QUARANTE CINQUIESME NOUVELLE

A la requeste de sa femme , un Tapissier de Tours bailla les Innocens à sa Chamherière de laquelle il estait amoureux, mais ce fut de telle façon qu'il luy donnait ce qui appartenait à sa femme seule, qui estait si simple qu'elle ne put jamais croire que son mary luy teint un tel tort, combien qu'elle en fut asse:( avertye par une sienne voysine.

fe

f^^HHN la Ville de Tours y avoyt ung homme K^i^^de fort subtil & bon esperit, lequel estoyt Tapissier de feu Monsieur d'Orléans, filz du Roy Françoys premier, &, combien que ce Tapissier par fortune de maladie fût devenu sourd, si n' avoyt il diminué son entendement, car il n'y avoyt de plus subtil de son mestier & aux autres choses. Vous verrez comment il s'en sçavoyt ayder.

Il avoyt espousé une honneste & femme de bien, avecq laquelle il vivoyt en grande paix & repos. Il

craingnoyt fort à luy desplaire; elle aussi ne chercheoyt qu'à luy obéyr en toutes choses. Mais, avecq la bonne amityé qu'il luy portoit, estoitsi charitable que souvent il donnoyt à ses voisines ce qui appartenoyt à sa femme, combien que ce fût le plus secrètement qu'il povoit.

Hz avoient en leur maison une Chamberière fort en bon poind, de laquelle ce Tapissier devint amoureux. Toutesfois, craingnant que sa femme ne le sçeut, faisoyt semblant souvent de la tanser & reprendre, disant que c'estoit la plus paresseuse garse que jamais il avoyt veue & qu'il ne s'en esbahissoit pas, veu que sa Maistresse jamais ne la battoyt, &, ung jour qu'ilz parloient de donner les Innocens, le Tapissier dist à sa femme :

« Ce seroyt belle aulmosne de les donner à ceste paresseuse garse que vous avez; mais il ne fauldroyt pas que ce fust de vostre main, car elle est trop foible & vostre cueur trop piteulx. Si est ce que, si je voulois emploier la myenne, nous serions mieulx serviz d'elle que nous ne sommes » .

La pauvre femme, qui n'y pensoyt en nul mal, le pria d'en vouloir faire l'exécution, confessant qu'elle n'avoit le cueur ne la force pour la battre.

Le mary, qui accepta voluntiers ceste commission, faisant le rigoureux bourreau, feyt achepter des verges des plus fines qu'il peut trouver, &, pour monstrer le grand désir qu'il avoyt de ne

l'espargner poind, les feyt tramper dedans de la saulmure, en sorte que sa pauvre femme eut plus de pitié de sa Chamberière que de doubte de son mary.

Le jour des Innocens venu, le Tapissier se leva de bon matin & s'en alla en la chambre haulte, où la Chamberière estoit toute seulle, & là luy bailla les Innocens d'autre façon qu'il n'avoit did à sa femme. La Chamberière se print fort à pleurer, mais rien ne luy vallut. Toutesfois, de paour que sa femme y survint, commencea à frapper des verges qu'il tenoyt sur le bois du lid tant qu'il les escorcha & rompit, & ainsi rompues les raporta à sa femme, luy disant : « M'amye, je croy qu'il souviendra des Innocens à vostre Chamberière. »

Après que le Tapissier fut allé hors de la maison, la pauvre Chamberière se vint geder à deux genoulx devant sa Maistresse, luy disant que son mary luy avoyt faid le plus grand tort que jamays on feyt à Chamberière. Mais la maistresse, cuydant que ce fût à cause des verges qu'elle pensoyt luy avoir esté données, ne la laissa pas achever son propos, mais luy dist : a Nostre mary a bien faid, car il y a plus d'ung mois que je suis après luy pour l'en prier, &, si vous avez eu du mal, j'en suis bien ayse. Ne vous en prenez que à moy, & encores n'en a il pas tant faid qu'il devoyt. »

La Chamberière, voïant que sa Maistresse ap-

prouvoyt ung tel cas, pensa que ce n'estoit pas ung si grand péché qu'elle cuydoit, veu que celle que l'on estimoit tant femme de bien en estoyt l'occasion, & n'en osa plus parler depuis. Mais le Maistre, voïant que sa femme estoit aussi contente d'estre trompée que luy de la tromper, délibéra de la contanter souvent & gaingna si bien ceste Chamberière qu'elle ne pleuroyt plus pour avoir les Innocens.

Il continua ceste vie longuement, sans que sa femme s'en apperçeut, tant que les grandes neiges vindrent, &, tout ainsi que le Tapissier avoyt donné les Innocens sur l'herbe en son jardin, il luy en vouloit autant donner sur la neige, &, ung matin, avant que personne fût esveillé en sa maison, la mena tout en chemise faire le crucifix sur la neige &, en se jouant tous deux à leur bailler de la neige, n'oblièrent le jeu des Innocens, ce que advisa une de leurs voisines qui s'estoit mise à la fenestre, qui regardoit tout droid sur le jardin, pour veoir quel temps il faisoyt, &, voïant ceste vilenye, fut si courroucée qu'elle se déHbèra de le dire à sa bonne commère, afin qu'elle ne se laissast plus tromper d'un si mauvais mary, ny servir d'une si meschante garse.

Le Tapissier, après avoir faid ces beaulx tours, regarda à l'entour de luy si personne ne le povoyt veoir & advisa sa voisine à sa fenestre, dont il fut

fort marry. Mais luy, qui sçavoit donner couleur à toute tapisserie, pensa si bien colorer ce faid que sa commère seroyt aussi bien trompée que sa femme &, si tost qu'il fut recouché, feyt lever sa femme du liél toute en chemise, & la mena au jardin comme il avoyt mené sa Chamberière, & se joua long temps avecq elle de la neige comme il avoit faid avecq l'autre, & puis luy bailla des Innocens tout ainsy qu'il avoyt faid à sa Chamberière, & après s'en allèrent tous deux coucher.

Quant ceste bonne femme alla à la messe, sa voisine & bonne amye ne faillyt de s'y trouver &, du grand zèle qu'elle avoyt, luy pria, sans luy en vouloir dire davantaige, qu'elle voulsist chasser sa Chamberière & que c'estoit une très mauvaise & dangereuse garse, ce qu'elle ne voulut faire sans sçavoir pourquoy sa voisine l'avoyt en si mauvaise estime, qui à la fin luy compta comme elle l'avoyt veue au matin en son jardin avecq son mary.

La bonne femme se print à rire si fort en luy disant : « Hé, ma commère, m'amye, c'estoit moy.

— Comment, ma commère ? Elle estoit toute en chemise, au matin environ les cinq heures. »

La bonne femme luy respondit : « Par ma foy, ma commère, c'estoyt moy. »

L'autre, continuant son propos : « Hz se bailloient de la neige l'un à l'autre, puis aux tetins, Hept. m. 9

puis en autre lieu, aussy privément qu'il estoyt possible. »

La bonne femme luy dist : « Hé ! hé ! ma commère, c'estoyt moy.

— Voire, ma commère, » ce dist l'aultre, « mais je les ay veu après sur la neige faire telle chose qui me semble n'estre belle ne honneste.

— 'Ma commère, » dist la bonne femme, « je le vous ay did, & le vous diz encores, que c'estoyt moy & non aultre qui ayt faid tout cela que vous me dides, mais mon bon mary & moy nous jouons ainsy privément. Je vous prie, ne vous en scandalisez poind, car vous sçavez que nous debvons complaire à noz mariz. »

Ainsy s'en alla la bonne commère, plus désirante d'avoir ung tel mary qu'elle n'estoit à venir demander celluy de sa bonne commère. Et, quant le Tapissier fut retourné à sa femme, luy feit tout au long le compte de sa commère :

« Or, regardez, m'amye, » ce respondit le Tapissier, « si vous n'estiez femme de bien & de bon entendement, long temps a que nous fussions séparez l'un de l'autre; mais j'espère que Dieu nous conservera en nostre bonne amityé à sa gloire & à nostre bon contentement.

— Amen , mon amy, » dist la bonne femme ; « j'espère que de mon cousté vous n'y trouverez jamais faulte. »

« Il seroit bien incrédule, mes Dames, celluy qui, après avoir vcu une telle & véritable histoire, ne jugeroit que en vous il y ayt une telle malice que aux hommes, combien que, sans faire tort à nul, pour bien louer à la vérité l'homme & la femme, l'on ne peult faillir de dire que le meilleur n'en vault rien.

— Cest homme là, » dist Parlamente, « estoit merveilleusement mauvays, car d'un costé il trompoyt la Chamberiére & de l'autre sa femme.

— Vous n'avez doncques pas bien entendu le compte, » dist Hircan, « pour ce qu'il est did qu'il les contenta toutes deux en une matinée, que je trouve ung grand ade de vertu, tant au corps que à l'esperit, de sçavoir dire & faire chose qui rend deux contraires contens.

— Et cela est doublement mauvais, » dist Parlamente, « de satisfaire à la simplesse de l'une par sa mensonge & à la malice de l'autre par son vice. Mais j'entends que ces péchez là, mis devant telz juges, qu'ilz vous seront toujours pardonnez.

— Si vous asseuray je, » dist Hircan, « que je ne feray jamais si grande ne si difEcille entreprinse, car, mais que je vous rende contante, je n'auray pas mal employé ma journée.

— Si l'amour réciproque, » dist Parlamente, « ne contente le cueur, toute aultre chose ne le peult contanter.

— De vray, » dist Simontault, « je croy qu'il n'y a au monde nulle plus grande peyne que d'aymer & n'estre poind aymé.

— Il fauldroyt pour estre aymé, » dist Parlamente,

é8 V* JOURNÉE

a s'addresser aux lieux qui ayment ; mais bien souvent celles qui sont les bien aymées & ne veulent aymer sont les plus aymées, & ceulx qui sont le moins aymez ayment plus fort.

— Vous me faides souvenir, » dist Oisille, « d'un compte que je n'avois pas délibéré de medre au rang des bons.

— Je vous prye, » dist Simontault, « que vous nous le dides.

— Et je le feray voluntiers, » dist Oisille.

Q.UARANTE SIXIESME NOUVELLE

De Vale, Cordelier, convyl pour diner en la maison du Juge des exempts d'Angouïesme, avisa que sa femme, dont il estait amoureux, montait toute seule en son grainier, où, la cuydant surprendre, alla après, mais elle luy donna un si grant coup de piè par le ventre qu'il trèbuscha du haut en bas & s'enfuyt hors la ville chej;^ une Damoyselle, qui aymoit si fort les gens de son Ordre que, par trop sottement croire plus de bien en eux qu'il n'y en a, luy commeit la correàion de sa fille, qu'il preint par force, en lieu de la châtier du péché de paresse, comme il avait promis à sa mère.

N la ville d'Angouïesme, où se tenoyt

? souvent le Conte Charles, père du Roy François, y avoyt ung Cordelier, nommé De Vale, estimé homme sçavant & grand Prescheur, en sorte que ung' Advent il prescha en la ville devant le Comte, d'ont il acquist si grand bruid que ceulx qui le congnoissoient le convoyoient à grand requeste à disner en leur maison, & entre aultres ung, qui estoyt Juge

des exemptz de la Conté, lequel avoyt espousé une belle & honneste femme, dont le Cordelier fut tant amoureux qu'il en moroit, mais il n'avoyt la hardiesse de luy dire, dont elle qui s'en apperçeut se mocquoit très fort.

Après qu'il eut faid plusieurs contenances de sa folle intention, l'advisa ung jour qu'elle montoit en son grenier toute seulle &, cuydant la surprendre, monta après elle ; mais, quant elle ouyt le bruid, elle se retourna & demanda où il alloyt : « Je m'en vois », dist-il, « après vous pour vous dire quelque chose de secret. — N'y venez poind, beau Père, » dist la Jugesse, « car je ne veulx poinct parler à telles gens que vous en secret, &, si vous montez plus avant en ce degré, vous vous en repentirez. » Luy, qui la voyoit seulle, ne tint compte de ses paroUes, mais se haste de monter. Elle, qui estoit de bon esperit, le voyant au hault du degré, luy donna ung coup de pied par le ventre &, en luy disant : « Dévaliez, dévaliez. Monsieur », le geda du hault en bas, dont le pauvre beau Père fut si honteulx qu'il oblia le mal qu'il s'estoyt faid à cheoir, & s'enfouyt le plus tost qu'il peut hors de la ville, car il pensoyt bien qu'elle ne le céleroyt pas à son mary, ce qu'elle ne feit, ne au Conte ne à la Contesse, par quoy le Cordelier ne se osa plus trouver devant eulx.

XLVJ* NOUVELLE *ji

Et, pour parfaire sa malice, s'en alla chez une Damoiselle qui aymoit les Cordeliers sur toutes gens, &, après avoir presché ung sermon ou deux devant elle, advisa sa fille qui estoit fort belle &, pour ce qu'elle ne se Icvoyt poind au matin pour venir au sermon, la tansoyt souvent devant sa mère, qui lui disoit : « Mon Père, pleust à Dieu qu'elle eust ung peu tasté des disciplines que entre vous Religieux prenez! » Le beau Père luy jura que si elle estoyt plus si paresseuse, qu'il luy en bailleroyt, dont la mère le pria bien fort.

Au bout d'un jour ou deux, le beau Père entra dans la chambre de la Damoiselle &, ne voiant poind sa fille, luy demanda où elle estoyt. La Damoiselle luy dist : « Elle vous craindl si peu qu'elle est encorcs au lid. — Sans faulte, » dist le Cordelier, c'est une très mauvaise coustume à jeunes filles d'estre paresseuses. Peu de gens font compte du péché de paresse, mais, quant à moy, je l'estime ung des plus dangereux qui soyt, tant pour le corps que pour l'ame, par quoy vous l'en debvez bien chastier &, si vous m'en donnez la charge, je la garderois bien d'estre au Hd à l'heure qu'il fault prier Dieu. »

La pauvre Damoiselle, croyant qu'il fust homme de bien, le pria de la vouloir corriger, ce qu'il feit incontinant, &, en montant en hault par ung petit degré de bois, trouva la fille toute seulle dedans le

72 y JOURNÉE

lid, qui dormoyt bien fort, & toute endormye la print par force.

La pauvre fille en s'esveillant ne sçavoyt si c'estoyt homme ou Diable & se print à crier tant qu'il luy fut possible, appellant sa mère à l'ayde, laquelle au bout du degré cryoit au Cordelier : « N'en ayez poind de pitié. Monsieur; donnez luy encores & chastiez ceste mauvaise garse. » Et, quant le Cordelier eut parachevé sa mauvaise volunté, descendit où estoit la Damoisellc & luy dit avecq ung visaige tout enflambé : « Je croy, ma Damoiselle, qu'il souviendra à vostre fille de ma discipline. »

La mère, après l'avoir remercié bien fort, monta en la chambre où estoit sa fille, qui menoyt un tel deuil que debvoit faire une femme de bien à qui ung tel crime estoit advenu. Et, quant elle sçeut la vérité, feyt chercher le Cordefier partout, mais il estoyt desjà bien loing & oncques puis ne fut trouvé au Royaume de France.

« Vous voiez, mes Dames, quelle seureté il y a à bailler telles charges à ceulx qui ne sont pour en bien user. La corredion des hommes appartient aux hommes & des femmes aux femmes, car les femmes à corriger les hommes seroient aussi piteuses que les hommes à corriger les femmes seroient cruelz.

— Jésus, ma Dame, » dist Parlamente, « que voylà ung vilain & meschant Cordelier !

XLVJ' NOUVELLE 73

— Mais dides plustost, » dist Hircan, « que c'estoyt une' sotte & folle mûre, qui, soubz couleur d'ypocrisie, donnoyt tant de privaulté à ceulx qu'on ne doibt jamais vcoir que en l'église.

— Vrayement, » dist Parlamentc, « je la confesse une des sottes mères qui oncques fut, &, si elle eust esté aussi saige que la Jugesse, elle luy eust plustost faid descendre le degré que de monter. Mais que voulez vous, ce Diable demi-Ange est le plus dangereux de tous ; car il se sçaid si bien transfigurer en Ange de lumière que l'on faid conscience de les soupsonner telz qu'ilz sont &, me semble, la personne qui n'est poind soupsonneuse doibt estre louée.

— Toutesfoys, » dist Oisille, « l'on doibt soupsonner le mal qui est à éviter, principalement ceulx qui ont charge ; car il vault mieulx soupsonner le mal qui n'est poind que de tumber par sottement croire en icelluy qui est , & n'ay jamais veu femme trompée pour estre tardive à croire la paroUe des hommes, mais ouy bien plusieurs, par trop bien promptement adjouster foy à la mensonge ; par quoy je didz que le mal qui peult advenir ne se peut trop soupsonner en ceulx qui ont charge d'hommes, de femmes, de villes & d'estatz; car, encores quelque bon guet que l'on face, la meschanceté & les trahisons régnent assez, & le pasteur qui n'est vigilant sera toujours trompé par les finesses du loup.

— Si est ce, » dist Dagoucin, « que la personne soupsonneuse ne peult entretenir ung parfaid amy, & assez sont séparez parungsoupson.

— SeuUement, si vous en sçavcz quelque exemple, » dist Oisille, « je vous donne ma voix pour la dire.

Hept. m. 10

— J'en sçay ung si véritable, » dist Dagoucin, « que vous prendrez plaisir à Fouyr. Je vous diray ce que plus facillement rompt une bonne amityé, mes Dames : c'est quant la seureté de l'amityé commence à donner lieu au soupson. Car, ainsy que croire en amy est le plus grand honneur que l'on puisse faire, aussy se doubler de luy est plus grand deshonneur ; car par cela on l'estime autre que l'on ne veult qu'il soyt, qui est cause de rompre beaucoup de bonnes amityez & randre les amys ennemys, comme vous verrez par le compte que je vous veulx faire :