SOIXANTE ET UNIESME NOUVELLE

Un mary se réconcilie avec sa femme, après qu'elle eut vescu quator:^e ou quin:^e ans avec un Chanoine d'Authun.

UPRÈs de la ville d'Authun y avoyt une fort belle femme, grande, blanche & d'autant belle façon de visaige que j'en aye poind veu, & avoyt espousé un très honneste homme qui sembloyt estre plus jeune qu'elle, lequel l'aymoyt & traidoyt tant bien qu'elle avoyt cause de s'en contanter.

Peu de temps après qu'ilz furent mariez la mena en la ville d'Authun pour quelques affaires &, durant le temps que le mary pourchassoyt la Justice, sa femme alloyt à l'église prier Dieu pour luy, & tant fréquenta ce lieu saind que ung Chanoine fort riche fut amoureux d'elle & la poursuivyt si fort que la pauvre malheureuse s'accorda à luy,

dont le mary n'avoyt nul soupson & pensoyt plus à garder son bien que sa femme.

Mais, quant ce vint au départir & qu'il fallut retourner en la maison, qui estoit loing de la dide ville sept grandes lieues, ce ne fut sans ung trop grand regret. Mais le Chanoyne luy promist que souvent la iroyt visiter, ce qu'il feyt, feingnant aller en quelque voiage, où son chemyn s'addressoyt tousjours par la maison de cest homme, qui ne fut pas si sot qu'il ne s'en aperçeut & y donna si bon ordre que, quant le Chanoyne y venoyt, il n'y trouvoyt plus sa femme & la faisoyt si bien cacher qu'il ne povoyt parler à elle. La femme, congnoissant la jalousie de son mary, ne feyt semblant qu'il luy despleust. Toutesfois se pensa qu'elle y donneroit ordre, car elle estimoyt ung Enfer perdre la vision de son Dieu.

Ung jour que son mary estoit allé dehors de sa maison, empeschea si bien les Chamberières & Varletz qu'elle demeura seulle en sa maison. Incontinant prend ce qui lui estoit nécessaire &, sans autre compaignye que de sa folle amour qui la portoit, s'en alla de pied à Authun, où elle n'arriva pas si tard qu'elle ne fût recongneue de son Chanoine, qui la tint enfermée & cachée plus d'un an, quelques Monitions & Excommunications qu'en fit geder son mary, lequel, ne trouvant aultre remède, en feyt la plainde à l'Evesque, qui avoyt

ung Archediacre autant homme de bien qu'il en fust poind en France. Et luy mesmes chercha si diligemment en toutes les maisons des Chanoines qu'il trouva celle que l'on tenoyt perdue, laquelle il mist en prison & condamna le Chanoyne en grosse pénitence.

Le mary, sçachant que sa femme estoyt retournée par l'admonition du bon Archediacre & de plusieurs gens de bien, fut contant de la reprandre, avecq les sermens qu'elle luy feyt de vivre en temps advenir en femme de bien, ce que le bon homme creut voluntiers pour la grande amour qu'il luy portoyt & la remena en sa maison, la traidant aussi honnestement que paravant, sinon qu'il luy bailla deux vieilles Chamberières , qui jamais ne la laissoient seule que l'une des deux ne fust avecq elle.

Mais, quelque bonne chère que luy fist son mary, la meschante amour qu'elle portoyt au Chanoyne luy faisoyt estimer tout son repos en tourment &, combien qu'elle fust très belle femme & luy homme de bonne complexion, fort & puissant, si est ce qu'elle n'eut jamais enfans de luy, car son cueur estoyt tousjours à sept lieues de son corps, ce qu'elle dissimulloyt si bien qu'il sembloyt à son mary qu'elle eut oblyé tout le passé comme il avoyt faid de son costé. Mais la malice d'elle n' avoyt pas ceste opinion, car, à l'heure

Hept. III. 27

qu'elle veid son mary mieulx l'aymant & moins la soupsonnant, vat feindre d'estre malade & continua si bien ceste fainde que son pauvre mary estoit en merveilleuse peyne, n'espargnant bien ne chose qu'il eût pour la secourir.

Toutesfoys elle joua si bien son roolle que luy & tous ceulx de la maison la pensoient malade à l'extrémité & que peu à peu elle s'affoiblissoit, &, voyant que son mary en estoit aussi marry qu'il en debvoit estre joieulx, le pria qu'il luy pleust l'audoryser de faire son testament, ce qu'il feyt voluntiers en pleurant.

Et elle, ayant puissance de tester, combien qu'elle n'eût enffans, donna à son mary ce qu'elle luy povoyt donner, luy requérant pardon des faultes qu'elle luy avoyt faides; après envoya quérir le Curé, se confessa, reçeut le saind Sacrement de l'autel tant dévotement que chacun ploroit de veoir une si glorieuse fin &, quant se vint le soir, elle pria son mary de luy envoler quérir l'extrême unélion & qu'elle s'affoiblissoit tant qu'elle avoit paour de ne la povoir recepvoir vive. Son mary en grande diligence la luy feit apporter par le Curé , & elle , qui la reçeut en grande humilité, incitoit chacun à la louer.

Quant elle eut faid tous ses beaulx mistères, elle dist à son mary que, puisque Dieu luy avoyt faid la grâce d'avoir prins tout ce que l'EgHse com-

LXJ' >iOUVELLE 211

mande, elle sentoit sa conscience en si très grande paix qu'il luy prenoyt envye de s'y reposer ung petit, priant son mary de faire le semblable, qui en avoyt bon besoing pour avoir tant pleuré & veillé avecq elle.

Quant son mary s'en fut allé & tous ses varletz avecq luy, deux pauvres vieilles, qui en sa santé l'avoient si longuement gardée, ne se doubtans plus de la perdre sinon par mort, se vont très bien coucher à leur aise, &, quant elle les ouyt dormyr & ronfler bien hault, se leva toute en chemise & saillist hors de sa chambre, escoutant si personne de céans faisoyt poind de bruiâ:. Mais, quant elle fut asseurée de son baston, elle sçeut très bien passer par ung petit huys d'un jardin qui ne fermoyt poind &, tant que la nuyd dura, toute en chemise & nudz piedz, feyt son voiage à Authun devers le saind qui l'avoyt gardée de morir.

Mais, pour ce .que le chemyn estoyt long, n'y peut aller tout d'une traide que le jour ne la surprint. A l'heure regardant par tout le chemyn, advisa deux chevaulcheurs qui couroient bien fort &, pensant que ce fust son mary qui la chercheast, se cacha tout le corps dedans un maraiz & la teste entre les jongs, & son mary, passant près d'elle, disoy t à un sien serviteur comme ung honmie désespéré :

« Ho, la meschante! Qui eust pensé que soubz le manteau des sains sacremens de l'Eglise l'on eût peu couvrir ung si villain & abhominable

cas? »

Le serviteur luy respondit :

« Puis que Judas , prenant ung tel mourceau , ne craignit à trahir son maistre, ne trouvez poind estrange la trahison d'une femme. »

En ce disant passe oultre le mary, & la femme demoura plus joyeuse entre les jongs de l'avoir trompé qu'elle n'estoyt en sa maison en ung bon lid en servitude.

Le pauvre mary la cherchea par toute la ville d'Authun, mais il sçeut certainement qu'elle n'y estoit poind entrée; parquoy s'en retourna sur ses brisées, ne faisant que se complaindre d'elle & de sa grande perte, ne la menassant poind moins que de la mort s'il la trouvoit, dont elle n'avoyt paour en son esperit non plus qu'elle sentoyt de froid en son corps, combien que le lieu & la saison méritoient de la faire repentir de son damnable voiage. Et qui ne sçauroit comment le feu de l'Enfer eschauffe ceulx qui en sont rempliz, l'on debvroit estimer à merveilles comme ceste pauvre femme, saillant d'un lid bien chault, peut demeurer tout ung jour en si extrême froidure.

Si ne perdit elle poind le cueur ny l'aller, car, incontinant que la nuyd fut venue, reprint son

chemyn &, ainsy que l'on vouloit fermer la porte d'Authun, y arriva ceste pèlerine & ne faillit d'aller tout droid où demoroit son corps saind, qui fut tant esmerveillé de sa venue que à peyne povoyt il croyre que ce fût elle. Mais, quant il l'eut bien regardée & visitée de tous costez, trouva qu'elle avoyt oz & chair, ce que ung Esprit n'a poind, & ainsy se asseura que ce n'estoyt fantosme, & dès l'heure furent si bien d'accord qu'elle demoura avecq luy quatorze ou quinze ans.

Et, si quelque temps elle fut cachée, à la fin elle perdit toute crainde &, qui pis est, print une telle gloire d'avoir ung tel amy qu'elle se medoit à l'église devant la plus part des femmes de bien de la Ville, tant d'Officiers que aultres. Elle eut des enfans du Chanoyne, & entres autres une fille qui fut mariée à un riche Marchant, & si gorgiase à ses nopces que toutes les femmes de la Ville en murmuroient très fort, mais n'avoient pas la puissance d'y medre ordre.

Or advint que en ce temps là la Royne Claude, femme du Roy François, passa par la ville d'Authun, ayant en sa compaignye Madame la Régente, mère du did Roy, & la Duchesse d'Alençon sa fille. Vint une Femme de chambre de la Royne, nommée Perrette, qui trouva la dide Duchesse & luy dist :

« Ma dame, je vous supplye, escoutez moy,

& VOUS ferez œuvre plus grande que d'aller oyr tout le service du jour. »

La Duchesse s'arresta voluntiers, sçachant que d'elle ne povoyt venir que tout bon conseil.

Perrette luy alla racompter incontinant comme elle avoyt prins une petite fille pour luy ayder à savonner le linge de la Royne , & , en luy demandant des nouvelles de la Ville, luy compta la peyne que les femmes de bien avoyent de veoir ainsi aller devant elle la femme de ce Chanoine, de laquelle luy compt une partie de sa vie.

Tout soubdain s'en alla la Duchesse à la Royne & à Madame la Régente leur compter ceste histoire, qui, sans autre forme de procès, envolèrent quérir ceste pauvre malheureuse, laquelle ne se cachoit poind, car elle avoyt changé sa honte en gloire d'estre Dame de la maison d'un si riche homme, &, sans estre estonnée ny honteuse, se vint présenter devant les dides Dames, lesquelles avoient si grande honte de sa hardiesse que soubdain elles ne luy sçeurent que dire. Mais après luy feyt Madame la Régente telles remonstrances qui deussent avoir faid pleurer une femme de bon entendement, ce que poind ne feyt ceste pauvre femme, mais d'une audace très grande leur dist :

a Je vous supplie, mes Dames, que voulez garder

que l'on ne touche poind à mon honneur, car, Dieu mercy, j'ay vescu avecq Monsieur le Chanoine si bien & si vertueusement qu'il n'y a personne vivant qui m'en sçeût reprendre. Et s'il ne fault poind que l'on pense que je vive contre la volunté de Dieu, car il y a trois ans qu'il ne me fut riens, & vivons aussi chastement & en aussy grande amour que deux beaulx petitz Anges, sans que jamais entre nous deux y eut eu parolle ne volunté au contraire. Et qui nous séparera sera grand péché, car le bon homme, qui a bien près de quatre vingtz ans, ne vivra pas longuement sans moy, qui en ay quarante cinq. »

Vous pouvez penser comme à l'heure les Dames se peurent tenir & les remonstrances que chacun luy feit, voient l'obstination, qui n'estoit amollye pour parolles que l'on luy dist, pour l'aage qu'elle eût ne pour l'honorable compaignye, &, pour l'humiHer plus fort, envolèrent quérir le bon Archediacre d'Authun, qui la condemna d'estre en prison ung an, au pain & à l'eaue, & les Dames envoyèrent quérir son mary, lequel par leur bon exhortement fut contant de la reprendre après qu'elle auroyt faid sa pénitence.

Mais, se voiant prisonnière & le Chanoyne délibéré de jamais ne la reprendre, mercyant les Dames de ce qu'elles luy avoient gedé ung Diable de dessus les espauUes, eut une si grande & si par-

2l6 VIJ= JOURNÉE

faide contridion que son mary, en lieu d'adendre le bout de l'an, l'alla reprendre & n'attendit pas quinze jours qu'il ne la vint demander à l'Archediacre & depuis ont vescu en bonne paix & amityé.

« Voilà, mes Dames, comment les chesnes de saind Pierre sont converties par les mauvais Ministres en celles de Satlian, & si fortes à rompre que les sacremens, qui chassent les Diables des corps, sont à ceulx cy les moiens de les faire plus longuement demeurer en leur conscience, car les meilleures choses sont celles, quant on en abuse, dont l'on faid plus de maulx.

— Vrayement, » dist Oisille, (( ceste femme estoit bien malheureuse, mais aussy fut elle bien pugnye de venir devant telz juges que les Dames que vous avez nommées, car le regard seul de Madame la Régente estoit de telle vertu qu'il n'y avoyt si femme de bien qui ne craingnist de se trouver devant ses oeilz indigne de sa veue. Celle qui en estoyt regardée doulcement s'estimoyt mériter grand honneur, sçachant que femmes autres que vertueuses ne povoyent ceste Dame veoir de bon cueur.

— Il seroit bon, » dist Hircan, « que l'on eust plus de crainfte des oeilz d'une femme que du saind Sacrement, lequel, s'il n'est reçeu en foy & charité, est en condamnation éternelle.

— Je vous prometz, » dist Parlamente, « que ceulx qui ne sont poind inspirez- de Dieu craingnent plus' les puissances temporelles que les spirituelles. Encores je

croy que la pauvre créature se chastia plus par la prison & l'opinion de ne plus veoir son Chanoine qu'elle ne feyt pour remonstrance qu'on luy eût sçeu faire.

— Mais, » dist Simontault, « vous avez oblyé la principale cause qui la feyt retourner à son mary ; c'est que le Chanoyne avoyt quatre vingtz ans, & son mary estoyt plus jeune qu'elle. Ainsy gaingna ceste bonne dame en tous ses marchez, mais, si le Chanoyne eût esté jeune, elle ne l'eut poind voulu habandonner. Les enseignemens des Dames n'y eussent pas eu plus de valleur que les sacremens qu'elle avoyt prins.

— Encores, » ce dist Nomerfide, « me semble qu'elle faisoit bien de ne confesser poind son péché si aisément, car ceste offense se doibt dire à Dieu humblement & la nyer fort & ferme devant les hommes ; car, encores qu'il soit vray, à force de mentir & jurer on engendre quelque doubte à la vérité.

— Si est ce, » dist Longarine. « Ung péché à grand peine peut estre si secret qu'il ne soit révellé, sinon quant Dieu par sa miséricorde le couvre dans ceulx qui pour l'amour de luy en ont vraye repentance.

— Et que direz vous, » dist Hircan, « de celles qui n'ont pas plus tost faid une folye qu'elles ne la racomptent à quelcun ?

— Je la trouve bien estrange, » respondit Longarine, « & est signe que le péché ne leur desplaist pas, &, comme je vous ay did, celluy qui n'est couvert de la grâce de Dieu ne se sçauroit nyer devant les hommes, & y en a maintes qui prenans plaisir à parler de telz propos se font gloire de publier leurs vices, & aultres qui, en se coupant, s'accusent.

Hepi. m. 38

2l8 VIJ= JOURNÉE

— Je vous prie, » dist Saffredent, « si vous en sçàvez quelcune, je vous donne ma place & que nous la dides.

— Or escoutez doncques, » dist Longarine :