En marge : Ne s'en treuve que douze
demandeurs ont approuvé led. Petit comme pannetier, et oy, examiné et cloz ses comptes en ceste qualité, recours au dernier de chascun desd. comptes, signez desd. demandeurs; — la tierce, pour monstrer de la bonne administracion dud. religieux et du reliqua à luy deu, qui est demouré au prouffit des pauvres, et qu'il est expédient et utille et neccessaire pour le bien dud. Hostel-Dieu que led. office de pannetier soit administré par les religieux et non par séculiers qui vouldroient estre payez du reliqua qui leur pourroit estre deu; — lesd. treize comptes cottez au doz par F.
Item, produisent lesd. defifendeurs trois livres, reliez en parchemin, qui sont les comptes de la chambre aux coustes, le premier comman* çant l'an mil vc et deux et le dernier finissant Tan mil cinq cens trente quattre derrenier, qui sont les comptes du revenu des deniers provenans de l'office de la chambre aux coustes, autrement dict la pouillerie, lesquelz comptes lesd. deffendeurs produisent à plusieurs fins : la première, pour monstrer que de tout temps et anciennetté l'office de la chambre aux coustes a accoustumé d'estre tenue et exercée par les religieuses, qui ont tenu compte des deniers provenans à cause dud. office; — la seconde, pour monstrer que depuis l'an mil cinq cens cinq jusques en l'année présente mil cinq cens trente quattre, lesd. religieuses commises à l'exercice dud. office de pouilierie ont tenu bon et loyal compte des deniers provenans à cause dud. office ausd. demandeurs, dont ilz se sont contentez, comme appert par les quittances de mons' le président Brissonnet, l'un desd. demandeurs, et des receveurs dud. Hostel-Dieu, et mesmement de celluy qui est à présent, nommé Savignac; — la tierce, pour monstrer que les deniers clers provenans à cause dud. office ne sont et n'ont esté par chascun an de trois et quattre cens livres tournois, comme lesd. demandeurs ont fietict plaider, mais' que lesd. deniers, ou temps de la plus grande mortalité, qui estoit en l'an vc xix, xxii et xxm, n'ait excédé la somme de sept vingts livres tournois; — la quatrième, pour monstre de la bonne administracion desd. religieuses et du bon compte qu'elles ont tousjours rendu par cy devant jusques à présent, sans ce que aulcun plainctif s'en soit ensuivy; — la cinquième, pour monstrer que, suivant les statutz, il y a deux religieuses pour l'exercice dud. office de la chambre aux coustes, et combien que seur Jehanne la Céline soit vieille et ancienne, comme ont plaidé lesd. demandeurs, toutcffois elle a avec elle seur Cecille la Mareschalle, laquelle a tenu bon compte des deniers provenans dud. office ausd. demandeurs, comme appert par les quittances de leur receveur pour les années v® XXXIII et xxxiiii, signées : Savignac ; et consequemment que lesd. demandeurs sans cause poursuivent la distribution desd. offices; et quant cause y auroit, que non ce n'est à eulx à y pourveoir et que autres que les religieux et religieuses dud. lieu n'y doibvent estre com*
350 DBtJXIÈm PARTIE.
misy atttndu la longue possession et commune observance dud. lieu, lesd. pièces cottées O.
Item, produisent lesd. deffendeurs neuf pièces^, en forme de Chartres, contenans plusieurs admortissemens, octroys et privilleges donnes par les roys de France aud. Hostel-Dieu à la requeste desd. maistre, frères et seurs, pour monstrer que lesd. deffendeurs ont tousjours esté enclins à poursuivre le prouffit et utilité dud. Hostel-Dieu autant ou plus que lesd. demandeurs, combien qu'ilx aient fiaict plaider le contraire, et que iceulx deffendeurs ont poursuivy lesd. octroys; et aussi pour monstrer qu'il est neccessaire qu'ilz aient l'administradon desd. offices pour la neccessité urgente qui y peult estre chascun jour et pour les inconveniens qui en pourroient advenir si auitrement y estoit pourveu, lesd. pièces cottées H.
Item, produisent une cedulle en papier, signée Valençon', par laquelle appert ung nommé Estienne Valençon, séculier, commis par lesd. demandeurs à l'office de despencier, estre demouré redevable en la somme de sept vingts et une livres seize sols sept deniers tournois à cause dud. office, de l'an v« xzxi, dont aulcune chose n'a esté payé, pour monstrer que combien que led. Valençon ayt esté commis par lesd. demandeurs et n'ayt esté que ung an et demy oud. office et eust gros gaiges pour l'exercice d'icelluy, touteffois il n'a si bien adminis* tré led. office comme les religieux, qui n'ont aulcuns gaiges, et est demouré en reste de lad. somme de sept vingts une livres seize solz sept deniers tournois, qui est perdue pour les pauvres, et consequemment que la bonne administracion n'est si grande du costé desd. demandeurs comme ils ont plaidé, et que les officiers séculiers par eulx commis n'ont administré si légalement le bien dud. Hostel*Dieu conmie les religieux, lad. pièce cottée J.
Item, produisent deux attestacions, signées : Boteau et Martin, par lesquelles appert de la malversacion de maistre Pierre Mabillotte, autrement dict Babillotte, séculier, que lesd. demandeurs se sont efforces commettre i l'exercice de l'office de pannetier, ainsi qu'il a esté plaidé par lesd. demandeurs, pour monstrer que à bonne et juste cause lesd. deffendeurs ont empesché que led. Babillotte n'eust l'exercice dud. office de pannetié, tant par ce qu'il est séculier que aussi que ja il a malversé et poursuivy le dommage d'icelluy Hostel-Dieu, lesd. pièces cottées K.
Item, produisent une sentence donnée de mess** de l'église de Paris, par laquelle appert Guillaume Janvier, nagueres portier séculier, pour plusieurs excès et maiversacions par iuy commises en sond. office, et mesmes pour avoir poilu l'Oise, avoir esté privé de sond.
t. En mmrge ; Ne se treave que sept pièces.
