LE TROISIESME VOYAGE

DES FRANÇOIS EN LA FLORIDE

Fait par le capitaine Jean Ribaut en Van i565.

omme j’estois en ces propos , le vent et la marée se trouvèrent propres pour faire voiles, qui fut le vingthuictiesme jour du mois d’aoust, auquel le capitaine Vasseur , qui commandoit à l’un de mes navires, et le capitaine Verdier, qui commandoit à l’autre , jà prests de sortir, commencèrent à descouvrir des voiles en la mer, dont ils m’advertirent en diligence ; sur quoy j’ordonnay de bien armer une barque pour aller descouvrir et recognoistre quelles gens c’estoient. J’envoiay aux sentinelles que je faisois tenir sur la petite montagne , à fin de monter quelques hommes sur les plus hauts arbres pour les mieux descouvrir. Ils apperceurent la grande barque des navires encore incogneues, laquelle, à ce que l’on pouvoit juger, sembloit donner la chasse à la mienne, qui estoit desja passée la baire hors

i8o Histoire

l’emtoucliure de la rivière ; de sorte qu’il nous estoit impossible de juger si c’estoient ennemys qui la vousissent mener avec eux ; car aussi la veuë estoit un peu trop longue pour en juger à la vérité. Sur ce doute je feis mettre mes gens en ordre et en tel équipage comme si ce fussent esté ennemis; et de fait j’avois grande occasion de m’en deffier , car ma barque estoit arrivée à leur navire sur les deux heures après midy , et ne m’avoient envoyé aucunes nouvelles de tout le jour pour m’assurer quelles gens c’estoient. Le lendemain matin, environ les huict ou neuf heures , je veis entrer dedans la rivière environ sept barques (entre lesquelles la mienne estoit) chargées de soldats, tous ayans la barquebuze et le morion en teste , lesquelles marcboient toutes en bataille le long des cousteaux, où estoient mes centinelles, ausquelles ils ne voulurent donner aucune responce , nonobstant toutes les demandes que l’on leur feit; tellement que l’un de mes soldats fut contraint leur tirer une harquebuzade , sans toutesfois qu’il les assenast , à raison de la distance qui estoit entre lui et les barques. Ce rapport m’estant fait, je departy le quartier à un chacun de mes hommes , en bonne deliberation de nous deffendre , si ce fussent esté ennemis , ainsi qu’à la vérité nous pensions ; mesmes je feis dresser les deux petites pièces de campaigne qui m’estoient

DE LA Floride. i8i

restées , de telle façon que si en approchant du fort ils n’eussent crié que c’estoit le capitaine Ribaut, je n’eusse failly à leur faire tirer la voilée. J’ay depuis entendu que la cause pour laquelle ils estoient entrez en telle manière, venoit des rapports qui avoient esté faits à Monsieur l’admirai, par ceux qui estoient retournez en France, dedans les premières navires. Car ils lui avoient donné à entendre que je faisois du grand et du Roy, et qu’à grand peine voudrois-je endurer qu’un autre y entrast que moy pour commander. Voilà donc comment le plus souvent la bonne renommée des plus gens de bien est assaillie par ceux, lesquels n’ayans les moyens de se faire paroistre par œuvres vertueuses et louables, pensent, en diminuant la vertu des autres , augmenter la force debile de leur lasche courage , qui est toutesfois l’un des plus remarquables dangers qui puissent advenir en la republique , et principalement entre gens de guerre qui commandent. Car il est bien difficile , voire du tout impossible , qu’en commandant à une troupe d’hommes ramassez de divers endroits et diverses nations , et nommément tels que nous les cognoissons à nos guerres , il est impossible , dy-je , qu’il n’y en ait tousjours de mal complexionnez et difficiles à manier, lesquels conçoivent aysement une hayne contre celuy qui , par remontrances et corrections légères , s’essayent

i82 Histoire

à les ramener à la discipline militaire. Car ils ne taschent que pour peu d’occasion fondée sur un leger pretexte, à faire sonner aux oreilles des grands seigneurs , ce que malheureusement ils ont controuvé contre ceux , la justice desquels leur est odieuse. Et encore que je ne me vueille mettre au rang des grands et renommez capitaines tels que furent ceux du temps passé, si est-ce que nous pouvons jugerpar leurs exemples, combien les faux rapporteurs ont esté dommageables aux republiques. J’enauray seulement Alcibiades pour tesmoing, en la republique des Athéniens, lequel par ce moyen fut exilé, dont ses citoiens endurèrent une infinité de maux : tant qu’en la parfin ils furent contraints de le rappeller, et cognoistre alors la faute qu’ils avoientfaite en oubliantses services, et croyansplustost un faux rapport que d*avoir en esgard à tant et tant de beaux exploits qu’il avoit faicts auparavant.

Mais afin que je ne me perde en ceste mienne justification, je reprendray mon premier cours. Estant doncques fait certain que c’estoit le capitaine Ribaut , je sorty du fort pour aller au devant de luy , et luy faire tous les honneurs qu’il me fut possible. Je le feis saluer par l’artillerie et par une gentille sclopeterie de mes harquebusiers, à laquelle il respondit de la sienne. Puis estant descendu en terre et receu honorablement et avec joye, je le mené en mon logis, me resjouissant

DE LA Floride. i83

au possible de ce qu’en ceste troupe je recognoissois un bon nombre de mes amis, lesquels je traicté au moins mal qu’il me fut possible, des vivres que je peus recouvrir au pais , et du peu qui m’estoit resté , avec ce que j’avois eu du general Anglois. Toutesfois je m’esmerveillay lorsque tous d’une voix commencèrent à me dire tels ou semblables propos : Mon capitaine, nous louons Dieu de ce que nous vous avons trouvé en vie , et principalement de ce que nous cognoissons que les rapports qui ont esté faicts de vous sont faux. Ces paroles m’esmeurent tellement, que je voulu dès l’heure en sçavoir davantage , me doutant de quelque malheur. Par quoy ayant accosté le capitaine Jean Ribaut, et nous estans ensembles tirez à part , hors la forteresse , il me communiqua la charge qu’il avoit , il me pria de ne retourner en France , de demeurer avec luy, moy et ma compagnie , et qu’il s’asscuroit le faire trouver bon. Surquoy je feis responce que hors ce lieu je luy ferois tout service, que pour l’heure je ne pouvois et ne de vois accepter ceste offre , d’autant qu’il n’estoit venu que pour tenir le lieu que je tenois : que je n’avois point d’honneur d’y estre commandé : que jamais mes amis ne le trouveroient bon , et qu’à grand peine me le conseilleroit-il , si en conscience je luy en demandois son advis. Il me feit responce qu’il ne me com-

i84 Histoire

manderoit point , que nous serions compagnons , et qu’à un besoin , qu’il bastiroit uue auti’e forteresse, et qu’il me laisseroit la mienne. Ce nonobstant je luy feis assez cognoistre que je ne pourrois recevoir plus grande joye que la nouvelle qu’il m’apportoit pour m’en retourner en France. Davantage, qu’encore que j’y demeurasse, si faudroit-il que l’un de nous deux commandast en tiltre de lieutenant de roy, que cela ne se pourroit pas bien accorder : que j’aymerois mieux qu’il me feit reproche estre le plus pauvre homme du monde, que d’estre commandé en un lieu auquel j’aurois tant enduré pour m’y pieter , si ce n’estoit que ce fust un grand seigneur ou chevalier de l’ordre : et que pour ces causes je le priois bien fort de me bailler les lettres que m’escrivoit Monseigneur l’Admiral , ce qu’il feit : le contenu d’icelles estoit tel :

« Capitaine Laudonnière , parce qu’aucuns de » ceux qui sont revenuz de la Floride parlent » indifféremment de la terre, le Roy desire vostj’e )) venue, afin que selon vostre effect, il se resoude » d’y faire une grande despense , ou du tout la » laisser : etpourcej’envoye le capitaine Jean Ri- » haut, pour y commander, auquel vous délivrerez )) tout ce qu’avez en charge , et l’instruirez de » tout ce que pourrez avoir descouvert. » Et en un apostille de la lettre y a voit : « Ne pensez

DE LA Floride. i85

)) point que ce que je vous envoyé quérir soit » pour mal contentement et mefiement que j’aye » de vous, mais c’est pour vostre bien et honnem', )) et vous assure que toute ma vie vous aurez un » bon maistre en moy. Cbastillon. »

Or après avoir longuement devisé avecques le capitaine Ribaut, le capitaine la Grange m’accosta, et m’advertit d’une infinité de faux rapports que l’on avoit faicts à mon desavantage : et entre autres choses il m’advertit que Monsieur l’Admiral avoit trouvé fort mauvais de ce que j’avois mené une femme avec moy : mesme de ce qu’on lui avoit dit que je voulois contrefaire le Roy , et faire du grand : que j’estoys trop rigoureux aux hommes qui estoient venuz avec moy : que je voulois par autre moyen que celuy de Monsieur l’Admiral estre advancé, et que j’avois escrit à plusieurs seigneurs de la cour , ce que je ne devois faire. A quoy je respondy, que la femme estoit une pauvre chambrière , que j’avois prise à une hostellerie , pour avoir soin de mon mesnage, pour gouverner une infinité de divers animaux , comme les brebis et la poullaille que je faisois conduire pour en peupler la terre ; que ce n’eust esté chose raisonnable de faire faire ce mesnage par un homme : mesme que considérant la longueur du temps que j’avois à y estre , il me gembloit que ce ne seroit offenser personne, si

i86 Histoire

je prenois une femme , tant pour survenir aux maladies de mes soldats , qu’aux miennes , ausquelles depuis je tombay. Et peu appercevoir alors combien son service nous estoit necessaire, qu’elle avoit esté tellement estimée d’un chacun de mes hommes , qu’en mesme temps ils se trouvèrent six ou sept, lesquels me la demandèrent en mariage ( comme aussi à la vérité l’un d’entr’eux l’a eue depuis nostre retour) que quand à ce que l’on disoit que je faisois le Roy, ces rapports a voient esté faits , pour autant que je ne voulois souffrir aucune chose qui fust contre le devoir de ma charge et le service du Roy. Davantage qu’il est nécessaire en telles entreprises se faire recognoistre et obéir suivant sa charge , de peur que chacun ne vueille estre maistre , se sentant esloigné de plus grandes forces. Que si les rapporteurs avoient appellé cela rigueur, ceste chose venoit plustost de leur désobéissance que de ma nature , moins subjecte à estre rigoureuse, qu’ils n’estoient à estre rebelles. Au reste que je n’avois escrit à aucun des seigneurs de la cour, sinon par le conseil et commandement de Monsieur l’Admiral, lequel, à mon partement, m’a dit que je feisse part des choses que je trouverois en la terre, aux seigneurs qui sont du conseil , à celle fin qu’estans esmeuz par ce moyen, ils moyennassent envers la Royne l’entretenement de ceste entreprise :

DE LA Floride. 187

qu’ayant esté si peu de temps en la terre, tousjours empesché à bastir forteresses , et faire descharger mes navires, je n’avois sceu recouvrer aucunes nouvelletez : dont je n’avois advisé ce pendant les contenter de lettres, jusques à ce que j’eusse plus long temps pratiqué le pays , et eusse recouvert quelque chose pour leur envoyer : la distribution desquelles je n’entendois remettre qu’au bon plaisir de Monsieur l’Admiral. Que si le porteur s’estoit oublié jusques là que d’avoir voulu rompre la couverture des lettres , et les présenter luy mesme souz espoir de quelque gain, ce n’avoit esté de mon commandement : et que je n’ay jamais tant révéré seigneur, et faict plus volontaire et fidelle service qu’à Monseigneur l’Admiral, ne prétendu jamais parvenir que par son moyen. Voilà comment les choses se passèrent pour ce jour. Le lendemain les Indiens arrivèrent de toutes parts, pour scavoir quelles gens c’estoient, ausquels je feis entendre que c’estoit celuy , lequel dès l’année mil cinq cens soixante-et-deux estoit arrivé en ceste conti’ée et avoit faict planter la borne qui estoit à l’entree de la rivière. Aucuns d’eux le recogneurent : car aussi estoit-il assez remarquable , à cause de la grand barbe qu’il portoit. Il receut plusieurs presens de ceux des prochains villages : entre lesquels il en recogneut encores quelques uns. Les Roys Omoloa, Saranay, Alicamany, Malica et

i88 Histoire

Casti , le vindrent visiter et recognoistre de plusieurs presens à leur mode. Je leur feis entendre qu’il estoit là envoyé par le Roy de France , pour y demeurer en mon lieu, et que j’estois mandé. Alors ils luy demandèrent et prièrent que si c’estoit son plaisir de leur faire délivrer des marchandises qu’il avoit fait amener, qu’en peu de jours ils le meneroient aux montagnes du Palacy ; là où ils luy failleroient de promesse , qu’ils estoient contens d’être taillez en pièces. Là, comme ils disoient, se trouvoit du cuivre rouge , qu’ils nomment en leur langage sieroa pira , qui est autant à dire comme metail rouge : dont j’avois quelque pièce, qu’à l’heure je monstray au capitaine Rihaut, lequel eu feit faire un essay par son orfèvre , lequel lui raporta que c’estoit vray or. Pendant ces parlements , allées et venues des Roys du pays , estans atténué du travail precedent , melencholié de faux rapports que l’on avoit faicts de moy, je tomhay en une grosse fièvre continue , laquelle me dura hùict ou neuf jours , pendant lesquels le capitaine Rihaut feit descharger ses vivres , et en logea la pluspart en la maison que mon lieutenant avoit fait faire environ deux cens pas hors du fort , ce qu’il feit, afin qu’elles fussent mieux à couvert, et à fin aussi que les farines fussent plus près de la boulengerie, laquelle j’avois fait là bastir exprès , afin d’eviter aux inconvéniens du feu , comme j’ay

DE LA Floride. 189

desja dit. Mais voicy comme Lien souvent le malheur nous cerche et nous suit , lorsque nous pensions estre en repos , voicy ce qui advint après que le capitaine Ribaut eut fait entrer trois de ses petits navires dedans la rivière, quifutlequatriesme septembre , six grandes navires espagnoles arrivèrent en la rade , là où les quatre plus grandes des nostres estoient demeurées , lesquelles mouillèrent l’ancre , en asseurant nos hommes de bonne amitié , ils demandèrent comme se portoient tous les chefs de ceste entreprise, et les nommèrent tous par noms et surnoms. Je laisse à penser si avant qu’ils partissent d’Espagne, il ne falloit pas qu’ils eussent esté advertis de l’entreprise , et de ceux qui la vouloient et dévoient exécuter. Environ le poinct du jour ils commencèrent à lascher sur les nostres : mais nos hommes qui ne se fioient pas beaucoup en eux , avoient dès la nuict mis les voiles hautes , toutes prestes à cropper. Parquoy cognoissans que ceste lasche d’Espagnols n’estoit pour leur bien faire , et sçachans bien que leur équipage estoit trop petit pour leur faire teste , à raison que la pluspart de leurs gens estoient en terre , ils ferrèrent leur cable , abandonnèrent leur ancre et se meirent à la voille. Les Espagnols se voyans descouverts leur lâchèrent quelques volées de canons , se meirent à la voile après eux , et les pourchassèrent tout le jour :

iQo Histoire

mais nos gens gaignoient tousjours vers la mer : et les Espagnols voyans qu’ils ne les pouvoient prendre à cause que les navires françoises estoient meilleures de voiles que les leurs , et aussi à raison qu’ils ne se vouloient point despouiller de la coste, ils se retirèrent et allèrent terrir en la rivière Seloy, que nous nommons la rivière des Daulphins , distante de huict à dix lieues du lieu ou nous estions. Nos gens doncques se sentans forts de voiles , les suivirent pour descouvrir ce qu’ils feroient : ce qu’ayans fait, ils revindrent en la rivière de May, là où le capitaine Ribaut les ayans descouverts, s’embarqua en une grande bai’que pour aller sçavoir de leurs nouvelles. Estant à l’entrée de la rivière , il rencontra la barque de la navire du capitaine Cousette , où il y avoit un bon nombre d’hommes, lesquels luy feirent récit de ce qu’avoient fait les Espagnols : et comment la grande navire nonunée la Trinité avoit tenu la mer, et qu’elle n’estoit point retournée avec eux. Davantage ils luy contèrent comme ils avoient veu trois navires espagnoles entrer en la rivière des Dauphins , et que les trois autres estoient demeurées en rade : mesme qu’ils avoient fait descendre leur infanterie, leurs vivres et munitions. Ayant entendu ces nouvelles il revint vers la forteresse, me vint trouver en ma chambre où j’estois malade , et là où en la presence des capi-

DE LA FLOillDE. IQl

taines La Grange, Saincte-Marie, Ottigny, Visty, Yonville et autres gentils-hommes, il proposa qu’il estoit necessaire pour le service du Roy de s’embarquer avec toutes les forces , et aller avec les trois navires qui estoient en la rade trouver les navires espagnoles , surquoy il nous demanda advis. Je pris la parole le premier, et luy remonstray la conséquence d’une telle entreprise, l’advertissant entre autres choses des périlleux coups de vents qui surviennent en ceste coste : et que là oii il adviendroit qu’il la despouillast , il luy seroit mal aisé de la pouvoir reprendre , que ce temps pendant ceux qui demoureroient au fort, seroient en peine et en danger. Les capitaines Saincte-Marie et La Grange luy en remonstrèrent encores davantage , qu’ils n’estoient point d’avis que telle entreprise se feist , qu’il estoit beaucoup meilleur garder la terre, et faire diligence de se fortifier : et que lorsque la Trinité (qui estoit le principal des vaisseaux) seroit revenue, il y aurait beaucoup plus grande apparence d’entreprendre ce voyage : ce nonobstant il résolut de le faire, et ce encore davantage , lorsqu’il entendit par le Roy Emola, l’un de nos voisins , lequel arriva sur ces entrefaites , que les Espagnols estoient descendus en grand nombre ; lesquels s’estoient saisis des maisons de Celoi , aux plus grandes desquelles ils avoient mis les nègres qu’ils avoient amenez pour

192 Histoire

le travail, et s’estoient logez, à l’entour desquels ils avoient fait plusieurs tranchées. Ainsi pour les considérations qu’il en avoit, et se doutant (comme il estoit aisé) que les Espagnols se vouloientlà camper pour nous fascher, et enfin nous mettre hors de la terre , il se résolut et persista en son embarquement : feit faire une bande que tous soldats qui estoientsouz sa charge, eussent présentement à s’embarquer avec leurs armes, et que ses deux enseignes eussent à marcher, ce qui fut fait. Il vint en ma chambre et me pria de luy prester mon lieutenant, mon enseigne et mon sergent, et permettre que tous les bons soldats que j’avois allassent avec luy. Ce que je luy refusay, pour autant qu’il n’y avoit personne qui demeurast au fort , moy estant malade. La dessus il me respondit que je ne devois point douter, et qu’il seroit de retour le lendemain ; que ce pendant le seigneur du Lys demoureroit pour prendre garde à tout. Lors je lui remonstray qu’il estoit chef dedans ce païs , et que de moy je ne pouvois plus rien ; parquoy qu’il advisast bien à ce qu’il faisoit, de crainte qu’il n’en advint inconvénient. Alors il me dit qu’il ne pouvoit faire de moins que de continuer ceste entreprise , et qu’en la lettre qu’il avait receuë de Monsieur l’Admiral il y avoit une apostille, laquelle il me monstra escripte de semblables mots : « Capi- » taine Jean Ribaut, en fermant ceste lettre j’ay

DE LA Floride. 193

» eu certain advis , comme dom Petro Melandes, » se part d’Espagne , pour aller à la coste de la )) Nouvelle France; vous regarderez de n’endurer » qu’il n’entrepreine sur nous, non plus qu’il veut » que nous n’entreprenions sur eux. » Vous voyez (me dit-il) la charge que j’ay, et vous laisse à juger à vous mesmes, si vous en feriez moins , attendu le certain advertissement que nous avons , que desjà ils sont en terre et nous veulent courir sus ; cela me ferma la bouche. Ainsi doncques arresté, ou plustot opiniastré en ceste entreprise, et ayant plustost esgard à son opinion particulière que aux advertissements que je luy avois fait, et aux inconvénients du temps, dont je l’a vois adverty , il s’embarqua le huictiesme jour de septembre , et emmena avec luy trente et huict de mes hommes , ensemble mon enseigne. Je laisse à penser à ceux qui sçavent que c’est que la guerre, si, quand un enseigne marche , il y ayt un soldat qui aye quelque chose de bon dans le ventre, qui vueille demeurer derrière pour laisser son enseigne de loin. Ainsi ne me demourail aucun homme de commandement, car chacun le suivit comme chef, au nom duquel, depuis qu’il fut arrivé, tous les cris et les bans se faisoient. Le capitaine La Grange, lequel ne trouva ceste entreprise fort bonne , fut jusques au dixiesme du mois avec moy, et ne se fust embarqué, n’eust esté les gran-

194 Histoire

des prières que luy avoit faites le capitaine Ribaut, lequel demeura deux jours à la rade, attendant que La Grange le fust allé trouver ; ce qu’ayant fait, ils feirent voile tous ensemble, et onc depuis je ne les ay reveuz. Ce mesme jour qu’il partit, qui estoit le dixiesme de septembre, il sui’vint une tempeste si grande et accompagnée de tels orages , que les Indiens mesmes m’asseurèrent qu’il faisoit le plus mauvais temps qui fut jamais veii en ceste coste ; ce qui fut cause que deux ou trois jours après, doutant que nos navires ne fussent en peine, je manday vers moy le seigneur Du Lys , pour mettre ordre à ce que le reste de nos gens fussent assemblez , pour leur remonstrer la nécessité que nous avions de nous remparer, ce qui fut fait, et alors je leur donnay à entendre la nécessité et inconveniens esquels nous estions en danger'de tomber, tant pour l’absence de nos navires, que pour la proximité des Espagnols, desquels nous ne pouvions moins attendre qu’une guerre ouverte et assez dénoncée, puisqu’ils ay oient pris terre et se fortifioient si près de nous. Que s’il estoit avenu inconvénient à nos gens qui estoiens en mer, nous nous devions bien résoudre d’endurer plusieurs maux, estans en si petit nombre, et si travaillez comme nous estions. Ainsi chacun me promit de travailler, et adonc considérant que l’ordre des vivres estoit petit , et

DE LA Floride. 196

qu’ainsy estant, pourroient-ils à grand peine faire grande besongne, je leur feis augmenter, encore que depuis Farrivée du capitaine Ribaut Fon m’eust toujours fait ma part des vivres comme à un simple soldat, et que je n’eusse eu moyen de faire part d’une bouteille de vin à quelque homme qui le meritast; car tant s’en faut que j’eusse eu le moyen de ce faire , que mesme le capitaine print deux de mes barques , où estoient les farines qui m’estoient restées de biscuits que j’avois fait faire pour retourner en France; si bien que quand je diray avoir receu plus de faveur des estrangers anglois que de ceux de mon païs, je ne diray que la vérité. Nous commençasmes doncques à nous remparer^ et racoustrer ce qui avoit esté demoly, principalement du costé de l’eau, là ou je feis planter soixante pieds d’arbres pour refaire la pallissade, avec les planches que je faisois prendre au navire que j’avois fait faire. Nonobstant toutesfois toute nostre diligence et travail, il ne nous fût oncques possible de la racoustrer, à raison des orages , lesquels ordinairement nous dénoncèrent tant d’ennuis, que nous ne peusmes achever nostre closture. Me voyant en telle extrémité , je feis faire la reveue des honunes qui estoient demourez du capitaine Ribaut, pour sçavoir s’il s’en trouveroit quelques uns qui eussent les armes ; il s’en trouva neuf ou dix , lesquels , comme je pense ,

196 Histoire

n’avoient jamais tiré l’espée du fourreau , excepté deux ou trois. Que ceux qui ont voulu dire qu’il m’en estoit resté beaucoup, de sorte que j’avois moyen de me deffendre , me prestent maintenant loreille , et s’ils ont des yeux à l’entendement , qu’ils regardent quels hommes j’avois. De neuf, il y en avoit quatre jeunes, lesquels servoientle capitaine Ribaut et luy gardoient ses chiens; le cinquiesme estoit son cuisinier ; entre ceux qui estoient hors du fort , et qui estoient de la mesme troupe du capitaine Ribaut , il y avoit un charpentier aagé de soixante ans pour le moins, un faiseur de biere, un vieil arbalestrier, deux cordonniers et quatre ou cinq hommes qui a voient leursffemmes, un joueur d’espinette, les deux serviteurs du seigneur Du Lys, celuy de Beauhaire, celuy du seigneur de La Grange , et environ quatre vingt cinq ou six goujats, que femmes et enfants. Voilà la belle troupe tant suffisante à se deffendre et tant courageuse, conune ils l’ont faite ; et de ma part je laisse à penser, si elle eust esté telle, si le capitaine Ribaut l’eust laissée, pour m’emprunter de mes hommes. Ceux qui me restèrent de ma troupe estoient environ seize ou dix, sept qui poussent porter armes, encores tous pauvres et descharnez ; les autres estoient malades et estropiez de la journée que mon lieutenant eut contre Outina. Geste reveuë ainsi faicte, nous or-

DE LA Floride. 197

donnasmes nos gardes , desquelles nous feismes deux escouades , à fin que les soldats poussent avoir une nuict franche. Puis nous advisasmes de ceux qui pourroient estre les plus suifisans, entre lesquels nous en esleusmes deux, l’un desquels se nommoit le seigneur de Sainct-Clerk, et l’autre le seigneur de La Vigne, ausquels nous feismes délivrer des lanternes et des chandelles pour faire la ronde, à cause du mauvais temps qu’il faisoit. Je leur feis bailler aussi un orloge à sable , à celle fin que les sentinelles ne fussent grevées plus les unes que les autres. Cependant nous ne laissions ny pour le mauvais temps, ny pour la maladie que j’eusse, à visiter les corps de garde. La nuict entre le dixneufiesme et vingtiesme de septembre, La Vigne estoit de garde avec son escouade , là où il feit tout le devoir, encore qu’il pleust incessamment. Quand doncques le jour fut venu, et qu’il veid la pluye continuer mieux que devant, il eut pitié des centinelles ainsi mouillées : et pensant que les Espagnols ne deussent venir en un si estrange temps, il les feit retirer, et de faict luy-mesme s’en alla en son logis. Ce pendant quelqu’un qui avait à faire hors le fort , et mon trompette qui estoit allé sur le rempart, apperceut une troupe d’Espaguols qui descendoient d’une petite montagnette. Incontinent ils commencèrent à crier alarme, et mesme le

igS Histoire

trompette : laquelle incontinent que j’eus entendue, je sortis , la rondelle et l’espée au poing, et m’en allé au meilleu delà place, là où je commençay à crier après mes soldats. Aucuns de ceux qui avoient bonne volonté allèrent devers la brèche, qui estoit du costé du sud , et là où estoient les munitions de l’artillerie, là où ils furent forcez et tuez. Par ce mesmelieu deux enseignes entrèrent, lesquelles furent incontinent plantées. Deux autres enseignes aussi entrèrent de l’autre costé de ouest, là où il y avoit une autre brèche, et ceux qui estoient logez' en ce quartier, et qui se présentèrent, furent deffaicts. Ainsi que j’allois pour secourir ceux qui estoient à la deffence de la brèche du costé du sudoest, je trouvay en teste une bonne troupe d’Espagnols , qui ja avoient forcé nos gens, et estoient entrez, lesquels me repoussèrent jusqu’à la place, là où estans , je descouvris avec eux un nommé François Jean, l’un des mariniers qui desrobèrent mes barques, et qui avoit amené et conduit les Espagnols. Il commença à dire me voyant, c’est le capitaine. Geste troupe estoit conduite par un capitaine, lequel à mon advis estoit don Petro Melandes. Ils me ruèrent quelques coups de piques qui donnèrent en ma rondelle. Mais voyant que je ne pouvois résister à telle compagnie, et quedesjà la place estoit prise, et les enseignes plantées sur les remparts , que je

DE LA Floride. 199

n’avois hommes auprès de moy, qu’un seul nommé Barthélémy , j’entray en la cour de mon logis, dedans laquelle je fus suivy, etn’eust esté un papillon qui estoit tendu, j’eusse esté pris : mais les Espagnols qui me suyvoient s’amusèrent à couper les cordes du pavillon , cependant je me sauvay par la brèche qui estoit du costé de l’ouest auprès de la maison de mon lieutenant, et m’en allé dedans les bois, là où je trouvay une quantité de mes hommes qui s’estoient sauvez, du nombre desquels y en avoit trois ou quatre qui estoient fort blessez. Alors je leur dis : Enfans, puisque Dieu a voulu que la fortune nous soit advenue, il faut que nous nous mettions peine de gaigner à travers les marais jusques aux navires , qui sont à l’emboucheure de la rivière. Les uns voulurent aller en un petit village, qui estoit dedans les bois, les autres me suivirent au travers des roseaux dedans l’eau , là où ne pouvant plus aller, pour la maladie que j’avois , j’envoyé deux des hommes qui estoient avec moy, lesquels sçavoient bien nager, vers les vaisseaux, pour les advertir de ce qui estoit advenu, et leur dire qu’ils me vinssent secourir. Ils ne sceurent pour ce jour-là gaigner jusques aux vaisseaux pour les advertir : et fallut que je fusse toute la nuict en l’eau jusques aux espaules, avec un de mes hommes, lequel ne voulut jamais m’abandonner. Le lendemain matin,

Histoire

ne pouvant quasi plus respirer, je me mis avec le soldat, qui estoit avecques moy, nommé Jean du Chemin, à faire mes prières : car je me sentois si dehile, que j’avais peur de mourir à coup : et de faict, n’eust esté qu’il me tenoit embrassé, et qu’il me soutenoit, il n’eust esté possible de me sauver. Après que nous eusmes faict nos prières, j’entendy une voix qui à mon jugement estoit l’un de ceux que j’avois envoyez, lesquels estoient vis à vis des navires , et appelloient le basteau , ce qui estoit vray : et parce que ceux des navires avoient esté advertis de la prise par un nommé Jean de Hais, maistre charpentier, lequel les estoit allé trouver avec une barque, ils s’estoient mis à la voile pour venir le long de la coste veoir s’ils pourroient sauver quelqu’un , en quoy certes ils feirent fort bien leur devoir. Ils allèrent droit là où estoient les deux hommes que j’avois envoyez, et qui les appelloient. Incontinent qu’ils les eurent recueillis et qu’ils sceurent là où j’estois, ils me vindrent trouver en un piteux estât. Ils me prindrent cinq ou six, et me portèrent en la barque : car il n’eust esté possible que j’eusse sceu marcher un pas. Estant embarqué, aucuns des mariniers se dépouillèrent pour me prester leurs habits, et me vouloient incontinent mener à leurs navires pour me faire prendre quelque peu d’eau-de-vie. Je n’y voulus toutesfois aller que premièrement je n’al-

DE LA Floride.

lasse avec la barque le long des roseaux, pour chercher les pauvres gens qui estoient espars, là où nous en recueillismes environ dix-huict ou vingt. Le dernier quejerecueilly estoit le nepveu du thresorier Le Beau. Après que nous fusmes tous arrivez aux navires , je les consolé au moins mal qui me fut possible, et renvoiay soudain la barque pour veoir si on en trouveroit encores quelques uns. Puis quand elle fut retournée, les mariniers me contèrent comme le capitaine Jacques Ribaut, qui estoit en son navire , distant du fort environ deux harquebuzades , avoit parlementé avec les Espagnols, et que François Jean estoit allé en son navire, là où il avoit longtemps esté, dont ils s’esmerveillèrent fort , veu que c’estoit celuy qui estoit cause de ceste entreprise, comme il le laissoit aller. Après que je fus dedans le navire nommé le Levrier, le capitaine Jacques Ribaut et le capitaine Valuot me vindrent veoir, et là conclusmes de nous en revenir en France. Or d’autant que je trouvay le navire desgamy de capitaine , de pilotte, de maistre, de contremaistre , j’advisay de choisir un des plus suffisans qui fussent en la troupe des mariniers, et ce par leurs voix. Je pris davantage six hommes de l’equipage d’un petit navire, lequel, pour n’avoir point de haictage, et ne pouvoir estre sauvé, avoit esté mis en fond. Ainsi je renforçay l’équi-

202 Histoire

page de celui dans lequel je m’estois embarqué , et feis maistre d’iceluy un qui commandoit pour contre-maistre dans le petit navire. Et pour ce que je n’avois point de pilotte, je priay Jacques Ribaut de me vouloir donner l’un des quatre hommes que je luy nommay, lesquels ilavoitdans son navire, pour me servir de pilotte : il me promit les me bailler , ce que toutesfois il ne feit, lorsque nous estions prests à partir , quelque remontrance que je luy feisse que c’estoit pour le service du Roy. Je fus contraint d’abandonner le navire que j’avois achepté du capitaine anglois, d’autant que je n’avois des gens qui le peussent amener, car son equippage avoit esté pris par le capitaine Jean Ribaut ; j’en pris seulement l’artillerie, laquelle estoit toute deferrée, de laquelle j’en baillay neuf pièces à Jacques Ribaut pour apporter en France ; je mis les cinq autres en mon navire.

Le vingt cinquiesme septembre nous fismes voile pour retourner en France, et navigeasmes le capitaine Jacques Ribaut et moy toute ceste journée, et le lendemain jusques à trois ou quatre heures après midy ; mais pour autant que son navire boulvirit plus que le nostre , il se tint au vent et nous laissa ce jour là. Ainsi continuasmes nostre navigation, pendant laquelle nous eusmes de merveilleux coups de vents. Et environ le vingt-

DE LA Floride. 2o3

huictiesme octobre , au matin au point du jour , nous descouvrismes Tisle de Flors aux Açores : là où incontinent approchant de la terre, nous eusmes un fort grand coup de vent qui venoit devers le northoest, qui nous feist estre à cape quatre jours, puis le vent vint au sud et sudest, et fust tousjours variant. Pendant nostre passage nous n’eusmes pour tous vivres que du biscuit et de l’eau. Environ le dix ou unziesme de novembre , après avoir longuement navigué , et jugeant n’estre guères loing de la terre , je feis jetter la sonde en mer , là où il fut trouvé soixante et quinze brasses d’eau , qui nous feit tous joyeux , et louasmes Dieu de ce que nous avions fait une si bonne navigation. Incontinent après je feis remettre à la voile , et continuasmes nostre route ; mais pour autant que nous avions trop despendu du nortboest, nous entrasmes en la manche Sainct George, lieu qui est fort craint de tous les navigeans, et là où il se perd beaucoup de navires ; toutesfois Dieu nous feit belle grâce d’y estre entrez en beau temps. Nous navigeasmes toute la nuict, pensant estre dedans la Manche, et le lendemain arriver à Diepe , mais nous fusmes frustrez de nostre attente ; car environ deux ou trois heures après minuict, me promenant sur le tillat, je decouvry terre de tous costez , dont nous fusmes estonnez. Incontinent je feis abbattre les voilles et jetter la

2o4 Histoire

sonde. Il ne se trouva dessous nous que huict brasses d’eau , dont je commanday d’attendre le poinct du jour : lequel estant venu , et d’autant que mes mathelots dirent qu’ils ne cognoissoient point ceste terre , je commanday l’approcber. Là où estant près, je feis mouiller l’ancbre, etenvoyay le batteau à terre , pour savoir en quel pays nous estions. Il me fut rapporté que nous estions en Galles, pays d’Angleterre. Incontinent je me feis descendre en terre , là où, après avoir pris l’air, il m’arriva une maladie , de laquelle je pensay mourir. Cependant je feis mettre le navire dedans le havre d’une petite ville nommée Sovaneze^ là où je trouvay des marchans de Sainct-Mallo , qui me prestèrent de l’argent, dont je me feis faire quelques habillements , et à une partie de ceux qui estoient avec moy ; et parce qu’il n’y avoit aucuns vivres dedans le navire , j’acheptay deux bœufs , et les feis saller , et un tonneau de bière , lequel je consignay entre les mains de celui à qui j’avois donné charge du navire , le priant qu’il le remenast en France, ce qu’il me promit faire; quant à moy, je deliberay m’en venir, avecques les miens , par terre ; et après avoir pris congé de mes mathelots, je partis de Sovaneze, et m’en vins coucher avec ma troupe en un lieu nommé Morgan ; là où le seigneur du lieu , sachant qui j’estois, me retint l’espace de six ou sept jours ; et

DE LA Floride. 2o5

au party, ayant compassion de me voir aller à pied, principalement en telle foiblesse où j’étois , il me donna une petite haquenée. Ainsi je suivis mon chemin à Bristo , puis à Londres , là où j’allai faire la révérence à Monsieur de Foix , lequel pour lors estoit Ambassadeur pour le Roy, et lequel me secourut d’argent en ma nécessité. De là je vins à Calais , puis à Paris , où je fus adverty que le Roy s’en alloit à Molins pour y séjourner. Incontinent , et en la plus grande diligence qu’il me fut possible , avec partie de ma troupe je m’y en allay.

Voyla en bref le discours de tout ce qui est advenu en la Nouvelle France, depuis qu’il pleust à la majesté du Roy d’y envoyer ses subjects pour y descouvrir les terres. Les lecteurs équitables et non passionnez pourront aisément juger la vérité du fait , et estre véritables censeurs du devoir que j’y ai faict. Quant à moy, je ne veux accuser ni excuser aucun ; il me suffit d’avoir poursuivy la vérité de l’bistoire , de laquelle plusieurs pourront tesmoigner, lesquels y ont esté présens. Une chose diray-je plainement, que le longdélay faict à rembarquement du capitaine Jean Ribaut et les quinze jours qu’il fut voguant le long de la coste de la Floride, avant que me venir trouver à la Caroline^ ont esté cause de la perte de la Floride ; car il descouvrit la coste dès le quatorziesme

2o6 Histoire de la Floride.

jour d’aoust , et employa le temps à aller de rivière en rivière , lequel luy eust esté suffisant pour descharger ses navires , et à moy pour m’embarquer et retourner en France. Je sçay bien que tout ce qu’il en faisoit estoit abonne intention; toutesfois, il m’a semblé qu’il devoit avoir plus d’esgard à son devoir qu’aux conceptions de son esprit , lesquelles il engruvoit quelquefois si profondément qu’il estoit malaisé de les tirer. Aussi luy en print il fort mal , car il ne fut pas si tost party de nous , que la tempeste le print , laquelle en la fin le contrai gnist de faire naufrage contre la coste ; là où tous ces vaisseaux furent perdus , et luy à peine se peut il sauver des ondes , pour tomber entre les mains de ceux qui le feirent mourir, luy et tous ceux de sa troupe.