PROLOGUE
u matin ne faillit Madame Oisille de leur administrer la salutaire pasture, qu'elle print en la ledure des ades & vertueux faiftz des glorieux Chevaliers & Apostres de Jesu Christ selon sainft Luc, leur disant que ces comptes là debvoient estre suffisans pour désirer veoir ung tel temps & pleurer la difformité de cestuy cy envers cestuy là. Et, quant elle eut suffisamment leu & exposé le commencement de ce digne livre, elle lejs pria d'aller à l'église en l'unyon que les Apostres faisoient leur oraison, demandans à Dieu sa grâce, la-
204 ^^y JOURNEE
quelle n'est jamais refusée à ceulx qui en foy la requièrent. Geste opinion fat trouvée d'un chacun très bonne, & arrivèrent à l'église ainsy que l'on commençoyt la Messe du Saind Esperit, qui sembloit chose venir à leur propos, qui leur feit oyr le service en grand dévotion.
Et après allèrent disner, ramentevans ceste vie apostolicque, en quoy ilz prindrent tel plaisir que quasi leur entreprinse estoyt oblyée, de quoy s'advisa Nomerfide comme la plus jeune, & leur dist :
« Madame Oisille nous a tant boutez en dévotion que nous passons à l'heure accoustumée de nous retirer pour nous préparer à racompter noz Nouvelles. »
Sa paroUe fut occasion de faire lever toute la compaignye , &, après avoir bien demeuré en leurs chambres, ne faillirent poind se trouver au pré comme ilz avoient faiâ; le jour de devant, &, quant ilz furent bien à leur ayse, Madame Oisille dist à SafFredent :
« Encor que je suis asseurée que vous ne direz rien à l'advantaige des femmes, si est ce qu'il fault que je vous advise de dire la Nouvelle que dès hier soir vous aviez preste.
— Je proteste , ma Dame , » respondit Saffredent, (T que je n'acquerray poind l'honneur de mesdisant pour dire vérité, ny ne perdray poind la grâce des dames vertueuses pour racompter ce que les folles ont faid, car j'y ay expérimenté que c'est que d'estre eslongné de leur veue, &, si je l'eusse esté autant de leur bonne grâce, je ne fusse pas à ceste heure en vie. »
Et en ce disant tourna les oelz au contraire de celle qui estoit cause de son bien & de son mal ; mais, eu
