CINQUANTE NEUFVIESME NOUVELLE

Ceste mesme Dame voyant que son mary trouvait mauvais qu'elle avoit des serviteurs desquels elle passait le temps , son honneur sauve , l'épya si bien qu'elle s'apperçeut de la bonne chère qu'il faisait à une sienne femme de chambre qu'elle i^angna, de sorte qu'accordant à son mary ce qu'il en prétendait le surpreind finement en telle faute que pour la réparer fut contraint luy confesser qu'il méritait plus grande punition qu'elle, & par ce moyen vécut depuis à safantasye.

A Dame, de qui vous avez faid le compte, avoyt espousé ung mary de bonne & antienne Maison & riche Gentil homme, & par grande amityé de l'un & de l'autre se feyt le mariage.

Elle, qui estoyt une des femmes du monde parlant aussi plaisamment, ne dissimulloit poind à son mary qu'elle avoyt des serviteurs desquelz elle se mocquoit & passoyt son temps, dont

l82 VJ^ JOURNÉE

son mary avoyt sa part du plaisir; mais à la longue ceste vie luy fascha, car d'un costé il trouvoit mauvais qu'elle entretenoit longuement ceulx qu'il ne lenoyt pour ses parens & amys, & d'aultre costé luy faschoit fort la despence qu'il estoit contraind de faire pour entretenir sa gorgiaseté & pour suyvre la Court. Par quoy le plus souvent qu'il povoyt se retiroit en sa maison, où tant de compagnies l'alloient veoir que sa despence n'amoindrissoyt guères en son mesnage, car sa femme, en quelque lieu qu'elle fust, trouvoyt tous] ours moyens de passer son temps à quelques jeuz, à dances & à toutes choses ausquelles honnestement les jeunes dames se peuvent exercer. Et quelques foys que son mary luy disoyt en riant que leur despence estoyt trop grande, elle luy faisoit responce qu'elle l'asseuroyt de ne le faire jamais coqu mais ouy bien coquin, car elle aymoit si très fort les acoutremens qu'il falloyt des plus beaulx & riches qui fussent en la Court, où son mary la menoyt le moins qu'il povoyt & où elle faisoit tout son possible d'aller, & pour ceste occasion se rendoyt toute complaisante à son mary, qui d'une chose plus difficille ne la vouloyt pas refuser.

Or ung jour, voiant que toutes ses inventions ne le povoient gaingner à faire ce voiage de la Court, s'apperçeut qu'il faisoyt fort bonne chère à

une femme de chambre à chapperon qu'elle avoyt, dont elle pensoyt bien faire son proffid & retira à part cestc fille de chambre & l'interrogea si finement, tant par finesse que par menasses, que la fille luy confessa que, depuis qu'elle estoit en sa maison, il n'estoit jour que son maistre ne la sollicitast de l'aymer, mais qu'elle aymeroit mieulx mourir que de faire rien contre Dieu & son honneur, & encores, veu l'honneur qu'elle luy avoyt faid de la retirer en son service, qui seroyt double meschanceté.

Geste Dame, entendant la desloyauté de son mary, fut soubdain esmeue de despit & de joye, voiant que son mary, qui faisoyt tant semblant de l'aymer, luy pourchassoyt secrètement telle honte en sa compaignye, combien qu'elle s'estimoit plus belle & de trop meilleure grâce que celle pour laquelle il la vouloit changer. Mais la joye estoyt qu'elle espèroit prendre son mary en si grande faulte qu'il ne luy reprocheroit plus ses serviteurs ny le demeure de la Court, &, pour y parvenir, pria ceste fille d'accorder petit à petit à son mary ce qu'il luy demandoyt, avecq les conditions qu'elle luy dist.

La fille en cuyda faire difficulté, mais, estant asseurée par sa maistresse de sa vie & de son honneur, accorda de faire tout ce qu'il luy plairoyt.

Le Gentil homme, continuant sa poursuide, trouva ceste fille d'oeil & de contenance toute changée, par quoy la pressa plus vifvement qu'il n'avoit accoustumé, mais elle, qui sçavoit son roolle par cueur, luy remonstra sa pauvreté & que en luy obéyssant perdroit le service de sa maistresse auquel elle s'attendoyt de gaingner ung bon mary. A quoy luy fut bientost respondu par le Gentil homme qu'elle n'eût soulcy de toutes ces choses, car il la mariroyt mieulx & plus richement que sa maistresse ne sçaùroit faire & qu'il conduiroit son affaire si secrètement que nul n'en pourroit parler.

Sur ces propos feirent leur accord, &, en regardant le lieu le plus propre pour faire ceste belle œuvre, elle vat dire qu'elle n'en sçavoit poind de meilleur ne plus loing de tout soupson que une petite maison qui estoyt dedans le parc, où il y avoit chambre & lid tout à propos.

Le Gentil homme qui n'eust trouvé nul lieu mauvais, se contenta de cestuy-là, & luy tarda bien que le jour & heure n'estoient venuz.

Ceste fille ne faillit pas de promesse à sa maistresse & luy compta tout le discours de son entreprinse bien au long, & comme ce debvoit estre le lendemain après disner & qu'elle ne fauldroyt poind, à l'heure qu'il y fauldroyt aller, de luy faire signe, à quoy elle la suplioyt

prendre bien garde & ne faillir poinâ: de se trouver à l'heure pour la garder du danger où elle se medoit en luy obéyssant, ce que la maistresse luy jura, la priant n'avoir nulle crainde & que jamais ne l'abandonneroyt, & si la deâfenderoyt de la fureur de son mary.

Le lendemain venu, après qu'ilz eurent disné, le Gentil homme faisoyt meilleure chère à sa femme qu'il n'avoyt poind encores faid, qu'elle n'avoit pas trop agréable, mais elle feignoyt si bien qu'il ne s'en appercevoyt.

Après disner, elle luy demanda à quoy il passeroyt le temps. 11 luy dist qu'il n'en sçavoid poind de meilleur que de jouer au cent. Et à l'heure feirent dresser le jeu , mais elle faingnyt qu'elle ne vouloit poind jouer & qu'elle avoyt assez de plaisir à les regarder.

Et, ainsy qu'il se vouloyt medre au jeu, il ne faillit de demander à ceste fille qu'elle n'obUast sa promesse. Et, quant il fut au jeu, elle passa par la salle , faisant signe à sa maistresse du pèlerinage qu'elle avoyt à faire, qui l'advisa très bien, mais le Gentil homme ne congneut rien.

Toutesfoys au bout d'une heure que ung de ses varlets luy feit signe de loing, dist à sa femme que la teste luy faisoyt ung peu mal & qu'il estoit contraind de s'aller reposer &

Hept. m. 24

l8é VJ'' JOURNÉE

prendre l'air. Elle, qui sçavoit aussi bien sa malladie que luy, luy demanda s'il vouloyt qu'elle jouast son jeu ? Il luy dist que ouy & qu'il reviendroit bien tost. Toutesfoys elle l'asseura que pour deux heures elle ne s'ennuyroit poind de tenir sa place.

Ainsy s'en alla le gentil homme en sa chambre, & de là par une allée en son parc.

La Damoiselle, qui sçavoid bien autre chemyn plus court, adendit ung petit, puis soubdain feyt semblant d'avoir une tranchée, & bailla son jeu à ung autre, &, si tost qu'elle fut saillye de la salle, laissa ses haultz patins & s'en courut le plus tost qu'elle peut au lieu où elle ne vouloyt que le marché se feist sans elle. Et y arriva à si bonne heure qu'elle entra par une aultre porte en la chambre où son mary ne faisoyt que arriver &, se cachant derrière l'huys, escouta les beaulx & honnestes propos que son mary tenoit à sa Chamberière. Mais, quant elle veid qu'il approchoit du criminel, le prit par derrière en luy disant :

« Je suis trop près de vous pour en prendre une aultre. »

Si le Gentil homme fut courroucé jusques à l'extrémité, il ne le fault demander, tant pour la joye qu'il espéroyt recepvoir & s'en veoir frustré que de veoir sa femme le congnoistre

plus qu'il ne vouloyt, de laquelle il avoyt grande paour perdre pour jamays l'amityé. Mais, pensant que ceste menée venoyt de la fille, sans parler à sa femme courut après elle de telle fureur que, si sa femme ne la luy eut ostée des mains, il l'eust tuée, disant que c'cstoyt la plus meschante garse qu'il avoyt jamais veue & que, si sa femme eut adendu à veoir la fin, elle eut bien congneu que ce n'estoyt que mocquerye, car en lieu de luy faire ce qu'elle pensoyt il luy eut baillé des verges pour la chastier.

Mais elle, qui se congnoissoit en tel métail, ne le prenoyt pas pour bon & luy feit là de telles remonstrances qu'il eut grand paour qu'elle ne le voulût abandonner. Il luy feit toutes les promesses qu'elle voulut & confessa, voiant les belles remonstrances de sa femme, qu'il avoyt tort de trouver mauvays qu'elle eût des serviteurs; car une femme belle & honneste n'est poind moins vertueuse pour cstre aymée, par ainsy qu'elle ne face ne dye chose qui soyt contre son honneur, mais ung homme mérite bien grand punition, qui prent la peyne de pourchasser une qui ne l'ayme poind pour faire tort à sa femme & à sa conscience. Par quoy jamays ne l'empescheroit d'aller à la Court, ny ne trouveroyt maulvays qu'elle eût des ser-

l88 VJ« JOURNÉE

viteurs, car il sçavoit bien qu'elle parloit plus à eus par moquerie que par afFedion.

Ce propos là ne desplaisoyt pas à la Dame, car il luy sembloyt bien avoir gaingné ung grand poind; si est ce qu'elle dist tout au contraire, feingnant de prendre desplaisir d'aller à la Court, veu qu'elle pensoyt n'estre plus en son amityé, sans laquelle toutes compagnies lui faschoient, disant que une femme, estant bien aymée de son mary & l'aymant de son costé comme elle faisoyt, portoit un saufconduit de parler à tout le monde & n'estre mocquée de nul.

Le pauvre Gentil homme meit si grande peyne à l'asseurer de l'amityé qu'il luy portoit que enfin ilz partirent de ce lieu là bons amys; mais, pour ne retourner en telz inconvénients, il la pria de chasser ceste fille à l'occasion de laquelle il avoyt eu tant d'ennuy, ce qu'elle feit, mais ce fiit en la mariant très bien & honnestement, aux despens toutesfoys de son mary.

Et, pour faire obHer entièrement à la Damoiselle ceste foUye, la mena bientost à la Court, en tel ordre & si gorgiase qu'elle avoyt occasion de s'en contanter.

«Voilà, mes Dames, qui m'a faift dire que je ne

trouve poinft estrange le tour qu'elle avoit faift à l'un de ses serviteurs , veu celluy que je sçavois de son mary.

— Vous nous avez paind une femme bien fyne & ung mary bien sot, » dist Hircan, « car, puis qu'il en estoit venu tant que là, il ne debvoyt pas demeurer en si beau chemyn.

— Et que eust il faid? » dist Longarine.

— Ce qu'il avoyt entreprins, » dist Hircan, « car autant estoyt courroucée sa femme contre luy pour sçavoir qu'il vouloit mal faire comme s'il eût mis le mal à exécution; & peut estre que sa femme l'eust mieulx estimé si elle l'eust congneu plus Hardy & gentil compagnon.

— C'est bien, » dist Ennasuifte ; « mais où trouverez vous ung homme qui force deux femmes à la foys, car sa femme eut défendu son droid & la fille sa virginité.

— Il est vray, » dist Hircan ; « mais ung homme fort & hardy ne craind poinft d'en assaillir deux foibles, & ne fault poind d'en venir à bout.

— J'entens bien, » dist Ennasuide, « que, s'il eût tiré son espée, il les eût bien tuées toutes deux, mais autrement ne voy je pas qu'il en eût sçeu eschapper. Par quoy je vous prie nous dire que vous eussiez faid?

-^ J'eusse embrassé ma femme, » dist Hircan, « & l'eusse emportée dehors, & puis eusse faid de sa Chamberière ce qu'il m'eust pieu par amour ou par force.

— Hircan, » dist Parlamente, « il suffit assez que vous sçachiez faire mal.

— Je suys seur, Parlamente , » dist Hircan, « que

je ne scandalize poind l'innocent devant qui je parle,

& si ne veulx par cela soustenir ung mauvais faid. Mais je m'estonne de l'entreprinse qui de soy ne vault rien, &,rentreprenant, qu'il ne l'a mise à fin plus par crainfte de sa femme que par amour. Je loue que ung homme ayme sa femme comme Dieu le commande, mais, quant il ne l'ayme poinft, je n'estime guéres de la craindre.

— A la vérité, » luyresponditParlamente, » si l'amour ne vous rendoit bon mary, j'estimerois bien peu ce que vous feriez par crainde.

— Vous n'avez garde, Parlamente, » dist Hircan, « car l'amour que je vous porte me rend plus obéissant que la crainde de Mort ny d'Enfer.

— Vous en direz ce qu'il vous plaira, » dist Parlamente, « mais j'ay occasion de me contanter de ce que j'ay veu & congneu de vous; & de ce que je n'ay poind sçeu n'en ay je poind voulu doubter ny encores moins m'en enquérir.

— Je trouve une grande folie, » dist Nomerfide, « à celles qui s'enquiérent de si prés de leurs mariz & les mariz aussy des femmes ; car il suffise au jour de sa malice sans avoir tant de soulcy du lendemain.

— Si est il aucunes foys nécessaire, » dist Oisille, « de s'enquérir des choses qui peuvent toucher l'honneur d'une Maison pour y donner ordre, mais non pour faire mauvais jugement des personnes, car il n'y a nul qui ne faille.

— Aucunes foys, » dist Geburon, « il est advenu des inconvéniens à plusieurs par faulte de bien & soingneusement s'enquérir de la faulte de leurs femmes.

— Je vous prie, » dist Longarine, « si vous en sça-

vez quelque exemple, que vous ne nous le vueillez celler.

-T- J'en sçay bien ung, » dist Geburon; « puis que vous le voulez, je le diray :

SOIXANTIESME NOUVELLE

Un Parisien, faute de s'estre bien enquis de sa femme, qu'il pensait estre morte , combien qu'elle feit bonne cJière avec un Chantre du Roy, espousa en secondes noces une autre femme, qu'il fut contraint laisser, après en avoir eu plusieurs enfans & demeuré ensemble quator7;e ou quinze ans, pour reprendre ta première femme.

N la ville de Paris y avoyt ung homme de si bonne nature qu'il eut faid conscience de croyre ung homme estre couché avecq sa femme, quant encore^ il l'eut veu. Ce pauvre homme là espousa une femme de si mauvais gouvernement qu'il n'estoit possible de plus, dont jamais il ne s'aperçeut, mais la traietoit comme la plus femme de bien du monde.

Un jour que le Roy Louis XII alla à Paris, sa femme s'alla habandonner à ung des Chantres dudit Seigneur &, quand elle veit que le Roy s'en

Hept. III. a;

alloyt de la ville de Paris & ne povoyt plus veoir le Chantre, se délibéra d'habandonner son mary & de le suyvre, à quoy le Chantre s'accorda & la mena en une maison qu'il avoyt auprès de Bloys, où ils vesquirent ensemble long temps. Le pauvre mary trouvant sa femme adirée, la cheréha de tous costez ; mais en fin luy fut did qu'elle s'en estoit allé avecq le Chantre.

Luy, qui vouloit recouvrer sa brebis perdue dont il avoyt faid très mauvaise garde, luy rescripvit force lettres, la priant retourner à luy & qu'il la reprendroit si elle vouloyt estre femme de bien. Mais elle, qui prenoit si grand plaisir d'oyr le chant du Chantre avec lequel elle estoyt qu'elle avoyt oblyé la voix de son mary, ne tint compte de toutes ses bonnes paroUes, mais s'en mocqua; dont le mary courroucé luy feit sçavoir qu'il la demanderoit par Justice à l'ÉgHse, puis que aultrement ne vouloit retourner avecq luy.

Ceste femme, craignant que, si la Justice y medoyt la main, elle & son Chantre en pourroient avoir à faire, pensa une cautelle digne d'une telle main &, feignant d'estre malade, envoia quérir quelques femmes de bien de la ville pour la venir visiter; ce que voluntiers elles feirent, espérans par ceste malladie la retirer de sa mauvaise vie, & pour ceste fin chacun luy faisoyt les plus

belles remonstrances. Lors elle, qui faingnoyt estre griefvement malade, feit semblant de plourer & de congnoistre son péché, en sorte qu'elle faisoyt pitié à toute la compaignye, qui cuydoit fermement qu'elle parlast du fonds de son cueur, &, la voiant ainsy réduide & repentante, se mirent à la consoler, en luy disant que Dieu n'estoyt pas si terrible comme beaucoup de Prescheurs le peignoient, & que jamais il ne luy refuseroit sa miséricorde.

Sur ce bon propos envoyèrent quérir ung homme de bien pour la confesser, & le lendemain vint le Curé du lieu pour luy administrer le saind sacrement, qu'elle reçeut avecq tant de bonnes mynes que toutes les femmes de bien de ceste ville qui estoient présentes pleuroyent de veoir sa dévotion, louans Dieu qui par sa bonté avoyt eu pitié de ceste pauvre créature. Après, faingnant de ne povoir plus menger, l'extrême undion par le Curé luy fut apportée, par elle reçeue avec plusieurs bons signes, car h peyne povoit elle avoir sa parolle, comme on l'estimoit. Et demora ains}'^ bien long temps, & sembloyt que peu à peu elle perdist la veue, l'ouye & les autres sens, dont chacun se print à crier Jésus !

A cause de la nuyd qui estoyt prochaine & que les dames estoient de loing, se retirèrent toutes, &, ainsy qu'elles sortoient de la maison on leur

dist qu'elle estoyt trespassée &, en disant leur De profundis pour elle, s'en retournèrent en leurs maisons. Le Curé demanda au Chantre où il vouUoyt qu'elle fust enterrée, lequel luy dist qu'elle avoyt ordonné d'estre enterrée au cimetière & qu'il seroyt bon de la y porter la nuyd. Ainsy fut ensepvelye ceste pauvre malheureuse par une Chamberière, qui se gardoyt bien de luy faire mal, & depuis avecq belles torches fut portée jusques à la fosse que le Chantre avoyt faid faire, &, quant le corps passa devant celles qui avoyent assisté à la medre en undion, elles saillirent toutes de leurs maisons & accompaignèrent jusques à la terre; & bientost la laissèrent femmes & Prestres. Mais le Chantre ne s'en alla pas, car, incontinant qu'il veid la compaignye ung peu loing, avecq sa Chamberière desfouyrent sa fosse, où il avoyt s'amye plus vive que jamais, & l'envoya secrètement en sa maison, où il la tint longuement cachée.

Le mary qui la poursuivoyt vint jusques à Bloys demander justice & trouva qu'elle estoit morte & enterrée par l'estimation de toutes les Dames de Bloys, qui luy comptèrent la belle fin qu'elle avoyt faide, dont le bon homme fut bien joieulx de croire que l'ame de sa femme estoyt en Paradis & lui despéché d'un si meschant corps. Et avecq ce contentement retourna à Paris, où il se maria avecq

une belle honneste jeune femme de bien & bonne mesnagière, de laquelle il eut plusieurs enfans, & denieurèrent ensemble quatorze ou quinze ans. Mais à la fin la renommée, qui ne peut rien celler, le vint advertir que sa femme n'estoit pas morte, mais demouroit avec ce meschant Chantre, chose que le pauvre homme dissimulla tant qu'il peut, faingnant de rien sçavoir & désirant que ce fût ung mensonge. Mais sa femme, qui estoit saige, en fut advertye, dont elle portoyt une si grande angoisse qu'elle en cuyda mourir d'ennuy, &, s'il eut esté possible, sa conscience saulve, eust voluntiers dissimullé sa fortune , mais il luy fut impossible, car incontinant l'Eglise y voulut medre ordre, & pour le premier les sépara tous deux jusques ad ce que l'on sçeut la vérité de ce faid.

Alors fut contraind ce pauvre homme laisser la bonne pour pourchasser la mauvaise & vint à Bloys, ung peu après que le Roy François premier fut Roy, auquel lieu il trouva la Roync Claude & Madame la Régente, devant lesquelles vint la plainde, demandant celle qu'il eut bien voulu ne trouver poind, mais force luy estoyt, dont il faisoyt grande pitié à toute la compaignye. Et, quant sa femme luy fut présentée, elle voulut soustenir longuement que ce n'estoit poind son mary, ce qu'il eut voluntiers creu s'il eust peu. Elle, plus

marrye que honteuse, luy dist qu'elle aymoit mieulx mourir que retourner avecq luy, dont il estoyt très contant; mais les Dames, devant qui elle parloyt si deshonnestement, la condamnèrent qu'elle retourneroit & preschèrent si bien ce Chantre par force menasses qu'il fut contrainâ; de dire à sa layde amye qu'elle s'en retournast avecq son mary & qu'il ne la vouloyt plus veoir. Ainsy chassée de tous costez, se retira la pauvre malheuse où elle debvoit mieulx estre traidée de son mary qu'elle n'avoyt mérité.

« Voila, mes Dames, pourquoy je didz que, si le pauvre mary eût esté bien vigillant après sa femme, il ne l'eût pas ainsy perdue, car la chose bien gardée est difficillement perdue, & l'abandon faid le larron.

— C'est chose estrange, » dist Hircan, « comme l'amour est fort où il semble moins raisonnable.

— J'ay ouy dire, » dist Symontault, « que l'on auro}t plus tost faid rompre deux mariages que séparer l'amour d'un Prestre & de sa Chamberiére.

— Je croy bien, » dist Ennasuide ; « car ceulx qui lyent les autres par mariage sçavent si bien faire le neu que rien que la mort n'y peut medre fin, & tiennent les Dodeurs que le langaige spirituel est plus grand que nul autre ; par conséquent aussi l'amour spirituelle passe toutes les autres.

— C'est une chose, d dist Dagoucin, « que je ne sçaurois pardonner aux Dames d'habandonner ung mar^^

honneste ou ung amy pour ung Prestre, quelque beau & honneste que sçcût estre.

-—Je vous prye, Dagoucin, » dist Hircan, « ne vous meslez poinft de parler de nostre mère sainde Eglise, mais croyez que c'est grand plaisir aux pauvres femmes craindives & secrettes de pêcher avecq ceulx qui les peuvent absouldre, car il y en a qui ont plus de honte de confesser une chose que de la faire.

— Vous parlez, » dist Oisille, « de celles qui n'ont poind congnoissance de Dieu & qui cuydent que les choses secrettes ne soient pas une foys révélées devant la Compaignye Céleste; mais je croy que ce n'est pas pour chercher la confession qu'ilz cherchent les Confesseurs, car l'Ennemy les a tellement aveuglez qu'elles regardent à s'arrester au lieu qu'il leur semble le plus couvert & le plus seur que de se soucyer d'avoir absolution du mal dont elles ne se repentent poind.

— Comment repentir, » dist Saffredent, « mais s'estiment plus saindes que les autres femmes, & suys seur qu'il y en a qui se tiennent honorées de persévérer en leur amit}'é.

— Vous en parlez de sorte, » dist Oisille à Saffredent, <r qu'il semble que vous en sçachiez quelcune. Par quoy je vous prie que demain, pour commancer la Journée, vous nous en veullez dire ce que vous en sçavez, car voilà déjà le dernier coup de Vespres qui sonnent, pour ce que noz Religieux sont partiz incontinant qu'ilz ont oy la dixiesme Nouvelle & nous ont laissé parachever noz débatz. »

En ce disant se leva la compagnye, & arrivèrent à l'église, où ik trouvèrent qu'on les avoyt adenduz. Et, après avoir oy leurs Vespres, souppa la compaignye

toute ensemble, parlant de plusieurs beaulx comptes. Après soupper, selon leurs coustumes , s'en allèrent ung peu esbattre au pré, & reposèrent pour avoir le lendemain meilleure mémoire.

DE

LA ROINE DE NAVARRE