CHAPITRE LXXVII

Commeni le seigneur de Sahitré et ses compaignons vindrent a la court de l'empereur ; et comment a leur grant honneur furent, par les seigneurs ci après nommez, délivrez de leurs armes , tous hommes nobles de nom et d'armes.

C'est assavoir : le conte d'Estainbourg, qui portoit de gueuUes au chief d'argent.

Le conte d'Espenchen, qui portoit eschaqueté d'or et de gueulles.

Le seigneur d'Escruvenosse , qui portoit à tourteaulx de gueulles et d'argent.

Le seigneur de Floraille, qui portoit d'argent à ung saultouer de gueulles.

Le seigneur d'Esmalle, qui portoit d'or à une croix de sinople.

Le seigneur de Hufallaise, qui portoit d'or à une croix d'asur.

Le seigneur de Wassebech, qui portoit d'or à ung escusson de sinople.

Le seigneur de Huppain , qui portoit de gueulles à trois lousenges d'argent.

Le seigneur de Congié, qui portoit d'or à une faisse de gueulles.

Le seigneur de Feulx, qui portoit de gueulles à une croix d'argent.

Quant la nouvelle fut à la court de l'empereur que dix barons de France venoient et portoient emprises d'armes, le bru}^ qui les delivreroient en fut grant. Lors furent les seigneurs et barons cy devant nommez, qui ensemble furent à l'empereur supplier qu'il lui pleust consentir qu'ilz les délivrassent ; et l'empereur voulentiers leur octroya. Alors chascun se mist en point de toutes choses nécessaires, tous dix ensemble firent aux François leur gracieuse responce ; et n'y eut celuy qui ne donnast au roy d'armes robbes, bagues et vaisselle d'argent. Si ne tarda mie long temps que leurs fourriers, pour prendre leur logis, vindrent, puis eulx dedans huyt jours. L'empereur, comme très saige prince, fist à luy venir lesdits seigneurs, et voult savoir s'ilz estoient d'acord lesquels choysiroient ; si fist mectre en escript le nom des Françoys, ainsi que en la lectre nommez estoient, pour les oster du desbat, lors fist jouer au sort celuy qu'ilz choysiroient, dont chascun fut très content.