XLI — LA PÉNITENCE II

ne la doibt refuser. — Or, puis que vous me la donnez, je vous en voys compter une, dont je puis servir de tesmoing. Et j'ay toujours ouy dire que tant plus la vertu est en un subject débile et foible assaillie de son très-fort et puissant contraire, c'est à l'heure qu'elle est plus louable et se monstre mieulx telle qu'elle est; car si le fort se défend du fort, ce n'est chose esmerveillable, mais si le foible en a victoire, il en a gloire de tout . le monde. Pour congnoistre les personnes dont je veulx parler, il me semble que je ferois tort à la vertu, que j'ay veu cachée soubz un si pauvre vestement que nul n'en tenoit compte, si je ne parlois de celle par laquelle ont esté faictz des actes si honnestes: qui me contrainct le vous racompter. >