LXXI — LA GUÉRISON

s'en alla en grande diligence, pour la secourir. Et trouva sa pauvre femme si bas, qu'elle avoit plus de besoing de confesseur que de médecin ; dont il feit un deuil le plus piteux du monde. Mais, pour bien le représenter, fauldroit parler gras comme luy, et encore seroit-ce plus qui pourroit peindre son visage et sa contenance. Après qu'il luy eut faict tous les services qu'il luy fut possible, elle demanda la croix, que on luy feist apporter. Quoy voiant, le bon homme s'alla jetter sur un lict, tout désespéré, criant et disant avec sa langue grasse : « Hélas î mon Dieu, je perdz ma pauvre » femme ! Que feray-je, moy, malheu- 0 reux ! » et plusieurs telles complainctes. A la fin, regardant qu'il n'y avoit personne en la chambre, que une jeune chamberière assez belle et en bon poinct, Fappela tout bas à luy, en luy disant : R M'amye, je me meurs, je suis pis que » trespassé de veoir ainsy morir ta mais* » tresse! Je ne sçay que faire, ne que 9 dire, sinon que je me recommande à 9 toy ; et te prie prendre le soing de ma p maison et de mes enfans. Tiens les

338 L*HEPTAM<ltO!f -— TIXl* JOURNEE

» clefz que )'ay à mon costé. Donne » ordre au mesnaige, car je n'y sçaurois » plus entendre. » La pauvre fille, qui en eut pitié, le réconforta, le priant de . ne se vouloir désespérer; et que, si elle perdoit sa maistresse, elle ne perdist son bon maistre. Il luy respondist : — « M'amye, il n'est possible, car je me » meurs. Regarde comme j'ay le visage » froid, approche tes joues des miennes » pour les me réchauffer. '» Et, en ce faisant, il luy mist la main au tetin, dont elle cuyda faire quelque difficulté, mais la pria n'avoir point de craincte, car il fauldroit bien qu'ilz se veissent de plus près. Et sur ces motz, la.print entre ses bras, et la jetta sur le lict. Sa femme;, qui n'avoit compaignye que de la croix et de l'eau beniste, .et n'avoit parlé depuis deux jours, commencea, avecq sa foible voix, de crier le plus hault qu*elle peut : « Hal ha! ha! je ne suis pas » encore morte ! » Et, en les menassant de la main, disoit : a Meschant, villain, » je ne suis pas morte I » Le mary et la chamberière, oians sa voix, se levèrent ; mais elle estoit si despite contre eulx.

LZZI — LA GUÉRI80N BSq

que la coUère consuma Thumidité du caterre qui la gardoit de parler, en sorte qu'elle leur dist toutes les injures dont elle se pouvoit adviser. Et, depuis ceste heure-là, commencea de guérir : qui ne fut sans souvent reprocher à son mary le peu d'amour qu'il lui portoit.

c Vous voiez, mes Dames, l'ypocrisye des hommes : comme pourun peu de consolation ilz oublient le regret de leurs femmes ! — Quesçavez-vous,» dist Hircan, c s'il avoit ouy dire que ce fust le meilleur remède que sa femme pouvoit avoir? Car^ puis que par son bon traictement il ne la pouvoit guérir, il vouloit essaier si le contraire lui seroit meilleur : ce que très-bien il expérimenta. Et m'esbahys comme, vous, qui estes femmes, avez déclairé la condition de vostre sexe, qui plus amende par despit que par doulceur. — Sans point de faulte, 9 dist Longarine, ccela me feroit bien, non seullement saillir du lict, mais d'un sépulcre tel quecelluy-là. — Et quel tort luy feisoit-il, i dist Saffredentj c puisqu'il la pensoit morte, de se consoler? Car Ton sçait bien que le lien du mariage ne peut durer sinon autant que la vie; et puis après, on est deslié. — Ouy, deslié, i dist Oisille, c du serment et

340 l'heptamàon — vin* ^ousiifa

de l'obligation; mais un bon cœur n'est famais deslié de Tamour. Et estoit bien tost oublié son deuil, de ne pouvoir attendre que sa femme eust poussé le dernier souspir. — Mais ce que je trouve le plus estrange, • dist Nomerfide, c c'est que, voiant la mort et la croix devant ses œilz, il ne perdoit la volunté d'offenser Dieu. -^ Voylà une belle raison! » dist Symontault; c vous ne vous esbahiriez doncques pas de veoir faire une foUye, mais que on soit loing de l'église et du cymetiére? — Mocquez-vous tant de moy que vous vouldrez, » dist Nomerfide; c si est-ce que la méditation de la mort rafroidyt bien fort un cueur, quelque jeune qu'il soit. — Je serois de vostre opinion, > dist Dagoucin, c si je n^avois ouy dire le contraire à une princesse. — C'est doncques à dire, » dist Parlamente, c qu'elle en racompta quelque histoire. Parquoy, s'il est ainsy. je vous donne ma place pour la dire. » Dagoucin comm«ncea ainsy :