FARCE DES FILLES ET DES MARIEES

Leur faux parler ne me rendra paoureuse D'aymer très fort, saichant que tout le bien, Au pris d'Amour, se doit estimer rien; Car qui Amour ha dans son cueur enclose, Il trouvera liberté son lyen, Et ne sçauroit désirer autre chose.

La Première Fille.

Mieux me vauldroit tenir la bouche close Que soustenir qu'il vault myeulx à ung cueur D'estre vaincu que d'estre le vainqueur De ceste Amour que vous louei si fort.

La Seconde Fille.

Comment vaincu? Mais il en est plus fort, Car le cueur seul, sans Amour, n'est que glace: Amour est feu, qui donne lustre & grâce, Vye, vertu, sans qui le cueur n'est rien.

La Première Fille.

La liberté est suffisant moyen Pour déchasser du cueur & Peur & Honte, Et, quant à moy, je ne puis faire compte De riens qui soit qui le puisse arracher Hors de mon cueur.

La Seconde Fille.

Je ne veulx point tascher De vous oster ceste vertu aymée.

Mais je dis bien que Liberté nommée Doit estre Amour.

La Première Fille.

Or, pour conclusion.

Vous soustenei Plaisir & Passion Estre tout ung, ce que ne puis entendre; Mais Liberté m'a très bien faiâ apprendre Que tout plaisir en elle on peult trouver.

La Seconde Fille.

Mais c'est Amour qui le fait renouver^. Car, quant je puis au près de moy tenir Celluy que j'ayme, mal ne me peult venir, Et tous les maitlx qui me sont advenu^ Je ne sçay plus lors qu'ils sont devenu^,. En cest Amour & en ce grant plaisir La Liberté seulle se peult choisir.

La Première Femme mariée.

Ilfaiâ grand mal à femme honneste & sage, Qui craind son Dieu & ayme son honneur. Quand son mary par un meschant langage Ignorer veult la bonté de son cueur.

Si ma beaulté mérite un serviteur De qui je suis honnorée & aymée.

En dois je moings pourtant estre estimée Puis que mon cueur n'est de vice taché? Non, mais plustost devrais estre blasmée Si je faisais de non pécher péché^.