SOIXANTE CINQ.UIESME NOUVELLE

La fausseté d'un miracle, que les Prestres Sainà-Jean de Lyon voulaient cacher , fut découverte par la connaissance de la sottise d'une vieille.

N l'église Saind-Jehan de Lyon y a une chappelle fort obscure , & dedans ung Sépulcre faid de pierre à grans personnages eslevez comme le vif, & sont à l'entour du sépulcre plusieurs hommes d'armes couchez. Ung jour, ung souldart se pourmenant dans l'égHse au temps d'esté qu'i faiél grand chault, luy print envye de dormyr, &, regardant ceste chappelle obscure & fresche, pensa d'aller garder le Sépulcre en dormant comme les aultres, auprès desquels il se coucha. Or advint il que une bonne vieille fort dévote arriva au plus fort de son sommeil &, après qu'elle eust dist ses dévotions, tenant une chandelle ardente en sa main, la voulut

Hept. m. 31

attacher au Sépulcre, &, trouvant le plus près d'icelluy cest homme endormy, la luy voulut medre au front, pensant qu'il fût de pierre, mais la cire ne peut tenir contre la pierre. La bonne dame, qui pensoyt que ce fust à cause de la froideure de l'ymage, luy vat medre le feu contre le front pour y faire tenir sa bougj^e, mais l'ymage qui n'estoit insensible commencea à crier, dont la bonne femme sut si grand paour que, comme toute hors du sens, se print à cryer : Miracle, tant que tous ceulx qui estoient dedans l'égHse coururent les ungs à sonner les cloches, les autres à veoir le miracle. Et la bonne femme les mena veoir l'ymaige qui estoyt remue, qui donna occasion à plusieurs de rire; mais les plusieurs ne s'en povoient contanter, car ilz avoient bien deHbéré de faire valloir ce Sépulcre & en tirer autant d'argent que du crucifix qui est sur leur peupistre, lequel on did avoir parlé, mais la comédie print fin pour la congnoissance de la sottize d'une femme. Si chacun congnoissoyt quelles sont leurs sottises , elles ne seroient pas estimées saindes ny leurs miracles vérité, vous priant, mes Dames, doresnavant regarder à quelz saindz vous baillerez vos chandelles.

« C'est grande chose, » dist Hircan, « que, en quelque sorte que ce soyt, il fault tousjours que les femmes facent mal.

— Est ce mal Ma, » dist Nomerfidc , « de porter des chandelles au Sépulcre?

— Ouy, » dist Hircan, « quant on meft le feu contre le front aux hommes, car nul bien ne se doibt dire bien s'il est faid avecq mal. Pensez que la pauvre femme cuydoit avoir faid ung beau présent à Dieu d'une petite chandelle. »

Ce dist Madame Oisille : « Je ne regarde poinft la valleur du présent, mais le cueur qui le présente. Peut estre que ceste bonne femme avoyt plus d'amour à Dieu que ceulx qui donnent les grandz torches, car, comme dist l'Evangile, elle donnoyt de sa nécessité.

— Si ne croy je pas, » dist Saffredcnt, « que Dieu, qui est souveraine sapience, peut avoir agréable la sottise des femmes, car, nonobstant que la simplicité luy plaise, je voy par Escripture qu'il desprise l'ignorant, &, s'il commande d'estre simple comme la coulombe, il ne commande moins d'estre prudent comme le serpent.

— Quant est de moy », dist Oisille, « je n'estime poind ignorance celle qui porte devant Dieu sa chandelle, ou cierge ardant, comme faisant amende honnorable, les genoulx en terre & la torche au poing devant son souverain Seigneur, auquel confesse sa damnacion, demandant en ferme espérance la miséricorde & salut.

— Pleut à Dieu », dist Dagoucin, « que chacun l'entendist aussy bien que vous, mais je croy que ces pauvres sottes ne le font pas à ceste intention. »

Oisille leur respondit : « Celles qui moins en sçavent parler sont celles qui ont plus de sentement de l'amour & volunté de Dieu ; par quoy ne fault juger que soy mesmes. »

Enna suide en riant luy dist : « Ce n'est pas chose estrange que d'avoir faift paour à ung varlet qui dormoyt, car aussy basses femmes qu'elle ont bien faid paour à de bien grands Princes, sans leur medre le feu au front.

— Je suis seur», dist Geburon, » que vous en sçavez quelque histoire que vous voulez racompter, par quoy vous tiendrez mon lieu, s'il vous plaist.

— Le compte ne sera pas long », dist Ennasuide ; « mais, si je le povois représenter tel que advint, vous n'auriez poind envye de pleurer.