L — LA SAIGNÉE II

tout son cueur. Dont le pauvre, gentil homme fut si ennuyé et fasché, qu'il se retira en son logis, délibéré de' ne poursuyvre plus en vain le bien dont la poursuicte consumoit sa vie. Et, pour en cuyder divertir sa fantaisie, fut quelques jours sans la veoir; dont il tomba en telle tristesse, que Ton mescongnoissoit son visaige. Ses parens feirent venir les médecins, qui, voyans que le visaige luy devenoit jaulne, estimèrent [que c'estoit une oppilation de foye, et luy ordonr nèrent la saignée. Geste Dame, qui avoit tant faict la rigoureuse, sçachant très* bien que la maladie ne luy venoit que par son refuz, envoia devers luy une vieille, en qui elle se fyoit, et lui manda que, puis qu'elle congnoissoit que son amour estoit véritable et non faincte, elle estoit délibérée de tout luy accorder ce que si long temps luy àvoit refusé. Elle avoit trouvé moïen de saillir de son logis en un lieu où privément il la pouvpit veoir.' Le gentil homme, qui au matin avoit esté saigné au bras, se trouva par ceste paroUe mieulx guéry qu'il ne faisoit par médecine ne saignée

1 18 L'HEPTAlrtROir — V* SOVVHtE

qu'il sceust prendre: luy manda qu'il n'y auroit point de faulte qu'il ne se trouvast à l'heure qu'elle luy mandoit ; et qu'elle avoit faict un miracle évident, car, par une seulle paroUe, elle avoit guéry un homme d'une maladie où tous les médecins ne pouvoient trouver remède. Le soir venu qu'il avoit tant désiré, s'en alla le gentil homme au lieu qui luy avoit esté ordonné, avecq un si extrême contentement qu'il falloit que bien test il prinst fin, ne pouvant augmenter. Et ne demeura guères, après qu'il fut arrivé, que celle qu'il aymoit plus que son ame le vint trouver. Il ne s'amusa pas à luy faire grande harangue, car le feu qui le brusloit le feiisoit hasti*vement pourchasser ce que à peyne pou« voit-il croire avoir en sa puissance. Et, plus yvre d'amour et de plabir qu'il ne luy estoit besoing, cuydaat chercher par un costé le remède de sa vie, se donnoit par un aultre l'advancement de sa mort; car, ayant pour s'amye mys en oubly soy-mesmes, ne s'apperceut pas de son bras qui se desbanda : et la playe nouvelle, qui se vint à ouvrir, rendit tant

L — LA SAIGNIÊE I IQ

de sang, que le pauvre gentil homme en estoit tout baigné. Mais, estimant que sa lasseté venoit à cause de ses excès, s'en cuyda retourner à son logis. Lors, amour, qui les avoit trop unys ensemble, feit en sorte que, en départant d'avecq s'amye, son ame départyt de son corps ; et, pour la grande effusion de sang, tomba tout mort aux pieds de sa Dame, qui demoura hors d'elle -mesmes par estonnement, en considérant la perte qu'elle avoit faicte d'un si parfaict amy, de la mort duquel elle estoit la seuUe cause. Regardant d'aultre costé, avecq le regret et la honte en quoy elle demoroit, si on trouvoit ce corps mort en sa maison, afin de faire ignorer la chose, elle et une chamberière, en qui elle se fyoit, portèrent le corps mort dedans la rue, où elle ne le voulut laisser seul, mais, en prenant l'espée du trespassé, se voulut joindre à sa fortune, et en pugnissant son cueur cause de tout le mal, la passa tout au travers, et tomba son corps mort sur ceiluy de son amy.

Le père et la mère de ceste fille, en sortant au matin de leur maison, trouvèrent

120 L*HEPTA1IÉR0N — V* JOURNÉE

ce piteux spectacle, et, après en avoir faict tel deuil que le cas méritoit, les enterrèrent tous deux ensemble.

c Âinsy veoyt-on, mes Dames, que une extrémité d'amour amèine un autre malheur.

— Voyià qui me plaist bien, > dist Symontault, c quand Pamour est si égale, que, luy morant, Tautre ne vouloit plus vivre. Et si Dieu m'eust faict la grâce d'en trouver une telle, je croy que jamais n'eust aymé plus parfaitement. — Si ay-je ceste opinion, » dist Parlamente, c que amour ne vous a pas tant aveuglé, que vous n'eussiez mieulx lyé vostre bras qu*il ne feit; car le temps est passé que les hommes oublient leurs vies pour les Dames. — Mais il n*est pas passé, » dist Simontault, « que les Dames oublient la vie de leurs serviteurs pour leurs plaisirs.

— Je croy, i dist Ennasuitte, t qu'il n'y a femme au monde qui prenne plaisir à la mort d'un homme, encores qu'il fust son ennemy. Toutesfois, si les hommes se veullent tuer eulz-mesmes, les Dames ne les en peuvent pas garder. — Si est-ce, >. dist Saffredent, c que celle qui refuse son pain au pauvre mourant de faim, en est estimée la meurtrière.. — Si vos requestes, i dist Oisille, f estoient si raisonnables que celles