolles, ilz se deffendent par espées et par poigniés. Lors pristrent Sarrazins ces trois frères et les lièrent à estaces à la challeur du solleil pour les rostir à ce solleil et faire mourir de dure mort : car la chaleur y est si très grande que se un homme y demourroit par l’espace de chanter une messe sans estre armé contre le chault par oingnemens, comme :ilz sont en ce pays, ou autrement; pour vray, il mourroit. Mais Dieux monstra sa vertu ct son miracle sur ces frères, car 1lz demourèrent en celle chalenr tous nu de heure de tierce jusques à basse nonne, glorifiant Dieu qui les gardoit. Sy en issirent sain et sauf sans souffrir mal ne douleur. Quant ce virent Sarrazins, ilz se conseillièrent que ilz feroient de ces fabins franc. [Description du martyre subi par les quatre religieux.)

Sy que les crestiens du pays pristrent les corps et les mis“ trent en sépulcre. Et je frère Odric y vins assez tost aprés en ce pays et oy parler de leur martyre, en la manière comme je l’ay icy mis en escript. Sy m'en alay ou lieux de leur sépulcre et prins de leurs reliques et leurs ossementes et les envolepay en beaulx draps lingnes, et les portay avec moy en là haulte Inde, en une maison de abbaie de nos frères meneurs. Ainsi que je m'en aloie portant ces reliques de ces freres martirs dessus dis, je fui ostellés en une maison, et quant je alay dormir, je mis ces reliques dessoubs mon chief. Moy ainsi dormant vindrent Sarrazins ainsi criant: commandement estdela majesté empérial que ceste maison soit arse et tous ceulx que nous trouverons

dedens. À cest mot, mes compaignons et les autres de l'ostel sen fouirent pour paour du commandement et me laissiérent seul avec ces saintes reliques.

(La chambre où le religieux était couché fut préservée du feu par le mérite de ces reliques et lorsqu'il s'embarqua pour Plumbum, il s'éleva une forte tempête; mais le navire où se trouvait le frère Oderic, avec ces mèmes reliques, fut aussi préservé.)

Quant en la cité de Poliobum me fu assez scjournez ct reposez, je me remis en mer en une ncf que ilz appellent coque, pour mes reliques porter en Inde la haulte, comme dessus est dit.

(Dans ce couvent, il s'opéra depuis de nombreux miracles, comme au pays où les saints religieux avaient été martyrisés),

Comment le poivre croist et naist.

La province où le poyvre croist a nom Munibar, eten nulle partie du monde ne croist poivre fors en ce pays. La forest où il croist a bien XVIII. journées de lonc. En ceste forest a deux nobles citez : L'une a nom Flandrine et l’autre Singulir. En ceste cité Flandrine, ly aucun sont juifs et ly aucun sont crestien. Entre ces deux citez et leurs gens a communelment grant guerre et grant bataille : mais par l’aide de Dieu les érestiens ont tousjours communelment victoire. En ceste province gaigne on le poivre en telle manière :

Premièrement, il éroist en fucillettes comme pourée et les

plante-on d'en costé grans arbres. Quant ces fueilles sont bien crutes, elles rendent fruits comme roisins en si grant quantité que 1l samble que elles doivent rompre, se ne feussent des arbres, qui les soustiennent. Ces grains sont vers et les cueille-on comme vendenge, et puis met-on ces grains sechier, et quant ilz sont secs ainsi comme nous les véons, il les mettent en sauf. En ceste forest a grans rivières esquelles on treuve grant plante de cocodrilles, qui sont une manière de serpens vivans en eaue eten terre. Au chief de ceste forest est une trésgrande cité qui a nom Ploubir, en laquelle croist le meilleur gingenbre que on puist trouver en tout le monde. En ce pays treuve-on tant et de si grosses marchandises qu'il n’est homs qui le voulsist croire. Les gens de ce pays aourent un buef pour Dieu. Ce buef il nourrissent six ans et le font laboureur et traïre à la cherue, et en ta sepliesme année il le mainent avant en commun peur aourer. Dont il gardent celle manière quant au matin on le met hors de l'estable. Sy gouverneur reçoivent son orine en un vasel d'argent et sa fiente en un autre d’argent ossy, et les présentent au seigneur du pays. Dont lave li roys de cetle horine son visaige et ses mains, et puis de la fiente son fronc et sa poitrine, à très grant révérence. Et tons ceulx du pays qui de ceste ordure pevent avoir par aucune manière, 11z se tiennent à trésbien eurez, et s'en lavent en la manière que dessus est dit. Et par y cestui lavement, cuident-ilz bien estre saintefiez.

Les gens de ce pays aourent une autre ydole, laquelle ilz paingnent la moittié homme et l’autre moittié buef. Ceste ydole donne responce toutefois que il est espars et oings du

L'EXTRÉMFE ORIENT AU MOYEN-AGE. IOI

sanc de quarante vierges. A ceste ydolle sont meus par dévotion les gens du pays, comme nous crestiens faisons à nos sains. Et par ceste guise ces maleureuses gens tuent tous leurs filz et leurs filles pour ceste ydolle oindre de leur sanc, afin que ilz en aient responce de ce que ilz lui demandent; dont il avient que grant plante en muerent de male mort. Pluseurs autres choses font ces gens, lesquelles on ne vouldroit à paines croire.

Encores ont une autre coustume les ydolastres de ce pays. Quant aucuns y muert ilz le ardent. Car ilz dient que il s’en va en autre royaume. Et se cilz mors a une femme 112 la ardent avec son mari, afin que elle luy tiengne compaignie en l’autre royaume. Mais se celle femme a jeunes enfans de son mary, par la loy du pays, elle puet demourer aveuc ses enfans pour les nourrir et alever. Mais se elle eslist à demourer, elle ne aura jamais honneur. Ains vivra tousjours à grant honte et à très grant diffame. Mais se la femme muert devant son mary, son mary yra pas avec elle, se il veult; mais il n'y est mie constrains de la loy du pays. Ains se pue tañtost que celle est morte remarier à une autre se 1] lui plaist.

Autre usaige est en ce pays, car les femmes y boyvent vin et non li homme.

Item les femmes font rére leur barbe et non li homme. Et ainsi de pluseurs autres bestialitez et merveilles que ilz font, qui ne seroyent mie bonnes à racompter devant ious bons crestiens. | |

Du royaume de Mobarunm.

De ceste cité de Polubir m'en alay en dix journées jusques à un royaume que on appelle Mobarum. Ce royaume est moult grant et y a moult de grandes citez et terres. En ce royaume est le corps monseigneur Saint Thomas l’apostre. Mais la église monseigneur Saint Thomas est toute plaine de ydolessans nombre. En celle église a une idole faitte d’or et de pierres précieuses moult richement, et est bien aussy grant ou plus comme Saint Cristofle en ce pays. Sy a à son col une chainture d’or et de pierres précieuses moult richement ouvrée et siet en un tabernacle d'or fin. Ce ydole et tout ce que à lui appartient sont de si grand pris que nulz ne sauroit esmer la valeur de l'or et des pierres et de l’ouvraige qui y sont. Ces ydoles firent faire les faulx crestiens du pays renoiez et tous ly mescréans de celle contrée le aouroient pardesseure tous autres ydoles et y viennent en pélérinaige de longtaing pays, comme cy nos crestiens vont à Saint Jaques en Galice, ou à Saint Pierre ou à Saint Pol a Romme.

La manière de ceste ydole aourer est ceste : Chascuns fait diverses affliccions à guise corporelle. Ly aucun hurtent la . teste à terre et la tiennent grant pièce, et se reputent non dignes de regarder le ciel en la présence de ceste ydole,

Autres se navrent de coustiaulx et d'espées en leurs mains et en pluseurs autres membres de leurs corps. Pluseurs autres sans comparacion cuident estre plus dévots qui sacrifient leurs filz et leurs filles à ceste ydolle comme à

leur propre Dieu et souverain. Et quant ilz ont ainsi leurs enfans murdris devant ceste ydole, ilz les espergent du sanc comme crestiens font leur esparge d’eaue benoite. Cilz de la ville et ceulx qui sont assez près de cest temple et manant, se il veullent faire leur pelerinage, tantost que ilz issent de leurs maisons, ilz se mettent à genoulx emmy la rue, et puis le corps tout postrac et estendu à terre et de ce lieu en avant, jusques à leur venue, c'est à dire ilz se mettent à terre postras en la manière que dit est. A chascun trois que 11z font, et quant ilz sont à l’ydole venus 1ilz ont du feu et de l’encens, si le encenssent à grant dévocion. Et quant ces ydolatres sont à l’ydole venus, 1lz se tiennent en un lieu certain là où ilz mettent leurs offerandes, Ly uns met de l'or, li autres de l'argent, ly autres pierres précieuses, chascun selon sa dévocion et sa richesse. Et garde-on ses offerandes pour celle ydole garder et faire tenir en estat. Et quant aucune chose fault à celle ydole, ou à son tabernacle refaire, ilz prendent de ces offrendes tout ce qu’il leur fault; car ly trésors y est moult grant. Ceste ydole a une feste en l'an, et est le jour universel de la fondacion. A ce jour font moult grant feste cilz ydolastres. [1z prennent celle ydole et le mettent sur

un char richement aournéd’or etde pierres précieuses, et le pourmainent par le pays. Devant le char vont les pucelles vierges deux à deux, après 1y pelerins qui de lonctaing pays y sont venus. Après vont cil qui sont malade de quelconques maladies. Après vient une grant multitude de menestrielz. Et puis pluseurs de ces ydolastres par grant dévocion se mettent postras emmy la voye là où le char doit

passer, afin que le char passe par dessus eulx. Et ainsi perdent meschamment leurs vies, leurs ames et leurs corps. Oncques ne se fait ceste meschante feste que il n'en muere plus de deux cens personnes. Et quant ilz sont mors, les gens prendent leurs corps à grant révérence, et dient que 1lz sont saint, car ilz se sont paisiblement laissié mourir pour leur dieu. Encore font ces ydolastres une autre chose moult horrible. Quant aucuns veult mourir pour son dieu, et point ne veult atendre la feste dessus ditte, il assemble ses amis et ses parens et leur dist adonc son entente. Adonc font ly amy venir des héraulx qui en face courre la nouvelle, et dont mainent le meschéant jusques à celle ydole, et en alant ly amy et cil hyraut vont poignant le chétif de cinq cousteaux bien agus jusques à tant que ilz viennent à celle ydole. Et quant ilz sont là venus cilz chétifs prent ung de ces cousteaux bien taillant et en coppe une pièce de sa char propre, et celle pièce il gette à son dieu au visaige. Et puis des autres quatre cousteaux il se fiert et refiert parmy le corps, et ainsi se tue. Quant il est mors, les amys alument ung grant feu et ardent ce corps tout en cendres à grant dévocion. Et encore chascun prent une quantité de ces cendres à très grant dévocion et les emportent avec eulx, et dient que chilz est sauvé qui ainsi a voulu tout de gré mourir pour son dieu. Autres pluseurs merveilles vy-je en ce pays, lesquelles je ne mets pas en escrip, car nulz ne la

voudroit croire. Et je meismes ne l’eusse osé croire se je ne l'eusse veu présentement. Li roys du pays est très riches d'or et de pierres précieuses.

De l'isle Lamory.

De ceste contrée m'en alay vers midy par la mer d'Océane cinquante jours en une isle qui a nom Lamory. Là perdismes la veue de la transmontaigne, car la terre nous en tolly la veue. En ceste isle fait si très grant chault que tous y vont nulz, hommes et femmes sans riens avoir couvert. I1z se truffoient de moy et‘disoient : le dieu Adam fu tous nulz, et tui par ta male veulenté te veulz vestir. En ce pays, toutes les femmes sont communes, si que nulz ne puet dire : celle est ma femme. Mais quant une femme est aiuté d’un enfant, elle le donne à qui qu'elle veult de ceulz avec qui elle a jeu. Et cilz est nommez pères de cest enfant. Cest pays est tout commun, si que nulz ne puet dire : ceste terre ou ceste maison est mienne, pou de choses ont ils espécial.

Ceste terre est très bonne, car il y a grant plante de chars, de blés, de riz, et de clous de girofle, et de tous autres biens. Les gens y sont très mauvais et très cruelz. [1z mengent char humaine. Les marchans des estrangés pays y apportent les enfans pour vendre. Et quant ces gens cy les ont achetez, 11z les tuent et mengent. Pluseurs autres choses treuve on en ceste isle, lesquelz je ne n'’escriprai point

Cy.

Du royaume Smohora.

En ceste isle vers midy est un royaume qui a nom Smohora. Les gens de ce pays se enseignent ou visaige de un fer

chault, et en pluseurs lieux, et ce meismes font les femmes I1z ont toudis guerre à ceulx de Lamory, qui vont nu comme dit est. Moult y a de vivres en ce pays, et autres choses que point je ne escrips.

De la isle de Fana.

k En costé ce royaume a une isle qui a nom Fana, qui a bien trois mille milles de tour. Ly roys de ceste isle a sept roys tous couronnez. Cette isle est moult habitée, et est la seconde meilleur qui soit en tout le monde. On y treuve les clous de giroffle, les cubèbes, nois muscates et pluseurs autres espices qui y croissent, et ont toutes manières de vivres en très grant habondance fors vin. |

Le roy de ceste isle demeure en un merveilleux palays ct grant, Les degrez sont tellement fais, que l’un est d'or, et l'autre d'argent, et du pavement aussy. Les murs sont couvers de platines d’or. Etsont en les parois entailliéshommes à cheval tout à or fin. Cilz chevaliers ont entour leurs chiefs cercles d'or, comme nous faisons cy as dumes. Et ces cercles de ces chevaliers sont tous de pierres précieuses. Les couvertures de ce palais sont tout d'or pur. Et briefment c'est tout le plus riche palais et le plus bel qui soit en tout le monde, ne a son pareil, Le grantkaan de Cathay qui est le souverain empereur de tous les Tartars, a souventmeu guerre à ce roy cy, et souvent à luy s'est assemblez à bataille, Mais cilz roys-cy l'a toujours vaincu et desconfit.

De l'isle et du royaulme de Natem, autres dient Panthen.

Bien près de Fana est une autre isle qui a nom Natem, autrement est nommée Calamak. Ly roys de ceste isle a dessoubs lui pluseurs grans citez. En ce pays a arbres qui portent farine ; etaucunes fois miel et aucunes fois vin. Et se y a pluseurs arbres autres qui portent venin le plus périlleux qui soit; car on ne treuve remède au contraire, fors une, C'est que cil qui a prins de cest venin, qu’il prengne defiente d'homme et la destrempe avec eaue et boive de celle eaue, il en garira. La farine des arbres dessus dis a on par telle manière. Li arbre sont grant, hault et large ; on les entame un pou et coppe de une coingnie au piet de l'arbre. De celle tailleure ist une manière de liqueur, comme colle; celle liqueur ilz mettent en sas fait de feuilleulées et ainsi le lais= sent au solleil l’espace dequinze jours. Celle liqueur seichié et est farine. Puis prendent celle farine et la mettent en eaue de la mer. Après la lavent en eaue doulce, et lors en font une paste si très bonne que merveilles est. De ceste paste font pain, ou aultre viande telle comme il leur plaist, se- Joncla guise du pays. Et je frère Qdric mengay de ce painet me sembla très bon. Il est au dehors un pou noir, mais dedens est très bel et très blanc, A l'un lez de ceste isle a une mer, mer mort, L'eaue de ceste mer cuert adès vers midy et se aucuns ycheoit jamais n’en pourroit estre resqueux ne trouvez. En ceste manière de contrée treuve on aucune mahière de rosiaux aussi grans comme grans arbres, et sont ce

roisiaux si grans que ilz ont bien quarante audains de lonc. Une autre manière de rosiaulx y a qui sont moult grant et hault, et les nomme-on Lacassay. Ces rosiaux ne sont mie si grant d'assez, ne si hault comme lesautres. Mais ilz croissent dru comme herbe, et leurs racines se estendent bien une lieue loings. En ces roseauls treuve on pierres précieuses qui sont de telle nature que quiconquesles porte sur soy fers ne les puet entamer ne blescier. Et communément les gens de ce pays portent de ces pierres sur eulx. Et pour la vertu de la pierre, ilz prendent leurs filz et taillent une playe perfonde ou bras; et en celle plaie ilz mettent celle pierre, et puis prennent une manière de poudere et la mettent sus la place et celle se reclost et encontinent est saine. Ceste poudre est faitte de je ne scay quel poyson. Et par vertu de ces pierres ilz sont communément victorien par mer, mais leur voisin s’en sont piéçà apparceu. S'y se sont avisé de remède, et se combatent à eulx de lances et de sajettes sans fer, car 11z scevent que fer neles puet grever. Et pour ce que ces gens ne sont point mie bien armez les navrent-ilz et tuent souvent. De ces roiseaulx font-ilz voiles à leurs nefz. Et aussy en font-ilz maisons et autres ouvraiges. Pluseurs autres bonnes choses et dignes sont en celle isle que grant

merveille seroit à oir dire.

Du royaume de Campe.

Près de l’isle Natem est un royaume qui a nom Campe et y a tres beau pays, car on y treuve toutes manières de vivres à très grant habondance. Ly Roys qui en ce pays régnoit

quant je y fu avoit bien deux cens enfans, que filz que filles ; car il avoit pluseurs femmes espousées, et grant plante de concubines. Cilz roys a bien quatorze mille oliphans privez, lesquelz il fait nourir et garder par gens de ces villes. En ce pays treuve on grandes merveilles, car toutes manières de poisson que on treuve en la mer, vient en ce pays, sy que on ne voit riens en celle mer forsque poisson. Et vient chascune manière de poisson par lui et demeure trois jours à la rive. Puis vient une autre généracion, et fait ce meismes et sic de aliis, jusques à tant que tous y sont venus une fois en l'an seulement. Et quant on demande à ceulx du pays dont ce vient et que ce menstre, ilz dient que ces poissons viennent faire révérence au roy de ce pays. En ceste contrée vy-je une lymace qui estoit plus grande que le clocher Saint-Martin de Padue, se il feust ainsi tournez comme maison de Iymache. Quant aucuns homs meurt en ce pais, on ensevelist sa femme avec lui, car ilz dient que droit est que celle demeure avecques lui en l'autre siècle.

De la isle Bacumeran, autres dient Nichomceran.

De ce royaume, alasmes vers midy ‘. Sy trouvasmes pluseurs isles dont l’une est nommée Bacumeran. Ceste isle a bien deux milles de tours. Les gens y ont visaiges de chien, tous hommes et femmes. I1z aourent un buef pour leur dieu, et pour ce chascun d’eulx porte sur son chief devant son fronc un buef d’orou d'argent, en enseigne que cilz buefs est leurs dieux. Trèstous y vont nudz hommes et femmes,

1. Dans le texte latin, cs mots vers midi ne se trouvent pas, mais y a per mare oceanum.

et ne portent fors une touaille, dont ilz ceuvrent leur vergongne. [1z sont tous noirs et sont très cruelle gent en bataille. Et si ne portent nulles armeures en bataille, fors un grant escu, qui les cuevre du chief jusques ès piés. Quant ilz prendent en bataille aucun qui ne se veulent racheter ou qui n’ent ont le povoir ilz le menguent tantost. Ly roys de ce pays porte à son col une rengée de grosses perles ainsi que sont cy unes patenostres d'ambre, et par ces perles il compte ses oroisons, car il fait chascuns jours à ses dieux trois cens oroisons. Cilz roys porte en lieu de sceptre un grant ruby qui a une paume de lonc et semble estre une flambe et est li plus nobles et li plus riches qui soit en tout le monde. Le kaan de Cathay a trouvé seure voye à ce royaume.

De la province de Sillan, autres dient Silan.

Une autre province y a qui a nom Sillan qui a plus de deux cens milles de tour, en laquelle a grant plante de serpehset de autres bestes sauvaiges et périlleuses et espécialment oliphans à grant plante. En ceste isle, est une trés grande montaigne. Et dient les gens de ce pays que Adam ét Eve pleurèrent leurs péchiés. C. ans. Où millieu de ceste montaigne a üne grant eaue, et dient les gens de ce pais que ce sont les lärmes Adam et Eve. Mais ce n'est mie chose à croirei car celle eaue est très parfondeet soureen ce lieu, ou fons de celle eaue et naist grant plante de pierres précieuses étaussidesenssues. De ces pierres ne prentpointly roys, mais pour s’ame, il sueffre que les povres gens du pays voisent dessoubs l'eaue querre de ces pierres tant comme ilz

veuillent prendre. Et quant 1lz y vont, ilz s'arment contre les senssues, tellement qu’ilz prennent une manière de fruit que ilz nomment limons, si le broient et s’en oingnent tout le corps, dont les senssues ne leur puent faire mal. L'eaue qui sourt en celle montagne descent par un ruissel. En ce ruissel, on treuve des bons rubis, diamans, perles et autres pierres précieuses, on dit que ce roy a plus de pierres précieuses que nulz autre roys du monde. En ceste isle, treuve on grant plante de beste sauvaiges, et dist on pour certain que les bestes ne font mal à nul estrangé, fors seullement à ceulx du pais. Et en ceste isle a une manière de oiseaux, aussy grans comme oes, et ces oyseaux ont deux testes, ct pluseurs autres choses y a que point ne racompte.

De la isle de Dondyn.

De ceste isle m'en alay vers midy jusques à une isle qui 4 nom Dondim. En ceste isle a les plus merveilleuses gens et la plus mauvaise qui soit ou monde. I1z menguent char crue et toutes manières de autres ordures treuve on en eulx et toutes manières de crualitez. Car li père y mengue le filz et le filz le père, ly marys sa femme, et la femme son mary. Et se le père ou la mère de aulcuns est malades, li filz s’en va à un astronomien, c'est à dire au prestre de leur loy et lui dist : Sire, alez à nostre dieu et lui demandez et sachiés se mon père ou ma mère eschappera de ceste maladie. Dont vont ensamble cilz prestres et cilz filz à leur ydole qui est d’or ou d'argent, et luy font oroison et luy demandent se le malade mourra de la maladie ou non. Ly dyables respont par la bouche de l'ydole selonc la démande. S'il respont que

ly péres ne mourra point, ly filz prent songneusement garde Jusques à tant que il sera garis. Et se ly dyables respont que il doibt mourir, ly prestres vientau malade et lui met une pomme sur la bouche et le estaint et le tue. Le père mort, vient li filz et le coppe par pièches ; puis mande tous ses amis et les héraux de la contrée et le menguent à grant joie et à grant feste et chantent et ballent à grans solemniptez. Tous les parens et amis du mort qui à le mengier ne sont point appellez en sont moult honteux et se tiennent à moult vilennez et vergondez de cest affaire. Moult les reprenoye en disant que c’estoit à contraire à toute ralson du monde, car chiens ne loups ne mengeroient pas de leur semblable se on leur donnoit.

Comment dont ont gens raisonnables couraige de ce faire? Ilz respondoient : Nous le faisons affin que li vers ne les mengue. Car seles vers rongeoient sa char, son ame en souffriroit trop grant paine. Pluseurs aultres manières de merveilles sont en ceste isle que nulz à paines vouldroit croire, car il n'est lieux ou monde là où on puist trouver tant de merveilles, mais je y vi de mes yeulx ce que Je escrips. De ceste isle demanday à pluseurs ; mais tous se accordèrent que ceste isle contient en soy XXIIII isles toutes solempnelles et bien habitées, et sy y a VIII roys couronnez.

De la haulteInde.

Je m'en party de Dondyn. Sy m'en allay par mer vers Orient maintes Journées jusques à la haulte Inde. Sy arrivasme à une province qui a nom Mangy. De ceste province

d'un gros. Et ainsi qu'il est des oucs, est-il des annettes ct des gelines ; elles y sont si grandes que c'est merveilles. La première cité où je entray a nom Tesculan. Elle est plus grant que la cité de Venisse trois fois, et siet à une journée de la mer sur une fleuve sy grant et si rude que 1l monte tout contre la mer bien Jusques à douze Journées en sus de la terre dont 1l vient. Ceste cité a si grant navire que nulz ne l'oseroit croire. Les gens de ceste contrée de Mangi et aussy de toute Inde sont ydolastres et sont marchans, et bons ouvriers de toutes manières de mestiers. Jamais ne y scroit trouvez uns du pays querrant son pain. Car ilz auroient plus chier à morir que de mendier, et que :ilz ne gaingnassent leurs vivres à la labor de leur corps. On treuve en ce pays les plus grans serpens qui soient ou monde; les gens les menguent à très grant dignité, et se aucuns du pays feist une grant feste ou donnast à mengier, se il ne faisoit un mes de ces serpens, il sembleroit bien qu'il n’eust riens

fait.

De la cité de Cartan, autres dient Catan.

Pluseurs citez je passay si vins à une très noble qui à nom Cartan, alias Catan, en laquelle a deux maisons d€ frères mencurs. A ces frères, Je portay ces trois Corps sains desquels nous avons fait mencion cv avant. Des trois frères mecneurs qui furent martirisiés en la cité de Cana, comme di cst parcy devant. En ceste cité de Cartan a tres grant habondance de tous biens ct vie humaine. On y a tt livres var onces de suscre pour moins de un demy gros. Ceste

cité est très belle et assise sur la mer. Elle est aussy grande

comme Romme deux fois. Il y a pluseurs abayes de religieux ydolastres; car tous li peuples est communalment ydolastre ; dont les souverain de tous leurs ydoles, ilz font aussy grant comme nous faisons cy saint Crestofle. A l'eurce que 11z donnent à leur ydole à mengier, je entray avec les autres pour veoir la guise. [1z apportérent à leur ydole viandes très chaudes et boulans, et la mettent devant lui. La fumée monte ou visaige de l’ydole et dient ces folles gens que l’ydolle qui est d'or vit de celle fumée. Mais la viande, quant elle laisse la fumée, li prestre la vont mengier entre eulx. En celle ville ‘, treuve-on cocs plus grans que en nul autre pays. Les gelines y sont aussi blanches comme nège et n'ont point de plumes comme les nostres, mais sont laignié comme mouton. De ceste cité m'en alay vers Orient. XVIII. journées jusques à une montaigne *?. A un lez de ceste montaigne sont toutes les bestes noires, eta l’autre Iés sont toutes les bestes blanches. Les dames mariées y portent une corne sur leur chief, et par celle corne recongnoist l’on les dames mariez des autres. De ceste montaigne m'en alay. XVIII. journées jusques à un fleuve très grant. Ou travers de ce fleuve a un grant pont, d'en costé lequel je fui hostellés. Mon hoste me fist bonne chière et pour moy esbattre il me demanda si je vouloie veoir très bien peschier. Sy me mena à ce pont là où sa nef cstoit. Il avoit en sa nef trois kestes, l’un à un bout et l’autre

rt. Dans le texte latin d'Odcrie de Frioul, cette ville cst désigdéc sous Ie nom de Sucho.

2. Montagne qui séparc là province de Kiang-si du Fo-Kicn, cn

à l'autre, ct la tierce où milieu. Puis avoit en sancf sur perces cstans pluseurs plungons. Quant il voult peschier, il lia Ie col à ces plungons à un petit fil affin que il ne peussent point mengier, et dont les laissoit aller en l’eauc. Cilz plungons se mirent au fons ct tant pristrent de ce poisson que en bien petit de heure ces trois kestes furent emplies. Adonc leur deslioit-1l leurs cols et les remettoit en l’eauc aller pestres de ces poissons. Et quant ilzavoient assez mengié, il les reprenoit et mettoit en leur lieu. De ces poissons, je mengay tout mon sol. De là m'en alay en un autre lieu, là où je vy une autre manière de peschier. Les gens ont en leurs neufs une tine de eaue chaude, et puis prendent un sac à leur col et se mettent en l’eaue tout nuz, puis se plungent en celle eaue ct prendent le poisson à la main, et le mettent en leurs sacs. Et puis, se rechoffencnt en celle tine

plaine d'eau comme dit est.

De la cité de Casaie, autres dient Catusaie.

Je m'en vins à unc cité qui a nom Casaie, ce sonne autant en nostre françois comme à dire cité du ciel. Casaie est la plus grande éité qui soit ou monde. Elle a bien cent milles de tour, et en tout ce grant pourpris n'est espace nulle vuide que toute ne soit bien habitée de gent. Et si y a Maintes maisons esquelles il fu dix mainages ou plus. Ceste tité a pluseurs fourbous, et plus de gens que nulle autre Ville. Elle a XII portes principaulx, et d'en costé chascune de ces portes à VIIT milles a grosses citez plus grosses que la ville de Venisse, Et de ces portes dessus dittes jusques à

Be

1r0 L'EXTRÈME ORINT AU MOYEN-AGE.

ces citez, sont Îcs rues continuées ct les fourboirs continuez. Si que uns homs yra bien six ou sept jours qu'il lui semblera qu'il n'ayt qu’un pou alé pour ce qu’il aura toujours alé parmy les villes et d'en costé maisons. Ceste cité est assise en bas terroir, entre lacs, marez et estans, ainsi que la cité de Venisse. Si a plus de XI mil pons, et à chascun pont a gens qui le gardent de par le grant Kaan. A l’un lez de la ville, queurt ung très grant fleuve, et pour ce est ceste cité plus longue que lée. Je enquis moult songneusement aux crestiens et sarrazins et ydolastres. Mais tous me dirent que ceste cité a plus de C. milles de tour, sans ses fourbous et ces XII. citez dessus dittes qui sont à VITI. mille au dehors de chascune porte, et si est toute subjite au seigneur le grant Kaan, qui en liève si grant avoir que c'est merveilles. Car chascuns feux luy paie tous les ans V. quaques de coton qui bien valent là un fleurin et demy. Mais tant ya que dix ou XI. mesnaiges ne font qu’un feu. A paier le nombre des feux de la ville mont à ïiii. vingtz V. tumans de ceulx de leur loy et i1ii. tumans des sarrazin qui en tout font iii. XX. IX. tuman. Dont un tuman vault X. mille feux des autres crestiens et marchans estrangés en y a tant que merveilles, qui ne sont mie comptez ou nombre de ces feux, dont, ce me semble, une des greigneurs merveilles du monde, comment tant de gent puent estre gouverné manant ensemble. Et non pourquant y a on très grant marchié ct habondance de tous biens, de pain, de char, de vin et aussy de ris. Et tiennent là le vin à très noble bruvaige, et les nomment bygun en leur langaige, ct de tous autres biens yaontrès grant habondance. C'est la cité royal en laquelle

souloit tenir son siége le roy de la province de Mangy dessus nommé. En celle ville avoit un puissant homme qui estoit devenus crestiens par le preschement de trois frères. Je estoic venus en sa maison et ÿ estoie hostellez; tousjours il me nommoit Acha, c'est à dire père. Une fois, il me mena veoir la ville. Si venismes à une belle abbaïe. I] appella ung de ces religieux de laiens, et lui dist : Agarde, dit-il de mov, de ce rabain franc, c’est à direci11z religieux homs est du bout et de la fin du monde, où le solleil se escousse, est venus en ce pays pour la vie et le salut de nostre Kaan, pourquoy je te prie que tu luy monstres aucunes merveiles de céans. Cilz religieux me mena en un lieu, et me monstra deux grans vaisseaux plain de relief qui estoit demourez de la table ; puisme ouvryla porte d’un jardin, et me y mena jusques à un moncelet qui estoitemmy le ardin. Lors il sonna une clochette, et tantost à ce son descendirent de Ja montaigne jusques a ÎT. C. mille bestelettes qui toutes avoient les visaiges comme gens ainsi que comme ont Îles marmotes. Cet bestes descendirent moult ordonnéement et paisiblement ensemble. Cilz religieux dessusdis mist du reliet en vaisseaux d'argent devant ces bestes, et quant elles orent mengier 1] resonna la clochette et chascune s'en retourna en son lieu. Je en eue grant merveille. Si lui demanday que ce estoit, il respondi que ce estoient les âmes des nobles hommes, lesquelles ilz repaissoient pour l’amour de Dieu. Je le blasmay de cette créance, en disant que ce ne pourroient estre ames de gens, car ce estoient bestes desraisonnables. Mais oncques pour choses que je peusse dire ilne me

voult croire quece ne feussent âmes des nobles hommes.

Et disoit que les âmes des nobles selonc ce que 1ÿ homme estoit plus noble, entre l'âme en plus noble beste. Et les âmes des villains et des povres entrent en ordes bestes et en meschant vermine. Et nulle autre chose ne me voult il oncques dire. Qui de ceste cité vouldroit cscripre, il empliroit un grant livre. Mais brief,. c'est la plus grande qui soit en

jout le monde la plus noble.

De la cité de Gilenfo.

A six journées de ceste cité vins à une cité qui a nom G:ilenfo. Les murs de ceste cité ont XI. milles de tours; il y y a bien quarante pons de pierre qui sont li plus bel qui soient au monde. Elle fu jadis au roy de Mangy. La manière de ceste est si grant et de sigrant nombre que c’est merveille, on y treuve grant habondance de tous biens.

Des pumeaux, des gens prestre Jehan, si comme nous disons.

En ceste cité vins a un fleuve qui a nom Calay, qui est le plus grant qui soit en tout le monde. Car là où il est plus estroit est il à bien un mille de lé. Cilz fleuve cuert parmy la cité des pumeaux, laquelle a nom Chaam et est une des plus belles et des meilleures que j'ay veue. Ces pumeaux sont petite gent, et n’ont que trois espens de lonc. I1z sont bel et gracieux selonc leur grandeur : tous hommes et femmes il se marient et ont enfans, au VI mois de leur ‘ nativité, et vivent six ans de tout le plus. Les grans gens qui avec eulx habitent, se 11z ont enfans en ce pays là, leurs

enfans devenront du tout semblables à ces pumeaux qui sont sy petits comme dit est. Et pour ce sont ces pumeaux en si grant multitude que c’est merveilles. Ccs pumeaux ont tousjours guerre aux grues et aux chinnes du pays, qui là sont plus grandes que les pumeaux. Et souvent en l'an née s'en vont ces pumeaux à trés grant ost et à très grant multitude contre ces oyseaux et se combatent à eulx aussy mortelment et aussy cruelment comme nulle autre gent, tant soient grant se combatent les uns aux autres. En ce pays les pumeaux ne labourent point les terres ne les vin gnes, ne telz fortes labeurs ; mais 11z font le meilleur coton qui soit ou monde. Et si ont en leurs citez grandes gens qui labourent les terres et les vingnes et font les autres grans labeurs. De ces grandes gens se truffent les pumeaux dessus dis, ainsi que nous faisons en ces parties des gens qui sont grant oultre mesure de raison.

Le grant Kaan garde ces pumeaux trop songneusement et fait leur ville garnir de tous biens à très grant habondance. Ces pumeaux sont autrement nommez bidun ou budin. I1z

sont droitement gens visans raison comme nous.

De la cité Jamathay, ct autres dient Janfu.

Quant j'eus regardé cel affaire de ces pumeaux, je m'en alay vers une cité qui a nom Jamathay, alias Jansu, en laquelle a une maison et couvent de nous frères meneurs. Et si y a pluseurs autres églises de relisieux, mais cil sont nestorin. Ceste cité est très noble et très grande. Il v a bien à

tout le moins xl. autres dient. li. tumans de feus. Chas-

cun tuman fait X. mille feux. On y trouve toutes choses nécessaires pour corps de crestien. Ly sires de la cité en recoit bien chascun an cinquante tuman de balisses, dont une balisse vault un florin et demy. Sy que un tuman vault XV. mille florins. Et non pourquant leurs sires leur fait grace chascun an de deux cens tumans, affin que en la ville ne soit trop grant chièreté. En ceste cité a cest usaige quant aucuns veult donner à mengier à ses amis et faire feste, il y a maisons propres ainsi comme en Flandres les kabarés sont. Cilz qui veult celle feste faire vient aux hostels susdis, et dist à l’oste : appareillez moy tel disner, et je y vueil tant despendre. Tantost cil le fait bien et noblement mieux que l’autre ne feroit en sa maison. En ceste cité a très grant navière. À dix mille de ceste cité, droit au chief de la rivière, Thalay, le très grant fleuve dessus dis, est une autre cité qui a nom Mente. Ceste cité a le plus grant navière du monde, et toutes leurs nefz sont blanches comme se elles feussent paintes. En ces nefz a moult beaux hostelz et si belle ordonnance et si bonne de chambres et de toutes autres choses que nulz homs pourroit deviser. Ces nefs sont si grans et en si grant multitude que ce semble impossible à croire.

De Lanterny, la cité de Cayto et aucunes autres.

De ceste cité m'en alay par doulce yaue par le fleuve, VIIT. journées, et passay maintes terres et pays. Sy vins à une cité qui a nom Lanterny. Elle est assise sur un grant lun qui a nom Caramarion, et passe parmy le royaume de

Cauhav, et porte moult grant dommaige quant il croist trop

et ist de son chanel. Par ce fleuve m'en alay vers orient à une cité qui a nom Ingarmato. En ceste cité a plus grant quantité de soye que en nulle autre du monde. Car quant la soie est la plus chière, sy en a on bien xl. livres de pesant pour IX. gros. On y treuve grant plante de biens et de marchandises. De ceste cité m'en alay vers orient jusques à une autre cité moult noble et moult ancienne, en la province de Cathay, et a nom Cham-balech. Ceste noble cité est moult ancienne, et fu jadis conquise par les Tartars. Et à demy lieue de ceste cité ont ilz fait une autre cité qui a nom Cayto. Ceste a XII. portes; entre chascune deux portes a deux grandes milles d'espace, si que ces deux citez ont bien XII. milles de tour. Ceste cité est très bien habitée. Le grant Kaan y tenoit lors son siège et demourait en son palais qui est si grant que les murs ont bien ITIT. milles de tour, sy que dedens ces murs a pluseurs palais enclos. Dedens ce pourpris est une montaingne, et sur ce mont le maistre palais est et est le mont très plantez de uës beaux arbres. Et pour ce est il appellez le mont vert. Et à un lez du mont a un grant lac et un grant estanc, et au travers de ce vivier a un très bel pont. Et en ce estanc a grant plante de oyseaux sauvaiges, oiseaux de rivière. Sy que quant le grant Kaan veult aller chassier ou voler, il ne luy fault point issir hors de sa maison, car il treuve tout en son pourpris. Ossy tout environ des murs a très beaux vergiers

plains de bestes sauvaiges.

ee

Du vicillart des montaignes et de son grant estal.

Quant de la terre prestre Jehan me party, je m'en vins à une très riche montaigne qui a nom Mellestoire. On appelloit le seigneur du pais le Vieillart des montaignes. Cilz viellars avoit de bons fors murs enclosune montaigne, oùil avoit les meilleures et plus belles fontaines du monde, et là avoit-il mis toutes les plus belles damoiselles que il peust trouver. Et ossy toutes choses qui peuvent porter delectation à corps humain, et nommoit ce lieu Paradis. Quant il trouvoit aucun bel homme et vigoureux, il le mettoit en ce paradis avec toutes ces choses délectables, et lui monsiroit tellement que cilz jouvenceaux cuidoit estre en paradis, car soubtilz engins et conduisil y faisait venir et plouvoir vin, et faisoit à ces jeunes hommes toutes les délices que corps d'omme povoit demander. Quant cilz vieillars vouloit aucun homme faire mourir, il faisoit à aucuns de ces jouvenceaux donner à boire bruvaige qui le faisoit fort dormir, et tout en dormant les faisoit porter hors de ce paradis, et quant ilz estoient esveillié, il les appelloit devant lui, et leur disait que jamais en paradis ne entreroient, se il ne meissent a mort tel homme, ou tel seigneur, et se ilz le tuoient, il les remettroit en paradis et les feroit demourer là où il auroient plus de délectation sans comparaison que au premier. Ces jeunes hommes vigureux ainsi de ceuz, comme dit est, cuidans pour vray que ce feust le paradis du ciel, là où on a vie pardurable, si se offroient au vieillart le

corps et la vie pour faire son plaisir, et qui à son commant

Je tueroient non seullement cellui, mais encore mille se il vouloit. Par ceste guisesevengeoit cilz vieillars de ses ennemis, si que chascuns le doubtoit et tuit 1y voisin lui estoient tributaire, et se ilz lui denoïent le tribut, il les faisoit ainsi tuer. Ly Tartres oirent ces nouvelles, si vindrent sur lui à grant host et le conquirent et mirent à très cruelle mort, er

destruirent très tous ses édifices.

Comment les frères meneurs par la grace de Dieu quérissent les enragiés.

Dieu a donné si grant grace aux frères meneurs de en chassier le diable hors des corps des esragiés, comme ilz en chasseroient un chien hors de la maison. Ces meisme font il en la grant Tartarie si que on leur apporte les esragiés bien de dix journées loings, et 11Z leur ostent les deasbles hors du corps ou nom du père et du filz et du sainte esperit. Tantost que cilz sont garis, 11z se font baptiser et ardent leurs ydolcs, et souvent avient que par la vertu du déable les idoles se gettent hors du feu. Mais les frères les espargent de eaue benoitte, et tantost li feux les maistrie. Lors s'en vont ces dyables criant par l'air et disant : Je suis boutez hors de ma maison. Et ainsi convertissent moult à

‘Ja foi crestienne.

D'une grante merveille de la vallée d'enfer et périlleuse.

Une chose vy-je moult hideuse ainsi, comme je cheminoie lelonc un des fleuves du paradis. Je approchoie une

valée qui estoit assez prèsde cest fleuve ; à l’aprouchier jeoy divers instrumens de musique de maintes manières et espécialment harpes. Plus vins près, plusoy grant noise; finablement oy une noise si grande que je en os grant paour et hideur. Celle vallée a bien sept ou huit milles de lonc, et dient ceulx de ce pais que se aucuns y entre jamais ne puet issir. Et non pourquant je y entray pour savoir que ce estoit, sy y trouvay tant de corps mors gisans que nulz ne le pourroit croire. Quant je vins près je vy un visaige humain très horrible et très hideux à un lez de la montaigne en une pierre; il estoit s1 horrible que je cuidoie bien mourir de paour et disoie ces mos : Verbum caro factum est. Oncques n'y osoy approuchier plusque a VITIT. andains près, sy que je m'en remontay à l’autre lez sur un mont sablonneux. Je. regarday tout environ moy, mais je ne vy nulluy, ne n'oy; mais je y trouvay grant quantité d'argent ; j’en pris en mon giron, mais riens ne emportay, et ainsi m’enalay. Très tous les Sarrazins qui m'en virent venir et ceulx qui sceurent que je yavoie esté me firent grant révérence, et dirent que je estoie baptissiés et sains hom. Mais tout cil qui là estoient demouré y estoient tout déables d'enfer.

Explicit le yténeraire Odric de Foro Julij de l'ordre des frères meneurs qui fist cest livre en l'an de grace mil trois cens et trente. Et puis sa mort Dieux a fait par lui maint miracle. Et fu cilz livres tanslatez par frère Jehan le Lonc, né d'Yppre et moisne de Saint Bertin en Saint Aumer. En l'an de grace mil. TITI C. LI. accomplis.

RELATION