POÉSIES INÉDITES DE LA R. DE NAVARRE

Combien l'espoir de vous m'est prouffitahle. Cest espoir est l'honneur de ma jeunesse Et tout le bien de ma petite enfance; Cest le repos de toute ma vieillesse Et le baston très seur de ma deffence;

Cest le moyen tout seul de la viâoire De tous les maulx qui m'ont peu advenir; S'ili sont vaincus, à vous en est la gloire, De qui je sens force & vertu venir; Cest la santé qui chasse maladie Du corps, du cœur & de l'entendement.

Et seureté telle, quoy que l'on dye, Nuyre ne pcult à mon contentement ;

Cest le bourdon de mon pèlerinaige, L'appuy très fort de ma débilité, Ilequel tenant, toute peyne & voyaige M'est unrfpoi & grand utilité; Cest ce qui tous mes ennuys [me] faiâ prendre Patiemment, desquels je suis deslivre, Et sans lequel je vous supply entendre Qu'il ne m'estoit plus possible de vivre;

Cest cest espoir, par qui mes passions Vaincues sont & rendues contentes.

Qui meâ à riens mes tribulacions Que j'estimois ardentes & picquautes; Par cest espoir, qui de vous seul procède, fe n'ay trouvé nul malheur importable.

Car si grande est sa vertu qu'elle excède Peyne & ennuy & mal intolérable.

Si les regreii de père, mère, enfans, Par desespoir me sont tous descouvers, De cest espoir je m'arme & me deffendi, Disant qu'en vous les ay tous recouver s; Fortune n'a sur cest espoir puissance De le pouvoir en riens diminuer; Longueur de temps ne peult ces te espérance Garder en moy, tousjours continuer.

Tous les ennuyi que le Ciel & la Terre Peuvent donner à un corps & un cœur Ne me sçauroient faire estimer leur guerre. Car cest espoir en est le seul vainqueur; Tant qu'en ma main je le pourray tenir, Puisqu'il vous plaist que sur luy je m' appuyé. Tant seure suis de tous maulx advenir Que devant eulx ne penseï que jefuye.

Puisque je suis seure de vostre amour Et que je sçay vous estre seulle seur, La mort ne peult que me prendre, à ce jour. D'amour contente & d'espoir & d'honneur; La mort ne crainâi, mais que tousjours la face fe puisse veoir de mon frère & mon Roy En seureté, que fermement je croy, D'avoir sans fin part à sa bonne grâce.

fay devers moy ce poinâ & advantaige.

Pour garentir ma ferme loyaultè.

Que le long [temps] en donne tcsmoingnaige, Et mesme à vous si grande seureté Que tort avei si en avei doubté.

Si [donc] je prends aulcunes foys loisir D'entretenir quelque dame à plaisir.

Pour tant ne veulx devenir variable.

Mais estimer que, sans aultre choisir.

Je vous en treuve après trop plus amable '.

Folio io8 verso à iio rcflo.

Souvieigne vous des lermes respandues.

Qui par regret très grand furent rendues Sur vostre tant amyable visaige; Souvieigne vous du dangereux oultraige Que vous cuida faire mon povre cœur.

Pressé par trop d'une extrême douleur.

Quand il força la voix de satisfaire Au très grand mal où. ne sçavois que faire. Tant qu'à peu près le pleur fut entendu; Souvieigne vous du sens qui fut perdu.

Tant que raison, parolle & contenance N'eurent pouvoir, ny force ny puissance. De desclair er ma double passion, Ny aussi peu ma grand affeâion; Souvieigne vous du cœur qui bondissoit Pour la tristesse en quoy il pèrissoit; Souvieigne vous des souspirs très ardens Qui à la foule, en despiâ de mes denti, Sortoient dehors pour mieulx me soulaiger; Souvieigne vous du péril & danger Où nous estions, dont nous ne tenions compte.

I. Dans le ms. ce dizain suit d'un seul tenant ce qui précède; c'en est évidemment la réponse. — M.

l66 POÉSIES INÉDITES

Car vraye amour ne congnoist paour ny honte; Souvieigne vous de nostre amour honneste. Dont ne devons pour nul baisser la teste, Car nous sçavons tous deux certainement Qu'Honneur & Dieu en sont le fondement; Souvieigne vous du très chaste embrasser Dont vous ne moy ne nous pouvions laisser; Souvieigne vous de vostre foy promise Par vostre main dedens la mienne mise; Souvieigne vous de mes doubles passées, . Que vous avei en une heure effassées, Prenant en vous si grande seuretè Que je m'asseure en vostre fermeté ; Souvieigne vous que vous avei remis Du plus parfaiâ de voi meilleurs amys Le cœur, l'esprit & le corps en repos. Par vostre honneste & vertueux propos, Auquel je veulx adjouster telle foy Que plus n'aura Double pouvoir sus moy; Souvieigne vous que je n'ay plus de paine Que ceste là que avecques moy je maine. C'est le regret de perdre vostre veue Par qui souvent tant de joye ay reçeue; Souvieigne vous du regard de vostre œil. Dont l'esloingner mefaiâ mourir de dueil; Souvieigne vous du lieu, très mal paré, Oùfust de moy trop de bien séparé; Souvieigne vous des heures qui sonnoyent Et du regret qu'en sonnant me donnoient, Voyant le temps & l'heure s'advancer Du despartir, où ne foy s que penser; Souvieigne vous de l'adieu redoublé

DE LA R. DE NAVARRE jèj

A chascun pas, de Vespcrit troublé.

Du cœur transy & du corps affoihly,

Et ne meâés le triste oeil en oubly;

Souvieigne vous de la parfaiâe amour.

Qui durera sans cesser nuiâ & jour,

Qui a dens moy si bien painâ vostre ymaige

Que je n'ay riens sinon vostre visaige,

Vostre parler, vostre regard tant doulx.

Devant mes yeulx; bref, je n'y ay que vous;

Vous suppliant, o amye estimée.

Plus que nulle aultre & de moy tant aymée,

Souvieigne vous, d'immortel souvenir,

De vostre amy, & le vueillés tenir

Dens vostre cœur seul amy & parfaiâ.

Ainsi que vous dedens le sien ilfaiâ.

Folio 117 verso à 118 verso.