CHAPITRE LXXV

Comment ma dame, sans oyr la creafice, fait à la royne sa responce.

L'acteur. — Endementiers que ma dame estoit à l'abbaye pour acquérir les pardons, arriva ledict maistre Julien de Broy, secrétaire de la royne, qui la trouva à table assise, où elle disnoit ; à laquelle franchement et lyement, comme l'ung de ses especiaulx amys de court, pensant avoir très bonne chiere, luy présenta les lectres de la royne. Ma dame, qui de sa venue n'eut que desplaisir, à très peu de parolles print les lectres de la

royne et les leut ; dont, pour plus tost estre délivrée de luy, se hasta de disner et lever les tables ; puis incontinent s'en va en son hostel pour rescripre la responce, puis dist : « Ah ! maistre Julien, disnez et incontinent venez à moy. » Damp Abbez, qui gracieulx estoit, fist à maistre Julien très bonne chiere, et s'assist, pour deviser, viz à viz de luy; et entandis qu'il disnoit, vint à damp Abbez ung de ses braconniers, qui dist avoir destourné ung très grant cerf, accompaigné de dix ou douze biches. Pour veoir ung si bel deduyt, lors dist damp Abbez : « Je plains que ma dame n'est cy; mais, à tout prendre, nous actendrons à demain. — Et comment, dist maistre Julien à damp Abbez, ma dame va elle chasser voulentiers ? — Voulentiers, dist damp Abbez sans y penser, ouy, deux ou trois j ours la sepmaine, tant à pié qu'à cheval, puis à une chasse, puis à l'autre.

— Et monseigneur l'Abbez, dist maistre Julien, estes vous garny de bons chiens et lévriers ? — Se j'en suis garny ? oy, et de très bons oyseaulx aussi bien que prélat de France quel qu'il soit.

— Saincte Marie ! dist maistre Julien, ce vous est un grant honneur. » Et, en devisant avecques damp Abbez, il vit en son doy le bel et gros ruby ballay qu'il avoit autresfois veu à ma dame, si n'en dist mot, mais pourtant jà n'en pensa moins ; et quant il eut disné et retenu

î66 LE PETIT JEHAN DE SAINTRÉ

des parolles de damp Abbez ce qu'il veult, lors prent congié, le remerciant très humblement et très grandement ; puis monta à cheval, et alla à ma dame, comme elle luy avoit dit, à laquelle il dist sa créance ainsi que sa lectre contenoit. Ma dame, qui de soy en délivrer fut deligente, luy bailla sa lectre de responce à la royne, qui fut telle qui s'ensuyt :

« A ma très redoubtée et souveraine Dame, « la Royne.

« Ma très redoubtée dame et souveraine, à « vostre très bonne grâce humblement, tant « que je puis, me recommande par maistre « Julien de Broy, vostre secrétaire. J'ai receu « voz lectres et bien veu le contenu d'icelles, s< dont tant humblement, comme je puis, vous « supplie que de ma promesse faillie vous ^< plaise moy pardonner, à la nécessité qui m'a « tenue jusques à cy ; combien que, Dieu « mercy, je commance fort à amander. Et ung « peu après que j'auray besongné avec mes « gens, incontinent seray devers vous, pour « acquiter ma foy ; et au surplus vous plaise « moy mander et commander pour très liement « à mon povoir obéir. Au plaisir du sainct « Esperit, ma très redoubtée et souveraine « dame, que vous esjouissez comme desirez.

« Escript de ma main, le seiziesme jour « d'apvril.

« Vostre très humble et obéissante. »