Test-à-dire : Pour prouver qu'il en est ainsi

qui furent fort estonnez de le veoir ainsy courir; mais il ne leur osa rien dire, sinon qu'il les pria bien fort de luy vouloir ouvrir la porte, ou de le loger avecq eulx jusques au matin, ce qu'ilz feirent, car ilz n'en avoient pas les clefz. A ceste heure-là, vint le prince pour se coucher et trouva sa femme dormant; la resveilla, luy disant : c Devinez, ma femme, quelle heure il est? » Elle luy dist: € Depuis au soir que je me couchay, je n'ay point ouy sonner l'orloge. » Il luy dist : « Hz sont trois heures après minuict pasi^es. — Pour lors. Monsieur, dist sa femme, et où avez-vous tant esté? J'ay grand paour que vostre santé en vauldra pis. — M'amye, dist le prince, je ne seray jamais mallade de veiller, quand je garde de dormir ceulx qui me cuydent tromper. ]» Et, en disant ces paroiles, se print tant à rire, qu'elle le suplia luy vouloir compter ce que c'estoit, ce qu'il feit tout du long, en luy monstrant la peau du loup que son varlet de chambre avoit apportée. Et, après qu'ilz eurent passé le temps aux despens des pauvres gens, s'en allèrent dormir d'aussi gratieux repos que les deux aultres travaillèrent la nuyct et en paour et craincte que leur affaire fust révélé. Toutesfois, le gentil homme, sçachantbien qu'il ne povoitdissimuUer devant le prince, vint au matin à son lever luy suplier qu'il ne le voullust point déceler et qu'il luy feist rendre sa cappe. Le prince feit semblant d'ignorer tout le faict et tint si bonne contenance, que le gentil homme ne sçavoit où il en estoit. Si est-ce que à la fin il oyt aultre leçon qu'il ne le pensoit, car le prince l'asseura, que, s'il y retournoit jamais, qu'il le diroit au Roy et le feroit bannir de la court.

« Je vous prie, mes dames, juger s'il n'eust pas mieulx vallu à ceste pauvre dame d'avoir parlé franchement à celluy qui luy faisoit tant d'honneur de l'aymer et estimer, que de le mectre par dissimullation jusques à faire une preuve qui luy fut si honteuse ! — Elle sçavoit, dist Geburon, que, si elle luy confessoit la vérité, elle perdroit entièrement sa bonne grâce, ce qu'elle ne vouloit pour rien perdre. — Il me semble, dist Longarine, puis qu'elle avoit choisy un mary à sa fantaisye, qu'elle ne debvoit

QNQUANTE TROISIESME NOUVELLE 375

craindre de perdre Tamytié de tous les aultres? — Je croy bien, ce dist Parlamente, que, si elle eust osé declairer son maryage, elle se fust contentée du mary ; mais, puis qu'elle le voloit dissimuller jusques ad ce que ses filles dissent mariées, elle ne voloit point laisser une si honneste couverture. — Ce n'est pas cela, dist Safïredent, mais e'est que l'ambition des femmes est si grande, qu'elles ne se contentent jamais d'en avoir ung seul. Mais j'ay oy dire que celles qui sont les plus saiges en ont voluntiers trois, c'est assavoir ung pour l'honneur, ung pour le profût, ung pour le plaisir ; et chascun des trois pense estre le mieulx aymé. Mais les deux premiers servent au dernier. — Vous parlez de celles, dist Oisille, qui n'ont ny amour ny honneur» — Madame, dist Saffredent, il y en a telles de la condition que je vous paincts et que vous estimez bien des plus honnestes femmes du païs. — Créiez, dist Hircan, que une femme fine sçaura vivre où toutes les aultres mourront de faim. — Aussy, ce dist Longarine, quand leur finesse est congneue, c'est bien la mort. — Mais la vie, dist Simontault, car elles n'estiment pas petite gloire d'estre réputées plus fines que leurs compaignes. Et ce nom-là de fines y qu'elles ont acquis à leurs despens, faict plus hardiment venir les serviteurs à leur obéissance, que la beaulté. Car ung des plus grands plaisirs qui sont entre ceulx qui ayment, c'est de conduire leur amytié finement. — Vous parlez, dist Ennasuite, d'ung amour meschant, car la bonne amour n'a besoing de couverture. — Ha, dist Dagoucin, je vous suplie ester ceste oppinion de vostre teste, pour ce que tant plus la drogue est pretieuse et moins se doibt éventer, pour la malice de ceulx qui ne se prennent que aux signes extérieurs, lesquelz en bonne et loialle amytié sont tous pareilz ; parquoy les fault aussy bien cacher quand l'amour est vertueuse, que si elle estoit au contraire, pour ne tomber au mauvais jugement de ceulx qui ne peuvent croire que ung homme puisse aymer une dame par honneur ; et leur semble que, s'ils sont subjectz à leur plaisir, que chascun est semblable à eulx. Mais, si nous estions tous de bonne foy, le regard et la parolle n'y seroient point dissimulez, au moins à ceulx qui ayme-

376 snuESME journée

roient mieulx morir que d'y penser quelque mal. — Je vous asseure, Dagoucin, dist Hircan, que vous avez une si haulte philosophie, qu'il n'y a homme icy qui l'entende ne le eroye; car vous nous vouldriez faire acroire que les hommes sont anges, ou pierres, ou diables. — Je sçay bien, dist Dagoucin, que les hommes sont hommes et subjectz à toutes passions ; mais si est•<^e qu'il y en a qui aymeroient mieulx morir, que pour leur plaisir leur dame feist chose contre sa conscience. — C'est beaucoup que morir, dist Geburon; je ne croiray ceste parolle, quand elle seroit dicte de la bouche du plus austère religieux qui soit. — Mais je croy, dist Hircan, qu'il n'y en a point qui ne désire le contraire. Toutesfois, ilz font semblant de n'aymer point les raisins quand ilz sont si haults, qu'ilz ne les peuvent cueillir*. — Mais, dist Nomerfide, je croy que la femme de ce prince fut bien ayse, dont son mary apprenoit à congnoistre les femmes. • — Je vous asseure que non fut, dist Ennasuitte, mais en fut très marrye pour l'amour qu'elle luy portoit. — J'aymerois autant, dist SafFredent, celle qui ryoit cpiand son mary baisoit sa chamberiere. — Vrayement, dist Ennasuitte, vous en ferez le compte ; je vous donne ma place. — Combien que ce compte soit court, dist Saffredent, je le vous voys dire, car j'ayme mieulx vous ifaire rire que parler longuement. »

La femme de Thogas, pensant que son mary n'eust amitié à anltre qu'à elle, trouvoit bon que sa servante luy feit passer le temps, et ryoit quand,' à son veu et sceu, il la baisoit devant elle.

Entre les montz Pyrénées et les Alpes, y avoit ung gentil homme, nommé Thogas, lequel avoit femme et