LE SECOND VOYAGE

DES FRANÇOIS EN LA FLORIDE

Fait par le capitaine Laudonnière Van i564.

epuis la paix faicte en France, Tadmiral de Chastillon remonstra au Roy comme l’on n’avoit nouvelle aucune des gens que le capitaine Jean Ribaut avoit laissez en la Floride, et que ce seroit grand dommage de les laisser perdre. A cause dequoy le Roy luy accorda de faire équipper trois vaisseaux; l’un de six-vingts tonneaux, l’autre de cent, et le troisiesme de soixante, pour les aller chercher et secourir. Ledit admirai doncques bien informé du fidèle service que j’ay faict tant à Sa Majesté qu’à ses prédécesseurs Roys de France , fit entendre au Roy le moyen que j’avois de luy faire service en ce voyage , qui fut cause qu’il m’establit chef de ces trois vaisseaux , et me commanda partir en diligence, pour exécuter son

62 Histoire

commandement ; à quoy ne voulant contrevenir, ains me sentant heureux d’estre esleu entre une infinité d’autres, lesquels à mon jugement se fussent assez bien acquittez de ceste charge, je m’embarquay au Havre de Grâce le vingt-deuxiesme d’avril mil cinq cent soixante-quatre , et feis arrouter mes vaisseaux , dont nous approchasmes d’Angleterre. Et lors je feis tourner vers le su, ou auster, pour de droit cours naviguer aux isles F ortunées, dictes maintenant Canaries, l’une desquelles, appellée l’isle Sauvage (pour ce à mon jugement qu’elle est du tout inhabitée) fut la première passée de nos vaisseaux. Poursuivans donc plus outre, nous terrismes le lendemain à la Teneriffé, autrement dit le Pic, à cause qu’environ le mitan d’icelle , il y a une montaigne excessivement haute, presque pareille à celle d’Ætna, laquelle va di’oit comme un pic, et au haut de laquelle on ne peut aller, sinon depuis la my raay jusques à la my aoust, à cause de la trop véhémente froidure qui y est tout le reste de l’an : chose grandement esmerveillable, attendu qu’elle n’est distante de l’équateur que de vingt-sept degrez et demy. Nous l’aperceusmes toute couverte de neige , encores qu’il fust desja le cinquiesme may. Les Indiens poursuivis autrefois en ceste isle par les Espagnols s’estoient retirez en ceste montaigne, là où une espace de temps ils les avoient

DE LA Floride. 63

combatus, et n’auroient voulu se ranger à leui’ obéissance, tant ils estoient indignez d’avoir perdu leur isle, ne par force ne par allècberaent amiable : car ceux qui estoient allez de la part des Espagnols , y estoient demeurez, sans qu’un seul en revint apporter des nouvelles. Enfin , toutesfois les Indiens ne pouvans vivre en ce lieu, selon leur naturel, ou n’ayant la commodité des choses nécessaires à la vie , y estoient tous morts.

M’estant refraichy de quelques eau es douces fort bonnes et excellentes, qui saillent d’un rocher au pied de ceste montagne, je feis continuer la route de l’occident, en laquelle les vents me favorisèrent si bien, que quinze jours après nos navires sains et sauves arrivèrent aux Antilles, et ayans terry à la Martinique, l’une des premières d’icelles, le lendemain nous arrivasmes à la Dominique, distante douze lieues de la précédente. La Dominique est une des plus belles de l’occident, fort montagneuse et d’assez bonne odeur, de laquelle voulans , comme en passant, recognoistre les singularitez, et desirans nous refreschir d’eaux douces, je feis poser l’ancre environ le meilleu de la coste d’icelle. Incontinent que l’ancre fut posée, deux Indiens du lieu navigèrentvers nous dedans deux almadies garnies d’un fimict de grande excellence, lequel ils nomment ananas. Ainsi qu’ils

64 Histoire

approchoient de nostre barque, il y en eut un d’eux, lequel n’estant du tout asseuré, retourna en terre, et s’évada en la plus grande diligence qui lui fut possible ; ce que nos gens aperceurent et entrèrent diligemment dedans l’autre almadie, où ils saisirent le pauvre Indien et me le présentèrent. Mais le pauvre homme devint si espouvanté de nous veoir, qu’il ne sçavoit quels gestes tenii', pource (ainsi que par après j’ay peu entendre) qu’il craignoit estre tombé en la main des Espagnols, desquels autrefois il avoit esté pris, et lesquels, comme il montra, luy avoient coupé les génitoires. Enfin ce pauvre Indien s’asseura et nous discourut de plusieurs choses, dont nous recevions un maigre plaisir, parce que nous n’entendions que par signe ce qu’il pouvoit concevoir. Or, desiroit-il fort que je luy donnasse congé, et me promettoit qu’il me feroit mil présens : ce que je luy accordé, pourveu qu’il eust patience jusques au lendemain, que je voulus mettre pied à terre, là où je le licentié , après luy avoir donné une chemise et quelques petits joyaux , qui le firent partir fort content de nous. Nostre descente en terre fut joignant un fort haut rocher, duquel procedoit une petite rivière d’eau douce et bonne au possible, le long de laquelle nous demeurasmes quelques jours, pour recognoistre les choses dignes d’estre veuës , en trafiquant tousjours avec les In-

DE LA Floride. 65

diens, lesquels surtout nous supplièrent qu’aucun de nous n’approchast de leurs demeures , ny de leurs jardinages , autrement que nous leur donnerions occasion de grande jalousie : et qu’au reste nous n’aurions faute de leurs ananas , dont nous faisoient offre assez libérale, prenans en recompence quelques marchandises de petit prix. Ce néantmoins , il advint un jour que quelquesuns des miens, cupides de veoir quelque chose nouvelle en ces païs estranges, s’acheminèrent par les travers des bois ; et suivans tousjours le bord de la petite riviere , ils apperceurent deux serpens grands outre mesure, lesquels passoient coste a coste par le travers : mes soldats se meirent audevant, pensans les empescher d’entrer au bois : mais les serpens nullement estonnez de ces gestes, se lancèrent dedans les buissons avec sifflemens espouvantables, qui toutesfois n’empeschèrentmes hommes de mettre l’espée au poing, dont les occiserent, et les trouvèrent puis après longs de neuf grands pieds, et gros comme la jambe. Pendant ce combat, quelques autres plus indiscrets s’estoient amusez à cueillir des ananas, par les jardinages des Indiens, brochans au meilleu d’iceux sans aucune discrétion. Dequoy ne se contentans encore, s’acheminèrent vers leurs demeures : dont les Indiens furent si fort irritez, que sans respecter chose aucune ils ^se ruèrent dessus , et descochè-

rent furieusement leurs arcs, jusques à attaindre un de mes hommes, nommé Martin Chauveau, lequel demoura en la place. On ne sçait s’il fut tué sur le champ ou s’il fut arresté prisonnier, car ceux de sa compagnie eurent assez d’affaire à se sauver sans s’amuser à leur compagnon. Dont Monsieur d’Ottigni, mon lieutenant, estant adverty, envoya pardevers moy, pour sçavoir si je trouverois bon qu’il dressast quelque embuscade aux Indiens qui détenoient ou bien avoient tué nostre homme, ou qu’il donnast droit à leur demeure, pour en sçavoir la vérité. Je luy mandé, après avoir meurement délibéré sur ce, qu’il n’atentast aucune chose, et pour plusieurs occasions , mais au contraire qu’en toute diligence il s’embarquast , et conséquemment tous ceux qui restoient en terre : ce qu’il feit aussitost. Mais comme il navigeoit vers les vaisseaux, il apperceut le long du rivage un grand nombre d’indiens, qui se mirent à les charger à coups de flesches , luy de sa part les escarmoucha d’harquebousades , sans toutesfois les offencer ou les pouvoii* surprendre en aucune sorte : qui fut cause qu’il les quitta du tout, et se vint rendi'e à nostre vaisseau, où ayans demouré jusques au lendemain matin , nous appareillasmes, poursuivans la route accoustumée, et navigeans en icelle, nous recognusmes plusieurs isles conquestées par les Espagnols : comme celles de Saint-

DE LA Floride. 67

Cb'istophle , des Saincts , de Monserrad et la Rotonde , puis nous déboucasmes entre L anguille et la Negade, singlans vers la Nouvelle France, à laquelle nous arrivasmes quinze joui’s après , assavoir le jeudi vingt-deuxiesme de juin, environ les trois ou quatre heures du matin , terrissans près une petite riviere , laquelle est distante de trente degrez loin de Tæquateur, et dix lieues au dessus du cap François, tirant à la part méridionale, et environ trente lieues au dessus de la riviere de May.

La voile abaissée et l’ancre posé au travers de la rivière, je délibéré mettre pied à terre, afin de la recognoistre. Parquoy sur les trois ou quatre heures de relevée, estant accompagné du sieur d’Ottigny, du sieur d’Arlac , mon enseigne , et de quelque nombre de gentils-hommes et soldats , je m’embarquay. Et estant amvé à l’ouvert d’icelle, je fis sonder le canal , qui fut trouvé de petite profondeur, encores que plus au dedans de la rivière l’eau y fust raisonnablement haute , et qu’elle se séparast en deux grands bras , l’un desquels fait son cours au midy, et l’autre vers le north. La rivière estant ainsi recognuë, je mis pied à terre pour parler aux Indiens, qui nous attendoient joignant le rivage , et qui à nostre descente vindrent au devant de nous , s’escrians à haute voLx en leur vulgaire indien : Antipola Bonnasson ! qui

68 Histoire

vaut autant à dire comme frère, amy, ou chose semblable. Nous ayant amiablement caressez, ils nous monstrèrent leur Paraousti , c’est-à-dire leur roy et supérieur, auquel je feis présent de quelques joyaux qui grandement le contentèrent. Et de ma part je louay Dieu incessamment, pour la grande amitié que je trouvois en ces sauvages, lesquels ne se fascbèrent d’autre chose sinon de la nuict qui approchoit , et qui nous sommoit la retraicte : car encore qu’ils se missent en tout devoir de nous faire demeurer avec eux , et qu’ils monstrassent par signes l’envie qu’ils avoient de nous faire des presens exquis , si est ce que pour plusieurs occasions justes et raisonnables , je ne voulus oncques séjourner, ains m’excusant de toutes leurs offres présentées , je me rembarqué et tiré vers mes vaisseaux. Toutcsfois avant que partir, je nommay ceste rivière la rivière des Dauphins, pour autant qu’à mon arrivée j’y avois veu une grande quantité de dauphins qui s’esgayoient en l’emboucheure.

Le lendemain vingt-troisiesme de ce mois, pour autant que vers le midy je n’avois trouvé beu assez commode pour nous habiter et bastir un fort , je commandé que l’on levast les ancres et que l’on appareillast les voilles , pour naviguer vers la riviere de May, à laquelle nous arrivasmes deux jours après, et feis poser l’ancre ; puis ayant

DE LA Floride. 69

mis pied à terre avec quelque nonibre de gentilshommes et soldats pour au certain recognoistre les singularitez de ce lieu , nous apperceusmes le Paraousli du païs , lequel venoit au devant de nous (c’estoit celuy mesme lequel nous avions veu au voyage du capitaine Jean Ribaut) lequel ayant apperceu, s’escria d’assez loin : Antipola I Antipola ! et estant esmii de si grande joye que presque il perdoit toute contenance , il nous vînt affronter, estant lors accompagné de deux de ses enfans, aussi beaux et puissants personnages qui se puissent trouver en toute la terre, lesquels ne tenoient autre propos que d’amy, amy, mesme recognoissans ceux du précédent voyage , ils s’adressoient principalement à eux pour leur user de ce langage. Il y avoit un grand nombre d’indiens et d’Indiennes à leur suitte , lesquelles ne faisoient que nous caresser continuellement , et par signes évidents nous faisoient entendre quel contentement ils avoient de notre venue. Ce bon recueil passé , le Paraousti me supplia d’aller veoir la borne que nous avions posée au voyage de Jean Ribaut (comme nous avons dit cy devant), chose qu’ils ont en fort grande recommandation. Luy ayant accordé, et estant arrivé au lieu où elle est assise, nous la trouvasmes environnée de couronnes de laurier, et à ses pieds force de petits panniers de mil qu’ils appellent en leur vulgaii’e Tapaga Ta-

70 Histoire

pola. Ils la baisèrent lors à leur arrivée avec grande révérence et nous supplièrent de faire le semblable : ce que nous ne leur voulusmes refuser, à celle fin de plus en plus les attirer à nostre amitié. Ce fait, le Paraousti me prit par* la main, comme s’il eust eu désir me faire entendre quelque grand secret , et par signes me monstra fort bien dedans la rivière les limites de son obéissance , et me dit qu’il se nommoit Paracousi Satouriona , qui vaut autant que Roy Satouriona. Les enfans portent le mesme titre de Paraousti. L’ais» né se nomme Atore , homme que j’ose dire parfaict en beauté , prudence et contenance honneste , monstrant par sa modeste gravité mériter le nom qu’il porte ; au reste il est doux et traictable. Après avoir sejomné quelque espace avec eux , le Paraousti pria un de ses enfans de me présenter un lingot d’argent , ce qu’il feit et de bonne volonté. En récompense de quoy je luy donnayune serpe et quelque autre présent plus exquis , dont il sembla se contenter grandement. Puis nous prismes congé d’eux pour ce que la nuict approchoit, et retournasmes après coucher en nos vaisseaux.

Estant alléché de ce bon traitement, je ne failly le lendemain de m’embarquer de rechef avec mon lieutenant Ottigni et un nombre de soldats pour retoui’ner vers le Paraousti de la rivière

DEL A Floride. 71

de May, qui tout exprès nous attendoit au mesme lieu auquel le jour précédent nous avions parlementé et devisé avecquesluy. Nous le trouvasmes à l’ombre d’une frescade, accompagné de bien quatre vin gts Indiens , et paré pour lors à l’indienne , c’est à sçavoir d’une grande peau de cerf accoustrée en chamois , et peinte en compartimens d’estranges et diverses couleurs, mais d’un portrait si naïf et sentant son antiquité , avec toutes les reigles compassées au juste , qu’il n’y a si exquis peintre qui y sceust trouver à reprendre ; tant est le naturel de ce peuple estranger parfait et bien conduit , que sans aide ny faveur aucune des ai1:s , il peut , par le moyen de sa première mère, contenter l’œil des artisans, voire de ceux qui par leur industrie peuvent trouver à redire ès choses les plus parfaites. Je feis lors entendre au Paraousti Satouriona que mon affection estoit de descouvrir plus avant la rivière , mais que ce seroit en telle diligence que bien tost je serois de retour par devers luy; ce qu’il m’accorda, promettant m’attendre la part où il estoit. Et pour arrest de sa promesse , me fit présent de sa belle peau , laquelle je luy refusay, et luy promis de la recevoir à mon retour. De ma part je luy donnay quelques petits joyaux afin de l’entretenir en amitié.

Estant party de là, je n’eus pas navigé trois

72 Histoire

lieues dedans la rivière , tousjours suivy des Indiens , qui me costoyoient le long de la rivière , crians tousjours : Amy ! Amy ! que je descouvry une montaigne de moyenne hauteur, le long de laquelle je mis pied à terre, joignant des labourages de mil , à un angle desquels il y avoit une maison bastie pour la demeure de ceux qui ont le mil en garde : car il y a tant de grosles en ceste terre , lesquels font continuellement la guerre au mil , que les Indiens sont contraints de le garder, autrement le plus souvent ils seroient frustrez de leur moisson. Je me reposay en ce lieu pour quelques heures , et feis commander au sieur d’Ottigny et à mon sergent d’entrer dedans le bois pour recognoistre la demeure des Indiens, là où après qu’ils eurent cheminé quelque espace de temps , ils arrivèrent en unejunchée marescageuse , là où se trouvans recreuz du chemin , ils se mirent à l’ombrage d’un grand laurier pour un peu se rafraiscir et résoudre quelque point d’entreprise. Alors ils descouvrirent comme à l’improviste cinq Indiens demy cachez dedans les bois , lesquels ne semonstrent trop asseurez de nos François, jusques à ce qu’en termes indiens ils leurs eussent dit : Antipola Bonnasson , à celle fin qu’entendans ce langage, ils approchassent plus seurement, ce qu’ils feirent aussi tost. Mais pour autant qu’ils virent que les quatre derniers portoient

le derière de la peau dont le premier estoit revestu, nos François se doutèrent qu’il falloit que le premier fust quelque chose plus que les autres , joint qu’ils le nommoient Paraousti , Paraousti. Parquoy quelques uns de la compagnie luy allèrent au devant, et en le caressant luy monstrèrent le sieur d’Ottigni , leur lieutenant , auquel à la mode indienne ils avoient dressé une frescade de lauriers et palmiers , à celle fin que par tels signes les sauvages creussentles François avoir autrefois hanté de leurs semblables. Le Paraousti indien approcha du François , et luy commença une harangue assez longue , laquelle ne tendoit à autre but, sinon qu’il supplioit les François affectueusement d’aller veoir sa demeure et ses parens, ce qu’ils luy accordèrent. Et lors pour gage de meilleure amitié il donna au lieutenant Ottignila peau mesme dont il estoit vestu , puis il le prist par la main , s’acheminant droit aux marescages , au ti’avers desquels le Paraousti , le sieur Ottigni et quelques autres François furent portez sur les espaules des Indiens ; et les autres , qui ne peurent passer à cause des fanges et des joncs , allèrent par le dedans des bois , et suivirent tousjours un estroit sentier qui les guidoit, jusques à ce qu’ils se fussent rendus à la demeure du Paraousti , de laquelle sortirent environ cinquante Indiens pour gaillardement recevoir les François et les

74 Histoire

festoyer à leur mode, suyvant laquelle ils présentèrent d’intrade un grand vase de terre , fait d'assez estrange façon , plein d’une eaue de fontaine claire et fort excellente. Ce vase estoit porté par un Indien, et y en avoit un autre plus jeune, lequel portoit de ceste eau avec un autre petit vaisseau de bois et en présentoit à boire à un chacun, suivant en ce faisant un certain ordre et révérence qu’il portoit aux uns et aux autres , ausquels il présentoit à boire. La soif estant estanchée par ce moyen, et les François suffisamment refreschis, le Paraousti les mena au logis de son père , l’un des plus anciens personnages qui fust vivant en la terre. Les François respectans sa vieillesse, commencèrent à le gratifier par l’appellation de ce terme amy, aniy, dont le vieillard se monstra fort joyeux. Puis l’interrogèrent sur le cours de son aage , à quoy il feit responce se monstrant estre la première source vivante , de laquelle il estoit sorty cinq générations , ainsi qu’il leur feit apparoir par un autre vieillard assis vis-à-vis de luy, lequel en vieillesse l’outrepassoit de beaucoup : aussi estoit-il son père , lequel ressembloit mieux à une carcasse d’os qu’à un homme vivant : car il avoit les nerfs , les veines , les artères , les os , et les autres parties , apparoissantes si clairement au dessus du cuir, qu’aisément on les eust nombrées et discernées les unes des autres. Aussi la vieillesse

DE LA Floride. 76

y estoit si grande que le bonhomme avoit perdu la veuë, et ne pouvoit qu’à grandissime peine proférer un seul mot. Le sieur d’Ottigny ayant veu une chose si estrange , se retira vers le jeune vieillard , le priant de vouloir respondre à ce qu’il avoit demandé touchant son aage. Lors le vieillard appela une troupe d’indiens ; puis, frappant par deux fois sur la cuisse et mettant la main sur deux d’iceux , il luy feit entendre par signes que ces deux estoient ses enfans. Puis, frappant sur leurs cuisses, il luy en fit cognoistre d’autres moins vieux , issus des deux premiers , ce qu’il continua en la manière jusques à la cinquiesme génération. Or combien que ce vieillard eust son père encore plus ancien , et que tous deux portassent les cheveux longs et blancs au possible ; si est-ce que l’on leur dit que selon leur port naturel ils paroissoient pouvoir vivre trente ou quarante ans , et si le moins vieil des deux n’avoit moins de deux cens cinquante ans. Apres qu’il eust mis fin à son propos , il commanda que l’on présentast aux François deux jeunes aigles qu’il faisoit nourrir pour son plaisir en sa maison ; il leur feit aussi délivrer des petits panniers de palmites pleins de gardes rouges et bleues : pour récompence desquelles gratuitez , il fut satisfait des joyaux à la françoise. Les deux vieillards feirent conduire nos François par le jeune Paraousti ; ils me revindi’ent

76 Histoire

trouver la part où je m’estois arrcsté, et me discoururent tout ce qu’ils en avoient veu , me supplians au reste de vouloir gratifier leur guide, qui si franchement et de bon cœur les avoit receuz en sa demeure, à quoy je ne voulus faillir aucunement.

Or avoy-je délibéré de recognoistre les singularitez de la montaigne. Par quoy m’acheminay droit au sommet d’icelle , où nous ne trouvasmes que des cèdres , des palmiers et des lauriers de si souveraine odeur que baulme ne sentiroit rien au pris. Les arbres estoient de toutes parts environnez de seps de vigne portans des grappes en telle quantité que le nombre suffiroit pour rendre le lieu habitable. Outre ceste fertilité de vignoble , on ne void que l’esquine entortillée à l’entour des arbrisseaux en grande quantité. Quant au plaisir du lieu, la» mer s’y void tout à descouvert , et plus de six grandes lieues environ la rivière Belle, prairies toutes recoupées en isles et islettes , lesquelles s’entrelassent les unes aux autres ; brieflelieu est si plaisant que les melancholiques seroient contraints y changer leur naturel. Apres que j’eus séjourné là quelque temps, je feis rembarquer mes gens pour naviger vers l’ouvert de la rivière , où nous trouvasmes le Paraousti , lequel, suivant ceste sienne promesse, nous attendoit. Parquoy, afin de luy satisfaire, nous

DE LA Floride. 77

prismes pied à terre, et luy fîsmes révérence telle que de sa part il nous la faisoit. Alors il me fit présent de la peau qu’il portoit, si richement peinte, et je le recompensé d’une pièce de nostre marchandise. Je ne voulus faillir lui demander d’où procédoit le lingot d’argent qu’il m’avoit auparavant donné ; à quoy il me feit assez soudaine responce, laquelle toutesfois je n’entendois, ce qu’il apperceut bien ; et lors il me monstra par signes évidens que le tout venoit de plus dedans la rivière , à quelques journées de ce lieu , et nous feit entendre que tout ce qu’ils en avoient ils le conquéroient à force d’armes des habitans de ce lieu , nommé par eux Thimogona , ses plus anciens et naturels ennemis , comme assez il monstroit. Dont m’estant apperceu comme il parloit d’affection, lorsqu’il prononçoit Thimogona, j’entens ce qu’il vouloit dire. Et poiu* me rendre plus affectionné je luy promis de l’accompagner de tout mon pouvoir, s’il les vouloit combattre ; chose qui le contenta tellement , que dès lors il se promit la victoire sur eux, et m’asseura que dedans une briefve espace il y feroit un voyage , feroit battre du mil en quantité , et commanderoit à ses gens d’accoustrer leurs arcs , et se fournir de flesches en si bon nombre que rien ne défaudroit pour combattre Thimogona. Il me supplia au reste trèsaffectueusement de ne luy faillir de promesse , et

78 Histoire

que, ce faisant, il espéroit me faire recouvrir or et argent en si bonne quantité , que mes affaires succéderoient selon mon souhait et le sien.

Le tout ainsi résolu , je pris congé de luy pour retourner à mes vaisseaux, où après nous estre reposez toute la nuict suivante , nous haulsasmes le lendemain les voilles de grand matin , et navigeasmes vers la rivière de Seine , distante de celle de May environ quatre lieues , et là continuans nostre route vers le North, nous arrivasmes à remboucheure de Somme , qui n’est qu’à six lieues de la rivière de Seine, là où nous posasmes l’ancre , et mismes pied à terre pour recognoistre ce lieu , ainsi que nous avions fait les autres.

Là nous fusmes gracieusement et humainement receuz du Paraousti de la contrée , qui est un des plus hauts hommes et des mieux formez qui se puisse trouver. Sa femme estoit assise près de luy, laquelle outre l’indienne beauté dont elle était grandement enrichie, tenoit une si vertueuse contenance et gravité modeste, qu’il n’y eut celuy de nous qui ne la louast beaucoup. Elle avoit à sa suitte cinq de ses fdles si bien formées et si bien aprises, que je me persuadé aisément que leur mère leur avoit servy de maistresse , et leur avoit enseigné la maniéré de bien et estroictement garder l’honnesteté. Apres que le Paraousti nous eut receuz ainsi quej’ay dit, il commanda à sa femme

DE LA Floride. 79

I me présenter quelque nombre de petites boulettes d’argent : quant à luy, il me feit présent de son arc, et de ses flesches, comme il avoit fait au caj pitaine Jean Ribaut, à nostre premier voyage, qui est un signal de confédération et d’alliance perpétuelle avec ceux qu’ils honorent de tel pré- ! sent. En discourant les uns avec les autres, nous entrasmes en propos de l’exercice des armes ; lors le Paraousti fit mettre une targe au but, et me pria que nous feissions espreuve de nos harquebuses et de leurs arcs , mais cet essay ne luy fut agréable. Car sitost qu’il cogneut nos harquebuses percer aisément ce que tous les efforts de ses arcs ne pouvoient endommager, sembla se contrister, resvant à par soy comme telle chose se pouvoit faire. Toutesfois voulant comme dissimuler par pensée ce que sa contenance ne pouvoit aucunement, il commença à changer de propos, et nous supplia de grande affection que voulussions demourer ceste nuict en sa demeure ou maison, disant plus grand heur ne luy pouvoir advenir que nostre longue demeure, laquelle il avoit envie de récompenser de mille présens.

Néantmoins nous ne luy peusmes accorder ce point, ains nous prismes congé de luy, pour retourner en nos vaisseaux , là oif bientost après je fois assembler les nombres de ma compagnee avec les maistres et pilotes de mes navii’es, pour

8o Histoire

délibérer ensemblement de la part que nous devions choisir pour planter nostre séjour. Premièrement je leurs feis entendi e, comme chacun d’eux n’estoit ignorant, que la partie qui estoit vers le cap de la Floride estoit un pais tout noyé, et partant inutile à nostre habitation, chose qui ne rapporteroit profit aucun au Roy, ne contentement ou plaisir à nous, si d’avanture nous nous y voulions habituer. D’autre part si nous passions plus outre vers le Septentrion pour aller rechercher le Port Royal, la chose ne se trouveroit grandement commode ne convenable, au moins si nous voulions croire au récit de ceux qui grandement y avoient demouré , ores que le port fust l’un des plus beaux de toute l’Inde Occidentale, mais qu’en ce cas il n’estoit tant question de la beauté que des choses nécessaires à soustenir la vie, et que pour nos premières années il nous estoit beaucoup plus nécessaire d’habiter es lieux abondans en vivres, que non pas es ports gaillards, beaux, profonds et plaisans à la veuè*. A raison de ce , que j’estois d’advis, si de leur part ils le trouveroient bon, nous accommoder environ la rivière de May ; joint qu’à nostre premier voyage nous l’avions trouvée seule entre toutes abonder en mil et en farines, outre l’or et l’argent qui s’y trouva, chose qui me faisoit espérer quelque heureuse descouverte poui’ l’advenir.

DE LA Floride. 8i

Après que j’eu proposé ces choses , chacun en dit son opinion : et tous enfin résolurent, nommément ceux qui avec moy avoient essayé le premier voyage, estre expédient de s’habituer plustot en la riviere de May, qu’en aucune des autres, en attendant les nouvelles de la France. Ce poinct ainsi arresté , nous tournasmes la proue vers la rivière , et fismes telle diligence, qu’avec la faveur des vents , nous arrivasmes le lendemain , environ l’auhe du jour, qui estoit le jeudy, vingt-neuvicme du mois de juin. L’ancre posée, je feis embarquer tous nos nieuhles , et les soldats de ma compagnee, pour droit naviger vers l’ouverture de la rivière , en laquelle nous entrasmes bien avant et trouvasmes une crique d’assez moyenne grandeur, laquelle nous invita à prendre quelque peu de réfection, comme en nous reposans ; puis nous mismes pied à terre pour recognoistre un lieu Lien explané d’arbres , lequel nous avions aperceu de la crique. Mais pour autant que nous ne le trouvasmes assez commode pour nous habituer, nous déliberasmes retourner au lieu, lequel nous avions paravant descouvert, lorsque nous navigions en la riviere. Ce lieu est joignant la montagne , et nous sembloit plus propre et convenable pour bastir forteresse, que celuy ou nous estions. Parquoy nous nous acheminasmes vers les forests, estant guidez par le jeune Paraousti qui nous avoit

82 Histoire

menez à la demeure de son père. Puis nous trouvasmes une spacieuse campagne couverte de hauts sapins eslongnez quelque peu les uns des autres, sous lesquels nous aperceusmes une infinité de cerfs qui chay oient parmy la plaine, au travers de laquelle nous passasmes , puis nous descouvrismes une petite montagne aboutissante à un grand val verdoyant, de forme platte, dedans lequel estoient les plus belles prairies de tout le monde , et les herbages fort propres à pasturer les bestes. Elle est environnée au reste d’une infinité de petits ruisseaux d’eau douce et de hautes forests, qui rend le val plus délectable à l’œil. L’ayant contemplé tout à mon aise , je le nommay, à l’intei^pellation de mes soldats, le val de Laudonnière. Nous poursuivismes outre. Puisayans un peu cheminé, nous rencontrasmes une Indienne de haut corsage , et hermaphi’odite, laquelle nous vint au devant avec un grand vaisseau, plein de claire eau de fontaine, dont elle nous soulagea beaucoup : car nous estions altérez au possible, à cause de la chaleur ardente qui nous battoit par ces hauts forests : etcroy que sans le secours de ceste Indienne, ou plustost sans le grand désir que nous avions de nous rendre par nous résolu, nous eussions toute la nuit demeuré au bois. Estans doncques refraichis pur ce moyen , nous reprismes nos esprits, et cheminans de gayeté de cœur nous arrivasmes au lieu délé-

DE LA Floride.

gué pour faire nostre demeure, sur lequel au mesme instant nous di’essasmes, joignant le bord de la rivière, une quantité de feuillards, pour la nuict suivante prendre nostre repos, que nous trouvasmes gratieux le possible, à cause du travail que le jour precedent nous avions souffert en cheminant.

Le lendemain sur la diane, je commanday que Ton sonnast une trompette, à fin qu’estans assemblez nous rendissions grâces à Dieu de nostre arrivée favorable et heureuse. Là nous chantasmes louanges au Seigneur, le suppliant vouloir par sa . saincte grâce continuer son accoustumée bonté envers nous ses pauvres serviteurs, et désormais nous ayder en toutes nos entreprises, si que le tout retournast à sa gloire et à l’advancement de notre foy. Les prières faites, chacun commença de prendre courage ; puis ayans mesuré un parterre en triangle, nous nous evertuasmes les uns à remuer terre de toutes parts, autres à couper fessincs , et les autres à garnir et donner forme I au rempart; car il n’y avoit celuy qui ne fust garny de paisle, serpe, de hache, tant pour faii’e esplanade d’arbres, que pour dresser le fort, le- { quel nous diligenteasmes de telle allégresse qu’en I quelques jours apparut un effect de nostre dilii gence. Pendant lesquels le Paraousti Satouriona,

I nostre plus proche voisin, et sur les terres duquel

84 Histoire

nous bastissions nostre fort, venoit ordinairement accompagné de ses deux enfans , et d’un nombre d’indiens, s’offrir à nous faire tout plaisir. Aussi usoy-je libéralement de ma marchandise en son endi'oit, à fin de luy faire cognoistre le bon vouloir que nous luy portions , et par cela le rendre jaloux de nostre amitié, de sorte que croissans les jours, croissoit nôtre alliance et confédération. Nostre fort mis en forme, je feis commencer une grange, pour retirer les munitions et les choses nécessaires à la défense du fort, suppliant le Paraousti que son plaisir fust commander aux Indiens ses subjects, nous faire une couverture de palmites , car ils n’usent d’autre chose pour couvrir leurs maisons, et ce à fin que les jours suivans j’eusse moyen de décharger nos vaisseaux, et mettre à couvert ce qui estoit dedans. Soudain le Paraousti commanda en ma présence à tous les Indiens de sa compagnee d’accoustrer dès le lendemain matin un si bon nombre de palmites, que la grange se trouvast couverte avant deux jours, chose qui sortit à son effect. Car durant ces deux jours, les Indiens ne feirent que travailler les uns à apporter des palmites , les autres à les entrelassOT de telle sorte, que le commandement de leur roy fut exécuté comme il avoit voulu. Nostre fort estoit basti en triangle. Le costé de rOest, qui estoit celuy de la terre, estoit fermé

DE LA Floride. 85

d’une petite tranchée et relevée de gazons faicts en foi-rne de parapet, de la hauteur de neuf pieds; l’autre costé, qui estoilversla rivière, estoit fermé d’une palissade de clies de la manière que Ton faict les gabions. 11 y avait du costé du sud une forme de bastion, dedans lequel je feis bastir une grange aux munitions. Le tout estoit basty de fascines et de sable, excepté environ la hauteur de deux ou trois pieds de gazon, dont les parapets estoient faicts. J’avois faict faire une grande place aumeilleu, de dixdiuit pas de long et de large, au meilleu de laquelle, tmant sur l’im des costez vers le sud , je feis bastir un corps de garde, et une maison de l’autre costé vers le nortb , laquelle j’avois faict eslever un peu trop haut ; car, un peu de temps après, le vent me l’abbatit, et l’experience m’apprist qu’il ne faut pas bastir à ceste terre à hauts estages, à cause des grands vents ausquelles elle est subjecte. L’un des costez qui fermoit ma court, laquelle j’avois faict faire belle et spatieuse, touchoit à la grange des munitions, et en l’auti’e, vers la rivière, estoit ma maison, à l’entour de laquelle il y avoit des galleries toutes couvertes. La principalle saiUie de mon logis estoit au meilleu de la grande place, et l’autre estoit devers la riviere. Assez loin du fort je feis bastir un four, pour éviter aux fortunes du feu, à cause que les maisons sont couvertes de palmites

86 Histoire

qui sont prompts à estre brûlez , depuis que le feu y prend, si bien qu’à grand peine peut on avoir le loisir de l’esteindre. Voila en brief la description de nostre forteresse , que je nommay la Caroline, en l’honneur de nostre prince le roy Charles.

Après que nous fusmes accommodez de ce qui nous estoit le plus necessaire , je ne voulus perdre une minute d’heure , sans l’employer à quelque vertueux exercice. Pour ce je donné charge au sieur d’Ottigny, mon lieutenant, homme véritablement digne de tout honneur, tant il estoit accort et vertueux , de recognoistre plus au dedans de la riviere, qui pouvoit estre le Thimogona, dont le Paraousti Satouriona nous avait si souvent parlé à nostre descente. Pour ce faire, le Paraousti lui donna pour ses guides deux Indiens, lesquels entreprenans ceste conduite semhloient aller aux nopces, tant ils estoient délibérez de combattre leurs ennemis. Leur embarquement fait, ils haussèrent les voilles, et ayans singlé environ vingt lieues, les Indiens qui regardoient çà et là pour remarquer aucuns de leurs ennemis, descouvrirent trois almadies : et aussi tost ils commencèrent à crier Thimogona! Thimogona! et ne parlèrent que de s’advancer pour les aller combattre, ce que le capitaine feignit vouloir faire pour les contenter. Quand se vint à l’aborder, l’un des Indiens se saisit d’une halebarde , et l’autre d’un

DE LA Floride. 87

coutelats, esmeuz jusques à se vouloir jetter dans l’eau, pour seul les aller combattre. Toutesfois Ottigny les empescha de ce faire , car différant l’aborder, donna moyen aux autres de tourner la proue des almadies en terre, et se sauvèrent dans les forests. Aussi le dessein d’Ottigny n’estoit de guerroyer ceux de Thimogona , ains plustost les attirer en amitié , et les rendre à l’advenir paisibles les uns avec les autres, s’il luy eust esté possible , espérant par ce moyen descouvrir tousjours quelque singularité, et spécialement le certain cours de la rivière. Pour cest effet il feit retirer la barque en laquelle estoient les deux Indiens ses guides, et achemina la sienne vers les almadies qui estoient à bord, là où estant parvenu, il mit quelques joyaux dedans , puis se retira assez loin , ce qui fit retourner les Indiens fuitifs à leurs almadies , et cognoistre par ce signe que ceux de la barque n’estoient de leurs ennemis, ains venuz seulement pour trafiquer avec eux. Pour ce s’estans asseurez , ils appellèrent nos gens, à fin de les approcher : ce qu’ils feirent incontinent, et mirent pied à terre , et parlèrent librement avec eux, avec des ceremonies trop longues à racompter. En la fin Ottigny leur demanda par signes s’ils avoient or ou argent avec eux : mais ils luy feirent entendre qu’ils n’en avoient pour lors , et que s’ils vouloient envoyer l’un de leurs hommes

quand et eux, ils le conduiroient sans aucun danger au lieu auquel ils en pourroient recouvrer. Ottigny les voyant si bien affectionnez, leur en délivra un , qui se monstroit fort délibéré de faire ce voyage : il y demoura jusques au lendemain dix heures du matin , que le capitaine Ottigny, quelque peu fasché de si long temps, navigea dix grandes lieues plus dedans la riviere, ignorant toutesfois le chemin qu’il de voit tenir. Il alla toutesfois si avant qu’il descouvrit une almadie, dans laquelle estoit son soldat, lequel luy raporta comme les Indiens l’avoient voulu mener à trois grandes journées de là : luy donna à entendre qu’un roy nommé Mayrra, riche en or et en argent, habitoit en ces quartiers , que pour peu de marchandises on en tireroit suffisamment de luy; toutesfois qu’il n’avoit voulu s’hasarder sans son congé , et qu’il me raportoit que bien peu d’or. Cela fait, nos gens retournèrent vers nostre fort de la Caroline, après qu’ils eurent laissé le soldat avec les Indiens, à fin de plus en plus s’enquérir des choses qu’il pourroit descouvrir plus à loysir.

Quinze jours apres ce voyage à Thimogona, je depeschay le capitaine Vasseur et mon sergent aussi, pom’ derechef aller en ce païs , et s’enquérir du soldat qui y estoit demouré le precedent voyage. Estant doncques embarquez , ils naviguèrent deux jours entiers; et premier que de

DE LA Floride. 89

parvenir à la demeure des Indiens, ils en trouvèrent deux joignant le rivage, lesquels estoient commis expressément en ce lieu , pour descouvrir si quelques uns de leurs ennemis viendroient en ceste part en deliberation de les surprendre , ainsi comme ils faisoient ordinairement. Quand ils apperceurent le capitaine Vasseur, ils cogneurent incontinent qu’il n’estoit de leurs ennemis, et pour ceste cause ils ne firent difficulté de s’aprocher de la barque, et luy faire entendi’epar signes que le soldat qu’on cbercboit n’estoit en ce beu , mais estoit de présent en la maison du roy Molona, vassal d’un autre grand roy nommé par eux Olata Ouae Outina, et que si le capitaine vouloit tirer ceste part, il y arriveroit bientost. Ce qu’il leur accorda et fit ramer la part que les Indiens luy avoientmontrée, dont ilsfurent si joyeux qu’ils coururent légèrement par terre annoncer sa venue, qui fut à la demeure du roy Molona, après qu’il eut ramé seulement une demie lieue. La réception faite au capitaine Vasseur et à ses gens par le roy Molona, le soldat arriva bien tost après, chargé de cinq ou six livres d’argent qu’il avoit troquées et trafiquées avec les Indiens. Ce roy fit faire du pain et accoustrer du poisson à la mode indienne, pour festoyer nos François, ausquels, en prenant le repas, il cbscourut des autres roy s, ses aUiez et amis , en nommant jusques au

90 Histoire

nonibre de neuf, assavoir : Cadecha, Chilili, Eclauou, Euacappe , Calanay , Onachaquara, Omittaqua, Acquera, Moqiioso : tous lesquels avec luy jusques au nombre déplus de quarante asseura estre vassaux du très redouté Olata Ouae Outina . Ce faict, il se meit semblablement à descouvrir les ennemis d^Ouae Outina , au nombre desquels meit comme le premier le Paraousti Satouriona, monarque des confins de la riviere de May, lequel a sous son obéissance trente autres Paraoustis, dont il y en avoit dix qui tous étoient ses frères, et pour ceste cause estoit grandement redouté en ces parties : puis il en nomma trois autres non moins puissans que Satouriona , le premier desquels demeui’oit à deux journées de son seigneur Olata Ouae Outina, et luy faisoit ordinaire guerre, et s’appeloit Potavou, homme cruel en guerre, pitoyable toutesfois en l’exécution de sa furie; car il prenoit les prisonniers à mercy, content de les marquer sur le bras gauche d’un signe grand comme celui d’un cachet , et imprimé ainsi que si le fer chaud y avoit passé , puis les ramenoit sans leur faire autre mal. Les deux autres estoient nommez Onatheaqua et Houstaqua, seigneurs puissans et ahondans en richesses, et principalement Onatheaqua, habitant près les hautes montagnes fécondes en beaucoup de singularitez, et une infinité de pierre de brique, dont ils font des coins à fendre le bois.

DE LA Floride. 91

L’occasion, laquelle, comme il disoit, mou voit Potavou de faire la guerre à Olata Ouae Outina, estoit la crainte qui le forçoit , luy et ses compagnons, de prendre la pierre dure en ses terres, de laquelle ils ai’moient leurs flesches, et n’en pouvoient recouvrer en lieu plus proche. Qui plus est, Molona fit récit au capitaine Vasseur, que ses alliez roys, vassaux du grand Olata, s’armoient l’estomach, bras, cuisses, jambes et front, avec larges platines d’or et d’argent, et que par ce moyen les flesches cochées sur eux ne les pouvoient aucunement endommager, ains se brisoient à l’encontre. Sur ce le capitaine Vasseur s’enquist si les roys Onatheaqua et Houstaqua estoient point semblables à nous ; car suivant les adresses que l’on donnoit d’eux, il vint à douter si c’estoient Espagnols ou non : mais Molona l’advertit que non , ains qu’ils estoient Indiens , lesquels alloient nuds comme luy, et estoient semblables aux autres, hors mis qu’ils peindront leur visage de noir, et les autres comme Molona, le peindoient de rouge. Lors mon lieutenant le Vasseur, et mon sergent, luy promirent que quelque jour je m’acheminerois avec mes frères en ce pais, et que me joignant avec son seigneur Olata, je retournerois victorieux des plus hautes montagnes. Il fut resjouy grandement de ce propos, et responditque le moindre des roys qu’il avoit nom-

92 Histoire

mez présenteroit au chef de ce secours la hauteur de deux pieds d’or et d’argent, que par force d’armes ils avoient ja conquis sur les deux roys Onathequa et Houstaqua.

La bonne chère passée , et les discours finis , mes gens se rembarquèrent, en débbération de me rapporter ces bonnes nouvelles au fort de Caroline. Mais après qu’ils eurent assez longuement single par la rivière , et qu’ils furent à trois lieues près de nous , le flot leur fut tellement contraire , que force leur fut de métré pied à terre , et se retirer pour la nuit en la demeure d’un Paracousi , nommé Molona, lequel se monstra fort joyeux de leur arrivée ; car il desiroit sçavoir des nouvelles de Thimogona , et pensoit que les François n’y estoient allez pour autre occasion que pour les guerroyer. Ce que le capitaine Vasseur entendant, dissimula si bien , qu’il luy feit à croire comme il n’estoit allé à Thimogona en autre délibération que pour les deffaire , et les faire passer au fil de l’espée , sans mercy , mais que leur délibération n’avoit succédé selon leur bon désir : poui' ce que les gens de Thimogona, advertis de ceste en- . treprise, s’estoient retirez dans les bois, et sauvez à la suitte : toutesfois qu’ils en avoient attrapez quelques uns a la poursuitte , qui n’en avoient porté nouvelles à leurs compagnons. Le Paracousi fut si resjouy de ce propos , qu’il l’interrompit,

DE LA Floride. 93

et demanda au Vasseur le commencement et la manière de son exécution , mesmes il le pria que par signes on luy feist entendre comme le tout s’estoit passé. A l’instant François La Caille, mon sergent de bande , meist l’espée au point , disant qu’au tranchant d’icelle il avoit passé deux Indiens qui fuyoient par les forests , et que ses compagnons n’en avoient moins fait de leur costé. Que si la fortune leur eust si bien duict que de n’estre descouverts par les Thimogoas , la victoire leur fust demeurée glorieuse et mémorable à jamais. Là dessus le Paracousi se monstra tellement satisfait , qu’il ne sçavoit de quelle façon gratifier nos François ; lesquels il fit entrer en sa demeure pour plus honorablement les festoyer. Et ayant fait seoir joignant soy et en son propre siège le capitaine Vasseur (chose que les Indiens estimoient en grand honneur) puis deux de ses enfans au dessous , beaux et puissans personnages , il commanda que tous les autres se disposassent en tel ordre que bon leur sembleroit. Ce fait, les Indiens vindrent, selon la coustume qu’ils ont , présenter la casiné au Paracousi, et conséquemment à quelques uns de ses grands amis et favoris. Puis celuy qui la présentoit quitta le vase à part , et tira une petite jagaye qui pendoit fichée à la couverture de la salle ; et connue furieux il dressa la teste haute , marcha à grands pas, et alla frapper un In-

94 Histoire

dien qui seul estoit assis à Tun des cantons de la salle, s’escriant à haute voix Hyou, sans que le pauvre Indien se remuast aucunement pour le coup que patiemment il monslroit endurer. Celuy qui tenoit la jagaye partit légèrement pour la remettre en son premier lieu, et recommença à donner à boire , comme il faisoit auparavant , mais il n’y eut long temps continué , et à peine en avoit présenté à trois ou quatre , que de rechef il quitta sou vase, reprit la jagaye, et de vistesse retourna vers celuy qu’il avoit desja frappé, auquel il deschargea un assez roide coup sur les costez , s’escriant Hyou, ainsi qu’auparavant il avoit fait; puis alla remettre la jagaye en la place, et se meit au rang des autres. Peu de temps apres, celuy qui avoit esté frappé se laissa tomber à la renverse roidissant bras et jamlDes, comme s’il eust esté prest rendre le dernier souspir. Et lors le plus jeune des enfans du Paracousi, vestu d’une longue peau blanche , se mit aux pieds du renversé , plorant amèrement. Demy quart d’heure après, deux autres de ses frères , vestus d’accoustremens semblables , se mirent à l’entour du persécuté et commencèrent à gémir pitoyablement. Leur mère tenant un petit enfant en ses bras , vint d’un autre costé : et s’acheminant au lieu oii estoient ses enfans , elle usa en premier lieu d’une infinité de cris : puis levant tantost les yeux au ciel , tautost

se prosternant en terre , elle cria si pitoyablement que ses pleurs lamentables eussent meu à pitié les plus dins meurs du monde. Encore ne fut-ce assez. Car il arriva une troupe de jeunes fdles , qui ne cessèrent de plorer par long espace de temps , * au lieu où l’Indien estoit tombé. Lequel puis après elles prindrent, et avec les plus tristes gestes, dont elles se peurent adviser, elles le portèrent en une autre maison , quelque peu distante de la grande salle du Paracousi, et continuèrent l’espace de deux grandes heures leurs pleurs et leurs gémissemens , pendant lesquels les Indiens ne dilféroient de boire la casiné , mais avec un tel silence , qu’il ne s’entendoit un seul mot en la salle. Le Vasseur ennuyé de n’entendre ces cérémonies demanda au Paracousi que vouloient signifier ces choses : lequel lentement luy répondit : Thimogona , Thimogona, sans autre propos luy tenir. Fasché plus que devant d’une si maigre responce , il s’adi’essa à un autre Indien frère du Paracousi, et Paracousi comme son frère, appellé Malica, lequel fit pareille responce que le premier, le suppliant au reste ne s’enquérir plus avant de ces choses , et qu’il eust patience pour ceste heure. Le vieillard cauteleux le supplia quelque temps après de luy monstrer son espée , ce qu’il ne voulut refuser , estimant qu’il vouloit contempler la façon de ses armes : mais il congneut soudain que c’estoit pour

9^ Histoire

autre chose ; car le vieillard la tenant en main , se mit long temps à la contempler en tous ses endroits , pour veoir s’il y pourroit recognoistre quelque sang , qui monstrast aucun de leurs ennemis avoir esté tuez : ( car les Indiens ont accoustumé de rapporter, pour enseignement de leurs victoires, les armes dont leurs ennemis ont esté défaits , aucunement sanglantes ) mais n’y voyant aucune marque , il estoit sur le point de luy dire qu’il n’avoit tué aucun Thimogona, quand le Vasseur obviant à ce qu’il pouvoit objecter, luy descouvrit et monstra par signes la façon de son entreprise , adjoustant que pour l’occasion de deux Indiens par luy mis à mort, son espée estoit demeurée tellement sanglante , qu’il avoit esté contraint la nettoyer long temps en la rivière. Ce que le vieillard trouva vray semblable, et n’y répliqua aucunement. Le Vasseur, la Caille et leurs autres compagnons partoient de la salle pour entrer au logis , auquel on avoit transporté l’Indien : là ils trouvèrent le Paracousi assis sur des tapisseries de menus roseaux , qui prenoit son repas à la mode Indienne, et joignant luy l’Indien persécuté, couché sur les mesmes tapisseries. A l’entour duquel estoit la femme du Paracousi avec toutes les jeunes filles qui paravant le pleuroient en la salle : lesquelles ne faisoient sinon chauffer force mousse au lieu de serviettes, pour frotter lecosté de l’Indien.

DE LA Floride. 97

Sur cela le Paracousi fut de rechef interrogé par nos François pour quelle occasion l’Indien avoit esté ainsi outragé en sa présence. Il feit responce que cela n’estoit qu’une cérémonie , par laquelle ils remettoient en mémoire la mort de leurs ancêtres Paracousis , faite par leur ennemy Thimogona : allégant au surplus que toutes et quantes fois que luy ou aucun de ses amis et alliez retournoit de ce païs là sans rapporter les testes de leurs ennemys, ou sans emmener quelque prisonnier, il faisoit en perpétuelle mémoire de tous ses prédécesseurs toucher le mieux aimé de tous ses enfants par les mesmes armes dont ils auroient esté occis le temps passé : affin que renouvellant la playe , la mort d’iceux fust de rechef plorée. Or, estant ainsi informez de ces cérémonies , ils remercièrent le Paracousi du bon traitement qu’ils avoient receu , et faisant voile , me vindrent trouver au fort, oii le tout me fut discouru par eux en la mesme sorte que je l’ay discouru cy dessus.

Le vingt-huictiesme juillet nos navires partirent pour retourner en France : et quelque temps après, environ deux mois , nostre arrivée en la Nouvelle France, le Paracousi Satouriona envoya quelques Indiens vers moy , pour entendre si je voulois continuer en la promesse que 1 je luy avois faite , lorsque premièrement j’estois - descendu en ce païs : qui estoit de me montrer

98 Histoire

amy de ses amys , et eiinemy de ses eiinemys : mesmes de raccompaigner avec un bon nombre de liarqiiebusiers , quand il verroit expédient , et trouverroit l’occasion opportune d’aller en guerre : maintenant que se reposant sur ceste promesse, il me supplioit ne la vouloir différer : joinct que suy vant icelle il avoit donné si bon ordi’e à l’exécution de son entreprise , qu’il estoit prest , et avoit tout ce qui estoit nécessaire pour le voyage. Je luy feis response , que pour son amitié je ne voulois acquérir l’inimitié de l’autre : et que quand ores que je le voulsisse , toutesfois je ii’avois les moyens de ce faire : car il me convenoit pour ceste heure faire provision de vivres et de munitions pour la défense de mon fort. D’autre part, que mes barques n’estoient aucunement prestes , et que pour' ce faire le temps estoit re- ([uis : au reste que le Paracousi Satouriona se pouvoit tenir prest pour partir dedans deux lunes, et qu’alors j’adviserois de lui tenir promesse. Les Indiens portèrent ceste responce à leur Paracousi, qui ne s’en contenta fort, pour ce qu’il ne pouvoit différer son exécution ou expédition , tant à cause de ses vivres, qui estoient tous prests, qu’à cause de dix autres Paracousis, assemblez avec luy pour le faict de ceste entreprise. La cérémonie dont usa ce sauvage avant que s’embarquer ne mérite d’estre mise en oubly : car s’estant as-

DE LA Floride. 99

sis au long de la rivière, cnyiroiiiié de dix autres Paracousis, il commanda que promptement on luy apportast de l’eau. Ce fait, jettant la veuë au ciel, se mit à discourir de plusieurs choses en gestes , ne monstrant rien en luy qu’une ardente cholère , qui taiitost luy faisoit bransler la teste ça et là, tantost, par un courroux je ne sçay quel , tourner sa veue vers la part de ses ennemis , et les menacer à mort. 11 jettoit souvent son regard au soleil , luy requérant victoire glorieuse de ses ennemis. Ce qu’ayant fait par l’espace d’une demie heure, il versa avec la main sur les testes des Paracousis quelque portion de l’eau qu’il tenoit en un vaisseau, et jetta le reste, comme par furie et despit , dans un feu , lequel estoit là préparé tout exprès. Ce faisant, il s’écria par trois fois : He Thimogoa; et fut suivy de bien cinq cens Indiens qui là estoient assemblez, lesquels crièrent tous d’une mesme voix : lie Thimogoa. Ceste cérémonie , à ce qu’un Indien m’en a familièrement recité , ne signifioit autre chose que Satouriona suplioit au soleil de luy octroyer victoire si heureuse , qu’il peust espandre le sang de ses ennemis, ainsi qu’il avoit espandu ceste eau à son plaisir : davantage que les Paracousis, arrousez d’une partie de cette eau , peussent retourner avec les testes de leurs ennemis , qui est le seul et souverain triomphe de leurs victoires. Après que le

Histoire

Paracousi Satouriona eut achevé les cérémonies, et qu’il eut veu tout son équipage , il s’embarqua et feit si bonne diligence avec ses almadies , que le lendemain deux heures avant que le soleil fust couché , il arriva sur les terres de son ennemy , à huict ou dix lieues des villages. Puis ayant faict prendre terre à un chacun , il assembla son conseil , auquel il fut arresté que cinq des Paracousis navigeroient par la rivière avec la moitié des troupes et se rendroient à la pointe du jour joignant la demeure de leur ennemy. Quant à luy, il s’achemineroit avec le reste par les bois et forests le plus secrètement que faire il pourroit : qu’estant là arrivez, tant ceux qui alloient par eau, que luy qui cheminoit parterre, ils ne faillissent le point du jour d’entrer dedans le village , et tailler tout en pièces, excepté les femmes et les petits enfants. Ces choses ainsi arrestées furent exécutées le plus furieusement que faire se peut. Ce qu’ayans faict ils prindrent les testes de leurs ennemys morts , et en coupèrent tout le tour des cheveux avec une partie du taiz : ils rançonnèrent aussi vingt-quatre prisonniers qu’ils emmenèrent, et se retirèrent incontinent à leurs almadies , qui les attendirent : là où estant venuz, ils se prindrent à chanter les louanges du soleil , auquel ils rapportoient leur victoire. Puis ils mirent les peaux des testes au bout des javelots, et

DE LA Floride. loi

s’acheminèrent tous ensemble vers les terres du Paracousi Omoloa , l’im de ceux qui estoient en la compagnie. Là estans venuz, ils partirent également les prisonniers à chacun des Paracousis , et en laissèrent treize à Satouriona , lequel despescha incontinent un Indien sien subject , pour aller devant racompter la victoire à ceux qui estoient demeurez pour la garde des maisons : lesquels incontinent seprindrentàplorer : mais quand la nuict fut venue , ils ne cessèrent de dancer et faire mille esbastemens pour l’honneur de lafeste. Le lendemain le Paracousi Satouriona arriva , lequel avant qu’entrer en sonlogis, fit planter devant sa porte tous les cheveux de ses ennemis, et les feit environner de branchages de lauriers : faisant par ce superbe spectacle le triomphe de la victoire qu’il avoit obtenue. Incontinent les pleurs et gémissemens commencèrent, lesquels, la nuict estant venue, furent convertis en plaisir et dances.

Après que je fus adverty de ces choses, j’envoyé un soldat par devers Satouriona , le priant de m’envoyer deux de ses prisonniers : ce qu’il me refusa, disant qu’il n’y estoit en rien tenu, et que je luy avais manqué de promesse, contre la fidélité que je luy avois jurée dès mon arrivée. Ce qu’ayant entendu par mon soldat , qui estoit re tourné en diligence , j’advisai les moyens d’avoir la raison de ce barbai-e , et luy faire cognoistre

Histoire

combien son audacieusebravadeluy nuiroit. Pour ce jecommandayàmonsergent dem’équiper vingt soldats, pour me faire compagnie à la maison de Salouriona, où estant arrivé et entré dedans la salle, sans le saluer aucunement, je m’allé seoir joignant luy, et demeuré fort long temps sans luy tenir aucun propos, ne luy monstrer signe d’amitié, chose qui luy donna bien à penser : joint que quelque nombre de soldats estoit demouré à la porte, ausquels j’avoisfait exprès commandement de ne laisser Indien aucun sortir dehors. Ayant demeuré environ demye heure en ceste contenance, je demandé où estoient les prisonniers que l’on avoit pris à Thimogoa , et commandé que présentement ils me fussent amenez. A quoy le Paracousi, despité en son courage, et estonné le possible, fut long temps sans respondre, enfin toutesfois il me dit assez arrogamment, qu’estans espouvantez de nous veoir arriver ainsi en armes, ils avoient pris la fuite dans les forests, et qu’ignorant le chemin qu’ils avoient tenu, ils n’avoient moyen aucun de les recouvrer. Lors je feis semblant de n’entendre son dire, et demandé de rechef les prisonniers , et quelques uns de ses principaux alliez. Lors Satouriona fit commandement à son fils Atore de chercher les prisonniers, et faire tant qu’ils fussent amenez en ce lieu, ce qu’il exécuta une heure après. Après qu’ils furent ar-

DE LA Floride. io3

rivez au logis du Paracousi, ils me saluèrent humblement : et levans les mains devant moy, se voulurent quasi prosterner à mes pieds ; mais je ne Fenduray, et Lien tost après les amenay quand et moy à nostre fort. Le Paracousi, grandement irrité de ceste bravade , se meit à songer tous les moyens pour se venger de nous : toutesfois pour ne nous en donner soupçon, et mieux couvrir son faict, il nous envoya souvent ses ambassades tousjours accompagnez de quelques présens. Entr’autres il depesclia un jour trois Indiens qui en apportèrent deux pleins panniers de grosses citrouilles, beaucoup plus excellentes que celles de nostre France, et de la part de leur roy me promirent que pendant ma demeure en ce païs les vivres ne me deffaudroient aucunement. Je les remercié du bon vouloir de leur prince : et leur feis entendre le grand désir que j’avois, tant pour Futilité de Satouriona , que le repos de ses subjets, le pacifier avec ceux de Tliimogoa, chose qui ne leur pouvoit tourner qu’à bien grand advantage : entendu qu’estant allié avec les roys de ces parties là, il auroit passage ouvert contre Onathaqua son ancien ennemy, lequel autrement il ne pouvoit combattre : joint qu’Olata Ouae Outina estoit si puissant Paracousi, que Satouriona n’auroit moyen de supporter ses forces, mais estans d’accord ensemble , ils pourroient aisément

io4 Histoire

ruiner tous leurs ennemis, et passer les confins des plus lointaines rivières méridionalles. Les ambassades me supplièrent avoir patience jusques au lendemain, qu’ils retourneroient vers moy, pour m’acertener de la volonté de leur seigneur. Ce qu’ils ne faillirent faire, me donnant à entendre que le Paracousi Satouriona estoit le plus content du monde de traiter cest accord (ores que le contraire fust véritable) et qu’il me supplioit tenir la main , promettant tenir et garder tout ce qu’en son nom je passerois avec les Thimogoa : ce que les mêmes ambassades récitèrent aux prisonniers que j’avois amenez. Après qu’ils furent partiz, je résolus deux jours après de renvoyer les prisonniers à Olata Ouae Outina, auquel ils appartenoient : mais devant que les faire embarquer, je leur donnay quelques petits joyaux, qui estoient petits couteaux ou tablettes de voirre , esquelles l’image du roy Charles neuviesme estoit figurée au naturel, dont ils me remercièrent fort bien, et ensemble de l’honneste traitement qui leur avoit esté faict au fort de la Caroline , puis s’embarquèrent avec le capitaine Vasseur, avec le seigneur d’Arlac, mon enseigne, que j’envoyé exprès pour demourer quelque temps avec Ouae Outina, espérant que la faveur de ce grand Paracousi me serviroit beaucoup à faire mes descouvertes futures. Je le feis accompagner

DE LA Floride. io5

d’un de mes sergens, et de six braves soldats.

Les choses se passèrent ainsi , et la haine du Paracousi Satouriona duroit contre moy, tant que le vingt-neuviesme du mois d’aoust, il tomba à my lieue nostre fort un foudre du ciel, plus digne (ce croy-je) d’estre admiré et couché par escrit, que tous les estranges signes que l’on ait veuz par le passé , et dont les historiens ayent jamais escrit. Car nonobstant que les prairies fussent en ce temps là toutes verdes et my couvertes d’eaux, si est-ce que ce foudre en un instant en consomma plus de cinq cens acres , et brusla par sa challeur ardente tous les oyseaux qui lors s’egayoient par les prairies ; chose qui continua par l’espace de trois jours , qui ne fut sans nous donner bien à penser, ne pouvant juger dont procedoit ce feu : car tantost nous avions opinion que les Indiens brusloient leurs maisons , et pour crainte de nous abandonnoient leurs places; tantost nous estimions qu’ils avoient descouvert quelques vaisseaux en mer, et que suivant leur coustume ils allumoient çàet là force feux, pour donner à cognoistre qu’il y avoit habitation en leur terre. Toutesfois n’en estant asseuré, je resoluz d’envoyer vers le Paracousi Serranay pour en sçavoir la vérité. Mais comme j’estois sur le point de faire embarquer quelqu’un pour descouvrir ce faict, six Indiens arrivèrent de la part du Paracousi Allicamany ,

io6 Histoire

qui de première entrée me feirent un grand discours (après m’avoir présenté quelques panniers pleins de mil , de citrouilles et de raisins) de l’alliance amiable qu’Allicamany avoit envie d’entretenir avecques moy ; et que de joiu- en jour ne faisoit qu’attendre Tbeure qu’il me plairoit l’employer à mon service. Pour ce, entendu l’obéissance qu’il me portoit, il trouvoit fort estrange la canonnade que j’avois faict tirer vers sa demeure : laquelle avait faict brusler une infinité de verdes prairies, et consumé jusques dedans l’eau, approché mesme si près de sa demeure , qu’il pensoit veoir le feu en sa maison : pour ce il me supplioit très-humblement de commander à mes gens, que jdus 011 en tirast vers son logis, autrement il seroit contraint pour l’advenir abandonner sa terre., et se retirer en quelque lieu plus escarté de nous. Ayant entendu la folle opinion de cest homme , qui toutesfois ne nous pouvoit estre que beaucoup profitable, je dissimulay ce que j’en pensois pour lors, et respondis aux Indiens d’un visage assez joyeux, que le récit qu’ils me faisoient , de l’obéissance de leur Paracousi, m’estoit fort agréable; pour ce que par le passé il ne s’estoit monstré tel à mon endroit , spécialement quand je l’avois sommé de me renvoyer les prisonniers qu’il detenoit du grand 01 ata Ouae Outina , dont toutesfois il n’avoit faict grand compte , qui estoit la

DE LA Floride. lo;

cause principalement pour laquelle je luy avois faict tirer la canonnade : non que j’eusse eu envie de donner jusques à sa maison , comme aisément je pouvois faire, si bon il m’eust semblé, mais que je m’estois contenté de faire tirer jusqu’à my chemin, pour luy faire cognoistre ma puissance : l’asseurant au reste que moyennant qu’il persévérast en sa bonne affection , on se deporteroit de plus faire tirer à l’advenir, ains je luy serois loyal défenseur contre ses plus grands ennemis. Les Indiens, contentez de ma responce, retournèrent asseurer leur Paracousi, qui nonobstant l’asseurance, s’absenta de sa demeure à bien vingt et cinq lieues , et ce par l’espace de plus de deux moys. Les trois jours expirez, l’ardeur s’esteignit du tout. Mais les deux jours suivants, survint en l’air une challeur si excessive, que la rivière, joignant laquelle nous estions habitez, devint tellement chaude , que presque elle bouillit , comme je croy, car il mourut une si grande quantité de poisson, et de tant d’espèces, qu’en la seule embouchure de la rivière , on en trouva de morts pour suffisamment charger cinquante chariots, dont il survint une putréfaction en l’air, qui nous causa force maladies contagieuses, jusques à voir la pluspart de mes hommes malades , et comme prêts de finir leurs jours. Toutesfois , nostre bon Dieu y voulut si bien pourveoir, que vous revin-

io8 Histoire

dient en convalescence, sans qu’un seul décédast.

Le seigneui’ d’Arlac, le capitaine Vasseur et l’un de mes sergens s’estans embarquez avec leurs dix soldats, environ le dixiesme de septembre, pour ramener les prisonniers à Outina, navigèrent si avant en la riviere, qu’ils descouvrirent un lieu nommé Mayarqua , distant de notre fort environ quatre vingts lieues, auquel et en plusieurs autres villages par eux recognuz, les Indiens leur firent bon traitement. De ce pas il ramèrent au logis du Paracousi Outina, qui après les avoir festoyez à son pouvoir, pria le seigneur d’Arlac vouloir séjourner quelque temps avec luy, accompagné de ses soldats , pour guerroyer l’un de ses ennemys appelé Patavou , ce que le seigneur d’Arlac luy accorda volontiers. Et pour ce qu’il ne sçavoit combien il pouvoit demeurer par delà, il me renvoya le capitaine Vasseur, et la barque, lequel ramena seulement cinq soldats. Or, pour ce que la coustume des Indiens est de tousjours guerroyer par surprise, Outina résolut prendre son ennemy Patavou au matin à la diane ; et pour ce faire il feit cheminer ses gens toute la nuict, qui pouvoient estre au nombre de deux cens , si bien advisez, qu’ils avoient prié nos harquebusiers françois se mettre en teste, à fin (comme ils disoient) que le bruit de leurs harquebuses estonnast leurs ennemis : toutesfois ils n’y sceurent

DE LA Floride. 109

aller si subtilement que ceux du village de Potavou , distant de la demeure d’Outina environ vingt-cinq lieues, n’en fussent advertis, qui soudainement se mirent en devoir de deffendre leur village tout enfermé de bois, et sortirent hors en grande compagnie. Mais se trouvans chargez de harquebusades (chose qu’ils n’avoient aucunement accoustumée), mesme voyant le conducteur de leur troupe tomber dès le commencement du combat , par une harquebusade qu’il receut au front , tirée de la main du seigneur d’Arlac , ils quittèrent la place , et les Indiens d’Outina entrèrent dans le village, prenans hommes, femmes et enfans prisonniers. Ainsi demeura la victoire au Paracousi Outina , par le moyen de nos François, qui tuèrent beaucoup de ses ennemis, et perdirent en ce conflict un de leurs compagnons, dont Outina porta grand déplaisir. Huict ou dix jours après, je renvoyé le capitaine Vasseur avec une barque, afin de remener le seigneur d’Arlac et ses soldats, qui à leur retour m’apportoient quelques présens d’Outina, comme quelque argent, quelque peu d’or, des peaux peintes, et autres hardes , accompagnées de mil mercis que me faisoit le Paracousi , lequel promettoit que si en quelque affaire de conséquence j’avois affaire de ses hommes, il m’en fourniroit jusques à trois cens et plus.

no

Pendant que je travaillois ainsi à gaigner et acquérir des amys, et à pratiquer tantost cestuy, tantost celuy-la , quelques soldats de ma troupe furent subornez de longue main par un nommé la Roquette, du pays de Perigort, lequel leur donnant a entendre qu'il estoit grand magicien , et que par les secrets de la magie il avoit descouvert une mine d’or et d’argent à mont la rivière , de laquelle sur sa vie chaque soldat tireroit en essence la valleur de bien dix mille escus , sans toucher à plus de quinze cens mil , qui seroient resouz à la majesté du Roy. Ils s’allièrent doncques à la Roquette, et autre sien confédéré, nommé le Genre, auquel nonobstant je me fiois beaucoup. Ce Genre cupide du tout à s’enrichir par delà , et appétant la vengence de ce que je ne luy avois voulu bailler le paquet pour porter en France, feit entendi’e secrettement aux soldats j a ^ subornez par la Roquette, que je les voulois frustrer de ce grand gain, en ce que journellement je les entretenois au travail, sans les envoyer çà et là descouvrir les terres. Pour ce qu’il ne seroit que bon après me l’avoir faict entendre , trouver le moyen de dépescher le pays de moy, d’eslire un autre capitaine en mon lieu , si je ne voulois donner viande à leur appétit desordonné. Luymesme m’en porta la parole, me faisant un discours de la bonne envie des soldats , qui tous me sup-

DE LA Floride.

plièrent de les vouloir conduire aux terres de la mine. Je luy feis responce que tous n’y pouvoient aller, et qu’il falloit nécessairement premier que de partir, mettre nostre forteresse en tel estât que ceux qui resteroient y demeurassent asseurez contre les Indiens, qui les pourroient surprendre. Au reste, que je trouvois estrange la façon de laquelle ils procedoient ; car il leur sembloit que la majesté du Roy n’eust fait la despence de nostre voyage à autre fin qu’à les enricliir de pleine arrivée , en ce qu’ils se montroient beaucoup plus affectionnez à l’avarice qu’au service de leur prince. Or, voyans que ma responce ne tendoit à autre fin qu’à rendre la forteresse asseurée et en deffence, ils délibérèrent d’y travailler, et feirent une enseigne de vieil linge, laquelle ordinairement ils portoient sur le rempart quand ils alioient au travail, toujours accompagnez de leurs armes, chose que j’estimois estre faite pour les mieux encourager au labeur; mais à ce que j’ay descouvert puis après, et mesme par la confession du Genre, portée par lettres qu’il m’en a escrites , ces gentils soldats ne faisoient cela qu’à l’intention de me tuer, et mon lieutenant aussi, si d’avanture je leur eusse tenu quelque propos fasebeux. Environ le vingtiesme septembre, comme je retournois du bois et gaulettes, pour le parachèvement du fort, et que selon ma coustume je cheminois le

Histoire

premier pour donner courage à mes soldats , je m’eschauffay de telle sorte, que je tombay en maladie, dont je pensois mourir, durant laquelle j’appellois souvent le Genre , comme celuy à qui je me fiois sur tous, et des conspirations duquel je ne me doutois aucunement. Cependant essemblant ses compbces, tantost en sa chambre et tantost au bois , pour tenir conseil avec eux , il leur parloit d’eslire un autre capitaine que moy, afin de me faire mourir; mais ne pouvant par voye de fait executer son mescbant dessein, il s’adressa à mon apoticaire , le priant instamment de mesler dans la medecine que je de vois prendre un jour ou deux après, quelque drogue qui me feist passer le pas, ou du moins qu’il lui fournist de quelque arsenic ou sublimé que luymesme mettroit en mon breuvage ; mais l’apoticaire luy refusa, comme aussi feit maistre S., maistre des artifices de guerre. Le tout et ainsi frustré de ces deux moyens, il résolut avec quelques autres de cacher dessouz mon lict un petit barillet de poudre, et par une trainée y mettre le feu. Sur ces entreprises un gentil-homme que j’avois depesché pour retourner en France, voulant prendre congé de moy, m’advertit que le Genre l’avoit chargé d’un livre farcy de toutes invectives médisantes et calomnies contre moy, contre le seigneur d’Ottigny, et contre les prin-

DE LA Floride. ii3

cipaux de ma compagnie. Au moyen de quoy je fis lors assembler tous mes soldats, et le capitaine Bourdet, avec tous les siens , lesquels dès le quatriesme de septembre, estoient arrivez en la rade, et estoient entrez en notre rivière , et feis lire en leur présence à haute voix ce qui estoit contenu dans le livre, à fin qu’ils tesmoignassent des faussctez escrites contre moy. Genre, qui s’estoit retb’é dans les forests, craignant d’estre attrapé, où il vesquit quelque temps depuis avec les sauvages par ma permission , me rescrivit souvent , et en plusieurs lettres qu’il m’envoya, me confessa avoir bien gaigné la mort, se condamnant soy mesme , Jusqu’à remettre le tout à ma miséricorde et pitié.

Le septiesme ou huictiesme novembre, après avoir fait bonne et suffisante provision de vivres nécessaires, j’envoyay deux de mes hommes, assavoir la Roche Ferriere et un autre, devers le roy Outina, pour tousjours descouvrir pays de plus en plus, là où il fut l’espace de cinq ou six mois, durant lesquels il descouvrit plusieurs villages, et entre autres un nommé Hostaqua , le roy duquel, affectant mon amitié, m’envoya un carquois de peau de loup-cervier, garny de ses flescbes, une couple d’arcs, quatre ou cinq peaux peintes à leur mode, et une chaine d’argent, pesante environ une IhTe. Pour lesquels presens je

n4 Histoire

luy envoyay une paire criiabillemens complets,

avec quelques serpes ou haches.

Après doncques ces choses ainsi faites, environ le dixiesme de ce mois, le capitaine Bourdet délibéra de partir d’avecques moy, pour retourner en France. Lors je le suppliay, voire importunay le possible, de remener quand et soy quelques sept ou huicl soldats, desquels je ne m’asseurois aucunement. Ce qu’il feit en faveur de moy, et ne voulut se charger de Genre, qui luy présenta grande somme d’argent, si son plaisir estoit le remener en France; il le passa seulement à l’autre rive de la rivière. Trois jours après son partcment , treize mathelots que j’avois amenez de France, subornez par quelques autres mathelots, que le capitaine Bourdet m’avoit laissez, desrobèrcnt mes barques en la façon qui s’ensuit. Ces mathelots du capitaine Bourdet feirent entendre aux miens, qu’ayans des barques telles qu’estoient les miennes , ils pourroient gaigner beaucoup dans les isles des Antilles, et faire un grandissime profit. Sur ce ils commencèrent à délibérer comme ils pourroient enlever mes barques , et s’advisèrent que quand ils iroient par mon commandement au village de Sarravahi, distant environ lieue et demye de nostre fort, et sur un bras de rivière (où, selon ma coustume, je les envoyois tous les jours quérir de la pierre, pour faire de la brique et du bouzilhage en

DE LA Floride. ii5

nos maisons) ils ne reviendroient , ains se fourniroient de vivres le mieux que possible leur serait : puis se mettroient tous en une barque , et s’en iroieiit , ainsi que véritablement ils feirent. Qui pis est , deux cliarpeutiers flamans , que le mesme Doiudet m’avoit laissez, emmenèrent l’autre barque, et premier que de parlir coupèrent les amares de la barque et du basleau de Breton, afin qu’il derivast quand et la marée, et que je n’eusse le moyen de courir après eux , de sorte que je demouray sans barque ny basteau, qui me vint aussi mal à propos que chose du monde; carj’estois sur ce poinct de m’embarquer au plustost, pour descouvrir plus avant que j’eusse peu à mont noslre rivière. Or mes matlieloîs , ainsi que puis après j’entendis , prindrent une barque passagère d’Espagnols, près l’islc de Cuba, en laquelle ils trouvèrent quelque nombre d’or et d’argent qu’ils saisirent ; et ayans ce butin, tindrent quelque temps la mer, jusqu’à ce que les vivres leurs vindrent à I faillir : qui fut cause que vaincuz de famine , ils I se rendirent à la Havane, ville principalle de l’isle I de Cuba : dont advint l’inconvénient que cy après je diray plus au long.

Voyant que mes barques ne revenoient à l’heure accoustumée, et soupçonnant ce qui estoit advenu , \ je commanday à mes charpentiers faire en toute I diligence un petit basteau, à fond plat, pour des-

1 i 6 Histoire

couvrir dans ces rivières quelque chose de ces mathelots. Le basteau depesché en un jour et une nuict, entendu que les charpentiers trouvèrent la planche et le bois cyé , comme ordinairement Je faisois faire à mes artisans , on se mit à enquester pour avoir nouvelles de mes larrons, mais ce ne fut qu’en vain. Ainsi je deliberay faire bastir deux grandes barques, chacune desquelles pouvait avoir de trente cinq à trente six pieds de guille : et ja estoit la besongne fort advancée, à cause de la diligence que je faisois faire par mes ouvriers, quand l’ambition et l’avarice , mère de tous maux , s’enracinèrent au cœur de quatre ou cinq soldats, auxquels cest œuvre et travail ne plaisoit point, et qui de cest heure (nommément un appelé Fourneaux, un nommé La Croix et un nommé Estienne le Genevoys , les trois principaux de la sédition) commencèrent à pratiquer les meilleurs de ma trouppe, leur donnans à entendre que c’estoit chose ville et deshonneste , à hommes de maison , comme ils estoient, de se matter ainsi à un travail abject et méchanique, attendu qu’il se presentoit une occasion la plus belle du monde, pour se faire tous riches : qui estoit de faire armer les deux barques qui se bastissoient, et les garnir de bons hommes, puis naviger au Pérou et autres Antilles , où chasque soldat se pouvoit bien enrichir de dix mil escus. Que si leur faict se trouvoit mau-

DE LA Floride. 117

vais en France, ils avoient toujours moyen, à cause des grandes richesses qu’ils gaigneroicnt , de se retirer en Italie , jusques à ce que la fureur fust passée, et que cependant il s’allumeroit quelque guerre qui feroit oublier tout cela. Ce mot de richesses sonna si bien aux oreilles de mes soldats, qu’enlin après avoir plusieurs fois consulté de leurs affaires, ils se trouvèrent jusqu’au nombre de soixante six. Lesquels, pour donner couleur au grand désir qu’ils avoient de piller, me feirent présenter une requeste par François de la Caille, sergent de ma compagnée , contenant en somme une remonstrance du peu de vivres qui restoient pour nous maintenir jusqu’au temps que les navires pourroient retourner en France. A quoy remedier leur sembloit necessaire d’envoyer à la Nouvelle Espagne, au Pérou, et à toutes les isles circonvoisines , ce qu’ils me supplioient leur vouloir permettre : mais je leur feis responce, que les barques achevées, je donnerois si bon ordre par tout, que moyennant la marchandise du Roy, sans espargner jusques à mes propres habits, nous recouvririons vivres des habitans du pays : joint aussi que nous en avions encor pour quatre mois : car je craignois fort que souz ombre de chercher des vivres, ils vousissent attenter quelque chose sur ceux qui appartenoient au roy d’Espagne, chose qui le temps advenir m’eust esté reprochée

n8 Histoire

avec juste raison, attendu qu’au partir de France, la royne m’avoit bien expressément commandé de ne faire aucun tort aux subjets du roy d’Espagne, ne chose dont il peust concevoir aucune jalousie. Ils feirent semblant de se tenir satisfaits pour ceste responce. Mais huict jours après, ainsi que je continuois au travail de nostre fort, et de noz barques, je tombé malade : lors mes séditieux oublians tout honneur et devoir, pensans avoir trouvé occasion d’exécuter leur rebelle entreprise, commencèrent à praticquer de nouveau leurs premiers desseins, faisans si bien leur menée durant ma maladie, qu’ils protestèrent de se saisir du corps de gai de et du fort, voire de me violenter, si je ne vouiois consentir à leur vouloir dépravé. Mon lieutenant adverli de ce, me vint faire entendi’c qu’il avoit quelque opinion de quelque menée ; et le lendemain matin je fus salué du port d’armes, où mes soldats estoient pour me jouer un mauvais tour ; lors j’envoyay quérir deux gentilshommes, ausquels je me fiois le plus, qui me rapportèrent les soldais avoir délibéré de venir vers moy pour me faire une requeste : mais je leur remonstray que ce n’estoit la façon d’ainsi présenter requeste à un capitaine : et pour ce , qu’ils m’envoyassent quelques uns, afin de me faire entendre ce qu’ils vouloient obtenir. Sur ce, les cinq principaux autheurs de la sédition,

DE LA Floride, 119

armez de corps et cuirasse, la pistole au poing, et le chien abhatu , entrèrent en ma chamj bre , me disans qu’ils vouloient aller aux Nou- ' velles Espagnes chercher leur advanture. Lors je leur remonstray qu’ils regardassent bien à ce qu’ils vouloient faire : mais ils respondi- I dirent aussitcst, que tout y cstoil regardé, et qu’il

falloit leur accorder ce poiuct : puis (respondi-je I adonc) que je suis forcé de ce faire, j’y eiivoyeray le capilainc Vasseur et mon sergent , qui me j respondront et me rendront compte de tout ce I qui se fera en ce voyage : et pour vous contenter,

j je suis bien d’avis que preniez de chaque chambre

I un homme , afin d’accompagner le capitaine Vas- 1 seur et mon sergent. Surqnoy blasphémant le nom de Dieu, ils me respondirent qu’ils y dévoient aller : qu’il ne restoit plus sinon que je leur ren- I disse les armes que j’avois en mon pouvoir , de peur que (si vülainement outragé par eux) je ne m’en aydasse à leur desavantage , ce que pourtant ne leur voulus accorder : mais ils prindrent tout de force, et remportèrent hors ma maison. Mesmes après avoir oficncé un gentilhomme en ma chambre, qui en vouloit pailcr, se saisirent de ma personne, et tout malade que j’estois m’envoyèrent prisonnier en un navire qui estoit à l’ancre aumeilleu de la rixière. Dans lequel je fus I l’espace de quinze jours , assisté d’un homme

Histoire

seul, ne voulans permettre qu’il vint aucun des miens me visiter : à tous lesquels et autres tenans mon party , ils estèrent les armes , et m’envoyèrent un congé pour signer , me mandans , après leur avoir refuzé , que si j’en faisois aucune difficulté, ils me viendroient tous couper la gorge dans le navire. Ainsi je fus contraint leur signer le congé , et quant et quant leur bailler quelques mariniers avec le pilote Trenchant. Les barques parachevées, ils les armèrent de munitions du Roy , de pouldres, de balles, et d’artillerie, autant qu’il en falloit , et eslurent pour leur capitaine un mien sergent nommé Bertrand Sonferrent, leur enseigne un nommé la Croix, contraignirent le capitaine Vasseur de leur livrer l’enseigne de son navire. Puis deliberans naviger en un lieu des Antilles , nommé Leauguave , appartenant aux Espagnols , et y prendre terre , la nuict de Noël , afin d’entrer au temple , pendant qu’on dirait la messe de minuict, et massacrer tous ceux qui s’y trouveroient , feirent voille le huictiesme jour de décembre. Mais pour ce que la pluspart d’eux se repentoit desja de l’entreprise , et que desja ils commencèrent à se mutiner et fasclier les uns contre les autres : quand se vint a sortir de l’embouchure de la rivière les deux barques se séparèrent, l’une tira le long de la coste , pour plus aisément faire la traverse du cap

DE LA Floride.

jiisques à Cuba-; et l’autre alla tout droit passer au travers des isles Lucayes ; qui fut cause qu’elles ne se rencontrèrent que six semaines après leur departement : pendant lequel temps la barque ayant pris la traicte de la coste, en laquelle commandoit l’un des premiers séditieux , nommé d’Orange, et Trenchant servait de pilote, prist, près un lieu nommé Archaha , un brigantin chargé de quelque nombre de cassana, qui est une espèce de pain qui se fait en racines , et neantmoins fort blanc et bon à manger, et quelque peu de vin. Ce qui ne fut sans quelque perte des leurs : car en une charge qui leim fut donnée par les habitans de Archaha , deux de leurs hommes furent pris, assavoir Estienne Gondeau et un nommé Grandpré , sans deux autres qui y demeurèrent tuez , Nicolas le Maistre et Doublet : toutesfois le brigantin leur demoura , auquel pour ce qu’il estoit de plus grand port , et plus propre pour naviger , ils transportèrent toutes les hardes qui estoient en leur barque : puis après ils rencontrèrent au droit du cap de Saiiicte Marie près de Leauguave, oii ils meirent pied à terre pour calfuter et radouber leur barque , qui faisoit grande eaue. Cependant ils résolurent d’aller à Baracou, qui est un village de l’isle Jamayque : où estans arrivez , ils trouvèrent dans le havre une caravelle du port de cinquante à soixante tonneaux ,

laquelle ils prindrent toute vuide : et après avoir fait bonne chère au village , l’espace de cinc{ ou six jours, ils s’embarquèrent dedans , abandonnans leur seconde barque , puis retournèrent au cap de Thibron , où ils rencontrèrent une patache qu’ils prindrent de force, après avoir longuement combatu. En ccste palacbe fut pris le gouverneur de la Jamayque, avec beaucoup de richesses, tant d’or et d’argent , que de marchandises , de vin et de prou d’autres choses : desquels nos séditieux ne se conlenlans, délibérèrent en chercher encore en leur caravelle, et leur gouverneur de la Jamayque aussi. Puis estant arilvez à la Jamayque, faillirent de prendre une auîre caravelle, qui se sauva dans le havre. Le gouverneur lin et accort, se voy ant conduit au lien où il dem nidoit, feit tant par ses douces paroles, que ceux qui l’avüicnt pris luy permirent mettre dedans une barquette deux petits garçons qui avoient esté pris quand et luy, et les envoyer au village vers sa femme, à fin de l’advcrlir qu’elle cust à faire provision de vivres, pour les iuy envoyer. Mais au lieu d’escrirc à sa femme, il dit sccrcttement aux garçons qu’elle se mist eu tout devoir de faire venir les vaisseaux des poi is cii'ConvoLius à son secours. Ce qu’elle feit si desi rement, qu’un matin , à la pointe du jour, comme les séditieux se tenoient à l’embouchure du port (lequel s’estend

DE LA Floride. i23

plus de deux lieues dans la terre), sortit du havre une malgualire qui feit nage devant et derrière : puis deux grands navires , qui pouvaient estre à chacun de qiir.tre vingts à cent tonneaux, bien équipez d’artillerie, et bien fournis d'hommes : à la venue desquels nos mutins furent pris , n’ayans peu descouvrir leur venue, tant pour l’obscurité du temps , que pour la longueur du port, avec ce qu’ils ne s’eu doiUoicnt aucunement. Il est bien vray que les vingt-cinq ou vingt-six qui estoient au briganlin descouvrirent ces vaisseaux quand ils furent près : lesquels se trouvans pressez pour n’avoir loisir de recueillir les ancres , coupèrent le cable , et le trompette qui estoit dedans adverlit les autres; pour ce, les Espagnols se sentans descouverts tirèient une volée de canon à l’abordée des François, qu’ils suivirent l’espace de trois lieues, elprindrent leurs vaisseaux. Le brigantin en se sauvant passa à la veue du cap des Aigrettes et du cap Sainct-Anthoine, situez en l’islcdc Cuba, et de là vint passer à la veue de la Havane. Or lepilote Trcnchant, et le trompette et quelques autres maiinicrs de ce brigantin emmenez par force en ce voyage (ainsi qu’en autre lieu nous avons dit) ne dcsiioient autre chose que retourner vers moy, à ceste fin ils s’accordèrent ensemble , si d’avanture le vent leur duisoit bien , de passer la traverse du canal

124 Histoire

de Bahame, pendant que les séditieux dormiroient, ce qu’ils feirentsi bien à propos, que le matin au point du jour, environ le vingt cinquiesme de mars, ils se trouvèrent à la coste de la Floride ; où cognoissant le mal par eux commis, iis se meirent par manière de moquerie à contrefaire les juges, mais ce n’estoit qu 'après avoir beu du vin, qui leur restoit encores de la prise. L’un contrefaisoit le juge, et l’autre me representoit ; qu’elqu’un, après avoir ouy le plaidoyé, concluoit : vous ferez vos causes telles que bon vous semblera, mais si estans arrivez au fort delà Caroline le capitaine ne vous fait tous pendre, je ne l’auray jamais en réputation d’homme de bien. Les autres estimoient qu’après ma cholère passée, j’oublierois aisément cela. Leur voile ne fut si tost descouverte en nostre coste, qu’un roy de ce lieu nommé Patica, demeurant huict lieues loing de nostre fort , et l’un de nos bons amys, envoya un Indien m’advertir qu’il avoit descouvert quelque voile à la coste, et qu’il estimoit estre de nostre nation. Sur ce le brigantin, pressé de famine, vint surgir à l’emboucheure de la rivière de May, où de prime* face nous estimions que ce fussent navires venues de France, chose qui nous donnoit grande allégresse; mais l’ayant fait rocognoistre de près, je fus adverty que c’estoient nos séditieux qui estoient retournez. Pour ce je leur envoyay dire par le capi-

DE LA Floride.

taine Vasseur et par mon sergent, qu’ils eussent à amener le brigantin devant la forteresse (il n’y avoit de l’emboucheure , ou ils avoient mouillé l’ancre jusques à la forteresse, que deux lieues seulement), ce qu’ils promirent faire. Le lendemain j’y envoyay le mesme capitaine et sergent, accompagnez de trente soldats, pource je voyois leur venue estre trop retardée. Lors ils les amenèrent, et pource que quelques uns d’eux avoient juré à leur partement de ne rentrer jamais au fort, je voulu leur faire garder leur serment. A cesle fin je les attendis vers ladite emboucbeure, la part où je faisois travailler à mes navires et barques , et commanday à mon sergent , qu’il eust à mestre en terre les quatre plus principaux autlieurs deda sédition, auxquels au mesme instant je feis mettre les fers aux pieds, car ce n’estoit mon dessein de faire punir les autres, entendu qu’on les avoit subornez, et que mon conseil expressément assemblé pour ce faict, avoit arresté que ces quatre seulement dévoient mourir pour servir d’exemple aux autres. En ce lieu je leur feis une belle remontrance et telle : « Mes amys, vous pouvez sçavoir )> la cause pour laquelle il a pieu au Roy nous en- )) voyer en ceste terre ; vous sçavez qu’il est nosy> tre naturel prince, auquel selon les comman- » demens de Dieu, nous sommes tenus d’obeir, )) tellement que nous n’espargnons noz biens et

ii6 Histoire

J) nos vies pour ûùre les choses qui concernent i) son service ; vous sçavez, ou pour le moins vous » ne le pouvez i^^norcr, qu’avec ceste generalle )) et iiatLirene chiigalion, vous ayez cncores adi) jousté ceste cy, par lat[uclle recevans de luy a gages et solde raiconuahle, vous estes lenuz de )) suyvre ceux, lesquels il a cslahlis sur vous, pour » csîre chefs et vous commander eu son nom, luy » ayrms pour cest cffcct preste le serment de fide- » lité, lequel vous ne pouvez aucunement retrac- J) ter pour quelque belle appa rance epie vous ayez )) de faire le contraire; car c’est la raison, que puis- » que vous vivez de son pain à telle condition, » c’est la raison (dis-je) que vous luy soyez fi- » déliés. Toutesfois vous avez eu plus grand es- » gard à voz aftecîions déréglées, qu’à la vertu, J) laquelle vous invitoit à l’observance de vostre » serment, tellement qii’eslans faits contempteurs « d’honnesteîé, vous vous estes desbordez, et avez » pensé que toutes choses vous estoient permises. » Il est advenu delà, quepensans avoir eschappé » la justice des hommes, vous n’avez peu fuir y> celle de Dieu, laquelle comme inévitable vous » a conduis, et maigre vous vous a faict arriver )> en ce lieu, pour vous faire confesser combien » ses jugements sont véritables, et que jamais il )) ne laisse une telle faute impunie. » Après que je leur eu tenu tels ou semblables propos, suivant

r>E LA Floride. 127

ce que nous avions arrestcau conseil, pour raison des crimes par eux commis, tant contre la majesté du Pioy, que conlrc moy, qui estois leur capitaine, je les condeimnay d estre peu dus c t esl ra n gl ez . Voyans doneques qu’il n’y avoit point d’huis de derrière, pour se sauver de cest aivcsl, ils se mirent en devoir de prier Dieu. Touteslbis l’un des quatre, pensanlmuli ncr mes soldats, leur dit ainsi : « Comment, mes frères et compagnons, souffrirez- » vous que nous mourions si honteusement? » Et lors prenant la parole, je luy dis qu’ils n’estoient compagnons des scdiîieux et rebelles au service du Roy. Sur ce les soldats me supplièrent de ne les faire pendre, ains permeltrc qu’ils passassent par les armes, et que puis après, si bon me sembloit, leurs corps seroient pendus à quelques potences au long de l’emboucheure; ce que présentement je feis executer.

A'oila quelle fut l’issue de mes mutins, sans laquelle j’eusse tousjours vescuenpaix, et satisfaict au bon plaisir que j’avois de faire un heureux et tranquille voyage. Mais pour ce que je n’ay discouru que les heurs et naufrages qui leur advindrent depuis leur partement, sans faire commémoration aucune de nostre sort , je reprendray mes premiers errements pour faire entendre ce qui m’advint depuis leur partement.

Premièrement je vins à considérer, afin de me

128 Histoire

rendre plus constant et ferme en mon affliction , que ces mutins ne pouvoient fonder leur sédition sur la faute des vivres, car, depuis nostre arrivée, chaque soldat journellement avoit eu jusqu’à ce jour, et eut encore jusques au vingt huictiesme février un pain de munition pesant vingt deux onces. Puis je pensay en moy mesme comme toutes conquestes nouvelles , soit en mer , soit en teire , sont ordinairement troublées par les rebellions aisées à se soulever , tant par longue distance du pays, que par l’espoir que les soldats ont de faire leur profit , ainsi que nous pouvions estre bien informez par les histoires anciennes , et parles henrtades freschement advenues a Christophle Colomb, apres sa première descouverte, à Francesco Pizarre, à Diego d’Alimagro, au Pérou , et à Fernand de Cortès. Cent mille autres choses se proposent à mon esprit, pour me fortifier. Mon lieutenant Ottigny et mon sergent de compagnie me vindrent quérir au navire, où j’estois prisonnier, et m’enlevèrent dans une barque , si tost que les mutins furent partiz. Estant arrivé au fort, je feis assembler au milieu de la place devant le corps de garde tous ceux qui me restoient, et leur remonstré les fautes commises par ceux qui nous avoient abandonnez , les priant leur en souvenir quelque jour, pour en tesmoigner, quand il en seroit besoin . J’ordonnay quand et quand des

DE LA Floride. ,29

nouveaux chefs, pour commander aux escouades ; et leur donnay un ordre, suivant lequel ils avoient à se gouverner doresnavant et à entrer en garde : car la plupart des soldats, dont j’avois la meilleure opinion , s’en estoienl allez. Ma remonstrance faicte , ils me promirent tous d’un commun accord , de très bien m’obeir , et de faire tout ce que je leur commanderois, fust-ce de mourir à mes pieds, pour le service du Roy. A quoy véritablement ils n’ont depuis failly : de sorte que j’ose dire depuis l’allée de mes mutins avoir esté aussi bien obey que fut oncques capitaine en lieu où il ait commandé.

Le lendemain de mon retour au fort , je feis de rechef assembler mes gens , à fin de leur remonstrer comme nosti’e clos n’estoit encore achevé, et qu’il estoit besoing que tous y missions la main, pour nous asseurer contre les Indiens. Ce que m’ayans volontiers accordé, ils rehaulsèrent tout de gazons, depuis la porte jusqu’à la rivière, qui est du costé de l’ouest. Ce fait, je mis mes charpentiers au travail pour faire une autre barque de la mesme grandeur qu’estoient les autres, commanday aux scieurs qu’ils eussent à préparer de la planche , aux mareschaux de la ferrure et des doux , et à quelques autres de faire le char-* bon, de sorte que la barque fut parachevée eir dix-huict jours. Puis j’en feis faire une autre plus

i3o Histoire

petite que la première, pour mieux descouvrir en la rivière. Cependant les Indiens me visitoient et apportoient tousjours quelques presens, comme poisson, cerfs, poulies d’Indes, léopards, petits ours, et autres choses , selon le lieu de leur habitation. Je les recompensois de quelques haches, cousteaux, patrenostres de verre, peignes et miroirs. Deux Indiens me vindrent un jour saluer de la part de leur roy nommé Marracou , distant du lieu de nostre fort quelques quarantes lieues du costé du sud, et me feirent entendre qu’il y avoit en la maison du roy Onathaqua un nommé Barbu , et en celle du roy Mathiaca un autre homme, dont ils ne sçavoient le nom, qui n’estoient de leur nation, à cause de quoy je pensé que ce pouvoient estre quelques chrestiens. Pour ce j’envoyay prier tous les roy s voisins, que s’il y avoit chrestien aucun demeurant en leurs terres , qu’ils trouvassent moyen me le faire recouvrer, et que je les recompenserois au double. Eux qui aiment les presens, y prindrent telle peine, que les deux hommes, dont nous avions parlé, me vindrent trouver au fort. Ils estoientnuds, portans les cheveux longs jusques au jarret, ainsi que font les sauvages, et estoient Espagnols de nation, si bien neantmoins accoustumez à la façon de ce pays, que de première face ils trouvèrent notre maniéré estrange. Après les avoir entretenus de quelques

DE LA Floride. i3i

propos, je les feis haLilIer et coupper les cheveux, qu’ils ne voulurent perdre, ains les enveloppèrent dans du linge, disans qu’ils voidoient les reporter dans leur pays pour tesmoigner le mal qu’ils avoient enduré aux Indes. Aux cheveux de l’un fut trouvé quelque peu d’or caché, jusqu’à la valleur de vingt-cinq escus dont il me feit présent. Or, les examinant des lieux ausquels ils pouvoient avoir esté, et comme ils estoient venus, ils me respondirent qu’il y avoit desja quinze ans passez , que trois navires , en l’une desquelles ils estoient, se perdirent au travers d’un lieu nommé Cal os, sur des basses que l’on dit les Martyres, et que le roy de Calos retira la plus grand part des richesses qui estoient dans les dites navires, faisant en sorte que la plupart du monde se sauva et plusieurs femmes, au nombre desquelles y avoit trois ou quatre damoiselles mariées , lors demem’antes encore , et leurs enfans aussi , avec ce roy de Calos. Je voulus m’informer quiestoit ce roy, ils me feirent responce qu’il estoit le plus beau et le plus grand Indien de la contrée , homme grand guerrier, et ayant beaucoup de subjets en sa puissance. Me dirent davantage, qu’il avoit un gi’and nombre d’or et d’argent, jusqu’à en tenir dans un certain village une fosse toute pleine, qui n’estoit moins haute qu’un homme, et large comme un tonneau, à laquelle si je pouvois aller avec cent

i32 Histoire

liarquebusiers , les Espagnols se faisoient forts de me faire recouvrer toutes ces richesses, outre ce que je pourrois tirer du commun peuple du pays, qui en possédoit beaucoup. Ils me donnèrent aussi à entendre que les femmes allans danser, portoient à l’entour de leurs ceintures des platines d’or, larges comme une assiette, et en telle quantité, que la charge les empescboit de danser à leur aise, et que les hommes en avoient au semblable. La plus part de ces richesses provenoient, à leur dire, des navires espagnolles, qui ordinairement se perdoient en ce dcstroit, et l’autre de la trafique que ce roy de Calos avoit avec les autres roys de la contrée. Au reste, qu’il estoit fort révéré de ses subjects, et qu’il leur donnoità entendi’e que ses sorts et charmes estoient causes des biens que la terre produisoit, et que pour leur persuader ce faict, il se retiroit une ou deux fois l’année en une certaine maison, accompagné de deux ou trois de ses plus familiers, là où il faisoit quelques enchanteries, et que si quelqu’un s’ingeroit d’aller veoir ce qu’ils faisoient en ce lieu, le roy le faisoit incontinent mourir. Qui plus est , ils me dirent que chascun an, au temps de la moisson, ce roy barbare sacrifioit un homme, qui pour ce faict estoit expressément gardé, et pris au nombre des Espagnols , qui par fortune s’estoient perdus en ce destroit. L’un de ces deux me conta

DE LA Floride. i33

qu’il luy avoit long temps servy de messager, et que soiiventes fois par son commandement il estôit allé visiter un roy nommé Oathcaqua, distant de Calos quatre ou cinq journées, qui de tout temps luy estoit bon amy; mais qu’au meilleu du chemin il y avoit une isle située dans un grand lac d’eau douce appelé Serropé, grand environ de cinq lieues, fertille en plusieurs sortes de fruicts, principallement en dattes, qui proviennent des palmes, dont ils font une merveilleuse traficque, toutesfois non si grande que d’une sorte de racine, de laquelle ils tirent de la farine si propre à faire du pain, que n’est possible d’en manger de meilleur, à qu’à quinze lieues à l’entour tout le pays en est nourry, qui est cause que les habitans de l’isle attirent de leurs voisins une grande richesse ; car on n’a de ceste racine d’eux qu’à bonnes enseignes, avec ce qu’ils sont tenus pour les plus belliqueux hommes de la terre, comme ils monstrcrent bien , lorsque le roy Calos, ayant fait alliance avec Oathcaqua, fut frustré de sa fille qu’Oathcaqualui avoit promise en mariage. Il me conta le fait en ceste manière. Comme Oathcaqua, bien accompagné de gens, menoit une de ses filles excellemment belle, selon la couleur du pays, au roy Calos, pour la luy donner à femme, les habitans de ceste isle advertis du faict , luy dressèrent une embuscade au lieu où il devoit

i34 Histoire

passer, et feirent en sorte que Oathcaqua fut mis en route, la mariée prise, et toutes les filles qui la sui voient, lesquelles ils emmenèrent en leur isle. Ce que par tout le pais des Indiens ils tiennent à plus grande victoire ; car ils se marient puis après à ces filles, et les aiment esperduement. L’Espagnol qui me fit ce conte me dit qu’après ceste deffaicte, il estoit allé demeurer avec Oathcaqua, et y avoit bien esté l’espace de huict ans, jusques à ce qu’il m’estoit venu trouver. Le lieu de Calos est situé sur une rivière qui est au delà du cap de la Floride , quarante ou cinquante lieues en tirant vers le sud, et la demeure de Oathcaqua est par deçà le cap, tirant au north, en un lieu que nous appelions en la charte Caignaveral, qui est sur les AÛngt huict degrez.

Envii’on le vingt cinquiesme janvier, le Paracousi Satouriona, mon voisin, m’envoya quelques presens par deux de ses subjects , pour me persuader de me joindre avec luy, et faire la guerre à Ouae Outilla, qui estoit mon amy : me priant au reste que je retirasse quelques-uns des miens qui estoient avec Outina, sans le respect desquels il l’eust plusieurs fois attaqué et deffait : il m’en fit prier par plusieurs autres roys ses alliez , qui par l’espace de trois sepmaines ou d’un moys, m’envoyèrent messages à ceste fin. Mais je ne leur voulu accorder la guerre , au contraire je me mis

DE LA Floride. i35

en devoir de les rendre amys : ce qu’ils m’accordèrent, jusques à tenir pour faict ce que j’en voudrois articuler. Surquoy les deux Espagnols qui cognoissoient il y avoit long temps le naturel des Indiens, m’advertirent que je ne me fiasse aucunement en eux , pource qu’alors qu’ils faisoient bon visage et bonne chère aux personnes, c’estoit lorsqu’ils les vouloient surprendre et trahir : et que de leur naturel ils estoient les plus traistres et grands dissimulateurs de tout le monde. Aussi ne me fioy-je que bien à point , comme celuy qui avoit descouvert mil de leurs ruses et traverses , tant par expérience que par la lecture des histoires modernes.

Nos deux barques ne furent sitost depeschées, que j’envoyé le capitaine Vasseur descouvrir le long de la coste, en tirant vers le north , et le chargay naviger jusques à une riviere, le Roy de laquelle se nommoit Audusta , seigneur du lieu , oii ceux du voyage de l’an mil cinq cens soixante deux s’estoient chargez de vivre. Je luy envoyay deux sortes d’habillemens , avec quelques haches, cousteaux et autres petites merceries , pour plus aisément m’insinuer en son amitié. Et pour le mieux gaigner, je feis embarquer quand et le capitaine Vasseur un soldat nommé Aymon, qui estoit un de ceux qui estoient revenus du premier voyage, espérant que le roy Audusta le pourroit

i36 Histoire

recognoistre. Mais avant qu’ils s’embarquassent, je leur commanday de s’enquérir qu’estoit devenu un autre soldat, nomme Rouffi, qui estoit demouré seul en ces parties la, lorsque le capitaine Nicolas Masson, et ceux du premier voyage , s’estoient embarquez pour retourner en France. Ils sceurent à leur descente qu’une barque passant par là avoit emmené ledit soldat : et depuis ay véritablement sceu que c’estoient Espagnols qui l’avoient passé à la Havane. Le roy Audusta me renvoya ma barque pleine de mil, avec une quantité de febves, deux cerfs, des peaux peintes à leur mode , et quelques perles de petite valeur, pour ce qu’elles estoient bruslées , et me manda que si je me voulois habituer en son lieu, il me donneroit un grand païs , et qu’après avoir recueilli son mil , il m’en departiroit tant que je voudrois.

Cependant il nous survint une manne de pigeons ramiers en si grand nombre, et par l’espace d’environ sept sepmaines, que chacun jour nous en tuasmes à la harquebuse plus de deux cens dans les bois qui estoient à l’entour de nostre fort.

Quand le capitaine Vasseur fut de retour, je feis de rechef equipper les deux barques de soldats et de mathelots, et je renvoyé porter un présent de ma part à la vefve du feu roy Hioacaia , distante de nostre fort d’environ douze lieues en tirant vers le north. Elle receut gratieusement

nos hommes , me renvoya mes deux barques pleines de mil et de gland, avecques quelques bottées de feuille de cassiné , dont ils font leur breuvage. Aussi le lieu de ceste vefve est le plus fertile en mil qui soit en toute la coste, et le plus beau. On tient que ceste royne est la plus belle de toutes les Indiennes , et de laquelle on fait le plus conte : mesmes ses subjets l’honorent jusques là, que la pluspart du temps ils la portent sur leurs espaules , ne voulans permettre qu’elle chemine à pied. Quelque jour après le retour de mes barques, elle m’envoya visiter par son hiatiqui, qui est à dire son truchement.

Pensant estre muny de vivres jusques au temps que les navires pourroient venir de France, j’envoyay (de peur de tenir mes gens oiseux) mes deux barques descouvrir le long de la rivière et à mont icelle, lesquelles allèrent si avant, qu’elles furent bien jusques à trente lieues au delà d’un lieu nommé Mathiaqua , et là descouvrirent l’entrée d’un lac, à l’autre costé duquel ne se voyoit aucune terre , selon le rapport des Indiens , qui mesmes bien souvent avoient monté sur les plus hauts arbres du païs , pour voir la terre , et toutesfois ne l’avoient aperceüe : qui fut cause que mes gens ne passèrent outre , ains rebrousèreut chemin, et en revenant visitèrent l’isle de Edelano, située au mitan de la rivière, lieu autant beau qui

i38 Histoire

s’en puisse veoir au monde. Car en l’espace de quelques trois lieues qu’elle peut contenir en longueur et largeur, il se void une fertilité de biens et de peuple grandement recommandable. Au sorty du village d’Edelano , pour venir au port de la rivière, il faut passer par une allée, longue environ de trois cens pas et large de quinze , aux deux costés de laquelle sont plantez de grands arbres, dont les branchages se lient en arcade et se rencontrent de tel artifice , qu’il semble que ce soit une treille faite tout à propos, je dis aussi belle qu’autre qui se puisse veoir en la chrestienté, et si le tout y est naturel. Nos gens sortis de ce lieu, voguèrent à Eneguape , puis à Chilily , de là à Patica, etlinablement se rendirent à Coya,oii laissans leurs barques dans un petit bras de rivière, avec gens pour les garder, ils allèrent visiter Outina , qui les receut fort humainement : et quand ils partirent de sa maison , feit tant par prières importunes , que six de mes hommes demeurèrent avec luy, du nombre desquels estoit un gentilhomme nommé Grotauld, qui après y avoir séjourné environ deux moys, et faict grand devoir de descouvrir, avec un autre, que de longtemps j’y avois laissé à ceste fin, me vint retrouver au fort, et me dit que jamais il n’avoit veu un plus beau païs. Entre autres choses me raporta qu’il avoit veu un lieu nommé Hostaqua, que le roy estoit si

DE LA Floride. 189

puissant, qu’il pouvoit mettre trois ou quatre mil sauvages en campagne ; avec lequel si me voulois joindre et entendre , nous mettrions tout le reste du peuple en nostre obéissance : joint que ce roy sçavoit les adresses de la montagne de Palassi, laquelle les François avoient si grand désir d’aborder , et où l’ennemy d’Hostaqua faisoit sa demeure, lequel estoit facile de surmonter, pourveu que nous fussions liguez ensemble. Ce roy m’envoya quelques lames de cuivre, tiré de ceste montagne, du pied de laquelle il sort un ruisseau d’or ou de cuivre, comme pensent les sauvages, auquel avec une canne de roseau creuse et seiche ils puisent le sable, jusques à ce que la canne soit remplie, puis ils la secouent et trouvent que parmy ce sable il y a force petits grains de cuivre et d’argent : ce qui leur faict cognoistre qu’il doit avoir quelque mine en la montagne. Et pour autant qu’elle n’estoit qu’à cinq ou six journées de nostre fort en tirant vers le northoest , je deliberay que si tost que le secours me seroit venu de France, remener nostre demeure en quelque rivière plus tirant au North, afin d’en estre plus prochain. Un de mes hommes , nommé Pierre Gambye, lequel avoit demouré long temps auparavant en ce païs , pour aprendre les langues , et trafiquer avec les Indiens , finalement arriva au village d’Adelano, où ayant amassé une quantité

i4o Histoire

d’or et d’argent, et voulant retourner vers moy, pria le roy du village de luy vouloir prester une canoa , qui est un vaisseau fait tout d’une pièce, duquel les Indiens s’aident coustumièrement à la pesche, et en navigeant sur les rivières , ce que ce seigneur d’Adelano luy octroya. Mais estant envieux de la richesse qu’il emportoit, commanda aux deux Indiens qu’il avoit chargez de le conduire dans la canoa, de le tuer, puis de luy apporter la marchandise et l’or qu’il pouvoit avoir : ce que les deux traistres exécutèrent inhumainement, car ils l’assommèrent d’une hache, ainsi qu’au meilleu de la canoa il souffloit le feu pour cuire du poisson.

Le Paracousi Outina envoya quelques jours après me demander adjonction de douze ou de quinze de mes harquehusiers pour guerroyer son ennemy Potavou, et me feit entendre que cest ennemy deffaict, il me donnoit passage, voire me conduisoit jusques aux montagnes , sans que personne me sceust nullement empescher. Lors j ’assemblay mes hommes pour leur demander advis, ainsi que j’avois accoustumé de faire en toutes mes entrepriséls. La pluspart fut d’opinion que je devois envoyer secours à ce Paracousi, pour ce qu’il me seroit mal aisé de descouvrir plus avant pais sans son moyen , et que les Espagnols , lors qu’ils estoient sur les termes d’acquérir , s’estoient tous-

DE LA Floride. i4i

jours alliez de quelque roy, pour ruiner l’autre. Neantmoins, pour ce quejem’estois tous] ours défilé des Indiens , et plus encore depuis l’advertissement dernier que les Espagnols m’en avoient donné , j’eu doute que le petit nombre demandé par Outina ne receust quelque infortune ; pource je luy envoyay trente liarquebusiers, souzla charge de mon lieutenant Ottigny , qui ne séjourna que deux jours avec Outina, pendant qu’il faisoit appareiller les vivres de son voyage , lesquels ordinairement et selon la coustume du pays , on faict porter par des femmes , par jeunes garçons et par les hermaphrodites. Outina party avec trois cens de ses suhjects, tous ayans l’arc et le carquois plein de flesches , feit mettre en teste nos trente liarquebusiers, et les feit cheminer tout le jour jusques à ce que la nuict estant venue, et n’ayans faict encor que moitié du chemin , force leur fut de coucher dedans le bois , près d’un grand estang, et là se camper ; ils se séparèrent six à six , faisans chacun un feu à l’environ du lieu où est couché leur roy, pour la garde duquel ils ordonnèrent une quantité d’archers , de ceux ausqüels il se fie le plus. Le jour estant venu, le camp des Indiens s’achemina jusques à trois lieues près de Potavou : puis le roy Outina requist mon lieutenant de luy bailler quatre ou cinq de ses hommes pour aller descouvrir , qui tout à l’heure partiient : et ne

i42 Histoire

s’estoieiît encor fort advancez , qu’ils apperccurent sur un estang, distant du village de Potavou environ trois lieues, trois Indiens qui pesclioient dans une canoa. Or, la coustume est que quand on pesche en cest estang, il y a tous] ours aux aguets une troupe d’hommes armez d’arcs et de flesches pour la garde de ses pescheurs. Nos gens, advertis par ceux de la compagnée, n’osèrent passer outre , de peur de tomber en quelque embuscade. Parquoy ils revindrent devers Outina, lequel soudainement 1 es feit retourner en meilleure troupe pour surprendre les pescheurs , avant qu’ils peussetit se retirer et advertir leur roy Potavou de la venue de ses ennemis. Ce qu’ils ne sceurent executer si sagement que deux ne se sauvassent : encore le 3. se mettoit en devoir de le gaigner à nage , quand on l’arresta à coups de flesches , et tout mort ils le tirèrent abord, où nos Indiens luy escorchèrent la peau de la teste , luy coupèrent les deux bras sur le chemin , reservans les cheveux au triomphe qu’il esperoit faire de la deffaictc de son ennemy. Outina craignant que Potavou, adverty par les pescheurs qui s’estoient sauvez , ne fust en armes pour gaillardement les recevoir, demanda conseil à son jarva, c’est à dire en leur langage , son magicien , s’il estoit bon de passer outre. Lors ce magicien feit certains signes hideux et espouvantables à veoir, et usa de quelques

DE LA Floride. i43

paroles, lesquelles estant parachevées , il dit à sou roy, qu’iln’estoitbon de passer outre , et que Potavou, accompagné dei)ien deux mil Indiens, l’attendoit en tel et tel lieu pour le combattre : qui plus est , que tous lesdits Indiens estoient fournis de cordes pour lier les prisonniers qu’ils s’asseuroient de prendi’e. Ce faict causa qu’Outina ne voulut passer outre. Surquoy mon lieutenant, fascbé le possible d’avoir tant travaillé sans faire quelque chose de mémorable, luy dit qu’il n’auroit jamais bonne opinion de luy ne de ses gens, s’il ne se hazardoit : que s’il ne le vouloit faire , au moins qu’il luy donnast une guide pour le mener, luy et sa petite troupe, au lieu où lesennemys estoient campez. Outina eut honte, et voyant la bonne affection du seigneur d’Ottigny, délibéra de passer outre : aussi ne faillit-il de trouver ses ennemis au lieu mesme que le magicien avoit nommé, où l’escaimouche s’attaqua, qui dura bien trois grosses heures, en laquelle véritablement Outina eust esté défiait , n’eust esté que nos harquebusiers portèrent tout le faix du combat , et tuèrent un grand nombre de soldats de Potavou , qui fut cause de les mettre en route. De laquelle Outina se contentant pour l’heure , feit retirer ses gens, et reprendre la route de sa maison, au gi’and mescontentement du seigneur d’Ottigny, qui rien ne desiroit que poursuyvir sa victoire. Après'

i44 Histoire

qu’il fut arrivé en sa maison , il envoya les messagers à dix-huict ou vingt demeures d’autres roys ses vassaux , et les somma de se trouver auxfestes et dances qu’il enten doit celebrer à cause de sa victoire. Cependant le seigneur d’Ottigny se refraischist deux jours : puis prenant congé du Paracousi, et luy laissant douze de ses hommes, pour empescher que Patavou, se resentant de sa dernière perte, ne vinsthrusler les maisons d’Outina , il se meit en chemin pour me venir trouver au fort, où il me recita comme le tout s’estoit passé : mesme qu’il avoit promis aux douze soldats de les retourner quérir. Lors les roys mes voisins, tous ennemis d’Outina , advertis du retour de mon lieutenant, me vindrent visiter avec presens, et sçavoir comme les choses s’estoient portées : me prians tous de les vouloir tenir en amitié, et d’avoir Outina en haine : ce que toutes fois ne leur voulus accorder pour plusieurs raisons qui me mouvoient.

Les Indiens ont accoustumé d’abandonner leurs maisons , et de se retirer aux bois l’espace de trois moys , assavoir Janvier , Febvrier et Mars : pendant lequel temps il n’y a moyen aucun de veoir un Indien, car lors ils vont à la chasse , font de petites cabanes parmy les bois , ausquelles ils se retirent , vivans de ce qu’ils prennent à la chasse. Cela feut cause que pendant ce temps nous ne tirasmes aucuns vivres par leur moyen , et n’eust

DE LA Floride. i45

esté que j’en avois faict bonne provision, tant que mes hommes en eurent abondamment jusqu’à la fin d’ Avril (qui estoit le temps , auquel pour le plus tard nous espérions avoir secours de France) je me fusse trouvé estonné. Cest espoir fut cause que les soldats ne se donnoient grand peine de bien mesnager leurs vivres, ores que je leur fisse distribuer également ce que je pouvois recouvrer par le pays , sans que j’en réservasse pour moy plus que le moindre soldat de toute la compagnée. Le moys de May venant, sans qu’il arrivast secours aucun de France, nous tombasmes en extrême nécessité de vivres, jusques à courir aux racines de la terre , et à quelque oseille que nous trouvions parmy les champs. Car ores que les sauvages fussent de retour en ce temps là, si est-ce qu’ils ne nous secouroient que de quelque poisson , sans lequel véritablement nous fussions morts de faim. Aussi nous avoient ils baillé auparavant la plus part de leur mil et de leurs febves pour uostre marchandise. Geste famine nous dura depuis l’entrée de May jusqu’à la my-Juin, pendant lequel temps les pauvres soldats et les manœuvres, atténuez le possÜDle, et ne pouvant travailler, ne faisoient qu’aller les uns après les autres en sentinelle , au coupeau d’une montagne située assez près du fort , pour veoir s’ils descouvriroient quelque vaisseau françois. Enfin, frus-

1/^6 Histoire

Irez de leur espoir , ils s’asseinhlèreiit tous , et me viudreut supplier de donner ordre qu’ils retournassent en France : entendu que si nous laissions passer la saison de s’embarquer , nous estions gens de ne veoir jamais nostre pays , auquel il falloit nécessairement estre advenu quelques troubles, puisque l’on nous avoit manqué de promesse, et qu’il n’en estoit venu aucun secours. Là dessus il fut advisé et arresté entre tous , que l’on feroit accoustrer le navire Breton , auquel commandoit le capitaine Vasseur. Mais pource que le navire n’estoit assez grand pour nous recevoir tous , quelques uns proposèrent qu’il seroit bon faire liaulser de deux estages le brigantin que les séditieux avoient ramené, et que vingt cinq hommes s’adventureroient de passer dans iceluy en France. Les autres mieux advisez dirent qu’il seroit beaucoup meilleur faire bastir un beau navire sur le fond de la galiotte que j’avois fait faire, promettant y travailler courageusement. Lors je manday mes charpentiers pour sçavoir dans quel temps ils me pourroient rendre prest ce navire. Ilsasseurèrent toute la troupe qu’en leur fournissant toutes les nécessitez , ils le rendroient prest dans le huictiesme d’Aoust. Tout à l’heure j’ordonnay temps pour y travailler , donnay charge au seigneur d’Ottigny , mon lieutenant , de faire apporter tout le bois nécessaire pour l’accomplisse-

DE LA Floride. i47

ment des vaisseaux , et au seigneur d’Arlac, mon enseigne , d’aller avec une barque à une lieue près du fort couper les arbres commodes pour faire la planche, et les faire scyer aux scyeurs qu’il mena quand et soy ; et à mon sergent de compagnée , de faire travailler quinze ou seize hommes à la despesche du charbon : et à maistre Hance , garde des munitions de l’artillerie , et au canonnier, de faire amas de gomme pour brayer les vaisseaux :^en quoy il travailla si bien, qu’en moins de trois sepmaines ou un moys, il en amassa deux poinssons. Il ne restoit plus que le principal, qui estoit de recouvrer vivres pour nous nourrir pendant nostre travail , ce que j’entrepris faire , avec le reste de ma trouppe et les mathelots du navire. Acestefin je m’embarquay moy trentiesme, dans ma grand barque, pour faire un voyage de quarante ou cinquante lieues , sans que nous fussions pourveus d’aucune nourriture , qui fait assez cognoistre combien ceux de nostre fort en estoient assez mal garnis. Bien est vray que quelques soldats ayans esté meilleurs mesnagers que les autres , et ayans faict quelque provision de gland , en vendoient à leurs compagnons quinze et vingt sols une petite escuelle. Pendant nostre voyage , nous ne fusmes substentez que de framboises , d’une certaine graine ronde , petite et noire , et de racines de palmites que nous re-

1 48 Histoire

couvrions es costes delà rivière, en laquelle apres avoir navigé en vain, je fus contrainct retourner au fort, où les soldats, commençans à s’ennuyer du travail , à cause de Fextremc famine qui les mattoit, s’assemblèrent, et me proposèrent que, puisque nous ne pouvions recouvrer vivres des Indiens, il estoit expédient, pour le remède de leur vie , se saisir de la personne d’un des roys de la terre , s’asseurans qu’estant pris ,^les subjccts n’endureroient les François avoir faute de vivres. Je leur feis response qu’il ne falloit inconsidérément faire ceste entreprise , ains bien adviser à la conséquence qui en pourroit venir. Sur ce ils m’objectèrent, puisque le temps estoit passé du secours de France , et que nous avions résolu d’abandonner le pays, qu’il n’y avoit danger de contraindi’e les sauvages à nous fournir vivres : ce que pour l’heure ne leur Ai'oulus accorder, bien leur promis je d’envoyer en toute diligence advertir les Indiens qu’ils eussent à m’apporter vivres , en escbange de marchandises et d’habits , ainsi qu’ils fcirent l’espace de quelques jours, qu’ils apportèrent du gland et du poisson , lequel ces Indiens traistres et meschans de nature , et cognoissans nostre famine estrange, nous vendoient si chèrement qu’en moins de rien ils nous tirèrent toute notre marchandise que nous avions de reste. Qui pis est, craignans d’estre forcez de nous, et

DE LA Floride. i49

voyans qu’ils avoicnt tout tiré , ils n’approchèrent plus de nostre fort que de la portée d’une liarquebusade. Là ils apportoient leur poisson dans leurs petites almadies , jusques ausquelles nos pauvres soldats estoient contraints aller, et le plus souvent (ainsi que j’ay veu)se despouiller de leur propre chemise pour avoir un poisson. Que si quelquefois ils remonstroient aux sauvages le pris excessif qu’ils prenoient, ces meschans leur respondoient brusquement : « Si tu fais si grand cas de ta marchandise, mange la, et nous mangerons nostre poisson )) ; puis ils s’esclatoient de rire et se mocquoient de nous à gueule bée. Dont nos soldats perdans toute patience , eurent souvent envie de les mettre en pièces , et leur faire payer le tribut de leur folle arrogance. Toutesfois, considérant l’importance de cecy, je mettois peine d’appaiser le soldat impatient : car je ne voulois entrer aucunement en question avecques les sauvages , et me suffisoit de dilayer le temps. Parquoy je m’advisay d’envoyer par devers Outina, pour le prier de tant faire avec ses subjects , que je peusse estre secouru de gland et de mil , ce qu’il feit assez petitement , m’envoyant douze ou quinze bottées de glands , et deux de pinocqs , qui sont de petits fruits verds , lesquels croissent parmy les herbes de rivière , et sont gros comme cerises ; encore ne fut-ce qu’en leur baillant en contr’eschange deux

i5o Histoire

fois autant de marchandises et d’habillemens qu’il leur en appartenoit : car les suhjects d’Outina apperceurent clairement la nécessité en laquelle nous estions, et commençoient à nous tenir tel langage que les autres : ainsi que l’on voit communément que la nécessité fait changer le vouloir des hommes.

Sur ces entrefaites il se présenta quelque occasion de respirer : car Outina me feit advertir qu’il y avoit un roy sien subject nommé Astina, lequel il avoit délibéré prendre prisonnier, et le chastier pour sa désobéissance : et que pour ceste cause si je luy voulois donner secours de quelque nombre de mes soldats, il les meneroit au village d’ Astina : là où il y avoit moyen de recouvrer du gland et du mil. Il s’excusa cependant envers moy de ce qu’il ne m’avoit envoyé davantage de mil , et me feit dire que le peu qui luy restoit n’estoit à peine suffisant pour ses semailles. Or estant un peu soulagé, comme il me sembloit, pour l’espérance que j’avois de tel offre, je ne voulu faire faute de luy envoyer les hommes qu’il me demandoit, lesquels toutesfois furent assez maltraitez , car il se mocqua d’eux , et au lieu de les mener contre Astina, il les feit marcher contre ses autres ennemis. Mon lieutenant, qui avoit la charge de ceste entreprise avec le capitaine Vasseur, et avec mon sergent, fut en deliberation de se venger d’Outina

DE LA F LORIDE. l5l

et le mettre en pièces, luy et ses gens, et n’eust esté qu’ils craign oient de faire chose contre mon vouloir , il n’y a point de doute qu’ils eussent exécuté leur entreprise. Ils ne voulurent doncques passer outre sans m’en advertir. Parquoy estans de retour au fort, faschez et esguillonnez au possible d’une telle mocquerie , ils me feirent leurs plaintes , et me donnèrent à entendre qu’ils es • toient presque morts de faim. Ils contèrent le tout aux autres soldats, lesquels furent fort joyeux de n’avoir voulu estre de la partie, et prindrent résolution, estans de reclief assemljlez, de me faire sçavoir qu’ils persistoient en leur première deliberatioTi, qui est de punir l’audace et méchanceté des sauvages , laquelle ils ne pouvoient plus endurer, et estoient délibérez de prendre l’un de leurs roys prisonnier. Ce que je fus contrainct de leur accorder, afin d’eviter à plus grand mal et à la sédition que je prevoyois advenir si j’en eusse fait refus : car, disoient-ils, quelle occasion avezvous de nous refuser, attendu la nécessité en laquelle nous sommes et le peu de conte qu’ils font de nous? Ne nous sera il pas licite de les punir des torts qu’ils nous font, joint que nous cognoissons apertement le peu de respect qu’ils nous portent? Cela n’est-il pas suffisant, encore que la nécessité n’y fust , puisque ils se sont mocquez de nous, et nous ont manqué de promesse?

i52 Histoire

Ayant donc résolu avec eux de me saisir de la personne d’Outina, lequel, avec ce qu’il nous en avoit donné occasion, estoit le plus suffisant à nous faire recouvrer des vivres, je me partis avec cinquante des meilleurs soldats, tous embarquez en deux barques, et arrivasmes sur les terres d’Outina, distantes de nostre fort d’environ quarante ou cinquante lieues : puis ayans pris terre, nous tirasmes à son village, situé six grandes lieues de la riviere, là où nous le prismes prisonnier, non toutesfois sans grands cris et alarmes, et l’amenasmes en nos barques : ayans paravant fait entendre à son beau-père et à ses principaux subjecls que ce que je l’avois pris u’estoit pour envie que j’eusse de luy faire mal, mais seulement pour subvenir à la nécessité de vivres qui me pressoit ; et que là où ils voiidroient m’en faire recouvrer, j’adviserois de le remettre en liberté ; que cependant je me retirerois dans les barques (car je craignois qu’ils ne s’y assemblassenl, et qu’il n’en advint quelque mal) là où je l’attendrois l’espace de deux jours, pour en avoir responce : toutesfois que je n’attendois les avoir sans eschange demarebandise ; ce qu’ils me promirent. Et de faict, des le soir mesme, sa femme, accompagnée de toutes les femmes du village , arriva sur le bord de la rivière et me cria d’entrer en la barque, pour veoir son mary et son fils, que je tenois tous deux pri-

DE LA Floride. i53

sonniers. Je descouvray le lendemain cinq ou six cens archers indiens, lesquels approchèrent le rivage, et vindi’ent à moy m’advertir de ce que pendant l’absence de leur roy, leur ennemy Potavou en estant adverty, estoit entré en leur village, et avoittout briislé. Ils me prièrent de les vouloir secourir ; cependant toiitesfois ils avoient une partie de leur troupe en embuscade, en intention de me charger, si je fusse descendu en terre, ce qui me fut facile de juger. Parquoy voyans le refus que j’en faisois , ils se doutèrent bien qu’ils estoicnt descouverts, et taschèrent par tous moyens de me lever la mauvaise opinion que j’avois d’eux. Ils m’apportèrent doncques du poisson en leurs petites almadies, et de leur farine de gland, ils composèrent devantage de leur boisson, qu’ils nomment cassin, lequel ils envoyèrent à Outina et à moy. Ores en cores que j’eusse gaigné ce poinct sur eux, que de tenir leur chef prisonnier, sine peux-je pas tenir beaucoup de vivres pour ceste heure : la raison estoit, qu’ils pensoient qu’après que j’aurois tiré des vivres d’eux, je ferois mourir leur roy : car ils mesuroient ma volonté à leur coustume, par laquelle ils font mourir tous les prisonniers qu’ils arrestent en guerre. Et ainsi desesperez de sa liberté, ils s’assemblèrent en la grande maison : et ayant appellé tout le peuple, ils mettoienten avant l’élection d’un nouveau roy,

i54 Histoire

lors que le beau-père d’Outina esleva dessus le siégé royal l’un des petits-enfans du roy : et feit tant que par la pluralité de voix, que l’hommage luy fut rendu par un chacun. Geste élection fut presque cause de grands troubles entr’eux : car il y avoit le parent d’un roy voisin, lequel prétendoit le royaume, et de faict il avoit desja une partie des subjects : toutesfois ceste entreprise ne peut estre exécutée, d’autant que par un commun consentement des principaux, il fut advisé et arresté que l’enfant estoit plus idoine à succéder au père que nul autre.

Ce temps pendant, je tenois tous] ours Outina avec moy, auquel j’avois baillé aucuns de mes habillements pour se vestir, comme aussi j’avois fait à son fils. Or ses subjects, qui par avant avoient eu opinion que je l’eusse tué, estansadvertis du bon traictement que je luy faisois, envoyèrent deux hommes qui s’acheminèrent le long de la rivière, et le vindrent visiter, et nous apportèrent quelques vivres. Ces deux hommes arrivez furent receuz de moy assez amiablement, et traictez selon les vivres que j’avois. Sur ces entrefaictes il abordoit de toutes parts force sauvages des régions circonvoisines, lesquels venoient pour veoir Outina, et taschoient par tous moyens à me persuader de le faire mourir, olfrans que si je le faisois, ils mettroient ordre que je n’aurois faute de vivres.

DE LA Floride. i55

Il y avoit encore un roy mien voisin, nommé Saturiona, homme fin et accort, et qui faisoit monstre d’estre bien expérimenté aux affaires. Ce roy m’envoyoit des messagers ordinairement pour me prier de luy bailler Outina ; et pour plus facilement me gaigner, il envoya par deux fois sept ou huict bottées de mil ou de gland, pensant par ce moyen m’amorcer et me faire entrer en composition avec luy. En la fin voyant toutesfois qu’il perdoit temps, il cessa de me visiter par embassade et vivres : et moy cependant je ne peus si bien proportionner le travail aux navires que nous bastissions pour retourner en France, avec le peu de vivres qui me restoient , qu’en la fin nous ne fussions contraincts d’endurer une extreme faim, qui nous dura tout le moys de may , car il ne se trouvoit en ceste arrière saison ne mil, ne febves , ny gland par les villages , d’autant qu’ils avoient tout employé aux semailles, si bien que nostre recours fut aux racines, que la pluspart des nostres faisoient piller dedans les mortiers que j’avois fait porter pour battre la poudre à canon, et les grains qui nous venoient d’ailleurs : les autres prenoient du bois d’esquine , le battoient et en faisoient de la farine, laquelle ils faisoient bouillir avec de l’eau, et la mangeoient: les autres alloient avec la barquebuse tascher d’arrester quelque oiseau. Mesme ceste misère fut si grande, qu’il s’en

i56 Histoire

rencontra im, lequel esplucha parmy les ordures de ma maison toutes les arrestes de poisson qu’il peut trouver, lesquelles ilfeit seiclier et mettre en poudie pour en faire du pain. Les effets de ceste famine liydeuse se manifestèrent incontinent en nous : car les os commencèrent incontinent à suyvre la peau de si près , qu’en plusieurs endroits ils la percèrent en la plus part des soldats, tellement que ce que plus je craignois estoit , que les Indiens ne s’eslevassent contre nous, d’autant qu’il eust esté fort malaisé de nous deffendre en si extreme défaillance de toutes nos forces, jointes au défaut de tons vivres, lesquels nous manquèrent tout à coup. Car mesme la rivière ne se trouvait si abondante en poisson comme de coustume, et semblait que la terre et l’eau combatist contre nous. Or ainsi comme nous estions sur les termes de desespoir, environ la fin du mois de may, et le commencement de juin, j’eu advertissement par quelques uns de mes Indiens voisins, qu’aux hauts païsàmont la rivière ily avoitdesja des mils nouveaux, et c’estoit le païs le plus advancé de tous, ce qui fut cause que j’entrepris d’y aller avec quelque nombre de mes hommes, et monté jusqu es à un lieu nommé Enecaque, là où je rencontray la sœur d’Outina en un village, là où elle nous fit fort bonne chère, et nous envoya du poisson. Nous trouvasmes la vérité de ce que l’on nous

DE LA Floride. 167

avoit dit : car desja les mils estoient bons , mais de ce bien il m’en advint un mal : car la pluspart de mes soldats furent malades pour en avoir mangé davantage que leur estomach desacoustré n’en eust peu cuire ; aussi avions nous esté desja l’espace de quatre jours, depuis nostre departement du fort, que nous n’avions mangé que de petits pinocqs, et quelque peu de poisson, que nous recouvrasmes des pescheurs, lequels nous rencontrions quelquefois le long de la rivière. Cela toutesfois fut si peu, que quelques soldats mangèrent à l’arriere des petits chiens qui avoient esté nouvellement chiennez. Le lendemain je délibéré d’aller en l’isle d’Edelano pour y surprendre le roy, lequel avoit fait tuer un de mes hommes, ain-^i que j’ay dit cy devant ; toutesfois luy, estant adverty de mon partemcnt du fort, et du chemin que je tenois sur la rivière, se douta que j’allois en deliberation de me venger du mauvais tour qu’il m’avoit fait; si bien qu’estant là arrivé, je trouvay les maisons vuides , car il s’estoit retiré un peu auparavant avec tout son peuple, et ne me fut aucunement possible d’empescher que mes soldats, fascbez d’avoir perdu l’un de leurs compagnons, ne missent le feu dans le village. Au party de là, je repassay par Enecaque, oii je recueillis le plus de mil qu’il me fut possible, lequel avec grande diligence je feis conduire au fort, pour secourir

Histoire

mes pauvres hommes, que j’avois laissez en grande nécessité. Eux doncques me voyans arriver de loin, accoururent sur le bord, auquel ils pensoient que je devois aborder : car la faim les pressoit de si près, qu’ils n’avoient loisir que l’on leur portast les vivres jusques au fort. Aussi le monstrèrent-ils assez, lorsque je fus arrivé, et que je leur eus fait distribuer le peu de mil que j’avois fait distribuer à un chacun, avant que de descendis de la barque : car ils le mangèrent sans l’escacher auparavant. Or me voyant en ceste extreme nécessité, je mettois peine de jour en jour de descouvrir quelques villages, ausquels il y eust des vivres. Et ainsi que je faisois mes voyages çà et là, il advint que deux de mes charpentiers furent tuez par les deux fils du roy Emola, et par un nommé G asti, ainsi qu’ils alloyent se promener au village nommé Athore. La cause de ce meurtre fut, pour autant qu’ils ne se peurent tenir en passant par les champs, qu’ils ne cueillassent un peu de mil, quoy faisans ils furent surpris, dont incontinent je fus adverty par un Indien, lequel un peu auparavant m’avoit apporté un présent de la part de Niacubacany, dame d’un village et voisine du fort. Cest advertissement donné, j’y envoyé mon sergent avec un nombre de soldats, lesquels n’y trouvèrent autre chose que les deux corps morts, lesquels ils feirent enterrer, et retour-

DE LA Floride. 169

nèrcnt sans faire autre exploict , pour autant que les habitans s’estoient retirez , craignans d estre chastiez pour un tel forfait.

Ainsi que ces choses se passoient, et que desja nous fussions bien avant au moys de May, il arriva deux subjects du roy Outina , ensemble un hermaphrodite, lesquels m’advertirent que desja les mils estoient meurs en la plus part de leim terroer. Ce qui fut cause qu’Outina me donna à entendre que là où je le voudrois remener chez soy, il mettroit si bon ordi-e que j’aurois des mils et des febves à foison ; mesme que la campagne, laquelle il avoit fait semer pour moy, me seroit reservée. Je mis ceste affaire en deliberation, et trouvay par l’advis de tous, que je luy devois accorder sa requeste , qu’il avoit moyen de nous secourir de vivres nécessaires pour nostre embarquement, et que pour ceste cause je le devois remener. Parquoy je feis incontinent equipper deux barques que je mené à Patica, lieu distant de son village de huict ou neuf lieues, auquel je ne trouvay personne ; car ils s’estoient retirez dedans les bois , et ne se vouloient montrer, encore que Outina se monstrast, dautant qu’ils pensoient que je serois contraint de le laisser. Or, voyant qu’il ne se presentoit personne, je fus contrainct bazarder l’un de mes hommes, qui avoit practiqué le pays, et auquel je baillé le petit garçon d’Outina, et luy

i6o Histoire

commanday d’aller en diligence au village d’Outina , par devers son beau-père et sa femme , les advenir que s’ils vouloient ravoir leur roy, ils eussent à m’apporter vivres sur le bord de la petite rivière, en laquelle je m’en allois. Là estant arrivé, chacun feit grandes caresses au petit enfant, et n’y avoit celuy qui ne se tint bien heureux de le toucher. Le beau-père et la femme entendans ceste nouvelle , s’acheminèrent incontinent vers nos barques, et apporloient du pain qu’ils donnèrent à mes soldats, m’entretindi’ent là par trois jours, et se meirent cependant en tout devoir de me surprendre, ce que je descouvris incontinent, et m’en sceus fort bien garder. Parquoy voyans qu’ils ne pouvoient exécuter leur entreprise, et qu’ils estoient desja descouverts, ils m’envoyèrent m’advertir qu’ils ne me pouvoient encore donner vivres, et que les grains n’estoient cncores meurs. Ainsi doncques je fus contraint retourner et remener Outina chez nous, là où j’eu assez de peine à le sauver de la fureur de mes soldats, lesquels, appercevans la meschanceté des Indiens, taschèrent à le massacrer. Aussi sembloit-il qu’ils fussent contens d’avoir l’enfant, et qu’ils n’eussent grand soucy du père. Or, l’esperance m’estant tombée de ce costé, je m’advisay d’envoyer mes hommes par les villages ausquels je pensois que le mil fust desja [meur;'mesme je

DE LA Floride. i6i

me transporté en plusieurs endroits, et poursuivy ceste entreprise jusques à quinze jours suivans, qu’Outina de rechef me pria de le mener en son yiilage,s’asseurant que ses suhjects ne feroient aucune diiïlculté de me bailler vivres; et que là où ils refuseroient il estoit content que je feisse de îuy ce que bon me sembleroit. J’entrepris ce voyage pour la seconde fois , avecques les deux barques équipées comme auparavant ; puis estant arrivé en la petite rivière, nous recognusmes les subjects d’iceluy, lesquels n’avoient fait faute de s’y trouver avec quelque pain , febves et poisson pour donner à mes soldats. Estans toutesfois retombez à leur première entreprise, ils espioyent tous les moyens de me surprendre, esperans avoir bien la raison de la prise de leur roy, s’ils gaignoient la victoire sur moy. Mais après qu’ils eurent veu le peu de moyen qu’ils avoient de m’endommager, ils revindrent aux prières, et meirent en avant, que si je leur voulois bailler leur roy avecques quelques miens soldats, ils les conduiroient au village, et que les subjects le voyant seroient plus affectionnez à bailler vivres, ce que toutesfois je ne leur voulus accorder (me doutant de leur finesse, laquelle n’estoit si cachée que l’on ne vist bien le jour au travers) , que premièrement ils ne m’eussent baillé deux hommes en ostage, à la charge que dans le lendemain ils apporteroient des vivres,

iG2 lïîSTOIÎlE

ce qu’ils accordèrent, et m’en baillèrent deux, que je meis à la chesne, de peur qu’ils ne se dérobassent, comme je sçavois bien qu’ils en estoient instruits. Quatre jours se passèrent en ces parlements , en la fin desquels ils me feirent entendre qu’ils ne pouvoient satisfaire en tout et partout à leur promesse : et que tout ce qu’ils pouvoient faire pour l’heure estoit de faire apporter une charge de mil par chacun subject. Au reste que r’envoyant en dix jours les deux ostages, ils le feroient. Ainsi que mon lieutenant estoit prest de partir, je l’adverty sur tout qu’il se gardas t de tomber en la main des Indiens, car je les cognoissois assez fins et accorts pour entreprendre et exécuter quelque chose à nostre desavantage. Il se partit doncques avec sa troupe , et arriva en la petite rivière , en laquelle nous avions accoustumé entrer , pour approcher de plus près le village d’Outina, distant de six lieues françoises. Là il descendit en terre , feit mettre ses hommes en bon équippage , et tira droit en la grande maison du roy : là où les principaux du païs se trouvèrent , lesquels feirent ajiporter assez grande quantité de vivres les uns après les autres , toutesfois faisans cependant escouler trois ou quatre jours, pendant lesquels ils amassèrent des hommes pour nous donner à dos à la retraicte. Ils s’aydèrent doncques de plusieurs moyens pour nous tenir tousjours en

DE LA Floride. i63

haleine. Car tantost ils demandoient leurs ostages, puis voyans que mon lieutenant ne leur vouloit accorder, tant qu’ils eussent porté les vivres jusques aux barques , selon ce qui avoit esté arresté entre nous , ils luy donnèrent à entendre que les femmes et les petits enfans s’estonnoient grandement de veoir leurs mesches allumées près les harquebuses : que pour ceste cause ils le supplioienttrès affectionnement de les faire estaindre, afin que plus aisément ils peussent fournir des gens pour porter les vivres : que de leur part ils laisseroient leurs arcs et leurs flesches , et se contenteroient de les faire porter par quelques valets. Aussi peu leur fut accordée ceste seconde requeste, comme la première : car il estoit facile de suborner leur dessein. Mais cependant que ces choses se menoient, Outina ne comparoissoit aucunement , ains se tenoit clos et couvert en une petite maison à part , là où quelques députez des miens l’alloient veoir, se plaignans de luy des longs delaiz de ses subjects. A quoy il respondit que ses subjects estoient tellement irritez, qu’il ne luy estoit aucunement possible de les tenir en telle obéissance comme il eust bien voulu ; qu’il ne les pouvoit garder de faire la guerre au seigneur d’Ottigny. Que mesme il se souvenoit qu’estant encore prisonnier, et passant par les villages de son obéissance , lorsque l’on l’amenoit pour recouvrer vivres,» il avoit veu

i64 Histoire

par les chemins les flesches plantées , an bout desquelles il y avoit des cheveux longs , signe certain de guerre dénoncée et ouverte , et lesquelles aussi le capitaine avoit portées jusques en son fort. Il dit davantage que, pour l’amitié qu’il portoit au capitaine , il advertissoit le lieutenant que ses suhjects avoient délibéré d’abattre les arbres et les faire cbeoir au travers la petite rivière O il estoient les barques , à celle fin de les tenir là subjectes pourtant qu’ils les combattroient à l’aise, et que cela advenant , il l’asseuroit de ne s’y trouver. Ce qui augmenta davantage le soupçon de guerre fut qu’il advint , ainsi que les députez alloient devers Outina , ils entendirent la voix de l’un de mes gens , lequel avoit tousjours esté parmy les Indiens pendant le voyage , et lequel ils n’avoient encore voulu rendre, jusques à ce qu’ils eussent retiré leurs ostages. Ce pauvre homme s’escrioit à haute voix , pour autant que deux Indiens le vouloient porter dans les bois pour luy couper la gorge , dont il fut secouru et délivré. Ces advertissemens bien entendus, et après en avoir meurement délibéré , le seigneur d’Ottigny arresta de se retirer le vingt septiesme juillet. Parquoy il feit mettre ses soldats en ordre, et leur bailla à chacun un sac plein de mil ; puis il s’achemina vers les barques , pensant prévenir l’entieprise des sauvages. Il y a au sortir du village

DE LA Floride. i65

une grande allée de trois à quatre cens pas , laquelle est recouverte de grands arbres des deux* costez. Mon lieutenant ordonna ses hommes en ceste allée , et les meit de la façon qu’ils avoient envie qu’ils marchassent : car il s’asseuroit bien que , s’il y avoit embuscade , elle seroit au sortm des arbres. Il feit doncques marcher un peu devant le seigneur d’Arlac , mon enseigne, avecques huict harquebusiers, pour descouvrir ; puis il commanda à l’un de mes sergens et corporaux de marcher par le dehors de l’allée , avecques quatre harquebusieurs , pendant qu’il conduisoit le reste par le meilleu. Or advint il ainsi qu’il avoit soupçonné : car le seigneur d’Arlac rencontra au bout de l’allée de deux à trois cens Indiens, lesquels les saluèrent d’une infinité de fleschades, et de telle furie qu’il estoit facile de veoir l’affection qu’ils avoient de nous charger. Toutesfois ils furent si bien soutenuz en la première charge que leur donna mon enseigne , que ceux qui tombèrent morts feirent un peu refraischir la cholère des survivans. Cela faict,mon lieutenant feit gaigner et haster le pas pour gaigner païs en telle ordre comme j’ay desja dit. Puis ayant marché environ quatre cens pas, il fut rechai’gé d’une nouvelle troupe de sauvages , lesquels estoient au nombre de trois cens, et lesquels les assaillirent en front , ce pendant que le reste des premiers luy

i66 Histoire

donnoient sur la queue. Ce second assaut fut tellement soustenu , que je puis dire que le seigneur d’Ottigny y feit un aussi grand devoir qu’il est possible à homme de bien de faire. Aussi leur estoit il besoin ; car il avoit des hommes en teste , lesquels sceurent bien combatre et bien obéir au chef qui leur commandoit , et lesquels en ce combat se sceurent si bien maintenir, que si Ottigny n’y eust remédié , il estoit en danger d’estre deffait. Leur façon de combattre estoit que quand deux cens avoient tiré ils se retiroient et faisoient places aux autres qui estoient derrière , et avoient ce pendant l’œil et le pied si prompts qu’aussi tost qu’ils voyoient coucher l’harquebuse en joue, aussi tost estoient ils en terre , et aussi tost relevez poim respondre de l’arc, et se destourner, si d’avanture ils sentoient que l’on voulust venir aux prises : car il n’y a rien que plus ils craignent, à cause des dagues et des espées. Ce combat demeura et dura depuis neuf heures du matin, jusques à ce que la nuict les sépara. Et n’eust esté qu’Ottigny s’advisa de faire rompre les flesches qu’ils trouvoient par le chemin , et aussi d’oster moyen aux sauvages de recommencer , il n’y a point de doute qu’il n’eust eu beaucoup affaire : car les flesches leur faillirent et furent contraincts de se retirer. Ce pendant qu’ils combatoient , ils crioient et faisoient entendre qu’ils estoient amys du capitaine

DE LA Floride. 167

et du lieutenant : et que ce qu’ils combatoient n’estoit que pour se venger des soldats qui leur estoient ennemis mortels. Mon lieutenant estant arrivé aux barques feit faire la reveue , et trouva faute de deux hommes qui avoient esté tuez , l’im desquels estoit nommé Jacques Salé , et l’autre se nommoit le Mesureur. Il en trouva vingt-deux de navrez, lesquels il avoit fait conduire à grand peine jusques aux barques. Tout ce qu’il trouva de mil ne monta qu’à la charge de deux hommes, qu’il feit départir egalement : car alors que le combat avoit commencé , chacun avoit esté contrainct de laisser son sac pour mettre la main à l’œuvre. Ce temps pendant j’estois au fort, et tenois la main à ce qu’un chacun travaillast , espérant que mon lieutenant apporterait des vivres. Toutesfois voyant que le temps passait, je commencé à soupçonner la vérité de ce qui estoit advenu, dont je fus incontinent après acertené à leur retour. Me voyant doneques ûiistré de ce costé , je feis prier Dieu, et le remercier de la grâce qu’il avoit faicte à mes pauvres soldats eschappez : puis j’advisay nouveaux moyens pour recouvrer vivres, tant pour nostre passage en France , que pour couler le temps jusques à l’embarquement. Je fus adverty par quelques uns de la troupe, lesquels alloient ordinairement à la chasse par les bois et par les villages , qu’au vil-

i68 Histoire

lage Saranai , situé de l’autre costé de la rivière , et distant de deux lieues du fort , et qu’au village Emoloa, il y avoit des pleines esquelles le mil estoit fort advancé , et qu’il y en avoit en grande foison. Parquoy je feis equipper mes bai’ques, et y envoyé mon sergent avec quelques soldats , lesquels firent si bonne diligence , que nous eusmes du mil en quantité. J 'envoyé aussi vers la rivière que les sauvages nommoient Iracana , nommée par le capitaine Ribaut la rivière de Somme, là où le capitaine Vasseur et mon sergent arrivèrent avec deux barques et l’equipage accoustumé, et y trouvèrent une grande assemblée des seigneurs du païs , entre lesquels estoient Atbore , fils de Satouriona, Apalou et Tacadocorou , lesquels s’estoient là assemblez pour leur resjouyr , pour ce qu’en ce lieu sont les plus belles filles et femmes du païs. Le capitaine Vasseur feit présent de ma part à tous ces seigneurs , à la royne , aux filles et femmes du village , de quelques petites hardes. Ce qui fut cause que les barques furent incontinent chargées de mil , après qu’ils eurent fait la meilleure chère dont ils se peurent adviser. La royne m’envoya deux pièces de nattes aussi artificiellement faites , qu’il n’est possible de faire mieux. Or nous voyans par ce moyen assez garnis de vivres, nous comrnençasmes tous, chacun en son endroit, de travailler et faire diligence ,

telle que le désir de voir nostre pais naturel nous pouvoit commander. Mais pour autant que deux, de nos charpentiers avoient esté tuez par les Indiens (comme j’ay dit cy-devant) Jean de Hais, maistre charpentier , homme fort digne de son estât , se retira chez moy , et me feit entendre qu’à cause du défaut des hommes il ne me pouvoit pas rendre le navire parfait au temps qu’il avoit promis : ce qui mutina tellement les soldats que peu s’en fallut qu’il ne fust tué : toutesfois je les appaisé le moins mal qu’il me fut possible , et advisay deslors de ne faire plus besongner à la navire , ains nous contenter de retrasser le brigantin que j’avois. Ainsi nous commençasmes à ruiner toutes les maisons qui estoient hors le fort, et feismes faire du charbon du bois qui en sortoit : mesmes les soldats abbatirent la palissade qui estoit du costé de l’eau, et ne me fut oncques possible de les engarder : aussi avoy-je délibéré de ruiner le fort avant que partir , et y mettre le feu , de peur que quelque nouveau venu ne s’en prevalust. Ce pendant il n’y avoit celuy de nous qui n’eust un extresme regret d’abandonner un païs auquel nous avions enduré tant de travaux et nécessitez pour descouvrir ce que , par la propre faute des nostres, il falloit laisser. Car si en temps et en lieu , et selon la promesse que l’on nous avoit faite , nous eussions esté secourus , la guerre

170 Histoire

qui fut entre nous et Outina ne fust advenue, et n’eussions eu occasion de mal contenter les Indiens, lesquels j’avois avec toutes les peines du monde entretenu en bonne amitié , tant par marchandises et habillemens , que par promesses de plus grandes choses, et avec lesquels je m’estois tellement comporté, qu’encore que j’eusse esté quelquefois contraint de prendi’e des vivres en quelques villages, si n’avoy-je perdu l’alliance de huict roys et seigneurs mes voisins , lesquels m’ont tousjours secouru de tout ce qui leur a esté possible. Aussi estoit-ce le principal but de tous mes desseins, que de les gaigner , et entretenir, sçachant comljien leur amitié importoit à nostre entreprise , et principalement ce pendant que je descouvrois les commoditez du païs, et que je taschois de m’y faire fort. Je laisse à penser combien il nous touchoit au cœur de nous esloigner d’un lieu abondant en richesses (comme bien nous en estions advertis), pour auquel parvenir et faire service à nostre prince , nous avions laissé nostre propre païs , femmes , enfans , parens et amys , et avions passé par dessus les j)erils de la mer , et estions là arrivez comme en un comble de tout souhait.

Ainsi qu’un chacun de nous rongeoitses esprits en tels ou semblables discours, je descouvray , le troisiesme jour d’Aoust, quatre voiles en mer,

DE LA Floride. 171

ainsi que je me promenois sim une petite montaignette , dont je fus grandement resjouy. J’envoiay incontinent l’im de ceux qui estoient avec moy pour en advertir ceux du fort , lesquels en furent tellement resjouis , qu’à les veoir rire et sauter, l’on eust jugé qu’ils eussent esté hors de leur entendement. Après que ces navires eurent mouillé l’ancre, nous descouvrismes comme ils envoyoient l’une de leurs barques en terre , veu laquelle je feis armer en diligence l’une des miennes pour envoyer au devant et sçavoir quelles gens c’estoient. Cependant , croignant que ce ne fussent Espagnols, je feis mettre mes soldats en ordre et tenir prests, attendant le capitaine Vasseur et mon lieutenant, qui estoient allez au devant, lesquels me rapportèrent que c’estoient Anglois , et , de faict , ils amenèrent avec eux un nommé Martin Atinas Diepois , qui pour lors estoit en leur service, lequel, au nom de maistre Jean Hawkins, general, me vint prier que je luy vousisse permettre qu’ils; prinssent des eaux, dont ils avoient grande nécessité , me faisant entendre qu’il y avoit plus de quinze jours qu’ils estoient le long de la eoste pour tascher d’en recouvrer. Il m’apporta de la part du general deux flacons de vin, avec du pain de froment, ce qui me resjouit d’autant, qu’il y avait sept mois que je n’en avois beu ; le tout toutesfois fut departy à la pluspart de mes soldats.

172 Histoire

Ce Martin Atinas avoit amené les Anglois en nostre coste , laquelle il cognoissoit , car, dès l’an 1662 , il y estoit venu avec moy , et, poui' ceste cause, le general l’avoit envoyé vers moy. Après doncques que je luy eus accordé sa demande, il la feit entendre au general, lequel, dès le lendemain, feit entrer l’une de ses petites navires en la riviere et me vint trouver dedans une grande barque, accompagné de gens honorablement vestus , toutesfois sans armes. Il feit apporter grande quantité de pain et de vin pour en donner à un chacun ; de ma part, je luy feis la meilleure chère qu’il me fut possible , et feis tuer quelques moutons et poulailles , lesquels, jusques à ceste heure là , j’avois soigneusement gardées , espérant en peupler la terre. Car, pour toutes les nécessitez de maladies qui m’advindrent, je n’avois voulu qu’il fust tué un seul poulet , ce qui avoit esté cause qu’en peu de temps j’en avois amassé plus de cent chefs. Or cependant que le general anglois estoit avecques moy, trois jours se passèrent , pendant lesquels les Indiens abordoient de tous costez pour le veoir, et me demandoient s’il n’estoit pas mon frere ; ce que je leur accordois, et leur donnois à entendre qu’il m’estoit venu veoir et secourir avec si grande quantité de vivres , que de là en avant je me pourrois passer de prendre aucune chose sur eux. Le bruit en fut incontinent espandu

DE LA Floride. 173

par toute la terre , si bien que les ambassadeurs m’abordoient de tous costez , lesquels , au nom des roys leurs maistres , demandoient à contracter alliance avec moy; et ceux mesmes qui, auparavant , avoient envie me faire la guerre , se vindrent déclarer mes amys et serviteurs , à quoy je les receuz, et les gratifié de quelques presens. Le general eogniit incontinent l’envie et la nécessité que j’avois de retourner en France, ce qui fut cause qu’il m’offroit de me passer, ensemble toute ma troupe, à quoy toutesfoisje ne voulus accorder, estant en doute par quelle raison il s’offi’it si libéralement ; car je ne sçavois en quel estât estoient les affaires des François avec les Anglois, et encore qu’il me promist sur sa foy de me descendre en France avant que d’approcher d’Angleterre , si est ce que je craignois qu’il ne voulust attenter quelque chose en la Floride au nom de sa maistresse. Par quoy je le refusay tout à plat, dont il s’esleva un fort grand murmure entre mes soldats , lesquels disoient que j’avois envie de les faire tous mourir, et que le brigantin dont j’ai parlé cy-dessus n’estoit suffisant de les passer, entendu la saison en laquelle nous estions. Le bruit et murmure s’augmenta davantage, car, après que le general fut retourné en ses vaisseaux , il proposa à quelques gentils-hommes et soldats qui l’alloient veoir, en partie pour faire bonne chère

174 Histoire

avec luy , il leur remonstra , dy-je , qu’il doutoit fort qu’à peine ferions-nous nostre passage seurement dedans les vaisseaux que nous avions , et que là où nous l’entreprendiions , il n’y avoit point de doute que nous serions en grand hazard ; toutefois, que si je voulois, il en passeroit partie dedans les siens , et qu’il me laisserait une petite navire pour passer l’autre. Les soldats ne furent pas si tost venus , qu’il feirent entendre l’offre à leurs compagnons, lesquels incontinent complotèrent ensemble que là où je ne le voudrais accepter, ils s’embarqueroient avecques luy et me laisseraient, pourveu qu’il les voulust recevoir comme il avoit promis. Ils s’assemblèrent donc tous ensemble et me vindi’ent trouver en ma chambre , me feirent entendre leur dessein , auquel je promis respondre dedans une heure après ; pendant laquelle j’amasse les principaux membres de ma compagnée, lesquels, après leur en avoir communiqué, me respondirent tous d’une voix que je ne devois refuser ceste offre , et contemner l’occasion qui se presentoit, mesme que l’on ne pourroit trouver mauvais en France si, estans délaissez nous comme nous estions, nous nous serions aydez des moyens que Dieu nous aurait envoyez. Après plusieurs propos discouruz sur ceste entreprise , j’advisay à la fin qu’il lui faudrait bailler gages du navire qu’il laisseroit , et que de ma part

DE LA Floride. 176

j’estois content lui bailler la meilleure de mes hardes et le peu d’argent qii’avois amassé parla terre. Surquoy , toutesfois , il fut advisé que je garderois l’argent , de peur que la royne d’Angleterre le voyant ne s’encourageast davantage prendre pied en icelle, comme des] a elle avoit envie ; qu’il valoit beaucoup mieux l’apporter en France, afin de donner courage à nos princes de laisser une entreprise si importante pour nostre republique, et que , puisque nous estions resoluz de partir, il valloit bien mieux bailler nostre artillerie , laquelle nous serions contraints autrement laisser, ou la cacher en terre , à cause de la foiblesse de nos hommes , insuffisants pour l’embarquer. Cela estant ainsi arresté et résolu, je m’en allé devers le general anglois , accompagné de mon lieutenant, du capitaine Vasseur, du capitaine Verdier, du pilote Trenchant et de mon sergent, tous gens expérimentez en tels affaires , et cognoissans suffisamment pour accoustrer un tel traicté. Nous visitasmes doneques le navire que le general vouloit vendi’e, lequel nous tirasmes à telle raison, que mesme il en creut ce qu’en adviseroient mes hommes, lesquels le jugèrent à la valeur de sept cens escuz , dont nous accordasmes amiablement. Parquoy je luy delivray en gage de la somme deux bastardes, deux moyennes, un millier de fer et un millier de poudre. Ce marché ainsi faict, il

17Ô Histoire

considéra la nécessité en laquelle nous estions, n’ayans pour toute nourriture que du mil et de l’eau, dont esmeu de pitié , il s’offrit de m’ayder de vingt bariques de farine , six pipes de febves , un poinson de sel et un quintal de cyre pour faire de la cbandelle. Or, pour autant qu’il voyoit mes soldats pieds nus , il m’offrit davantage cinquante paires de soulliers, ce que j’accepté et accordé de prix avec luy, dont je luy baillé cedulle , de laquelle je luy suis encore redevable, llfeit davantage, car, particulièrement , il me feit présent d’une grande jare d’huile, d’une jane de vinaigre, d’un baril d’olives , d’une assez grande quantité de ris et d’un baril de biscuit blanc. Il feit aussi plusieurs presens aux principaux officiers de ma compagnée, selon leurs qualitez, tellement que je puis dire que nous receusmes autant de courtoisies du general qu’il est possible d’en recevoir d’homme vivant. En quoy certes il s’est acquis la réputation d’un homme de bien et secourable, méritant d’estre recognu de nous tous autant comme s’il nous avoit donné la vie.

Incontinent qu’il fut party , je me mis en toute peine de diligenter mes hommes à faire les biscuits des farines qu’il m’avoit laissées, et à faire rellier mes futailles pour mettre les eaux nécessaires pour le voyage. On peut penser quelle diligence nous fismes , à cause de la grande affection

DE LA Floride. 177

que nous avions de partir, en laquelle nous continuasmes si bien, que le quinziesme jour d’aoust les biscuits , la plupart de nos eaux , et tout le bagage des soldats fut embai’qué ; tellement que de là en avant nous n’attendions que les vents commodes pour nous chasser en F rance ; lesquels nous eussent mis hors d’une infinité de maux que nous endurasmes après, s’ils fussent survenus comme nous les desirions ; mais ce n’estoit pas le bon plaisir de Dieu , ainsi que nous verrons cj après.

Estans ainsi prests de faire voille, nous advisasmes qu’il seroit bon de mener quelques Indiens et Indiennes en France, afin que si de rechef ce voyage s’entreprenoit, ils poussent raconter à leurs Roys la grandeur de nostre Roy, l’excellence de noz Princes , la bonté de nostre païs , et la façon de vivre des François; afin aussi qu’ils poussent apprendre nostre langage , pour nous en ayder après. A quoy je mis si bon ordi’e, que j’avois moyen d’en emmener des plus beaux de toute la terre , si nos desseins eussent succédé ainsi comme je le pensois. Ce pendant les Roys mes voisins me venoient souventes fois veoir et visiter , lesquels, après avoir entendu que je m’en voulois revenir en France, me demandoient si je ne deliberois pas de retourner, et si ce ne seroit pas en brief. Je leur donnois à entendre qu’en dix

178 Histoire de la Floride.

lunes (ainsi nommoient-ils leurs mois) je les reviendrois veoir avec telle puissance que j’y suffirois pour les rendre victorieux de tous leurs ennemis. Hs me prièrent que je leur laissasse ma maison , que je défendisse à mes soldats la démolition du fort et de leurs maisons , et que je leur laissasse une barque pour faire la guerre à leurs ennemis. Ce que je faisois semblant de leur accorder, à ceste fin que je demeurasse tousjours leur amy jusqu’à mon dernier partement.