CHAPITRE LXXIV

Comment la royne escript a ma dame la première fois.

L'acteur, — Advint que les deux moys qu'elle avoit promis de retourner à la royne furent passés, sans faire savoir nouvelles d'elle par lectre, ne aultrement; dont la royne, de ce très esmerveillée, luy rescripvit une lectre en la manière qui s'ensuyt :

« A nostre très chière et très amée Cousine.

« Très chiere et très amée Cousine, actendu « la promesse de vous à nous, dont les deux « moys et demy sont jà passés, et oncques « puis vostre partement une seuUe paroUe de « par vous ne sceusmes, dont sommes très « esmerveillez, vous requérant de vostre foy « que pour tout ce présent moys vous vueillez

« acquiter, tant avons désir de vous veoir ; et « se chose voulez, que nous peussions, de très « bon cueur l'accomplirons, ainsi que vous dira « nostre vaillant secrétaire Julien de Broy, « auquel sur ce vueillez adjouster foy comme « à nous mesmes. Très chiere et amée Cousine, « notre Seigneur soit garde de vous. Escript « en nostre ville de Paris, le huitiesme jour « d'apvril.

« Bonne. »