XLII« NOUVELLE

Un jeune Prince meit son affection en une fille, de laquelle, combien qu'elle fust de bas et pauvre lieu, ne peut jamais obtenir ce qu'il en avoit espéré, quelque poursuite qu'il en feit. Parquoy, le Prince, congnoissant sa vertu et honnesteté, laissa son entreprinse, l'eut toute sa vie en bonne estime, et luy feit de grands biens, la mariant avec un sien serviteur.

In une des meilleures villes de Touraine, demouroit un seigneur de grande et bonne maison, lequel y avoit esté nourry , de sa grande jeunesse. Des perfections, grâces, beaulté et grandes verluz de ce jeune Prince, ne vous en diray aultre chose, sinon que en son temps ne trouva jamais son pareil. Estant en Faage de quinze ans, il prenoit plus de plaisir à courir et chas-

XLii — l'honneste fille i3

ser, que non pas regarder les belles Daines. Un jour, estant en une église, regarda une jeune fille , laquelle avoit aultresfois en son enfance esté nourrye au chasteau où il demeuroit. Et, après la mort de sa mère, son père se remaria ; parquoy elle se retira en Poictou avecq son frère. Geste fille, qui avoit nom Françoise, avoit une sœur bastarde, que son père aymoit très-fort ; et la maria en un sommelier d'eschanssonnerie de ce jeune Prince, dont elle tint aussi grand estât que nul de sa maison. Le père vint à mourir et laissa pour le partage de Françoise ce qu'il tenoit auprès de ceste bonne ville : parquoy, après qu'il fut mort, elle se retira où estoit son bien. Et, à cause qu'elle estoit à marier et jeune de seize ans, ne se voulloit tenir seulle en sa maison, mais se mist en pension chez sa sœur la sommelière. Le jeune Prince, voiant ceste fille assez belle pour une claire brune , et d'une grâce qui passoit celle de son estât, car elle sembloit mieulx gentil femme ou princesse, que bourgeoise, il la regarda longuement. Luy, qui jamais encor n*a-

voit aymé, sentyt en son cueur un plaisir non accoustumé. Et quand il fut re* tourné en sa chambre, s'enquist de celle qu'il avoit vue en l'église, et recongneut que aultresfois en sa jeunesse estoit-* elle allée au chasteau jouer aux poupines avecq sa sœur, à laquelle il la feit recongnoistre. Sa sœur l'envoya quérir et luy feit fort bonne chère, la priant de la venir souvent veoir: ce qu'elle faisoit, quand il y avoit quelques nopces ou assemblée, où le jeune Prince la voyoit tant voluntiers qu'il pensa à l'aymer bien fort. Et, pour ce qu'il la congnoissoit de bas et pauvre lieu, espéra recouvrer facillement ce qu'il en demandoit. Mais, n'aiant moien de parler à elle, luy envoya un gentil homme de sa chambre, pour faire sa praticque. Auquel , elle, qui estoit saige, craingnant Dieu, dist qu'elle ne croyoit pas que son maistre, qui estoit si beau et honneste prince, se amusast à regarder une chose si layde qu'elle, veu que, au chasteau où il demeuroit, il en avoit de si belles qu'il ne falloit point en chercher par la ville, et qu'elle pensoit qu'il le disoit de luy-

XLn — l'honkestb fille i5

mesmes sans le commandement de son maistre. Quand le jeune Prince entendit cette response, amour, qui se attache plus fort où plus il trouve de résiistance, ïuy feit plus chauldement qu'il n'avoit Êiict poursuivre son entreprinse. Et luy escripvitune lettre, la priant voulloir entièrement croire ce que le gentil homme luy disoit. Elle, qui sçayoit très-bien lire et escripre, leut sa lettre tout du long, à laquelle, quelque prière que luy en £eist le gentil homme, n'y voulut jamais respondre, disant qu'il n'appartenoit pas à si basse personne d'escripre à un tel prince, mais qu'elle le supplioit ne la penser si sotte, qu'elle estimast qu'il eust une telle opinion d'elle, que de luy porter tant d^amityé; et aussy, que, s'il pénsoit, à cause de son pauvre estât, la cuyder avoir à son plaisir, il se trompoit j car elle n'avoit le cueur moins honneste -que la plus grande princesse de la Ghrestienté, et n'estimoit trésor au monde au prix de l'honnesteté et de la conscience, le suppliant ne la vouloir empescher de toute sa vie garder ce trésor , car, pour mourir, elle ne changeroit d'opinion. Le

i6 l'heptaméron — y Joxnti^E

jeûné Prince ne trouya pas ceste response à son gré ; tbutesfois , l'en ayma-il trèsfort et ne âtillyt de faire mettre tousjours son siège à Téglise où elle alloit à la messe; et, durant le service, addressoit tousjours ses ceilz à ceste ymaige. Mais , quand elle Tapperceut, changea de lieu et alla enuneaultre chapelle, non pour fuyr de le veoir, car elle n'eust pas esté créature raisonnable, si elle n^eust pas prins plaisir à le regarder, mais elle craingtioit estre veue de luy, ne s'estimant digiie A*en estre aymée par honneur ou par mariage, ne voulant aussi d'autre part que ce fust par foUye et plaisir. Et, quand elle veid que, en quelque lieu de l'église qu'elle se peust mettre, le Prince se faisoit dire la messe tout auprès, ne voulut plus aller en ceste église-là , mais alloit tous les jours à la plus esloignée qu'elle pduvoit. Et, quand quelques nopces alloient au chasteau, ne s'y vouloit plus retrouver, combien que la sœur du Prince l'envoyaist quérir souvent, s'excusant sur quelque maladie.

Le Prince, votant qu'il ne pouvoit par* 1er à elle, s'àyda de son sommelier et luy

XLii — l'honneste fille 17

promist de grands biens s'il luy aydoit en ceste affaire; ce que le sommelier s'offrit voluntiers, tant pour plaire à son maistre, que pour le fruict qu'il en espéroit. Et, tous les jours, comptoit au Prince ce qu'elle disoit ou faisoit, mais que surtout fuyoit les occasions qui luy estoient possibles de le veoir. Si est-ce que la grande envie quUl avoit de parler à elle à son ayse luy leit chercher un ex* pédient. C'est que, un jour, il alla mener ses grands chevaulx, dont il cornmençoit bien à sçavoir le mestier, en une grande place de la ville, devant la maison de son sommelier, où Françoise demeuroit.. Et, après avoir faict maintes courses et saulx qu'elle pouvoit bien veoir, se laissa tumber de son cheval dedans une grand &nge si mollement qu'il ne se feit point de mal : si est-ce qu'il se plaingnit assez et demanda s'il y avoit point de logis pour changer ses habillemens. Chascun présentoit sa maison; mais quelqu'un dist que ceUe du sommelier estoit la plus prochaine et la plus hoaneste ; aussy fut^-elle choisie sur toutes. Il trouva chambre bien accou-

l8 l'HEPTAMÉRON — V* JOURNÉE

strée et se despouilla en chemise, car tous ses habillemens estoient souillez de la fange; et se meist dedans un lict: Et, quand il veid que chacun fut retiré pour aller quérir ses habillemens , excepté le gentil homme, appela son hoste et son hostesse, et leur demanda où estoit Fran* çoise. Ilz' eurent bien à faire à la trouver, car, si tost qu'elle avoit veu ce jeune Prince entrer en sa maison, s'en estoit allée cacher au plus secret lieu de léans. Toutesfois, sa sœur la trouva, qui la pria ne craindre point venir parler à un si honneste et vertueux prince. « Com- » ment, ma sœur, » dist Françoise, a vous » que' je tiens ma mère , me vouldriez- » vous conseiller d'aller parler à un » jeune seigneur, duquel vous sçavez » que je ne puis ignorer la volunté ? » Mais sa sœur luy feit tant de remon* strances et promessies de ne la laisser seuUe, qu'elle alla avecq elle^ portant un visaige si pasle et ^desfaict, qu'elle estoit plus pour engendrer pitié, que concupiscence. Le jeune Prince, quand il la veid près de son lict, il la pnnt parla main qu'elle avoit froide et tremblante.

xLii — l'honneste fille 19

et luy dist : c Françoise, m'estimez- vous » si mauvais homme, si estrange et cruel, » que je menge les femmes en les re* » gardant? Pourquoy av'ez-vous prins » une si grande craincte de celluy qui 9 ne cherche que vostre honneur et ad- » vantaige ? Vous sçavez que , en tous » lieux qu'il m'a esté possible, j'ay cher- » ché de vous veoir et parler à vous ; ce » que je n'ay. peu. Et, pour me faire » plus de despit, avez fuy les lieux où » j'avois accoustumé de vous veoir à la 9 messe, afin que en tout je n'eusse non » plus de contentement de la veue, que » j'avois de la paroUe. Mais tout cela ne » vous a de rien servy, car je n'ay cessé » que je ne soye venu icy par les moïens 9 que vous avez peu veoir ; et me suis » mis au hazard de me rompre le col, » me laissant tumber voluntairement, 9 pour avoir lé contentement de parler » avons à mon ayse. Parquoy je vous » prie, Françoise, puisque j'ay acquis ce » loisif icy avecq un si grand labeur, qu'il » ne soit point inutille, et que je puisse » par ma grande amour gaingner la » vostre. 0 Et quand il eut long temps

20 l'HEPTAMÉRON — V» JOURNÉE

attendu sa response, et veu qu'elle avoit les larmes aux œilz , et la veue contre terre, la tirant à luy le plus qu'il luy fust possible, la cuyda embrasser et baiser.

Maiselleluy dist: — « Non, Monseigneur, » non ; ce que vous cherchez ne se peult » faire, car combien que je soye un ver » de terre au prix de vous, j'ay mon » honneur si cher, que j'aymerois » mieulx mourir, que de l'avoir diminué, » pour quelque plaisir que ce soit en ce » moiide. Et la craincte que j'ay de » ceulx qui vous ont veu venir céans se » doubtans de ceste vérité, me donne la » paour et tremblement que j'ay. Et, » puis qu'il vous plaist de me faire cest » honneur de parler à moy, vous me » pardonnerez aussy, si je vous respond » selon que mon honneur me le com- » mande. Je ne suis point si sotte, Mon- » seigneur, ne si aveuglée, que je ne 9 voie et congnoîsse bien la beaulté et » grâces que Dieu a mises en vous ; et » que je ne tienne la plus heureuse du » monde celle qui possédera le corps et V l'amour d'un tel prince. Mais de quoy » me sert tout cela, puisque ce n'est

XLII — L'HONNBSTE fille 21

» pour moy ne pour femme de ma sorte ; » et que seullement le désirer seroit à » moy parfaicte folye? Quelle raison » puis-je estimer qui vous faict adresser » à moy, sinon que les Dames de vostre » maison (lesquelles vous aymez , si la 8 beaulté et la grâce est aymée de vous) 0 sont si vertueuses, que vous n*osez leur » demander ne espérer avoir d^elles ce que » la petitesse de mon estât vous faict » espérer avoir de moy? Et suis seure 0 que, quand de telles personnes .que » moy auriez ce que demandez, ce seroit » un moïen pour entretenir vostre mai- » stresse deux heures davantaige, en luy B comptant voz victoires au dommaige » des plus foibles. Mais il vous plaira, » Monseigneur, penser que je ne suis de » ceste condition. J'ay esté nourrye en » vostre maison , où j'ay apprins que » c'est d^aymer : mon père et ma mère » ont esté vos bons serviteurs. Parquoy » il vous plaira, puisque Dieu ne m'a » faict princesse pour vous espouser, ne » d'estat pour estre tenue à maistresse et » amye, ne me vouloir mettre en rang » des pauvres malheureuses, veu que

» je VOUS désire et estime celluy des » plus heureux princes de la Chre- » stienté. Et, si pour vostre passe-temps » vous voulez des femmes de mon estât, 9 vous en trouverez assez en cesie ville, » de plus belles que moy sans compa- 0 raison, qui ne vous donneront la peyne » de les prier tant. Arrestez-vous donc* » ques à celles à qui vous ferez plaisir en » acheptant leur honneur, et ne travail- 0 lez plus celle qui vous ayme plus que » soy-mesmes. Car, s'il falloit que vostre » vie ou la mienne fust aujourd'huy de- » mandée de Dieu, je me tiendrois bien » heureuse d'oârir la mienne pour saul- » ver la vostre, car ce n'est faulte d'a- » mour qui me faict fuyr vostre pré- » sence, mais c'est plus tost pour en » avoir trop à vostre conscience et à la » mienne; car j'ay mon honneur plus » cher que ma vie. Je demeureray, s'il » vous plaist. Monseigneur, en vostre » bonne grâce, et prieray toute ma vie » Diea pour vostre prospérité et santé. » Il est bien Tray que cest honneur que » vous me faictes me fera entre les gens » de ma sorte mieulx estiner, car qui

XLii — l'honneste fille 23

» est r^omme de mon estât, après vous » avoir veu, que je daignasse regarder ? » Par ainsy, demeurera mon cueur en » liberté , sinon de l'obligation , où )e » veulx à jamais estre, de prier Dieu » pour vous, car aultre service ne vous » puis-je jamais faire. »

Le jeune Prince, voïant ceste honneste response, combien qu'elle ne fust selon son désir, si ne la pouvoit moins estimer qu'elle estoit. Il feit ce qu'il luy fut possible pour luy faire croire qu'il n'aymeroit jamais femme qu'elle, mais elle estoit si saige, que une chose si désraisonnable ne pouvoit entrer en son entendement.

Et, durant ces propos, combien que souvent on dist que ses habillemens estoient venuz du chasteau, avoit tant de plaisir et d'ayse, qu'il feit dire qu'il dormoit, jusques ad ce que l'heure du souppé fut venue, où il n'osoit faillir à sa mère qui estoit une des plus saiges Dames du monde. Ainsy s'en alla le jeune homme, de la maison de son sommelier, estimant plus que jamais l'honnesteté de ceste fille.

Il en parloit souvent au gentil homme

24 L*HEPTAMéRON — V* JOURNÉE

qui couchoit en sa chambre, lequel, pensant que argent faisoit plus que amour, luy conseilla de faire offrir â ceste fille quelque honneste somme pour se condescendre â son voulloir. Le jeune Prince, duquel la mèreestoit le trésorier, n'avoit que peu d'argent pour ses menuz plaisirs, qu'il print avecq tout ce qu'il peut empruncter, et se trouva la somme de cinq cents escuz qu'il envoia à ceste fille par le gentilhomme, la priant de vouloir changer d'opinion. Mais, quant elle veid le présent, dist au gentil homme : « Je » vous prie, dictes à Monseigneur que » j'ay leçueursi bon et si honneste, que, » s'il falloit obéir ad ce qu'il me com- » mande, la beaulté et les grâces qui » sont en luy m'auroient desjà vaincue ; 9 mais, là oii ilz n'ont eu puissance » contre mon hopneur, tout l'argent du » monde n'y en sçauroit avoir, lequel » vous luy remporterez, car j'ayme » mieulx l'honneste pauvreté, que tous » les biens qu'on sçauroit désirer. » Le gentil homme, voïant ceste rudesse, pensa qu'il la falloit avoir par cruaulté ; et vint à la menasser de l'auctorité et

xLii — l'honneste fille 25

puissance de son maistre. Mats^ elle, en riant, luy dist : — « Faictes paour de luy » à celles qui ne le congnoissent point, 0 car je sçay bien qu'il est si saige B et si vertueux, que telz propos ne » viennent de luy; et suis seure qu'il » vous désadvQuera, quant vous les » compterez. Mais, quand il seroit ainsy » que vous le dictes^ il n'y a torment ne » mort qui me sceust faire changer » d'opinion : car, comme je vous ay » dict, puis qu'amour n'a tourné mon » cueur, tous les maulx ne tous les j» biens^ que l'on sçaurait donner à une » personne, ne me sçauroient destourner » d'un pas du propos où je suis. » Ce gentil homme, qui avoit promis à son maistre de la luy gaingner, luy porta ceste response» avecq un merveilleux despit, et le persuada à poursuyvre par tous moïens possibles, luy disant que ce n'estoit point son honneur de n'avoir sceu gaingner une telle fçmme. Le jeune Prince, qui ne voulloit point user d'autres moïeos que ceulx que l'honnesteté commande, et craignant aussy que, s'il en estoit quelque bruict et que sa mère le

20 L*HEPTAMÉRON — V» JOURNéS

sceust, elle aurait occasion de s'en courroucer bien fort, n'osoit rien entreprendre, jusques ad ce que son gentil homme luy bailla un moïen si aysé, qu'il pensoitdesjà la tenir. Et, pour l'exécuter, parleroit au sommelier, lequel, délibéré de servir son maistre en quelque façon que ce fust, pria un jour sa femme et sa belle sœur, d'aller visiter leurs vendanges en une maison qu'il avoit auprès de la forest : ce qu'elles luy promirent. Quand le jour fut venu, il le feit sçavoir au jeune Prince, lequel se délibéra d'y aller tout seul avecq ce gentil homme ; et feit tenir sa muUe preste secrètement, pour partir quand il en seroit l'heure. Mais Dieu voulut que ce jour-là sa mère accoustroit un cabinet le plus beau du monde ; et, pour luy ayder, avoit avecq elle tous ses enfans. Et là s'amusa ce jeune Prince, jusques ad ce que l'heure promise fut passée. Si ne tint-il à son sommelier, lequel avoit mené sa sœur en sa maison, en crouppe derrière luy, et feit faire la malade à sa femme, en sorte que, ainsi qu'ilz estoient à cheval, luy vint dire qu'elle n'y sçauroit aller.

XLii — l'honneste fille 27

Et, quand il veid que l'heure tardoit que le Prince debvoit venir, dist à sa bellesœur : « Je croy bien que nous pouvons » retourner à la ville. — Et qui nous en » glirde ? » dist Françoise. ~ « C'est, » ce dist le sommelier, « que j'attendois icy » Monse^eur, qui m'avoit promis de B venir. » Quand sa sœur entendit ceste meschanceté, luy dist : — « Ne Tatten- 9 dez point, moû frère, car je sçay bien 9 que pour aujoutdliuy il ne viendra 9 point, o Le frère la creut et la ramena. Et, quand elle fut en la maison, monstra sa colère extrême, en disant à son beaufrèrë qu'il estoit le varlet du diable, qu'il iaisoit plus qu'on ne luy commandoit.

Car elle estoit asseurée que c'estoit de son invention et du gentil homme, et non du jeune Prince, duquel il aymoit mieulx gaingner de l'argent, en le confortant en ses follyes, que de faire ofHce de bon serviteur : mais que, puis qu'elle le coâgnoi$soit tel, elle ne demeureroit jamais en sa maison. Et, sur ce, elle envoïa quérir sonfrère pour la mener en son pays et se deslogea incontinent d'avecq sa sœur. Le sommelier, aïant failly à son

28 l'HEPTAMÉRON — V« JOURNÉE

entreprinse, s'en alla au chasteau, pour entendre à quoy il tenoit que le jeune Prince n'estoit venu; et ne fut guères là, qu'il ne le trouvast sur sa muUe tout seul avecq le gentil homme, en qui il se fyoit, et luy demanda : « Et puis, est-elle en- » cores là ?» Il luy compta tout ce qu'il avoit faict. Le jeune Prince fut bien marry d'avoir failly à sa délibération,, qu'il estimoit estre le moïen dernier et extrême qu'il pouvoit prendre là. Et, voïant qu'il n'y avoit plus de remède, la chercha^ant, qu'il la trouva en une cornpàîgnye où elle ne pouvoit foyr ; qui se courroucea fort à elle des rigueurs qu'elle luy tenoit et de ce qu'elle vouloît laisser la compaignie de son frère ; laquelle luy dist qu'elle n'en avoit jamais trouvé une pire ne plus dangereuse pour elle; et qu'il estoit bien tenu à son sommelier, veu qu'il ne le servoit seullement du corps et de$ biens, mais aussy de l'ame et de la conscience. Quand le Prince congnut qu'il n'y avoit aultre remède, délibéra de ne l'en prescher plus et l'eut toute sa vie en bonne estime. Un servi* teur du dict Prince, voïant l'honnesteté

XLIl — L'HONNESTE fille 2Q

de céste fille, la voulut épouser; à quoy jamais ne se voulut accorder, sans le commandement et congé du jeune Prince, auquel elle avoit mis toute son affection ; ce qu'elle luy feit entendre. Et, par son bon vouloir, fut faict le mariage où elle a vescu toute sa vie en bonne réputation. Et luy a fait le jeune Prince beaucoup de grans biens.

c Que dirons-nous icy, mes Dames?

Avons-nous lecueur si bas, que nous facions no£ serviteurs noz maistres, veu que cestecy n'a sceu estre vaincue ne d'amour ne de torment? Je vous prie que, à son exemple, nous demorions victorieuses de nousmesmes, car c'est la plus louable victoire que nous puissions avoir. — Je ne voy que un mal, > dist Oisille : < que les actes vertueux de ceste fille n'ont esté du temps des historiens, car ceulx qui ont tant loué leur Lucresse l'eussent laissé au bout de la plume, pour escripre bien au long les vertu2 de ceste-cy : pour ce que je les trouve si grandes que je ne les pourrois croire, sans le grand serment que nous avons faict de dire vérité. — Je ne trouve pas sa vertu telle que vous la peignez, » dist Hircan, c car vous avez veu assez de malades desgouttez délaisser les

3o L^HEPTAMÉRON — V* JOURNÉE

bonnes et salutaires viandes, pour manger

les mauvaises et dommageables : aussy

peult estre que ceste fille avoit quelque

gentil homme comme elle, qui luy faisoit

despriser toute noblesse. » Mais Parlamente

respondit à ce mot, que la vie et la fin de

ceste fille monstroientque jamais n'avoit eu

opinion à homme vivant, que à celluy qu'elle

aympit plus que sa vie, mais non pas plus

que son honneur. — f Ostez ceste opinion

de vostre fantaisye, » dist Safifredent, c et

entendez d'où est venu ce terme d'honneur

quant aux femmes, car peult estre que celles

qui en parlent tant, ne sçavent pas l'invention

de ce nom. Sçachez que, au commencement

que la malice h'estoit trop grande entre les

hommes, l'amour y estoit si naifve et forte,

que nulle dissimulation n'y avoit lieu. Et

estoit plus loué celluy qui plus parfaictement

aymoit. Mais quand l'avarice et le péché

vindrent saisir le cueur et l'honneur, ilz en

chassèrent dehors Dieu et l'amour; et, en

leur lieu, prindrent amour d'eulz-mesmes,

ypocrisie et fiction. £t volant les Dames

nourrir en leur cueur ceste vertu de vraye

amour et que le nom d'ypocrisie estoit tant

odieux entre les hommes, luy donnèrent le

surnom d*honneurj tellement que celles qui

nepouvoientavoiren elles ceste honnorable

amour, disoient que l'honneur . le leur

XLii — l'honmeste fille 3i

deffendoit, et en ont faict une si cruelle loy, que mesmes celles qui aymentparfaictement, dissimullent, estimant vertu estre vice; mais celles qui sont de bon entendement et de sain jugement, ne tumbent jamais en telles erreurs, car ilz congnoissent la différence des ténèbres et de lumière; et que leur vray honneur gist à monstrer la pudicité du cueur qui ne doibt vivre que d'amour et non point se honorer du vice de dissimulation. — Toutesfois, » dist Dagoucin, < on dit que l'amour la plus secrète est la plus louable. — Ouy, secrète, » dist Simontault, c aux œilz de ceulx qui en pourroient mal juger, mais claire et congneue au moins aux deux personnes à qui elle touche. — Je Uentendas ainsy, » dist Dagoucin ; c encores vauldroit-elle mieulx d'estre ignorée d'un costé que entendue d'un tiers, et je croy que ceste femme-là aymoit d'autant plus fort, qu'elle ne le déclaroit point. — Quoy qu'il y ait, > dist Longarine, < il fault estimer la vertu dont la plus grande est à vaincre son cueur. Et, voiant les occasions que ceste fille avoit d'oublier sa conscience et son honneur; et la vertu qu'elle eut de vaincre son cœur et sa volunté et celluy qu'elle aymoit plus qu'elle-mesmes, avecq toutes les occasions et moîens qu'elle en avoit, je dis qu'elle se pouvoit nommer la forte

32 L'HEPTAMÉRÔN — V« JOURNÉE

femme. — Pui« que vous estimez, » dist Saffredent, c la grandeur de la vertu par la miortificatièn de soy-mesmes, je dis que ce seigneur estoit plus louable qu'elle, veu l'amour qu'il luy portoit, la puissance, occasion et mo!en qu'il en avoit; et toutesfois, ne voulut point offenser la reigle de vraie amitié, qui esgalle le prince et le pauvre, mais usa des molens que Phonnesteté permect. — Il y en a beaucoup, » d}it Hircan, c qui n'eussent pas faict ainsy . — De tant plus est-il à estimer, » dist Longarine, c qu'il a vaincu la commune malice des hommes, car qui peut faire mal et ne le faict point, cestuy^là est bien heureux. — A ce propos, > dist Geburon, c vous me faictes souvenir d'une qui avok plus de craincte d'offenser les oeilz des hommes, qu'elle n'avoît Dieu, son honneur ne l'amour. — Ôr, je vous prie, i dist Parlamente, c que vous nous la comptiez et je vous donne ma voix. — Il y a, » dist Geburon, c des personnes qui n'ont point de Dieu; ou, s'ilz en croyent quelqu'un, l'estiment quelque chose si loing d'euix qui ne peult veoir ny entendre les mauvaises œuvres qu'ilz font; et encores qu'ilz les voient, pensent qu'il soit nonchaillant, qu'il ne les pugnisse point, comme ne se soucyant des choses de çà bas. Et de ceste opinion

xLii — l'bonnestb pille 33

mesmes estoit une Damoiselle, de laquelle, pour l'honneur de la race, je changeray le nom, et la nommeray Jambicque. Elle disoit souvent que la personne qui n^avoit à faire que de Dieu, estoit bien heureuse, si au demeurant elle pouvoit bien conserver son honneur devant les hommes. Mais vous verrez, mes Dame», que sa prudence ne son ypocrisie xie l'a pas garantie que son secret n'ait esté révélé, comme vous verrez par son histoire où la vérité sera dicte tout du long, horsmis les noms des personnes et des lieux qui seront changez. •