LXV« NOUVELLE

La fausseté d'un miracle que les prestres Saint Jehan de Lyon vouloient cacher fut découverte par la congnoissance de la sottise d'une vieille.

N réglise Saînct Jehan de Lyon, y a une chappelle fort obscure, et dedans un sépulcre faict de pierre à grans personnages eslevez comme le vif; et sont à l'entour du sépulcre plusieurs hommes d'armes couchez. Un jour, un souldart se pourmenant dans l'église, au temps d'esté qui faict grand chault, luy print envye de dormir. Et, regardant ceste chappelle obscure et fresche, pensa d'aller garder le sépulcre, en dormant comme les aultres, auprès desquels il se coucha. Or

200 l'HEPTAMÉRON — vil» JOURNÉE

advînt-il que une bonne vieille fort dévote arriva au plus fort de son sommeil, et, après qu'elle eut dict ses dévotions, tenant une chandelle ardente en sa main, la voulut attacher au sépulcre. Et, trouvant le plus près d'icelluy cest homme endormy, la luy voulut mettre au front, pensant qu'il fust de pierre. Mais la cire ne peut tenir contre. la pierre ; la bonne Dame, qui pensoit que ce fust à cause de la froideur de Tymage, luy va mettre le feu contre le front, pour y faire tenir sa bougye. Mais Tymage, qui n'estoit insensible, commencea à crier; dont la bonne femme eut si gnand paour, que comme toute hors du sens se print à cryer miracle, tant que tous ceulx qui estoient dedans l'église coururent, les uns à sonner les cloches, les autres à veoir le miracle. Et la bonne femme les mena veoir l'ymage qui estoit remuée ; qui donna occasion à plusieurs de rire, mais les prestres ne s'en pouvoient con-^ tenter, car ilz avoient bien délibéré de faire valloir ce sépulcre et en tirer autant d'argent que du crucifix qui est sur leur pupiltre, lequel on dict avoir parlé;