XLVIII -^ LE CORDBLIER A LA NOPCE

qu'il auroit part au lict, et qu'il leur joùeroit un. tour de son xnestier. Et, quand le soir fut venu et que les dances commencèrent, le Cordelier, par une fenestre, regarda long tems la mariée, qu'il trouvoit fort belle et à son gré. Et, s'enqué* rant soingneusement aux chamberières de la chambre où elle debvoit coucher, trouva que c'estoit auprès de la sienne: dont il fut fort ayse, faisant si bien le guet pour parvenir à son intention, qu'il veit desrober de la salle la mariée, que les vieilles emmenèrent, comme ilz ont de coustume. Et, pource qu'il estoit de fort bonne heure, le marié ne voulut laisser la dance, mais y estoit tant affectionné, qu'il sembloit qu'il eust oublié sa femme: ce que n'avoit pas faict le Cordelier, car, incontinent qu'il entendit que la mariée fut couchée, se despouilla de son habit gris, et s'en alla tenir la place de son mary ; mais, de paour d'y estre trouvé, n'y arresta que bien peu; et s'en alla iusques au bout d'une allée où estoit son compaignon qui faisoit le guet pour luy, lequel luy feit signe que le marié dansoit encores. Le Cordelier, qui n'avoit pas

100 L'HEPTAMfaON — V» JOURNÉE

achevé sa meschante concupiscence , s^en retourna encores coucher avecq la mariée jusques ad ce que son compaignon luy ÎPeit signe qu'il est oit temps de s'en aller. Le marié se vint coucher; et sa femme, qui avoit esté tant tormentée du Cordelier, qu'elle ne demandoit que le repos, ne se peut tenir de luy dire : « Avez-vous » délibéré de. ne dormir jamais et ne faire » que me tormenter? » Le pauvre mary, qui ne faisoit que de venir, fut bien estonné, et luy demanda quel torment il luy avoit faict, veu qu'il n'avoit party de la dance ? -^ <K C'est bien dansé,» dist la pauvre fille ; « voicy la troisiesme fois » que vous estes venu coucher; il me » semble que vous feriez mieulx de dor- » mir. » Le mary, oyant ce propos, fut bien fort estonné, et oublia toutes choses pour entendre la vérité de ce faict. Mais, quand elle luy eut compté, soupsonna que c'estoient les Cordeliers qui estoient logez léans. Et se leva incontinent et alla en leur chambre qui estoit tout auprès de la sienne. Et quand il ne leç trouva point, se print à cryer à l'ayde si fort, qu'il assembla tous ses amys^ lesquelz, après