CINQUANTE ET UNIESME NOUVELLE

Le Duc d'Urbiu, contre ïa promesse f aile à sa femme, feit pendre une jeune Damoyselle par îe moyen de laquelle son fil\, qu'il ne vouloit marier pauvrement, faisait entendre A s'amye l'affeûion qu'il luy portait.

E Duc d'Urbin, nommé le Prefed, lequel espousa la seur du premier Duc de Mantoue, avoit un filz, de l'aage de dixhuid à vingt ans, qui fut amoureux d'une fille de bonne & honneste maison, seur de l'Abbé de Farse, &, pour ce qu'il n'avoyt pas la liberté de parler à elle comme il vouloyt selon la coustume du pays, se ayda du moien d'un Gentilhomme qui estoit à son service, lequel estoit amoureux d'une jeune Damoiselle servant sa mère, fort belle & honneste, par laquelle faisoyt déclarer à s'amye la grande affedion qu'il luy portoit. Et

rien, print sa fiance en sa promesse, estimant que le Duc ne vouldroit jamais aller contre telle seureté où l'honneur de sa femme estoit engaigé, & ainsy s'en retourna avecques la Duchesse.

Mais , si tost que le Duc le sçeut, ne faillyt à venir en la chambre de sa femme, où, si tost qu'il eut apperçeu ceste fille, disant à sa femme : « Voylà une telle qui est revenue », se retourna devers les Gentilz hommes, leur commandant la prendre & la mener en prison.

Dont la pauvre Duchesse, qui, sur sa parolle, l'avoyt tirée hors de sa franchise, fut si désespérée, se medant à genoulx devant luy, luy suplia que pour l'amour de luy & de sa Maison il luy pleust ne faire ung tel ade, veu que pour luy obéyr elle l'avoyt tirée du lieu où elle estoit en seureté.

Si est ce que, quelque prière qu'elle sçeut alléguer, ne sçeut amollir le dur cueur ne vaincre la forte opinion qu'il avoit prinse de se venger d'elle; mais, sans respondre à sa femme, se retira incontinent le plus tost qu'il peut &, sans forme de justice, obliant Dieu & l'honneur de sa Mayson, feyt cruellement pendre ceste pauvre Damoiselle.

Je ne puis entreprendre de vous racompter l'ennuy de la Duchesse, car il estoit tel que doibt avoir une Dame d'honneur & de cueur, qui sur sa

foy voyoit mourir celle qu'elle desiroyt de saulvcr. Mais encores moins se peult dire l'extrême deuil du pauvre Gentil-homme qui estoit son serviteur, qui ne faillit de se medre en tout debvoir qu'il luy fut possible de saulver la vie de s'amie, offrant medrc la sienne en lieu; mais nulle pitié ne sçeut toucher le cueur de ce Duc, qui ne congnoissoit aultre félicité que de se vanger de ceux qu'il hayssoit.

Ainsy fut ceste Damoiselle innocente mise à mort par ce cruel Duc contre toute la loy d'honnesteté, au très grand regret de tous ceulx qui la congnoissoient.

(T Regardez, mes Dames, quelz sont les efïedz de la malice, quant elle est joinde à la puissance.

— J'avoys bien ouy dire, » ce dist Longarine, « que les Italiens estoient subjedz à trois vices par excellence ; mais je n'eusse pas pensé que la vengeance & cruaulté fût allée si en avant que pour une si petite occasion elle eu donné si cruelle mort. »

SafFrcdent en riant luy dist : « Longarine, vous nous avez bien did l'un des trois vices, mais il fault sçavoir qui sont les deux autres.

— Si vous ne les sçaviez, » ce dist-elle, « je les vous apprendrois, mais je suis seure que vous les sçavez tous.

— Par ces paroUes, » dist Saffredent, « vous m'estimez bien vitieux.

— Non faiz, » dist Longarine, « mais si bien con-

gnoissez la laideur du vice que vous le povez mieulx que ung aultre éviter.

— Ne vous esbahissez, » dist Simontault, « de ceste cruaulté, car ceulx qui ont passé par Italie en ont vu de si très incroyable que ceste cy n'est au pris qu'un petit pecadille.

— Vrayement, » dist Geburon, « quant Rivolte fut prins des François, il y avoit ung Capitaine Italien que l'on estimoyt gentil compaignon, lequel, voiant mort ung qui ne luy estoit ennemy que de tenir sa part contraire de Guelfe à Gibelin, luy arracha le cueur du ventre &, le rôtissant sur les charbons, à grand haste le mangea &, répondant à quelquez ungs qui luy demandoient quel goût il y trouvoyt, dist que jamais n'avoyt mengé si savoureux ne si plaisant morceau que de cestuy là &, non contant de ce bel ade, tua la femme du mort &, en arrachant de son ventre le fruid dont elle estoyt grosse, le froissa contre les murailles & emplit d'avoyne les deux corps du mary & de la femme, dedans lesquelz il feyt manger ses chevaulx. Pensez si cestuy là n'eût bien faid mourir une fille qu'il eût soupsonnée luy faire quelque desplaisir,

— Il fault bien dire, » dist Ennasuide, « que ce Duc Urbin avoyt plus de paour que son filz fût maryé pauvrement qu'il ne desiroit luy bailler femme à son gré.

— Je croy que vous ne devez poind, » respondit Simontault, « doubter que la nature de l'Italien est d'aymer plus que Nature ce qui est créé seulement pour le service d'icelle.

— C'est bien pis, » dist Hircan, « car ilz font leur Dieu des choses qui sont contre Nature.

— :Et voylà, » ce dist Longarinc, « les péchez que je voulois dire, car on sçayt bien que aymer l'argent, sinon pour s'en ayder, c'est servir les idolles. »

Parlamente dist que Sainft Pol n'avoyt poind oblyé les vices des Italiens & de tous ceulx qui cuydent passer & surmonter les aultres en honneur, prudence & rayson humaine, en laquelle ils se fondent si fort qu'ilz ne rendent poind à Dieu la gloire qu'il luy appartient, par quoy le Tout puissant, jaloux de son honneur, rend plus insensez que les bestes enragées ceulx qui ont cuydé avoir plus de sens que tous les aultres hommes, leur faisant monstrer par oeuvres contre Nature qu'ilz sont en sens reprouvez.

Longarine luy rompit la paroUe pour dire que c'est le troisiesme péché en quoy ilz sont subjeélz.

« Par mafoy, » dist Nomerfîde, « je prens grand plaisir à ce propos, car, puisque les esperitz que l'on estime les plus subgedz & grands discoureux ont telle pugnition de devenir plus sotz que les bestes,il faultdoncques conclure que ceulx qui sont humbles & bas & de petite portée, comme le myen, sontrempliz de la sapience des Anges.

— Je vous asseure, » dist Oisille, « que je ne suis pas loing de vostre opinion, car nul n'est plus ignorant que celuy qui cuyde sçavoir.

— Je n'ay jamais veu , » dist Geburon, « mocqueur qui ne fût mocqué, trompeur qui ne fût trompé & glorieulx qui ne fût humillyé.

— Vous me faides souvenir, » dist Simontault , « d'une tromperie que, si elle estoit honneste, je l'eusse voluntiers comptée.

— Or, puisque nous sommes icy pour dire vérité, »

dist Oisille, « soyt de telle qualité que vouldrez, je vous donne ma voix pour la dire.

— Puisque la place m'est donnée, » dist Simontault, « je la vous diray :