QUARANTE QUATRIESME NOUVELLE

Pour n'avoir dissimulé la vérité, le Seigneur de Sedan doubla l'auntône à un Cordelier, qui eut deux pourceaux pour un.

|N la Maison de Sedan arriva ung Cordelier pour demander à Madame de Sedan, Iqui estoit de la Maison de Crouy, ung j pourceau que tous les ans elle leur donnoyt pour aulmosne.

Monseigneur de Sedan, qui estoit homme saige & parlant plaisamment, feit manger ce beau Père à sa table &, entre autres propos, luy dist pour le medre aux champs : « Beau Père, vous faides bien de faire vos questes tandis qu'on ne vous congnoist poind, car j'ay grand paour que, si une fois vostre ypocrisie est descouverte, vous n'aurez plus le pain des pauvres enfans acquis par la sueur des pères. »

Le Cordelier ne s'estonna poind de ces propos,

Hipt. III. 6

mais luy dist : « Monseigneur, nostre Religion est si bien fondée que tant que le Monde sera Monde eUe durera, car nostre fondement ne fauldra jamais, tant qu'il y aura sur la terre homme & femme. » Monseigneur de Sedan, désirant sçavoir sur quel fondement estoit leur vie assignée, le pria bien fort de luy vouloir dire.

Le Cordelier, après plusieurs excuses, luy dist : « Puisqu'il vous plaist me commander de le dire, vous le sçaurez. Sçachez, Monseigneur, que nous sommes fondez sur la follye des femmes, &, tant qu'il y aura en ce Monde de femme folle ou sotte, ne mourrons poind de faim. »

Madame de Sedan, qui estoit fort colère, oyant ceste parolle se courroucea si fort que, si son mary n'y eust esté, elle eust faid: faire desplaisir au Cordelier, & jura bien fermement qu'il n'auroit jà le pourceau qu'elle luy avoit promis; mais Monsieur de Sedan, voïant qu'il n'avoyt poind dissimuUé la vérité, jura qu'il en auroyt deux & les feit mener en son Couvent.

«Voilà, mes Dames, comme le Cordelier, estant seur que le bien des Dames ne luy povoit faillir, trouva façon, pour ne dissimuller poind la vérité, d'avoir la grâce & aulmosne des hommes. S'il eût esté flateur & dissimulateur, il eut esté plus plaisant aux Dames, mais non profitable à luy & aux siens. »

La Nouvelle ne fut pas achevée sans faire rixe toute

.^t^^j^u,sbasÊÊiÊmmmÊm^Êtmm^^Ê^ÊÊÊlÊÊÊk

XLIIIJ' NOUVELLE 43

la compaignye & principallcmcnt cculx qui congnoisscnt le Seigneur & la Dame de Sedan, & Hircan dist :

«Les Cordelicrs doncqucs ne devroyent jamais preschcr pour faire les femmes saiges, veu que leur folye leur sert tant. »

Ce dist Parlamente : « Hz ne les preschent pas d'estre saiges, mais ouy bien pour le cuyder estre, car celles qui sont du tout mondaines & folles ne leur donnent pas de grandes aulmosnes ; mais celles qui, pour fréquenter leur Couvent & porter les patenostres marquées de testes de mort & leurs cornettes plus basses que les aultres, cuydent estre les plus saiges, sont celles que l'on peult dire folles, car elles constituent leur salut en la confiance qu'elles ont en la saindeté des inicques, que pour ung petit d'apparance elles estiment demy dieux.

— Mais qui se garderoyt de croire à eux, » dist Ennasuifte, « veu qu'ilz sont ordonnez de noz Prélatz pour nous prescher l'Evangile & pour nous reprendre de noz vices ?

— Ceulx, » dist Parlamente, « qui ont congneu leur ypocrisie & qui congnoissent la différence de la dodrine de Dieu & de celle du Diable.

— Jhésus, » dist Ennasuide, a penserez vous bien que ces gens là osassent prescher une mauvaise doctrine ?

— Comment penser, » dist Parlamente, « mais suys je seure qu'ilz ne croycnt riens moins que l'Evangillc, j'entens les mauvais, car je congnois beaucoup de gens de bien Icsquclz preschent purement & simplement l'Escripture & vivent de mesmcs, sans scandale, sans

ambition ne convoitise, en chasteté de pureté non fainde ne contrainde ; mais de ceulx là ne sont pas tant les rues pavées que marquées de leurs contraires, & au fruid congnoist on le bon arbre.

— En bonne foy je pensois, » dist Ennasuide, « que nous fussions tenuz, sur peyne de péché mortel, de croyre tout ce qu'ilz nous dient en chaire de vérité : c'est quant ilz ne parlent que de ce qui en est la sainde Escripture ou qu'ilz allèguent les expositions des saindz Dodeurs divinement inspirez.

— Quant est de moy, )) dist Parlamente, « je ne puis ignorer qu'il n'y en ayt entre eulx de très mauvaise foy, car je sçay bien que ung d'entre eulx, Docteur en Théologie & Principal de leur Ordre, voulut persuader à plusieurs de ses Frères que l'Evangille n'estoyt non plus croyable que les Commentaires de César ou autres Histoires escriptes par Dodeurs autenticques &, depuis l'heure que l'entendis, ne vouluz croire en paroUe de Prescheur si je ne la trouve conforme à celle de Dieu, qui est la vraye touche pour sçavoir les parolles vraies ou mensongères.

— Croiez, » dist Oisille, « que ceulx qui humblement souvent la lisent ne seront jamais trompez par fidions ny inventions humaines ; car qui a l'esperit remply de vérité ne peut recevoir le mensonge.

— Si me semble il, » dist Simontault, « que une simple personne est plus aisée à tromper que une autre.

— Ouy, » dist Longarine, « si vous estimez sottise estre simplicité.

— Je vous didz, » dist Simontault, « que une femme bonne, doulce & simple, est plus aisée à tromper que une fine & malitieuse.

XLIIIJ* NOUVELLE 45

— Je pense, » dist Nomerfide, « que vous en sçavez quelqu'une trop plaine de telle bonté, par quoy je vous donne ma voix pour la dire.

— Puisque vous avez si bien deviné, » dist Simontault, ((]C ne ûiuldray à la vous dire, mais que vous me promettiez de ne pleurer poincl. Ceulx qui disent, mes Dames, que vostre malice passe celle des hommes auroyent bien à faire de medre ung tel exemple en avant que celluy que maintenant je vous voys racompter, où non seuUement je prétendz vous déclarer la très grande malice d'un mary, mais la simplicité & bonté de sa femme :

QUARANTE Q.UATRIESME NOUVELLE

(D'après l'éilition de Gruget)

De deux amants qui ont suitiïïetnent jouy de leurs amours, & de l'heureuse issue d'icelles.

]n la Ville de Paris y avoit deux citoyens de médiocre estât, l'un politic & l'autre iMarchand de draps de soye, lesquels de 'toute ancienneté se portoient force affedion & se hantoient familièrement, au moyen de quoy le fils du politic, nommé Jaques, jeune homme assez mettable en bonne compagnie, fréqucntoit souvent, sous la faveur de son père, au logis du Marchand, mais c'estoit à cause d'une belle fille qu'il aimoit, nommée Françoise, & feit Jaques si bien ses menées envers Françoise qu'il cogneut qu'elle n'estoit moins aimante qu'aimée. Mais, sur ces entrefaites, se dressa le camp de

Provence contre la descente de Charles d'Autriche, & fut force à Jaques de suivre le camp pour Testât auquel il estoit appelle. Durant lequel camp, & dès le commencement, son père alla de vie à trèspas, dont la nouvelle luy apporta double ennuy, l'un pour la perte de son père, l'autre pour l'incommodité de reveoir si souvent sa bien aimée, comme il espèroit à son retour.

Toutesfois, avecques le temps, l'un fut oublié & l'autre s'augmenta, car, comme la mort est chose naturelle, principalement au père plus tost qu'aux enfans, aussi la tristesse s'en escoule peu à peu. Mais l'amour, au lieu de nous apporter mort, nous rapporte vie en nous communiquant la propagation des enfans, qui nous rendent immortels, & cela est une des principales causes d'augmenter noz désirs.

Jaques donc, estant de retour à Paris, n'avoit autre soing ny pensement que de se remettre au train de la fréquentation vulgaire du Marchand pour, sous ombre de pure amitié, faire trafic de sa plus chère marchandise. D'autre part Françoise, pendant son absence, avoit esté fort sollicitée d'ailleurs, tant à cause de sa beauté que de son bon esprit, & aussi qu'elle estoit, long temps y avoit, mariable, combien que le père ne s'en mist pas fort en son devoir, fust ou pour son avarice, ou par trop grand désir de la colloquer comme fille uni-

XLIIIJ' NOUVELLE 49

que, ce qui ne faisoit bien à l'honneur de la fille pource que les personnes de maintenant se scandalisent beaucoup plus tost que l'occasion ne leur en est donnée, & principalement quand c'est en quelque point qui touche la pudicité de belle fille ou femme. Cela fut cause que le père ne feit point le sourd ny l'aveugle au vulgaire caquet & ne voulut ressembler beaucoup d'autres qui, au lieu de censurer les vices, semblent y provoquer leurs femmes & leurs enfans; car il la tenoit de si court que ceux mesmes qui n'y tendoient que sous voile de mariage n'avoient point ce moyen de la veoir que bien peu, encores estoit ce tousjours avecques sa mère.

Il ne fault pas demander si cela fut fort aigre à supporter à Jaques, ne pouvant résoudre en son entendement que telle austérité se gardast sans quelque grande occasion, tellement qu'il vacilloit fort entre amour & jalousie. Si est ce qu'il se résolut d'en avoir la raison à quelque péril que ce fust; mais premièrement, pour cognoistre si elle estoit encores de mesme affedion que auparavant, il alla tant & vint qu'un matin à l'église, oïant la messe près d'elle, il apperçeut à sa contenance qu'elle n'estoit moins aise de le veoir que luy elle. Aussi luy, cognoissant la mère n'estre si sévère que le père, print quelques fois, comme inopinément, la hardiesse, en les voyant aller de leur logis jusques Hept. m. 7

à l'église, de les accoster avecques une familière & vulgaire révérence & sans se trop avantager, le tout expressément & à fin de mieux parvenir à ses attentes.

Bref, en approchant le bout de l'an de son père, il se délibéra, au changement du dueil, de se mettre sur le bon bout & faire honneur à ses ancestres, & en tint propos à sa mère qu'il le trouva bon, désirant fort de le veoir bien marié pource qu'elle n'avoit pour tous enfans que lui & une fille jà mariée bien & honnestement. Et de faid, comme damoiselle d'honneur qu'elle estoit, luy poussoit encor le cueur à la vertu par infinité d'exemples d'autres jeunes gens de son aage, qui s'avançoient d'eux mesmes, au moins qui se monstroient dignes du lieu d'où ils estoient descenduz.

Ne restoit plus que d'adviser où ils se fourniroient, mais la mère dist :

« Je suis d'advis, Jaques, d'aller chez le compère sire Pierre », c'estoitle père de Françoise; « il est de noz amis, il ne nous voudroit pas tromper. »

Sa mère le chatouilloit bien où il se démangeoit; neantmoins il tint bon, disant :

« Nous en prendrons là où nous troverons nostre meilleur & à meilleur marché. Toutesfois, » dit-il, « à cause de la cognoissance de feu mon père, je suis bien content que nous y allions premier qu'ailleurs. »

XLIIIJ*= NOUVELLE 5I

Ainsi fut prins le complot, pour un matin, que la mèirc & le fils allèrent veoir le sire Pierre, qui les recueillit fort bien, comme vous sçavez que les Marchans ne manquent poin); de telles drogues. Si feirent desployer grandes quantitez de draps de soye de toutes sortes & choisyrent ce qui leur en falloit; mais ils ne peurent tomber d'accord, ce que Jaques faisoit à propos pource qu'il ne voyoit point la mère de s' amie, & fallut à la fin qu'ils s'en allassent sans rien faire voir ailleurs quel il y faisoit. Mais Jaques n'y trouvoit rien si beau que chez s' amie, où ils retournèrent quelque temps après.

Lors s'y trouva la dame, qui leur feit le meilleur recueil du monde, &, après les menées qui se font en telles boutiques, la femme du sire Pierre tenant encor plus roide que son mary, Jaques luy dist :

« Et dea, ma Dame, vous estes bien rigoureuse. Voilà que c'est; nous avons perdu nostre père, on ne nous cognoist plus, » & feit semblant de plorer & de s'essuyer les yeux pour la souvenance paternelle; mais c'estoit à fin de faire sa menée.

La bonne femme vefve, mère de Jaques, y allant à la bonne foy, dist aussi :

« Depuis sa mort, nous ne nous sommes plus fréquentez que si jamais ne nous fussions veuz.

p V^ JOURNEE

Voilà le compte que l'on tient des pauvres femmes vefves! »

Alors se racointèrent elles de nouvelles caresses, se promettans de se revisiter plus souvent que jamais, &, comme ils estoient en ces termes, vindrent d'autres Marchans que le maistre mena luy mesme en son arrière boutique. Et le jeune homme, voyant son apoint, dist à sa mère :

« Maij, ma Damoiselle, j'ay veu que ma Dame venoit bien souvent, les festes, visiter les sainds lieux qui sont en noz quartiers, & principalement les Religions. Si quelquefois elle daignoit, en passant, prendre son vin, elle nous feroit plaisir & honneur. »

La Marchande, qui n'y pensoit en nul mal, luy respondit qu'il y avoit plus de quinze jours qu'elle avoit dèhbéré d'y faire un voyage & que, si le prochain dimanche ensuyvant il faisoit beau, elle pourroit bien y aller, qui ne seroit sans passer par le logis de la Damoiselle & la revisiter. Cette conclusion prinse, aussi fut celle du marché des draps de soye, car il ne falloit pas pour quelque peu d'argent laisser fuyr si belle occasion.

Le complot prins & la marchandise emportée , Jaques, cognoissant ne pouvoir bien luy seul faire une telle entreprise, fut contraind se déclarer à un sien fidèle amy. Si se conseillèrent si bien ensemble qu'il ne restoit que l'exécution.

XLIIIJ'' NOUVELLE 53

Par quoy, le dimanche venu, la Marchande & sa fille ne faillirent, au retour de leurs dévotions, de passer par le logis de la Damoisclle vefve, où elles la trouvèrent avec une sienne voisine, devisans en une gallcrie de jardin, & la fille de la vefve, qui se promenoit par les allées du jardin avecques Jaques & Olivier.

Luy, aussi tost qu'il veid s'amie, se forraa en sorte qu'il ne changea nullement de contenance. Si alla en ce bon visage recevoir la mère & la fille, &, comme c'est l'ordinaire que les vieux cherchent les vieux, ces trois dames s'assemblèrent sur un banc qui leur faisoit tourner le dos vers le jardin, dans lequel, peu à peu, les deux amans entrèrent, se promenans jusques au lieu où estoient les deux autres.

Et, ainsi de compagnie, s'entrecaressèrent quelque peu, puis se remirent au promenoir, où le jeune homme compta si bien son piteux cas à Françoise qu'elle ne pouvoit accorder & si n'osoit refiiser ce que son amy demandoit, tellement qu'il cognent qu'elle estoit fort aux altères. Mais il fault entendre que, pendant qu'ils tenoient ces propos, ils passoient & repassoient souvent au long de l'abry où estoient assises les bonnes femmes, à fin de leur oster tout soupçon, parlans, toutesfois, de propos vulgaires & familiers, & quelques fois un peu rageans folastrement parmy le jardin.

Et y furent ces bonnes femmes si accoustumées, par l'espace d'une demie heure, qu'à la fin Jaques feit le signe à Olivier, qui joua son personnage envers l'autre fille qu'il tenoit, en sorte qu'elle ne s'apperçeut point que les deux amans entrèrent dans un préau, couvert de cerisaye & bien cloz de rosiers & de groseillers fort haults, là où ils feirent semblant d'aller abbattre des amendes à un coing du préau, mais ce fut pour abbatre prunes.

Aussi Jaques, au lieu de bailler la cotte verte à s'amie, luy bailla la cotte rouge, en sorte que la couleur luy en vint au visage pour s'estre trouvée surprise un peu plus tost qu'elle ne pensoit. Si eurent ilz si habilement cueilly leurs prunes, pour ce qu'elles estoient meures, que Olivier mesme ne le pouvoit croire, n'eust esté qu'il veid la fille tirant la veue contre bas & monstrant visage honteux, qui luy donna marque de la vérité pour ce qu'auparavant elle alloit la teste levée, sans craindre qu'on veist en l'oeil la veine, qui doit estre rouge, avoir pris couleur azurée, de quoy Jaques s' apercevant la remeit en son naturel par remonstrances à ce nécessaires.

Toutesfois, en faisant encor deux ou trois tours de jardin, ce ne fut point sans larmes & soupirs, & sans dire maintes fois :

« -Hélas, estoit ce pour cela que vous m'aimiez? Si je l'eusse pensé! Mon Dieu, que feray je? Me

XLIIIJ'' NOUVELLE 35

voilà perdue pour toute ma vie. En quelle estime m'aurez vous d'oresnavant ? Je me tiens asseurée que vous ne tiendrez plus compte de moy, au moins si vous estes du nombre de ceux qui n'aiment que pour leur plaisir. Hélas, que ne suis-je plus tost morte que de tomber en ceste faultc? »

Ce n'estoit pas sans verser force larmes qu'elle tenoit ce propos, mais Jaques la reconforta si bien, avec tant de promesses & sermens, qu'avant qu'ils eussent parfourny trois autres tours de jardin & qu'il eust faid le signe à son compagnon, ils rentrèrent encores au préau par un autre chemin, où elle ne sçeut si bien faire qu'elle ne reçeust plus de plaisir à la seconde cotte verte qu'à la première, voire & si s'en trouva si bien dès l'heure qu'ils prindrent délibération pour adviser comment ils se pourroient reveoir plus souvent & plus à leur aise, en attendant le bon loisir du père.

A quoi leur aida grandement une jeune femme, voisine du sire Pierre, qui estoit aucunement parente du jeune homme & bien amie de Françoise, en quoi ils ont continué, sans scandale à ce que je puis entendre, jusques à la consommation du mariage, qui s'est trouvé bien riche pour une fille de Marchand, car elle estoit seule. Vray est que Jaques â attendu le meilleur du temporel jusques au décès

du père, qui estoit si serrant qu'il luy sembloit que ce qu'il tenoit en une main l'autre luydesrobboit.

« Voilà, mes Dames, une amitié bien commencée, bien continuée, & mieux finie ; car, encores que ce soit le commun d'entre vous hommes de desdaigner une fille ou femme depuis qu'elle vous a esté libérale de ce que vous cherchez le plus en elle, si est ce que ce jeune homme, estant poulsé de bonne & sincère amour & ayant congneu en s'amie ce que tout mary désire en la fille qu'il espouse, & aussi la congnoissant de bonne lignée & sage, au reste de la faulte que luy mesme avoit commise, ne voulut point adultérer, ny estre cause ailleurs d'un mauvais mariage, en quoi je le trouve grandement louable.

— Si est ce, » dist Oisille, « qu'ils sont tous deux dignes de blasme, voire le tiers aussi, qui se faisoit ministre ou du moins adhérant à un tel violement.

— M'appeliez vous cela violement, » dist SafFredent, « quand les deux parties en sont bien d'accord ? Est il meilleur mariage que cestuy là, qui se fait ainsi d'amourettes ? C'est pourquoy on did en proverbe que les mariages se font au ciel, mais cela ne s'entend pas des mariages forcez, ny qui se font à prix d'argent & qui sont tenuz pour très approuvez depuis que le père & la mère y ont donné consentement.

— Vous en direz ce que vous vouldrez, » répliqua Oisille, « si fault il que 'nous recognoissions l'obéissance paternelle &, par defFault d'icelle, avoir recours aux autres parens. Autrement, s'il estoit permis à tous & à

XLIIIJ» NOUVELLE 57

toutes de se marier à volonté, quants mariages cornuz trouveroit l'on ? Est il à présupposer qu'un jeune homme & une fille de douze ou quinze ans sçachent ce que leur est propre ? Qui rcgardcroit bien le contentement de tous les mariages, on trouveroit qu'il y en a pour le moins autant de ceux qui se sont faids par amourettes dont les yssues en sont mauvaises, que de ceux qui ont esté faids forcément, pource que les jeunes gens, qui ne sçavent ce qui leur est propre, se prennent au premier qu'ils trouvent, sans considération, puis peu à peu ils descouvrent leurs erreurs, qui les faid entrer en de plus grandes, là où, au contraire, la plus part de ceux qui se font forcément procèdent du discours de ceux qui ont plus veu & ont plus de jugement que ceux à qui plus il touche, en sorte que, quand ils viennent à sentir le bien qu'ils ne cognoissoient, ils le savourent & embrassent beaucoup plus avidement & de plus grande affedion.

— Voire, mais vous ne dides pas, ma Dame, » dist Hircan, « que la fille estoit en hault aage, nubile, cognoissant l'iniquité du pore, qui laissoit moisir son pucellage de peur de démoisir ses escuz. Et ne savez vous pas que nature est coquine ? Elle aimoit, elle estoit aimée; elle trouvoit son bien prest & si se pouvoit souvenir du proverbe que tel refuse qui après muse. Toutes ces choses, avecques la prompte exécution du poursuyvant, ne luy donnèrent pas loisir de se rebeller. Aussi avez vous oy qu'incontinent après on cognent bien à sa face qu'il y avoit en elle quelque mutation notable. C'estoit peut estre l'ennuy du peu de loisir qu'elle avoit eu pour juger si telle chose estoit bonne ou mauvaise, car elle ne se feit pas

Hept. III. 8

jg V JOURNÉE

grandement tirer l'aureille pour en faire le second

essay.

— Or de ma part, » dist Longarine, « je n'y trouverois point d'excuse, si ce n'estoit l'approbation de la foy du jeune homme, qui, se gouvernant en homme de bien, ne l'a point abandonnée, ains l'a bien voulue telle qu'il l'avoit faide. En quoy il me semble grandement louable, veu la corruption dépravée de la jeunesse du temps présent. Non pas que pour cela je vueille excuser la première faulte, qui l'accuse tacitement, d'un rapt pour le regard de la fille & de subornation en l'endroit de la mère.

— Et point, point, » dist Dagoucin; (f il n'y a rapt ny subornation. Tout s'est faid de pur consentement, tant du costé des deux mères pour ne l'avoir empesché, bien qu'elles ayent esté déçeues, que du costé de la fille, qui s'en est bien trouvée : aussi ne s'en est elle jamais plainde.

— Tout cela n'est procédé, » dist Parlamente, « que de la grande bonté & simplicité de la Marchande qui, sous tiltre de bonne foy, mena sans y penser sa fille à la boucherie.

— Mais aux nopces, » dist Simontault, « tellement que ceste simplicité ne fiit moins profitable à la fille que dommageable à celle qui se laissoit aiséement tromper par son mary.

— Puis que vous en sçavez le compte, » dist Nomerfide, « je vous donne ma voix pour nous le réciter.

— Et je n'y feray faulte, » dist Simontault, « mais que vous promediez de ne plorer point. Ceux qui disent, mes Dames, que vostre maUce passe celle des hommes auroient bien à faire de mettre un tel exemple

XLIIIJ' NOUVELLE 59

en avant que celuy que maintenant je vous vay racomp ter, où je prétends non seulement vous déclarer la grande malice d'un mary, mais aussi la très grande simplicité & bonté de sa femme :