XLVI — LE PERE FOUETTEUR

en luy disant : a Dévaliez, dévaliez, mon- » sieur ! » le jetta du hault en bas ; dont le pauvre beau père fut si honteux, qu'il oublia le mal qu'il s'estoit faict à cheoir, et s'enfuyt le plus tost qu'il peut hors de la ville, car il pensoit bien qu'elle ne le cèleroit pas à son mary. Ce qu'elle ne feit, ne au Comte ne à la Comtesse ; par quoy le Cordelier ne se osa plus trouver devant eulx. Et, pour parfaire sa malice, s'en alla chez une Damoiselle qui aymoit les Cordeliers sur toutes gens ; et, après avoir presché un sermon ou deux devant elle, advisa sa fille qui estoit fort belle ; et, pour ce qu'elle ne se levoit point au matin pour venir au sermon, la tansoit souvent devant sa mère qui lui disoit : « Mon père, » pleust à Dieu qu'elle eust un peu tasté » des disciplines que entre vous religieux » prenez ! » Le beau père luy jura que, si elle estoit plus si paresseuse ,*quUl luy en bailleroit : dont la mère le pria bien fort. Au bout d'un jour ou deux, le beau père entra dans la chambre de la Damoiselle, et, ne voiant point sa fille, luy de^ manda oii elle estoit. La Damoiselle luy dist: — a Elle vous crainct si peu, qu'elle^

8o l'HEPTAMÉRON — V« JOURNÉE

» estencores au lict. — Sansfaulte, i dist le Cordelier, « c'est une très^mauvaise » coustume à jeunes filles d'estre pares- 9 seuses. Peu de gens font compte du » péché de paresse; mais quant à moy, je » Pestime un des plus dangereux, qui » soit tant pour le corps que pour Tame : 9 parquoy vous l'en debvez bien cha- » stier, et, si vous m'en donnez la charge, » je la garderois bien d'estre au lict à » rheure qu'il fault prier Dieu.» La pauvre Damoiselle, croyant qu'il fust homme de bien, le pria de la vouloir corriger ; ce qu'il feit incontinent, et, en montant en hault par un petit degré de bois, trouva la fille toute seulle dedans le lict, qui dormoit bien fort ; et, toute endormye, la print par force. La pauvre fille, en s'esveiliant, ne sçavoit si c'estoit homme ou diable ; et se print à crier, tant qu'il luy fut possible, appellant sa mère à l'ayde ; laquelle , au bout du degré, cryoit au Cordelier : « N'en ayez » point de pitié, monsieur, donnez-luy » encores et chastiez ceste mauvaise » garse. » Et quand le Cordelier eut parachevé sa mauvaise volunté, descén*

XLVI — LE PÈRE FOUETTEUR 8l

dit OÙ estoit la Damoiselle et luy dit avecq un visaige tout enflambé : « Je » croy, ma Damoiselle, qu'il souviendra » à vostre fille de ma discipline. » La mère, après l'avoir remercié bien fort, monta en la chambre où estoit sa fille qui menoit un tel deuil que debvoit faire une femme de bien à qui un tel crime, estoit advenu. Et quand elle sceut la vérité, feit chercher le Cordelier partout, mais il estoit desjà bien loing;.et oncques puis ne fut trouvé au royaulme de France.

< Vous voiez, mes Dames, quelle seureté il y a à bailler telles charges à ceulx' qui ne sont pour en bien user. La correction des hommes appartient aux hommes et des femmes aux femmes ; car les femmes à corriger les hommes seroient aussi piteuses, que les hommes à corriger les femmes. seroient cruelz. — Jésus! ma Dame, » dist Parlamente, < que voylà un vilain et meschant Cordelier ! — Mais dictes plustost, i dist Hircan, c que c^estoit une sotte et folle mère, qui soubz couleur d^pocrisie donnoit tant de privaulté à . ceulx qu'on ne doibt jamais veoir que en l'église. — Vraye-

82 l'HEPTAMÉRON — V« JOURNEE

ment, t dist Parlamente, c je la confesse une des sottes mères qui . oiicques fut, et, si elle eust esté aussi saige que la jugesse, elle luy eust plustost faict descendre le degré que de monter. Mais que voulez-vous, ce diable de demi ange est le plus dangereux de tous ; car il se sçait si bien transfigurer en ange de lumière, que Ton faict conscience de les soupsonner telz qu'iîz sont; et, me semble, la personne qui n'est point soupsonneuse doibt estre louée. — Toutesfois, » dist Oisille, c l'on doibt soupsonner le mal qui est à éviter, principalement ceulx qui ont charge; car il vault mieulx soupsonner le mal qui n'est point, que de tumber, par sottement croire, en icelluy qui est; et n*ay jamais veu femme trompée, pour estre tardive à croire lapa« rolle des hommes, mais ouy bien plusieurs, par trop bien promptement adjouster foy à la mensonge; par quoy je dis que le mal qui peut advenir ne se peut trop soupson» ner, voire ceulx qui ont charge d'hommes, de femmes, de villes et d*Estatz; car, encores quelque bon guet que l'on face, la meschanceté et les trahisons régnent assez, et le pasteur qui n'est vigilant sera tousjours trompé par les finesses du loup. -^ Si est-ce, » dit Dagoucin, c que la personne soupsonneuse ne peut entretenir un parfaict