LXVII — LA FEMMB VERTUEUSE

pays. Mais Dieu voulut que son entre* prinse fut si tost congneue, qu'elle ne peut nuyre au cappitaine Robertval, lequel feit prendre ce meschant traistre, le voulant pugnir comme il l'avoit mérité ; ce qui eust esté faict, sans sa femme qui avoit suivy son mary par les périlz de la mer; et ne le voulut abandonner à la mort, mais avecq force larmes feit tant, avecq le cappitaine et toute la compaignye, que, tant pour la pitié d'icelle que pour le service qu'elle leur avoit faict, luy accorda sa requeste, qui fut telle, que le mary et la femme furent laissez en une petite isle, sur la mer, où il n'habitoit que bestes saulvaiges ; et leur fut permis de porter avecq eulx ce dont ilz avoient nécessité. Les pauvres gens, se trouvans tous iseulz en la compaignye des bestes saulvaiges et cruelles, n'eurent^ recours que à Dieu seul, qui avoit esté toujours le ferme espoir de ceste pauvre femme. Et, comme celle qui avoit toute consolation en Dieu, porta pour sa saulve garde, nourriture et consolation le Nouveau Testament, lequel elle lisoit incessamment. Et, au

270 L*HEPTAI05RON — VU* JOUUIÉE

demourant, avecq son mary, mettait peine d'accoustrer un petit logis le mieulx qu'il leur estoit possible; et, quand les lyons et aultres bestes en aprochoient pour les dévorer, le mary avecq sa har« quebuze, et elle, avecq des pierres, se défendoient si bien, que, non seuUement les bestes ne les osoient approcher, mats bien souvent en tuèrent de très-bonnes à manger ; ainsy , avecq telles chairs et les herbes du pais, vesquirent quelque temps, quand le pain leur fat failly. A la longue, le mary ne peut porter telle nourriture ; et, à cause des eaues qu'ilz buvoient, devint si enflé, que en peu de temps il mourut, n'àiant service ne consolation que de sa femme, laquelle le servoit de médecin et de confesseur; en sorte qu'il passa joieusement de ce désert en la céleste patrie. Et la pauvre femme, demourée seulle, l'enterra le plus pro* fond en terre qu'il fut possible ; si est-ce que les bestes en eurent incontinent le sentyment, qui vindrent pour manger la charogne. Mais la pauvre femme, en sa petite maisonnette, de coups de harquebuze défendoit que la chair de son