QUI FAICT GRAND CKIKE ENVERS LES MARYS DE BATTRE LEURS FEMMES

En la ville d'Angoulesme, où se tenoit souvent le Comte Charles, père du Roy

84 l'heptaméron — v« journée

François, y avoit un Cordelier, nommé de Vallès, homme sçavant et fort grand prescheur, en sorte que les Advents il prescha en la ville devant le Comte : dont sa réputation augmenta encores davantage. Si advint que, durant les Advents, un jeune estourdy de la ville, ayant espousé une assez belle jeune femme, ne laissoit pour cela de courir par tout, autant et plus dissolument que les non mariez. De quoy la jeune femme advertie ne se pouvoit taire , tellement que bien souvent elle en recevoitses gages plus tost et d'autre façon qu'elle n'eust voulu, et toutesfois elle ne laissoit, pour cela, de continuer en ses lamentations, et quelques fois jusques à injures ; parquoy le jeune homme s'irrita, en sorte qu'il la battit à sang et marque : dont elle se print à crier plus que devant : et pareillement ses voisines , qui sçavoient l'occasion, ne se pouvoient taire, ains crioient publiquement par les rues, disans : « Et fy, fy de telz marys ; au diable, » au diable I » De bonne encontre , le Cordelier de Vallès passoit lors par là , qui en entendit le bruit et l'occasion. Il