CINQUANTE DEUXIESME NOUVELLE

Un Valet d'Apothicaire, voyant venir derrière soy un Avocat qui Itiy vienoit toujours la guerre & duquel il avait envie de se venger, laissa tomber de sa manche un étron gelé, envelopé dans du papier en guise d'un pain de sucre, que l'Avocat leva de terre & le cacha en son sein ; puis s'en alla desjeuner en ufie taverne, dont il m sortit qu'avec la despense & Ixinte qu'il pensait faire au pauvre Valet.

sHj^agrauPRÈs de la ville d'Alençon y avo}^ ung

^\^j^^^ Gentil-homme, nommé le Seigneur de

|la Tirelière, qui vint à un matin de sa

i maison jusques à la ville à pied, tant

pour ce qu'elle estoyt près que pour ce qu'il gelloyt à pierre fendant. Quant il eut faid ses affaires, trouva ung sien compère Advocat, nommé Anthoine Bacheré &, après luy avoir parlé de ses affaires, luy dist qu'il avoyt envie de trouver quelque bon desjuner, mais que ce fût aux despens

d'aultruy. En parlant à ses propos se assej'-èrent devant l'ouvrouer d'un Apothicaire, où estoit ung varlet qui les escoutoit & pensa incontinant de leur donner à desjuner.

Il saillyt de sa bouticque dans une rue où chacun alloyt faire ses nécessitez & trouva ung grand estronc tout debout, si gellé qu'il sembloyt ung petit pain de sucre fin; incontinant l'enveloppa dedans ung beau papier blanc, en la façon qu'il avoyt accoustumé, pour en faire envye aux gens & le cacha en sa manche, & s'en vint passer par devant ce Gentil homme & cest Advocat, laissant tumber assez près d'eulx comme par mesgarde ce beau pain de sucre, & entre dans une maison où il faingnoit de le porter.

Le Seigneur de la Tirelière se hasta de relever vistement ce qu'il cuydoyt estre ung pain de sucre &, ainsy qu'il le levoit, le Varlet de l'Apothicaire retourna, serchant & demandant son pain de sucre partout.

Le Gentil-homme qui le pensoyt avoir bien trompé, s'en alla hastivement avecq son compère en une taverne, en luy disant :

« Nostre desjuné est payé aux despens de ce Varlet. »

Quant il fut en la maison, il demanda bon pain, bon vin & bonnes viandes, car il pensoyt bien avoir de quoy paier. Ainsy qu'il commençea à se

chauffer en mangeant, son pain de sucre commencea aussy à dcsgeller, qui remplit toute la chambre de telle senteur que le pain estoyt, dont ccUuy qui le portoyt en son saing se commencea à courroucer à la Chamberière, luy disant :

« Vous estes les plus villennes gens en ceste ville que je veys oncques, car vous ou vos petitz enfants ont jonché toute ceste chambre de merde. »

La Chamberière respondit :

« Par Saind Pierre, il n'y a ordure céans si vous ne l'y avez apportée. »

Et sur ce regard se levèrent pour la grande puanteur qu'ilz sentoient, & s'en vont auprès du feu, où le Gentil-homme tira ung mouchouer de son saing, qui estoit taind de sucre qui estoit gelée, &, en ouvrant sa robe fourrée de regnardz, la trouva toute gastée & ne sçeut que dire à son compère, sinon que :

« Le mauvais garçon que nous cuydions tromper le nous a bien randu », &, en payant leur escot, s'en partirent aussi marris qu'ilz estoient venuz joieulx, pensans avoir trompé le Varlet de l'Appothicaire.

« Nous volons bien souvent, mes Dames, cela advenir autant à ceulx qui prennent plaisir à user de telles finesses. Si le Gentil homme n'eût voulu manger

Hept. III. 17

aux despens d'aultruy, il n'eût pas beu aux siens ung si villain bruvaige. Il est vray, mes Dames, que mon compte n'est pas très ned, mais vous m'avez donné congé de dire la vérité, laquelle j'ay dide pour monstrer que, si ung trompeur est trompé, il n'y a nul qui en soyt marry.

— L'on dist voluntiers, » dist Hircan, « que les paroUes ne sont jamais puantes, mais ceux pour qui elles sont dides n'en estoient pas quides à si bon marché qu'ilz ne les sentissent bien.

— Il est vray, » dist Oisille, « que telles paroUes ne puent poind, mais il y en a d'autres, que l'on appelle villaines, qui sont de mauvaise odeur quant l'ame en est plus faschée que le corps n'est de sentyr ung tel pain de sucre que vous avez did.

— Je vous prie, » dist Hircan, « dides moy quelles parolles sont que vous sçavez si ordes qu'elles font mal au cueur & à l'ame d'une honneste femme ?

— Il seroyt bon, » dist Oisille, « que je vous disse ce que ne conseille à nulle femme de dire.

— Par ce mot là, » dist SafFredent, « j'entens bien quelz termes ce sont, dont les femmes qui se veulent faire reputer saiges ne usent poind communément; mais je demanderois voluntiers à toutes celles qui sont icy, pourquoy c'est, puisqu'elles n'en osent parler, qu'elles rient si voluntiers quant on en parle devant elles? »

Ce dist Parlamente : « Nous ne ryons pas pour oyr dire ces beaulx motz, mais il est vray que toute personne est encline à rire ou quant elle voyt quelcun tresbucher, ou quant on did quelque mot sans propos comme souvent advient ; la langue fourche en parlant

& faift dire ung mot pour l'autre, ce qui advient aux plus saiges & mieulx parlantes. Mais, quant, entre vous hommes, parlez villainement pour vostre malice, sans nulle ignorance, je ne sçaiche telle femme de bien qui n'en ayt horreur, que non seuUement ne les veulle escouter, mais fuyr la compagnye d'icelles gens.

— Il est bien vray, » dist Geburon ; « j'ay bien veu des femmes faire le signe de la croix en oyant dire des paroUes, qui ne cessoient après qu'on ne les eût rediftes.

— Mais, » dist Simontault, « combien de foys ont elles mis leur touret de nez pour rire en liberté autant qu'elles s'estoient courroucées en faindes ?

— Encore valloyt il mieulx faire ainsy, » dist Parlamente, « que de donner à congnoistre que l'on trouvas! le propos plaisant.

— Vous louez doncques, » dist Dagoucin, « l'ypocrisie des dames autant que la vertu ?

— La vertu seroit bien meilleure, » dist Longarine, « mais où elle default se fault ayder de l'ypocrisie, comme nous faisons de pantoufles pour faire oblier nostre petitesse. Encores est ce beaucoup que nous puissions couvrir nos imperfedions.

— Par ma foy, » dist Hircan, « il vauldroyt mieulx quelque fois monstrer quelque petite imperfedion que la couvrir si fort du manteau de vertu.

— Il est vray, « dist Ennasuide, « que ung accoustrement cmprundé deshonore autant celluy qui est contraind de le rendre comme il luy a fait d'honneur en le portant, & y a telle Dame sur la terre qui par trop dissimuUer une petite faulte est tombée en une plus grande.

— Je me double, » dist Hircan, « de qui vous voulez parler, mais au moins ne la nommez poinft.

— Ho, » dist Geburon, « je vous donne ma voix par tel si que, après avoir faid le compte, vous nous direz les noms, & nous jurerons de n'en parler jamais.

— Je le vous promedz, » dist Ennasuide, « car il n'y a rien qui ne se puisse dire avecq honneur.

rmm y mJfi,

CINaUANTE TROISIESME NOUVELLE

Madame de Nettchaieî, par sa dissimulation, meit le Prince de Bclhoste jusqties à faire telle preuve d'elle qu'elle tourna à son deshonneur.

E Roy François premier estoyt en ung beau chasteau & plaisant, où il estoit allé avecq petite compaignye tant pour la chasse que pour y prendre quelque repos. Il avoyt en sa compaignye ung nommé le Prince de Belhoste, autant honneste, vertueux, saige & beau Prince qu'il y en avoyt poind en la Court, & avoyt espousé une femme qui n'estoit pas de grande Maison, mais si l'aymoyt il autant & la traidoyt autant bien que mary pcult faire sa femme & se fyoyt en elle. Quant il en aymoyt quelqu'une, il ne luy celloyt poind, sçachant qu'elle n'avoit volume que la sienne.

Ce Seigneur print une grande amitié en une Dame vefve qui s'appelloyt Madame de Neufchastel, & qui avoyt la réputation d'estre la plus belle que l'on eust peu regarder, &, si le Prince de Belhoste l'aymoit bien, sa femme ne l'aymoit pas moins, mais l'envoyoit souvent quérir pour manger avecq elle, la trouvant si saige & honneste que, en lieu d'estre marrye que son mary l'aymast, se resjouyssoyt de le veoir addresser en si honneste lieu remply d'honneur & de vertu.

Geste amytié dura longuement, en sorte que en tous les affaires de la dide Neufchastel le Prince de Belhoste s'employoit comme pour les siens propres, & la Princesse sa femme n'en faisoit pas moins; mais à cause de sa beaulté plusieurs grands Seigneurs & Gentilz-hommes cherchoient fort sa bonne grâce, les ungs pour l'amour seullement, les autres pour l'anneau , car oultre la beaulté elle estoit fort riche.

Entre aultres il y avoit ung jeune Gentilhomme, nommé le Seigneur des Cheriotz, qui la poursuivoyt de si près qu'il ne falloyt d'estre à son habiller & son deshabiller, & tout du long du jour tant qu'il povoyt estre auprès d'elle, ce qui ne pleut pas au Prince de Belhoste pource qu'il luy sembloyt que ung homme de si pauvre lieu & de si mauvaise grâce ne méritoyt poinâ: avoir si

honheste & graticux recueil, dont souvent il faisoit des remonstrances à ccste Dame. Mais elle, qui estoit fille d'Eve, s'excusoyt, disant qu'elle parloyt à tout le monde générallement & que pour cela leur amityè en estoyt d'autant mieulx couverte qu'elle ne parloit poinâ: plus aux ungs que aux autres.

Mais au bout de quelque temps ce Sieur des Cheriots feyt telle poursuide, plus par importunité que par amour, qu'elle luy promit de l'espouser, le priant ne la presser poind de déclairer le mariage jusques ad ce que ses filles fiissent maryées. A l'heure, sans crainde de conscience, allo5rt le Gentil-homme à toutes heures qu'il vouloit à sa chambre, & n'y avoyt que une femme de chambre & ung homme qui sçcussent leurs affaires.

Le Prince voyant que de plus en plus le Gentilhomme se apprivoyoit en la maison de celle qu'il aymoyt tant, le trouva si mauvais qu'il ne se peut tenir de dire à la Dame :

« J'ay tousjours aymé vostre honneur comme celuy de ma propre seur, & sçavez les honnestes propos que je vous ay tenuz & le contantement que j'ay d'aymer une Dame tant saige & vertueuse que vous estes; mais, si je pensoys que ung aultre qui ne le mérite pas gaignast par importunité ce que je ne veulx demander contre

13e VJ* JOURNÉE

vostre vouloir, ce me seroyt chose importable & non moins deshonorable pour vous. Je le vous didz pource que vous estes belle & jeune & que jusques icy vous avez esté en si bonne réputation, & vous commancez à acquérir ung très mauvais bruid, car, nonobstant qu'il ne soyt pareil ni de maison ni de biens & moins d'audorité, sçavoir & bonne grâce, si est ce qu'il vauldroyt mieulx que vous l'eussiez espousé que d'en medre tout le monde en soupson. Par quoy, je vous prie, dides moy si vous estes déHbérée de l'aymer, car je ne le veulx poind avoir pour compaignon, & le vous lerray tout entier & me retireray de la bone volunté que je vous ay portée. »

La pauvre Dame se print à pleurer, craingnant de perdre son amityé, & luy jura qu'elle aimeroyt mieulx mourir que d'espouser le Gentil-homme dont il luy parloit, mais il estoit tant importun qu'elle ne le povoit garder d'entrer en sa chambre à l'heure que tous les autres y entroient.

«De ces heures là, » dist le Prince, « je ne parle poind, car je y puis aussy bien aller que luy, & chacun voyt ce que vous faides, mais on m'a did qu'il y va après que vous estes couchée, chose que je trouve si estrange que, si vous continuez ceste vie & ne le declairez pour mary, vous estes la plus deshonorée femme que oncques fut. »

Elle luy fcit tous les sermens qu'elle peut qu'elle ne le tenoyt pour mary ne pour amy, mais pour ung aussi importun Gentil-homme qu'il en fiût poind.

« Puisque ainsi est, » dist le Prince, « qu'il vous fasche, je vous asseure que je vous en defferay.

— Comment , » dist elle , « le vouldriez-vous bien faire morir ?

— Non, non, » dist le Prince, « mais je luy donneray à congnoistre que ce n'est poind en tel lieu ny en telle maison que celle du Roy où il faille faire honte aux Dames, & vous jure, foy de tel amy que je suys, que, si après avoir parlé à luy, il ne se chastie, je le chastieray si bien que les autres y prendront exemple. »

Sur ces paroUes s'en alla & ne faiUit pas, au partir de la chambre, de trouver le Seigneur des Cheriots qui y venoyt, auquel il tint les propos que vous avez oyz, l'asseurant que, la première fois qu'il se trouveroyt hors de l'heure que les Gentilzhommes doyvent aller veoir les dames, il luy feroyt une telle paour que à jamais il luy en souviendroit & qu'elle estoit trop bien apparentée pour se jouer ainsy à elle.

Le Gentil -homme l'asseura qu'il n'y avoit jamais esté sinon comme les aultres & que il luy donnoit congé, s'il luy trouvoit, de luy faire du pis qu'il pourroit.

Hept. m. z8

Quelque jour après que le Gentil-homme cuydoyt les parolles du Prince estre mises en obly, s'en alla veoir au soir sa Dame & demeura assez tard.

Le Prince dist à sa femme comme la Dame de Neufchastel avoyt ung grand rhume, par quoy sa bonne femme le pria de l'aller visiter pour tous deux, & de luy faire ses excuses dont elle n'y povoyt aller, car elle avoyt quelque affaire nécessaire en sa chambre.

Le Prince attendit que le Roy fût couché & après s'en alla pour donner le bonsoir à sa dame, mais, en cuydant monter un degré, trouva ung varlet de chambre qui descendoit, auquel il demanda que faisoyt sa maistresse, qui luy jura qu'elle estoyt couchée & endormye.

Le Prince descendit le degré & soupsonna qu'il mentoyt, par quoy il regarda derrière luy & veid le varlet qui retournoyt en grande diligence. Il se promena en la court devant ceste porte pour veoir si le varlet retourneroyt poind. Mais ung quart d'heure après le veid encores descendre & regarder de tous coustez pour veoir qui estoyt en la court.

A l'heure pensa le Prince que le Seigneur des Cheriotz estoit en la chambre de sa dame qui pour crainde de luy n'osoyt descendre, qui le feyt en«ores promener longtemps. Se advisa que en

la chambre de la Dame y avoyt une fencstrc qui n'estoit guères haulte & rcgardoyt dans ung petit jardin; il luy souvynt du proverbe qui did : Qui ne peut passer par la porte saille par lafenestre, dont soubdain appella ung sien varlet de chambre & luy dist :

« Allez-vous en ce jardin là derrière &, si vous voyez ung Gentil-homme descendre par la fenestre, si tost qu'il aura mis le pied à terre, tirez vostre espée &, en le frottant contre la muraille, cryez : Tue, tue, mais gardez que vous ne le touchez. »

Le varlet de chambre s'en alla où son maistre l'avoyt envoyé, & le Prince se promena jusques environ trois heures après minuyd.

Quant le Seigneur des Cheriotz entendit que le Prince estoyt toujours en la court, délibéra descendre par la fenestre &, après avoir gedé sa cappe la première, avec l'ayde de ses bons amys, saulta dans le jardin. Et, sitost que le varlet de chambre l'advisa, il ne faillyt à faire bruid de son espée & cria : Tue, tue, dont le pauvre Gentilhomme, cuydant que ce fust son maistre, eut si grand paour que, sans adviser à prendre sa cappe, s'enfuyt en la plus grande haste qu'il luy fut possible.

Il trouva les Archers qui faisoient le guet, qui furent fort estonnez de le veoir ainsy courir,

mais il ne leur osa rien dire, sinon qu'il les pria bien fort de luy vouloir ouvrir la porte ou de le loger avecq eulx jusques au matin, ce qu'ilz feirent, car ilz n'en avoyent pas les clefz.

A ceste heure là vint le Prince pour se coucher & trouva sa femme dormant; la resveilla, luy disant :

« Devinez, ma femme, quelle heure il est ? »

Elle luy dist :

« Depuis au soir que je me couchay je n'ay poind ouy sonner l'orloge. »

Il luy dist :

« Hz sont trois heures après minuyd passées.

— Pour lors. Monsieur, » dist sa femme, « & où avez vous tant esté? J'ay grand paour que vostre santé en vauldra pis.

— M'amye, » dist le Prince, « je ne seray jamais mallade de veiller quant je garde de dormir ceuk qui me cuydent tromper. »

Et en disant ces parolles se print tant à rire qu'elle le supplia luy vouloir compter ce que c'estoyt, ce qu'il feyt tout du long, en luy monstrant la peau du loup que son varlet de chambre avoit apportée. Et, après qu'ils eurent passé le temps aux despens des pauvres gens, s'en allèrent dormyr d'aussi gratieux repos que les deux autres travaillèrent la nuyd & en paour & crainde que leur affaire fust révélé.

Toutefois le Gentil-homme, sçachant bien qu'il ne povoyt dissimuller devant le Prince, vint au matin à son lever luy supplier qu'il ne le voulust poind déceler & qu'il luy feist randre sa cappe. Le Prince feyt semblant d'ignorer tout le faid & tint si bonne contenance que le Gentil-homme ne sçavoyt où il en estoit. Si est ce que à la fin il oyt autre leçon qu'il ne le pensoyt, car le Prince l'asseura que, s'il y retournoyt jamais, qu'il le diroyt au Roy & le feroit bannyr de la Court.

<r Je vous prie, mes Dames, juger s'il n'eût pas miculx vallu à ceste pauvre Dame d'avoir parlé franchement à celluy qui luy faisoyt tant d'honneur de l'aymer & estimer, que de le meftre par dissimuUation jusques à faire une preuve qui luy fut si honteuse.

— Elle sçavoyt, « dist Geburon, « que, si elle luy confessoit la vérité, elle perdroit entièrement sa bonne grâce, ce qu'elle ne vouloit pour rien perdre.

— Il me semble, » dist Longarine, « puis qu'elle avoyt choisy un mary à sa fantaisye, qu'elle ne debvoit craindre de perdre l'amityé de tous les autres.

— Je croy bien, » ce dist Parlamcnte, « que, si elle eust osé déclairer son mariage, elle se fût contantéc du mary, mais, puisqu'elle le vouloyt dissimuller jusques ad ce que ses filles fussent mariées, elle ne vouloyt poind laisser une si honneste couverture.

— Ce n'est pas cela, » dist Saiîrcdent, « mais c'est que l'ambition des femmes est si grande qu'elles ne se contentent jamais d'en avoir ung seul. Mais j'ay oy

dire que celles qui sont les plus saiges en ont voluntiers trois, c'est assavoir ung pour l'honneur, ung pour le proffid, ung pour le plaisir, & chacun des trois pense estre le mieulx aymé, mais les deux premiers servent au dernier.

Vous parlez de celles , » ce dist Oisille, « qui

n'ont ny amour ny honneur.

Madame, » dist Saffredent, « il y en a telle de la

condition que je vous painfts & que vous estimez bien des plus honnestes femmes du pais.

— Croiez, » dist Hircan, « que une femme fine sçaura vivre où tous les autres mourront de faim.

— Aussy, » ce dist Longarine , « quant leur finesse est congneue, c'est bien la mort.

— Mais la vie, » dist Simontault, « car elles n'estiment pas petite gloire d'estre réputées plus fines que leurs compaignes. Et ce nom là de fines, qu'elles ont acquis à leurs despens, faiâ; plus hardiment venir les serviteurs à leur obéissance que la beaulté, car ung des plus grands plaisirs qui sont entre ceulx qui ayment, c'est de conduire leur amityé finement.

— Vous parlez, » dist Ennasuitte, « d'ung amour meschant, car la bonne amour n'a besoing de couverture.

— Ha, » dist Dagoucin, « je vous supplye oster ceste opinion de vostre teste, pour ce que tant plus la drogue est prétieuse & moins se doibt éventer pour la malice de ceulx qui ne se prennent que aux signes extérieurs, lesquelz, en bonne & loialle amityé, sont tous pareilz ; par quoy les fault aussi bien cacher, quant l'amour est vertueuse, que si elle estoit au contraire, pour ne tomber au mauvais jugement de ceulx qui ne

peuvent croire que ung homme puisse aymer une Dame par honneur ; & leur semble que, s'ilz sont subjcdz à leur plaisir, que chacun est semblable à eulx. Mais, si nous estions tous de bonne foy, le regard & la parolle n'y seroient poind dissimuliez, au moins à ceulx qui aymeroient mieulx mourir que d'y penser quelque mal.

— Je vous asseure, Dagoucin, » dist Hircan, a que vous avez une si haute philosophie qu'il n'y a homme icy qui l'entende ne le croye, car vous nous vouldriez faire acroyre que les hommes sont Anges, ou pierres, ou Diables.

— Je sçay bien, » dist Dagoucin, « que les hommes sont hommes & subjedz à toutes passions, mais si est ce qu'il y en a qui aymeroient mieulx mourir que pour leur plaisir leur Dame feist quelque chose contre sa conscience.

— C'est beaucoup que mourir, » dist Geburon ; « je ne croiray ceste parolle quand elle seroit dide de la bouche du plus austùre Religieux qui soit.

— Mais je croy, » dist Hircan , « qu'il n'y en a poinft qui ne désire le contraire. Toutesfois ilz font semblant de n'aymer poind les raisins, quant ilz sont si haults qu'ilz ne les peuvent cueillir.

— Mais, y> dist Nomerfide, « je croy que la femme de ce Prince fut bien aise dont son mary apprenoit à congnoistre les femmes.

— Je vous asseure que non fut, » dist Ennasuide, or mais en fut très marrye pour l'amour qu'elle luy portoit.

— J'aymerois autant, » dist Saffredent, « celle qui ryoit quand son mary baisoit sa Chamberiére.

— Vrayement, » dist Ennasuide, « vous en ferez le compte ; je vous donne ma place.

— Combien que ce compte soit court, » dist SafFredent, « je le vous vois dire, car j'ayme mieulx vous faire rire que parler longuement :