SOIXANTE DEUXIESME NOUVELLE

Une Damoiselle, faisant sous Je nom d'une autre un conte à quelque grande Dame, se coupa si lourdement que son Jmineur en demeura tellement taché que jamais elle ne le peut réparer.

u temps du Roy François premier y avoyt une Dame du sang roial, accompaignée d'iionneur, de vertu & de beaulté, & qui sçavoit bien dire ung compte & de bonne grâce, & en rire aussy quant on luy en disoyt quelcun. Geste Dame estant en l'une de ses maisons, tous ses subgeds & voisins la vindrent veoir pour ce qu'elle estoit autant aymée que femme pourroit estre.

Entre aultres vint une Damoiselle, qui escoutoit que chacun luy disoit tous les comptes qu'ilz pensoicnt pour luy faire passer le temps. Elle s'adyïsa qu'elle n'en feroyt moins que les aultres, & luy

dist : « Madame, je voys faire ung beau compte, mais vous me promedez que vous n'en parlerez poind « ; à l'heure luy dist :

(c Madame, le compte est très véritable, je le prens sur ma conscience; c'est qu'il y avoyt une Damoiselle maryée, qui vivoyt avec son mary très honnestement, combien qu'il fût vieil & elle jeune. Ung Gentil homme, son voisin, voyant qu'elle avoyt espouzè ce vieillard, fut amoureux d'elle & la pressa par plusieurs années, mais jamais il n'eut responce d'elle sinon telle que une femme de bien doibt faire. Ung jour se pensa le Gentil homme, que s'il la povoyt trouver à son advantaige, que par adventure elle ne luy seroyt si rigoureuse &, après avoir longuement débattu avecq la crainde du danger où il se medoit, l'amour qu'il avoyt à la Damoiselle luy osta tellement la crainde qu'il se délibéra de trouver le lieu & l'occasion. Et feyt si bon guet que ung matin, ainsy que le Gentil homme, mary de ceste Damoiselle, s'en alloyt en quelque aultre de ses maisons & partoit dès le poind du jour pour le chault, le jeune folastre vint à la maison de ceste jeune Damoiselle, laquelle il trouva dormant en son lid & advisa que les Chamberières s'en estoient allées dehors de la chambre. A l'heure, sans avoir le sens de fermer la porte, s'en vint coucher tout houzé & esperonné dedans le lid de la Damoiselle &, quant elle s'es-

LXIJ" NOUVELLE 221

veilla, fut autant marrye qu'il estoyt possible. Mais, quelques remonstranccs qu'elle luy sçeut faire, il la print par force, luy disant que, si elle révéloit ceste affaire, il diroyt à tout le monde qu'elle l'avoyt envoyé quérir, dont la Damoiselle eut si grand paour qu'elle n'osa crier. Après, arrivant quelques des Chamberières, se leva hastivement, & ne s'en fut personne aperçeu, si non l'esperon qui s'estoyt attaché au linceul de dessus l'emporta tout entier, & demeura la Damoiselle toute nue sur son lid. » Et, combien qu'elle feit le compte d'une aultre, ne se peut garder de dire à la fin : « Jamais femme ne fut si estonnée que moy, quant je me trouvay toute nue. »

Alors la Dame, qui avoyt oy le compte sans rire, ne s'en peut tenir à ce dernier mot, en luy disant : « Ad ce que je voys, vous en povez bien racompter l'histoire. » La pauvre Damoiselle chercha ce qu'elle peut pour cuyder réparer son honneur, mais il estoit voilé desjà si loing qu'elle ne le povoit plus rappeller.

« Je vous asseure, mes Dames, que, si elle eut grand desplaisir à faire ung tel ade, elle en eût voulu avoir perdu la mémoire. Mais, comme je vous ay did, le péché seroyt plus tost descouvert par elle raesme qu'il ne pourroit estre sçeu, quant il n'est poind couvert de la couverture que David did rendre l'homme bien heureux.

— En bonne foy, » dist Ennasuide, « voylà la plus grande sotte dont je oy jamais parler, qui faisoyt rire les autres à ses despens,

— Je ne trouve poind estrange, » dist Parlamente, « de quoy la paroUe ensuid le faid, car il est plus aisé à dire que à faire.

— Dea, » dist Geburon, « quel péché avoyt elle faid? Elle estoit endormye en son lid; il la menassoit de mort & de honte; Lucresse, qui estoit tant louée, en feyt bien aultant.

— Il est vray, » dist Parlamente. « Je confesse qu'il n'y a si juste à qui il ne puisse mescheoir, mais, quand on a prins grand desplaisir à l'euvre, l'on en prent aussi à la mémoire , pour laquelle effacer Lucresse se tua, & ceste sotte a voulu faire rire les aultres.

— Si semble il, » dist Nomerfide, « qu'elle fût femme de bien, veu que par plusieurs fois elle avoyt esté priée, & elle ne se voulut jamais consentir, tellement qu'il fallut que le Gentil homme s'aydàt de tromperie & de force pour la décepvoir.

— Comment, » dist Parlamente, « tenez vous une femme quide de son honneur quant elle se laisse aller, mais qu'elle ayt usé deux ou trois foys de refuz ? Il y auroit doncques beaucoup de femmes de bien qui sont estimées le contraire, car l'on en a assez veu qui ont longuement reffusé celluy où leur cueur s'estoyt adonné, les unes pour crainde de leur honneur, les aultres pour plus ardemment se faire aymer & estimer, par quoy l'on ne doibt pOind faire cas d'une femme, si elle ne tient ferme jusques au bout. Et, si ung homme refuse une belle fille, estimerez vous grande vertu ?

— Vrayment, » dist Oisille, « si ung homme jeune

LXIJ'= NOUVELLE 223

& sain usoyt de ce refFuz, je le trouveroys fort louable, mais non moins difficile à croyre.

— Si en congnois je », dist Dagoucin, « qui ont refusé des adventures que tous les compaignons cherchoient.

— Je vous prie, » dist Longarine, « que vous prenez ma place pour le nous racompter, mais souvenez vous qu'il fault icy dire vérité.

— Je vous promedz, » dist Dagoucin, « que je vous la diray si purement qu'il n'y aura nulle couUeur pour la desguiser.